Өскеменде сәуірдің 27-28 күндері шағын футболдан 40 жастан асқан ардагерлер арасында Әділбек Сейілхановты еске алуға арналған ашық облыстық турнир өтті.
Биыл жетінші рет ұйымдастырылған шараға бас-аяғы 10 команда қатысты. Олар екі топқа бөлініп, өзара мықтыны анықтады. Өскемендік ұжымдардан бөлек, Глубокое, Үржар, Жарма аудандарынан және Павлодар қаласынан келіп бақ сынасқан-ды. Турнирді Әділбек Сейілхановтың жақындары, отбасы және ШҚО футбол Қауымдастығы тізе қосып ұйымдастырғанын айта кетейік. Cалтанатты ашылуында ұлдары, елге белгілі спортшылар: Ерлан, Руслан Сейілхановтар, одан бөлек, Ержан, Гүлмира, Жанна, Жомарт есімді балалары және марқұмның жұбайы Бақыт Сейілханова сөз алып, турнирдің дәстүрге айналып келе жатқанына разылықтарын білдірді.
Ойыншылар алғашқы күні толассыз жауын мен күн райының алабұртуына қарамай, тартысты ойындар көрсетті. Осы ретте, ұйымдастыру комитеті жарысқа тұңғыш рет қатысып отырған «Мақаншы» командасын ерекше атап өтті. Бұл ұжым әр ойында ерекше мінез танытып, жартылай финалға іркілмей жетті. Алайда ары қарай павлодарлық командаға жол берген. Аталмыш турнирде бірнеше мәрте топ жарып, түрлі сайыстарда жүлденің алдын бермей жүрген «Кеден» футболшылары да бар мүмкіндігін паш етті.
Сонымен, екі топтан суырылып шыққан төрт команда жартылай финалда жолықты. Бұл жерде «кедендіктер» «ВКОАФ» ойыншыларынан 1:0 есебімен басым түссе, Павлодардан келген «Мұрат» ұжымы «Мақаншы» командасына жауапсыз үш доп соғып, жеңіске жетті. Бұдан кейін үшінші орын үшін болған кездесуде «ВКОАФ» футболшылары үржарлық аяқ доп шеберлерін 2:1 есебімен қапыда қалдырса, жеңімпаз атағы сарапқа салынған ойында павлодарлық ұжым жергілікті «Кеден» командасын 1:0 есебімен сан соқтырды. Қортындысында, Әділбек Сейілхановты еске алуға арналған дәстүрлі турнирде «Мұрат» командасы үздік шықты. Екінші орынға «Кеден» футболшылары жайғасса, үздік үштікті «ВКОАФ» ұжымы түйіндеді. Жеңімпазға арнайы кубок табыс етілді. Командаларды марапаттау барысында марқұмның туысы, қол күресінен бес дүркін Әлем чемпионы, еліміздің еңбек сіңірген жаттықтырушысы Мұхамедолла Ағзамов қатысып, қатысқан әр командаға алғыс білдірді.
– Сіздерді келер жылы да осы жарыстан көреміз деген үміттемін. Әрине, дайындығы жоғары болған команданың жеңіске жетуі заңдылық. Осы ретте павлодарлық команданың асығы алшысынан түскенін барлығымыз да көрдік. Бастысы, турнир тартысты болды, ойыншылар да жарақаттардан дін-аман, – еліміздің еңбек сіңірген жаттықтырушысы.
Турнир кезінде Әділбек Сейілхановтың алыс-жақыннан келген достарын да байқауға болады. Олар Нұр-Сұлтан, Қостанай, Семей шаһарларынан, аймағымыздың түкпір-түкпірінен арнайы ат басын бұрған. Олар да өз кезегінде жылы лебіздерін білдіріп, сайыс деңгейінің жоғары екендігін атап өтті.
Ұйымдастыру комитеті әдеттегідей, ойында ерекшеленген қатысушыларды арнайы номинациялармен марапаттады.

Үздік қорғаушы – Сергей Дурницын (ВКОАФ)
Үздік қақпашы – Нұрлан Кемелбаев (Кеден)
Үздік шабуылшы – Александр Шевченко (Мұрат)

Алғаш рет қатысса да, сенімді ойын көрсеткен «мақаншылықтар» ендігі өткізілетін турнирлерге жиі қатысып тұруға тілек білдірген екен. Жеңіске жектен павлодарлық ойыншылар болса, шығысқазақстандық ұжымдарды өз алаңдарында өтетін жарыстарға қатысуға шақырды.

ШҚО Дене шынықтыру және спорт
басқармасының баспасөз қызметі

Өскемендегі С.Аманжолов атындағы ШҚМУ-да Әл-Фараби атындағы Қазақ Ұлттық университеті журналистика факультетінің профессорлары екі күнге жалғасқан «Медиасауаттылық және Fact-cheking мәселелері» атты семинар-тренингін аяқтады.
Негізгі түйіні Fact-cheking төңірегінде өткен шараның екінші күні тіптен қызықты өтті. Себебі, мұнда болашақ журналистер бірыңғай тапсырмалар орындап, тақырыптың ашыла түсуіне бір кісідей ат салысты. Аталмыш білім ордасының доценті Қарлыға Мысева бейнероликтер көрсету арқылы ақпараттың рас-өтірігін анықтауға мүмкіндік беретін бағдарламалармен таныстырды. Студенттердің сыни ойлауына себепкер болған түрлі жағдаяттар тренингінің маңызын одан ары арттыра түсті. Яғни, берілген фотосуреттерге қарай отырып, мәтін жазу арқылы жас журналистің креативті ойлауына жол ашу негізге алынды. Сайып келгенде, семинар барысы шет елдегі журналистикамен салыстыра отырып, еліміздегі БАҚ-өкілдерінің жалған ақпараттан қалай жан сақтауға болатынын нақты түсіндіріп өтті.
Шара соңына қарай, әр студент алған әсерімен бөлісіп, бас-аяғы екі күнде медиасауаттылық бойынша құнды мәліметтер берген білім ошағының оқытушы-профессорларына алғыстарын жаудырды.

Әділхан Есімханов С.Аманжолов атындағы ШҚМУ
«Журналистика» мамандығының 3-курс студенті

Өскемендегі С.Аманжолов атындағы ШҚМУ-да Әл-Фараби атындағы Қазақ Ұлттық университеті журналистика факультетінің профессорлары «Медиасауаттылық және Fact-cheking мәселелері» атты семинар-треннинг өткізуде.
Биыл екінші мәрте ұйымдастырылды. Жаңа форматта жалғасын тауып отыр. Журналистика мамандығының қазақ және орыс топтарында білім алып жатқан студенттер осы шарадан мол тәжірибе алуды көздеп, түгелімен дерлік келген-ді. Профессорлар алдымен мұхиттың ар жағына байланысқа шықты. Атап айтсақ, АҚШ-тағы Мичиган мемлекеттік университетінің профессоры Эрик Фридманмен «скайпқа» шығып, медиасауаттылық жөнінде пікір алмасты. Осы орайда студенттер де қызықтырған сұрақтарын қойып жатты. Айта кетейік, осынау семинарға өңірлік басылымдарда қызмет атқаратын практик мамандар да қатысты. Бір жағынан, айтылған әр деректің құндылығы орасан еді. Одан ары келген меймандар Fact-cheking пен медиасауаттылықты тереңірек түсіндіріп, жас журналистермен сергіту сәті ретінде ойындар жүргізді. Маңыздысы сол, тақырыпқа тереңірек үңілу үшін әр студент белсене ат салысып, тың ойларын ортаға салды. Түрлі жағдаяттардан шыға білді. Әл-Фараби атындағы Қазақ Ұлттық университеті журналистика факультетінің профессоры Галия Ибраева күн сайын кемерінен төгіліп түсетін көп деректен қажеттісін қалай іріктеп алу керектігін қарапайым мысалдармен жете ұғындырды.
Бірінші күнді қатысушылар осылай қортындылады. Ертеңгі бөлімінде аталмыш білім ордасының доценті Қарлыға Мысаева ақпараттық қауіпсіздік бойынша дәрістер оқымақ.

Әділхан Есімханов С.Аманжолов атындағы ШҚМУ
«Журналистика» мамандығының 3-курс студенті

Жас журналистердің ХI Республикалық пәндік олимпиадасы дәстүрлі жалғасын Павлодар қаласында тауып отыр. С.Торайғыров атындағы білім ордасында 17 ЖОО-ның шәкірттері бас қосты.
Алыс жолдан бойкүйез тартып келген студенттерді тамаша сергіту сәті тосып тұрды. Қара жорға билеп болған қатысушылар сайыстың қамына кірісті. Алғашқы сөз кезегін алған С.Торайғыров атындағы ПМУ ректоры Гаухар Ахметова:
– XX ғасырдың басында Алаш азаматтары қазақ журналистикасының негізін қалады. Халықтың қоғамдық санасы мен саяси көзқарасының қалыптасуына зор ықпал етті… Журналистика – күнделікті өмірдің айнасы. Ол әркезде өз биігінен көрінеді. Сондықтан журналистік білім-білігін көрсетемін деп келген жастарымызға сәттілік тілеймін, – деп лебіз білдірді.
Сайыс таныстыру, эссе жазу, тест, жедел ақпарат сынды кезеңдерден тұрады. Олимпиаданың бірінші күнінде екі кезеңді еңсерген студенттер Павлодар қаласын аралап, бой жазып қайтты. Сондай-ақ бұл жылдың жаңалығы – Кереку өңірі туралы бейнесюжет дайындау. «Ертіс-Баян өңірінің тарихы мен келбеті менің әсерімде» атты бейнесюжетте қатысушылар экскурсиядан түйген ойларын жеткізіп бақты.
– Республикалық пәндік Олимпиадаға алғаш рет қатысуым. Деңгейі өте жоғары. Қай команда болмасын, жоғары дайындықпен келгендіктері байқалып тұр. Бұл жерден үлкен тәжірибе алып, өз мүмкіндігімізді барынша көрсетуге келдік, – деді Аманжолов атындағы университеттен келген «Алтай ақпарат» командасының мүшесі Алтынай Бақытжанқызы.
Бүгін сайыстың соңғы күні. Бес сайыс кезеңі бойынша жеңімпаз анықталатын болады.

С.Аманжолов атындағы ШҚМУ-дың 3-курс студенттері

Өскеменде ауыр атлетикадан 2009 жылы туған және одан кіші жасөспірімдер мен қыздар арасында облыс чемпионаты өтуде. Зілтеміршілер бәсекесіне алты команда қатысуда.
Аймақтағы ауыр атлетиканы дамыту, әрі спортшылар арасындағы шеберлікті арттыру мақсатында өткізіліп жатқан шарада бас-аяғы 60 спортшы өз мүмкіндігін байқауда. Өскемендік жас атлеттерден бөлек, Семей қаласынан, Күршім, Тарбағатай, Алтай аудандарынан және Усть-Таловка ауылынан келген екен. Жарыс нәтижесі бойынша облыс құрамасы жасақталып, ел чемпионатына жол тартады.
– Бұл жерде бірқатар тәжірибелі спортшылар жарыс жолына шықты. Алайда спорттың біз болжай алмайтын тұстарын ескерсек, әр салмақта жүлдегерлер қатары өзгеріп салуы мүмкін. Жоғары нәтиже көрсеткендері мамырдың 1-8 аралығында Қостанайда өтетін ел чемпионатына қатысады, – дейді Олимпиадалық резерв мектебінің аға жаттықтырушысы Денис Девяткин.
Мұнда қыздар сегіз, ал жасөспірімдер 10 салмақта жүлделі орындарды сарапқа салуда. Алдымен жеңіл салмақтағы бұрымдылар сайыс шымылдығын ашты. Апалы-сіңілі Беленко, өткен жылы ел чемпионатында күміс медаль иеленген Софья Шалгина сынды қатысушылар жұлқа көтеру жаттығуында үш мүмкіндіктерін де сәтті пайдаланды. Оның ішінде, төрешілер тарапы Софьяның аяқ алысына оң бағасын беруде. Ұйымдастырушылар жарыстың сәуірдің 7-не дейін жалғасып қалуы мүмкін дейді.

Фото автордікі

Әне-міне дегенше 10-шы қыркүйекте EXPO көрмесі жабылады. Жаз бойы оңтайлы сәтті күттім. Жаз өттіп күз келді. Үйдегілер менің қалауымнан хабардар. Күндер өтіп барады.
Тамыздың 28. Отбасылық кеңес. Сонда саяхаттың бюджеті және ұзақтылығы бекітілді. 29 тамызда Астанаға қарай жолға шықтым. Саяхатымды бастағанға күн сәтті болыпты. 31 тамызда қайтып оралдым. Шығарған шығын бар-жоғы 20 000 теңге! Соның ішінде позитивті көңіл-күйге шығынданыппын. Қысқа есеп осындай.
Осыдан 3 жыл бұрын көрме орны темір қаңылтырмен қоршалған алаң болған.
-Көрмені көрмей қалдым, кейіннен өкінетін шығармын, -деп шешім қабылдауға шарасыздық танытқандар қатарынан бөлініп шыққаныма қуандым!
-Туысқандар EXPO-ға барып келді. Солардан біліп отырмын. Астанада болдым, бірақ, «EXPO»-ға соқпай қайтып кеттім. Маған ұнамайтынын білдім, -дегенді көзі ашық қазақ ұлт иесінен естідім. Негізі ол кісі өзін патриот санайды. Бірақ патриотизм деген сөзде «П»-дан басқа әріптер барын ұмытқандай.
Әрине, көрмеге барып келгендер көрме туралы әр түрлі пікір білдіреді. Бірақ, «Нұр Әлемді» сыртынан, ішінен көргендер. Оған бір сәт болсын, қандайда бір ерекшелігіне тамсанбай кетпегенін көрген емеспін. Керсінше оның тамашалауға тұрарлық тұсын естіп көрмеге әдейлеп келгендерді көрдім.
«Не қызықтырары бар» десең ойланып көрші. Біріншіден диаметрі 80 метрлік шар пішіндегі әлем бойынша жалғыз ғимарат.
Оны сыртынан және ішінен тамашалауға тұрарлық. Басқа мемлекет астанасында мұндай архитектуралық керемет жоқ, оны естен шығарма.
Өткен жазбаларымда Минск қаласында болғанымды жазып кеткенмін. Мысалға, ондағы Ұлттық кітапхана орналасқан шыны кубтың суретін көрсеткенмін. Осы ғимарат беларусь халқының руханият діңгегінің символы десемде қателеспеймін. Егер, архитектура жағынан біздің үлкен шарымызды, дәлірірек сферамыз беларустардың куб пішінді ғимаратымен салыстырсақ оның одан әлдеқайда ілгері тұрғанына көзіңді жеткізесің.
Жай ғана ғимарат емес. Монумент дер едім. Өзінің аурасы бар -Мемлекетіміздің болашағын қалайтын азаматтарға күш-қуат беретіндей. Ұлттық рухтың қуаттандырғышы.
Жазғанымды пафосты деп санаңдар. Тіпті ғимаратымды қазақстандық архитектор жобаламады деп кінә тағындар.
-Иә, Бәйтерекпен қатар тұрарлық ғимаратты неміс архитекторы Альберт Шпеер (кенжесі) жобалады. Бірақ ғимарат неміс елін емес біздің елді ұлықтап тұр.
Сфера, яғни, геометриялық пішімі ұнатпауы мүмкін сізді.
-Неге сфера?
Сфера болса әлемдегі жер қойнауынан шыққан соңғы мұнай тамшысын бейнелейді. Бұл ойды жеткеншек балаға көрменің екінші тематикалық павильоны жақсы жеткізеді. Неге жеткіншек балаға? Қырыққа келген мен «әлемді өзгертемін» деп ойламаймын. Мен болсам:
-«Мұнай бағасы» қымбаттап өскенін қалап, доллардың теңге қатысты курсына күнде көз салып күйбең өмір кешкен жанмын.
Жеткеншек балаға арналған тематикалық павильондағы (2-ші тематикалық) шоу тамаша ойластырылған!

Жеткеншек балаға сұрақ қойылады:
-Жердің жүрегі мұнайсыз (табиғи газсыз, көмірсіз) қалай соғады?
Және сол сұраққа тамаша жауап беріледі.
Бұл болса -әдейлеп ойластырылған көрме элементтері. Сол үшін ғана көрмені бала-шағамен тамашалауға тұрарлық.
Қандайда бір кеңес берген өңбейтін іс. Жақпай қалуың мүмкін. Соған қарамастан жалғыз кеңес бергім келеді.
Жалпы көрмеге алғашқы рет бара жатып одан не күтетіңізді «алдын-ала шешіп алғаннан гөрі» оның босағасын аттай сала атмосферасын сезуге тырысыңыз.
Көрме аяқталғанға 7 күн қалды.

Жаз сайын еліміздің һәм жақын шетелдің бір-екі қалаларын аралап бару жақсы дәстүрге айналып бара жатыр. Мақсаттары әрқашан әртүрлі, қыдырып, я білім алу, туысқандық, немесе жастар лагеріне. Осы жолы еліміздің ескі шаһарларының бірі — Шығыстың қазрігі астанасы (әлбетте, семейліктердің ашуын келтіру үшін жазып жатқаным жоқ) Өскемен қаласына ат басын бұрдым.
Өскеменге жазда келсеңіз бірден көзге түсетіні — ағаштар, парктердің көптігі. Қазақстандағы жалғыз парк осы қалада, Жастар саябағының ортасында отырып, көліктің дауысын есітмейсіз.

Көшеде жайқалып ақ қайындар жатыр. Әрине, қаланың жасыл болуы себебі — экологиясының нашарлығында, әсіресе, «выброс» кезінде. «Выброс» — деген ірі өндіріс орындарының зиянды заттарды шығаруы деп дефинициаласам болады-ау.

Қаланың ішінде «ескілік» дейміз бе, «ретролық» дейміз бе, әйтеуір, кешегі заманның иісі аңқып тұр. Әсіресе, көп қабатты үйлердің мүлдем жоқтығында бір кешегі күннің ала алмай кеткен өші жатқандай.
1720 жылы негізін қалағандықтан болар, бұл қаланың адам саны Павлодар, я Қостанайдан аспаса да, алып жатқан аумағы әлдеқайда үлкен боп көрінді. Яғни, кеңес заманында жоспар бойынша салынған қалалардан қарағанда, елу жыл сайын өз орталықтары мен әкімдіктері пайда болғандықтан сондай-ау деймін. Алайда, сол ертедегі орталыққа бармаса болмайды.


Кешегі көпес қыздарының үйлері бүгінде сұлулық салондарына айналды.

Мына ғимараттың не болғанын білмеймін, алайда, олимптай көршісі барына қарттың мәз еместігі көрініп тұрғандайын.

Өскеменнің көліктерінде де кешегі күннің суықтығы сақталғандай. Ал мына бір көліктің не үшін арналғаның әлі де түсінбей келемін.

«Кеңес Үкіметіненбіз» деп зарлап тұрған тағы бір өзгешелік — автобустар. Жаңа автобустар Астанада бар, Алматыда, бар, Павлодарда бар, бірақ, Өскеменде емес.

Мені «Семейде жасалынатын автобустар бар» дегенге көндіргісі келді, тіпті біреуін көрсетті, сол біреуін көрсетіп отыру үшін әкелген-ау деп қалдым. Қаланың лас болу себебінің бірі осы ескі автобустар да болуы мүмкін.

Жаңадан не бар деген сұраққа "Қазақстан 2050" деді.


Еліміздің шағын және орта бизнес өкілдерінің креативтілігіне қашан да сүйсініп қараушы ем. Мына бір шауырма шығарушылар Макдональдсті теріс аударып тастады.



Мына бір ғимарат жәндіктердің музейі екен. Әрине, ол осындай болуы тиіс, пластмассалы таэурлерде жәндіктер бола алмайды ғой.

Бұл қалада бәрінен де таңқалдырғаны — депутаттардың қоғамдық қабылдауы. Ешбір пафоссыз, еш мақтанышсыз таңдалған офис.


Бәрінен де халқының жол жүру ережесін сақталуы ұнайды. Жасыл жанбағанша ешкім жолды кесіп өтпейді, көліктердің бар-жоғына қарамай, себебі, бұл жерде милиция көп.

Иә, әсіресе, маусым айында қоғам сақшылары көп болады. Жыл сайын бұл жаққа бір елдің басшысы келеді екен. Бір уақытта.

Олар өте көп, әрбір жерде, олардың отыру пунктері бір жағынан шаурма жасайтын бутикке, бір жағынан кішігірім кафеге ұқсайды.

Бұл қаланың басты өзгешелігі — 4 жағалаудың болуы: Ертістің екі жағасы мен, Үлбінің екі жағасы.

Үлбі Кенді Алтайдан бастау алып, Өскеменге келген сәтте Ертіспен бірігеді. Желтоқсанда қатып, сәуірде молданатын қасиетке ие.


Заречный базары — барлығы көк түсті палаткаларда болғаны қызық.

Мен білетін Тимоштардың барлығы «ТамЕрлан» еді, мына бір сауда үйінің атауы Шығыстың Ресейге жақын болуы себепті ме деп қалдым.

Ғимарат үстіндегі жарнама жақсы дамыған қала. олар барлық жерде. Әрбір ғимараттың үстінде. Олар барлық жерде!



Өскеменнің басты символы — "Қазақстан" «голивуды».

Иә, бір қарағанда Ресейдегі Барнаул, Омбы қалаларының типінде. Сырт көзге қазақ санының басымдығы көрінбейді. Заманауи ғимараттар мен биік мұнарлар, тұрғын-үй кешендерін кездестіру қиынға соғады. Бірақ, соған қарамастан, жаз айларында бір қыдырып қайтқыңыз келсе, тауды көріп, тамаша парктерде серуендеп қайтқыңыз келсе — Өскемен керемет қала.
Келетін болсаңыз, ешбір қаламызда жоқ таза орыс асханасынан дәм татып қайтыңыз.

Өскемен, 2012 жыл. Бұл қалада дәл осы уақытта Қазақстандағы бірінші антивирус бағдарламасы жасап шығарылған еді. Жергілікті жастар Андрей Горковенко, Сергей Алешин, Андрей Куропаткин — сол Altair бағдарламасының авторлары, оларға мұндай бастаманы жүзеге асыруда көмек қолын созған да — қазақстандық жастар. Бағдарламалық өнім патенттелген, құрамы 100 пайыз Қазақстанға тиесілі деуге болады. Біздің тұңғыш. Тұңғыштар.

Елімізде тағы да бір жаңалық шу көтерді. Шымкенттің жігіті Шығыс Қазақстанда қыз алып қашты. Оқиға орнында болған куәгерлердің айтуынша, жігіттің жасы отыздар шамасында, ұзын бойлы. Сірнебай екеуміз оқиғаны өз көзімен көрген куәгерлерді сөзге тартқан едік.

Абылбек Мауленов: Қыз жалғыз өзі билеп тұрды. Біздің Усть-Каменьде мұндай биші жастар көп. Мен осында "ҮМЗ" АҚ кәсіпорнында аграрлық сала бойынша менеджермін… Иә, жігіттің жасы шамамен отыздарда. Сақалы өскен. Джинсы кигені есімде. Бірақ балағын көрмедім. Иә, шалбарында балағы жоқ.

Ануар Дауленбаев: Славься, Усть-Каааменогооорск! Встааанем ряяядом и споем друууг-другууу! Вот так вот.

Қалған куәгерлер көшеде тоңып қалған соң, Сірнебай екеуміз ақпаратты басқаша жолмен іздей бастадық. Нәтижесінде қыз туралы мынадай мәліметтерді таптық:

Жұмағұлова Малика, 1991 жылы туған. Биші. Шығыс Қазақстан облысы Өскемен қаласының Жастар саясаты басқармасында екі жыл жұмыс істеген. Негізгі құжаттардың көшірмелерін, басқарма жұмысының жоспарларын Қытайдағы Харбин қаласына тыңшылық жолмен жеткізумен де айналысқан.

Жақын туыстарынан тек Жұмағұлов Қанат деген ағасын таптық. Ағасы Атырау қаласында Иманғали мешітінде имам боп қызмет атқарады. Ол кісі бізге хабарласты:

Қарындасымды алып қашқан болса, тағдырдың жазуы сол шығар. Біздің асыл дінімізде тағдырға өкпелеуге болмайды. Сондықтан мен тағдырдың жазуына разымын, батамды бердім.

Аноним азаматтан поштамызға бейнежазба жолданды. Бейнежазбада Маликаның Шымкентте ақ босаға аттағаны көрсетілген.

Жылқы жылы мен үшін жақсы әрі күтпеген жаңалықтарға толы болды. Наурыз айының аяғында декреттік демалысқа шықтым. Үйде болған алғашқы екі-үш күнде өмір тоқтап қалғандай сезімде болдым. Редакторымның «Мүмкіндігің болса, мақала жазып тұршы» деген ұсынысы«Босанғанша немен айналысамын? Ішім пыстыыыыыы» деген ойдан арылуыма себепші болды. Қалаған күні немесе шақыртқан күні жұмысқа барып тұрдым. Сөйтіп жүргенде бастығым «Зарина, бұл түріңмен жұмыста босанып қаласың ба деп қорқам. Ертеңнен бастап жұмысқа келмеуіңе болады» деді. Арада бір-екі күн өткеннен кейін, 14.06.14 күні бөпелі болдым. Бұл биылғы жылдағы ғана емес, осы уақытқа дейінгі өмірімдегі ең, ең, ең үлкен, ең, ең, ең жақсы, сөзбен жеткізе алмайтынкеремет жаңалық.

… ертеңіне таңмен таласа тұрып Өскеменге тарттық. Семей мен екі ортадағы жол өте нашар екен. Жолда ұйықтаймыз деген ойымыз орындалмады. 10-дардың шамасында қалаға кіріп бардық. Кірер тұста Қабанбай батыр ескерткіші жанына суретке түсуді де ұмытпадық ;) Жан-жағына тратуар төсеп, абаттандырып жатыр екен.
Бірден Қазақтелекомның офисіне тартып кеттік :) Алғашқы кіргеніміз ID-орталық болды. Қазақтелекомның барлық жеріндегідей кірсең шыққысыз :) Бұл жердің «фишкасы» ретро байланыс құралдары екен. Тұра қалып блогерлер суретке түсе бастады :)
Облыстық филиалда жалпы 3 000-ға жуық адам қызмет атқарады екен. «Ауылдық елді мекендерді телефонмен қамту» мемлекеттік бағдарламасын жүзеге асыру барысында 763 ауыл телефонмен, 418 (55 пайызы) ауыл кең жолақты интернет қызметіне қосылыпты.
2014 жылдың аяғына дейін жалпы қашықтығы 333 шақырым оптикалық байланыс желіжолының құрылысын аяқтамақшы екен.
Қазір 30 000-нан аса ıD net, 15 000 жобасында iD tv, 6 000 нан аса абонент ıD Phone қызметтерін пайдалануда екен.



Анықтама қызметіне талай хабарласқан шығарсыздар ә? :) Ал мен ОЛАРдың кім екенін көрдім ;)



Қаланың өзін жөндеп көре алмадық. "Қазақстан" деген жазуы бар төбенің жанынан 2 рет өтсек те уақыттың тығыздығына байланысты тоқтай алмадық. Бірер күн бұрын сол төбеде әнұран сөздері қате жазылған дегенді фейсбукте бір кісі айтып еді… Көзбен көруге мүмкіндік болмады.
Онан бөлек тура сол біз жолда кезде шыққан Өскемен орыс жері деген мақаласымақты тексермекші де болғанбыз (төөуухх деЩ). Тексергенде… жәй көшедегі өзге ұлт өкілдерінен сұрастырып, пікірін білмекші едік…
Болмады. Тіпті таныстарға барып үлгермедік барып тұрып.
Келе жатқанда бізбен барған орыстілді блогердің «баруға жүкті болып қалдық» деген пікірін оқыдым :) Қайтып барып асықпай аралайтын жер екен… Бұйыртса…

… сананың ұсақтығы. Жекелеген емес, қоғамның. Уәде беріп орындамаған әкім де ұсақ. Қожайын сезінген Өскемен де ұсақ. Жетім сезінген Семей де ұсақ. Осыны тізбелеген адам да ұсақ. Орысша айтқанда «комплекс неполноценности»...

бұл менің сөздерім емес, Алмас ағаның (kozildirik ) цитатасы ғой.
Қалай басталды бұл әңгіме...?
Опчм осы сайтта көп азаматтар сұрап еді «Фб-та барсың ба?»- деп, жақсы жер деп те мақтады. Кіріп көрдім, танысып көрдім… бірақ мақала ол туралы емес.  бүгін сол Фб-тан бір жазбаны байқадым. Данияр Токтарбаев деген азамат былай жазыпты:

Шығысқазақстандықтар! Жерлестер! Мұхиттай барысымыздың жеңісі құтты болсын!!! Ура! Ура! Ура!)

Білмейтіндеріңіз болса, кеше Мұхит атты ағамыз "Қазақстан барысы"-ның жеңімпазы атанды. Шыны керек, үлкен қуаныш! Шығысқазақстандықтар үшін екі жыл қатар жерлестерінің "Қазақ барысы" атанғаны уапче қуаныш!
Тек осы қуанышты бөлісе алмағандықтары ма, әлде бір-бірінен қызғанғандықтары ма… кей ағалар Фб-ті басына көшіріп жатыр екен. Бағдат Амангелді деген ағамыз:

Шығыстың барысы деп жеңісін ортақ қылған Айбекке облыс уәде еткен үйін әлі берген жоқ!Қайта Семей өз ұлына қолдау жасады.Алдымен облыс орталығы өз батырларын жарылқасын, сосын барып ортақтассын!

десе, оған жауап бергендердің ішінде, пост авторы (Д.Токтарбаев) былай депті:

Семей — ШҚО бөлігі, сен олай санамасаң, менің ойым сол. Ертең семейлік спортшы немесе басқа азамат әлем чемпионы атанып жатса, ол Қазақстан емес Семей азаматы дейсің бе?! Айбекке мен пәтер уәде еткен емеспін, сол пәтерді беруден бас тартқан да мен емес. осы сөздеріңді не облыс әкіміне не сол пәтерді уәде еткен азаматқа жеткізгенің жөн болар! Айбекке де Мұхитқа да шын көңілмен жанкүйер болдым. Бұл жазбам да шын қуаныштан жазылды, Айбек те, Мұхит — Шығыс барысы! Акимат барысы болмаса да, халықтың барысы.

Дау арасында Жалғас Зейноллаев деген семейлік айтыскер-ақын бауырымыз да бар екен, Қанат Оралбек деген азамат қосылыпты… түптің түбінде әңгіме Бағдат пен Алмас ағалардың арасында өрбіді…
— — — — — — — — — — — — — — — — — — — — — — —
— — — — — — — — — — — — — — — — — — — — — — —

Еліміздегі спорт тізгінін ұстаған ағаларымыз "Қазақ барысын" дамытып жатқанда, сол сайысқа қатысар түрлері жоқ біздің батырлар Фб-та дау ішінде жүр. Опчм, жігіттер ұсақталып барады, даушыл шарқыш болып барады… Осындай батырдың бірі күйеу болар болса, мен күйеуге тигім келмид!

Өскеменнің ақпараттық порталдарының бірі Yk-news.kz деген сайт. Бір сілтемелермен кірген едім, мақалалардың ішінен осы блогымның атында тұрған сөйлемді көрдім: Переезд в Россию: от А до Я.
Іздене бастадым… Бұл сайттың «Анықтама бюросы» деген жобасы аясында басталған мақалалар (анықтамалық ақпараттар) сериясы екен. Әзірше жазылған 3 материалдары бар. Көптеген сұрақтарды қамтиды: мақсат-міндеттері, тұрғын-үй мәселесі, жұмыспен қамту, қайда тапсырыс беруге болады, уақыты мен шешім ұабылдау мерзімі, жалақы мен зейнетақы қалай болмақ, құжаттар тізімі, т.б.
Ішінен іріктеп, көңіл бөлуге болатын сұрақтарды Сіздерге ұсынып отырмын.
Ресейге көшуге құқылы тек орыстар емес.
Авторлардың айтуы жазуы бойынша ұлт маңызды емес, — ең бастысы, көшуге ниеттенген азамат орыс мәдениетінің құндылықтарын бойындасақтап, тілін білу және жұмысқа қабілетті болу керек.
Барлығы шұғыл.
Ресей жеріне келгеннен 3-6 ай ішінде ресейлік азаматтық алуға болады. Бағдарламаға қатысу туралы қағаз (жауап) 60 күн ішінде беріледі.
Тұрғын-үй мәселесі.
Бағдарламаға қатысушы азаматқа тұрғын-үй мемлекеттен (РФ) берілуі екіталай, елде онсыз да бұл мәселе өз тұрғындарына да шешілмей жатқан сыңайлы. Әйткенмен, бағдарлама авторлары жергілікті жұмыс берушілердің көбі үй бөліп беруі мүмкін деп уәде етеді.
Көшуге ұсынатын аудандар тізімі.
Үкімет арнайы көшуге ұсынатын аудандар тізімін жасақтаған. Олар: Республика Бурятия, Забайкал, Примор, Хабаровск және Камчатск крайлары, Амур, Иркутск, Магадан, Сахалинск облыстары, және де Еврей автономиялық облысы. Бұл тізім де жай жасалмаған сыңайлы…

Опчм, бұндай мақаланың жазылуына мен қуана қарадым. Оны мақала астына «казах» деген азаматтың жазып кеткен пікірімен айта аламын: «Хорошая статейка. Удачи всем! Жолдарың болсын!» — дейді ол.

Өскеменде бүгінгі күні көптен күткен оқиға болды — ашылуы қыркүйекке жоспарланған Абай мен оның досы Михаэлиске арналған ескерткіш уақытынан ерте ашылды. Неге Михаэлис екеуі? — деп сұрарсыз, «саясат!» деп жауап берер едм. Оған еш қарсылығым жоқ, әкімшіліктің шаруасы ғой. Оның үстіне ескерткіш Абай даңғылы мен Михаэлис көшелері қиылысында орналасыпты.
Әйткенмен, қуанарлықтай ештеңе болмады. «Халқымыздың Ұлысын хоббит еткен» скульптордың қолы қисық болды ма, әлде әкімдік оны асықтырды ма, нәтижені төменнен көре аласыздар! (жанымда фотоаппарат болмағаннан суреттерді қалалық сайттардың бірінен алдым, рұқсатын сұрадым). Абай мен Михаэлистің аяқтары қысқа болғаны былай тұрсын, астындағы «Абай Құнанбайұлы» деген жазуы болмаса Абайдың Абай екендігін түсіну қиын-ақ…
Қалалық сайттар демекші, қала тұрғындары жергілікті сайттарда ескерткішті ұнатпағандарын, наразылықтарын бірден білдіріп жатыр. Әйткенмен, Абай емес, Михаэлиске сірә жандары ашиды. Кейбіреулері жәй әзіл үшін де пікірлерін айтып жатыр…
Опщм Сіздер де көрсін, ойларын айтсын деп фотоларды ұсынып отырм:




Пы.Сы.«Абай мен Михаэлистің бірге түскен селфиі», «Банк жарнамасындағы хоббитерге ескерткіш» деп жергілікті азаматтар атап жатыр, ал Сіз не дейсіз?

Күнделікті күйбең тірліктің қамымен жүріп, айналамызда не болып жатқанына аса мән бермейміз. AdMe.ru сайтынан оқыған мына бір оқиға Өскеменде көзіммен көрген тағы бір көріністің есіме түсуіне себепші болды. Ол туралы сәл кейінірек жазармын, ал әзірге Нью-Йорк қаласындағы такси жүргізушісінің жазғанына көз жүгіртіп шығыңыз:

Мекенжай бойынша келіп, бірнеше минут күтіп тұрдым. Жұмыс уақытым аяқталып қалған, сол себепті ары қарай күтпей, үйіме қайтуды ойладым. Бірақ ол ойымнан айнып қалып, көлігімнен түстім де, үй есігін қақтым. Есіктің арғы жағынан:

— Тұра тұрыңызшы, — деген егде жастағы әйелдің дауысын естідім. Оның әлденені еден үстімен сүйреп келе жатқан дыбысы да естіліп тұрды.

Бір ай. Адам өмірі үшін аз уақыт емес. Жұмысқа тұрсаң да, универ бітірсең де, отбасын құрсаң да, бала тапсаң да, басқа бір жаққа көшіп кетсең де, артығымен жететін мерзім. Бір ай ішінде, сосын, қазақтың үш қаласын аралап шығуға болады. Аралап деген сөзге баса көңіл бөліңіз. Осыдан отыз күн бұрын SamsungRoadShow промо-турының аясында Samsung бес қаланы бетке алып, тұтынушылар техникасының жаңа өнімдерін сықырлата тиеп, салдырлатып жолға шыққан-ды. Оңтүстік Корея алыптарының бірі міне айға жуық уақыт бойы алаша-даланы кезіп жүр. Артта әсем Астана, сулы-нулы Өскемен және роуд-шоуға аузын-мұрнынан шығып, ағылып адамы келген Павлодар қалды.