Бұл жерде өлім өмірге қызмет етеді

Блог - Marco: Бұл жерде өлім өмірге қызмет етеді
Түнек, бар болғаны, жарықтың жоқтығы. Суық жылу жоғалғанда ғана пайда болады. Жамандық жақсылық түгесілген жерде туады. Бір болмыс туу үшін екіншісі өлу керек. Ал өлім болса — өмірдің жалғасы. Рух жаратушының әмірімен жер бетіне түскен кездегі пәктігінен жұрдай болып, қайта көкке көтеріледі. Оның әлі тазарудан үміті бар. Ал күнә біткеннің бәріне куә болған ет пен сүйек Жер Анасының қойнына оралып, шіріп кетуі керек. Бірақ, әрдайым олай бола бермейді. Мәйітке де жаңа миссия жүктелетін кездер бар. Оны білуге дайын болсаңыз, кеттік.

Өмірдің өзі өлімге қарыз болған жерді көру үшін Астана медицина университетіне аттандым. Көздеген нысанам — Оперативті хирургия мен анатомия кафедрасы.

Блог - Marco: Бұл жерде өлім өмірге қызмет етеді
Таныс болыңыз: Кафедра меңгерушісі, Медицина ғылымдарының докторы Әшім Болатұлы Әубәкіров. Ақ халаттың иығынан түспегеніне қырық жыл болған. Университетте оқып жүрген студенттің қай-қайсысы да Әшім Болатұлын ешқашан ұмытпасы анық. Өйткені анатомияның қызық та қорқынышты әлеміне жолсерік болатын осы кісі.

Блог - Marco: Бұл жерде өлім өмірге қызмет етеді
Студенттердің мәйіттермен танысуы мұражайдан басталады. Беті қайтып қалмауы үшін ақырындап бой үйреткен абзал. Дегенмен, моргқа алғаш рет кірген студент есінен танып құлайды деген әңгіме – миф. Әшім Болатұлының тәжірибесінде ондай болып көрмеген. Қазіргі студенттер тіпті ештеңеден қорықпайтын көрінеді. Таңданатын түк те жоқ. Қан-жоса қырғынға толы фильмдер мен компьютерлік ойындар заманында көп нәрсеге көз үйренген. Десек те, мұражайдың өз аурасы бар. Мұндағы экспонаттардың ішінде қолдан жасалғаны жоқ, бәрі де бір кездері тірі болған.

Блог - Marco: Бұл жерде өлім өмірге қызмет етеді
Бас, алақан және жүрек. Жоқ, бір адамның мүшелері емес.

Блог - Marco: Бұл жерде өлім өмірге қызмет етеді
Бұл мәйіттің болашақ дәрігерлерге қызмет етіп келе жатқанына қырық жыл болыпты. Әлі тың. Тың болғанда, енді, әлі де іске жарамды дегенім ғой. Оның кім екені, қайдан келгені бүгінде беймәлім. Кім біліпті, ол да бір кездері өзінше бақытты өмір сүрген шығар.

Блог - Marco: Бұл жерде өлім өмірге қызмет етеді
Мына суреттегі шарананың тағдыры тумай жатып қиылған. Бұл үш айлық эмбрион. Жоқ, анасы түсік жасатпаған, қайтыс болыпты. Әйелмен бірге іштегі бала да о дүниеге аттанған.

Блог - Marco: Бұл жерде өлім өмірге қызмет етеді
Мүмкін, мұным күпірлік болар, бірақ бұл баланың дүние есігін ашпағаны да дұрыс болған сияқты. Оның миы дамымай қалған. Туғанда да адам боулы екіталай еді. Жә, біз негізгі тақырыптан ауытқып кеттік.

Блог - Marco: Бұл жерде өлім өмірге қызмет етеді
Бұл Болат Сағдатұлы Хамидулин. Медицина ғылымдарының докторы. Бүгін студенттерге адамның ас қорыту жүйесі туралы дәріс бермек. Шүкір, көрнекі құрал жеткілікті. Мәселен, анау ілулі тұрған сіз бен біз сияқты homo sapiens-тің ішек-қарны.

Блог - Marco: Бұл жерде өлім өмірге қызмет етеді
«Ет тарту». Бұл суретті түсіріп жатқанда-ақ ойыма осындай атау оралды. Мойындаңызшы, репортаждың не туралы екенін білмесеңіз, бұл жігітті аспаз деп ойлар едіңіз ғой.

Блог - Marco: Бұл жерде өлім өмірге қызмет етеді
Шындығында, адамның дене мүшелерін, әсіресе ішкі құрылысын мұндай күйде сақтап қалу қиын жұмыс. Астана медицина университетінде полимерлі бальзамдау әдісі қолданылады. Неміс анатомы фон Хагенстің әдісі ТМД елдерінде тек екі жерде пайдаланылады екен. Бірі, өзіңіз түсініп отырғандай, Астана, екіншісі — Петербордағы әскери-медициналық академия.

Блог - Marco: Бұл жерде өлім өмірге қызмет етеді
Хагенс әдісі ағзаның кез-келген мүшесін спирттемей-ақ ұзақ уақыт сақтауға мүмкіндік береді. Оны студенттер қолымен ұстап, кесіп, тігіп тәжірибе жасай алады. Қолдан істелген ойыншық бұйымдардың ешқайсысы мұндай әсер бермейді.

Блог - Marco: Бұл жерде өлім өмірге қызмет етеді
Медицина унверситетіне түскен студенттердің ешқайсысы моргқа соқпай кетпейді. Фармацевт те, офтальмолог та, терапевт те мәйітпен жұмыс істеп көруге міндетті. Оның үстіне, студенттер негізгі мамандығын соңғы курстарда таңдайды. Оған дейін, мархабат, моргтың есігі ашық.

Блог - Marco: Бұл жерде өлім өмірге қызмет етеді
Алайда, кейінгі жылдары мәйіт табудың өзі қиын жұмысқа айналған. Денсаулық кодексіне сәйкес, іздеусіз қалған өліктер медициналық оқу орындарына берілуі керек. Бірақ, бұл талап орындалмайтын көрінеді. Мәселен, Астана медицина университеті өткен жылы тек бір мәйітке әрең қол жеткізіпті.

Блог - Marco: Бұл жерде өлім өмірге қызмет етеді
Болашақ дәрігер үшін мүрдемен жұмыс істеп, шыңдалу өте маңызды. Егер ол мұндай тәжірибеден қағылса, ертеңгі күні тірі адаммен эксперимент жасауына тура келеді. Иә, айтпақшы, қателескен жоқсыз, суреттегі ми.

Блог - Marco: Бұл жерде өлім өмірге қызмет етеді
Ал мына ыдыстың ішінде жатқан адамның түрлі ішкі мүшелері. Аш ішек, тоқ ішек, өкпе-бауыр, бүйректер. Әнекей, әріректе жаңағы ми да көрініп тұр.

Блог - Marco: Бұл жерде өлім өмірге қызмет етеді
Адамның тұтас денесі де арнайы ыдыста, арнайы сұйықтықтың ішінде сақталады. Мынау екеудің жатқанына бір жылға жуықтаған. Егер мұнда түскен мәйіттің бәрі бірден сойылып, парша-паршасы шығады деп ойласаңыз, қателесесіз. Алғашқы қырық күндікте өліктер пышақ тимеген күйі тоңазытқышта жатады. Туыстары табылып, алып кетуі мүмкін ғой. Егер ешкім келмесе, сойылып, тағы бір жылға мына ыдысқа тоғытылады. Бұл уақытта да ешбір жақыны табылмаса, студенттердің көрнекі құралына айналады. Иә, бұл жерде де адамдар жұмыс істейді.

Блог - Marco: Бұл жерде өлім өмірге қызмет етеді
Мына кейуана төрт күн бұрын ауруханада қаза болған. Ауырып жатқанда ешкім іздеп келмепті. Моргқа жіберілген кезде ғана туыстары табылған. Енді алып кеткелі жатыр. Әжейдің бір бөлмелі пәтері бар екен. Кімге қалдыратынын жазбапты. Жаңағы туыстары жерлеп, қандас екенін дәлелдесе, соларға бұйырады. Әй, қу тірлік-ай!

Қырық жыл бойы мәйіттердің арасында жүрген Әшім Болатұлы бір нәрсені анық ұққанын айтады. Өліктен емес, тіріден қорқу керек. Өліктен зиян жоқ. Керісінше тап осы жерде, олар тірілер үшін өлшеусіз еңбек етуде. Иманды болсын!
Бөлісу:
  • 56
  • 4

58 пікір

Korkem
Жоғары дәрежелі пост екен күткенімнен. Браво!
abzalsariyev
"Әжеміздің" қолына қараған күйі отырмын...(
MamaAya
Қу тірлікті ойлаудан аспай, қалғып отқан санама мықты электрошоктай әсер етті(((
Сұмдық ащы пост.
Marco
Айтпақшы, мәйітіңізді медцина игілігіне қалдырғыңыз келсе завещание жазып кетуге болады.
MamaAya
Мен өмірге 12 мүшесі түгел Адам болып келген соң, 12 мүшем түгел Адам боп кетуді қалар едім.((( Эгоисттік деп бағаласа да кейбіреулер.
Marco
Бәріміз солай ойлаймыз ғой, ал, Еуропа елдерінде мұраға қалдыратындар көп екен. Әсіресе Германия мен Израильде. Олардың медицинансының мықтылығы да содан шығар.
abzalsariyev
Ауру, сал боп туылып, сәтті ота жасалған соң 12 мүшесі сауыққандар қайтпек?
MamaAya
Білмеймін, Құдай басқа салмасын, әрине, тек бүтін келіп, бүтін кетуді жазсыншы.
ken
кабинеттердің ішіндегі иіс қандай?
Marco
Жиіркенішті иіс жоқ. Формагельдидтің иісі де қатты сезілмейді.
neoaskar
мынаған кіріп суретке түсіріп жүрген мықты екенсің, мен қорқамын. негізі өлілерден қорқамын. түнде мазалайтындай көрінеді.
Marco
Қайта, бұлардың мәйітханасы қорқынышты емес екен. Он сегіз-он тоғыз жасымда Ақтөбедегі медцина университетінінің мәйітханасында болғам, міне сол жер қорқынышты. Өліктер өте көп.
Aldeken
Он сегіз-он тоғыз жасымда Ақтөбедегі медцина университетінінің мәйітханасында болғам
ол жерде «не істегеніңді де» жаза отыр, амиго…
bizbike
Жүйкесі әлсіздерге шектеу деп ескерту жазып жібермедіңіз бе. Денем түршігіп кетті ғой.
Marco
Дайынсыз ба деп сұрадым ғой)
Gastarbaiter
Формасы қорқынышты болғанымен, түбі позитивті жазба екен. Түк пайдасы жоқ адамды "өліксің" деп бекер жазғырып жүр екенбіз ғой. Оның да бір пайдасы бар екен. Рахмет.
Marco
Түк пайдасы жоқ адамды "өліксің" деп бекер жазғырып жүр екенбіз ғой
 Енді не дейсің оларға?
Adiletshu
Әбден сүрленген ет
Adiletshu
Ана кемпір моргта тіріліп кеткен ба? Ары-бері тасығанда құлап кетпейін деп жатыр ғой жарықтық
Соңғы түзету:
Arys_arlany
Видеодан адамдарды сойғанын көріп, ләззат алатын адамдарды қалай атайды? Мына жазбаны оқып келе жатыр едім, сілтегішпен төмен сырғыта бастағаннан зауқым соғыңқырамай қалды. Бұл жазбаның қызық емес дегенінен емес, жалпы өлген адамның мәйітіне ләззатпен қарай алмайтын әдетімнен. Түнде достарыммен жолыққам. Бірінен «уатс апптан келген свежіі видеоларың бар ма?» деп сұрап ем, «Адам соятын біреуі бар, көресің ба?» деді. Неге екенін білмим, сол досым тым құмар осындай видеоларға. Тіпті шариғат заңын жамылып төрт келіншекті өлтіретін видеоны рахаттана көретінін қайтерсің.
Marco
Ауру дейтін шығар. ))) Сен былай істе, постқа ләззатсыз қара, со кезде соңына дейін оқып шығасың)))
AKY
Қарамайм деп қарап қойдым   Щяяя)))))))))))))
Adiletshu
Бір таныс бала қайтыс болған атасын соткасына суретке түсіріп алыпты
SaryQazaQ
Әйелім медицинада оқиды. Телефонынан өліктің неше атасын көріп тастағысын, жиіркенішті емес.
Кіріспесін жынды бастапсың — қысқа да нұсқа, мәнді.
Соңғы түзету:
Marco
Телефонынан өліктің неше атасын көріп тастағысын
Erkekyz
Басқа-басқа адам мүшелерін қарай алмайтын шығармын деп ойлаушы едім. Сөйтсем қарай алады екем ғой. )))) Тек соңғы екі суретті қарауға кәдімгідей духым жетпеді, тез өткізіп жібердім.
AidaKali
уяяяяққққ бағана суреттерді көріп ішім бірдеме боп кеткемs видмо бұған дейн Марконы романтич.блогияда кейіпкері ретінде мүлде кіргізіп қойсам керек
негізі мұндай жерде суретке түсірмек түгілі бола алмайтын едім сол үшін үлкен плюс
Четь түсме енетін болды енд
Соңғы түзету:
AbaiTlenshiev
Ұнады. .Өткен жолы кардиология орталығынан фотореп қарап едiк. Кiм ендi мола қазып репортаж жасайды екен? )))
Marco
Идея)))
Gastarbaiter
Эльвираның суреттеріне шабыт берген осы қиалог емес пе?
Marco
Ох, еее, Эльвира идея үшін ақы төле
Adiletshu
Адамда да қарта болады екен ғой
Zilola
бұндай суреттерді көре беремін ғой, ал авария н/е басқа өлімдердің куәгері болу енді сұмдық (((
Ал өлгеннен кейін сүйекті мұрагерлікке тастау ужсс сияқты, донорлық та сондай сияқты көрінеді маған
VKM
Күшті! Сіңлім медке барам деп жүр, аяп кеттім
Arys_arlany
ВКМ ді еркек деп қала беремін, мына жерде сіңлім дид)
VKM
қумаши( өзің қызсың
19852407
Реп ұнады. Суреттер жақсы түсірілген. Адамның жекелеген ішкі мүшелерінің ерекшеліктер туралы көпшілік білмейтін танымдық ақпарат беріп, крупным планом кесек суреттер түсіргенде мүлде қатып кетер еді. Плюстедім
Marco
Адамның жекелеген ішкі мүшелерінің ерекшеліктер туралы көпшілік білмейтін танымдық ақпарат беріп
тақырып өзгеріп кетеді ғой онда.
крупным планом кесек суреттер түсіргенде
негізі, бар ондай суреттер, бірақ, жұрт мынаның өзінен шошып отыр ғой)))
aikarakoz
Моргке менен бұрын қимылдап қойдыңыз)) Дəл осы жерге барғалы тұрған ем)) Күшті фотореп!
Zhan
Өліктерге деген «ең мәдениетті» фотошолу жасағаныңа риза болдым, өз стиліңмен айтсақ, «шапкімді шештім!»
satibaldi
Соңғы кадрдың драматизмі ұнады. Мықты шыққаны сонша, постановка сияқты. «Бялямь, больді ма, тұра берейін бе?»
temir1986
Алла сақтасын! Дегенмен қазіргі студенттер қорықпайды дегеннен шығады. Жақында бір таныс адам қайтыс болып, қысқасы өлген адамды көрдім. Түрі суып кетеді екен. Көкпеңбек, қан қатып қалыпты бетіне. Әдейі кірдім көмектескен болып шалдарға. Бірақ денемнен түршігу таба алмадым. Мен сонымнан қорықтым. Адамның қайғырғанын, оның жаны ауырғанын қазалы жерде сезіне алмау сұмдық қой. Алла тағала әрине бізді өйтіп сынамаса екен. Басың аман, бауырың бүтін болғанға не жетсін. Екі рет маған жақыны қайтыс болған адамдар сен менің күйімді түсінбейсің деді. Мен сонда оларға ештеңе айтқан жоқ едім ғой. Мүмкін оларға менің қайраттан дегенім ұнамадыма? Мүмкін қазаға көңіл айтып мәлкілдеген қарт адамның бірінші баруы да дұрыс па? ертең менің да барар жерім сол, маған қарада шүкіршілік қыл дегендейме? Бірақ мен көріп жүрген шалдардың оннан бірі ғана аталы сөз айтуға жарайтыны жаман екен. Адамның кемшілігін көргеннен, естігеннен жаман нәрсе барам? Үкідей болған ақ шалдың, кемсеңдеген кемпірдің өткенін терген неге керек. Соны айтқан тілде, тыңдаған құлақта жазықты емеспе? Құдай-ау күніме жетпей шал болып кеткендей сезінем өзімді. Бірақ бірінші киер киім, ішер тамақтың жыры тұрғанда бұлай деуде күпірлікпе? Мен сағым көлкіген қырға қарап анау көкжиекке қарай маңып жүре берсем десем, қасымдағы ештеңе демесе де, бетінің бір бұлшық еті жыбырламасада оның аржағынан мынау жынды, ақымақ болар дегенді оқып қысылам. Кісінің қайтқаны тек екі күндік әңгіме болып, қазасына жылқы сойғаны жыл бойы айтылатын ортада өзіңді сау адам сезіну де сұмдық тәрізді өзіме№ Кім кімді мазақ қып жүр. Ал андай видеоларды көре алмаймын. Мен ішінде өзімде бармын талайды ішкі сарайында ештеңе жоғына бәс тіге алам, онда шамасы тек қана қарын болса керек. Ештеңені талғамай, таразыламай жұта салатын, ол боқпа- жынба маңызы жоқ. Әйтпесе қан-жынын бұрқыратып өлік сойғанды тамашалаған не сұмдық. Егер жуынды шелек тәрізді болмасаң? Мен шамасы түсінігі жоқ адам болармын!
Marco
Егер жуынды шелек тәрізді болмасаң?
Сонда жуынды шелегіңіз мен бе?
sammita
Алғашқы қырық күндікте өліктер пышақ тимеген күйі тоңазытқышта жатады
осы жері өтірік, 40 күн емес, бірінші күні-ақ ішін ашып тексереді, рұқсатыңды кұтпестен-ақ. Моргке алып кетудің мақсаты да сол- вскрытие. Талай мысал бар оған.
zholantai
бәлкім, мұнда тек осы моргке қатысты айтып отырған болар
satibaldi
Ханбалилер де келе бастапты ғой елге.
Dana
Алғашқы қырық күндікте өліктер пышақ тимеген күйі тоңазытқышта жатады.
Дәл осы жері өтірік деп ойлаймын, менің бір нағашым қайтыс болған, араға бір күн салмай-ақ барғанда пышақ тиген болатын.

Ана әжейдің қолына (ұстағанына )қарасаң, бұл жалғанда ешкімі, яғни сүйенер жанашырының жоқтығы байқалады.

Жаратқан Аллам, ит-құсқа жем қылмай, қабірге 12 мүшемізбен бүтін кіруді жассын…
bake
Моргқа дәрігерлерден басқа құқықтануда оқитын студенттерді де апарады. Құқық қорғау органдарында тәжірбеден өткенде ненің куәгері болатынын кім біледі, сондықтан көздерін жатықтырады. Моргтың «секционый»-на кіре сала өліктерді көріп талып қалғандары бар. Әшім Болатұлы адамның өлі денесінің иісіне үйрену мүмкін емес деген ойыммен келісетін шығар. Моргте 6 ай жұмыс істегенге ғана шамам жетті.