3 мамыр күні Алматыда қалалық әкімшілік ғимаратының маңында алғашқы «Асық party» шарасы болды. Асық ату ойынына өмірінде қолына асық ұстап көрмеген кішкентай баладан (тіпті араларында орыстың кішкентай сары қызы да бар) бастап ересек жігіттерге дейін қатысты. Алғашында бәрі бірге ойнап еді, ересек ойыншылар саны артқан соң балалар бөлек, ересектер бөлек ойнады. Ересектер өзара жарысты. Нәтижесінде Нұрдәулет Жеңіс жеңіске жетті. Бижан Сәдібеков есімді жігіт екінші орын алды.

Отельдің оныншы қабатынан төменге көз салсаң, осындай әдемі көрініске тап боласың. Рахат Палас деген Қазақстанда ғана емес, Орта Азияда алғашқы ашылған бес жұлдызды қонақ үй екенін, тек осы Пресс Турда білдім)).

Алайда, интернеттен қарап, бұл қонақ үй мен оның қызметі жайлы қазақ, орыс, тіпті ағылшын тілнде де мардымды мағлұмат таба алмадым. Сондықтан да, бұл Пресс турдан көрген-білгенім мен аз-маз жаңалық болды.



Мынау холлға 2500 дей адам еркін сыяды екен. Мұнда залды үшке бөліп, бір мезетте үш конференция өткізуге болады. Сондай-ақ, сән-салатанатты қатты ұнататын қазақтар үшін, мұнда көлік көтеретін арнайы лифт бар.

Үйлену тойында той залына лимузинмен кіргісі келетін жастар үшін, таптырмайтын мүмкіндік. Бұл холлды жалдау бағасы 1 миллион тенге. «Біздің деңгейіміздегі өзге қонақүйлерге қарағанда, біздің бағамыз арзан»,- дейді, қонақ үй мамандары.


Бір қызығы тіпті президенттік нөмірдің өзінде де ескілеу теледидар тұр. Ал, газет-журналдар халықаралық қонақ үйде қазақша болмайтыны түсінікті сияқты.



Мынау тренажер залы мен бассейн. Маған ұнағаны да осы болды. Сосын, сауна да бар екен.



Бізді ертіп жүрген Жанна, ал артымызда алып люстра. Жанбай тұрғанының өзінде осындай әдемі, Оның жанғанын көру үшін,
арнайы пресс турға тағы бару керек шығар)).

Қысқасы бұл туризмнен гөрі, бизнес мақсатқа арналған қонақ үй екен. Сондықтан ең арзан деген стандарт нөмірлерінің өзі тәулігіне, елу мыңның айналасында.

Алайда, елу мың деген тек біз үшін, қымбат көрінетін шығар. Өйткені мұнда ірі компаниялардың шетелден шақыртылған мамандары тұратын көрінеді.



Президенттік нөмірдің терассасынан осындай әдемі көрініске куә боласыздар. Жалпы, бұл пресс-турдан демалып қайттым)!

«Даларух» қоғамдық ұйымының жетекшісі Арман Нұрмұханбетов бастаған жасампаз топ барша қазақстандықтарды «Қазақтың ұлттық киімі күні» акциясына қатысуға шақырады. Акция барысында елміздің барша ұлтжанды азаматтарына жұмыс орнына, оқу орнына немесе қонаққа қазақтың ұлттық киімінде келу ұсынылады.
Аз ғана уақыттың ішінде осы идея халық арасында кең қолдау тауып, ғаламторда дауыс беру арқылы «Қазақтың ұлттық киімі күнін» әр жылда сәуір айның соңғы жұма күнінде өткізу шешімі жөн саналды. Осы жылы бұл күн сәуір айының 24 жұлдызына келіп тұр. Еліміздің бұқаралық ақпарат құралдары – республикалық және аймақтық телеарналар, ғаламторлық блогтар, газет-журналдар мен өзге де басылымдар үлкен қолдау көрсетуде.
Сонымен қатар, «Қазақтың ұлттық киімі күні» аясында «Ел-шапан» акциясы да жол тартады. Еліміздің және әлемнің түкпір-түкпірінен қала және ауыл атауларымен Қазақстан халқына бірлік, татулық пен береке тілеген лебіздер жазылған мата кесінділері Алматы қаласына жіберіледі. Т.Жүргенов атындағы Қазақ ұлттық өнер академиясының алаңында бұл мата кесінділерінен көпшілік алдында кең шапан тігіліп, сахналық сипаттағы ұлттық мерекелік іс-шаралар өткізіледі. Бұл шапан «Қазақтың ұлттық киімі күнінің» нышаны болып қана қоймай, ұлт бірлігін паш етеді. Оған қоса, сән үйлері, ателье және шеберлердің өз өнімдерін халық пен бұқаралық ақпарат құралдарына көрсетуге бағытталған қазақ ұлттық киімдерінің жергілікті көрмелері ұйымдастырылады. Алғашқы көрме 15-17 мамыр аралығында Қарағанды қаласында өтеді, одан кейін Астана мен өзге де қалалар жоспарда.
2015 жылғы 22 сәуірде Алматы облысының жастар саясаты орталығының қызметкерлері осы акцияны қолдап «Қазақтың ұлттық киімі күні» тақырыбында жұмыс орнына ұлттық киімдермен келді.
«Қазақтың ұлттық киімі күні» акциясы еліміздегі жеңіл өнеркәсіптің, туризмнің, ұлттық көркемдік стильдің дамуына, қазақ мәдениетіне қатысты зерттеулер мен шығармашылық еңбектің жандануына, халықтың рухани байлығы мен ел бірлігінің нығаюына үлес қосады деген сеніммен, Сізден осы патриоттық әрі көркем іс-шараға қала жұртшылығын тартуға ат салысуыңызды сұраймыз.

Жыл басында әлемге әйгілі ресейлік модель Ирина Шейктің футбол жұлдызы Криштиану Роналдумен ажырасып кеткені қызу талқыланып еді. Футболшы Роналдудың өмірі, спорттық карьерасы барлығы халыққа белгілі. Ал ару қыз Иринаның осы жетістікке қалай жеткенін біреу білсе, біреу білмес. Ендеше, осы красавица туралы не білеміз.


Өмір жолы


Иринаның тағдыры Золушка ертегісіне ұқсас. Әлемді табындырып жүрген ару Ресейдің Челябинск облысының Еманжелинск қаласында дүниеге келген. Әкесі шахтада кенші болып жұмыс істген. Анасы музыка пәнің мұғалімі. Шағын қалада өмір сүрген адамға әлемдік деңгейге көтерілемін деп армандау қиынға соғатыны белгілі ғой. Алайда Ира бала кезінде болашақта ешкімге ұқсамайтын ерекше тағдыр күтіп тұрғанын сезеді. Әр түрлі қиялдарға беріліп, басқа әлемде өмір сүреді екен.

Мектепте оқып жүргенде оның сыртқы сұлулығын бразилиялық супермодель қыздар Адриано Лима мен Анна Беатрис Барроспен салыстыратындар көп болыпты.

Ал Ира 14 жасқа толғанда әкесінің ауруы асқынып, қайтыс болады. Екі қызды дұрыстап бағып-қағу үшін анасы қосымша тағы бір жұмысқа тұрады. Үлкен қызы Татьяна мен кішісі Ирина да аналарына көмектесіп, жақсы оқып, үй жұмыстарына жәрдемдеседі.

Ирина мектепті бітірген соң Челябинскідегі мемлекеттік университеттің маркетинг факультетіне оқуға түседі. Оқумен қатар анасы қызын жергілікті модельдердің студиясына апарады. Ол жердегілер бірден жас қыздың сыртқы келбетін ұнатып, «Супермодель-2004» байқауына қатыстырады. Бұл конкурстан Ирина Шайхлисламова бірінші орын алады.

Қазылар алқасында модельдерді іздеп жүретін скаут, әлемге жаңа жұлдыздарды танымал етудің шебері Гия Джикидзе отырады. Бұған дейін Наталья Водянова, Евгения Володина, Полина Куклина, Ольга Шерердің жұлдызын жаққан маман байқаудан кейін Иринаға келіп өз ұсынысын айтады. Ира бұл ұсыныстан бас тартпайды. Әпкесі мен анасы киімдерін жинауға көмектесіп, жас қыз Парижге ұшады.


Францияда оны жаңа өмір күтіп тұрды. Бұрынғы Ирина Шайхлисламова деген аты-жөнін қысқартып, Ирина Шейх деп өзгертеді. Shayk Париждегі сән агенттіктерінің бірімен келісімшартқа отырады. Агенттік негізінен шет елден сұлу қыздарды табуға әбден маманданған. Басында Иринаға аптасына бар-жоғы 50 еуро ғана төлейді. Парижде бұл ақшаға тек тек пәтер жалдауға ғана жетеді. Сондықтан ақырындап, тамақ жеуді азайта бастайды. Бірақ Ира берілмеуге тырысады. Үнемі кастингтерден қалмай, өзінің болашағына сенеді.

Сол төзімділік пен сенімділік көп уақыт өтпей, өз жемісін берді. Алғаш рет 2005 жылы жаңа белеске көтерілді. Танымал журналдардың бірінің мұқабасына суреті шығады. Ирина 2007 жылы өміріндегі маңызды қадам италиялық «Intimissimi» компаниясымен келісімшарт отырды. Үш жыл бойы осы компанияның бет-бейнесі болып, жарнама роликтерден қалыс қалған емес. 2010 жылдан бастап, аталған брендтің елшісі болып табылады.

Иринаның дене сымбатына қатты қызыққан америкалық атақты спорт журналы «Sports Illustrated» бірге жұмыс істеуге шақырады. Жыл сайын журнал танымал спортшылар мен модельдердің суретімен арнайы жеке номерін шығарады. Міне, осы журнал 2007 жылдан бері Иринаның суретін беруді ұмыт қалдырған емес. Ал 2011 жылдан бастап, мұқабасында шығарып жүр.



Криштианумен махаббаты

Әлемнің үздік ойыншыларының бірі Криштиану Роналдумен махаббаты оның есімін әлемге танымал етті. Әйтпесе 2010 жылға дейін Иринаны көпшілік жұрт біле бермейтін.

Португалиялық футболшымен Emporio Armani жарнамасының түсірілімінде танысқан. Төрт жылдық махаббат романы керемет танымалдылыққа алып келді. Оның өміріне қызғатындар мен жаңа келісімшарттар көбейді. Сондай-ақ өсек-аяңда толастамады.

Жақында екі жұлдыздың ажырасқаны белгілі болды. Батыс журналистерінің жазуынша, Ирина Шейк Роналдудың анасының 60 жылдық мерейтойына қатысудан бас тартқан көрінеді. Кейін екеуінің арасында жанжал болып, әйгілі спортшы қалыңдығымен әрі қарай қатынасты үзетінін айтқан.

Бейтаныс қаладағы өмір

Бірнеше жыл Парижде тұрғаннан кейін Миланға, кейіннен Нью-Йоркке көшіп кетті. Ол жақтан пәтер сатып алды. Анна Вьялицина мен Джессика Уайт секілді танымал модельдермен құрбы болды.

Бала арманым журналист болу еді

– Ешкім білмейтін басқа қандай талантың бар?

– Мен модель болғанша, жеті жыл музыкамен айналыстым. Анам музыка пәнінің мұғалімі. Сондықтан бала күнімнен пианинода өте жақсы ойнадым. Содан өзім ләззат алатынмын. Қыздарға негізі музыкант болған жарасады ғой. Әлі күнге дейін Бетховеннің сонатасын ұнатамын. Сондай-ақ нотаны ұмытқан емеспін. Әрине көбірек қолға алып тұрмаған соң қиын. Қолым шыға бастапты.

ш

Ал негізгі арманым журналист болу еді. Бастысы, кім болсамда туған қаламнан алысқа кететініме сенімді болдым. Бұл менің тағдырым екенін сездім. Ал елден кеткен күні құр қол бос қайтпаймын деп өз-өзіме сөз бердім. Бұл мақсат мені кәдімгідей қанаттандырды. Айтпақшы, модель бизнесіне тек жұмыс ретінде қараймын. Бұл жұмысқа келгендердің көбісі жылайды, шағымданып жатады. Жүйкелері сыр беріп, шыдамай кетеді. Мен карьерамды аяқтағаннан кейін бұл туралы ойлауды ұмытатын боламын. Модель бизнес хоббиім емес. Сондықтан басқа істермен айналысамын. Менің ең сүйікті жұмысымның бірі қаржы саласы.

– Жұмыс, жұмыс… қалай демаласың?


– Міндетті түрде аптасына бір рет моншаға барамын. Нью-Йоркте Фултон-стрит деп аталатын орыс моншасы бар. Бұл монша денемнің тазаруына ғана емес, сондай-ақ отаныма деген сағынышымды басады. Вуди Алленнің киноларын көремін. Мураками мен Достаевскийдің кітаптарын оқығанды ұнатамын.

– Біраз уақыт бұрын киноға түсіп, актерлік қабілетінді сынап көрдің. «Геракл» фильмінде эпизодтық рөл емес, бірден басты рөлді сомдадың. Өзіннің актерлік талантынды сездің бе?

– Шынын айтқанда өте қиын болды. Кез келген кәсіп дайындықты қажет етеді. Менің бұл рөлге келіскенім, орыс тілің жақсы білетін болғандықтан.Paramount pictures студиясымен жұмыс істеген қатты ұнады. Адамдарының барлығы өз кәсібінің мамандары екен.

– Осындай қызықты мамандықтың арқасында біраз қаланы араладың. Соның ішінде қай жер ерекше ұнайды?

– Маған Италия ұнайды. Әсіресе, Милан қаласы. Әлемдегі ең стильді қала деп білемін. Бұл жерде жақсы киінуге болады. Сондай-ақ Нью-Йоркті жақсы көремін. Ол жақтан кез келген іздегенінді табуға болады. Сән әлемінің барлық қызықтары осында.

– Қандай дүкенге жиі барасың?


– Мен қазіргі кезде Нью-Йоркте тұрамын. Сондықтан осы қаланың дүкендерін аралаймын. Менің сүйікті дүкендерім – Scoop, Intermix, Jill Stuart, Blue and Cream. Ал Миланға барғанда Intimissimi-ге соғамын.



– Нью-Йорктегі өзің баратын 5 сүйікті құпия жерді атап өтесің бе?

1.Батыс тас жолы. Өзеннің жаңында орналсқан. Мұнда келіп Нью-Джерсиді қараған ұнайды.
2. Манхэттен мен Бруклински көпірінің арасындағы саябақ. Бұл жерде судың қасына келіп, айналадағы болып жатқан қызықтардың бәрін көруге болады.
3. Менің үйім. Көп уақытымда үйді өткізгенді жақсы көремін. Бірақ өкінішке қарай, көп жұмыс істегендіктен уақытым бола бермейді.
4. жаттығу залы. Аптасына 4-5 рет барамын.
5 Фултон-стрит орыс моншасы. Аптасына бір рет барып тұрамын.

– Sports Illustrated и victoria's Secret өнімдерін жарнамалайсыз. Осындай сіз сияқты сұлу болу үшін қандай кеңестер бересіз?

– Бұл өте маңызды. Өз денсаулығынды күтуің қажет. Мен көп жұмыс істеймін. Боксты ұнатамын. Құнарлы тамақ пен көп су ішемін. Бастысы, бақытты болу керек. Өз сұлулығынды бағалап, күту қажет.

– Ешкім білмейтін қандай құпияларыңыз бар?

– Көңіл күйім жақсы болғанда, күлкілі шығармалар жазамын.

– Қандай мемлекеттерде болғыңыз келеді?

– Мен бұған дейін Мадагаскарға баруды армандаған едім. Осы жұмыстың арқасында былтырғы жылы ол жақта болдым. Қазіргі кезде Жаңа Зеландияға барғым келеді. Бұл мемлекетті суреттен көрдім. Енді, өз көзіммен көрсем деп ойлаймын.

Дайындаған Бек Төлеуов

Әркім өз туған жерімен, өзінің тұрып жатқан елді мекенімен мақтанады. Мен де солай!) Туған жерім болмаса да 7 жыл тұрған жеріммен мақтанамын, қатттттттты жақсы көремін! Жақсы көретінім соншалық, жылап, сағынып жақсы көремін!.. Ешкім түсінбейтін сияқты мендегі бұл сезімді… Солай..) Айтсам бетіме бүртүрлі қарап күледі… Адамды емес ауылды соншалықты жақсы көретінім қызық шығар оларға… Сонымен, мен айтып тұрған жер, қай жер?! Ол Қарқаралы ауданына қарасты мына жер:



Иә, Нұркен ауылы.. Қазақ Батыры Нұркен атамыздың туған ауылы екені айтпаса да түсінікті шығар...) Батырдың туған жерінде тұрғаныма қалай мақтанбайын, үлкен қуаныш мен үшін?! Ер есімі ел есінде… Нұркен батырымыз жайлы айта кетсем артық болмас...)

Нұркен — Ұлы Отан соғысының қанды қырғын майданында қазақ халқынан шыққан жетінші Кеңес Одағының Батыры. Ол 1919 жылы Қарқаралы ауданы, Нұркен ауылында дүниеге келген. 9 жасқа дейін осы ауылда өсіп, кәдімгі қазақ ауылының тәлім — тәрбиесін алған. Жастайынан ширақ, пысық болып өсті. Содан 30 жылдардың аумалы-төкпелі кезеңдерінде отбасының ұйғаруымен Қарағанда қаласына көшіп келеді. Соғысқа дейінгі өмірі сонда өтеді. 1940 жылы әскер қатарына шақырылып Орынбор әскери ұшақтар училищесіне оқуға жіберіледі. 1942 жылы 808 полктің әскери ұшақтар дивизоны құрамында соғыс қимылына белсене қатысады. Нұркеннің қан майдандағы өмірі ұзаққа созылмаса да ерен ерлік жасап, өшпес даңқа бөленіп, аңыз болып тарайтын хас батыр болып дүниеден өтті. Нұркен Әбдіров 16 рет әуе шабуылына қатысып, фашист тасқыншыларының 12 -танкісін, 28 автомашинасын, 3 зеңбірегін, көптеген жау бекіністерін, ондаған жаяу әскерін жер жастандырып, нағыз ерліктің ортасында жүрді. 1942 жылғы желтоқсан айының соңғы шайқастарында жаудың бірнеше объектілерін талқандап үлгеріп, отқа оранған самолетін неміс әскерлерінің қару-жарақ тиелген тұсына қарай бағыттап, жау төбесінен жұлдыздай жарқырап ағып түсті. Өзінің артына өшпес даңқын қалдырып солай қаза тапты…

Батырды еске алу мақсатында Қазақ елінде қазір де түрлі шаралар өткізіліп тұрады. Батыр атында ауыл, көше, мектептер, Қарағанды облысында спорт сарайы бар.

Тоқтар ағамыз өзінің туған жерінен (Тоқтар ауылы) Нұркен ауылына дейін «Батырдың басқан жерін мен де басайын — деп жаяу келеді екен. Сонаау жерден Тоқтар ағамыз жаяулап келген жерде біз тұрып жатырмыз!.. Біз үшін бұл-қуаныш)) Ауылымызда қазір 2000 мыңға жуық адам тұрады. Нұркен атындағы мектеп бар. Әрбір бүлдіршін оған еліктеп, батыр болсам, елге пайдамды тигізссем деп өсері анық. Туған жердің атына кір келтірмеу әр баланың міндеті. Олардың бабаларымызға арнап, өлең, әңгіме жазатындары, „ұқсап өссем ғой“ — деген армандары қуантады!

Нұркен маған тағы несімен ыстық?

1. Ну орман, биік таулары жоқ болса да, сол жазығымен ұнайды;
2. Адамдары; адамдары бар ғой енді, мяяяя күштііі, өзіңмен ашық — жарқын, еркін сөйлеседі.
3. Интернет, кітапхана, мектеп, аурухана ,әр үйде су бәрі-бәрі қамтылған;
4. Нұркенге өтер жолда Қарқаралының табиғатына куә боласыздар:

Бір сөзбен айтқанда маған барлық жағынан ұнайды! Нұркеннің адамдары ерекше ыстық, көрсем болды құшақтап алғым кеп тұрад! Сағынғандығымнан қалай жылаймын десеңші… Өткенде, Нұркеннің үстімен жол сапарлап кетіп бара жатып, жай бір үйдің ауласына тоқтағанбыз, менің көзімнен автоматты түрде жас кетті...) Алдымнан біреу шығып, „сағындың ба“ — десе өкіріп жылайын деп тұрмын...)) Осыдан-ақ қалай жақсы көретінімді біле беріңіздер)) Ол жақ маған көөөп нәрсені үйретті… Алғысым зооор! Достарымды да сағынам...) Талай қызықты кезеңдерді бастан кештік… Бөлектеу деген жоқ, керісінше әркім өзіне тартады, ашық, бірден сырласып әңгімелерін айтады… Мен 14 жасымда бардым ол жаққа… Ешқашан барып көрмеген жерім… Үйренісе алмаймын деп ойлағам, қайдағы, „әлі ғашық болып қаласын“ — деп жан-жақтан ақылдарын айтты. „Ешқашан ұнатпаймын “ — деп бәстескемтін де… Қателесіппін… Рас ұнап қалды… Тіпті, сол жерде кішкентайымнан өскен сияқтымын… Уооот, солай...) Тағы да қайталап айтамын, мен ол жерді жақсы көремін!...

Талдықорғанда блогерлер спартакиадасы

Жер жәннаты Жетісудың төрінде «Ұлыстың ұлы күні — әз Наурыз» мейрамы қарсаңында блогерлер арасында тұңғыш рет спорттық шаралар мәресіне жетті. Шара мақсаты мемлекеттік жастар саясатын жүзеге асыру, жастардың арасында салауатты өмір салтын насихаттау, спорттық шеберліктерін арттыру, спортпен жүйелі айналысуына ықпал ету, бұқаралық спорт түрлерін дамыту болып табылды.Алматы облысының әкімдігі мен облыстық жастар саясаты мәселесі басқармасы жүзеге асырған спорттық дода да волейбол, футбол, тениистен жүлделі орындар сарапқа салынды. Дүбірлі доданы қабылдаған Талдықорған қаласындағы «Жастар» спорт сарайының үлкен залында бұл күні журналист те, блогер де, әкімдік өкілдері де доп тепті. Жанкүйер болып келген жұрттың қарасы да көп болды. Ендеше жарыс күнделігін тарқатар болсақ.
Биыл тұңғыш рет өткізіліп отырған блогерлер арасындағы турнирдің өзіндік айырмашылығы мен қызықты жайттары да көп болды. Олай дейтініміз еліміздің әрбір түкпірінен жиналған Блогқұрылтайдың қонақтары мен Талдықорған қаласының жастары, жергілікті БАҚ өкілдері, Алматы облысы әкімдігінің жастар саясаты басқармасының командалары жарыс көркін қыздыра түсті. Волейболдан төрт құрама өзара үздіктерін анықтаса, футболдан да төрт құрама чемпиондық тәжге таласты. Сонымен «Жастар» спорт сарайында өткен жарыстың шымылдығын журналистер мен блогшылар ашты. Ойын бірден тартысты бәсекеге ұласып, көрермен делебесін қоздырып, жанкүйерлердің қошеметіне бөленді. Бұл ойында жергілікті БАҚ өкілдерінен құралған «Журналистер» командасы мен блогшылардан құралған «Испания» командасы жан алысып, жан берісті. Алғашқы болып журналистер бесінші минутта минутта есеп ашып, тұңғыш өткізіліп отырған жарыстың алғашқы голын соқты. Алайда «Испания» командасы тегеурінді қарсылық көрсетіп, ойын текетіреспен жалғасты. Алғашқы тайм 1:0 есебімен журналистердің пайдасына шешілді. Екінші таймда қос құрама бір-біріне қарымта доп қайырды. Осылайша шиеленісті өткен ойынның қорытындысында 2:1 есебімен «Журналистер» құрамасы жеңіске жетті. Олар ойын барысында Алматы облысы жастар саясаты басқармасының жігіттерінен құралған командамен тең түсіп, осы басқарманың екінші командасын тізе бүктіріп, жарыстың күміс жүлдесін қанжығағаларына байлады. Одан кейін ойын көркін Алматы облысы жастар саясаты басқармасының қос ұжымы қыздыра түсті. Тартысты ойында әкімдік өкілдерінің жастары жеңіске жетті. Осылайша жарыс барысында екі рет жеңіске жетіп, бір рет «Журналистермен» тең түскен жастар саясаты басқармасының жігіттері ұпай саны бойынша бірінші орынды иеленді. Үшінші орын блогшылардың пайдасына тиіп, қола жүлде еншілеріне жазылды.

Турнир барысында барлық команда жақсы ойын өрнегін көрсетті. Әсіресе жоғарыдағы үздік үштіктің ойындары жанкүйерлер қызығушылығын тудырды.
Алматы облысы жастар саясаты мәселесі басқармасының басшысы, бүгінгі жарыс қожайыны Рустам Әлиұлы жарыс барысында айтқандай, «осынау турнир бұдан былай жыл сайын, дәстүрлі түрде өткізіліп, тұрса игі бастама болар еді. Тіпті сіздер жыл сайын блогшылар құрылтайы Талдықорғанда да өтсін десеңіздер, біз қарсы емеспіз» деді. Демек, осындай үлгілі үрдіс, дәстүрлі турнир, блогқұрылтай жалғасын таба беретіндігіне сенім зор дегендік.

P.S Тұңғыш рет өткізілген блогшылар спорттық жарысында волейболда өткен болатын… Тек қана блогшылар түгелдей құраммен қатысқан турнирда «Сұңқар» командасы жеңімпаз атанды.

Фотосуреттер авторы: А.Құмырзақ, А.Архунус

Мама неге мені кінәлайсың? Ия мен қателестім, үйде болмаған жылуды даладан іздедім. Таптым. Бірақ ол маған ешқашан толықтай тыныштық сыйлаған емес. Бұдан кейін де жаным жай табарына сенімсізбін.

Үш жылға бергісіз үш күн.

Алғашқы танысу, алғашқы көрісу, алғашқы қатысу, алғашқы қоштасу, алғашқы, алғашқы… Шынымен барлығы мен үшін алғашқы рет орын алып жатыр. Өмірімдегі ең қызықты күндерімнің қатарына тағыда үш күн қосылды. Маған салса, тағы үш күн, тіпті, одан да көп күндерге соза берер ем.

Жер жәннаты Жетісудағы Талдықорған қаласында БлогҚұрылтай алғашқы рет өткізілді. Бұл құрылтайдың ерекшелігі — Қазақ хандығының 550 жылдығымен қатар келуі. Арнайы жоспар бойынша алдымен қазақтың көрнекті ғалымы Шоқан Уалихановтың мұржайы мен ауылына бас сұқтық. Тағы бір ескеретін жайт — биыл Шоқан Уалиханов 180 жасқа толып жатыр. Жоңғар Алатауының бөктерінде орналасқан мұражай әлемдік маңызға ие мұражайлардың қатарында.



Ертесі наурыз мерекесін Талдықорғандықтармен бірге қарсы алдық. Олбыс әкімшілігінің ұйымдастыруымен мерекелік іс-шаралар мен әр түрлі көрмелерді тамашаладық (наурыз көже де іштік). Кешке Жастар спорт сарайында спортың бірнеше түрінен жарыстар ұйымдастырылды.



Әрмен қарай қызықты сәттер — қонақ үйдегі мафия ойнымен жалғасты. Жылда келіп жүргендер біраз тәжірибе жинап алған екен, мен сияқтыларды ойнатпай тастады.

Бүгінгі құрылтайда өзімізге маза бермей жүрген сауалдарға жауап таптық, білікті мамандардан ақыл-кеңес алып, семминарлар тыңдадық.

Үлкендердің батасын алып, сеніміне де ие болдық.

«Бұл құрылтай бұрынғыдан өзгерек».

Осыған дейінгісін сырттай бақылағандықтан ба, әлде өзім алғашқы рет келгендіктен бе маған солай көрінді. Талдықорғанға деген алғысымыз шексіз.

ПЫСЫ: Алғашқы демекші, бұл менің керек инфодағы алғашқы посым.

Астана қаласының тұрғындары!
Дүбірлі тойыңызды, қандай да бір қуанышыңызды, туған күніңізді түсіретін немесе жәй ғана фотосессия жасауға кәсіби фотограф іздеп жүрген болсаңыз — мархабат! Тұрар мен Мақсат өз ісін өте-өте сапалы атқарып шығады.

Бұл екі жігітке Елордамыздың өнер жұлдыздары фотосессия жасатқан. Сіз де сол жұлдыздардай әр кадрда әдемі көрінгіңіз келсе, осы жігіттерге хабарласыңыз ;)

Инстаграмдағы адресі арқылы байланыс телефонын да, басқа да жұмыстарын да таба аласыздар:
@tm.studio
@maksat_risbekov
@t.tusebaev

«Сессия» деген – тамаша кезеңдердің бірі ғой» дейтін сол кезең таяп қалған тұста жоғары математика пәнінің мұғалімі. Математик емес пе, бәрінің есебін алып жүреді. «Әшейінде хал сұрамайтындар саулығымызды сұрап, амандасып, қауқылдасып қалады, тіпті жоғарыдағы кісі-місілердің өзі сөйтеді ғой» деп жауабын шешу қиынға соққан есептей қулана күлімдеп, көңіл күйінің көрсеткіші көкке көтеріліп, көкшіл көзіне көктем орнай қалатын.
Иә, тамаша кезең! Өкінішке орай, бұл кейбір азаматтар үшін ғана сондай сәт. «Азаматша» сөзін әдейі қоса жазбадым, ол сөзді кім ойлап тапқанын білмеймін, қазақта бәрі азамат. Орыстар сияқты «мужской», «женский» деп «родтарға» бөлінбейміз. «Бөлінгенді бөрі жейді» дейтін қазақ «родқа» келгенде тіпті бөлінбей біртұтас болғысы келеді. Соның арқасында ғой олар: «Кіммен қарайсаң сонымен ағар» деп отбасында татулық орнатуға құштар.
«Көгалды қуып гөләйттап, ыршып жүріп ән салғандар» үшін басқаша кезең. Олар үшін қыл көпір. Тәубеге келіп, Алланы еске алып, дұғасын оқып, иманын үйіретін нағыз қарбалас шақ. «Осы сессиядан «аман-есен» өтсем, келесі семестрден бастап сабақты жақсы оқымасам!» — деген өмірі орындалмайтын қияли ойлар да осы шақта, осы гөләйттағыштардың ойына келеді. Бұлар үшін «қиямет қайым» болған кезеңге жете бере «аһ» деп ұрған демі, сессия аяқталарда «үһ» «аман-есен» (мағынасы: өзіме әбден лайық тым нашар баға алып қалмай немесе жазғы емтиханға қалып қалмай) өттім-ау деген ырғақпен жалғасуы да, жалғаспауы да мүмкін. «Үһ» демінің шығу шықпауы, сіздің гөләйттап жүрген шағыңыздан бөлек, «қиямет қайым» (мағынасы; «нб» яғни, «сабақта болған жоқ» белгілерінен арылып, ағымдағы аттестацияның бір семестр бойы жинамаған тиісті балын, емтиханға санаулы күндер қалғанда, аяқ астынан жинай қалатын, жинай алмайтын, жинаса да тиісті балға әрең жеткен, үш болса да күш балына мәз болып қанағаттанатын, тым «қиындықпен» өткізетін алакеуім шақ) кезеңіндегі біршама «ізденістеріңізге» байланысты. Ол «ізденіс» әр түрлі формада болуы мүмкін. Мұғалімнің соңынан жүгіріп қара терге малшынасыз ба, маймыл боласыз ба, жоқ әлде… Тууу тым аңғарымпаз екенсіз, түсініп отырсыз. Ол өзіңіздің пайым-түсінігіңіз бен «көрегендігіңіздің» арқасында жүзеге асады.

Біреулерге аждаһадай болып көрінген кезең пәленшенің түгеншесі үшін шыбын шаққан құрлы болмай өте шығуы да бек мүмкін. Әрі солай болып та жүр. Оны көрген бірінші бейбақ, «ол да мен сияқты гөләйттап еді ғой» демейді. Үнсіз жүрек, үнсіз кеуде. Өйткені бұл — сүйекке біткен сиық, жазылмаған заңдылық сияқты көрінеді оған.

«Оқу инемен құдық қазғандай» деген ұранды ту қылып ұстап, сол құдықты «еңбек етсең емерсің» деп қазғандар үшін біршама жаймашуақ кезең. Серіктері гөләйттағанда, еңбекқор студент уақытының көп бөлігін кітапханада өткізген. Серіктері лекцияда ұйықтап немесе «әңгіме бұзау емізердің» керін келтіріп отырғанда, ол тақтаға телміріп, оқытушының ойын ұққандай болып отыратын.

Осы сессияда біртүрлі қызық оқиғаларға тап боласың. Аудиторияда бір топ студент отырғанбыз. Эконометрия сабағы өтіп жатыр. Қазіргі пәндер қызық, жаһанданудың үлгісі іспетті, экономика, математика, информатика саласын біріктірген дүдәмәл бірдеңе шығады. Есептерді ехcelде шығарып, экономикалық талдау жасау. Қашанда оңай есепке мысал келтіріп, қиындау есептен тапсырма беретін апайымыз, көмек сұраған жанға «соны да білмейсің бе?!» — деп әдеттегідей қабағы ашылмай қатулы күйінде отыр. «Бәрін біліп тусақ университет табалдырығын төрт жыл тоздырып жын ұрып па»- деймін іштей. Негізгі айтпағым бұл емес еді. «Ертең сессия басталады»- деп қарбаласып жүрген кез. Бір уақыттарда шеке тамыры тырысып, паңдана, менменси сөйлейтін бір қыз (өзіне көптеген жақсы қасиеттер жетіспей жатса да, өзінен басқа керемет адам жоқтай десем қалай болады?) маған күлімсіреп, жымия қарады. Оның өзіне жараспайтын мінез, біртүрлі ерсі көрініп тұр. Бұл мінезінде қандай астар бар екен деп еріксіз ойланып қаласың. А-а-а түсінікті… Ертеңгі болар сессияның қамы екен ғой. Осындай тұста көмек қолын созар деген үміттің ұшқыны жанарында жамырап тұр. (Осылай өтірік мүләйімсіп емтиханды сәтті тапсырып өткені құрысын.) Міне, билеттер. Әдеттегідей екі сұрақ, бір есеп. Кім қандай жағдайда тұрса да кемедегінің жаны бір. Бір жағынан жанашырлық сезімі оянып, серігіңнің сұрқына селкеу түсіргің келмейді екен. Жан жағыңнан көмек сұраған көздер қадала қарап тұрған сияқты ма, қалай? Бір сәт айналаға көз тастасаң, аудиторияда, әдеттегідей емес, тыныштық орнағанын байқайсың. Бірі терең ойға батқансып, билетіне бір, төбеге бір қарайды. Бірі ешкімге көрсетпей алтын тығып қойғандай партаның астына ұрлана көз тастайды. Бірі…

Туу мыналарды-ай! Үйдегі бала-шағалар да қаумалап… Студент қауымның бір кезеңі жайлы бірдеңе жазуға да мүмкіндік жоқ. Романның жүгін арқалап тұр еді, қап…!
2008 жыл. бірінші курс