КерекИнфо мотиваторлар байқауы

КерекИнфоны қысқаша қалай суреттер едіңіз? Бір-екі сөзбен қалай сипаттар едіңіз? Осы ойыңызды мотиватор арқылы жеткізіп көріңіз. Сіз үшін КерекИнфо не?

Байқауға тек мотиваторлар қатысады. Сондықтан мотиватор талаптарына сай болуы тиіс:

— тақырыпқа сай сурет, көк фон ішіне орналастырылады;
— ортасына Times New Roman шрифтімен қою қылып KEREKINFO.KZ сөзі жазылуы тиіс;
— астына сіздің КерекИнфо туралы сөзіңіз;
— суреттің ені 500 пиксельден аспауы тиіс;

Мысал үшін мынандай мотиваторлар:


Әрі қарай

КерекИнфо қолданушысы, кім ол?



КерекИнфо қандай сайт?
КерекИнфо Livestreet CMS арқылы жасалған блог жүйесі. Бұл форматта коллективтік блог (қауымдастықтар) және жеке блог жүргізуге болады. Ешқандай техникалық білім қажет емес. Тіркелген қолданушы бірден өз блогына мақала жаза алады, сурет, сілтеме, аудио, видео қоса алады, сауалнама жүргізе алады. Сондай-ақ бұл жер еркін пікірталас алаңы. Пікірталас бар жерде әрине оффтоп та флуд та болады. Кейде мақаладан гөрі пікірлер қызықты болып жатады. Көпшілікке де ұнайтын нәрсе осы пікірталасу.
Әрі қарай

Әншілерге бәрі тегін бе?

Жақында танымал бір музыкант сайт және блог керек дегесін офисіне барып едім. Бір күн бұрын келіскен уақытымызда келмеді, амал жоқ телефонмен сөйлесуге тура келді. Сайт жасау ақылы екенін естіген кезде «ой, былай да жасап беретіндер бар ғой» деді. Бар болса неге жасатпаған бүгінге дейін?  Ақшасы жоқ емес бар, біз мінбеген машиналармен жүреді, бізде жоқ үйде тұрады. Неге жыланады осылар түсінбеймін. Бұл менде бірінші рет емес, бұған дейін де біраз әншілер сайт керек деп, сосын хабарсыз кетті айтқан ақымды қымбатсынып. Ал тіпті бір әнші қыз сайт дайын болған кезде «кешірші, бәрі жақсы болды, тек мамам сайт не керек деп ақшасын бермей отыр, сенен ұят болды» деп тұр

Ойлаймын да әншілерге бәрі тегін болуы керек пе екен? Халықтан тегін қызмет күтеді ме екен?
Әрі қарай

Сайт жаңа нұсқаға көшті



LiveStreet CMS жүйесіндегі сайтымыз жаңа нұсқаға көшті. Кем-кетік жерлері әлі толықтырылады. Жаңа нұсқаның жаңалықтарын өздеріңіз көре жатасыздар. Басында аздап көз үйренбеуі мүмкін. Бірақ, қолдана келе бұрынғыдан жақсы екеніне көздеріңіз жететін болады. Әзірше жаңа функциялар туралы жазбаймын. Пікірлерде бірге жаза тұрайық.
Әрі қарай

Керек-Айтыс басталады жақында

Айтыстың электронды түрін өткізіп көрсек деген ұсыныстар бар. Админ ретінде ұйымдастыру жағын өз мойныма алып жатырмын.
Өтетін орны — осында арнайы қауымдастық ашылады, сол жерде әр жұп өз шумақтарын пікір ретінде жазып отырады.
Қатысушылар саны — 8 ақын 4 жұпқа бөлінеді. Одан кейін жартылай финал, сосын 3-ші орынға талас және финал.
Алғашқы төрттікке жүлдеміз бар.
Тақырып — Интернет төңірегінде болғаны дұрыс шығар деп ойлаймын.
Қатысуға өтініш — қатысқысы келетіндер маған жекеге жазсын. Тақырыбын Айтыс деп жазсын.
Жеребе — маған келген өтініштер реті бойынша жүргізіледі, яғни 1 — 5, 2 — 6, 3 — 7, 4 — 8
1-ші өтініш білдірген адам 5-ші өтініш білдірушімен жұптасады.

Ережелер және қосымша ұсыныстарыңызды осында пікір қылып жазыңыздар.
Әрі қарай

КерекИнфо сіздің қолдауыңызды күтеді



Құрметті Керекшілер, сайт хостингіндегі орынның азайғанына байланысты, ұлғайту және келесі жылға создыру мақсатында сіздерден қаржылай көмек сұраймын. Бұл сайт ешқандай ұйымның немесе бір демеушінің көмегімен тұрған сайт емес. Өзіміздің сайтымыз. Сондықтан мүмкін болса келесі айдың басында әр қолданушыдан 500 теңге көлемінде көмек сұраймын. Бере алмасаңыз да ешкім ренжімейді, ерікті түрде барлығы.
Әрі қарай

КерекИнфо-2012. Жыл қорытындылары.



Жыл қаласы: Астана
Биылғы жыл астаналық керекшілердің көбейген жылы болды. Көбейіп қана қоймай бірнеше іс-шараларды ұйымдастырды да астаналықтар. Басқа қалалардағы керекшілерге қарағанда биылғы жылы астаналықтар көбірек белсенді болды.

Жыл жиыны: Блог-құрылтай
Ешқандай талассыз биылғы жылдың үздік жиыны деп Блог-құрылтайды атауға болады. Осымен 2-ші рет, Астанада 1-ші рет өткен Құрылтай жақсы өтті. Құрылтай арқасында достық қатынастар нығая түсті.

Жыл флеш-мобы: Домбыра-пати
Өнерді және қазақылықты насихаттау мақсатында жасалған бұл флешмоб алдағы уақытта кең көлемді болады деп ойлаймын. Күзде аз уақыт қана болғанымен ел есінде қалған қозғалыс болды.

Жыл мазағы: Рафаелло құрбандары
Немесе жыл жазасы. КерекИнфода жақсы дамып келе жатқан стеб стилін ұстанушылардың бірі Рафаеллоның тұзағына түсен БАҚ өкілдері жылдың басты кейіпкерлеріне айналды.

Жыл креативі: Кино-пати
Киностан жігіттерінің ұйымдастырумен басталған Алматыда өткен кино-патилер жылдың үздік идеясы, креативі.

Жыл суреті: «Гол жіберсеңдер қатынсыңдар»
Австрия — Қазақстан матчының соңғы минуттарында стадионда керекшілер көтерген бұл жазу әлеуметтік желілерде ең көп шейірленген, ең көп әңгіме болған сурет болды.

Менің ойыма түскендер осылар болды. Бірге жалғастырайық.
Әрі қарай

Мақсат күлдіру емес



Алдында Крис пен Олиден сұрағанбыз сіздер флудпен, троллингпен қалай күресіздер деп. Олар негізі сұрақты түсінбеді, яғни ондай мәселе жоқ деді олар. Оларда өйткені бір қолданушы этикасы бар, басқаны сыйлау, басқаның ойын сыйлау түсінігі бар. Ал бізде өкінішке орай бұл әлі мәселе болып келе жатыр. Мақсат басқаларды күлдіру сияқты болып тұрады. Күлу, күлдіру әрине жақсы, Құдайға шүкір күлдірткіш таланттардан кенде емес екенімізді де көріп жүрміз. Бірақ, осыны азайтсақ қайтеді? Күлкінің де реті бар ғой, күлдіруге, күлуге арналған посттар да жетіп жатыр. Салмақты тақырыптар, каменттерді де әрі қарай келеке, мазақ қылып кетпесек қайтеді? Одан да сол тақырыпта жақсы ойымызды жазып, басқаның ойына да құрметпен қарасақ жақсы емес пе? Бұл жерде бәрі бір ойда болуы мүмкін емес қой, пікір жазу, пікірталас та сол үшін емес пе адамдар салиқалы пікірталас жасаулары керек. Бұлай кете берсек сайтымыз арзан сайттардың бірі болып кетеді.
Әрі қарай