Мен Гуглмін!



Мен Гуглмін немесе Гуглменмін!

Негізгі жұмысымнан бөлек жұмыста бір оқиғаға байланысты материал, фото тауып берумен айналысамын. ХХІ ғасырда өмір сүреміз, технология бәрі дамыды дейміз, бәрінде интернет бар дейміз. Бірақ, соның бәрі босқа сияқты. Бәрін тастап гуглдетуге мәжбүрмін. Өйткені бұл жұмысты тек Гуглмен істейді, Google тек солар үшін ғана құрылған сияқты.

Жұмыстан бөлек те көп адамдар мазалайды, көбісін наққа емес Гуглге жіберемін. Түсінбеймін адамдар өздері іздеуге ерінеді ме әлде мен бәрін біледі деп ойлайды ма екен?

Қиын емес қой іздеу деген. Кілтсөздерді дұрыс жазсаң болды ғой. Суретті де материалды да оңай табуға болады. Әлде бұл іс әркімнің қолынан келмей ме? Орысша айтқанда «чутье» да керек пе?

Қой жарайды кеттім, Моңғолия президентінің, грек премьерінің, Сингапур президентінің фотоларын іздеп келейін.
Әрі қарай

Қазақ-түрік лицейінде оқып, Олимпиада жүлдегері атанғандар



Қазақ-Түрік Білім Қорының (KATEV) сайтында бүгінге дейін Республикалық, облыстық білім олимпиадаларында орын алғандардың тізімі бар екен. Өзімді тауып алдым :) КерекИнфошылардан @Nurgisa да ағылшыннан 1-ші орын алған екен.
Таныстарыңызды іздеп
Әрі қарай

Сайт жаңаруда



Сайт дизайны жаңартылуда. Көрген қателеріңіз болса жаза отырыңыздар. Бұрынғыға қарағанда мындай ақ фон жақсы сияқты.

Сайт жылдамдығы туралы да пікір жаза отырыңыздар.

Update: басқа хостингке көшірілді. Өзгеріс байқала ма, пікір жазу кезінде тез кетеді ме?
Әрі қарай

Кімдердің Исламын ұстанамыз?

Админнің бөлмесі: Кімдердің Исламын ұстанамыз?
Қазақ.кз сайтына дін тақырыбында жақсы, өте сауатты мақала шығыпты. Мақаланы түгел көшірмей-ақ қояйын. Түпнұсқасын мына жерден оқырсыздар. Автор қазіргі кездегі еліміздегі мұсылмандарды 5 топқа бөлген екен. Өте жақсы анализ істеген. Тілімізді бүлдіргендер енді дінімізді де бүлдіріп жатыр, болашақта қазақ деген ат жойылып кетеді ме деп те қорқамын. Мақаланы ерінбей оқып шықсаңыздар да болады, біраз ақпарат аласыз. Кімдерден қауіп күту керегін түсінесіз.

Сонымен қазіргі мұсылмандар мынандай екен:

1. Олардың біріншісі қазақ халқы осы кезге дейін ұстанып келген Ханафи мазхабын ұстанатын, Діни Басқарма Мүфтиаттың төңірегіне топтасқан намазхандар. Олар Мүфтиат тағайындаған мешіт имамдарына бой ұсынып, туындаған діни мәселелерде соларға жүгініп, мазхаб тәртібі бойынша құлшылықтарын атқарады. Олар шариғатқа қайшы келмейді деп танылған салт-дәстүрлерді ұстанады, ресми билікті мойындайды, және иманның шарттарын сақтайтын өзге топтардағы намазхандар мен намаз оқымайтын жандардың да мұсылмандықтарына шүбә келтірмейді. Сол арқылы имамдарына бой ұсынушы мешіт намазхандары өздерінің кеңдігімен, сабырлылығымен ерекшеленіп, орташа көзқарас ұстанатын жамағат ретінде танылады.
Әрі қарай

Сүйіктіңіз бұл сайтқа кірмейді, иә?

-Уа жама'ат, офф-лайнда өмір бар ма? - деп сұрады сонда Ол. (c) Евангелие от Амандык, стих 73:2. Адам оффлайнда бөлек өмір сүргісі келеді ме, сүйікті адамдарын (әйелі, күйеуі, қызы, жігіті, ағайындары) өзі жүретін сайтта жүргенін қаламайды, иә?
Әрі қарай

Бір үзім романтика



Бүгін маған жазылған құттықтау каменттерін оқып отырып, Нұрғисаның бір жайтты еске түсіріп жіберді. Сіздермен бөлісейін дедім:

Шамамен 2003 жыл болуы керек. Ол кезде де КерекИнфо админімін. Түркияда студент кезім. Гүлчин деген түрік қызым болды. Сол қызбен бір ренжісіп қалған кездерім болуы керек (негізі қыздармен 1000 рет ренжісіп, 1000 рет татуласатынмын). Бір ой келді Гүлчинге сюрприз жасайын дедім. Керекинфо форумындағы қолданушыларға өтініш тастадым, Гүлчиннің номеріне «Arshat seni seviyor» (Аршат сені сүйеді) деп SMS жіберіңдерші дедім. Қазақстан, Ресей, Түркия, Қытай, Америка, Корея, Моңғолия сияқты неше түрлі елден SMS барыпты Гүлчиннің номеріне. бір мәз болып қалып еді.

Ол кезде флешмоб деген түсінік жоқ, идея қарайтын Google жоқ. Бәрі оригинал еді, ойлай алатын едік, ойланатын едік. Романтика бар еді. Қазір білмеймін, заман өзгеріп келе ме бұрынғыдай ой, бұрынғыдай романтика жоқ сияқты. Әлде мен байқамаймын ба қазіргі жастардан?..

Сіздер де өткен жылдардағы романтикалық сәттеріңізді бөлісе отырыңыздар.
Әрі қарай

КерекИнфоға терминал арқылы ақша салу

Керекинфоның хостингіне көмек ретінде ақша жиналатыны туралы өткенде айтқан едік. Негізінде бір қаладағы қолданушылар бірігіп, жинап банк арқылы салып жібергендері дұрыс. Ал, ондай мүмкіндігі жоқтар терминал арқылы салса болады. @sigma комиссиясы көп екенін айтты. Бірақ, бұл ең тиімді жол сияқты. Мысалы SMS арқылы жинағаннан әлдеқайда арзанға шығады. Өзім кеше салып, сосын оны Webmoney-ге айналдырып көрдім.
Әрі қарай