Полиция департаменті қарды жинайтын техниканың жұмысына кедергі келтірмеу үшін көлік құралдарының жүргізушілерінен көліктерін жол бойына қоймауларын сұрайды, деп хабарлайды елорда әкімдігінің ресми сайты.

Астана қаласы ПД-нің Жергілікті полиция қызметінің басқармасы жол қозғалысының қатысушыларына ауа райының қолайсыздығына байланысты Қазақстан Республикасының Жол қозғалысы ережелерінің талаптарын мүлтіксіз сақтау қажеттігі туралы ескертеді.

«Барлық жүргізушілерге мұқият болуға, қауіпсіз қашықтықты сақтауға, ауа райының қолайсыз жағдайына байланысты жылдамдық тәртібін асырмауға шақырамыз. Тіпті, жолдарда қар болмаған жағдайда да, қазіргі ауа райы жағдайында жол-көлік оқиғасына түсу қаупі бар», — деп ескертеді ЖПҚ.

Хабарламада жүргізушілерге доңғалақтардың жол жабыны бар ілінісу коэффициентін арттыру үшін қысқы шиналарды ауыстыру қажеттігі айтылған.

«Алайда оларға толық сенудің қажеті жоқ, себебі автомобильдің тоқтау жолы шамалы ғана қысқарады. Жаяу жүргіншілерге да сақ болу керек. Ол үшін жолды тек белгіленген орындарда ғана өту керек», — дейді ЖПҚ.

Бұдан басқа, тәртіп сақшылары көлік иелерінен қарды жинайтын техниканың жұмысына кедергі келтірмеу үшін көліктерін жол бойына қоймауларын сұрайды.

Жөндеу жұмыстары орталық магистральді көшелер мен қаланың шеткі аймақтарына жүргізілді, деп хабарлайды Астана әкімдігінің ресми сайты.

Көлік және жол-көлік инфрақұрылымын дамыту басқармасы хабарлағандай, жолдағы орташа жөндеу жұмыстары жоспарланбаған көше учаскелерінде де жүргізілді.

«Осы жылы көлік және жол-көлік инфрақұрылымын дамыту басқармасымен 13 орталық магистральді көшелерге орташа жөндеу жұмыстары жүргізілді, жалпы қашықтығы 17, 8 км, сонымен қатар жолдарға асфальт төсемі жекелеген құрылыс жүріп жатқан аудандағы 51 көшеге төселді. Жалпы қашықтығы 26, 92 км. Сонымен бірге әкімнің тапсырмасы бойынша орташа жөндеу жұмыстары жоспарланбаған көше учаскелерінде де жүргізілді. 9, 2 км қашықтықты құрайтын 9 көшеде жұмыстар атқарылды», — делінген ведомстваның хабарламасында.

Алдағы күндері елордада бір жақты қозғалысқа арналған жаңа жол учаскелері пайда болады. Өзгерістер қаланың оң жақ жағалауындағы екі көшенің бойында енгізілетін болады. Осылайша, бір жақты қозғалыс Бұқарбай батыр көшесінің Жеңіс даңғылынан Әзербайжан Мәмбетов көшесіне дейінгі аралығында және Желтоқсан көшесінің Кенесары көшесінен Бұқарбай батыр көшесіне дейінгі аралығында енгізілмек. Өзгерістер 2018 жылдың 15 қарашасында, яғни бейсенбі күні күшіне енеді.

Аталмыш өзгерістер – қаладағы жол қозғалысын оңтайландыру жұмыстарының бір бөлігі. Өзгеріс жол желісіне түсетін жүктемені азайту мақсатында енгізіліп отыр.

Белгіленген учаскелерге бір жақты қозғалысты енгізу автокөлік ағындарының үздіксіз қозғалысын қамтамасыз ете отырып, қарсы ағынмен шиеленісу нүктелерін азайтудың арқасында жол-көлік оқиғаларының санын азайтады деп күтілуде.

Аталған учаскелерде қарама-қарсы бағытта келе жатқан көліктердің қатысуымен болатын жол-көлік оқиғалары жиі орын алғанын айта кету қажет.

Бұдан бөлек, аталған шаралар бұл көшелердің көлік ағындарын өткізу қабілетін арттырады. Жүргізілген талдау жұмыстырына сәйкес, осыдан біршама уақыт бұрын бір жақты қозғалыс енгізілген көше учаскелеріндегі өткізу қабілеті орта есеппен 30% -ға артқан.

Сонымен қатар, бір жақты қозғалысқа арналған жаңа учаскелерді енгізу бір жақты қозғалыс желісін қалыптастыра отырып, бұған дейін енгізілген бір жақты қозғалыс учаскелерінің тиімділігін арттырады. Сонидай-ақ, ол №1 мектеп-лицейге жақын жолдарда көлік қозғалысы жүктемесін төмендетуге септігін тигізбек.

Естеріңізге сала кетейік, 2018 жылдың 27 қазанында тұрғындардың қатысуымен бір жақты қозғалысты енгізуге қатысты мәселе қаралған қоғамдық тыңдаулар өткен болатын. Бас қосуда Астана қаласының Көлік және жол-көлік инфрақұрылымын дамыту басқармасының, Сарыарқа ауданы әкімшілігінің, Астана қаласы ІІД Әкімшілік полиция басқармасының және «Астана ЛРТ» ЖШС өкілдері тұрғындардың сұрақтарына жауап берді. Сондай-ақ, аудан тұрғындарының пікірлері тыңдалып, барлық ұсыныстары ескерілді.

Өзгеріс қаланың оң жағалауындағы үш көшеге енгізіледі, деп хабарлайды астана әкімдігінің ресми сайты Сарыарқа ауданы әкімдігінің баспасөз қызметіне сілтеме жасап.

Біржақты қозғалыс Бұқарбай батыр көшесі бойынша Жеңіс даңғылынан Мәмбетов көшесіне дейін, Желтоқсан көшесі мен Кенесары көшесінен Ирченко көшесіне дейін, Ирченко көшесі мен Желтоқсан көшесінен Бұқарбай батыр көшесіне дейін болмақ. 

«Осы аталған көшелердегі жол-көлік оқиғаларының санын азайту, қауіпсіздік пен өткізу қабілетін ұлғайту үшін ЛРТ мамандары көше-жол желісіндегі жүктемені төмендету мақсатында жол қозғалысын оңтайландыру бойынша жұмыстар жүргізуді ұсынуда. Мұндай өзгерістер біздің ауданның үш учаскесіне тиесілі: Бұқарбай батыр көшесі бойынша Жеңіс даңғылынан Мәмбетов көшесіне дейін, Желтоқсан мен Кенесары көшесінен жағалауға дейін және сол жағалаудың бойындағы Желтоқсан көшесінен Бұқарбай батыр көшесіне дейін, Жеңіс-Бұқарбай батыр қиылысына бағдаршам орнатылмақ. Осы көшелердің жүктемесін азайтып, жаяу жүргіншілер жолында қауіпсіз бағдар құру үшін әсіресе балалардың амандығы үшін аталған учаскелерде біржақты қозғалыс енгізуді ұсынуда», — деп жазды Сарыарқа ауданының әкімі Арман Тұрлыбек өзінің фейсбуктегі парақшасында.

Аталған өзгеріс көлік қозғалысын оңтайландыру бойынша жұмыстардың бір бөлігі және ол көше-жол желісіндегі жүктемені төмендету үшін енгізіледі, жаяу жүргіншілер жолын қауіпсіз ету, қарама қарсы ағындағы соқтығысып қалатын нүктелерді азайтудың арқасында ЖКО саны төмендейді, — деді ол.

Аудан әкімі көтерген осы мәселеге қатысу үшін қала тұрғындарын сенбі, 27 қазан күні сағат 10:00-де № 1 мектеп-лицейде өтетін қоғамдық тыңдауға шақырады.

Әдеттегідей ерте тұрдым. Анамның дайындап қойған шәйін ішіп отырмын. Екі көзім сағатта. Келісілген уақыт 8:10. Сағат тілі 8:05 соққанда менің жүрегім сағат тіліне ілесе бірге дүрсілдей соғатын. Күнделікті әдетім бойынша ағаммен бірге мектепке қарай аяңдадым.

Ол тұратын бұрылысқа да жақындадық. Иә, қара торы, бойы ұзын, үстінде өзіне арналып тігілгендей әдемі, өңіне одан ары әр беретін қара кастюм шалбары бар, қолына мен оқымыстымын дегендей менмұндалап тұратын қоңыр партфельін ұстаған менің махаббатым күтіп тұр.

Сол бұрылысқа дейін ағасының мазасын алып ойнап келетін ерке тотай, ақымақ қыз бұл жолда мүлдем басқа. Биязы мінез, сабырлы келбет, әдемі күлкі жайғана қарапайым қыз бейнесі іске қосылады дерсіз. Алыстан нұрлы жүзіне ұрлана қарап мені көзіңнің жанарымен баурамашы дегендей ағамның артына тығыла қасына жақындайтынмын. Ең өкініштісі не екенін білесізбе, менің махаббатым ағамның жақын досы және сыныптасы болғаны. Ағаммен амандасып болғаннан кейін қызараңдай маған қарап, демін ішіне тартып, даусын баяу шығарып «Сәлем» дейтін. Сол сөзінің өзі менің бір күндік азығым десем асыра сілтеуім емес болар. Менің ағам әкеме тартқан мінезі тік, артық қимылы жоқ қабағына қарап қалауыңды ұмыттыратын жан еді. Менің достарының қасында жүргенімді қаламайтындықтан ба, әлде әңгімемізді естіп қояды дегендіктен бе белгісіз « Алдыға түсіп кете бер, артыңнан барам »,- дейтін. Махаббатты жасыру қандай қиын десеңізші өзім қаламасам да, қимасам да, жанынан ажырағым келмесе де алдыларына түсіп мектепке қарай аяңдай басатынмын.

Артыма бұрылып қарайын десем жанары мен жанарым түйісіп қалама деп уайымдайтынмын. Сол уайым ойымнан шықпай, артымнан қадала қарап келе жатқан махаббатымның қарасы маған алыстан сезілетін. Алақаным терлеп ішімнің жыбырлағанын бұлай қойғанда басымда сан түрлі ойлар өз ара арпалысып жататын. Не ойлап келе жатыр екен, менің қарағанымды күтіп келе жатырма екен, жотам дүңкиіп тұрған жоқпа екен, жүрісім дұрыс па екен, басымдағы бантигім түзу тұрма екен, ағаммен қандай тақырыпта әңгіме айтып келе жатыр екен деп бәрін ойлайтын едім.

Мектепке жете беріс тұстағы дөңнен менің жақын досым шығатын. Соны күткенсіп ақырын артыма бұрылып тұра қалатынмын. Ағам « кешігіп қалмай тез сабағыңа кір» ,-деп қасымнан өте шығатын. Артынан екі езуім екі құлағыма жетіп, істеген әр қимылын бағып, жүрген сайын бірге қозғалып бара жатқан толқын шаштарына қызыға қарап мен тұратынмын. Менен сәл алыстағаннан кейін бар батылдығын жиғандай артына жалт бұрылатын. Өзімді қоярға жер таппай кірпіктерімді тез-тез қағып жерге қадала қарап тұрып қалатынмын. Қос жанарын менен тайдырды ау дегенде артынан қайта қарап, неге менде қарамадым екен, неге жымиып күлмедім екен күткенім сол емеспе еді деп өзімді жегідей жеп тұрып қасыма дос қызымның келгенінде байқамай қалатынмын. Екеуміз амандасып мектепке беттеймін дегенше қоңырау да соғылатын. Менің махаббатым болса ол кезде мектепке кіріп кеткен де екен.

2017 жылдың 13 қыркүйек күні бір топ жиһанкез Алматы облысының автожол желісіндегі қос бағыт бойынша жолға шықтық.
Бірінші топ — Алматы-Талдықорған бағытында, екіншісі — Алматы-Қорғас арасындағы автожолмен аттанды.
Жалпы, "Қазавтожол" ҰК мәліметінше, Алматы облысындағы жолдардың тәуір ахуалдағысы – 809 км (32%), қанағаттанарлық жағдайдағысы – 1440 км (56%) екен. Сонда жайы нашар 297 км (12%) қалады.

Талдықорған бағытындағы «Алматы — Қапшағай» жолының биылғы жаңалығы — желтоқсаннан бастап, еліміздегі кей жолдар секілді ақылы болуында.

24 км-дегі жол айырығы.



Алматы қаласына кіреберістегі ақы алу аркаларын орнату.


Жаңа Арна селосы маңындағы жаяу жүргіншілердің жер асты өту жолы.






52-шақырымдағы жаңа «Заречный» жол-пайдалану пункті "Қазақавтожол" кәсіпорнына тиесілі.
ЖПП-де бірнеше отбасы тұрақты ұрады, бірінші қажет дүниенің бәрі бар. Жол ақауы белгілі болса, олар бірден қызметке шығады. ЖПП қызметкерлері басқа уақытта жол бақылауымен айналысып, жол бойын арам шөптен отап, бөгде заттар мен қоқыстан тазалайды, дәретхана тазалығын қамтамасыз етеді, жол бойы объектілерін жуып, тазартады.


"Қазақавтожолдың" басты міндеті мен "Қазавтожолдан" айырмасын мына инфографикадан көруге болады.
Алматы облысындағы "Қазақавтожол" филиалы 2017 жылы өзінің «Кешенді мақсаттық бағдарламасы» аясындағы жөндеу жұмыстарын (ішінде жол шұңқырын бітеу, бедгі орнату, жол сызығын салу, т.б. бар) 138 %-ға орындап шығыпты.


Арқарлы асуы.


Арқарлы асуының демалыс алаңы.



Балпық би ауылының аймағындағы телім де аяқталып қалды.







Автожол, жалпы алғанда, тақтайдай тегіс деуге болады.
Оны қысқы мезгілге дайындап, күтіп ұстау да — "Қазақавтожолдың" мойнында. Облыста 2,5 мың автожолға қызмет көрсететін бұл ұйымның Алматы аймағында жалпы 5 жол пайдалану пункті, 8 жол пайдалану учаскесі, 1 орман алқапты телімі бар.

Күз түсіп, қыс жақындады. Ендеше, жол бойының жұмыстары жоспарға сәйкес тоқтаусыз тәулік бойы жалғасады деген сөз.

16 сәуір. Қарағанды — Жезқазған тас жолына шықтым. Негізгі бағытым Жезқазғанның бер жағындағы Жәйрем кенті. Жәйрем облыс орталығы Қарағанды қаласынан 360 шақырым жерде орналасқан. 3 сағат жүретін жерді бақандай 5 сағат жүріп бардым. Қарағанды — Жаңаарқа арасындағы тас жолы сын көтеретін жағдайда емес. Әрбір 1 км. сайын аюдың апанындай шұңқырлар)

1. Арнасына сыймай жатқан Нұра өзені.


2. Жол бойындағы намазхана


3. Жаңаарқа (Атасу кенті) Жәйремге дейін 150 км қалды


4. Жо-жоқ бұл — Сирия емес! Бұл — ЖӘЙРЕМ!


5. Жәйремде қараусыз қаңырап тұрған бос үйлер көп


6.…


Республикалық трасса болып саналатын Қарағанды — Жезқазған тас жолын жөндесе халық бір қуанып қалар еді.

P/s.
… Жоғымды тауып бер деп жатқан кім бар,
Жолымды жөндеп берсе болды емес па!.. М.Ақанов

лдына жан салмайтын мудила-водилалар туралы әңгіме өрбімек бұ жолы. Дөңгелексіз жүргендерге өзексіз шығар, бірақ көлікшілерге әкшіли деген ойдамын (ең бастысы айтып тұрған сол ЭмВи болмасаңыз).
Қайсыбірінің түсінігі бар дейсің?! Moodилалар туралы айтам да. Түсінем арасында боп тұрад көбіміздің ондайымыз, қызуқандылық жоқ емес «қаззақта». Жұмысқа, кездесуге, томалақтарға асығамыз. Рөлге түрлі-күмәнді мудпен отырып қойып жатамыз. Бірақ тәуекелдің құрбанына қауіпсіздік айналмауы тиіс. Бұны көп жағдайда жол апатына түскенде ғана немесе жүргізу құқығынан айырылып барып түсінетіндер қатары сан. Соңғысына қатысты өзімді де мысалға келтіре алам.

МӘСЕЛЕ ІШІНДЕ «КАРТОПЩИКТЕР»

3 көлік сыйып кететін жерде 2 көлік тұрады. Ана… есікті міндетті түрде керіп ашпаса, киім лас боп қалады ғо. Біреу көлігін таза ұстамаса, екіншісі диета ұстамаса керек. Сосын жүред басқалары автосын қоюға орын таба алмай, көлік кептелісін босандырып. Бос орынды таптым-ау әйтеуір деп, енді бұрыла бергенде төрде керіліп «тико»лар тұрад.

Ақын емес болғандықтан азулы,
Бос сөзде де білмейді екем қажуды.
Таусылғандай әлемде бар тақырып
Тапқан екем мен де нені жазуды!

Сүртейін бе не қолымды, бетімді,
Салфеткамның түрлері бар не түрлі.
Пайдалану осы жұмсақ қағазды,
Мәдениеттің көрінісі секілді.

Әне жатыр салфетканың құрғағы,
Міне жатыр антимикроб-ылғалы.
Жол жүруші адамыңа бұл нәрсе,
Аса қажет жарақ болып тұрғаны.

Пах, салфетка! Демеңіздер далбаса,
Шала біткен ақын жырын арнаса.
Мына өлең шықпас па еді жарыққа
Жазатұғын бір салфетка болмаса.

Қаңтар, 2010

Таңның атып, кештің батысына дейін ары – бері жүретін сіз жол бойында үнсіз тіл қатып тұратын бағдаршамға күніне неше рет жолығасыз? Үш түстен құралған қарапайым бағдаршам «Тоқта, дайындал, жүр!» деп жанып – өшіп, қаншама адамның мезгілінен бұрын көз жұмуынан сақтап тұр екен?! Ол түсін алма кезек ауыстырғанда көз алдыңызға не елестейді? Бағдаршам сіз үшін қай кезде жүріп, қай кезде тоқтау керектігін түсіндіретін құрал ғана ма?..

Бүгін ютубте адасып жүріп мынадай бір видеоға тап болдым. Ішек сілем қатқанша күлем деп (әр нәрсеге жалоба жасай беретін кемпірлер болады ғой, сондай кемпірлер біздеде бар) кемпірлерден ұрыс естідім. Мүмкін сіз көрген шығарсыз, әйткенменде өзіме ұнаған соң керекке іле салғанды жөн көрдім.

Баяғыда, Жезқазғанның облыс болып тұрған шағында Ақтоғай ауданынан шыққан Уазик облыс орталығына тартыпты.Партияның кезекті жиналысы болса керек.Ақтоғай Қарағанды облысының бір шалғайында жатқан аудан, Жезқазғанға тіптен алыс.Содан, әбден шаршаған бір жолаушы «Жердің түбі Жезқазған, облыс болған неңді алған» деген екен.
Сол, Жезқазғанға жол түсіп мен де бардым 4 күн демалысымды пайдаланып. 17-сі күні 20:45 те автобусқа отырған мен, 18-і таң ата жетуге тиіс болатынмын. Бірақ, аяздың күшеюіне байланысты Жайрем атты кеңшарда түнгі үш жарымнан бастап таңғы 11 ге дейін тұрдық. Жол полициясының қызметкерлері рұқсат бермеді. Автобусты қанша жылытуға тырысқанымен,іші салқындап кетті. Әйтеуір жанымдағы келіншекті құшақтай беріппін. Сөйтіп Қарағандыдан Алматыға жететіндей уақытта жеттім-ау. Қайтарға алдын ала әр жақтағы достарым билет алып қойғантын. Бірақ, жолдың жабылуына байланысты ол рейісіміз де уақытылы жүрмеді.Ұшақ, пойыз дегендерге билет тіптен жоқ. Әйтүп-бүйтіп бір жанкешті таксистті тауып алып, 4 адам соны жалдап Қарағандымызға аман-есен жеттік.
Бұл жазбаның берер ғибраты мынау. Қыстың көзі қырауда алыс жолға шықпаңыздар, шықсаңыздарда бала-шағамен шықпаңыздар!

Жолың болсын жолаушы

Сауалнамаға қатысқан жанкүйерлердің тек 3,5 %-ы ғана Қазақстан ұлттық құрамасы Әзірбайжанды жеңеді деп жауап берген. Қазақстан Футбол Федерациясының ресми сайты жүргізген сауалнама нәтижелері осындай.

Храмның ішін аралай жүріп, арнайы салынған соқпақпен сакура өсетін Татеяма (Tateyama Park) паркіне баратын бағытты таба алмай ұзақ жүрдік, бірақ жолда біраз қызықтар көрдік.

Сатекең айтқандай, 1 кесеге бола басқа дінге өтпесек те, храмын аралаудың сәті түсті.