Дәрігерлердің айтуынша, бұл жағдай кез келген нәрестеде бола бермейді.

Медицинада балалар ауруы ретінде мойындалмаған дерттің бірі – нәрестенің арқасында болатын «тікенек» (кочерга – «көсеу»). Жас аналардың көпшілігі, тіпті, кейбір бірнеше баланы өмірге әкелген аналардың өзі бұл туралы білмейтін болуы мүмкін. Себебі, ол барлық нәрестеде бола бермейді. Десек те, ол апа-әжелерімізге таныс. Халықтық медицинада оны емдеу керектігі айтылады. Әлбетте, балаға ыңғайсыздық тудырған жағдайдан арылту қажет. Дегенмен, медицинада бұл туралы не делінген? Нәрестенің арқасында «тікені» бар екені қалай білінеді? Оны қалай емдейді?

Сәбидің мазасын алатын «ТІКЕНЕК» — ол не?
«Тікенектің» тағы бір атауы – «қылтан». Ол – нәрестенің арқасындағы терісін жарып өтіп шыға алмай жатқан түк.
«Тікенекті» байқау қиын емес.
Мұндай түктер сыртқа шыға алмаған соң тері астында өсе бастайды. Түк өскен сайын «көсеудің» (кочерга) пішініне айналады да, ішінен қадалып сәбидің тәніне батады.
Сондықтан да бұл дерт «көсеу» деп аталған.

Медицинада бұған арнайы түсініктеме берілген
«Тікенек» немесе «көсеу» аталған бұл жағдай сәбидің бір қалыпта ұзақ жатуы әсерінен ұйпаланып, түйіршіктеліп қалған түктер. Ол нәрестені жақсылап шомылдырса кетеді, деседі медицина қызметкерлері.
Нәресте туылғанда оның терісі қызарып тұруы қалыпты жағдай. Терінің қызаруы кеткен соң орнында эпителий қабаты мен түктер түзіледі. Дәл осы қабатты әжелер «тікенек» немесе «көсеу» (кочерга) деп атайды.
Дәрігерлердің айтуынша, бұл жағдай кез келген нәрестеде бола бермейді. Егер белгілері нәресте дүниеге келген алғашқы айда білінсе, қажетті шараны жасау керек. Егер алғашқы айында «тікенек» байқалмаса, одан кейін пайда болмайтын көрінеді.

КӨК ШАЙДЫ варикозы бар жандарға ІШУГЕ БОЛМАЙДЫ

Нәрестеде «тікенек» бар екенін қалай анықтайды?
Сәбиді жақсылап шомылдырып, жылы ваннада булап алған соң оны екбетінен жатқызады да, арқасына арнайы маймен массаж жасап уқалайды. Уқалау балаға жағымсыздық тудырмауы тиіс. Нәрестенің терісі нәзік болатындықтан абайлап әрекет ету керек.
Егер 3 минуттық уқалаудан соң ештеңе шықпаса немесе түйіршіктелген түктер байқалмаса, «тікенек» жоқ деген сөз. Ал қолға түктер байқалса, демек алып тастауға тура келеді.

«Тікенегі» бар баланың белгілері
1. Жақсы ұйықтамау және түнде көп мазасыздану
2. Қыбырлап бір орында жатпай қимылдау беруі
3. Арқасынан немесе басқа да жерінен сипағанда қолға шаншылудың әсерін сезу
4. Уақытынан ерте — 2 апта бұрын өмірге келген нәресте Ваннаға булап, шомылдырған соң массаж жасағанда ірі түктердің түйіртпектеліп пайда болуы

Бұлардың кейбірі басқа да жағдайлардың белгілері болуы да мүмкін. Сондықтан бірінші кезекте баланы дәрігерге мұқият тексерткен жөн.

ҚАН ҚЫСЫМЫ: қандай кезде адам АЖАЛ құшуы мүмкін?

Тәжірибелі аналар мен әжелердің өзіндік тәсілдерді бар
Әрине, мұндай жағдайда баланың жайын алдымен дәрігер қараған соң ғана жүгінуге болады. Бірақ нәрестеге жасалған қайсыбір шара болмасын, анасының қатаң бақылауында болуы керек.
Әдетте, тәжірибелі әжелер баланы жақсылап шомылдырып, терлетіп алады да, екбетінен жатқызып арқасына ана сүтінің бірнеше тамшысын сауғызады. Содан кейін уқалап массаж жасай бастайды.

ЕСКЕРТУ! Нәрестенің денесін 3 минуттан артық уқалауға болмайды! Нәзік тері қабатына зақым келуі мүмкін!

Халықтық тәсіл арқылы көбіне қаттылау иленген қамырды жылытып, баланы шомылдырған соң арқасына әрі-бері жүгіртеді. Қатты түктер қамырға жабысып, баланың денесіне зақым келтірмей алады.
Сол сияқты, қамырға бал жағып жасайтын да түрі бар. Енді бір әжелер нәрестенің денесіне сұйық қамыр жағып, 15 минут өткен соң еппен алып тастайды. Сонда түктер қамырға жабысып алынады. Тек балдың өзімен алатын халықтық тәсілдері көп қолданылады.
Мұндайда ана мен баланың жанында медицина маманы да бірге болғаны абзал. Баланың денесіне халық емінде пайдаланылатын қандай да бір тәсілдің компоненттері жақпай, аллергия немесе басқалай да жайсыздықтар тудыруы мүмкін.

Баланы емшектен шығарудың ЕҢ ОҢАЙ әрі ДҰРЫС ӘДІСІ

«Тікенек» нәресте денесінің қай аумағында көбірек болады?
Жоғарыда айтылғандай, сәби денесінде «тікенектің» қандай да бір белгілері білінсе, оның тек арқасында ғана емес иығы, білектен жоғары қары аймағында, бөксе мен санның сырт жағында болуы мүмкін.
Сондықтан нәрестенің тек арқасына ғана емес, шомылдырып алған соң бүткіл денесіне еппен ғана массаж жасап байқап көрген дұрыс.
«Тікенегі» алынған нәрестенің денесін тыныштандыратын балалар майын немесе арнайы кремді жағу керек. Бастысы – нәрестенің терісі зақымданбауына мұқият болуы ұмытпаған жөн. Мақалаға интернеттен түрлі деректер пайдаланылды

Дайындаған: Қ.Сауран, ERNUR.KZ

Израильдің танымал неонатологы Мики Осовский Астанада шеберлік сабағын өткізді. Ол перинатарлық орталық базасында 4 күн бойы елордалық 30 неонатологты оқытты. Тақырып- өте аз салмақта туылған нәрестелерге күтім жасаудың тиімді технологиясы. Шеберлік сабағы жетекші израильдік клиникалармен орнатылған стратегиялық ынтымақтастық негізінде өткізілді.
Михаэль Осовский Израильден бөлек Таяу Шығыстағы ең ауыр және аз салмақты сәбилердің жағдайын тұрақтандырумен айналысады. Ол қызмет ететін «Шнайдер» клиникасы шет елдерге 4-ші деңгейдегі көмек көрсететін жалғыз балалар орталығы ретінде тәжірибесі мол. Бұл білім қорымен бөлісуге асық ақ халаттының Қазақстанда өткізген 2-ші шеберлік сабағы.
Михаэль Осовский – «Шнайдер» медициналық орталығының бөлім меңгерушісі / Израиль
Мен 6 жыл бұрын Өскеменде шеберлік сабағын өткіздім. Нәтиже көңіл қуантты. Израильге де қазақстандық көптеген неонатологтар келіп, білімін шыңдап, тәжірибесін арттырады. Менің мақсатым, дүниеге келген әр нәрестенің дұрыс қалыптасуына көмектесу.
«Шнайдер» клиникасында 24/365 тәртібінде шала туылған нәрестелерге кардиохириургиялық, нейрохирургиялық, онкологиялқ ота жасалады. Нәтижесінде, сәбилердің ретинопатия, ауыр инфекция, патологиялық аурулардан толық емдейді.
Наталья Мелех – «MVI» медициналық орталығының бас директоры / Израиль Біз үшін баланың туылуы ғана емес, өмірге дені сау болып келуі маңызды. 23 аптаға таяған нәрестенің 99 пайызын аман сақтап қаламыз. Тәжірибемізде, дене салмағы 425 грамды құрайтын сәбидің туылуы кездесті. Бәрі сәтті өтті. Ал, 700-800 грам балаларға кадиохирургиялық отаны ойланбастан жасаймыз. Үйренгілеріңіз келсе, Израильге келіңіздер.

Астанада соңғы 9 ай ішінде ай күніне жетпей 259 босану саны тіркелген. Ақ халаттылар әр нәрестенің өмірін сақтап, қалыптасуы үшін бар жігерін жұмсайды. Мәселен, 500 грамм дене салмағымен туылған, ас қорыту ағзасы жетілмеген сәбилерге керекті қоректі тамыр арқылы береді. Нәрестелердің толыққанды тыныс алуы үшін, дәрігерлер Израильдік әріптестерінің тәжірибесіне сүйене отырып, құрылғыларға тапсырыс берді.

Әр медициналық мекемеде скринингтен уақыты өту жайлы стендте ақпараттар берілген, деп хабарлайды Астана қаласы әкімдігінің ресми сайты.

ҚР Денсаулық сақтау министрлігінің 2017 жылғы 25 желтоқсанындағы бұйрығына сәйкес жасы 18-ге толмаған балалар профилактикалық мақсатта медициналық тексерістен үнемі өтіп тұруы тиіс, деп хабарлады Астана қаласы қоғамдық денсаулық сақтау басқармасының баспасөз қызметі.

2 жылда бір рет артериялық гипертония, жүректің ишемиялық ауруы және қант диабетін ерте анықтау үшін,  осы ауру түрлерімен диспансерлік есепте тұрмаса ерлер мен әйелдер 40-70 жас аралығында тексеріледі.

40-70 жас аралығында ерлер мен әйелдер көз қысымның өсуінен болатын көз ауруларының бір түрі – глаукоманыерте анықтау үшін окулистке 2 жылда бір рет тексерілуі тиіс .

40-70 жас аралығында әйелдерге сүт безі обырын ерте анықтау мақсатында гинекологқа 2 жылда бір рет қаралуы ұсынылады.

Әйелдер 30-70 жас аралығында жатыр мойны обырын ерте анықтау үшін 4 жылда бір рет тексерілуі тиіс.

50-70 жас аралығында ерлер мен әйелдер колоректальды обырды ерте анықтау үшін 2 жылда бір рет тексеріледі.

Тәжірибе алмасу мақсатында елорда стационаларында Түркістан облысының медбикелер делегациясы болып қайтты, деп хабарлайды Астана әкімдігінің ресми сайты.

Қонақтар үшін аурухана қызметі мен қала емханаларына енгізіліп жатқан TRIAGE-жүйесінің таныстырылымы өткізілді, деп мәлімдеді қоғамдық денсаулық сақтау басқармасында. № 1 қалалық ауруханада келушілерге диагноз қоюға және пациентті емді белгілеуге мүмкіндік беретін Chek-up орталығының жұмысы көрсетілді.

Ол, сондай-ақ, тексеру мен диагностикаға кететін уақытты да үнемдеуге көмектеседі. Ал № 2 қалалық көпбейінді ауруханада олар амбулаториялық қызметтің, аурухананың қабылдау-диагностикалық бөлімінің жұмысымен, пациенттерді ағындар бойынша (қызыл, сары, жасыл дәліздер) сұрыптау жүйесімен танысты. Медициналық көмекті босанатындар мен босанғандар қызмет көрсететін медбикелердің жұмысына ғана емес, ауруханадағы перзентхана блогының босандыру бөлімінде жұмыс істейтін медбикелердің қызметіне ерекше көңіл бөлінді.

Қалада акушер-гинеколог, неонатолог, анестезиолог және реаниматолог сияқты мамандардың тапшылығы байқалады, деп хабарлайды Астана әкімдігінің ресми сайты.

«Әйел денсаулығы – ұлт денсаулығы» тақырыбында өткен дөңгелек үстелде Қоғамдық денсаулық сақтау басқармасының басшысы Қамалжан Надыровтың келтірген мәліметтеріне қарағанда, Астанада бала туу жасындағы әйелдердің саны 20 жылда 4,6 есе өссе, акушер-гинекологтар саны 2,6 есеге артқан.

«1998 жылы Астана қаласындағы акушер-гинеколог мамандарының саны 119 болса, бүгін бұл көрсеткіш 320-ға жетіп, 2,6 есеге артқан. Бала көтеруге қабілетті әйелдер саны 1998 жылы 70 мыңды құраса, қазір олардың саны 325 мыңға дейін жетіп отыр. Көрсеткіш 4,6 есеге артқан. 

АМЖЖ-нің акушер-гинекологтармен қамтылу көрсеткіші штаттық кестенің 85% құраса, стационарлық деңгейде акушер-гинекологтардың штаты 90 % шамасында», — деді Қ. Надыров.

Кадр тапшылығы мәселесін шешу мақсатында қоғамдық денсаулық сақтау басқармасы кешенді шараларды қолға алды.

«Мамандардың тапшылығына әсер ететін факторлардың бірі – Астанада тұрғын үйдің жоқтығы. Тек биылдың өзінде тұрғын үй жағдайын жақсарту үшін квалификациялық босандыру қызметі мамандарына 10 пәтер бөлінді. Алдағы уақытта 1500 пәтері бар үш жатақхана салынады деп  жоспарлануда. Сондай-ақ, баспананы қолжетімді ету мақсатында тұрғын үй сертификаттарын беру мәселесі де қарастырылып жатыр», — деді К. Надыров.

Мұндай сертификаттар осы жылдың желтоқсанында беріледі. 

MEGA Silk Way сауда орталығында дәрігерлер «Біздің таңдауымыз денсаулық» атты мәдени-сауықтыру акциясын өткізді, деп xабарлайды Астана қаласы әкімдігінің ресми сайты.

Келушілер сауда орталығының алаңында үздік жалпы тәжірибе дәрігерінен, педиатрдан, терапевттен тегін кеңес алды. Сондай-ақ, қан қысымын өлшеу, бой, салмақ, қандағы қант пен xолестеринді анықтау сынды диагностикалық рәсімдерден тегін өтті.

Флюорографиялық талдаудан өткісі келгендерге арнайы флюрокөлік қызметі ұйымдастырылды. Сондай-ақ, жедел-жәрдем қызметкерлері алғашқы медициналық көмек көрсетуден арнайы шеберлік сыныбын өткізді.

«Адамдарға алғашқы көмек көрсету өте маңызды. Мұндай іс-шаралар жағдайың нашарлаған сәтте өзіңе-өзің жылдам көмек көрсету үшін пайдалы», — деп атап өтті сауда орталығына келуші зейнеткер Зәуре Амангелдіқызы.

Іс-шара соңы концерттік бағдарлама мен әлеуметтік медициналық сақтандыру тақырыбындағы викториналарға ұласты. Белсенді қатысушылар сыйлықтарға ие болды.

Еске салайық, сауықтыру шарасын елордалық қоғамдық денсаулық сақтау басқармасы Әлеуметтік медициналық сақтандыру қоры және ҚР Денсаулық сақтау министрлігінің МӘМС бойынша жобалық кеңсесімен бірлесе отырып өткізді.

3 қарашада MEGA Silk Way сауда-ойын сауық орталығында «Наш выбор — здоровье! Біз денсаулықты таңдаймыз! Health – our choiсе!» атты мәдени-сауықтыру акциясы өтеді, деп хабарлайды елорда әкімдігінің ресми сайты. 

Тегін консультацияны жалпы тәжірибедегі дәрігерлер, терапевттер, педиатрлар береді. Сонымен қатар, қан қысымы, бой өлшемі, салмағы, қант пен қандағы холестеринді өлшейтін диагностикалық процедуралардан да өту мүмкіндігі қарастырылған.

Флюорографиядан өткісі келетіндер үшін жылжымалы флюрокөлігі ұсынылады.

Астаналық жедел жәрдем қызметінің инструкторлары өміріне қауіп төнген жағдайда алғашқы медициналық көмек көрсетуден шеберлік сабағын көрсетеді. 

Шара бағдарламасында фитнес-жаттықтырушының басшылығымен спортпен айналысу бойынша өзінің кеңестерімен бөлісетін ширату бөлімі де бар.

Акция барысында концерттік номерлер, әлеуметтік медициналық сақтандыру  тақырыбында викториналық сұрақтар қойылып, дұрыс жауап бергендерге сыйлық үлестіріліп, лотерея ойнатылмақ.

Науқанды Астана қоғамдық денсаулық сақтау басқармасының әлеуметтік медициналық сақтандыру қоры мен ҚР Денсаулық сақтау министрлігінің міндетті әлеуметтік сақтандыру бойынша кеңселік жобасы бірлесіп ұйымдастырады. Мақсат – салауатты өмір салтын насихаттау, өз денсаулығын сауатты басқаруды үйрету, әрбір азаматтың міндетті әлеуметтік сақтандыру жүйесіне қатысу бойынша көбірек ақпараттандырылғанын қамту.  

Жыл басынан бері «ӘМСҚ» Астана қаласы бойынша филиалы медициналық мекемелерге тұрғындарға көрсеткен қызметтері үшін 62,1 млрд теңге төледі. Бұл сома кепілдендірілген тегін медициналық көмек көлемі шеңберінде қызмет көрсету туралы жалпы құны 86,6 млрд теңгеге бекітілген келісімшарттар сомасының шамамен 72%-ін құрайды.

 Қазіргі таңда қалалық филиалдың медициналық қызметтерді жеткізушілер тізімінде 82 мекеме бар, олармен стационарлық көмек, алғашқы медициналық-санитарлық көмек, консультативті-диагностикалық көмек, жедел жәрдем, жоғары технологиялық медициналық қызметтер және тағы басқа қызмет түрлері бойынша 115 келісім шарт бекітілген. Жеткізушілер тізіміндегі 46 медициналық ұйым — жекеменшік. Өткен жылмен салыстырғанда жекеменшік емханалардың саны тағы 10-ға артты. Ал үш жеке меншік медициналық ұйыммен келісімшарт бұзылды. Барлық қызметтер тегін медициналық көмектің кепілдік берілген көлемі шеңберінде көрсетіледі. Астаналық жеткізушілердің толық тізімі Қордың fms.kz сайтында орналасқан.   

«ӘМСҚ» КЕАҚ Астана қаласы бойынша филиалының директоры Н.Кабдықапаровтың айтуынша, медициналық ұйымдарға ақы төлеу кестеге сай жүріп жатыр. Бөлінген қаражат медициналық ұйымдардың операциялық шығындарын өтеуге, оның ішінде қызметкерлердің жалақысын төлеуге жеткілікті.

«Қор апта сайын стационарлық және стационаралмастырушы медициналық көмек көрсететін ұйымдардың қызметтерінің сапасына электронды басқару жүйесі арқылы мониторинг жүргізеді. Айта кетерлігі, мониторинг жүргізу халық арасында сұранысқа ие медициналық қызмет түрін анықтауға да мүмкіндік береді», — дейді Н. Қабдықапаров.  

Медициналық қызметтерді пайдаланушылар тарапынан жеткізушінің қызметіне немесе көрсетілген қызмет сапасына қатысты арыз түскен жағдайда, филиал қызметкерлері жоспардан тыс мониторинг өткізеді.

Естеріңізге сала кетсек, медициналық сақтандыру Қоры тегін медициналық көмектің кепілдік берілген көлемі және міндетті әлеуметтік медициналық сақтандыру пакеттері және үкімет белгілеген шеңберде тұрғындар үшін қызметтерді сатып алушы қаржы операторы болып табылады.

 

15 қыркүйектен 15 қарашаға дейін елімізде емханаға тіркелу науқаны басталады. Жыл сайынғы дәстүрлі кампания екі айға созылады. Тіркелу науқаны шеңберінде қазақстандықтар, ҚР аумағында тұрғылықты тұратын шетел азаматтары және азаматтығы жоқ тұлғалар емхананы еркін таңдау құқығын пайдалана алады. Қазақстан астанасының қарқынды дамуының арқасында қала халқының өсімі жыл сайын артуда.

«Астанада алдыңғы жылғы тіркеу науқанының қорытындысы бойынша 1 034 млн адам емханаға тіркелді. Медициналық қызметті жеткізушілердің 16-сының мемлекеттік жекеменшік формасы бар, 15 МЖӘ және жекеменшік мекеме», — деді «ӘМСҚ» КЕАҚ Астана қаласы бойынша филиалының директоры Н. Қабдықапаров.

Астана қаласы бойынша бастапқы медициналық-санитарлық көмек көрсететін 44 денсаулық сақтау субъектісі тұрғындарды тіркеуге дайын. Оның ішінде 13 жекеменшік емхана әлеуметтік медициналық сақтандыру қорымен келісімшарт бекітуге дайын. Астана қаласы тұрғындарға медициналық қызмет көрсету бойынша 556 учаскелерге бөлінген. Яғни, қазіргі таңда бір дәрігерге жүктелген жүктеме 1859 адамды құрайды. Келесі жылдан бастап дәрігерлерге түсетін жүктеме мен емханалардағы кезекті азайту мақсатында тіркеу шегі белгіленеді. Ол бойынша бір жалпы практика дәрігеріне тіркелетін адам саны 1700-ден аспауы тиіс.

— Кампания жыл сайын өткізіледі, өйткені азаматтар өз емханасын ұнатпаса ауыстыру мүмкіндігі болуы керек, ал нарыққа қатысушылардың оның ішінде жаңадан қосылғандар келесі жылдан бастап халыққа қызмет көрсету үшін тапсырыстар ала бастайды, — деді Нұрлыбек Қабдықапараов.

Айта кетейік, ӘМСҚ қалалық филиалы 83 түрлі медициналық қызмет көрсететін жеткізушімен келісімшарт бекітті. Оның ішінде 45 жекеменшік ұйым бар. Жекеменшіктермен бекітілген келісімшарттың жалпы сомасы 33,5 млрд теңге.

Астанадағы қор жыл басынан бері мемлекеттік және жекеменшік жеткізушілерге 56,6 млрд теңге төледі. Келісімшарттан түскен 67 пайыз сома 84,6 млрд теңгені құрады. Қазір де қорға жұмыс берушілерден ақша аударымы түсіп жатыр. Осы уақытқа дейін қорға 97 млрд теңге аударылды, оның 12 миллиарды Астанадан түсті.

Емханаларға тіркелу үшін азаматтар таңдап алған медицина ұйымына тікелей барып, электронды үкімет порталы арқылы онлайн режімде және Халыққа қызмет көрсету орталықтары арқылы тіркеле алады. Емхана арқылы тіркелу үшін жеке куәлігіңізді алып, бас дәрігердің атына өтініш жазасыз. Онлайн режімде тіркелу үшін жүйеге кіріп, электронды өтінімді толтырасыз. Ал ХҚКО арқылы тіркелу үшін Connection Points бөлімінің қызметін қолдана аласыз.

Н. Қабдықапаровтың айтуынша, емханаға тіркелер алдында отбасылық қызмет көрсету және медициналық-санитарлық көмектің қолжетімділігі принциптерін ескере отырып, үйіңізге жақын емхананы таңдаған жөн. Бұл принцип науқасқа дәрігердің жедел көмек көрсетуіне мүмкіндік береді. Азаматтарды емханаларға тіркейтін мекемелердің тізімі «ӘМСҚ» КЕАҚ-ның fms.kz/kk/select-medical-inst интернет-ресурсында берілген.

Ішкі медициналық туризм аясында сапалы ем қабылдау мақсатымен жыл сайын Астанаға 65 мыңға тарта адам келеді, деп хабарлайды елорда әкімдігінің ресми сайты.

20 жыл ішінде Астанада денсаулық сақтау саласында оң өзгерістер орын алды. 2018 жылдың алғашқы жартыжылдығының өзінде қаланың медициналық мекемелерінде 25 мыңнан астам ем қабылдап, 4,5 мың ота жасалды. Оталардың 1700-де жоғары технологиялар қолданылды. Жедел жәрдем 190 мыңнан астам шақыртуға қызмет көрсетті. 64 мыңнан астам адам тегін дәрі-дәрмекпен қамтылып, бірыңғай колл-орталыққа елорданың 217 мыңнан астам тұрғыны хабарласты.

«Денсаулық сақтау саласын дамытуға бағытталған мемлекеттік бағдарламаны табысты іске асырудың арқасында біз халықтың орташа өмір сүру ұзақтығын едәуір ұлғайттық. Бүгінгі таңда аталмыш көрсеткіш 76,2 жасты құрайды. Бұл – еліміз бойынше ең жоғары көрсеткіш», — деп мәлімдеді қоғамдық денсаулық сақтау басқармасы басшысының орынбасары Әлия Рүстемова.

Сондай-ақ, ол елорданың ішкі туризмге арналған ең танымал бағыттардың бірі екендігін атап өтті.

«Астана қарқынды дамуда. Жыл сайын мұнда 30 мыңға тарта сәби дүниеге келеді. Басқа өңірлерден елордаға жыл сайын 40 мыңға жуық адам келеді. Ішкі медициналық туризм аясында жыл сайын Астанаға сапалы ем қабылдау үшін 65 мың пациент келеді. Бүгін елордада емделетін әр бесінші пациент – басқа қаланың тұрғыны», — атап өтті Ә. Рүстемова.

Желі қолданушылары IELTS сертификатын сатып алып, оқудан шыққан студенттерді талқылап жатыр.

Мен үшін «Я» деушілер екіге бөлінеді:
1. Сетевиктер
2. Өзіне, денсаулығына тиянақты адамдар (медиктер, диетадағылар, спортсмендер т.б. таңдап, талғап жүреді)
«Жоқ» деушілер де:
1. Зиян, қауіпті, қымбат дейтін тобыр
2. Дәріханадағы өнімнің біразының, жеке «аптечкасындағы» препараттың көбінің сыртындағы «ББҚ дәрілік құрал болып табылмайды» дегенді байқамай жүргендер
«Ол не?» деушілер бөлінбейді )
P.S. Кей елдерде жұмысқа тұруға үміткерлерден «ББҚ ішесіз бе?» деп сұрайды екен тіпті…

Апта бойы елордалық дәрігерлер шетелдік әріптестерінен эндоскопиялық операциялар жасаудың жаңа әдісін меңгерді.

Дели қаласы Isis халықаралық госпиталінің аз инвазивті хирургия докторы Арвинд Кумар Астана қаласы Онкология диспансерінің дәрігерлеріне тік ішек, жатыр мойны, лапароскопиялық радикалды нефрэктомия, спленэктомиямен ұйқы безінің корпорокаудальді резекциясы және т.б. қатерлі ісіктері кезінде эндовидеохирургиялық ота жасаудың жаңа әдістерін тәжірибе жүзінде көрсетті.



Сонымен қатар, Арвинд Кумар қазақстандық әріптестерімен бірлесіп 10 ота жасап, қалалық онкология орталығының 12 пациентіне практикалық және консультативтік көмек көрсетті. Шетелдік маман қазақстандық әріптестерінің тәжірибесін жоғары бағалап, онкология орталығы ұжымының ризашылығын білдірді.

Тренингкеәртүрлі емханалардын келген 22 онкохирург білімін жетілдіріп, кәсіби машығын шыңдағаны жөнінде халықаралық үлгідегі сертификаттар алды.

Материал Астана қаласы әкімдігінің ресми сайты astana.gov.kz деректері бойынша әзірленді.

Мен қазір 14 жастамын. Біз жақта қаладағыдай бірінші сыныпқа 7 жасынан емес, 6 жастан барады. Ал мен 5 жасымнан барыппын. Әкем мен анам жанымда, бір әпкем қуанышым болып, екі ағам қорғанышым болып, бір сіңлім жұбанышым болып жүрген шақтарым. Әкемнің ерке қызы болып өстім. Әкеме еркелеп жүріп алты жасымда әкемнен айырылып қалдым. Аллаға да жақсы адам керек қой… Не керек, ол кезде түсінбедім. Мамам мен бауырларым мұңіайып жүрді. Олардың есі бар ғой. Сіңлім екеуіміз бала боп жүрміз әлі. Мен әкемді сағынатынмын. Недегенмен әкенің махаббаты ерекше ғой! Әкем аман кезінде мені машинасына отырғызып ауруханаға апаратын. Сары аурумен ауырдым. Сол кездерді де, яғни, әкемнің қасында болған сәттерімді сағынатынмын. Солай, мен «дәрігер боламын» дедім. хех, ол кезде «дәрігер» емес, «доқтр» дейтінмін. Мен мамама «дәрігер боламын» деп айтатынмын. Мамам болса, ыстық құшағына алып, «жарығым, менің қызым ең мықты дәрігер болады» дейтін еді. Кейін, өсе келе, үшінші сыныбымнан «операция жасайтын дәрігер боламын» дейтін болдым. Келесі жылы, бір дәрігерлер туралы кино көріп «хирург» сөзін үйреніп, «хирург боламын» дедім. Бесінші сынып. Әкемнің жоқтығын анық сезінетін уақыт еді. Әкемнің жол апатынан аман қалмағанын біліп, алдыма мақсат қойдым. Мақсатым- әкем сияқты жол апатына ұшыраған адамдарға Алладан кейін көмек беру. Мен адамдарға көмектесуге құштар болдым. Адамдарға екінші өмір сыйлап, олардың алғысын алғым келді. Қазір тоғызыншы сыныппын, шүкір. Өзім аманмын, аман кезде басқаларды аман алып қалу үшін оқып жүрмін. Тоғыз жылдан бері бір рет те мамандығымды ауыстырған емеспін. Достарым мен өзімнен үлкен мектептегі достарымның әлі не мамандық таңдарын білмейтіні мені қызықтырады. Сонда, олардың өмірінде мамандық таңдауға себеп болмаған ба? Кейбіреулер айтады "Үйдегілер врач боласың дейді, бірақ мен болғым келмейді" деп. Түсінбейтінім, адам мамандығын сүймесе қалай жұмыс жасайды. Оның үстіне, дәрігерлік оңай мамандық емес. Кейбіреулері айтады «ақшасы көп мамандық таңдаймын ғой» деп. Ақша табу үшін де оқу керек қой. Менен барлығы қандай пән таңдайтынымды сұрағанда, бірден «биология» деп жауап беремін. Олар күледі "ұятсыз" деп. Кейбірі «ойвууу, отырып қаласың ғой» дейді. Оларға жауабым: «отырып қалсамда, оқуымды оқып, хирург боламын». Басқа не айтамын? Олар менің неліктен дәрігер болуды қалайтынымды білмейді де, мазақ қылады. Хех, мен оларға күлуім керек. «Армансыз адам, қанатсыз құспен тең». Армандау керек. Мамам да айтады «армандар орындалады» деп. Мен мамамның барлық айтқан сөзіне сеніп үйренгенмін, бұл жолы да сенемін «армандар орындалады». Қазіргі таңда мен Кореяға барып оқуды мақсат еттім. Жыл сайын «дәрігер боламын» деген арманыма бір мақсат қосып келемін. Құдай қаласа, мектепті үздік аяқтап, грантқа түсіп, бірінші курстан кейін Оңтүстік Кореяға тегін жолдамамен оқуға барамын. Білесіздер, қазір шет елдің студенттерімен алмасып, тәжірибе алмасып жүр. Мен де солай Оңтүстік Кореяға тәжірибе алмасуға барамын. Сосын, Қазақстанға қайта келемін. Қазақстанның «менмін» деген ауруханасынан тәжірибе жинап, ауылыма үлкен аурухана тұрғызамын. Сол кезде маған сенбегендер ұялатын болады. Мақсатыма жеткенде үлкендер маған батасын берері анық. «Батаменен ел көгерер» дейді ғой. Арғы дүниеде жүріп, әкем менімен мақтанатын болады! Әлі талай адам «Темірханның қызы ғой...» деп айтатын болады!
Қарап отырсаңыздар, тоғыз жылдан бері мақсат етіп келген бұл мамандыққа бір ғана себеп-Алланың әкемді алып кетуі. Армандай білу керек, сол арманға жету үшін мақсат қоя білу керек. Анам айтады АРМАНДАР ОРЫНДАЛАДЫ! Мен арманыма жетемін және жеткен кезде осында жазамын.

— Олар не істеуші еді маған? Көп болса укол салар… Әйтпесе, алып кетер...

«Тамақтан ұшындым» деп қысылып жатқан құрбымнан неге жедел жәрдемге хабарласпағанын сұрағанымда алған жауабымның сиқы осы еді.
Рас, еліміздің науқастарға жедел көмек көрсету жылдамдығы мен сапасы кейде сан соқтырып, бармағыңды шайнатады. Оған жақсылы-жаман сан себептер бар. Дегенмен, жеке өз жауапкершілігіміз қайда?!
Айталық, ол жай улану емес — «сальмонеллез» не бір вирустық жұқпалы ауру болса ше?! Алып кетсе, дәрігерлер аурудың себебін анықтауға тырысып, жазылғанша оқшаулар ма еді?!
Бірақ, жо-о-оқ. Біз дәрігерге сенбейміз. Одан да жағдайды әбден асқындырып, алтын уақытты өлтіріп, бәрібір сол «жәмән» дәрігердің алдына барғанды артық көреміз…
Ал оған дейін не істейміз?

Түнек, бар болғаны, жарықтың жоқтығы. Суық жылу жоғалғанда ғана пайда болады. Жамандық жақсылық түгесілген жерде туады. Бір болмыс туу үшін екіншісі өлу керек. Ал өлім болса — өмірдің жалғасы. Рух жаратушының әмірімен жер бетіне түскен кездегі пәктігінен жұрдай болып, қайта көкке көтеріледі. Оның әлі тазарудан үміті бар. Ал күнә біткеннің бәріне куә болған ет пен сүйек Жер Анасының қойнына оралып, шіріп кетуі керек. Бірақ, әрдайым олай бола бермейді. Мәйітке де жаңа миссия жүктелетін кездер бар. Оны білуге дайын болсаңыз, кеттік.