Бір қолымен әлемді тербеткендер

Блог - MERmukhanov: Бір қолымен әлемді тербеткендер
Аруларға аша алсам жыр қақпаны —
Толқиды сезімімнің бұрқақтары.
Мүмкін емес сіз жайлы сыр тоқтауы,
Хауа Ананың аяулы ұрпақтары!

Бала кезден ең үздік көркем ісім —
Мен түсінгем орныңды еркек үшін.
Мен ұға бастағанмын қадіріңді,
Тыңдап жүріп әжемнің ертегісін.

Әйел сыйлау сор емес саналы ұлға,
Анадан туылған бар адамың да…
Пайғамбар сүннетімен білемін мен,
Жұмақ кілті — анамның табанында…

Махаббат – ешбір тоқтау қылмаған із,
Ол жайлы ауылда әлі тұнған аңыз:
Мен туарда анамды әкем сүйген,
Әкемізді бақытты қылды анамыз.

Әкемізді бақытты қылды анамыз,
Сол сезімнен туыпты бұл балаңыз.
Бір аруды сүйгеннен туған ұл ем,
Өзімнің де сүйгенім — бір ғана қыз…

Маңызың санамнан еш кетер емес,
Бұл қалай тілектерге жетелемес?
Нұр көктемді сіздің төл мерекеңіз
Бастауы да, негізі, бекер емес!

Бұйырыпты бір мейрам түсіп (ол шын),
Сол мейрамда бір жылдың күші болсын!
Үш жүз алпыс бес күннің бір күнінде,
Үш жүз алпыс бес бақыт құсы қонсын!

Бұл қазақ – жаулық сыйлар ел еді дөп, —
Мен сөйлейін қазақтың өрені боп:
Сізге бақыт тілеймін шын баянды,
Бізге бақыт сіз барда керегі жоқ!

Сіздерсіздер – бақытты селдеткендер,
Біздің үмітімізді өрлеткендер!
Бір қолымен бесікті тербеткенде,
Бір қолымен әлемді тербеткендер!
MERmukhanov

Қазақтың баласы

    Ұқсас посттар

    9 пікір

    MERmukhanov
    Цеткиннің әруағы бір аунап түскен шығар
    Құтты болсын мереклеріңіз!
    MamaAya
    )))) Мәәә, тағы да таңдаулыма қосылды-ау!))) Рахмет! Керемет құттықтау!!!
    VKM
    уау! Тамаша құттықтау, рахмет, Мерей
    Sikosha
    күштііііііі екен! Рахмеет
    balziya
    Түh, шiркін! Не деген құттықтау?! Көп рақмееет!!!
    Соңғы түзету:
    Aya
    сезімімнің бұрқақтары
    бұқақақтары деп оқып қалдым, ренжімеңізші. Шамасы ұйқым әбден келген сияқты, жатайын, дафай)))
    Ispek92
    Кешегі «Айтуға оңай» бағдарламасында көөөөп сөйлеп шаршап қалғансың ғой, демал енді))
    Aya
     сен де көрдің бе? Түууу, со күні шашымды ана стилист қыз жинап берем деп, бытышыыыын шығарыпты. Жұрттар айтқан сайын ана сиқымнан ұялып жатырмын((((
    Тек тіркелген және сайтқа логинімен кірген қолданушылар ғана пікір жаза алады.