Синдзи Кагаваның келер жылы үздік атануының 5 себебі

Бүгін www.bleacherreport.com сайтынан қызық жазба оқып едім. Сайттың Макс Тоуле деген колумнисті «МЮ» футболшысы Синдзи Кагава туралы жазыпты. Өзімше аударған болдым. Түсініксіз жерлері болса, айып етпеңіздер.


Синдзи Кагава

Чемпиондар лигасы финалының алдында Юрген Клопптың Синдзи Кагава туралы айтқан пікірін оқып жылағым келді.
The Guardian басылымына берген сұхбатында «Боруссия Дортмунд» бапкері Кагаваның «Олд Траффордтағы» дебюті туралы былай деді:

«Синдзи Кагава – әлемдегі ең үздік ойыншылардың бірі. Қазір ол «Манчестер Юнайтедте» 20 минут ғана ойнайды. Сол қанатта! Жүрегім қан жылайды. Шынымды айтсам, көзіме жас келеді.
Орталық алаң Синдзидің ойқастайтын жері. Ол өмірімде көрген қорғанысқа көңіл бөлетін жартылай қорғаушы болғанына қарамастан көп гол соғатын жалғыз футболшы. Бірақ, көптеген жапон футболшыларына «Дортмундта» ойнағаннан гөрі, «МЮ»-да доп тепкен ұнайды».

Жапон үшін әлемдік аренадағы өткен жылы есте қаларлықтай болды, бірақ аздаған кедергілер әсер етті. Ол қазіргі кезде «қызыл сойқандар» үшін ерекше атанудың аз алдында тұр. Келесі маусымда «МЮ»-дың үздік ойыншысы атануы мүмкін. Төменде мені ондай ойға жетелеген бес себепті оқыңыз:

1. Өз орнын табу.



Кагаваның өткен маусымды сәтті өткізе алмауының себебі, оның алаңның басқа жағында, Сэр Алекс Фергюсон белгілеген жерде ойнауында.
Әрі қарай

BIKTV телеарнамыздың түсірілімі басталды... Промо-ролик


Сәлем, достар!
Әйтеуір әртүрлі себептермен созылған телеарнамыздың жұмысын бастадық. Кеше біраз роликтер түсірдік, ал мынау промо ролик сәтсіз моменттерден құралды. Осы Керекинфо сайтында видео блоггинг жүргізгісі келіп жүрген блоггерлер болса және жақсы түсіре алсаңыздар, шын көңілмен және шын ниетпен арнамызда көрсетуге дайынбыз.
Әрі қарай

Ақтау қаласында 2-ші рет Домбыра Party өтті!

Сәлеметсіздерме, ағайын! Ақтау қаласында Мамыр айының 30-шы жұлдызында 14 шағын-аудандағы теңіз жағалауында 2-ші рет Домбыра Party өтті. Ең алдымен Уайс Ерсайынұлы ағамыз жиналған қауымға Домбыра Party жайлы қысқаша мағлұмат берді. Тойдың боларынан, боладысы қызық демекші, Домбыра Party басталмас бұрын бір қызық болды.Ұйымдастырушылар, күйшілер, термешілер әне-міне дегенше, аз уақыт ішінде төрт көзіміз түгел, бір уақытта жинала қалыппыз. Домбыра Party-ды тамашалауға асығып жүріп, бір-бірімізге сеніп, ең маңызды аспапты Домбыраларымызды үйге қалдырып кетіппіз.Содан Домбыра Party-ды бастамақшы болғанда домбырамыздың үйде қалып қойғаны есімізге түсті. Сабақты ине сәтімен, демекші, біздің Домбыра Party-ды естіп Абыл, Нұрым, Ақтан берісі Сәттіғұл, Сүгірлердің жолын жалғастырушы, дәстүрлі жас әнші – Сәттіғали Нұрдаулет келді. Сөйтіп Домбыра Party-дың шымылдығын Сәттіғали Мэлс Қосымбаевтың «Маңғыстау» атты әнімен ашты. Сәттіғалидың термесіне сүйсініп қарап тұрған кезде, уйде қалдырып кеткен домбыраларымызды да әкеліп үлгеріпті.Неде болса қызық жағдай болды. Домбыра Party-ды тамашалауға жиналған жұртшылықтың ішінде еңбектеген жастан бастап, еңкейген кәрі ата-әжелерімізде болды. Домбыра Party –ге Сәттіғали Нұрдаулет,Қыдырбай Қарабаев, Қален Нұрым, Ержан мен Ақерке, Рафхат, Зәмзәм атты апамыз және тағыда басқа Ақтау қаласының жастары, егде жастағы апа-ағаларымыз келіп, өз улестерін қосты. Сөйтіп Ақтау қаласында өткен 2-ші Домбыра Party өз мәресіне жетті. Домбыра Party соңында, Сәттіғали Нұрдаулет өзінің үнтаспасын естелікке сыйға тартты. Жиналған халық риза болып тарасты.

www.youtube.com/watch?v=dcFo5qi_TyE
www.youtube.com/watch?v=6ci0aRdOGag
www.youtube.com/watch?v=huhPY1ID6s8
www.youtube.com/watch?v=xs3MKPY1ZFI
www.youtube.com/watch?v=K9MzRft4Y10
Әрі қарай

Форточканың қазақшасы қандай?

Авторы мен емес, шындығын айтайын, бірақ қазақша нұсқасын жазуды ұмытпаңыздар.

«Желкөз» деп атап жүр. Жел мен көз көз келмейтін сияқты. Терезенің «желкөзін» ашшы, немесе ашып жіберші. «Желтесік» деп аударыпты. Ол ващше келмейтін сияқты. Сіздің нұсқаңыз қандай?
Әрі қарай

Соғыста болған жандар сөзімен...

Өзге қалаларда қалай екенін қайдам, Астана көшелеріндегі баннерлерге ҰОС ардагерлерінің суреті ілінді. Әрдайым жол бойындағы баннерлердің орындалу шеберлігіне, мәні мен мазмұнына назар аударып, «Креативті не бар екен?» деп қызыға қарап жүретін мені бұл өзгеріс таңқалдырды. Астанадағы алғашқы көктемім болғандықтан, бұған дейін бұлай жасалған-жасалмағанын білмеймін. Өзім бірінші рет көріп отырмын. Ал қазіргі ілулі тұрған баннерлердің дизайны ұнады. Қара фонға жарық беріліп, сол шуаққа қойылған жылы жүздер көз тартады.Келтірілген цитаталар да мәнді.
Әрі қарай

Екі рет жеңіс әкелген тұмсық немесе Отан қорғаушылар күніне оффтоп

Мүйізтұмсықтың мүйізі.

Әлі күнге дейін мүйізтұмсық мүйізінен жасалынған ыдысқа у қосылған шарап құйылса бұрқылдап қайнайды, мүйізден жасалынған ұнтақ ауыр толғақ кезінде оңай босануға көмектеседі, оба ауруын емдеп жазады, адамды жасартып, терісін балғын етіп, бет жүзінің әжімін кетіріп, ең бастысы еркектің қуатын қалпына келтіріп, күшіне күш қосып айғыр етеді деген сенім бар, наным бар, қысқасы сондай соқыр дүмшелік бар. Осы себепті де мүйізтұмсықты аулап, мүйізін жұлып, не қырқып алып, одан қанжарға сап жасап, не ішін ойып қуыс етіп, шарап құйып ішеді, ал бұтағы оянбай қиналып жүрген бейбақ болса, мүйізін ұнтақтап күнде ішеді. Сонымен, әлем халқы, соның ішінде Орта Азия тұрғындары, араб елдері әсіресе Қытай медицинасы құдайдай көріп, сеніп келген мүйіз расымен де сонау мифологиялық кейіпкер Дарамүйіздің (единорог) ұрпағы ма?
Мүйізтұмсықтың мүйізі-ешқандай да сүйекті зат емес, талшықты зат. Бір-біріне қабыса,өріле, тығыз бірігетін кератин депи аталатын талшықтардан құралады. Көшеде кеуіп жататын аттың тұяғын көргендер бар шығар. Сондағы ат тұяғының неден тұратынын білген адам мүйізтұмсық мүйізінің де құрамын біледі. Ат тұяғы не, мүйізтұмсықтың мүйізі не, екеуі де бір құрамға ие, кератин деген заттан тұрады.
Әрі қарай

Мюзикл көрінісі

би өнері
Мамыр айының алғашқы күндері. Таңертеңнен бері күн бір түйіліп, бір ашылды. Ұйтқып соққан жел, анда-санда себелеген жаңбыр ешқандай романтикалық көңіл-күйдің орнауына септігін тигізбейтіні анық еді.
Бірақ, табиғаттың ауыспалы мінезі, әуен ритмі және көпшілік ортасында орындалған би -мюзикл сюжетіне бергісіз көріністі күтпеген жерден көріп қуандым. Мұхит асып, Нью-Йорктегі Бродвей бойындағы мюзикл спектакліне барғандай әсер алдым.
Әрі қарай

Әлемді билеген символдар

Темір адамды таныстып жатудың қажеті шамалы, кино саласындағы қызықты «Темір адам», «Темір адам — 2», және енді нарыққа шыққан «Темір адам — 3». басында сүйсініп көргенім енді, соңғы 3-ші нұсқасында бір өзгеріс байқадым, мүмкін ол жәй солай болған шығар. Неге олай өзгертті екен деген сауал ойымнан шықпай қойды

Әрі қарай

Оздырдым-ау әйтеуір...

Қазақты жылқысыз және домбырасыз елестету қиын. Біздің жақта Жолдыбай атты атбегі кісі бар. Сонау Кеңес заманынан бері қосқан аты бәйгенің алдын бермеген деседі. Біз тәуелсіздіктің алғашқы жылдарындағы, екі мыңыншы жылдарға дейінгі қосқан жүйріктерін көріп жүрдік. Оның қосқан атынан ат оздыру деген керемет мәртебе еді. Ол мәртебеге біздің ауылда менің ағам Ахмет және Жолтай деген құдамыз ғана ие болды. Ахмет ағамыздікі анық оздыру еді. Ол кісінің қосқан жүйріктері де бәйгенің алдын бермейтін болып шықты. Кішкентайымнан өзім бәйгеге шапқан буырыл атының әр аяғына құлынды бие байлаған Жолдыбайдың бетін қайтарғанын өз көзіммен көргенмін. Дегенмен, біздің айтпағымыз басқа әңгіме.
Енді, Жолтайдың Жолдыбайдан ат оздырған оқиғасына келейік. Бақ дегеніміздің өзі құс секілді ғой. Біреудің басына ұзақ қонады, біреуге тіпті қонбауы да мүмкін. Жолдекеңнің бағы тайды дей алмаспыз. Бірақ, бір жылдары қосқан аттарының бәйгеге ілікпей қалған кездері болды. Аттары көңілінен шықпаған соң, Жолдекең басқа жақтан жылқы сатып әкеледі. Ол жылқысын баптап, біреудің алпыс жылдығана ма әйтеуір бір дүбірлі тойға қосады. Ол тойға Жолтай құдамыз да үкілеп бір ат апарады. Шамасы 40-50 ат шапқан бұл бәйгеде Жолтай құдамыздың да Жолдыбайдың да аты ілікпей қалады. Бірақ та осы жарыстан соң біздің ауылда «Оздырдым-ау әйтеуір» деген сөз тіркесі пайда болды. Мәселенің мәнісі былай екен. Жолтай құдамыздың аты бәйгелі болмаса да атақты Жолдыбайдың атының алдында келіпті. Мұны көрген Жөкең «Жолдыбайдың атынан оздырдым-ау әйтеуір» деген екен-міс…
Әрі қарай