Өмірде қызықты нәрселер болмаса,өмірдің мәні жоқ.Міне, сіздердің назарларыңызға әлем қызықтарын ұсынып отырмын.

Жалпы, мен бірнеше мамандық түрлерін білемін.Алайда, кокос ашушы деген мамандықты естіп таңырқырап отырмын.Сонымен, сол мамандықтың иесі туралы айтып берейін.
Панама елінің азаматы,64 жасар Андрес Гардин елінің арасында кокос ашушы ретінде танымал.Андрес Рио Алехандро деген елді аймаққа арнайы көрсетілім қояды екен.Гардин Гиннес рекордына кіру үшін өтініш тастаған.



Жас неміс тіс щеткасында допты айналыру арқылы рекорд орнатты.
Германия елінің 18 жастағы спортсмені аузына тіс щеткасын салып, допты көпшіліктің көзінде 26 секунд ішінде баскетбол ойынына арналған добын айналдырды. 15 қараша күні 2012 жылы 18 жасар Майкл Копп 26 секунд ішінде тіс щеткасында доб айналдырған адам ретінде Гиннес рекордына кірді.

Жас спортсменнің сөздеріне үңілсек, оны істеу үшін көп күш жұмсаған.Бала кезінің арманына жету үшін…

Майкл мектеп жасында болған кезде ата-анасы баскетбол секциясына берген.Сол секцияға бірінші күндері барғаннан-ақ тренерлерін ерекше қабілетімен таңғалдырған.Жасынан бастап баскетбол ойынынан жарыс өткен кезде,өзінің өнерін көпшілікке паш етіп жүрді.Оның Гиннес рекордына қатысуына ықпал жасаған оның достары.420 000 үміткерлердің ішіннен жарып шығып, көпшіліктің көзіне түскен.Міне, адамдар өзінің ерекше қабілетімен көзге түсіп, танымал болып жатыр.Ал, сіз не істей аласыз?

сілтеме:mirfactov.com

RunLab USB Cleaner – ақпараттарды тасымалдауға және сақтауға арналған флэш карталар мен USB дискілерді компьютерлік вирустардың шабуылынан кейін қалпына келтіруді жүзеге асыратын шағын антивирустық программа (антивирусная утилита). Бұл толық функционалды антивирус емес! Тек вирустардың шабуылынан кейін флэшкадағы көрінбей қалған файлдарды бұрынғы түріне келтіреді.
Программаның интерфейсі қазақ тілінде жасалынған. Ақпараттық қауіпсіздік саласына арналған тұңғыш қазақ тіліндегі программалардың бірі болып саналады.



RunLab USB Cleaner – қарапайым компьютерлік қолданушыларға көмек көрсету мақсатында құрастырылған. Қазіргі таңда флэш карталар арқылы тарайтын вирустардың саны да күн санап артып келеді. Осындай флэшкалар арқылы таралатын вирустар компьютерлік жүйеге ғана зиян келтіріп қоймай, флэшканың ішіндегі ақпараттарды жасырып тастау, олардың құрылымын өзгерту, тіпті кей жағдайларда жою жіберуге дейінгі іс-әрекеттерді жасайды. Ақыр соңында флэшканың иесіне айтарлықтай зиян келтіріледі.
Флэшкасының ішіндегі құжаттарын жоғалтып алып, оны қайтадан жазған немесе құнды файлдарынан айырылып қалдым деп жүйкесі тозған қолданушылар қанша ма? Міне, осындай күрделі мәселенің шешімі ретінде RunLab USB Cleaner программасы құрастырылып тегін түрде таратылуда.
Менің есімім Арманбек. Мен ақпараттық қауіпсіздік саласына арналған программа құрастырумен 4-5 жылдан бері айналысып келемін. Енді міне, өзімнің армандаған жобамды іске асырып, ауыл мектептерінің антивирустық қорғаныс жүйесін қалыпты жағдайда ұстауға ат салысып келемін.
Программа әзірге ауыл мектептерінде, ауыл тұрғындарына ғана тегін түрде таратылуда. Әзірге программа бірнеше тестілеуден (сынақтан) сәтті өтті. Дегенмен де сынақ ары қарай жалғасуда. Программаны ғаламтор арқылы таратып, қолданушылардан ұсыныстар мен программаның жұмысы туралы мағлұматтарды жинау мен үшін өте қажет болып тұр.
Ұлттық тілімізде құрастырылған, компьютердің қазақ тіліндегі қолданушыларына арналған бұл программаны халыққа таныстыруға неге болмасқа? Бұл жаңалықты жарнамалау ретінде қабылдамаңыздар. Бұл шын мәнінде нағыз айтуға тұрарлық жаңалық деп ойлаймын.
Программаны runlab.freevar.com/ сайтынан жүктеп алуға болады.
Көңіл қойып, оқығандарыңызға рахмет!

Малайзиялық суретші Винс Лоу сурет салудың жаңа стилін ашты. Суретші-иллюстратор сурет салу кезінде қолын сурет парақшасынан алмай(яғғни қаламды көтермей) сурттер салған. Төменде суретшінің үздік портреттеріне шолу:

прпрппр

google мен yandex іздеу жүйелеріне өз сайтым туралы хабарландыру бергім келеі, бұл қалай болады? Жалпы хабарландыру беріп көргендер бар ма? олар қанша сұрайды? шамамен бір айға 50-70 мың теңге жетеме?
Менім сайтым қолданушылар үшін іздегенде алдыңғы орында көріну үшін…

БАҚ-ты қарап отырмын, мына материалға көзім түсті, обшым Байқоңыр қаласындағы қылмыстық іс туралы екен. мәселе онда емес, астындағы комментарилерде болып тұрғаны, Ресейдің қаласы деп ұрып отыр патшағарлар

"Қазақстан" РТРК" АҚ құрамына енетін «KAZsport» телеарнасы алдағы шілдеден бастап еліміздің барлық аймақтарына жерсерік және кабельдік жүйе арқылы тарайды.


Көрсетілетін жарыстар:
— Велоспорттан Тур де Франс пен Вуэльта көпкүндіктері
— Су спорты түрлері
— Жеңіл атлетика
— Дзюдо
— Көркем гимнастика
— Каратэ шито-рю
— Грек-рим және еркін күрес
— Ауыр атлетика мен шаңғы спортынан Әлем чемпионаты
— Волейболдан әйелдер арасында Әлемдік гран-при кезеңдік ойындары
— Футболдан неміс бундеслигасы
— Қазан қаласында өтететін жазғы Универсиада ойындары
— Тенистен Wimbledon турнирі
— Волейбол, ауыр атлетика мен велоспорттан Азия біріншіліктері

Түркиеде болып жатқан аласапыран оқиғалардың бәрі 10 ағаштан басталғаны белгілі. Әр-түрлі сипатта қарсылық көрсетушілер 10 ағаштың қасына жиналып бірігіп кетті. Менің үйім жақта Самұрық қорына жататын алпауыт Ембімұнайгаз компаниясына тиесілі кеңсе алдында үлкен көлемді алып жатқан жер бар. Ол жерге осыдан бірнеше жыл бұрын әп-әсем теректер егіліп, бүгінде ол ағаштар бәйтеректей жайқалып өсіп келді. Әрқашан қасынан өтіп бара жатып «бұл жерде енді саябақ болатын шығар» — деп ойлайтын едім. Өкінішке орай ол үмітім су сепкендей басылды да қалды. Осыдан 2-3 ай бұрын бұл жерді биіктігі 3 метр болатын қақпамен қоршады. Жақында барып қарап қайттым. Менің сүйікті жайқалған ағаштарымды кесіп тастаған. Олар енді жоқ. Орнынана зәулім сауда орталығын салып жатыр. Тура Түркиедегідей жағдай. Тек біздің халыққа бәрібір. Менімше, біздің халықтың етінен ет кесіп алса да бәрібір сияқты… Тек бас аман болсын. Шүкір. Тәуба. Осыдан артық не керек деп қазекең отыра береді…

Атырау экологиясы біткен… Әлемдегі ең үлкен мұнай өңдеу зауыттарының бірі Атыраудан 30 километр жерде салынғалы жатыр. Оның әсері қандай болатыны айтпаса да түсінікті. Атырау керемет, бай халық дейді. Дегенмен мұнда айына кем дегенде 10-нан аса адам медицинаға белгісіз себептермен өліп жатады…

Атырауда дені дұрыс бір парк жоқ. Жергілікті билік масаны жеңе алмай отыр. Далада жүру мүмкін емес. Бұл қалада тұру мүмкін емес. Инфляция деңгейі 1920 жылдары болған Алманиядағы ұлы дағдарыстан кем емес. Қаланың дәл қазіргі кейіпі — бұл қаланың болашағы жоқ екенін көрсетеді. Әлеуметтік-қоғамдық деңгей өте төмен. Халықтың қолында тек ақша бар. Ликвидті активтер жоқ. Бау-бақша деген құрып біткен. Ауыл-шаруашылығы бітіп, құр сүлдері қалған. Осында бір дені дұрыс өнім жоқ. Тағам мен киімнің бағасы адам шошытарлықтай қымбат. Дегенмен Ресей мен Түркия экономикасын дамытуға біздің өңір барынша күшін салып жатыр…

Егер дұрыс дамытса, Дубайдан кем қалмайтын қала болар еді…

Осындай туған қаламның бәзбіреулердің қалтасы қалың болсын деген ниетінің кесірінен құрып бара жатқанына қайғырамын…

Дегенмен халықтың өзінен де бар… Орыстың көшесі таза, қазақтың көшесі лас. Осы шындық. Біздің қазақ неге екенін білмеймін, ағаш екпейді… Егер әр адам бір ағаштан егетін болса, қала климаты өзгеріп шыға келер еді… (Мен ана жылы 15 терек ектім)

Бізде халық биліктен күтуді біледі, бірақ талап етуді білмейді. Өзінен де өзгерісті талап етуді білмейді…

Ертең не мейрам екенін білмеймін, бірақ жоғары жақтағыларға рахмет пен дұғай-дұғай сәлем! Бұйыртса ертең үйде асханама жөндеу жасап, жарды басқа түске бояп, терезеге басқа жапқыш іліп, дәлізге Абайдың суретін ілемекшімін. Сонда Стив Джобсқа қарама-қарсы енді Абай тұратын болады. Мүмкін екеуі түнде сөйлесер))) Олар сөйлесіп, мен оны еститін болсам ғой шіркін!

Стив Джобс: Hello mister Abai. Welcome to Yerzhan's apartment! Nice to meet you!
Абай: Өй не дейді мынау, қазақша сөйле ініншек, қайда жүргеніңді білесің бе? Алаштың Атыраудағы штаб-пәтерінде жүрсің! Жарда ілулі тұрғаныңа 2 жылдың жүзі болды, немене қазақша үйрене алмадың ба?
Стив Джобс: О не дегеніңіз, кешіріңіз, Абай мырза. Үйреніп жатырмын. Енді қасыма сіз келдіңіз. Тезірек үйренетін болдым. Жақынырақ таныссақ, мен сіз жайлы Ержаннан естідім. Ол маған бір рет айтқан сіздің гений ініңіз жайлы.
Абай: Еее менде толып тұр ғой ініншек деген, айналып кетейін Оспанжаннан бастап Амалбек Өмертаевқа дейін іні деген менде жетеді. Қай інімді айтасың?
Стив Джибс: Абай мырза, атын ұмытып қалдым, Ш-дан келе ме, сондай, әйтеуір Ержан кейде соны айқайлап жүріп оқиды ғой. Оның ойынша қазақта одан асқан ақын жоқ екен.
Абай: Ееее, сен Шәкерімді айтасың ба? Тәйірі-ай, Толстойдың тілімен айтканда «он превзошел самого себя, сам даже не ожидал что из него выйдет такой гений» Парсы жаққа бет алып білім қу деген едім, пәллі, ол неме Парсы асып, Мекке, Медина, Стамбул, Парижге кетіп қалып білімді болып кетті. Білім деген сол ғой, қызығымен бір айналдырса, шыр айналдырады. Әттең қазақ арзан нәпақаның артымен кетіп, саф білімді игере алмай жүр…
Стив Джобс: Иә-иә, сол Шәкерім. Сіз гений деп қай жағын айтып тұрсыз?
Абай: Гений дегенде, ол мықты ақын. Жазғанын мына қалың қазақ оқыса, бақытты болар еді. Әй Стив інім, сен тыңда мені. Осы күнгі дәрігерлер емге дәрі береді екен. Сол дәрігерлерге айтар бір кеңесім бар. Олар ем-доға іздеп келген әрбір адамға Шәкерімді оқуға кеңес берсін. Жан саулығы — ден саулығы. Шәкең өлеңдерінің әрбір сөзі адам жүрегіндегі емші қолы жетпейтін небір-небір түкпірлеріне барып жайғасады. Жайғасқан соң адам керемет рухани ләззат алып, жаны жайлбырақат күй кешеді. Шәкерім өлеңдерінің әрбір сөзінде рухани витаминдер бар. Адамның бүкіл ауруы жүректен басталады. Пайғамбар айтпап еді солай. Жүрегі кірленген адамның қаны қарайып, сырты бүтін, іші түтін күй кешеді. Шәкерім өлеңдері бүкіл ауруға ем бола алады. Профилактика ретінде әрбір қазақ оны оқып тұру керек. Алдымен жүрек туралансын, кейін сана, тіл, құлақ өздері-ақ кәмілденеді. Міне, жаһанның талай мынау деген емшілерін он орап алатын Шәкерім өлеңдері осындай. Гений десе гений ғой біздің Шәкерім…
Стив Джобс: ммм, солай деңіз. Демек сіз Шәкерім мырзаның бірегейлігі деп ақындығын айтып тұрған екенсіз ғой. Менің ойымда бір гәп бар. Әлгінде Ержан ұйқыдан тұрып, көзін ашар-ашпастан менің жанымнан өтіп бара жатып: «Стив, сен гений емессің, гений деген ол Шәкерім деді. Бәтшағар неге екенін айта ма екен деп күтіп ем, онымен айтпады. Тек кейін баяғы әдетімен апыл-ғұпыл аяқ киімін киіп жатып: Неге десең сен әлемнің майталман технократтары жиналған Стенфордтың түбінде тұрып әрең дегенде бір телефоңды жасадың. Оны да Палоройд компаниясынан Билл екеуің ұрлап алдыңдар. Біліп қой, бізде Шәкерім деген гений бар. Сол Шәкерім 19-шы ғасырда дархан даласынан басқа дымы жок киелі Шыңғыстауда екі ауылды біріктіретін сымды телефон жасаған! Ол сен сияқты Стенфордта тұрғанда сені он орап алар еді. Менің шыдамым жетпей оған: „Ендеше нақұрыс, менің айфонымды қолданбай, Шәкерімімнің сым телефонын қолданбай не талтаңдап жүрсің“ — деп айқайладым артынан. Сұрайын дегенім сізден, сондай телефон болған ба шыныменен?
Абай: Иә, болған. Болғанда қандай! Шәкерім ақын ғана емес, бүгінгінің тілімен айтқанда технократ жан еді. Әлгіндей ойлардан бөлек, басы ойға тұнып тұратын еді. Екі ауылдың арасына сымды телефон жасатып ауыл тұрғындарына хабар алмасып тұруға мүмкіндік сыйлаған. Шәкерімнің сонда шат-шадыман боп секектеп күліп жүргенін көрсең… Көпекбайдың телефоннан адам даусын естіп „ооо шайтан!“ деген реакциясын көрсең)))) Бақыт деген сол еді..Қайран бақыт...Қайран Шәкерім… Неткен мүбәрәк саф жан еді…

Мінеки, Абайдың суретін бұйыртса ертең Стив Джобсқа қарама-қарсы ілмекшімін. Екеуі сырлассын. „Интеллектуалды“ әңгім-дүкен құрсын. Мүмкін суреттер өзара бізге белгісіз тылсым күшке ие болып, біз де бір нәрсе естіп қалармыз))))

Ертең мейрам дейді ғой. Маған белгісіз мейрам. Сонда да рахмет. Үйде өзгеріс енгізуге тағы бір керемет мүмкіндік! Ертеңгі мейрамды өзгелер тойлап жатқанда, мен де тойлаған болып, жоғары жақ не айтса, мен де басымды изеп, ләппай тақсыр, мейрам құтты болсын деп бақытты күй кешпекпін.
Сіздер де бақытты болыңыздар!

Ержан Алаш

Досым екеуміз парктен шықтық. Қалтамыздағы соңғы тиын тесіп бара жатқан соң, тәулік бойы істейтін кафетерийге бардық кофе ішуге. Қасымдағы жүгермекті отырғыздым да, өзім кассаға жақындадым. Келісім бойынша кофе ішпекпіз. Кәссерім құлаққапта телефонмен сөйлесіп отыр екен.
— Қарындасым, екі кофе…
Сол кезде әлгі жүгермек жаныма жетіп келді. Оның да телефоны безілдеген соң сыртқа шығып бара жатты. Кетерінде сүтсіз дегенін ұғып қалдым. Есіл дертім кофеге не алсам екен деп әйнектен жейтін нәрселерге қарап тұрмын. Қарындасым кербездене басып кетіп қалды да, екі күрешке әкелді. Біреуінде менің қалауымдағыдай сүтті кофе, екіншісінде пакеттегі шай салынған. Ашуланып кеттім. Ойым «мына қыз естімеді де, шай әкелді» боп тұр.
— Қарындас, мен сізге екі кофе, біреуі сүтсіз дедім ғой!
Ол үндемеді. Сәлден соң барып:
— Сіздер шай дедіңіздер.
— Қалай шай? Не айтқанымызды білетін шығармыз?!
Жеп қояйын деп тұрмын, мына әділетсіздікке. Алғыс-шағым журналын «бояп» тастасам ба деп те ойлап тастадым.
— Мынаны не қыламыз енді?!
Ол да ашулана бастады білем.
— Өзім-ақ ішем алмасаңыздар, қазір кофелеріңізді дайындап берем.
Сол кезде қасымдағы жігіт келді.
— Айтшы-ей сен не заказ бердің, сүтсіз кофе емес пе?
Шайды көрді де:
— Дұрыс қой, шай дедім ғой,- демесі бар ма? Бітімнен от шықты. Ернімді жыбырлатып дайбалопты бұтақтап жібердім. Кәссірім асханаға кеткенде шәйқорым дым болмағандай шәйін алды да, орнына жайғасты. Кетер кезде алған жеріне төгіп кеткендей… Әдейі істегендей. Қайта қыз келмей тұрып салфетка бастым. Қыз кофемді әкеп берді. Ақшасын төлеп чегін алдым. Орныма келгесін қарасам, ақша кофелерге ғана төленіпті. Анауым шәйін сораптап болар емемс. Қолына ақша мен чекті ұстаттым да кассаға қудым. «Шәйіңді адал іш, сыболыш!» Барса басқа қыз шығыпты. Мейлі ғой, қарызымыздан құтылдық. Бірақ масқара болғанда қатты ұялдым. Қайтарда алғыс-шағым журналына шағым емес, алғысым мен кешірім сұрап кеттім.