Ілмектерден іздеу

Сәлем-пост

Сәлем барлықтарыңа!

Есімім — Зульфия. Жаңа Patick дейтін (дұрыс жаздым ба?) қолданушы "қош келдің" деп жазып жатыр, рахмет. Керекинфо туралы құрбыларымнан естіген едім, бір айдай болды, тек сырттай бақылап жүрдім. Бүгін тіркелейін деп шешім қабылдадым.

Блогтарда жүргеніме бір жылдай болды. Бұған дейін, негізінен орыстілді ортада болған едім (ол жайлы сұрамасаңыздар екен, неудачный опыт). Қазақтілді юзерлердің арасына келуім бірінші рет.
Әрі қарай

Неге мен осындаймын

«Неге мен осындаймын деген гностикалық сұрақтар мазалай ма?» деген еді Сатыбалды екеуміздің жария болмаған бір сұхбатымызда.
Шынымен де, неге мен осындаймын?

Әке-шешем маған генімен бірге иықтылық пен сүйкімді күлкімді берді (бәрі солай айтады, білімге құштарлықты берді. Сыпайылыққа үйретті. Бірақ сол сыпайылықтың таяғын да біраз жеуші едім. Сол үшін сыпайылықты жау деп есептей бастадым. Бала кезде ойқастап, ерке болған мен жасөспірімдік кезде, күрт тұйық бола қалдым.
Әрі қарай

Ағайын, жаңа блогтұғырды қарсы алыңыздар!


Армысыздар, керекші ауыл тұрғындары! Бүгін мен сіздерге өзімнің жаңа блогтұғырымды пайдалануға ерекше қуанышпен ұсынбақпын! Көптен бері осындағы көпшіліктің wordpress тұғырындағы блогтары ашылмай қалған соң «Бұл жағдайдан қайтсек шықсақ болады?» деген ой ұйқы бермей қойғаны рас. Сол үшін де осыған дейін "Өзіңе жеке сайт қалай ашуға болады?" тақырыбында бейне-сабақтар түсіріп, назарларыңызға ұсындым. Алайда, «Бірақ қалай болғанда да қазақ блогтарының басын қосатын бір ортақ желі һәм жүйе керек болар?» деген сұрақ тынымсыз әрекеттің нәтижесінде дәл қазір сіздерге ұсынып отырған "Қазақы блогтұғыр" блогтар желісін өмірге әкелді. Бәлкім, доменнің һәм желінің аты сіздерге «тізесі шыққан көтриоттар әлемі» секілді көрінуі мүмкін. Дегенмен де ізгі ниет, пәк көңілден шыққан жұмысты шын жүректен қабыл аларсыздар деген ойдамын.
Әрі қарай

Хостқа блогтұғыр орнату



Қабылда, @konvict!

Осының алдында жарияланған Құны $1 тұратын домен немесе тасбақаның шөбі және 250 MB тегін хостинг (Домен туралы посттың жалғасы...) бейне-сабақтар сериясының жалғасын қабыл алыңыздар. Бұл жерде хостқа уордпресс блотұғырын қалай жүктеу керектігі және мәліметтер базасын қалай құрып, сол арқылы сайтты қондыру түсіндіріледі.
Әрі қарай

250 MB тегін хостинг (Домен туралы посттың жалғасы...)



Бұл бүгін күндіз жазған "Құны $1 тұратын домен немесе тасбақаның шөбі" атты мақаламның заңды жалғасы. Жалпы айтқанда іздеу машинасына жүгінсеңіз әлемнің кез-келген нүктесінен сан мыңдаған тегін хостерлер тауып береді. Соның ішінде ірілеріне тіркелгенді дұрыс санаймын. Қызметтері сенімдірек.

Мысалы менің өз блогым www.000webhost.com атты хостерде орналасқан. Басқару панелі де ұғынықты (брондағылар үшін). Бірақ соңғы кезде «Блогың ашылмайды» не «Ашылып болмайды» деген арыз-шағымдар түсіп жүр. Негізі одан басқа тегіннен-тегін 1500 MB яғни 1 гектар орынды бере салған хостерді көрмедім. Ал мына менің ұсынып отырғаным 250 МБ орын береді. Блог не жеке сайт үшін тақияға тар келмейді. Ал ендеше іске сәт!
Әрі қарай

Құны $1 тұратын домен немесе тасбақаның шөбі


Уордпрестің құрсаулануына байланысты блоггер-келіншегім «өз алдына отау» етіп шығаруды өтінген. Жұрттың ісі дегенде жанып түсетін мен айналамдағылардың шаруасы дегенде саябырсып қалатын жаман әдетім бар. Содан әне-міне деп жүргенде Жалғас інім хабарласып, бір блогтұғыр жөнінде сұрады. Оның алдында жарты жылдай бұрын да менің timurrr.co.cc блогым туралы, домен-хостинг туралы ара-тұра сұрап жүрген. Еріншектікке келгенде алдыма жан салмайтын мен ертең айтам, арғы күні айтаммен бірнеше айларды да сырғытып жіберіппін 
Әрі қарай

Пікір білдіру

wordpress.com-дағы блогым ашылғанда ұлды болғандағы сезімненде артық қуанған шығармын. Жаңа жазба да жазып үлгердім.Бірақ, сол жазбаларға пікір жазылмайды. Өркеннің блогына да бас сұқтым, пікір жаза алмай кеттім. Білсеңіздер айтыңыздаршы жаңа жазбаларға ғана жазылмай тұр ма пікірлер? Себебі, бір-екі блогтың бұрынғы жазбаларына пікір жазып кете алдым
Әрі қарай

Wordpress.com Қазақстан үшін жабылды ма?

  • KazNET


Google оқиғасынан кейін Wordpress оқиғасы да басталып жатқан сияқты. Бүгіннен бастап wordpress.com платформасындағы блогтар ашылмай тұр. Себеп не болуы мүмкін? Себеп менің ойымша қазақстандық біраз блогтардың шетел серверінде орналасуында болуы мүмкін. Келесі кезек Ucoz-да болуы мүмкін. Біраз сайт сол платформада орналасқан.

Уақытша істемей тұрған шығар деп қателескім келеді…
Әрі қарай

Балам екеуіміздің алғашқы өнеріміз (суретке түсу)

Микеланджелоның “Адам жаратылысы” атты (The Creation of Adam)

фрескасындағы қолдар орналасуындай етіп, суретке түсіп көрейік дедім.

Суретті түсірген жұбайым Әсел, қолдардың иесі Алихан және өзім.

Суреттер саны 5-еу, Алиханның іс-қимылдары әдемі болып шыққан сияқты.

+ + +

Фрескаға түсу сәтіміз
Әрі қарай

Ақпараттан алып отырыңыз!

Былай ғой, нақ-нақ үш ақпаратым бар. Бір сөзді он сөзге көбейтетін өнерімді қоспай-ақ қояйын :-). Біріншісі, “Мінбер” қорының дәстүрлі семинары басталады. Бұйырса.
Алматыда осы айдың 27-28-інде, Астанада маусымның 24-25-інде
Әрі қарай

Блогыңыз жабылып қалса...

This is icon for social networking website. Th...Image via Wikipedia

1. Мүмкіндігінше басқа сервистер арқылы көпшілікке оқырмандарыңызға хабарлауға тырысыңыз. Бұл өзгелердің де сақ болуына көмектеседі әрі мәселенің мәнісін білетін адамдар табылуы мүмкін. Хабарлау мен байбалам салудың
Әрі қарай

Астаналық "Керекшілер" және "Блогшы" қауым!!

Көктем де келіп Астананың қақаған суығының тігісі сөгілді. Көк шығып қала көшелерінің реңі де кіріп келе жатыр. Өткен аптада кешкі уақытта әйелімді ертіп Есіл жақты аралап қайтқан едім. Халық көп екен. Дені жастар әрине. Жақсы серуен болды. Кей орындықтарда гитар ұстаған жігіттер топтасып ән де салып отыр…
Блог - Janasil: Астаналық Керекшілер және Блогшы қауым!!Ұсынысым: Жақын арада жиналып Есіл жағасына барып отырып, әңгіме-дүкен құрып қайтсақ.(Кешегі шаңғымен жарысқан жерге сыртынан қарап отырып) Қастарыңызға жолдастарыңызды, кішкентайларыңызды ертіп келсеңіздер тіптен жақсы болады. Болып жатса гитар, домбыра алып келсеңіздер ән де шырқаймыз.
Әрі қарай

Кибер Чайхана



Кеше, яғни сәуірдің 19 күні пост советтік Орталық Азияның тарихы жайлы блогшылардың арасында жазылған Кристофер Шварцтың редакциясымен жарық көрген «Кибер Чайхана» атты кітабтың тұсаукесері Қарағанды қаласының Ж.Бектұров атындағы облыстық жасөспірімдер кітапханасында кесілді. Тұсаукесерге Е.А Бөкетов атындағы Қарағанды Мемлекеттік университетінің журналистика факультетінің студенттері қатысты.
Әрі қарай

Интернеттегі қазақша блог, қазақша сайт

Интернет «сет» жүйесіне менің де өз сайтым "қазақ тілінде" қосылғаны жайлы керекИНФО-ға жазуды ұйғардым. Менің блогыма ссылка: sot.idhost.kz. Жұрттарды сайтыма кірсін деп жарнамаламаймын. Жай ғана білсін деймін. Мен блогымды біреулер оқуы үшін емес, жай ғана өзімнің жастығымның астындағы күнделік етіп жазып жүрген дәптерім қылып қолдану үшін жазамын.
Енді ары қарай менің сайтым жатқан idhost жайлы айта кетейін. Ол жайлы білмейтіндер оны ucoz сияқты конструктор деп ойлауы да мүмкін. Бірақ ол ешқандай конструктор емес. Кәдімгідей нағыз сайт жасайтын хостинг. narod деген хостинг сияқты, бірақ одан мың есе артық. Қысқасы сатып алынатын хостингтан айырмашылығы жоқ. Бірақ тегін беріледі. Бір ғана кемшілігі домен idhost.kz болып аяқталуы керек. Онда тұрған айтарлықта онша ештеңе жоқ. Бастысы хостингта сақталған файлдар (сайттар) мегалайнерлер үшін жоғарғы жылдамдықта, әрі тегін жүктеледі.
Әрі қарай