Бәрің де білетін жағдаят қой…
Керекке кіріп, бару керек, бармау керек бұрыштардың бәріне кіріп… Күнделікті Интернетке бөлінген уақыттың көп бөлігін осында өткізіп, «ептііі… неше сағат отыр пыстадым» деп тұра бастаймын ғой орнымнан. Әрине, сайттан шығып кетуді ұмытпаймын. aza(шығу) деген жазды басып қалам ғой… Секундтан да аз уақытта мониторда

Dabai.kz
Тағы да келіп тұрыңыз…
деген жазу пайда болады… Эээххх, маған осы жазу қатты ұнайды, жігіттер! Қазнетте қанша сайтқа мүшемін, күніне қанша сайтқа зияраттаймын, келген кеткенде ешбірі ілтифат білдірмейді ау… (Тек «Жастар» ғана «Сіз шықтыңыз» дейді)
Тағы да келіп тұрыңыз деп сызылып тұрғаны ақ шақырып тұрады өзіне. Аршаттың «романтикасы»!!!

Науша Наурыз Маңғыстауда!

Шадыман шаттығын жетелеп тағы бір Көктем келді Маңғыстауға. Алла нәсіп етіп, тағы бір Амал айымен, тағы бір Көктеммен, алыс жақындағы ағайынмен тағы бір қауышуға жазды. Жұмыр Жерден Жыл айналғанда, жан біткенді жадыратып, көкірек біткенге самал құйып, көңіл біткенді көк дөненге мінгізіп, табиғатқа әр, тіршілікке нәр беретін Науша Наурыз жетті Маңғыстауға.

Сөз арасында айта кеткен орынды, Маңғыстау халқы Наурыз мерекесін тойлауды 14 — наурыздан бастап кетеді. «Амал күні», «Көрісу күні» аталып кеткн бұл мереке Қазақстанның батыс аймақтарында ерекше мәнге ие. Григориан күнтізбесіндегі әр айдың 14 жұлдызы араб күнтізбесі бойынша айдың басталуы. Наурыз айының 14 і күні Хамал, Амал айы келеді, бұл бұрынғы қазақтар үшін Көктемнің басы, Көктем келген күн! Қысқы қыспақтан аман есен шыққанына, тәубә деген жұрт, жаңа түскен келіндей боп босағадан сызыла аттаған Гүл Көктеммен бірін бірі құттықтасады. Табиғаттың өзі жасарып, жаңарып жатырғанда саналы Адам есімімізге ауыр болар деген оймен, Ескі жылдағы өкпе, реніш, ашудың бәрін жиып қойып, солл күні арқа-жарқа амандасады, құшақтасып көріседі, қол алысып, есендік біліседі. Осы мерекелік аура 22 наурызға ұласады. 14-наурыз тек батыстық мереке ретінде сипатталса, 22-наурыз ел болып тойлайтын аса ұлық мейрам!

1. Сағын Германиядан келді. Алматыда жүр. Павлодардан Өмірбек пен Айжан қазір пойыз ішінде болуы керек. Бірін бірі танымайды :) Ертең таңертең Қостанайдан екі блогшы және Париж бен Стокгольмнан блогшылар келеді. Күтіп алуымыз керек.

Сайтымыздың пошта қызметі ашылды. Яндекстің тегін пошта қызметіне байланды. Осы сайттағы никіңіз бойынша немесе басқа атпен өзіңізге пошта ашып алуыңызға болады. Пошта қызметінен бөлек Яндекстің мессенджер қызметін де пайдалана аласыз:

Бүгін маған жазылған құттықтау каменттерін оқып отырып, Нұрғисаның бір жайтты еске түсіріп жіберді. Сіздермен бөлісейін дедім:

Шамамен 2003 жыл болуы керек. Ол кезде де КерекИнфо админімін. Түркияда студент кезім. Гүлчин деген түрік қызым болды. Сол қызбен бір ренжісіп қалған кездерім болуы керек (негізі қыздармен 1000 рет ренжісіп, 1000 рет татуласатынмын). Бір ой келді Гүлчинге сюрприз жасайын дедім. Керекинфо форумындағы қолданушыларға өтініш тастадым, Гүлчиннің номеріне «Arshat seni seviyor» (Аршат сені сүйеді) деп SMS жіберіңдерші дедім. Қазақстан, Ресей, Түркия, Қытай, Америка, Корея, Моңғолия сияқты неше түрлі елден SMS барыпты Гүлчиннің номеріне. бір мәз болып қалып еді.

Ол кезде флешмоб деген түсінік жоқ, идея қарайтын Google жоқ. Бәрі оригинал еді, ойлай алатын едік, ойланатын едік. Романтика бар еді. Қазір білмеймін, заман өзгеріп келе ме бұрынғыдай ой, бұрынғыдай романтика жоқ сияқты. Әлде мен байқамаймын ба қазіргі жастардан?..

Сіздер де өткен жылдардағы романтикалық сәттеріңізді бөлісе отырыңыздар.

Иә, «ат айналып қазығын табар» демекші, бұл керекинфоның қайта оралу әңгімесі қызық болды ғой… Керекинфоның алғашқы тәй-тәй басқан кездерінде, интернет технологияларында қазіргідей мүмкіндік жоқтың қасы еді… Тіпті қазақша мәтінді мониторға шығарудың өзі қаншалықты қиын іс еді десеңші..Қазір, алыс емес, сонау 2000 жылдары интернетте қазақ әріптері оқылмайтын, жазылмайтын десең, ел бетіңе бажырайып қарайтын шығар… Бірақ, сондай кезеңдер бастан өтті..Қолда 1,3 Мб дискетаға көшірілген сайттың «хтмл» беттері, интернет кабинеттерін жағаланып жүрілді ғой талай…

Ия!!! Оралуыңмен КерекИнфо! Шынында да Дабай.кзке кейбіреулер кері пікір тудырып үлгерген еді. Бірақ қалай болғанда да құлағымыз үйреніп те қалыпты! Жаңа ат — жаңа шыңдармен иықтасады деп үміттенеміз! Алдағы уақыттарда бұл сайттан шынында да көптеген керекті инфо табуымызға, өзімізде бар инфоны жұртпен бөлісуге бар күшімізді салуға тырысамыз! Жарайсың Асау Бота! Аузыма «Админ красава» дегеннен басқа сөз келмей тұр!

Дабай.кз ашылғанына 2 айдай уақыт болды. Осы қысқа уақыт ішінде өзіндік аудиториясы қалыптасып үлгерді. Нағыз пікірталас платформасына айналып үлгерді. Басында техникалық тұрғыда әлсірей бастаған Кездесу.ком сайтына альтернатива ретінде эксперимент ретінде бастаған жобам еді. Кейін Асхат бастаған блогшылардың қолдауымен жақсы жобаға айналып шыға келді. Қолданушы пікірімен санаспауға болмайды, Дабай деген ат көпшілікке ұнамады. Менің өзіме сондай жеңіл атау ұнап тұрса да, мұндай атпен сайттың болашағы бұлыңғыр деген болжамдар айтылды. Сол себепті әлі жолдың басындамыз, кеш емес әлі деген оймен кезінде Қазнетте танымал болған КерекИнфо сайтының атын таңдадым. Дабайдағы белсенділікті біреулер сол баяғы КерекИнфоға да ұқсатты, сол кездегі рух қайта келгендей деген пікірлер болды. Ақыры осы сайтта ақпарат бөлісіп жүр екенбіз, ақпаратымыз керек болсын, керек инфо болсын! Осы атты жатсынбай бұдан кейін КерекИнфоға үйрене берулеріңізді сұраймын. Ал қолданушылар Дабайшылар емес кезінде қалыптасып қалған Керекшілер деп аталайық.
Осындай ребрендингке түсіністікпен қарауларыңызды өтінемін, Дабай аты ұнайды дегендерден кешірім сұраймын. Бұрынғы доменмен де кіре беруге болады.

Еееуу, керекинфо бар болған замандарда,
Бір құдірет бітуші ед қаламдарға.
Одан бері құбылды шартарабың,
Олқылықтар сыр беріп жамандарға.
Сынар болсаң сыналар нысана көп,
Сау нәрсені түртпектеп харамдарға.
Жақсы көру, түйсіну жағымды еді,
Керекинфолық деген адамдарға.

Дабайыңды аштырдың бісміллә деп,
Бісмілләсіз құрдас-оу іс қылма тек.
Айтушы едім өзіңе күндестерің
Шалса дағы пасыққа пысқырма деп.
Талабың таудай болса ішітарлар
Көрдің ғой, апыл-ғұпыл ышқынар кеп.
Бесікке бөленгенде жас періште,
Ырымдаймыз тышты ма, тышты ма деп.
Дабайыңның тышуы тәтті болсын,
Дәріптеліп қазақы дәстүр, әдеп.