EUNIC Алматы Turkish Airlines компаниясының колдауымен Еуропалық тілдер күніне арнап «Еуропаға махаббатын білдіру» атты байқау жариялайды.

Сіздің Еуропаның бір қаласына немесе бүкіл бір еліне өз махаббатыңызды білдіргіңіз келе ме? Онда өлеңмен білдіріп көріңіз!

Бұл байқауға қатысу үшін қандай шартты орындау керек:

— Қазақ немесе орыс тілінде өлең жазып жіберіңіз. Өлеңнің көлемі 12 жолдан кем және 30 жолдан артық болмауы керек.

— Өлеңіңізді мына почтаға жіберіңіз: eunic.almaty@gmail.com. Өзіңіздің аты-жөніңізді, мекен-жайыңыз бен электрондық почтаңызды, үй және ұялы телефон номерлерін толық жазып жіберіңіз.

— Осы байқауға қатысуыңызбен Сіз өз жұмысыңызды пайдалануға / жариялауға, сонымен қатар EUNIC сайтында және EUNIC ұйымына қатысушылардың сайтында / әлеуметтік желілердегі тобында аты-жөніңіздің аталуына рұқсат беретіндігіңізді ескеріңіз.

Бұл байқауға 18 жастан бастап Қазақстанда тұратын кез-келген адамдар қатыса алады.

Жұмыстарыңызды 2014 жылғы 12 қазанға дейін жіберуіңіз керек.

Жеңімпаз бен бас жүлде:

Жеңімпаз Еуропалық тілдер күнінде 2014 жылғы қазанның 19 күні жарияланады. Нақты өтетін орнын кейінірек хабарлаймыз.
Бас жүлде: Turkish Airlines тарту еткен Стамбулға екі билет.

Әділ қазы алқасы:

Байқаудың әділ қазы алқасы келесі ұйымдар өкілдерінен тұрады: Аlliance Française Almaty, British Council, Goethe-Institut Almaty, Швейцарияның Алматыдағы Консулдығы.

Іріктеу кезінде бағаланатын жайт:

— Мазмұнның ерекшелігі
— Тақырыптың ашылуы
— Шығармашылық ізденіс

Сіздерге табыс тілейміз және белсенділік танытады деп сенеміз!

Егер сұрақтарыңыз болса, Динара Сериковамен байланысыңыз: eunic.almaty@gmail.com

+ 727 244 41 44, ішкі: 303

АҚШ-тың әдіре қалғыр тыңшы спутнигі түсірген суреттер екен.


«Байланыс үйі». Өзіміздің тілде «Домсівәз». Қазіргі таңда Байқоңырдың бүкіл телефон, пошта қызметтері осы жерде атқарылады.

«Гагарин старты»

Көшелер


Гөспитіл


Үйлер


Әскерлік саябақтағы би алаңы, яки әке-шешелеріміз осы жерде билеген

Жағалау. Ұзын жағалау ғой.

Бақылау пүнкіті сол. Кезінде «Жұлдызды қалашық» болған.


Қазан төңкерісіне 50 жыл болған кезде...

Ленин алаңы. Орталық алаң. Қазір мұнда Лениннің ескерткіші бар «ана жақта» деп көрсетіп тұратын. Орталық қонақүй де осында. Байқоңырда көптеген ғимараттар бір-біреуден ғана ғой. Бір қызығы, соның бәрін «орталық» деп қосып атайды.

Орталық қонақүйдің құрылысы

Пелімен пісіретін жер. Пелімен жемегелі қай заман

«Сатурн». Қаладағы мәдениет орталығы.

Стадион салынып жатқан кез


Театральная көшесі. Қазір Королев даңғылы-ау деймін.


Қызыл әскер кезінде басты штаб болған жер. Қазір ЦЭНКИ-дің басты ғимараты. Ал арғы жағында универмаг тұр. Бала кезімде ішіне кіргем. Қазір жабық-қо-қо-қо!

Анна Петровнаның мұрынбоқ кезі десең, ә-на-ққ! Саябақтағы субұрқақ қой.

Төретам вокзалы. Байқоңыр жоқ кезде, мұнда Төре деген кісі жалғыз тамда тұрған екен. "Ғасырдан да ұзақ күнді" немесе «Боранды бекетті» оқысаңдар, ішінде Байқоңырға, Төретамға қатысты әңгімелер айтылған болуы керек. АнтиАйтматовшыларды прошу не беспокойИТ!

***
Денсаулық-зор байлық. Осындай ұран іспеттес, нақыл деуге де келетін мәтелді денсаулық мекемелерінен жиі көремін. Кейде осыған қарап отырып «Зор байлық-денсаулық» деп жазса не болар еді деген сынды ойға шомамын…
***
Бұл денсаулық дегеніңіз адамзатқа Құдайдан берілетін сый секілді. Сый деген әркімге беріле бермейді ғой. Денсаулық та дәл солай. Қанша жерден күтінсең де ауыруға шалдыға беретін кездер болады. Қарапайым ғана мысалдар келтіре кетсем.
Біздің үйдің балалары қыста далаға шыққанда жемпірдің сыртынан свитір қабаттап, қалың пәлтесін киіп, мойнына шарпы орап, киіз ұлтарақ салынған етіктерін аяғына іліп, буынып-түйініп шана тебуге шығады. Көрші үйдің балалары күзгі күртемен, жеңіл – желпі киіммен қалай болса солай шыға салады. Біздің үйдің ең кішкентай баласы астына көрпе төселген, одеялмен қымталған шанада отырады. Көрші үйдің сол шамалас баласы астына сабан төселген боқ шығаратын кәритада жатады. Ертеңіне, тымауратып, суық тиіп, сабаққа бармай қалатын біздің үйдің балалары. Ауырмайсың деп тұмшалай беруге де, өбектей беруге де болмайтын шығар. Бірақ, дәл ана балалар секілді жеңіл –желпі киініп шығып, ауырып қалып жататын да сол баяғы біздің үйдің балалары.
***
Біздің ауылда Тайкен деген азамат болды. Мен ес білгелі жалғызбасты. Тайкеннің отбасысы болған еді деген әңгімені естімеппін және ол жағына бала болған соң ба бас ауыртпаған екенмін. Сол Тайкен тереңдігі 3-4 метр болатын құдықтарды жалғыз өзі бір күнде қазып тастайтын. Біз ол кісіні күші қайта бастаған кезде көргенбіз. Құдықтың түбінде тұрып, дымқыл сазды құдықтың ауызынан ары 4-5 метр жерге лақтыратын жарықтық. «Денсаулығы бар кезде Тәйкендерің бұндай саздарды 10-12 метрге лақтырушы еді. Қартайыпты.» деп үлкендер бас шайқап отырушы еді. Денсаулығы қайтқандағы түрі қылшылдап тұрған жігіттерді жолға қалдырып кететін. Құдайдың сыйы емес деп көріңізші енді…

***
«Ақша болса болды, қалғанын сатып аламыз» деген қалжың-шыны аралас тіркесті жиі естіп қаламын. Бос сөз секілді. Рас, қатты ауырып жүрген, қымбат дәріге, қымбат отаға ақша таба алмай жүрген адамдарға солай болса солай шығар. Бірақ, жағдайлы адамдарға да медицинаның көмектеспей қалатын кездері көп. Менің атамның немере інісі ҰҚК ұзақ жылдар қызмет еткен болатын. Мен білетін шені полковник. Сол кісі зейнеткерлікке шыққан соң өзін-өзі керемет күтті. Оған дейін де күтініп жүрген адам деп естігенмін. Мен ол кісімен қызметінен кетер кезден бастап араласа бастадым. Қарағандыға оқуға келген кезімнен бастап дегенім дұрысырақ болар. Ия, сонымен, ол әкеміз өзін қатты күтетін. Тағамдарды талғап жейтін. Жылына екі-үш мәрте денсаулығын тексертіп отыратын. Шипажайларға бас сұғуды да ұмытпайтын. Өзі менің атамнан бір он жас шамасында кіші. Менің атам қайтыс болғаннан кейін үш айға жетер-жетпес уақытта ол кісі де кетті ғой…
***
Жұрттың күтініп жүрген қатындары бала туатын кезде түрлі аурулары шығып, ем қабылдап барып бала көтеріп жатады. Ақ қар, көк мұзды к*тімен ерітіп қайыр сұрап отыратын анабір халықтың қатындарына таң қаламын. Жылда бала туатын секілді өздері. Емшегінде бір бала, жетегінде жеті, етегінде екі бала. Әлде, ол балалар олардікі емес пе? Әй, сонда да денсаулықтары мықты әлгілердің…

2013ж. 25 желтоқсанда «Қазақстанның тұрғын үй құрылыс жинақ банкі» АҚ Басқарма Төрағасының орынбасары Қадырхан БаймұхамбетовҚостанай облысының Әкімі Нұралы Сәдуақасовпен кездесті.

Кездесуде басшылар өңірдегі «Қолжетімді тұрғын үй-2020» Бағдарламасының барысын талқылады.
Соңғы екі жылда Бағдарламаның «Халықтың барлық санаттары үшін тұрғын үй» және «Жас отбасылар үшін тұрғын үй» бағыттары бойынша 175 қостанайлық Бағдарлама қатысушысы жаңа пәтерлерге қоныстанды. Ал келесі жылы көктемде тағы 177 адам пәтер кілттерін алады.

«Қостанайда үйлер көп салынып жатыр.Арасында үйлердің құрылысын аяқтауды кешіктіру жағдайлары кездесіп қалады,-» деді Нұралы Сәдуақасов…. «Және олар, негізінен алғанда, форс-мажорлық және дүлей күш жағдайларының салдарынан орын алады. Дегенмен, қандай да бір қиындықтар туындаған кезде біз барлық күшті соларды шешуге жұмылдырамыз. Сонымен бірге, келешекте болдырмау мақсатында ол қателіктерді ескеріп отырамыз. Бір сөзбен айтқанда, бәрі де бақылауда және өзіңіз де түсініп отырғандай, «еш нәрсе істемеген адам ғана қателеспейді»».
Кездесуде Қадырхан Баймұхамбетов облыс Әкіміне жеке меншік құрылыс компанияларымен шарттар жасауды ойлану туралы ұсыныс жасады. Банкирлердің пікірінше, бұл Бағдарламаны жүзеге асыруды жеделдететін және, тиісінше, оны басты мақсатқа– қазақстандықтарды қолжетімді баспанамен қамтамасыз етуге жақындататын факторлардың бірі. Мұнымен қоса, Қадырхан Баймұхамбетов Әкімге құрылыс салу үшін ірі компанияларға жер бөлу мүмкіндігін қарастыруды ұсынды. Өз кезегінде олар тұрғын үй құрылыс жинақ жүйесі арқылы қызметкерлерін қолжетімді баспанамен қамтамасыз етер еді.

ҚТҚЖБ қостанай филиалында Қадырхан Баймұхамбетов Банк қызметкерлерінің жұмысында қиындық туғызыпотырған барлық мәселелерді жазып алды және клиенттермен пікірлесуге де уақыт тапты.

«Кезек күту мәселесін жою біздің айрықша бақылауымызда, — деді Басқарма Төрағасы клиенттерге, — «сондай-ақ біз Сіздерге ыңғайлы болу үшін Банк рәсімдерін жеңілдетуді үнемі басты назарда ұстаймыз».

ҚТҚЖБ Баспасөз қызметі

1. 1989-шы жылы түсірілген және Оскар премиясын алған диалогсыз қысқа фильм «The Lunch Date»:



2. Уақыттың құдіретін көрсететін «On Time» фильмі:



3. Соқыр махаббат туралы «Just a love story»:

Уақыт таппай бір мезгіл АЛЛАға біз,
Артық болды-ау кәпірден қалған аңыз.
Жаңа жыл деп жүгіріп, қарсы алуға,
Көктен Иса түсердей қамданамыз.

Адасқанды түзетер айлам бар ма,
Алысқан ғой олармен Пайғамбар да.
Мәңгүрт қазақ мәз болар мәнін ұқпай,
Қағбаны емес, шыршаны айналғанға.

Ойлануға ерініп милы адамдар,
Жасалуда қисынсыз қилы амалдар.
Ағыл-тегіл шашылар тойлатуға,
Құрбан айтқа тоқтысын қимағандар.

Шырша болып сол тойдың нақ талабы,
Балталылар орманға аттанады.
Зәм-зәм берсең зәресі кететіндер,
Шампан ішіп ол күні шаттанады.

Жаңа жылға жұмсалып қолда бары,
Жын ойнаққа айналар ордалары.
Сөйтуіне ұлықсат беріп қойған,
Аяз-ата дейтұғын молдалары.

Әрбір тойы болатын мағыналы,
Өткен күнді көңілім сағынады.
Аят айтып көрмеген ауыздары,
Тост айтқанда тосылмай ағылады.

Құлдық ұрып АЛЛАға тұрса адамдар,
Жасалмас ед тозақтық мұнша амалдар.
Баспанасыз адамды ойласын ба,
Мұзқалаға миллион жұмсағандар.

Арман Бердалин

Бала күнiмде шамасы осыдан 10 жыл бұрын.Жаздың күнi.Ержан атты досым болатын.Бiр көшеде тұрамыз, бiр сыныпта оқимыз.Өзi мактау сүйгiш бала едi.Оқу жылы жақындап келедi.Мектепке дайындық.Ата-анамыз киiм-кешек, бiзге қажеттi заттардын барлығын алып бередi.Сол Ержан досым бiрде үйiме келiпНұржан мен 300 теңгеге туфли алдым, сен қаншаға алдың", дегендi.Ал мен өз туфлиымды 1500 теңгеге алғанымды айттым,әлгi досым «Нұржан сен 1500 теңгеге бiр ғана туфли алсаң, мен 5 туфли аламын», деп бiр мақтанды.Сөйтiп оқу жылы басталды.5-сынып оқимыз-ау шамасы.Жаңагы туфлиын айтып сыныпта барлығына мақтанып шықты.Мұғалiм келдi, сабақ басталды.Қонырауда әбден жүгiрген Ержан досымның туфлиының бiр табаны түсiп калды.Өзi мән бермейдi оған.Не керек төрт сабақ бiткенше Ержанның екi табаны да түсті.Сабақтан қайтқанда екi табанын ұстап қайтқан жайы бар.Мұнымен айтқым келгенi,«арзан дүние тұтынушыны өзiне көп тартады», екен…

9 сыныпта болса керек.Әр нәрсеге желігіп жүрген шағымыз.Жоғары сыныпта оқитын ағаларымызға қызығып, бізде осыларға тартып “бұзық” болсақ екен дейтінбіз.Уақыт өте келе білдік қой, бұзықтықтың шыңына шыққандардың қәзір қандай хәлде екенін.Өмірлері сондай қасіретті, адам аярлықтай.Қарап тұрсақ адам сүйсінерлік іс бітірген түгі жоқ.
Бірде жанымдағы достарым:“жігіттер шашлык істейікші” деді.Бізге бұл әңгіме болып па? Оңай шаруа.Кеттік көлге дедім.Көл жағалауында қаз-үйректер мен тауықтар болатын.Бақытымызға орай 10-ға жуық тауық жүр, бәріміз тас атқылаймыз тауықтарға.Достарымның атқан тастарының бәрі қисық, ал менікі тура тиеді ғой.Қақ шекесінен атып түсірдім.Жолы болғыш жігіттің шашлығы шығар алдынан деген осы шығар деп, мәз болдым.Ол тауық сонда да берілмей, басын қайтара көтереді.Досым Алтынбек тауық басын көтерген сайын,қолындағы таяғымен ұрады.Ұра берген соң, байғұс тауық та бағынды.Сөйтіп тауықты салатын қап іздеп, таба алмай, не керек мен “Shumaher” деген күртешемнің ішіне салдым ғой.Басты шаруаны тындырдық.Енді бұл жерден ат ізін көрсетпей, тайып тұру керекпіз.Жұрт байқап қоймасын дегендей ембіл-дембіл қашып барамыз, алдымыздан бір кісі шықты, түрі сұсты.Одан аяқ тартып, келесі көшедегі айналма жолмен үйге жеттік-ау ақыры.Үйде Әбілхайыр ініміз тауықтардың жүнін алуға су жылытып, бізді күтіп отыр екен.Біз тапқан олжамызды көрсетіп, оны қуандырып қойдық.Өйткені шашлык істейік деген сол болатын.Су қайнап тауықты керсенге салып жүнін тазалап отырмыз, біздің қуанышымыз тап басылды.Қарасақ жүнін тазалаған соң, тауығымыз жұдырықтай екен.“Қап,әттеген-ай шашлык жей алмайтын болдық қой” деп ұнжұрғамыз түсіп кетті бәріміздің.Оңай олжаның пайдасын көрмедік.
Ертесі сыныптасым Нұртілеу айтады:“кеше атамның бір тауығын ұрлап кетіпті, кім болды екен? Табу керек оларды”…
Мен:“ия табу керек, сондайлар қалай жүреді екен ұялмай?”…

Қазақ қонақжай халық, аңғал, ақкөңіл дегенге бәрі басынып бара жатыр. "Қара қытай қаптаса ақырзаман болады" дейтін. Сол қара қытай елімізді соғыссыз-ақ басып алып жатыр. Тіліміз орыс, дінімізге өзіміз шошып қараймыз, руға бөлініп тағы бүлінеміз.осының бәрі шет елдіктердің арам ойын іске асыруларына жол ашып беріп отыр. "Қазақ жақсы" — деген өтірік мақтауға алданып, барымызды береміз. Мына бейнебаянда тек қытайлықтардың елімізді қалай басып плып жатқаны айтылған. Қытайдан бөлек қаншама шет елдік фирмалар, шет елдік тыңшылар бар. 7-8 миллион қазақты әдемі сөзбен алдап, арзанын беріп,қымбатымызды тонап жатқандар қаншама. "Қара қытай қаптаса, сары орыс ағаңдай болады" дейді, «ағамыз» жерімізді улап зымыранын жарып жатыр, жастарымызды арағымен алдап жатыр. Тіліміз орыс болды. Қазақтар ояну керек! Қазақтың салт-дәстүрін, дінін, өнерін ескінің сарқыты деп қарауды қою керек, шет елге еліктемеу керек. Қазіргі жаһандану уақытында ұлттық құндылықтарымызды сақтап, өз тілімізде сөйлеп, дәстүрірімізді қайта жаңғыртып, қазақ екенімізге мақтануымыз керек. Қытайлықтар "қазақ тілі міндет емес" дейді екен, "Қазақтардың өздері қазақша білмейді" — деп. Аллаһ біздерге көп нығметтер берді, соны дұрыс пайдалану керек. Ата-бабамыз дініне мықты, ұлтжанды, намысты болғандықтан еліміз бай, жеріміз кең болды Аллаһтың қалауымен. Иманды, ұлтжанды, намысты болайық. Қытайдың емес құдайдың құлы — қазақ!

ХАЛА МАДРИД !!! Испан Ла Лигасының кезекті 3-ші турына шолу жасамақпын. Осы турдан Мадридтіктердің бабына қаншалықты келгенін байқауға болады. Себебі қарсылас анау мынау Бетис пен Гранада емес, Испан елінде абыройлы саналатын басктерден құралған Билбаоның Атлетигі(Атлетикомен шатастырмаңыздар). Бірақ, қарсылас қанша мықты болса да Реалдың дәл осы жолы сүрінуі мүмкін емес секілді меніңше, өйткені Реал өз алаңында Ла Лиганың соңғы өткен 45 матчта ұтылмаған екен(Атлетикодан жеңілу Испан кубогында орын алғанын ескертеміз!!!).