22 желтоқсанда Оқушылар сарайында рождестволық концерт өтеді, деп хабарлайды елорда әкімдігінің ресми сайты.

«Weihnachtswunder» рождестволық концертін Астананың «Возрождение» неміс қоғамдық бірлестігі мен Ақмола облыстық «Возрождение» қоғамдық қоры Германия елшілігінің қолдауымен ұйымдастырды.

Бағдарлама барысында Астананың және Ақмола облысының неміс қоғамдық бірлестіктерінің шығармашылық ұжымдары және арнайы шақырылған қонақтар — «Романсиада» халықаралық байқауының жүлдегері, «Шабыт» халықаралық шығармашыл жастар фестивалінің дипломанты, «Метрополитен-опера» байқауының аймақтық кезеңінің финалисі, «Астана Опера» солисі Евгений Чайников, республикалық, халықаралық байқаулардың лауреаты, концертмейстер Елена Цветцих өнер көрсетпек.

Концерт 22 желтоқсанда сағат 19:00-де Оқушылар сарайында (Момышұлы даңғылы, 5) өтеді.

Астана қаласы әкімдігінің ресми сайты 24-30 қыркүйек  аралығында өтетін мәдени шаралар кестесін ұсынады.

Қала тұрғындары мен қонақтары 24  мен 30 қыркүйек  аралығында сағат 10.00-18.00 Тәуелсіздік сарайында ҚР Өнер Академиясының «Астана – арман қала» атты қолданбалы және көркем сурет көрмесі, Фотожурналист, жергілікті тарихшы Нұрмұхамат Имамовтың шығармашылығына арналған көрме, «Ақанаевтар әулеті» атты жеке көркем көрмесі, «Қасиетті жерлерге саяхат» Павлодар қаласының суретшілір көрмесі, «Ата заң — ел тірегі, Астана – ел жүрегі» Қазақстан Республикасы Конституциясы күніне орай көрме, Ядролық сынақтарға қарсы халықаралық күніне арналған тематикалық көрме, Асқар Нұрболаттың  «Өмір» атты  жеке көркем көрмесін тамашалай алады.

«Астана» концерт  залында 25 қыркүйек сағат 18.00-де Классикалық, эстрадалық вокал солисттерінің «Қазақ операларының әпсаналары» камералық вокалды музыка кеші, 27 қыркүйек сағат 19:00-де «Сарыарқа» халық музыка ансамблі, «Шалқыма» халық би ансамблінің және халық ән солисттерінің қатысуымен Күнсұлу Тұрлыбекованың  жеке концерті, 28 қыркүйек сағат 19:30 «Jazz time» концерті. Үрмелі оркестрдің 18 концерттік маусымының ашылуы, 29 қыркүйек сағат 18:00-де Базарбай Жұманияздың шығармашылығына арналған концерт.  Симфониялық оркестрдің концерттік маусымының ашылуы өтеді.

28 қыркүйек күні сағат 19:00-де «Казахстан» ОКЗ-да «Самғау» концерті Астаналықтарды шақырады.

28-29 қыркүйек сағат 19:00-де Бейбітшілік және Келісім сарайында «Жайдарман» жоғарғы лигасы өтеді.

29-30 қыркүйек күндері сағат 12:00, 14:00-де Қуыршақ театрында Т. Хасанғалиеваның «Ана құдіреті», Р.Киплингтің «Маугли» шығармасының желісі бойынша қойылым қойылады.

30 қыркүйек сағат 14:00-де Казмедиа орталығында «Асыл Ана» республикалық фестивалі өтеді.

30 қыркүйек сағат 20:00-де «Астана Арена» стадионында Премер-Лига клубтары арасындағы футболдан Қазақстан Республикасының Чемпионаты «Астана» ФК — «Жетісу» ФК ойынына шақырады.  

16 ақпан күні, сағат 17.00. «Қарағанды облысы жастар ресурстық орталығы» КММ ұйымдастыруымен «Шырқа, гитара!» атты ән кеші өтті. Қарағанды қаласының кәсіби және әуесқой гитаршыларының басын біріктіріп, ән салып, өнерпаз жастардың уақытын тиімді пайдалана отырып, олардан түрлі ұсыныстар алып, сұхбат құрып, көңілді кеш ұйымдастырылды.

Қатысқан гитаршылар:
Шакенов Владимир Жунусович – Қарағанды қаласының №1 балалар музыкалық мектебінің ұстазы. Свердлов қаласының, Чайковский атындағы музыкалық училишесінің гитара класын тәмәмдаған. Көп жылдық тәжірибелі гитаршы.

Айнаш Сәдуақас – Қарағанды мемлекеттік медицина университетінің 7 курс студенті;

Әнші, сазгер Жансерік Нишанбеков;

Рауан Қабидолдин – ақын, облыстық «Орталық Қазақстан» газетінің тілшісі;

Асыл Баянова – Қарағанды мемлекеттік университетінің шет тілдер факультетінің студенті;

Марғұлан Уәли – әнші, сазгер. Қарағанды облысының жастар ресурстық орталығының маманы.

Сонымен қатар Алмас Мырзахмет, Айзада Рахимжанова, Еркін Нарынов т.б. ақындар өлеңдерін оқыды.

Кеш еркін форматта өтті. Елімізге танымал сонау 70 жылдардан бастап, кейінгі жылдарға дейінгі сазгерлердің әндерін айтып, және жаңа авторлық әндер орындалды.

Ән қалықтап, көңіліміз шарықтай берсін!

«Жұлдыздарға ғашық болу» ауруына бұрын — сонды шалдықпаған едім. Қазір де, дәл солай. Бірақ, мен оның әндерін алғаш естігенде, әнші ретінде мойындадым (өзім үшін, әрине, халық оны баяғыда-ақ мойындап қойған). Қазақ халқына тән қоңыр дауысы, әдемі үні мені баурап алды. Ер жігітке тән сұлулық пен үйлесімділік бар бойынан табылатын сол адам — мен үшін өмірдегі теңдесіз жан. Зұлымдық пен ашкөзділік, хайуандық пен арамдық, сайқалдық пен арамдық басым түскен қазіргі қоғамда мен сол адамды адамгершіліктің символы деп бағаладым. Осы өмірде бір сәттік қызығушылықтар мен атақ үшін, өзінің қара басы үшін ар, намыс, ұят, адамгершілік, тазалық, имандылық, қарапайымдылық деген ұлы сезімдерді құрбан еткен кейбір(көпке топырақ шашпай-ақ қояйын) «жұлдыздар» тізіміне кірмеген «алтын адам». Оның ән айтпай-ақ күлгенінің өзі неге тұрады?! Сүп-сүйкімді бет-бейнесі… Көз-қарасы… Құдды бір періште дерсін…

Фейзбуктен сүйікті әншімнің Қарағанды қаласына келіп, концерт қоятынын оқыдым. Көшеде жарқағаздар(афиша) ілініп тұрмағандықтан, мүмкін жалған ақпарат шығар деген ойлар маза бермеді. Ең алдыммен, ойымда оның рас-өтірігін білу болды. Шынымен де, солай екен. Енді есіл-дертім алғашқы орындардың бірінен концерті билет алу еді. Өзім де ойыма келгенді істемей қоймайтын адаммын, ақыры сабақтан шыққан соң, құрбымды ертіп алып, Кеншілер сарайының кассасына барып, билет алдым. Билет алған алғашқы адамдардың бірімін десем, мақтанғандық емес шығыр. Бұл — өнерге, өнер адамына деген құрмет, махаббат…
Көптен күткен сәт те келіп жетті. Төреғали Төреәлі сахнаға шыққанда, әкем келгендей қуандым ғой. Жүрегім нұрлы қуанышқа бөленіп, бақыттан басым айналды десем артық болмас еді. Видеоға, фотоға түсіріп, фейзбуктегі достарыммен бөлістім, қуанышыммен ортақтастым. Кенет, техникалық ақауларға байланысты микрафон істен шықты. Періште деп жүрген адамымнан естіген сөзім: «Шіріктер, шіріттіңдер ғой! Лақтырып жіберейін бе?!». Техниканың аты — техника. Бұл өмірден жұмыр басты пенделердің өзі кетіп жатқанда, микрафонның істемей қалуы заңды дүние емес пе? Оны лақтырып немесе микрафонға жауапты адамдарды «шірік» қылып не таппақшы? Дүйім жұрттың алдында бұлай сөйлегені былай тұрсын, фотоға түсуге барғанда бәлісінгені-ай! Фотоға түскісі келмесе, мәдениетті түрде жеткізуге болар еді, міндетті түрде айқайлап, артымызға адам салып, есіктен итеріп қуып шықпай.
Қас-қағым сәт деген осы шығар… Қаншама жыл нағыз қарапайым, адамгершілігі мол деп жүрген адамнан көңілім қалды. Концерттен кейін көп ойландым. Атақ адамды осыншама өзгертеді ме, әлде халықтың іші-бауырына кіргенше, бетперде киіп жүре ме? Қызық, мен «жұлдыз» болсам, қайтер едім?

---

23 СӘУІР (2014 жыл)
Қазақ эстарадасының жас әншісі Ернар Айдар — Астана қаласы, Конгресс-Холл сарайында, өзінің үлкен сахнадағы алғаш «Жарығым-ай» атты ән кешін өткізді.

6 шілде күні Елордамыздың 14 жылдығына орай Ақтау қаласында мерекелік кеш өтті. Бұл шараға жергілікті шығармашылық топтармен қатар, Астана мен Алматы қалаларының эстрада жұлдыздары ән шырқады.
Астананың қуанышымен қатар Елбасымыздың туған күнімен сәйкес келгендігі, қазақстандықтар үшін үлкен жүрек жарды мерей той болды.

London Beat тобы «Гүлдер» фестивалінде өнер көрсетеді

Ұлыбританиялық London Beat тобы Алматының «Мәдениет жылы» аясында өтетін «Алматы — гүл қала» фестивалінде өнер көрсетеді. «Гүлдер» фестивалі 26 мамыр күні «Астана» алаңында өтеді.
Фестиваль барысында қала тұрғындары мен қонақтары үшін бірегей гүлдер көрмесі, жәрмеңкелер, гүлдермен безендірілген көліктер шеруі, түрлі мәдени ойын-сауық шаралар және эстрада жұлдыздарының концерті ұйымдастырылмақ.

Құрметті жастар, Алматының тұрғындары, қонақтары!!!
Сіздерді 3 мамыр күні болатын қайырымдылық кешіне шақырамыз. Концерт сағат 15.00 Т.Рысқұлов атындағы Қазақ Экономикалық университетінде (НарХоз) өтеді. Билет бағасы 300 теңге. Кеш қонақтары: Hirosima, Kadem, Beat G, Бек Шарип (Бакай), MC Kuna, Али Окапов, Айса, AJ, Saba, БахытЖАN BTR, K.A.S… Түскен ақша №6 балалар үйіне беріледі. Жас бүлдіршіндердің өміріне бей-жай қарамаңыздар!!! Билетті +77754440124 номеріне хабарласып, немесе sabyrzhan_nurlan@mail.ru, болмаса осы жерге жазып тапсырыс берсеңіздер болады.

Күн суық. Қашанда кешігіп жүретін әдетіме басып, Алматыдан келген таныстарды Астананың аязына үсіріп, әйтеуір кездесетін орынға әрең дегенде жеттім. Бұл орын — Астана-Арена еді. Мұнда келуімізге себепкер — «Тәуелсіздік — қазағымның арманы» атты музыкалық дастан. Ғимараттың есігіне жету қандай қиын еді: алдымен күзетшілер билетпен өткізеді, келесі айналмалы есіктен сол билетті тексертесің. Онан қала берді ішке кірген соң... тіпті фотоаппаратымды суретке түсіртіп тұрып тексерді ғой.

қыздар/балдар, жақында 20 қазан күні, Б.Шолақ спорт сарайында, сағат 19.00-де корей шоу-бизінің концерті болмақ, дәл осындай концерт Астанада өтіп еді, жаз айында, енді міне бізге де жетті))) өте қуаныштымын, келем деушілерге есік ашық(кіру тегін).
Сол жақта жолыққанша, сәтті сәт болып, жақсы демалыс жазсын біздерге!

Қырқып қой: постер менің почтама келгендерден. инфоны сол жақтан алдым

Осыдан 3 күн бұрын Алматыда Сергей Лазарев, Батырхан Шүкенов, Тимати, Анна Семенович, Дима Билан, Филипп Киркоров, Николай Басков, Шахзода, Митя Фомин, Томас Nevergreen, Анна Семенович, Елка, Анита Цой, Анжелика Агурбаш пен «Градусы», «А Студио» топтары, біз жақтан, тарап кеткен «Дуэт L» қатысқан МузТВ-ның қып-қызыл кәнсерті болды. Сол күні келе сап, жазжіберем деп ойлаған едім, суретті көшіру мұң болып, бүгін сәті түсті.

Сонымен «сары» жаңалықтан бір порция.