Биыл BlogCamp-2014 шеңберінде өтетін "Қарағанды қаласының 80 жылдығына арналған үздік фотосуреттер" байқауына өз нұсқамды ұсынып көрмекпін.

Қарағанды — шахтерлер қаласы. Мен үшін шахтерлер — өз деңгейінде жете бағаланбай жүрген өнеркәсіптің қаһармандары. Маған шахтерлер мен блогерлерді байланыстыру қажет болды. Бұл идеямды іске асыру үшін 2008 жылы шыққан «Таңғажайып Халк» («The Incredible Hulk») фильмінің постерін негізге алдым:


Суретте шахтер және блогер бейнеленген. Бұл бір жағынан аталған фильм постеріне пародия, әрі шахтер мен блогшыны бірге көрсету амалы.

Ал мынау түпнұсқа постердің өзі:

БлогКэмп осымен 4-ші рет өтейін деп жатыр. Демек артта біраз тәжірибе қалды деген сөз. Сол бұрынғы қателіктерді, кемшіліктерді қайталамай, биыл атына заты сай Құрылтай өтсе екен деп тілеймін.



Менің ойымдағы БлогКэмп — блогерлердің жәй жиыны. Бір бірімен оффлайнда танысу, қауышу, тәжірибе алмасу, араласу, бірге көңіл көтеру. Ал біздің көретініміз қандай БлогКэмп? Бұрын қандай қателер жасадық?

Ресмилік
Лауазымды тұлғалар, меморган басшылары, қоғам қайраткерлерін шақырып, оларға сөз беріп тым ресмилендіріп жібердік. Қарапайымдылық жоқ. Тым байсалды болып кетті.

Формат
БлогКэмпты көп адам ІТ-форумдармен шатастырып кетті. Ұсынатын, тыңдағысы келетін тақырыптар да блогосфера аясынан шығып кететін тақырыптар. Ондай ІТ тақырыптар үшін Шымкенттегі TechX, Астанадағы АИФ жеткілікті сияқты. Блогкэмпта блогерлер өз жазу техникаларымен, жарнамалау әдістерімен, пост жазу барысында қолданатын онлайн сервистер туралы, мультимедиа құралдары туралы әңгімелегенін қалар едім.

Контингент
Тақырыптан тым алыс жүргендердің келгенін қаламас едім. Блогосферамыз мықты болуы үшін алдымен элитар орта құрылуы тиіс. Жұрт сол шеңберге кіруге талпынуы керек. Сапа сол кезде артады.

Ынталандыру
Старт-аптардың не үшін өтетінін түсінбедім және солардың нәтижелерін де көрмедім. Егер демеушілерден түскен қаражат бар болса оны Алматыдағы алғашқы Құрылтайдағыдай түрлі номинациялар бойынша блогерлерге бөліп беру керек. Осындай ынталандырулар қажет.

Шығындар
Ұйымдастырушылар келушілердің жол және жатын орын шығындарына бас ауыртпаулары қажет деп ойлаймын. Әркім өзі үшін келетін болғасын әркім өз мәселесін өзі шешуі қажет. Шығындар мейлінше азайтылса біреуге тәуелділіктен де, жоғарыда айтылған ресмиліктен де құтылуға болады. Өткізетін орын, кофе-брейк, атрибутика шығындарын жергілікті органдарсыз-ақ 1-2 демеушінің көмегімен өткізуге болады деп ойлаймын.

ФК Шахтер: Еуропа Лигасының топтық кезеңіне алғашқы болып шыққан қазақстандық команда, соңғы жылдары ширақ ойын көрсетіп жүрген топ, қазақстан футболының сенсациясы, еліміздің 2 дүркін чемпионы. УЕФА рейтингі 246-шы орын.

ФК Ақтөбе: Еуропа ойындарына ұзақ қатысып келген, бірақ соңғы сәттерінде жолдары болмай қалып жүрген команда. Дегенмен жинаған жалпы ұпайы көп, соңғы 9 жыл бойы жергілікті премьер-лигада үздік үштіктен түспеген клуб, еліміздің 5 дүркін чемпионы. УЕФА рейтингі 196-шы орын.

9-шы наурызда Астана-Арена стадионында өтетін Суперкубок-2014 матчында қайсысы жеңеді деп ойлайсыз немесе жай ғана қайсысына болысасыз?

Қарағанды қаласының зияткерлік мектебінде не бар?
— 350 адамға арналған мәжіліс залы мен асхана;
— Интерактивті тақтасы мен проекторы бар 60 аудитория;
— WiFi желісі;
— Бір үлкен және бір кіші спортзал;

Сөзді тікесінен бастасам. Алдында 23-24 наурыз аралығында өтеді деп жүрдік. алыстан келіп-кететіндерге ыңғайлы күндер еді. Жұмыстан артық сұрана қоймайды ешкім. Өтетін орынды әупірімдеп жүріп таптық. Назарбаев мектебі. Шыны керек бұны әкімдіктердегі жігіттерді салып жүріп тапқанымыз жоқ. Талғат Байназаровтың (Геогебра) сол мектепте қызмет етуі көп рөл ойнады. Бірақ, өтетін орында бұл күндер біршама ыңғайсыздық тудырды. Сонымен олар бізге 24-25 наурыз күндерін ұсынуда. Бір күннің арысы не дегенмен де 26-сы күні көбіміз үшін жұмыс күні болуы мүмкін.
Қарағанды облысы Жастар саясаты басқармасы демеушілік жағын өз қолдарына алып жатқанын айтайын. Саясатты араластырмауға ант-су ішістік қос тарап.Бірақ, бұл мекеме Қарағандыда өте беделді саналатын Экономика университетін ұсынып отыр. Бірақ, ол жақ өз рұқсатын бере қойған жоқ. егер, олар бере қалса да Талғат өз тарапынан рұқсатты бірінші алып қойған болып тұр. Сондықтан да, Талғат бауырымызды өтірікші қылмас үшін барлығымыз осы Назарбаев мектебіне келісім беретін шығармыз деп ойлаймын.
Өзімнің «трезвый» көзқарасымды айта кетейінші осы блогқұрылтай жайлы. Блогшылар олар аспанда ешкімнің рұқсатынсыз ұшатын құстар секілді интернет әлемінде айқұш-ұйқыш із қалдырып жүрген азаматтар. Бірінші құрылтайда оны дәлелдедік те. Астанада өткен құрылтайға өзіме белгілі себептермен қатыса алмадым. Баға бере алмаймын. Шымкентте жап-жақсы өтті. Әкімдік қаржылай қолдау көрсетті. Еш нәрсеге некен-саяқ араласпады. Енді міне, Қарағандыда өткелі жатыр. Демеуші мекеме қанша дегенмен де әкімдіке қарайды. Қарағандыда жекелеген компанияларға блогқұрылтай жайлы түсіндіру қиын екен. Көбі «енді маған нағылдейсің?» деген ұстанымда. Менің қорқынышым жылдар өте келе осы шарамыз таза әкімдік тараптар ұйымдастыратын конференцияға айналып кетпейді ме?
Мысалы, Қарағандыда бір тамаша қонақ үй бар."Қолжетімді қонақ үй". Онда бір нөмірде 4-5 төсек тұрады. адам басынап 2700 теңге төлеп жата бересің. Екі күнімізге 5 мыңнан сәл асатын қаржы кетеді екен. Ешкімге тәуелді болмай осындай шараларды өз қаржымызбен өткізте берсек қалай болады екен? Тамақтану мен жол шығынын санағанда кереметтей үлкен сомма емес.Жылына бір болатын блогқұрылтайымыз үшін 15-20 мың теңгені жыл бойы жинасақ түк емес.
Бұл менің өз ойым ғой. Ал, осы жолғы жатар-орын, тамақтану шығындары блогшылар пайдасына шешілгелі тұр.

Өткенде Қарағандыға барып Домбыра Party өткізіп келдік қой. Бәріңіз білесіз, Астанадан барғандардың бәрі блоггерлер. Содан пойызға міндік. Әрі қарай суреттер айтсын.

Бәріміз де Қарағандының «Шахтер» футбол клубының УЕФА Чемпиондар Лигасындағы сұрыптау кезеңіндегі жетістіктеріне куә болып, мәз-мейрам болып жатырмыз. Алғашында былтырғы ЧЛ топтық кезеңінде болашақ чемпион Баварияны 3-1 есебімен ұтқан БАТЭ-ны жерлестеріміз екі ойында да тізе бүктірген еді. Ал 3-ші раундта албаниялық Скендербеу командасын бірінші ойында 3-0 есебімен ойсырата ұтты. Бұл жеңіс барлық қазақстандық жанкүйерлердің арманы орындалуының үлкен қадамы болып отыр. Енді қарсы ойында уыстағыны жіберіп алмаса УЕФА Еуропа Лигасының топтық кезеңіне жолдама аламыз.
Айтқым келіп отырғаны осы ойындарды Қарағандылықтар Астанада өткізді. Өйткені Қарағандыдағы стадион заманауи талаптарға сай емес. Шахтердің соңғы жетістіктеріне қарап, командаға жаңа стадион керек екендігі білінеді. Оны жергілікті басшыларда біледі. Тіпті стадионның болашақта қандай болатындығы, оның макеті интернетте жүр. Суретке қарасаң таңғаларлықтай. Үсті шаңырақ тәріздес болып келеді екен. Отыратын орындар саны 30-50мың шамасында. Алайда мұндай кереметті салу үшін 30миллиард теңге қажет. Жергілікті басшылар мүндай қаржы жоқтығын айтады, және де инвесторларды іздеуде.
Менің ойымша мұндай ақша бөле алатын инвесторлар біздің өңірімізде бар. Облыста "Қазақмыс" және «Арселор Миттал» секілді екі алпауыт компания орналасқан. Екеуінің қайсы болмасын осындай қаражатты бөлуге шамалары жетеді. Тек осы мәселені көтеретін азаматтар аз болып отырғаны. Облысымыздан щыққан Елімізде жоғары орындарда отырған адамдар да аз емес. Тіпті Елбасымызда осы өңірде еңбек етті ғой. Болашақта елімізде футболдан дүбірлі додаларды қабылдауға дайындалатынымыз туралы да көп айтылады. Олай болса қазірден бастасақ қайтеді? Міне осындай жетістіктерді пайдаланып қалуымыз керек қой отандық футболды дамыту үшін. Осы ағаларымыз сөз салса, инвесторлар ағып келеді деп ойлаймын. Қарағандыда футболды жұрт сүйеді, міне «Шахтер» біздің қуанышымызға айналып отыр. Осы жұртқа енді сыйлық ретінде стадион салыну керек деп ойлаймын. Футболисттерімізде өз қаласында, өз жанкүйерлер алдында ойнағаны да ұнайды деп ойлаймын.
P.s.: Стадион саламыз деп, қарапайым жұмыскерлердің жалақысынан айрып тастамаса болғаны.

Пай, пай «Шахтер»
«Ұшасың-ау» бір күні
Тыясың- ау қуанышты, күлкіні
Футбол деген бір жарқ еткен найзағай
Футбол деген жанкүйердің жүрегінің дүрсілі
Пай, пай «Шахтер»
Кетесің-ау бір күні!
Болмағандай, жүрмегендей чемпиондық лигада
Футбол қарап, жатып алып диванда
Басқаларға береміз де кезекті
Біз кетеміз,
Келер жолы жеңу үшін кетеміз
Футбол деген- соткаң емес қолдағы
Футбол деген-жанкүйерлер қолдауы
Қаның кеуіп қаталаған кездерде
Голдар салып тұрсаңдар тек болғаны
Мына стадион, мына көгал, табло анау
Бәрі бізден, бәрі бізден қалады-ау!
Футбол деген-тағатсыз бір қозғалыс
Футбол деген-жеңілем деп қарамау

Суретке сілтеме

30 шілде, сағат 19:00-де Астана Аренада үлкен футбол. Чемпиондар лигасы 3-ші іріктеу кезеңінде Қарағандының «Шахтеры» Албания чемпионы «Скендербеу» командасымен ойнайды. Керекшілер болып бірге жиналып, бір жерден қарайық.

Кіру тегін.

Кеше беларус «БАТЭ»-ні жеңіп, келесі раундқа жолдама алған Қарағандының «Шахтерына» өте керемет мүмкіндік туып тұр, Еурокубоктардың топтық кезеңіне өтуге. 3-ші раундта Албанияның Скендербеу командасын өтетін болса Чемпиондар Лигасының топтық кезеңінің алдындағы плэй-офттарға өтеді. Егер сол плэй-оффта жеңілетін болса автоматты түрде Еуропа Лигасының топтық кезеңіне өтеді.

«Шахтердың» келесі ойыны 30 немесе 31 шілдеде Астана қаласында өтеді. Бірге барайық Керекшілер!

Xansha — 19.04.1990. Қарағанды тумасы, Астана тұрғыны. Мамандығы: журналист

— КерекИнфоға қалай келдің?
— Керекинфоға жастар.біздің дәурені өткеннен кейін, таныстардың ұсынысымен тіркелдім. Виртуалды болса да осында жүрген біраааз адамдарды танимын. Мәссаған, сосын солай.де, жастар.бізде жүретінмін. Ойлап отырсам, солай.денің орта кезі мен жастар.біздің аяқ жағында ғана жазып жүрдім. Басқа уақытта басқаларды ғана оқып, бақылап жүре беретінмін. Қазір де солай, керекке анда-санда кіріп қызығын қызықтап, пікірлерді оқып тұрамын.

Қарағанды облыстық орталық мешітінде Рамазан айы басталғалы бері Құранды әуелетіп орындайтын, жасбаланың дауысын естиміз. Үлкен аға-апаларымыздың, жамағаттың өтінішін жерге қалдырмай, Әбду Мәлік күнде Құран хатым қылады. Жас қари бәрін ұйытып Құран оқыған кезде, махаббат пен рақымдылықта қалқып, рамазан айының хош самалында сырт көзге қиын, бірақ көңілге қонымды мезеттерді бастан өткеріп жатқаны сөзсіз. Бұрындары басқа елдерде ең жас қари деп, балаларды көрсетіп жатқанда таң қалатын едік. Міне біздің арқа елінде де, ең жас қари маңдайымызға туа бітіпті.

Чемпиондар лигасының іріктеу кезеңдері де басталып кетті. Бұл іріктеу кезеңі еліміздің осы додаға түскен футбол клубтарына әзірге сәттілік әкелуде. «Астана» ФК санамағанда әрине. Футболшыларымыздан тек жеңіліс күтіп үйреніп қалған біздер бұнда батпан құйрықты күтпеген едік. "Өтсе «Ақтөбе ғана өтер», «Шапса біразға дейін солар ғана шабар» деген самарқауық та болды. «Ертіс» командасынан «Левскийге» екі гол соғатын ерлікті ешкім күтпеді мысалы.

Баяғының балалары әкесі арқасынан сегіз өрім қамшымен сабап жатса да әкесіне қарсы шықпайтын көрінеді. Қазір ғой "ә" десе «мә» дейміз. Мына видеода да әкесіне қарсы шыққан баланы көреміз.
Әкелі-балалы Балғабек және Балқан Смағұловтар арасындағы күй тартыс.
Ә, айтпақшы, тақырыпқа келсек. Негізі "Әкесінің аузынан түсе қалған" деп жазғым келген. Сіздер де осы төмендегі нұсқамен оқи салыңыздар.

Сенбі күні жұбайым Руслан Нұрбай "Ғаламның рахман нұры" атты ақындар мүшайрасынан Умра қажылықты ұтып алды.