Отбасы күнін Республикамыздың барлық өңірлері атап өтуде. Отбасы институтын дамытуда бұл шаралардың маңызы зор. Елорда тұрғындары мен қонақтары бұл атаулы күнді өздерінше тойлады. Жексенбі күні Астаналық паркте жеті команда, яғни жеті отбасы көңілді жарыстарда бәсекеге түсті.



Спорттық мерекеге жанұялар толық құраммен қатысты. Балалары мен ата-аналары шет қалмай, жеңіске жету үшін ептілігі мен жылдамдығын көрсетті. Көңілді старт бағдарламасына асық ату мен арқан тарту сияқты ұлттық ойындар да енді.

— Халықаралық отбасы күні 1993 жылы бекітіліп, жыл сайын 15 мамырда аталып өтіледі. Біз отбасылық жарыстар, саяхаттар және т.б өткіземіз. Бұл жолы мереке саябақта жаттығу жасаудан басталды. Содан кейін кезек жарыстарға берілді, — деді Астана қаласы салауатты өмір салтын қалыптастыру орталығының директоры Ақмарал Құрманбаева.



Әденовтер әулеті осы сияқты бұқаралық шараларға бүкіл отбасымен қуана қатысады. Олар бүгін де тыс қалған жоқ.

— Әдеттегідей бүкіл отбасымызбен – бесеуіміз келдік. Әр демалыс сайын таза ауаға шығып отыруға тырысамыз, қалалық саябақтарда ұйымдастырылатын ойын-сауықтарға қатысып жүреміз. Осындай қызықты спорттық жарыстар өткізу — тамаша идея, мұндай шараларды жиі ұйымдастырған дұрыс, — деп Асқар Әден өз пікірімен бөлісті.



Шараға таэквондодан Қазақстан федерациясының вице-президенті, Бейжіңдегі Олимпиада ойындарының қола жүлдегері Арман Шылманов та келді.

— Спорт пен дене шынықтыру — денсаулыққа пайдалы, адамдардың бүкіл отбасымен бірге салауатты өмір салтын ұстанатыны қуантарлық жайт, — дейді спортшы.

Еске салайық, 8 мамырдан бастап Астаналық паркте демалыс күндері ашық аспан астында бұқаралық спорттық және фитнес жаттығулар жасау ұйымдастырылып келеді. Тәжірибелі нұсқаушылардың жетекшілігімен йога, зумба және кроссфиттен сабақ алуға болады.

Материал Астана қаласы әкімдігінің ресми сайты astana.gov.kz деректері бойынша әзірленді.

Инетерапия әдісі, әсіресе, асыл тұқымды жылқыны баптап, бәйгеге қосатын шаруашылықтар үшін таптырмайтын құрал көрінеді. Қытайда іс-сапарда жүрген С.Сейфуллин атындағы Қазақ агротеxникалық университетінің студенттері осындай іргелі жобаларды жасайтын зертxанада болды. Мамандардың айтуынша, қазір, АҚШ, Германия, Ұлыбританияның шаруа қожалықтары жануарларды инемен емдеуге ерекше қызығушылық танытып отыр. Ал, бұл жобаға университет ғалымдары Қытайдың Батыс- Солтүстік ауыл және орман шаруашылығы университеті басшылығымен жасалған меморандум арқылы қол жеткізбек. Құжатта Ұлы Жібек жолын дамыту бағдарларламасы бойынша, малды инемен емдеуге Қытай тарапының ақысыз түрде көмек беруге келісетіні жазылған. Бұл жөнінде, ҚазАТУ жанынан құрылған Қазақ-Қытай орталығының директоры Думан Иманмәдіұлы былай дейді: «кеше ғана келісімге отырған ҚазАТУ дың Батыс- Солтүстік ауыл және орман шаруашылығы университеті мен жан-жақты ынтымақтастық меморандумы аясында енді жануарларды инемен ақысыз емдеуге келісімін берді.»
Инемен малдарды емдеу ҚХР ежелден келе жатқан әдіс. Мамандардың айтуынша, оның мал ағзасына кері әсері жоқ. Инемен мысық, ит секілді үй жануарларын да емдеуге болады екен. Бұл, қалалықтардың бас қатыру мәселесі жақында шешіліп қалады деген сөз…

Дерек көз: С.Сейфуллин атындағы Қазақ агротеxникалық университетінің баспасөз орталығы

Бүгін Астанада «Astana Mall» сауда, ойын-сауық орталығында өткен Бос орындар жәрмеңкесіне 40 жуық жұмыс беруші қатысты. Шара барысында қызмет көрсету, білім, денсаулық сақтау, құрылыс салаларынан 260 жуық бос жұмыс орны ұсынылды. Жәрмеңке барысында жұмыс іздеп келген 1386 адам тіркелді.



Бұл Жұмыспен қамту орталығы жыл басынан бері өткізіп отырған төртінші жәрмеңке. Аталған шаралардың қорытындысы бойынша 75 адам жұмысқа орналастырылды.

Бос орындар жәрмеңкесі жұмыс іздеушілерге әлеуетті жұмыс берушілермен әңгімелесуден өтіп, қайта оқыту мен жаңа мамандықты меңгеру мүмкіндігі туралы ақпарат береді.



Жыл басынан бері Астана қаласы әкімдігінің Жұмыспен қамту орталығына 4810 қала тұрғыны жүгінген, 2195-і жұмысқа орналастырылды, соның ішінде 63-і әлеуметтік жұмыс орындарына, 220-сі жастар практикасына жіберілді, 919 адам қоғамдық жұмыстарға қатысты, 307 адам қайта оқытылып жатыр.

Материал Астана қаласы әкімдігінің ресми сайты astana.gov.kz деректері бойынша әзірленді.

Астана салауатты қала екенін әртүрлі шаралармен дәлелдеп келеді. Спорттық шаралар, денсаулықты сақтауға бағытталған акциялар, түрлі семинар-тренингтер көптеп өткізілуде. Сондай салауатты өмір салтын насихаттайтын шаралардың бірі — темекі шегуге қарсы күре айлығы. Бұл шара 31 мамырда аталып өтетін Дүниежүзілік темекі шегуге қарсы күрес күніне орай өткізіледі. Құқық қорғау органдары, білім, денсаулық сақтау және басқа да мүдделі ведомстволар бірлесіп, қоғам назарын балалар мен жасөспірімдердің темекі шегуі мәселесіне аудармақ, сондай-ақ, жас ұрпақтың денсаулығына қатер төндіретін темекі шегуге қарсы күрес бойынша кең ауқымды жұмыстар жүргізеді.

Бүгін Дүниежүзілік темекі шегуге қарсы күрес күніне орайластырылған дөңгелек үстел аясында балалар мен жасөспірімдердің темекі шегуі мәселесі қаралды.

Астана қаласы Салауатты өмір салтын қалыптастыру орталығының директоры Ақмарал Құрманбаева темекі шегудің барша әлемде адамдардың өлімінің басты себептерінің бірі болып табылатынын атап өтті. Сондықтан бұл мәселе аса өзекті, әсіресе балалар мен жасөспірімдердің темекі шегуі мәселесі қатты алаңдатады, — деді ол.

Медициналық-әлеуметтік оңалту орталығы бас дәрігерінің орынбасары Гауһар Бектаеваның айтуынша, жыл сайын темекі шегетін адамдар саны ұлғаяды, олар негізінен дәрігердің көмегіне жүгінбейді.

– 2015 жылы Астана бойынша никотинге үйір болған кәмелетке толмаған 70 бала тіркелді, соның ішінде 11 жуығы 14 жасқа дейінгі балалар. Бұл аса күрделі мәселе. Қазіргі кезде жастар арасында темекі тарту сәнге айналды. Әсіресе, жасөспірім қыздардың арасында. Әрине, никотин – бұл заңды психоактивті зат, оны кез келген дүкеннен сатып алуға болады. Қоғамдық жерлерде темекі шегуге тыйым салынып, нақты шаралар қабылдануда, мысалы, кәмелетке толмаған балаларға темекі сатқаны үшін әкімшілік айыппұлдар салынады, ал шындығында бәрі басқаша, адамдардың барлығы темекі шегеді, құрамына табак пен басқа да заттар кіретін насыбай атады, осының барлығы жас ағзаның дамуына әсер етеді. Бұл темекіге тәуелділікке апарады, сондықтан онымен күресу керек, – деді Гауһар Бектаева.

Өз кезегінде Астана қаласы Ішкі істер департаменті есірткі бизнесіне қарсы күрес бөлімінің басшысы полиция подполковнигі Сергей Ильиных электронды кальян шегетін жастардың көбейгенін, оған да синтетикалық заттардың қосылатынын, адамдар тәуелділікке салынатынын жеткізді.

– Біз темекі қоспаларын тексеру бойынша жұмыстарды қолға алып, рейдтер өткіземіз. Қазіргі кезде тамақ ішетін орындар аумағында темекі шегуге тыйым салатын заң да қолдау тапты. Осыған орай, сауда орындарында және жастар демалатын орындарда да рейдтер жүргізіледі. Насыбай да тәркіленеді, – деді Сергей Ильиных.

Сонымен қатар, темекі шегуге қарсы күрес бойынша басқа да шаралар қабылдануда. Астана қаласының Денсаулық сақтау басқармасы түрлі сауықтыру акцияларын, үздік спорттық отбасы конкурсын, жүгірулер, қалалық парктер мен саябақтарда гимнастика жаттығуларын жасауды және т.б. ұйымдастырады. Аталған шаралар түрлі жастағы адамдарға арналған, өйткені темекі шегетін балалар санын азайту үшін бірінші кезекте, ересектектердің өздері бұл зиянды әдеттен арылуы керек.

Материал Астана қаласы әкімдігінің ресми сайты astana.gov.kz деректері бойынша әзірленді.

Бүкіл әлем күткен Қазақстандық Геннадий Головкин мен Мексикандық Сауль Альварес арасындағы жекпе-жектің өтетін уақыты белгілі болған сияқты. Бұл туралы кәсіпқой бокстан америкалық экс-чемпион Шейн Мозли өзінің «twitter» желісіндегі жеке парақшасында алғаш болып жариялады.

Шейн Мозлидың жар салған бұл сөзі соңында әшейін «пиар» болып шықпаса болғаны)

Сонымен, 2016 жылдың 17 қыркүйегінде «Канело» мен «GGG» арасында жыл жекпе-жегі өтеді.


Мамырдың жетісі күні Сауль Альварес Лас-Вегаста Амир Ханға қарсы жекпе-жек өткізіп, WBC тұжырымы бойынша чемпиондық атағын қорғап қалған болатын. Енді WBC ережесіне сәйкес Альварес қазақстандық Головкинмен кездесу өткізуге міндетті. Головкин мен Альварес 15 күн ішінде жекпе-жектің күнін нақты белгілей алмаса, WBC белбеуі саудаға шығарылады. Аты шулы жекпе-жек 2017 жылға шегерілуі де ғажап емес сияқты. Себебі, Генаға ЭКСПО 2017 көрмесі аясында Астана қаласында бокс кешін өткізу туралы ұсыныс айтылған еді. Бірақ, бұл ұсынысқа Альварестің көнуі екі талай. Себебі, Ол 7 мамырда Амир Ханға қарсы өткізген жекпе-жегінен кейін Головкинмен кездесуге дайын екенін және ол жекпе-жекті Мексикада өткізу туралы айтқан болатын. Дегенмен, қай елде өтсе де бұл тартыстың фовориті GGG екені белгілі сияқты.
Алға Қазақстан! Алға ГЕНА!

Астана қаласы әкімдігінің Жұмыспен қамту орталығы 12 мамырда сағат 10:00-13:00 аралығында «Astana Mall» сауда, ойын-сауық орталығында «Барлығы үшін еңбек» атты Бос орындар жәрмеңкесін өткізеді.

Шара барысында жұмыс іздеушілер әлеуетті жұмыс берушілермен әңгімелесуден өтіп, қайта оқыту мен жаңа мамандықдыты теңгеру мүмкіндігі туралы ақпарат алады.



Қызмет көрсету, білім беру мекемелері, денсаулық сақтау ұйымдары, құрылыс фирмалары, қонақ үйлер, автопарктер, ішкі істер органдары саласындағы 25-тен артық жұмыс беруші бос жұмыс орындарын ұсынатын болады.

Материал Астана қаласы әкімдігінің ресми сайты astana.gov.kz деректері бойынша әзірленді.

Бүл күні Елордада таңертеңнен бері Отан қорғаушы күніне арналған мерекелік шаралар өтіп жатты. Әскери-тарихи музей алдындағы алаңда «Сарбаз ботқасы» дайындалып, халыққа ұсынылды.



Жауынгерлердің тамағынан дәм татуға әскери қызметкерлер мен олардың отбасылары, әскери-патриоттық клуб өкілдері, оқушылар, Балалар үйінің, SOS балалар деревнясының тәрбиеленушілері, сондай-ақ, қала тұрғындары мен қонақтары қатысты.



Алаңға дала ас үйі мен палаталы қалашық орнатылды. Қонақтар Ұлы Отан соғысы кезіндегі осы күнге дейін істен шықпаған техниканы тамашалады. Орталық ансамбль әртістері соғыс жылдарындағы әндерді орындап, рухты көтерді.



Сонымен қатар, қала тұрғындарына Ұлы Отан соғысына қатысқан батырлар ерлігінің белгісі «Жеңіс ленталары» таратылды.

— Біздің аталарымыз Отанын қорғап, Жеңісті барынша жақындатты. Барша қазақстандықтарды Отан қорғаушы күнімен және Ұлы Отан соғысындағы Жеңістің 71 жылдығымен құттықтаймын, — деді ҚР қарулы күштері азық-түлік басқармасының бастығы Ерлан Тоқпаев.



Отан Қорғаушы күніне орай ұйымдастырылған концерттік шаралар қаланың көптеген алаңдарында өткізілді. Соның ең думандыларының бірі «Бәйтерек» монументінің алдындағы алаңда өткен концерт. Отан қорғаушы күніне арналған мерекелік шаралар сағат 24:00 дейін жалғасты.



Материал Астана қаласы әкімдігінің ресми сайты astana.gov.kz деректері бойынша әзірленді.

Астанада экологиялық айлық аясында «Таза қала — бақытты қала!» жалпықалалық сенбілігі өтті. Қала тұрғындары бұл шараға белсенді қатысты. Қалалық басқармалардың өкілдері, жеке меншікті ұйымдар мен кәсіпорындардың қызметкерлері, сондай-ақ, елорда тұрғындары таңертең қала көшелерін жинауға, абатттандыруға атсалысты.

«Алматы» ауданында тиісті жұмыстарға 47 493, «Сарыарқа» ауданында — 33 856, «Есіл» ауданында — 19 852 адам жұмылдырылды. Қаланы санитарлық тазарту жұмыстарына 191 тиегіш техника мен 431 жүк көлігі тартылды. Аудандар аумақтарында терек, тал, шетен, арша және т.б. ағаштар отырғызылды. Сенбілік аясында Астанада 16 мыңнан астам ағаш отырғызылды



Сенбілік аясында 163 мыңға жуық ағаш сыланды, парктер мен саябақтар жиналды. Сонымен қатар, студенттер мен әскери бөлімшелердің әскери қызметкерлерінің күшімен Есіл, Ақбұлақ пен Сарыбұлақ өзендерінің арналарын тазарту бойынша экологиялық акциялар өткізілуде.

Материал Астана қаласы әкімдігінің ресми сайты astana.gov.kz деректері бойынша әзірленді.

Астана қаласында қоғамдық көлікте электронды жолақы төлеу жүйесі мамыр айынан бастап кезең-кезеңмен енгізілетін болады. Бұл жүйе AstraPlat, ал көлік картасы – AstraCard деп аталады деп хабарлайды Астана қаласы әкімдігінің ресми сайты astana.gov.kz.

Автобус жолаушысы жол жүру ақысын төлеу үшін картаны кіреберісте орнатылған арнайы жабдық – валидаторға қосады, осы аппараттың көмегімен балансты да тексеруге болады. Электронды карталарды сатып алу және балансты толықтыру үшін кезең-кезеңмен 10 кеңсе ашылмақ, 30 автомат орнатылып, 25 сату пункті іске қосылады. Болашақта аталған желі кеңейтіліп, оны төлем терминалдары жүйесімен және интернет-банкинг порталдарымен интеграциялау көзделген.



Жолаушы картаны сатып алуға үлгермеген жағдайда, автобуста жолақысын қолма-қол ақшамен төлей алады. Ол үшін жүргізуші кабинасының жанында QR-коды бар бір реттік билет беретін терминал (жүргізуші консолі) орнатылады.

Ал электронды билеттеуге астаналықтарды көбірек тарту үшін икемді тарифтік жүйе қарастырылған – автобуспен көбірек жол жүру жолаушы үшін экономикалық тұрғыдан тиімді болып шықпақ.

Сәуір айының соңында көлік карталары азаматтардың жеңілдетілген санаттарына таратылмақ. Осы мақсатта 2015 жылы тамыз айында фототіркеу ұйымдастырылып, автобуспен тегін жүретін жолаушылардың мәліметтер базасы құрылған болатын. Карталар берілетін орын мен уақыты БАҚ арқылы қосымша хабарланады.

Айта кетейік, қоғамдық көліктерде «AstraPlat» электронды жолақы төлеу жүйесін қолданысқа енгізу бір реттік жол жүру билеттердің есепке алынбауы, жолаушылар ағыны туралы мәліметтердің болмауы, қоғамдық көлік қызметкерлерінің кірісті жасыруы сияқты мәселелерді шешуге мүмкіндік береді, сондай-ақ, қазіргі қолайсыз төлем жүйесін жояды. Жаңа жүйе жолаушылар үшін қолма-қол ақшаны қажет етпейтінімен қолайлы болмақ.

Сәуірдің 21 күні елорда әкімдігі ғимаратында Астана қаласы мәслихатының депутаттары кәсіподақ ұйымдарының жетекшілерімен кездесті. Тараптар қалалық мәслихат пен кәсіподақ орталығының арасындағы өзара ықпалдастық туралы меморандумға қол қойды. Кездесуге мәслихат хатшысы Жанат Нұрпейісов, кәсіподақ орталығының төрағасы Сәрсенбай Мыңбаев, Астана қаласы мәслихатының депутаттары, қалалық кәсіподақ ұйымдарының, сондай-ақ, БАҚ өкілдері қатысты.

Кездесудің негізгі мақсаты қалалық әлеуметтік-экономикалық бағдарламаларды іске асыру кезінде мәслихат пен кәсіподақтардың өзара ынтымақтастығын қамтамасыз ету, қалалық ұйымдар мен кәсіпорындарда қолданыстағы заңнамалардың нормаларын сақтау кезінде қалалық мәслихат депутаттары мен кәсіподақ қызметкерлерінің өзара іс-қимылдарын нығайту, халыққа сервистік қызмет көрсетуді жақсарту, өзекті мәселелерді шешу.



– Қалалық мәслихат пен кәсіподақтар көптеген бағыттар бойынша өзара әрекет етуі мүмкін: кәсіподақ қызметкерлері мәслихат сессияларына материалдар әзірленіп жатқанда жұмыс топтарына қатыса алады; көпшілік тыңдауларға қатысып, ұсыныстар енгізе алады; сайлау учаскелерінде мәслихат депутаттарымен бірлесіп іс-шаралар өткізе алады; тақырыптық және мақсатты іс-шараларға екіжақты қатыса алады, – дейді Сәрсенбай Мыңбаев.

Кездесу барысында Сәрсенбай Мыңбаев қаладағы 380 кәсіподақ ұйымының қызметіне тоқталды. Астанада автомобиль көлігі қызметкерлерінің, мемлекеттік мекемелердің, теміржолшылардың, денсаулық сақтау, құрылыс, коммуналдық кәсіпорындар, мәдениет, білім, кәсіпкерлік, байланыс қызметкерлерінің кәсіподақ ұйымдары құрылған, олар жұмыскерлердің еңбек және әлеуметтік-экономикалық мәселелерін шешуге ат салысады.

– Кәсіподақ қозғалысы – кез келген еңбек ұжымының мағынасы сона жатыр. Меморандумға қол қою арқылы тараптардың бірлесіп қызмет ету аясы кеңейе түспек. Депутаттық корпус кәсіпорындарға баруға, еңбек ұжымдарымен танысуға дайын, – деді Жанат Нұрпейісов.

Материал Астана қаласы әкімдігінің ресми сайты astana.gov.kz деректері бойынша әзірленді.

Ертең 22 сәуірде Астанада жыл сайынғы ел аймақтарының ауылшаруашылық жәрмеңкелері басталады. Биылғы жәрмеңкенің алғашқы қатысушылары Қарағанды және Ақмола облысының жақын аудандарының тауар өндірушілері болмақ, деп хабарлайды Астана қаласы әкімдігінің ресми сайты astana.gov.kz. Астанада аймақтардың ауылшаруашылық жәрмеңкелері осымен 6-жыл өткізіліп келеді.



Енді әр демалыс сайын елорда тұрғындары мен қонақтары азық-түлік өнімдерін төмендетілген бағамен сатып алу мүмкіндігіне ие болады. Жәрмеңке 22 сәуір мен 8 қараша аралығында апта сайын таңғы 9:00-ден кешкі 18:00-ге дейін «Думан» ОСО (автотұрақ) алдында өткізіледі.

Жәрмеңкеде әлеуметтік маңызды азық-түлік тауарларының 20 астам түрі ұсынылады. Атап айтқанда, картоп, пияз және көкөністердің басқа түрлері, сонымен қатар қышқыл сүт өнімдері, кондитерлік және макарон өнімдері сатылады.

Астанада биыл үшінші рет бос жұмыс орындар жәрмеңкесі өткізілді. «Сапаржай» автовокзалы ғимаратында өткізілген шарада жұмыссыз жүрген астаналықтар әлеуетті жұмыс берушілермен әңгімелесіп, қайта даярлаудан өту және жаңа мамандықты меңгеру туралы ақпарат алды.

Астана қаласы әкімдігінің «Жұмыспен қамту орталығы» КММ директоры Олжас Омардың айтуынша, бос жұмыс орындар жәрмеңкесін автовокзалда өткізудің маңызы зор.

– Авто- және теміржол вокзалдары аумағында өзін-өзі жұмыспен қамтыған азаматтар жүреді. Ол пәтерлерді жалға берумен, жүк тасумен айналысады, жолаушы тасымалдау қызметтерін ұсынады және т.б. Бұл оларға ұнайтын да шығар, бірақ біздің мақсатымыз оларды жұмыспен нәтижелi қамтылуға тарту, берекелі болашаққа қол жеткізу үшін зейнетақы аударымдарын жасау қажеттілігін түсіндіру. Сондай-ақ, балама жұмыс орындарын ұсынамыз. Жұмыспен қамту орталығына хабарласуға олардың уақыты болмаған шығар, ал мұнда аз ғана уақыттың ішінде ондаған жұмыс берушімен кездесіп, түйіндемелерін қалдырады, алдын ала әңгімелесуден өтеді, – деді Олжас Омар.



Жәрмеңкеде 20 жуық жұмыс беруші қызмет көрсету саласы, білім беру мекемелері, денсаулық сақтау ұйымдары, құрылыс фирмалары, қонақ үйлер, автопарктер, ішкі істер органдарынан бос жұмыс орындарын ұсынды.

– Мен автовокзалда сантехник болып істеймін, бірақ басқа ұйымдарда бос орын бар ма екенін сұрадым, олардың қандай талаптар қоятындарын білдім. Екі жерге түйіндеме қалдырдым. Кешкі уақытта немесе демалыс күндері қосымша қаржы табатын жұмыс табылып қалар, – дейді Ғабдул Құлынтаев.

Жәрмеңкеге келгендердің бірінің мамандығы бухгалтер, бірақ оның жұмыс өтілі аз. Сол үшін ол төрт жылдан бері жұмысқа орналаса алмай жүр.

– Бос орындар жәрмеңкесі туралы кездейсоқ естідім. Сөйтіп, бағымды сынап көрейін дедім, «Цесна-Астық» ЖШС түйіндемемді қалдырдым, оларға тауартанушы керек екен, менің бұл орынға лайықты екенімді айтты, – деді қала тұрғыны.

Сонымен қатар, бос жұмыс орындар жәрмеңкесінде Жұмыспен қамту орталығының мамандары «Жұмыспен қамту жол картасы 2020» бағдарламасына қатысу туралы азаматтардың сұрақтары бойынша қайта даярлау және жаңа мамандықты меңгеру мүмкіндіктері туралы кеңес берді, жастар практикасынан өту, халықтың нысаналы топтағы тұлғаларына әлеуметтік жұмыс орындарына жұмысқа орналасуға болатыны туралы айтып берді.

Сондай-ақ, шара аясында Астана қалалық Прокуратура және Жұмыспен қамту, еңбек және әлеуметтік қорғау басқармасы қызметкерлері азаматтардын еңбек саласында конституциялық құқықтарын қорғауға арналған «Ашық есік күнін» өткізді.

Материал Астана қаласы әкімдігінің ресми сайты astana.gov.kz деректері бойынша әзірленді.

Сәуірдің 10 күні елорданың жасыл белдеуі аумағына 125 сегіз айлық қырғауыл жіберілді деп хабарлайды Астана қаласы әкімдігінің ресми сайты astana.gov.kz. Қырғауылдарды өсіру зиянды жәндіктермен күресуге көмектеседі, сондай-ақ, олардың Қазақстандағы мекен ету ареалын кеңейтеді. Бұл құстар суыққа төзімді және ерекше күтімді қажет етпейді. Қазірде орманда қырғауылдардан басқа, қоян, түлкі, шіл мен қарабауыр, қасқыр мекендейді.
– Бұл жасыл белдеудің гүлденген кезі. Орман бұрын ештеңе өспеген даладағы жабайы жануарлардың мекен ету ареалына айналды. Жыл сайын жасыл белдеуде ағаш отырғызу аумағын 300 га ұлғайтып отырамыз. Қазіргі кезде 11 миллионға жуық ағаш егілді, – деді Астана қаласы Табиғи ресурстар басқармасының басшысы Әділбек Сәрсембаев.
Қала әкімдігі елорданы көгалдандыру мәселелеріне баса назар аударады. Қазіргі кезде қалада 9 парк, 90 саябақ, көптеген субұрқақтар мен гүлзарлар бар.
Жыл сайын жасыл белдеу ұлғайып, жақсартылуда. Қала ішінде де көшеттер отырғызылған аумақ ұлғайып келеді. 2014 жылмен салыстырғанда жасыл көшеттер саны 15% өсті, бұл бір тұрғынға есептегенде 15 шаршы метрді құрайды.
– Бұл өте жоғары көрсеткіш. Бірақ мұнымен шектелмейміз, бұл көрсеткішті одан әрі арттырамыз. Жыл сайын жасыл көшеттер саны өсіп отырады. Ағаштардың жаңа түрлері егіліп жатыр. Астананың климаты күрт континенталды екендігін білесіздер. Сондықтан жасыл көшеттерді отырғызып, оларды күтіп ұстау – көп еңбекті қажет етеді, — деді Ә. Сәрсембаев.


«Жасыл белдеу»-- Қазақстан Республикасының бірінші президенті Нұрсұлтан Әбішұлы Назарбаев 1997 жылдан бастап жүзеге асырып келе жатқан, Астана қаласының іші мен оның маңайындағы аймақтарды абаттандыру жобасы. Мақсаты – қаланың өзінде және оған жапсарлас аумақтарда жасыл желек қалыптастыру және оны сақтау. Астанада ескі, ауру немесе инженерлік желілерді тартуға, сондай-ақ көлік инфрақұрылымына кедергі жасайтын ағаштар ғана шабылады. Есесіне коммуналдық қызметтердің күшімен әрбір ағаштың орнына жаңадан екі ағаш отырғызылады. Осы қарқынмен елордамыз ең әдемі әрі экологиялық таза астаналар қатарына кіреді деп сенеміз.

Астанада сәуірдің 20 күні 100 жуық қоғамдық көмекші марапатталды. Жергілікті полиция қызметінің басшысы Бақытжан Малыбаев полицияға пәрменді көмек көрсеткен 96 азаматқа грамоталар мен ақшалай сыйлықтар табыстады.



Қазіргі кезде қоғамдық тәртіпті сақтау қоғамдық көмекшілерді тартуға қолдау көрсетілуде. Сондықтан да тәртіп сақшыларына көмек бергендерді ынталандыру шаралары қолға алынуда. Құқық қорғау бағдары бойынша қоғамдық тәртіпті күзетуге 900 аса қоғамдық құрылым өкілдері қатысады, соның ішінде қоғамдық кеңес құрамындағы 37 құқық қорғау органдарының ардагері, 217 консьерж және полиция бөлімшелері жанындағы қоғамдық көмекшілер, күзет құрылымдарының 343 қызметкері, жедел-жастар жасағының 122 мүшесі және тағы басқа топтар бар.

Жыл басынан бері полицияның қоғамдық көмекшілерінің мәліметі бойынша, 4 қылмыс пен 165 әкімшілік құқық бұзушылық ашылып, 210 азамат учаскелік полиция пунктіне жеткізілді деп хабарлайды Астана қаласы әкімдігінің ресми сайты astana.gov.kz.

Көмекшілердің қырағылығының арқасында баланың өмірін сақтап қалу мүмкін болды, терминалды ұрлау әрекетіне кедергі жасалды, сондай-ақ, есірткілік заттар табылып, тәркіленген екі азамат құрықталды. Қоғамдық көмекшілердің қолдауымен жасалған мұндай игі істер аз емес. Астана қ. ІІД Жергілікті полиция қызметі азаматтарды бірлесіп жұмыс істеуге шақырады. Сіз де қоғамдық тәртіпті сақтауға, қылмыстың алдын алуға өз үлесіңізді қоса аласыз.

23 сәуір күні М. Өтемісов атындағы Оқушылар сарайында KazRoboSport-2016 аймақтық чемпионаты басталады деп хабарлайды Астана қаласы әкімдігінің ресми сайты astana.gov.kz. Биыл жарысқа қатысуға 30 жуық команда өтінім беріп, өз роботтарын таныстырмақшы. Чемпионат төрт санат бойынша өткізіледі. Конкурсқа қатысушылар өз қолымен жинаған автономды роботтар «кегельринг» және «сызық бойынша жарыста», сондай-ақ робо-сумода күш сынасады.

– Робототехника математика, физика, информатика пәндерін біріктіреді. Оларды жеке оқыған қиын, ал бірге алғанда қызықты. Балалар мен жасөспірімдер өз шығармашылықтарын паш етсе, конструкторлар қолдан робот құрастырып, өз еңбектерінің жемісін көре алады. Жалпы айтқанда, робототехника – әлемдегі ең сұранысқа ие мамандықтардың бірі. Балалардың инженерлік ойлау қабілеттілігі қалыптасады, перспективада олар мұнымен кәсіптік деңгейде айналыса алады, – дейді Білім беру және спорттық робототехника федерациясының Астанадағы филиалы «Роботек» клубының директоры Михаил Малород.



Жарысқа өтінім берген 30 жуық команда екі адамнан тұрады. Қатысушылар негізінен, Назарбаев зияткерлік мектебінің, «Роботек» робототехника клубының, «Шестеренки» эксперименталды механика және робототехника клубынің балалар мен жасөспірімдер командалары, сондай-ақ, Ақмола облысынан, Қарағанды және Көкшетаудан келген командалар бақтарын сынамақ. Ережеге сәйкес, сайысқа 10- 25 жас аралығындағы жастар қатысады.

Шара тек конкурспен ғана шектелмейдң, бағдарлама бойынша «Білім беретін робототехника» тақырыбында шеберлік дәрісі өткізіледі, балаларға 3D-баспаның ерекшеліктері мен принциптері туралы айтылады. Жеңімпаздар қыркүйек айында өтетін KazRoboSport жарысының республикалық кезеңіне жолдамаға ие болады.

Қазақстанда Ұлттық орман отырғызу күні алғаш рет 2014 жылы 19 сәуірде өткізілген болатын. Биыл астаналықтар Ұлттық орман отырғызу күнін жалпықалалық сенбілікпен ұштастырып отыр.



23 сәуірде елордада жалпықалалық сенбілікпен қатар басқа ҚР Тәуелсіздігінің 25 жылдығына және Жер күніне орай ағаштар отырғызылады. Арнайы дайындалған гүлзарларға Сиверс алмасы, емен, қызыл шетен, ақ қайың, сібір шыршасы, ақ тал, пирамидалы терек, қызылтал, сондай-ақ, бальзам иісті терек ағаштарының 1000 астам көшеті отырғызылады.

– Дала өсімдіктері көп өсетін біздің далаларда ағаш аз. Сондықтан жастарды бүкіл жерге ағаш отырғызуға шақырамыз. Ағашты неғұрлым көп отырғызсақ, ауа соғұрлым таза болады, – дейді «Тұрақты даму» Жер қорының биологы Валентина Ободовская.

Биылғы акция «Барыс-Арена» мұз айдыны жанында өтеді. Дегенмен, қаланы абаттандыру және ағаш отырғызу жұмыстары тек бір аумақта емес, үш ауданда жүргізіледі. Астана қаласы әкімдігінің ресми сайты astana.gov.kz хабарлауынша, бұл күні Астанада 16 мыңнан астам ағаш егіледі.

Орынбор көшесінде және «Арай» паркінде, Ақыртас, Ғабдуллин, Уәлиханов көшелерінде, Тілендиев даңғылында және т.б. жаппай ағаш отырғызылады. Көгалдандыру объектілерінде тиісті орындар дайындалып, көшеттер қойылды, инерттік материал (құнарлы жер, топырақ, қара топырақ) қажетті мөлшерде әкелінді.

Осы атаулы күні сіз де ағаш отырғызып, қаланың көркін келтіруге өз үлесіңізді қосыңыз!