Суретші Сейсенхан Маханбетовтың «Тау мен дала балладалары» атты жеке көрмесінде 80-ге жуық шығармашылық жұмыс қойылды, деп хабарлайды Астана қаласы әкімдігінің ресми сайты.

Тәуелсіздік сарайында «Рухани жаңғыру» бағдарламасының аясында, Астана қаласының 20 жылдық мерекесіне орай, Қазақстан Республикасының Тәуелсіздік күні мерекесіне орайластырылған ҚР еңбек сіңірген қайраткері, суретшілер одағының мүшесі, Сейсенхан Маханбетовтың жеке көркем өнер көрмесінің ашылу салтанаты өтті. Көрмеде суретшінің 80-ден астам жұмысы ұсынылған.

Көрменің мақсаты – өз өнері арқылы «Рухани жаңғыру» бағдарламасына қолдау көрсету, Н.Назарбаевтың Болашаққа бағдар: Рухани жаңғыру мақаласындағы: «… жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр» сөздерін шығармашылықта шындыққа айналдыру.

Астанадағы «Көрме» орталығында өтіп жатқан «Қазақстанның үздік тауары» республикалық көрме байқауы аясында елорда тұрғындары мен қонақтар отандық тауарларды өндірушілер бағасымен сатып ала алады, деп хабарлайды Астана қаласы әкімдігінің ресми сайты.

Биылғы көрмеге 153 қазақстандық өндіруші өз тауарын алып келді. Олардың барлығы аймақтық байқаулардың жеңімпаздары. Конкурс алдымен аймақтарда өткізілген, ал Республикалық көрме байқауға әр аймақтан үш аталым бойынша жеңімпаз атанған тоғыз тауар өндіруші қатысып отыр.

«Биылғы аймақтық байқауға 1163 компания қатысты. Бұл біз ойлағаннан да жоғары, тіпті рекордтық көрсеткіш. Осыған дейін ұйымдастырылған көрмеге әрі кетсе сегіз жүз кәсіпорын қатысатын. Бұл көрсеткіш елімізде кәсіпкерлер санының артқанының бірден бір көрсеткіші. 2015 жылдан бастап аталмыш көрмені Ұлттық кәсіпкерлер палатасы ұйымдастыруда. Ұлттық палата отандық тауарлардың сапасы жоғары болуын, өндірушілердің бәсекеге қабілетті болуын көздейді», — деді «Атамекен» ҰКП өкілі, «Алтын сапа» байқауының эксперті Мадина Мұқатова.

Биылғы конкурс үш номинация бойынша өткізіліп отыр: «Өндірістік мақсаттағы үздік тауарлар»; «Халыққа арналған үздік тауарлар» және «Үздік азық-түлік тауарлары».

Көрмеге Астана қаласы атынан қатысып жатқан компаниялар да бар. Солардың бірі тоқыма жеңіл өнеркәсібімен айналысатын «ASTANA Ютария ltd» ЖШС.

«Біздің компания негізі 2002 жылы құрылған, ал Астанада 2013 жылдан бастап жұмыс істейді. Жеңіл өнеркәсіп бағыты арнайы киімдер, әскери киімдер шығарамыз және тағы бір бағытымыз қыз-келіншектерге арналған тоқыма киімдер, төсек-орындар, үйге арналған заттар, балалар киімдерін шығарамыз.  Тауарларымыздың сапасы өте жоғары, мысалы, балаларға аралған киімдер жүз пайыз мақтадан жасалады. Қыз-келіншектерге арналған киімдерге 22-30 пайыз акрил, фискоза қосамыз. Шағын фабрикамыз «Астана – жаңа қала» арнайы экономикалық аймағында орналасқан Индустриалдық паркте»,  — дейді фабрика өкілі Жанар Дулатқызы.

Сондай-ақ, көрмеге келушілер азық-түлік тауарларының дәмін татып көруіне, өнімдерді тауар өндірушілердің бағасымен сатып алуына болады. Сонымен қатар қонақтар отандық өндірушілердің ұсынған киім үлгілері таныстырылымын тамашалай алады. Шара аясында тауар өндірушілерге арнайы шеберлік сабақтары, іскерлік кездесулер өткізіледі.

Көрме Астана қаласындағы «Көрме» орталығында Достық к. 3 өтіп жатыр.

Қазақстан Республикасының Тұңғыш Президенті – Елбасы кітапханасында жақын арада өтетін Әлемдік және дәстүрлі діндер лидерлерінің VI съезіне арналған «Руханият тіректері» атты тақырыптық кітап көрмесінің ашылуы өтті, деп хабарлайды Астана қаласы әкімдігінің ресми сайты.

Көрменің ашылу рәсімінде Елбасы кітапханасы директорының бірінші орынбасары, саяси ғылымдарының докторы, профессор Әмірхан Рахымжанов сөз сөйледі:

– Бүгін Сіздер Әлемдік және дәстүрлі діндер лидерлерінің съездерін өткізу, дінтану, әлем діндерінің негіздері бойынша Қазақстан Республикасы Президентінің идеяларының туындауы және эволюциялық дамуы туралы тақырыптық кітап топтамаларын тамашалай аласыздар. Әлем діндерінің қасиетті кітаптары, яһудилік, христиандық, мұсылмандық әдеби дәстүрлердегі факсимильді және сирек басылымдарды паш ететін көрмеміз әлемдік өркениеттің байлығы мен сан алуандығын түсіндіріп қана қоймай, көрермендерді осылардың бір бөлігі ретінде сезіндіреді, — деп атап өтті Әмірхан Рахымжанов.

Әлемдік және дәстүрлі діндер, философиялық ілімдер мен тәжірибелер тарихы әлемнің көптеген ғалымдарының қызығушылығын оятады. «Рухани тіректері» көрмесі әлемдік діндердің қасиетті кітаптарын, ғылыми монографияларды, өнер және сәулет тарихтарына арналған еңбектерден тұратын 200-ден астам басылымды ұсынады. Мазмұны және жанр жағынан әрқилы басылымдар діндердің пайда болуы мен даму тарихымен таныстырып қана қоймай, сонымен қатар уақыт және кеңістік аясында діни дәстүрлердің сабақтастығын да көрсетеді. Ұсынылған ауқымды кітаптар жинағы әрқайсысы «руханият тірегі» болып табылатын әлемдік және дәстүрлі діндер туралы толық мәлімет алуға мүмкіндік береді.

– Дін мәселесі – күрделі мәселе. Діни адамдардың бір-бірімен келісе білуі қиын, олардың басын біріктіретін бір тылсым күш керек. Сондай күш — Елбасымыздың халықаралық деңгейдегі бастамасы арқылы Қазақ елінде орнықты. Адамдар жаратқанға бастайтын жолды жаңылыспай тапқанда ғана, көптеген қақтығыстар, түсінбеушіліктер,  неше түрлі келеңсіз жағдайларға жол берілмейді. Қазақ елінің кемеңгер басшысы Нұрсұлтан Әбішұлы Назарбаев осындай істің басында болып, биыл алтыншы рет Әлемдік және дәстүрлі діндер лидерлерінің съезін өткізбекші. Бүгінгі көрменің тағылымы мол, көрген адам ой түйеді, — деді көрменің ашылу рәсімінде сөз алған, философия ғылымдарының докторы, академик Ғарифолла Есім.

Құрандар коллекциясы Елбасы кітапханасы музей жинағының мақтанышы. Бұл жинақтың аса ерекшелігі – көрмеге ұсынылатын кітаптар арасында кітапхананың сирек қорындағы XVIII-XIX ғасырларда шыққан түпнұсқалық басылымдардың болуы. Басылымдардың басым бөлігі Елбасымыз Н. Назарбаевқа шет мемлекеттер өкілдерінен дипломатиялық сый ретінде ұсынылған. Әр кітаптың безендірілуі — әлемдік мәдени мұраның ажырамас бөлігі болып табылатын дәстүрлі ислам мәдениетінің қайталанбас бейнелерін қамтитын зергерлік, көркемдік және каллиграфиялық шебер әдіспен өңделген. 

Ботагөз және Шоқан Төлеш отбасылық шығармашылық суретшілер, олардың жұмыстары тамаша рух, материалды таңдау, сюжеттерімен және стилімен ерекше.

Ботагөз Төлеш гобелен тілінде өз эмоцияларын, сезімдерін, интуициялық өзін өзі тану қабілетін ғасырлар тоғысындағы бірегей және таң қаларлық әдемі жұмыстарын ұсынған. Көне қолөнер бұрыннан өнер кеңістігіне ұмтылуда, мұнда прагматика емес эстетика бар. Суретшінің қолынан шыққан эстетика қиялды таң қалдырады. Тақырып сан алуан туған елдің табиғатынан бастап, отбасы ошақ қасы секілді әйел бейнесі, шарықтап ұшудың символы бола білген құстар жайлы.

Менің жұмыстарымдағы образдар мен сызықтар өзімнің мінез-құлқымды көрсетеді. Жұмыстарымның басты түстері: көк, жасыл, қоңыр, сирень және сары түстер. Кейде өзімді басқа тұстан және динамика бергім келгенде ашық түсті материалдарды таңдаймын. Жұмыстарым арқылы мен адамдарға жақсылық, жақсы дүниелердің бізді қорғап тұрғанын көрсеткім келеді. Оларды құстың, қыздың, табиғаттан табуға болатынын айтқым келеді. Бастысы бұны жан дүниеңмен қабылдау», — деді суретші Ботагөз Төлеш өзінің жұмыстары туралы.

Көрменің екінші бөлігіне белгілі мүсінші Шоқан Төлештің жұмыстары қойылған. Мұнда әр жылдары ағаштан, қоладан, тастан және шыныдан жасалған ең үздiк дүниелер әкелінген. Мүсінші жұмыс барысында қола, алюминий, күміс, алтын, жез, ағаш, тас, шыны, түрлі тастарды қолданады. Металл өңдеу техникасын жетік меңгерген ол осылайша сақ, ғұн, түркі кезеңдерінен келе жатқан ата-баба дәстүрін 21 ғасырға сай етіп көрсетеді. Оның мүсіндері көптеген елдердің галереяларында, мемлекеттік мұражайлары мен жеке коллекцияларында сақтаулы.

«Өз жұмыстарымда түрлі ойларға беріліп, әр түрлі пікірлер мен адамдардың көңіл-күйін беремін. Мен үшін адам болашақ жұмысымның идеясы, мотиві. Ал ары қарай мен өзімнің қиялыма еркіндік берем де түрлі форма, ойымның эмоциясын беруге тырысам. Егер сіз өзіңізді тапқыңыз келсе скульптураны жан-жағынан қараңыз, сіз осы кезде  жаныңыздың нені қалағанын түсінесіз», — дейді шебер, ҚР Суретшілер одағының мүшесі, ҚР Өнер академиясының академигі Шоқан Төлеш.

Шеберлердің ұсынып отырған жұмыстары Қазақстанның қазіргі заман өнерінің «алтын жібі». Осымен-ақ көрме атауы анықталып тұр. Төлешовтердің шығармашылық жолы қоршаған ортаны ұғыну шын мәнінде «алтын жол» іспеттес.

Көрме  Қонаев, 14 мекенжайындағы «Has sanat» галереясында 24 қазанға дейін өтеді.

Алматыдағы Республика сарайында Астананың 20 жылдығына арналған көркемсурет және фотоөнер туындыларының көрмесі ашылды. «Ақ тілекпен Астана» экспозициясы Астана күндері мен Қазақстанның барлық өңірлерінде өткізілген турне аясында ұйымдастырылды, деп хабарлайды Астана қаласы әкімдігінің ресми сайты.

Алматы тұрғындары мен қонақтары көрмеде Тәуелсіздік сарайы қорындағы қазақстандық суретшілердің 100-ге жуық еңбегін тамашалады. Көрмеге А.Ақанаев, Е.Айтуаров, Р. Құлбатыров, А. Смағұлова, М. Бекеев, К. Қаржасов, Р. Слекенов, А. Қазығұлов, К. Базарғалиев, А. Сыдыханов, Ж. Мүсәпір, Н. Бубэ, З. Қожамқұлов, Б. Бурдесбеков, А. Құлбай, А. Есдәулетов, Е. Сидоркин, К. Каметов, Е. Оспанұлы, К. Муллашев, М. Байбосынова, У. Тілеулиева сынды 50-ден астам суретшінің және мүсіншілер Т. Ермеков пен С. Смағұловтың уақыт өте келе заманның қалай өзгергенін көрсететін еңбектері қойылды.

Бұдан басқа, фотоөнер сүйер қауым түрлі мемлекеттердің фотографтары Астананың 20 жылдығына тарту еткен жұмыстарды көре алады. Бұл фотокартиналар «Astana Around Us» фестивалі аясында елордада «Нұржол» желекжолында көпшілік назарына ұсынылған болатын. Еске салайық, «Astana Around Us» фестиваліне Яман Ибрахим (Малайзия), Раринда Пракарса (Индонезия), Даниэль Чон (Франция), Арслан Мухаммед Билял (Түркия), Андрей Пугач (Беларусь), Сергей Федоров (Өзбекстан), Виктор Магдеев (Қазақстан), Тұрар Қазанғапов (Қазақстан), Игорь Югай (Қазақстан) қатысты.

«Ақ тілекпен Астана» көрмесінің мақсаты қоғам назарын Қазақстанның елордасының бірегей сәулетіне және ерекшелігіне аударту, мәдениетті қалыптастыру және өнерді дамыту.

Көрмеге Қазақстан, Қырғызстан, Ресей, Тәжікстан, Өзбекстан елдерінің 14 жас суретшісінің туындылары қойылған, деп хабарлайды Астана қаласы әкімдігінің ресми сайты.

«Перезагрузка. Оптимизация пространства» атты көрме «Astana Art Show» жобасының аясында өтуде. Көрменің ұйымдастырушысы «ARTtop» қазіргі заманғы өнерді қолдау қоры.

Экспозицияның салтанатты ашылуы «Москва» БО-ның құрылысы толық аяқталмаған залында өтті. Интерьері толық аяқталмаған зал көрмеге контраст беруде: өткен шақ алыс, басқа уақытта және мағына өрісінде, жаңа көк тіреген ғимараттар фонында басқа өмір, ал «жаңа адамдар» өзге тарих жасауда.

Көрме барысында суретшілермен кездесулер, ашық дәрістер, кураторлық экскурсиялар ұйымдастырылды.

«Бұл көрме жадыны зерттеу және қайта ойлау, қажетсіз «жүкті» түзеуге әрекет, заманауи өнерде жаңа тақырыптар мен пайымдар іздеу, бір адым алға жылжығу талпыну. Суретшілерді тек жастық және географиялық ценз ғана емес, сондай-ақ, әлеуметтік, тарихи және мәдени кеңістік байланыстырады. Сондай-ақ, жұмыстарда ғылым, философия және психоанализ бойынша бірқатар мәселелер қаралады», — дейді экспозиция кураторы Айгүл Ибраева.

Оның сөзінше, қазір жас суретшілер жаңа заман медиа саласында жұмыс істей отырып, соңғы трендтерді де ұмытпайды, өздерінің жұмыстарын заманауи тұрғыда жасай отырып, ұлттық болмысы мен салт-дәстүрлерін жоғалтпайды.

«Ұсынылған жұмыстар жалпы контексте индивидтің талдау қажеттілігін» біріктіреді, оның ойлауы, жады — қоғамды қазіргі заман тұрғысынан зерделеуінде, қалай көрсететіндігінде», — деп түсіндірді А. Ибраева.

Мысалы, Тәжікстаннан келген суретші Фарух Кузиеваның «Медиа казан» видео инстализациясында ұлттық тағамның құрамы таныстырылды. Өнер иесі өзінің аталмыш еңбегінде палауды қалай жасау керектігін және палау Тәжікстан Республикасының мәдени мұрасы екендігін айтуда.

Сондай-ақ, көрмеде Жазгүл Мадазимова, Айгерім Мажитхан, Аружан Жұмабек, Зоя Фальково, Александр Барковсктың және басқа да жас суретшілердің шығармашылығымен танысуға болады.

Көрме осы жылдың 20-шы қазанына дейін жалғасады.

 

1851-ші жылы 1 мамырдан бастау алатын Бүкіл Әлемдік Көрме Альберт ханзаданың бастамасымен Лондон қаласындағы Гайд-паркте «Барлық халықтардың өңдірістік жұмыстарының ұлы көрмесі» деген атаумен өткен еді. Көрменің басты назар аударарлық ғимараты, Джозеф Пакстонның сәулеттік жобасымен тұрғызылған Хрусталь сарайы болды. Бір өкініштісі бұл тарихи ғимарат 1936-шы жылы өртеніп кеткен.

Ең алғашқы Әлемдік Көрмені 20 аптаның ішінде 6 миллионнан астам адам тамашаласа, сол кездегі Лондонның халқы 3 миллион ғана еді.

Көрмеде бу қозғалтқыштары, стерео-фотосуреттер, америкалық Чарльз Гудиер ойлап тапқан ысытылған резеңке (Goodyear), қойылтылған сүт, консервіленген азық түлік, мүгедектерге арналған протездер, шыны көздер, стоматологиялық креслолар, «веналық» деп аталатын орындықтар және басқа да заттар қойылған!

Көрмеден шамамен 186 000 фунт стерлинг пайда түсті. Бұдан түскен пайда әйгілі Виктория және Альберт тағы да басқа бірнеше музейінің құрылысына жұмсалған.

Қыркүйектің 26-27 күндері Астанада Мәжіліс Спикері Нұрлан Нығматулиннің төрағалығымен Инновация, технология және білім мәселелері жөніндегі Астана Парламентаралық форумы өтті. Аталмыш жиынға 20-дан астам елдердің парламент депутаттары, саясаткерлері мен сарапшылары, сондай-ақ, халықаралық ұйымдардың өкілдеріқатысты.Форум қатысушыларын құттықтаған Мәжіліс Төрағасы елімізде алғаш рет ұйымдастырылып отырған осы форумның Қазақстан тәуелсіздігінің 25 жылдық мерейтойы қарсаңында өтуіне айрықша назар аударды.



Форум аясында «Rixos President Astana» қонақүйінде елеулі танымдық маңызы бар сирек кездесетін кітаптар мен қолжазбалардың көрмесі ұйымдастырылды. Көрмеде Мемлекеттік тарих, Әдебиет, Шығыстану, Философия, Археология, Экономика, Тарих институттарының туындылары, сонымен қатар ҚР Білім және ғылым министрлігі Ғылым комитетінің ­­ Ғылыми кітапханасындағы өте құнды сирек кітаптар мен қолжазбалары қойылды.



Ұйымдастырылып отырған бұл шараның ең көне жәдігері — ХІХ ғасырда Стамбулда басылып шыққан қасиетті Құран кітабы. Бұл еліміздегі ең көне кітап деуге болады.

---

---

АҢСАҒАН МҰСТАФА

• 1979 жылы 12 қыркүйекте, Атырау облысы Миялы ауылында дүниеге келген.
• 1997 жылы Алматы қаласының сурет колледжін бітіріп, Темірбек Жүргенов атындағы Өнер академиясының графикалық дизайн бөлімінің студенті атанып, академия қабырғасында А.Дүзелханов, А.Омаров, М. Қыдырбаевтардан дәріс алған.
• 1991 жылдан бастап «Ақ босаға» газетінде көркемдеуші редактор қызметін атқарып келеді.

• ...
• 2014 жылдың 14-қазанында «Сөйле, сурет» атты көрмесі ашылды :)

---

---

---

---

Бүгін көптен күткен Аңсаған Мұстафаның көрмесі «Сөйле, сурет» көрмесі ашылды.

---

---

Көрмеге бүгінгі күні тек қазақстандықтардың арасында ғана емес шетелдіктерге де танымал болып үлгерген әлеуметтік тақырыптардағы Аңсаған Құрманғазықызының 50-ге жуық суреттері қойылды.

---

---

Суретшінің айтуы бойынша ол өз суреттерінде жастарға тәлім тәрбиені заманауи және әркімге бірден түсінікті инфографика тәсілін пайдалана отырып жеткізуді көздеген. Сол үшін де тәрбиелік мәні зор әлеуметтік көрмені жастардың қалың тоғысу орны, Астананың қара шаңырағы Л.Н.Гумилев атындағы Еуразия Ұлттық университетінде өткізуді жөн көрген болатын.

---

---

Бүгін күні бойын әлеуметтік желілерден де, ақпараттық агенттіктер мен газет-журнал, теле-радиолардан да Аңсағанның көрмесінен түрлі жазба, фоторепортаж, жаңалықтарды тамашалап жатқан боларсыздар. Ал мен бұл постымда Аңсағанның «Сөйле, сурет» көрмесі негізгі аудиториясына жетті ме, олар суреттерден қандай әсер алғандарын суретпен көрсетпекпін.

---

---

Ал ендеше көрейік, суреттер сөйледі ме?

---

---

---

---

Көрме қазан айының 25-жұлдызына дейін, Еуразия Ұлттық университетінің бас ғимаратында өтеді.

---

---

P.S. Менің фотоаппаратыма ілінген жастардың түрі осы ^_^

Астана қаласы.
13 маусым, 2014 жыл.

«Rixos President Astana» қонақүйінде ЭКСПО-2017 Комиссары – ҚР Сыртқы істер министрінің бірінші орынбасары Рәпіл Жошыбаев пен «Астана ЭКСПО-2017» ҰК» АҚ Басқарма Төрағасы Талғат Ермегияевтың Халықаралық көрмелер бюросы Бас Ассамблеясының 155-сессиясының қорытындысы бойынша бірлескен баспасөз мәслихаты болып өтті.

Баспасөз мәслихатында сөз алған «ЭКСПО-2017» Комиссары – ҚР Сыртқы істер министрінің бірінші орынбасары Рәпіл Жошыбаев шетелдік қатысушылармен келіссөздер басталғанын және инвестициялық әріптестіктер орнатылып жатқанын жеткізді.

• Кеше, сенбі күні бүкіләлемдік «The Human Body Exhibition» атты көрмеге барып қайттым. Көрмедегі экспонаттар адамның дене мүшелерін бүтін-бөлшектей, ішкі ағза мүшелерін қаз-қалпында сақтап көпшілікке көрсетуге ұсынылған. Аталған көрме 2005 жылдың 20 тамызында Тампта, нақтырақ айтсақ, АҚШ-тың Флорида штатында ашылған. 1999 жылы ашылған Body Worlds көрмесіне ұқсағанымен, оған ешқандай байланысы жоқ. Көрме адамның бүтіндей қаңқасынан, кептіріліп, сүрленіп сақталған бұлшықеттерінен, адамның ішкі ағзалары мен белсенді ағза мүшелері (мысалы, жүрек, бүйрек, бауыр, өкпе, адамның жыныс мүшелері, тамыр), ұрықтың бес апталығынан бастап төр айлық даму сатысына дейін көрсеткен қызықты әрі құнды экспонаттар бар. Бұл көрменің ерекшелігі сол – көрмедегі экпонаттар дүниеден өкен марқұм болған адамдардың шын денесі.
• Бұл көрме осыған дейін әлемнің Айдахо-Фолс, Майами, Виннипег, Дублин, Амстердам, Роттердам, Атланта, Шривпорт, Вена, Мадрид, Буэнос-Айрес, Монреаль, Сан-Хосе (Коста-Рика), Квебек, Ниагара-Фолс (Онтарио), Богота, Кордова, Барселона, Шривпорте, Цинциннати, Сантьяго-де-Чили, Сан-Паулу, Брэнсон, Прага, Братислава, София, Загреб, Будапешт, Белград, Лиссабон, Атлантик-Сити, Питтсбурга, Сан-Диего, Лас-Вегасе, Нью-Йорке, Тулса, Форт Лодердейл, Хартфорд, Сан-Антонио, Вашингтон, Омаха, Гонолулу, Индианаполис, Финикс, Сакраменто, Тусон, Кливленде, Сиэтле, Альбукерк, Колумбия, Детройт, Гринсборо, Дарем, Лексингтон, Кентукки штатында, Рига, Варшава, Пуэрто-Рико, Брисбен, Любляна, Остена Яффы және Бойсте, Хайфе, сонымен қатар Хьюстон, Тегусигальпа, Сан-Сальвадор (Сальвадор), Лондон, Бухарест, Краков, Гданьск және т.б жерлерде өткен. Дәл қазіргі уақытта көрменің көрсетілімі Түркияның Измир қаласына жүріп жатыр.
• Көрмедегі экспонаттар әр бөлмеде сатылай мына ретпен басталады: бұлшықеттер, жүйке тамырлары, қантамырлары, ас қорыту, кеңірдек, тыныс алу жолдары, несеп айдау, зәр шығару мүшелері, ұрықтың даму сатысы мен өңделген мәйіт денесі, адамның белсенді ішкі ағзаларын көруге болады. Жалпы саны жиырмаға жуық мәйіт денесі қойылған. Оның барлығы шынайы адам денесі. Экспонаттар «Полимерлі сақтау» әдісімен сақтаулы. Сондықтан бұзылып, ыдырап кетпейді. Бұл көрменің ұйымдастырушы Premier Exhibitions Incorporated корпорациясы. Аталған компания марқұмдардың ет жақындары мен туыстары шағымданып, мүрдені қайтарып алмас үшін Қытай үкіметі тарапынан өлі мүрделер жайында ешқандай мәлімет алмаған. Бұл экспонаттар Қытайдың Дальянь университетінде жасырын түрде дайындалған екен. Қытай үкіметі аталған компанияға әрбір бес жылға жалға беріп отыр.
• Өлі мәйттерден әр түрлі көріністі көре аласыз: атлет, футболист, баскетболшы, жыныстық қатынасқа түсіп жатқан жыныс өкілдері, темекі шегіп тұрған, көздеп тұрған мерген қаңқа мүрделер.
• Көрмені бейжәй көру мүмкін емес. Әрине, кептірілген ми мен қақ айрылып тілінген жүректі көрсең. Шындығында, адам жүрегі — біздің көріп, бейнелеп жүрген жүрегімізге ұқсамайды екен. Ал оның қақ бөліп екіге айырған түрін көргенде, біз білетін жүректі таныдым. Сүйекті қойш, бұлшық ет пен кәдімгі көзге көрінбейтін қан тамырларын сақтап қойғанына қарап қайран қалдым. Адамнан айла артылған ба...
• Көрмедегі экспонаттарды түсіруге тыйым салынғандықтан, құрғақ қасық ауыз жыртпасын деп, төменде интернеттен алып, көрменің суреттерін салып отырмын.

Өткенде мына жазбамда «Биоотын—энергия көзі. Қаншалықты үмітім ақталады? „ Өскемен қаласында Германия елшілігі ұсынған “ Возобновляемые источники энергии. Сделано в Германи» аударсақ «жаңғыртылмалы энергия көздері Германияда жасалынған» атты көрмеге бармақшы болғанымды жазғанмын. Бардым, көрмені жетекшілерінің арттарынан еріп келген бір топ мектеп оқушылары аралап жүр. Көрме бойынша жетекші әрбір баннер қасына барып түсіктемесін айтып жатырмын. Көрме дегеніміз 20 шақты баннер. Мұндайды стендтік көрме деп те атайды. Стендтерінде әр тақырып бойынша қысқа шолу жасалынған. Іліп алар ешнәрсе жоқ. Бір нақты компанияның, кондырғының техникалық сипаты, Германияның нақты қандай жерінде іске асырылғандығы т с.с. нақты ақпаратты таппайсын. Орыс тілін ғана түсінетін жабайы халыққа Германия елінің кереметтілігін ұлықтап көрсететін көрме деп түсіндім. Шыдамай кетіп залдың ортасына шығып алып өзімді таныстырған соң жерге қарап отырмағанымызды айттым. «Су диірмен бізде де болған. Желді пайдаланып құдықтан су шығарып малды суарамыз, бізде қиды отын қыламыз оны бізге германдықтар тайпасы үйреткен жоқ (біз үйретпесек оларға). Біраздан соң биодизелімізді де өндіреміз. Геотермальді жылу көзін де пайдаланамыз. Біз тек жаңғырмалы энергияны пайдалану көлемінен қалып қойдық, энергетикалық ресурстар қымбаттады (елімізде тапшы дегенге тілім бармайды), қажеттілік туындады, енді бізде жаңғырмалы энергияны пайдалану көлемін арттырамыз»,— деп бір кең дем алып қалғансын ғой

Бүгін Сеул қаласындағы Өнер көрмесіне бардық. Мына сурет соның белгісі. Көрмеге майлы бояумен салынған суреттер мен корей иероглифтері қойылған екен. Сол жердегі өнер шеберлері менің сапарластарыма тілек жазылған парақтарды табыс етті. Корея қызықтары таусылар емес. Алдағы уақыттарда барлығын сіздермен бөліспекпін.

Алматыда сегізінші маусымда «АРТ-алаң» деп аталатын жаңа әлеуметтік-мәдени жобаның тұсауы кесілді.
Енді алдағы үш ай демалыста қаламыздың саябақтарында әуен, би, театр, кино, әдебиет пен сурет көрмесі, граффити, йога-шоуы, жәрменкелер мен балаларға арналған шығармашылық шебер класстары және басқада ойын-сауықтар өтететін болады.

Кітап дүкендерінен басталған «саяхатым» Конгресс Холл маңындағы жерасты өткелге келгенде кілт тоқтады. Асанқайғының шұрайлы мекеніне тап болғандай, әлгі жерден шыға алмай қалдым. Қысқасы, Bnews хабарлаған "қызыл кадмий" көрмесіне тап болыппын. Көп сөйлемей, түсірген сапасыз сүгіреттерімді ұсынайын: