Футбол алаңына кімдер шығып, нелер ойнақ салмады. Осы күнге дейін ит, мысық, үкі, торғай, қосаяқ, тиін, қоянды көрдім. Ал поляктардың төртінші дивизионында алаңға не шыққанын білесіз бе? Білмесеңіз видеоны қараңыз

86-минут. «Сэнт-Мэрис» стадионында «Саутгемптон» жанкүйерлерінің ысқырығы мен ән-айқайынан құлақ тұнады. Есеп 2-1. Сәлден соң қаһарлы «Манчестер Юнайтед» тізе бүгуі тиіс. Бірақ бұл — «Манчестер Юнайтед»! Соңғы бес минутты ең ширақ өткізетін команда. Сәл тосылсаң — оңдырмай жазалайды. Бұған дейін бірнеше рет орындалған сценарий бүгін де қайталанды. Бас-аяғы бес минутта «Саутгемптонның» бар үміті тас-талқан болды. Қорытынды есеп: 2-3. «Манчестер Юнайтедтің» кезекті жеңісі!

Үзіліс… Дауыл алдындағы тыныштық десе де болады. Келесі аптада өзіміздің сүйікті командаларымыз УЕФА байрағының астында кезекті қарымта матчтарын өткізеді. Барлығының қазіргі жағдайы — жүрегі әлсіз жанкүйерді бірнеше мәрте дәрісіне жүгіндіретіндей. Шахтеріміз сырт алаңда азулы Слованмен бір ғана гол айырмасымен жеңіліп келсе (0-1), Орданың батырлары кезінде Милан, Реал, Челси, Боруссия-Дортмунд сынды таныстыруды қажет етпейтін футбол ұжымдарынан айласын асырған Русенборгпен тең нәтижеге қол жеткізді (2-2). Ал Ақтөбеміз… Қобыланды батыр атындағы стадионда, өз жанкүйерінің алдында сырт алаңда кеткен есені (2 голды) әлі-ақ қайтаратынына ешкімнің күмәні жоқ десем қателеспейтінім хақ!

24 шілде (сейсенбі).
18-00 (Ақтөбе уақыты).
Қарағанды.
Шахтер — Слован (Чехия).
Келесі 3-раунқа өткен жағдайда ЧФР (Клуж, Румыния) командасымен алдымен қонақта (31 шілде), содан соң үйде (07 тамыз) бақ сынасатын болады.

26 шілде (бейсенбі).
19-00 (Ақтөбе уақыты).
Алматы.
Ордабасы — Русенборг (Норвегия).
Келесі кезеңге өтсе Серветт (Швейцария) командасымен алдымен қонақта (02 тамыз), содан соң үйде (09 тамыз) ойнайтын болады.

21-00 (Ақтөбе уақыты).
Ақтөбе.
Ақтөбе — Милсами (Молдова)
Молдавандардан 3-раундқа өтсек Бельгияның Генк командасымен 02 (қонақта) және 09 (үйде) тамызда ойнайтын болады.

Командаларымызға сәттілік!!! Келесі кезеңге өтуге барлығының да мүмкіндігі бар. Алға, Қазақстан!!!

Еліміздің «Ордабасы» футбол клубы Норвегияның «Русенборг» командасымен ойнайтыны туралы естігеннен бастап, бірге жұмыс істейтін қыздар жігіттер болып командаға жанкүйер болуды ұйғардық. Лейрвик-Берген-Тронхейм маршруты арқылы матч өтетін қалаға кешкі сағат бестерде жеттік. Аэропорттан дереу стадионға барып билет алып, қонақтарға берілетін секторға өттік. Ол жердегі стадион қызметкерлер Қазақстанға болысатын ешкім келмейді деп, жайбарақат жүр екен, жетіп барған төртеумізге басында өз тілдерінде бірдеңе деп күліп алды. Стадионға өтіп киініп, «пісіміллә» деп командамызға болыстық барымызша. Қолымыздан келгенше барымызша дайындалып көк футболкамен, кішкентай офиста тұратын флажокты да алып келдік. Айналамызға қарасақ Русенборгтың жанкүйерлері 2-3 секторды алып отыр, ал біздер тек төртеуміз. Сонымен не керек дымға қарамай болысып, бірінші таймда сәл еңсеміз түсіп қалды. Басыма келген алғашқы ойлар «Неге біздің қазақтың командасына үнемі жеңілу жазылып қойған ба?» «Эх, біз де ГОЛ деп айқаласақ қой» деген нешетүрлі ойлар. Бірақ екінші таймда бізге тағы бір жанкүуйер қосылып, еліміздің байрағын қоса алып келді. Көк байрақтың әсері ме екінші таймда тек айқайлаумен болдық, уақыттың қалай өткенін де байқамаппыз. Екі гол соғылып есеп теңескенде қуанышымзда шек болған жоқ, менің де «ГОЛ» деп айқайлаңым келген арманым орындалды ;-) Сол үшін Ордабасы командасына рахмет!!! Қазақтар алға!!!  Енді кезек суреттерде:










мына видеодан көре аласыздар Your text to link...

Алдымен, барша отандық футбол жанкүйерлерін «Ақтөбеміздің» Еуропа лигасы аясында келесі кезеңге өтуімен құттықтаймын!

19 шілде 2012 жыл. Бейсенбі. Еуропа лигасы. Ақтөбе — Торпедо (Кутаиси, Грузия). Стадион… Командамыз әдемі ойын өрнектерімен барша жанкүйерді тәнті етуде. Жан-жақтан «Ақтөбе!», «Алға, Ақтөбе!» деген қолдауларға қосылып қана қоймай, жындыыы жасалған «толқынның» бір «тамшысына» айналдық… Гооол! Көптен күткен гол да соғылды. Қуаныш қойынға сыймай бара жатыр. Әр жерден шыққан «Ақтөбе, жарайсың!», «Жарайсыңдар!» іштегі әсерді сыртқа толық шығара алмай жатқанын байқадым. Сол сәтте менің ойыма бір идеяның келмесі бар ма… Неге келесі молдавандармен болатын ойында Ескендір ағамыздың «Атамекенін» стадион болып шырқамасқа?! Ақ, қызыл түсті киіммен келу жөніндегі ұсынысты қолдаған жанкүйер, аталмыш әнді шырқауға да қарсы болмас…

Ақтөбе бәрібір чемпион!!!

XV тур
1 шілде (жексенбі)
105. Жетісу — Ақтөбе – 1-1

5 шілде (бейсенбі)
Еуропа Лигасы. Бірінші квалификациялық раунд.
Алғашқы матч.
Торпедо (Грузия) – Ақтөбе – 1-1

XVI тур
8 шілде (жексенбі)
107. Ақтөбе — Тараз – 4-1

12 шілде (бейсенбі)
Еуропа Лигасы. Бірінші квалификациялық раунд.
Қарымта матч.
Актобе — Торпедо (Грузия)

XVII тур
15 шілде (жексенбі)
118. Ордабасы — Ақтөбе

19 шілде (бейсенбі)
Еуропа Лигасы. Екінші квалификациялық раунд.
Алғашқы матч.
Милсами-Урсидос (Молдова) – Ақтөбе

26 шілде (бейсенбі)
Еуропа Лигасы. Екінші квалификациялық раунд.
Қарымта матч.
Ақтөбе — Милсами-Урсидос (Молдова)

XVIII тур
29 шілде (жексенбі)
122. Ақтөбе — Ақжайық

Ақтөбе — чемпион!!!

Ох, ал егер 22 маусым күні ЕУРО-2012 чемпионаты аясында ширек финалда Ресей мен Германия құрамалары кездескенде қалай болар еді?.. Ойын уақытын таңғы сағат төртке белгілесе де керім болар еді, солай емес пе? Оның үстіне жаңа Левитан табылып, келесідей хабарландыру таратса: «вероломно… без объявления войны….»

Дегенмен, бұл болмай қалды. Бүгін кешке неміс машинасына қарсы гректер бағын сынайтыны барлығына аян…

2012.ua-football.com/news/4fe37d07.html

"Кім чемпион?" дегенге "аз-маз ақша тастап қойсам" деген едім? Басым қатып отыр, доп домалақ дейін десем, сол допты домалататын адам ғой. Немістер чемпион болады деп ойлаймын, бірақ француздардың жеңімпаз болғанын қалаймын.

Салем! Футболды жаксы көретін адамдарға және офиста отырып уақыт өткіземін дегендерге!!!
мына ойынды ойнап көріңіздер
сілтемесі 11x11.ru
Шақырған деген жерге ФК_Кайрат дегенді еңгізіңіздер
Сізге футбол клубын береді. әр-түрлі турнирлерге қатысып кубок ұтып клубыңызды дамытыңыз. ойынның ішінде «Футболный союз Казахстана» деген союз бар соған 3 деңгейге жеткенде қосыла аласыздар.
Мысалға мынау менің командам:


Командаңызбен жеңіске жетіңіздер!!!

Жігіттеріміз де енді «андай» күндері болып жатқан соң, бізге көп көңіл бөлінбей қалып жатыр ғой. Біз, қыздар, жалпы футбол қарамаймыз . Мысалы, көп қыздар, енді барлығы дерлік қарамайды. Футбол қарайтын қыздар көбіне жігіттері мен ортақ «тақырып» болу үшін қарайды немесе жарнамадан не журналдан әдемі жігіт көріп қалса кім екен, немен айналысады екен деп интерес тудыруы мүмкін. Интерестің ішіне: әйелі бар жоқтығы, қай елдікі екені, қанша қаржысы, қандай үй машинасы, футболдан басқа қандай бизнесі бар жоқтығы ғана қызықтырады. Оның қандай құрамада, құрамада кім екені қызықтырмайды.
Сонымен жігіттерінің, жарнамалардың арқасында қыздар таниды- ау деген 10 танымал футболист:

Украина Еуропа чемпионатына бірінші рет қатысайын деп отыр. Англияның соңғы үлкен жеңісін көргендер қазір елудің үстіне шықты. Шведтерден чемпиондық күту ұят сияқты. Ал, француздар болса 1998-2000 жылдардағы ғажайып күйінен адасып қалды.

ИИИХ… Түшкіргем жоқ. Бұл С тобының аббревиатурасы.  Мұнда фаворит анық, аутсайдер де бірден танылатын сияқты. Бірақ, бәрі тым қарапайым деуге болмас.

Топтық кезеңде бейтарап жанкүйерлердің назарын жаулайтын В тобы болатынына күмән жоқ. Мамандардың пікірінше дат футболшылары үшін бұл турнир топтық кезеңмен аяқталады. Негізгі талас қалған үш құраманың арасында өтеді.

Ертең, 1 маусым күні Алматының орталық стадионында Қазақстан-Қырғызстан жолдастық кездесуі өтеді. Басталуы 19-00. Кіру тегін екен.

Футбол сүйер қауым болып қарап қайтпаймыз ба? Кімдер барады, қай жерге жиналамыз, соларды талқылайық?

Сурет: sports.kz

Пролог

Құрметті КерекИнфо жамағаты! Өткен айда бірнеше мәрте футбол ойнап салауатты өмір салтын бастаған едік. Соңғы кездері жақсы үрдіс жалғасын таппай қалды. Кінәлі кім? Себебі не?

Бірінші тарау

Осы жұма футбол ойнауға қалай қарайсыңдар? Баяғы орында. Келетіндер мен келгісі келетіндер пікір ретінде жазса болады. Төменде келуі мүмкін адамдар тізімі:
1. asaubota
2. Nurgisa
3. Marco
4. aza
5. Bekjan
6. AKY
7. huanysh
8. TERISKEY
9. Janasil
10. AL-ASTER
11. konvict
12. Aldeken
13. ???

Очм, келемін деушілерге есігіміз ашық. Нұржол допты ұмыпта!

Гол салу немесе жеңіске жету кезінде әрбір ойыншының жан дүниесінде, сөзбен айтып жеткізе алмайтын сезімдер тулайды. Сондай қуанышты сәттердің hollywood стильіндегі өңдеуден өткен топтамасы