Көзілдірікті фрилансер болмасаңыз, аптасына 2 күн ғана демалысыңыз бар. Оның екіншісі демалыстан кейінгі демалысқа арналған. Әйел, я үйленген болсаңыз үйдің шаруасы тағы бар. Басым бойдақ болғандықтан демалыс күнімнің екінші күні қалпына келу процедуралары мен үйге оралуға арналады. Ал демалысым, көбіне, бұрын болмаған жерлерге, я кездесемін деген адамдармен кездесуге жұмсалады. Шілде айының демалысының бір күнін Бурабайда өткіздім. Негізі, Бурабайда демалу үшін бір күн жеткілікті екеніне көзім жетті.

Тамақ пен жол шығындары туралы сәл кейінірек жазармын. Қазір бұл далаға қалай жетіп, келгенім жайлы жазайын.



Негізі, демалысыңыз жолдан басталады.
Еліміздің соңғы жылдары жеткен жетістігін туралы сұраса, сөзсіз, осы тас жолды атар едім. Ресейде бар «Дурактың» бізде де барын білесіз ғой. Сол «дуракты» сәл де болса жеңдік. Сапарымыз 3 сағатқа созылды.



Жол бойында шағын шаруақожалықтарының малдары көзіңізге түседі.



Симметриялы тізілген столбылардың өз әдемілігі бар.



Жол бойындағы ауылдың аттары маған бірдеңе дегісі келгендей. «Жасыл» дегенде «жасыл елді» есіме түсірді. «Атамекен» дегені тағы бар. Әлде, маған солай көрінді ме?!

Бурабай ауданы Щучинскіге кеп жеттік. Ескі қала, алайда, оңтүстіктен көп адам келген секілденді кәсіп ашуға. Қала ішінде донер дүңгіршектері, кәуәпханалар мен шығыс дәмханалары көптеп кездеседі. «Терраса парк» пен «Риксостармен» қатарласып. Өзіміздей экотуристерге арналған ғой. Эко дегенім — экономиямен келген туристерге.
Алайда, сол дүңгіршектермен қатара Кеңес Одағының қалдықтары да аз емес.


Бурабайға бет алдық. Көлік көп, қоятын орын аз. Саябаққа кіре бергенде адам басына 227 теңге төлеу керек.



«Аллаға серікті қосатын жер қайда?» — деп сұрадым адамдардан. Бірден ұғына қойған жоқ. Абылай ханның тағын айналып жүр. Арман тілектерін іштей тілеп. Ақша лақтыруды азайтқан секілді.



Абылайдың тағын айналмасам да, мына бір жігіттің жанына барып махаббатыма өлең шығардым. «Счастливые часов не наблюдают» деген М. Горькийдің жазбасы тұр. "Қазақтан біреуді таппағанына таңым бар". Маған дейін бұндай ой неге ешкімге келмеген?!


Қарағай орманның ішінде жатып демалу керек. Апта бойы мазаңды алған ойлардан алыстап, таза ауамен тыныстап, ұйықтап кетудің алдында қаласың. Айнала құстар дауысы, қарағай арасынан күннің көзі ойнақтап тұрады. Мұқағали бұл күндері демалып жатса «О тыныштық, тыныштық қандай бақыт, қандай бақыт клавиатура ойнамаған» деп өлең де шығарар ма еді.





Кез-келген жерге жатып демалуға болады десе біреу сенбеңіз.



Бурабай көлінің жағасына келдік. Шомылуға. Судың демалдыратын жақсы қасиетін менсіз-ақ білетін шығарсыздар.

Көл жағасында щағалалар көптеп кездеседі


Қарағай.

Жағажай

Ағаштың ішінде қоқыс кездейпейді десек те болады.



Осылайша сенбінің кеші жақындап, Астанаға аттандық. Түске дейін тауға шығып, түстен кейін суға түсіп.

Негізі, Көкшетаудың тауына шығамын демесеңіз, суына шомылып, еңбек аптасынан соң бой жазып келем десеңіз бір күнде баруға болады. Тек, баратын жеріңізді алдын ала белгілеп алыңыз.
Тамақтың бағасы Астанаша. Сондықтан, өзіңізбен ала барғаныңыз жөн.
Қоғамдық әжетханалар аз. Сондықтан, қонақүйлер жанындағы жағажайларда тоқтауға кеңес беремін. "Әлем" атты қонақүйдің арты жағажай, қонақ үйге дәрет алуға барамыз.

Мен көрген бір күнді Бурабай осындай.

«Еңбек жолы» байқауы аудандар мен қалаларда ағымдағы жылдың маусым айында басталған. Конкурс еңбек әулеттері мен кәсіпорын жұмыскерлері арасында өткізіледі. Ұсынымдар еліміздің экономикасына елеулі еңбек үлесін қосқан ең үздік еңбек әулеттері және меншік нысанына қарамастан барлық кәсіпорын жұмыскерлерінен қабылданады. Бұл туралы облыстық өңірлік коммуникациялар қызметі алаңында белгілі болды.

«Еңбек жолы» конкурсын өткізудің негізгі мақсаты — жастарды еңбекті қадірлеу рухында тәрибелеу, еңбек өнімділігін ынталандыру, ең үздік еңбек әулеттері мен кәсіпорын жұмысшыларын анықтау, жұмыскерлер кәсіптерін насихаттау, көпжылдық еңбек әулеттері салтын сақтау және арттыру болып табылады.

«Аталмыш байқау бірінші тамыздан бастап Республикалық деңгейге ұласатын болады. Конкурста "Үздік еңбек әулеті", «Кәсіпорынның жас жұмыскері», «Жұмысшы жастардың үздік жетекшісі» атты үш номинация бар. Жеңімпаздарға әділ қазылардың шешімімен, арнайы сыйлықтар берілетін болады», — деді Алматы облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Наурызбаева Сания.

Конкурсқа қатысу үшін алдымен өтініш жазу, жеке куәліктің және еңбек кітапшасының көшірмесі, тақырыпқа байланысты видеоролик, презентация жасау қажеттіліг айтылды.

Алматы облысының өңірлік коммуникациялар қызметі

26 шілде күні сағат 20:00-де «Астана Арена» стадионында «Астана» – «Легия» командалары арасыда чемпиондар лигасының матчы өтеді. Қала тұрғындары мен қонақтары спорт алаңына 11 қоғамдық көлікпен жете алады: № 10, 12, 27, 37, 40, 51, 53, 501, 502, 503, 506.

Сағат 18.00-ден «Астана Арена» спорт кешеніне жанкүйерлерді жеткізу үшін 4 жерден арнайы автобустар ұйымдастырылады. Арнайы автобуспен жету үшін «Қазақстан» СК, «Нұр Астана» мешіті, Астаналық цирк және «Жастар» сарайының алдына бару қажет. Жол ақысы – 90 теңге, жол жүру билеті жарамсыз.

Ойын аяқталған соң қалаға № 10, 12, 28, 40, 51, 303 қоғамдық көліктермен жетуге болады. Сағат 21.00-ден Қабанбай батыр даңғылы бойынша стадионның тұрағы мен «Астана Арена стадионы» аялдамасында жанкүйерлерді қалаға апаратын автобустар ұйымдастырылады. Сондай-ақ «Астана Арена» стадионының тұрақ алаңына қалалық таксидің ресми тасымалдаушылары келетін болады

Арыстанбаб кесенесі — көне Отырар жеріндегі сәулет өнері ескерткіші.



Кесене 12-ғасырда өмір сүрген діни қайраткер, уағызшы Арыстан баб қабірі үстінен тұрғызылған. Аңыз бойынша ол 33 дін негіздерін білген екен. Арыстан баб Қожа Ахмет Яссауиге 16 жыл ұстаздық етті. Қожа Ахмет Яссауи өз «Хикметтерінде» Арыстанбабты ұстаз ретінде аса құрметпен атайды. Аңыз бойынша Арыстан баб Қожа Ахмет Яссауиге Мұхаммед (с.ғ.с) пайғамбардан қалған құрманы жеткізген екен. Қожа Ахмет Яссауи 23 жасқа толғанда ұстазы Арыстан баб дүние салып, Отырар іргесінде жерленді. Ескерткіш бірнеше мәрте құлап, қайта тұрғызылды, күрделі өзгерістер мен жөндеулерді басынан өткерді. 1909 жылы байырғы кесене орнына жаңа мешіт пен кесенеден тұратын құрылыс салынды.



Арыстанбаб кесенесі – Қожа Ахмет Яссауидің ұстазы мен руһани тәлімгері, діни дәруіш және уағызшы Арыстанбабтың бейітінде орнатылған, ХІІ-ХІV ғасырлар сәулетінің қызықты ескерткіші. Отырар қалашығынан және Шәуілдір ауылынан 2 км, Шымкент қаласынан 150 қашықтықта орналасқан. Ескерткіш өңір мұсылмандарының басты ғибадат ету орындарының бірі.



Уағызшы Арыстанбаб ХІІ ғасырда Отырар маңында өмір сүрген. Арыстан есімі қазақ тілінен аударғанда «арыстандай батыл» мағынасын береді. Сопылық фәлсафада арыстан деп Жол Адамын атағын. Дүние жүзін шарлаған Арыстанбаб көп саяхаттаған. Ол түрлі діни ағымдарды зерттеген. Исламды қабылдағаннан кейін қалған өмірін сопылық мағынадағы исламды уағыздауға арнайды.



Арыстан уағыздаған қызмет пен идеялар туралы Ахмет Яссауи өзінің «Диуани Хикмет» кітабында жазады. Өлең жолдарында Арыстанбаб оның руһани ұстазы, тәлімгері болғаны туралы айтылады. Алғаш рет Яссауи онымен 7 жасында танысады. Ұстаз жас Яссауиге зұлымдық пен зорлықтан алшақ болып, адамсүйгіштік пен құдайға махаббат танытуды үйретті. Аңыздың бір нұсқасы бойынша Арыстанбаб 400 жыл өмір сүріп Мұхаммед Пайғамбардың серіктесі болған. Пайғамбар 400 жылдан кейін Ахмет есімді мұсылман дүниеге келетіні және аманат ретінде оған оның табағынан құрманы беру қажеттілігі жайлы айтып кеткен. Арыстанбаб аманатты орындауға өзі тіленіп шығады да «Егер Алладан 400 жыл ғұмыр сұрап берсеңіз, мен құрманы апарып берем» деген екен. Ол уәдесін орындайды, өлімінің алдында Ахмет Яссауиге құрманың сүйегін тапсырады.



Бастапқы кезде бейіттегі кесене ол қайтыс болғаннан кейін XII ғасырда салынған болатын. Уақыт өте, монғолдардың қатысуымен ол қиратылады. XIV ғасырда Темірдің бұйрығымен қиратылған ғимараттың орнына жаңа имарат тұрғызылады. Бүгінгі күні бұл құрылыстан тек айванның қашалған ағаш бағаналары ғана қалған.



XVIII ғасырда жер сілкінісі салдарынан қирап қалған көне мазардың орнына айваны бар екі күмбезді құрылыс салынады. Ол қайта талқандалып 1909 жылы қалпына келтіріледі. 1971 жылы апатты жағдайға жеткізген жер асты суларының үлкен деңгейі салдарынан мешіт ысырылып жаңадан салынады.



Қазіргі кезде Арыстанбаб мазарының үстінде алаңы 35х12 метр кесене тұр. Ол күйдірілген кірпіштен қаланған. Ғимарат үлкен күмбезді дәлізбен біріктірілген екі камералы қабірден (гурхандар) және бата оқитын мешіттен тұрады.

Жалпы, кесене көпкамералы кешен. Гурханның орталығы – Арыстанбабтың сәулетті құлпытасы, ал көрші орын-жайларда оның шәкірттері мен ізбасарлары — Хермет-Азыра, Қарға баба, Лашын бабалардың құлпытастары орнатылған.



Кесене бастапқы орын-жайларға түрлі құрылыс элементтерін кезең-кезеңмен қосу арқылы салынған. Гурхана мен бата оқитын мешіт бас қасбеттің ортақ тұтас қабырғасымен біріктірілген. Ғимараттың қасбетін екі мұнара аяқтайды, олар мүсінді кірпіш қалауымен безендірілген.



Бүгінгі күні кесене Орталық Азиядағы мұсылмандық аруақты жерлердің бірі саналады 1982 жылдан бері Арыстанбаб кесене-мешіті мемлекеттің қорғауында.



Ахмет Иассауидің алғашқы ұстазы, жүгінер пірі болған Арыстанбаб есімі Отырар, Сайрам, Иассы өңіріндегі сопылардың рухани жолбасшысы ретінде кеңінен жайылған. Ел арасында (Арыстанбабқа түне, Қожа Ахметтен тіле» деген ұлағатты сөз бар.



Арыстанбаб кесенесі ХХ ғасырдың басында жергілікті халықтың қаражатымен, күйдірілген кірпіштен, ауданы-35х12 метр, биіктігі 12 метр, бұрынғы Меккеге қараған есігі Түркістанға Әзірет Сұлтанға бағытталған, солтүстік жағы кесене, оңтүстік жағы мешіт есебіне қайт жөнделді, дәліз қақпа маңдайшасына хижра бойынша соңғы құрлыс жүрген уақыт 1327 жыл деп таңбаланбаған мәрмәр тақта қаланған.



«Арыстан баб» кітапханасы
Кітапхананың бұрынғы қоры XX ғасырдың 30-жылдары «қызылдардың қырғыны» кезінде «пролетарлық атеизм» әсерінен аяусыз талқандалып, 60-жылдары «Қызыл бұрыш» болып қайта ашылып, маркстік-лениндік әдебиеттермен толықтырылған. Кітапхана қорында XVIII-XX ғасырларда Дели, Мысыр, Стамбул, Қазан, Ташкент қалаларында басылып шыққан, көшірілген Тафсир әл-Құран, Құран Кәрім (Хусейн түсіндірмесімен 1312/1894 жылы «Мұхамедия» баспасында жарық көрген, «Мың бір хадис» (1915 жылы Қазан қаласындағы «Миллият» баспасында жарық көрген), «Дор ал-Мухтар».2, 3, 4 томдар «Пайғамбарлар тарихы» (XIX ғ.), «Физули ғазалдары» (XIX ғ.), «Сопы Аллаяр» (1901), «Хафиз өлеңдері» (XIX ғ.), «Қожа Ахмет Яссауи хазіреттің даналық сөздері» (XIX ғ.), т.б. араб, парсы, түркі тілдеріндегі жүздеген қолжазбалар, кітаптар болған. Кітаптардың көпшілігіне «Арысланбабқа» деп атап жазылып, «Мулла Фахриддин Сидик б.» деген жазулы мөрмен куәландырылған. Көне қолжазба, кітаптардың бір парасын Бұхара медресесінің түлегі Оңғарбайұлы Әбусейіт сақтаған. Ал қалған бөлігі Арыстанбаб кесене-мешітін 1907-1909 жылдары қайта қалаған ұста Қалмырза Мүсәпірұлы сақтап қалған. Оңғарбайұлы Әбусейіт сақтаған қолжазба кітаптарды немересі Серікбаев Қазыхан Руханият – Әбу Насір әл-Фараби мұражайына тапсырған. Ал, Қалмырза Мүсәпірұлы сақтаған қолжазба, кітаптар оның өз өсиеті бойынша қабіріне қоса көмілген.



Арыстан баб кесенесі жанында емдеу қасиеттері бар өте тұзды сулы құдық бар.

Көптен күткен GOT маусымының 7-сі де келді. НВО арнасы рекордтық көрсеткішке қол жеткізіпті — 16 млн адам қарапты. Биыл тек 7 серия ғана шығатын маусымның алғашқы сериясы көңілден шықты ма? Әдеттегідей таныстыру, превью сериясы болды деп ойладым. Сонымен не есте қалды?

"Қыс түсті" — маусымның жаңа ұраны. Бірнеше рет айтылады. Қыс Винтерфельге келіп болды. Шайқас алда.

«Солтүстік ұмытпайды» деп айт. Фрей Үйіне қыс түсті © Арья Старк
Уолдер Фрей ұйымдастырған Қызыл той қырғынына қатысқандардың бәрін қырып кетті Арья. Арья Старк — қатігез, жауыз, кекшіл. Ал бір көріністе әскерлермен тым жақсы әңгіме айтып, қонақ болып отырады. Әскерлердің қарапайым адам екендері, біреуге ұл, біреуге күйеу, әке екені көрсетіледі. Еш жамандық жоқ сияқты болып көрінеді. Әзірше тыныш. Бірақ бұлар да жауыз болып шығады немесе өледі-ау?

Мейстер болғысы келетін Сэм білім-жұмыс-нәжіс үшбұрышында айналып жүр. Бірақ құпия кітаптарға оңай қол жеткізіп алды да, Ақ жүргіншілерге қарсы қару жасауға болатын кен орнының қайда екенін біліп алды.

Ал кен орналасқан Айдаһар Тасына Дейенерис ханым жетіп үлгерді.

Дейенеристің қасындағы Тирион Ланнистер бір ауыз сөз айтпады. Әдемі ойларын алдағы серияларға сақтаған болар?

Джон Сноу ағай әдеттегідей қабағы қатулы, үнемі ойланып жүреді. Санса қарындасымен сөзге келіп қалды. Бұл жақсы емес. Болашақта осы жақтан мәселелер туындауы мүмкін.

— Сенің неге көңіл-күйің үнемі нашар?
— Өмір сондай… © Сандор Клиган aka Төбет

Прагматик Төбет ағай да от тақырыбына кіреді. Бұл кісіде де бір өзгерістер болатыны анық енді.

Сериалдың жаңа жаман адамы Эурон Грейджой бола ма? Серсеяны басып жібере ме? Неге болмасын? Біраз нәрсе күтуге болатын сияқты бұл кейіпкерден. Рокер стиліндегі киімі де мықты. Джейме Ланнистердің біраз қанын ішетін сияқты.

Бран да аман-сау жетті Түнгі Күзет Қабырғасына. Ойыншылар түгенделе басталды. Шахмат фигуралары тізілді сапқа. Түн Патшасы да әскерлерімен жақындап қалды. Арасында дәу Вун-Вун да бар. Шайқасқа бәрі дайын.

Айтпақшы, Серсеяның Үйіндегі карта керемет! Әлбетте Серсеяның өзі де ;)

Отырған қыздарды сөкпеңіздер… Көптің көз алдында жүріп отыздан асып не қырыққа таяп қалған қыздарды көріп сонша ет-жүрегі езіліп (не езілгендей боп) аяуға, мүсіркеуге тырысатын əйелдерді түсінбеймін. Олардың сұрағынан, көзқарасы мен эмоциясынан өзіңнен өзің ұялып кетесің. Сондай əйелдер, əсіресе өзі шығарын шығып ап, енді шаруаның бəрін тындырғандай, осындай оң жақта отырған қыздарды сұрақ астына алғанда, көбі өзінің семіріп, түрі қашып, жүйкесі тозуын бір ақтап алады-ау… Ей, сен таңдаған жігітті мен армандасам, əлдеқашан тура өзің құсап «бақыттан басым айналып» жүруші ем" — дегің келеді. Шынымды айтсам, сол күйеуге тиген əйелдердің өзі шын сезімді армандап, қиялданып, не байын бақытты ете алмай, не баласын баға алмай талайы жүр арамызда… Кезінде көштен қалмайын деп, өйтіп-бүйтіп «теңіздің ар жағына шығып алғандар» бүгін санын соғып, сол байдан не пана таба алмайды, не тастап кете алмайды. Бірақ əрбір қазақ əйелі жүрегінің түкпірінде, бір минутқа болса да, сол қосағынан жырақта өмір сүрсем деп қиялдап көреді. Неге? Өткені бүгін «арқа сүйердің», «бөріктінің» заманы өткен. Расында да. Себебі еркектер бүгін əйелдердің «ауруына шалдыққан». Психоз, невроз, истерика, ұрысқақтық, ұсақтық. Бəрі емес, көбі. Балабақшаға өзі барады, азық-түлік өзі алады, өндіріс азайғандықтан, еркек кіндік (масса) не "қағаз тасумен",  не «бет-жүзін бояп, əдемі сөйлеумен», одан қалса желіде философиялық тебіреністерімен, терең психологиялық ойларымен бөлісіп, анда-мұнда жеген асын жарнамалаумен айналысады. Табатыны (масса) 100 мыңның ар жақ-бер жағы. Олардың күшін жұмсар жер жоқ. Шүкір, заман тыныш, соғыс жоқ, аңшылық көптің қолы жете бермейтін сəн-салтанат боп кетті, əскерге 80-нен төменнің көбі бармаған… Сондықтан соғыстың бəрі от қасы, ошақ басында. Мұндай «батырларды» қалайтын қыздар бар, қаламайтындары тағы жетіп артылады. Отбасының шырағы бола білуде емес, шаңырақтың тірегі, арқа сүйер азаматтың аздығында ма мəселе деп қаласың.

Алдағы демалыс күндері Астана қонақтары мен қала тұрғындарына арнап елорда әкімдігі жан-жақты мәдени-бұқаралық және көңіл-күй сыйлайтын іс-шаралар әзірледі.

EXPO көрмесіндегі «Нұр әлем» павильоны туралы қысқа видео-ақпарат

Бір басыма сәтсіздігім жетеді:
Сырласыма желпеңдеген етегі,
Ұрғашыға жылтыраған көтені,
Чайкахана болса-дағы мекені,
Көтеріліп төмендегі абзал дос,
Инстикт құрғыр өз дегенін етеді…
Бірақ, бірақ жолым болмай солармен,
Күнім қасқа, түнім босқа өтеді.
Бір күнде мен таныссам бес қаншықпен,
Бермей қояд, мысалы, бір-екеуі.
«Прости, с тобой не пара» деп басқасы,
Бірі қалта қағып, кидок етеді.
Сука, сука! Олар неткен көт еді!
Сәтсіз рейдтен кейін бірде кешқұрым,
Бір алқаштан шығар жолды естідім:
— Тәуіп кемпір тұрад мындай әдрісте,
Соған барсай өткенінше бос күнің!
Қолыңды ашық қылмасаң да, сол жеңгей
Жолыңды ашып береді екен, есті інім!
Бар болғаны он жұмыртқа ала бар,
Талай адам деп айтып ед өстідім.
— Ақысына не сұрайды?-деп едім,
— Ештемені сұрамайды ешкімің,
Сол апарған он жұмыртқа – ақысы,
Жетеді екені көзіне сол ескінің.
Жолың болсын, бұйырса кер айғырдай
Ізіне дәл түсесің сан бестінің!
Осылайша, арақ туған бөсті ұлың.
Дохлый балық жолыққандар өлмейді.
Дереу іздеп кеттім кәрі жеңгейді.
Пезнес тәуіп үйінде екен,
Ол бірден:
— Не шаруамен келіп тұрсың сен?-дейді.
— Не шаруа? Қыздар маған бермейді…
— Ой, балам-ай, көргем талай сендейді.
Ақысына не әкелдің?
— Жұмыртқа.
— Жарайды онда, емін білем, кел, мейлі!
Ұғынғандай мендегі асау талапты
Жатқызды да,
қолға құйып арақты,
Бұт жағыма жасады сан процедур,
Тура білгір дәрігердей санатты.
Тауысқандай боп жатыр ем тағатты,
Бір уақытта… талып кеттім.
Жан даусым
Айқайымды бар әлемге таратты.
Шалбарымның құбырынан қан ақты,
Осыменен ем-домыңыз бітті деп,
Кемпір басты есік жаққа қаратты.
Кете бардым түсініксіз күйде мен,
Қылып қойдым қай жерде деп ағатты.
Он екі штук жұмыртқамен кіріп ем,
Қайтқан кезде он жұмыртқа боватты…
p.s. Андай жерде Ақнұр кетіп баратты...

© Бөрібай Бекарыс

Үйiн сатты саудалай,
Картина, зат талғамай.
Жиналған бар қаржының
Бәрiне гүл алғаны-ай…
Далбан-ай, далбан-ай, далбан-ай…
***
— Сұлулық шыңы-ау бұл қыз,
Не ойлайсың, Абдул?
Пiкiрiңнен бiлгiз.
— Ябвдул.
***
Бiреу у iшiп алған,
Бiреудiң iшi қан-қан,
Бiреуде миокард,
Бiреу өтсiз қалған.
Бiреу дольче киiп,
Майқұдыққа барған.
Бiреу жолдан өтсе,
Тормоз ақау болған.
… Ұзақ өмiр сүру — бәрiнде бiр арман.
Осындай жалған.
***
Айнала аппақ. Таң ата.
— Дәрiгер? Мен қайдамын?
— Аурухана. Палата.
— Өзiм де солай ойладым.
Жұмыста отыз төрт едiк,
Кiлең достар, қалың ел.
Офис кеттi-ау өртенiп…
Бәрi аман ба, дәрiгер?
— Бәрi өлдi, бiрi қап,
Аман қыпты тап сенi…
— Тоба! Бәрi тiрi қап,
Мен өлгенiм жақсы едi! :(
Жалғыздықты көргенше…
Кiмдер қалды дос болар?..
— Ойнап айтам, өлген сен,
Аман-есен басқалар. :)
Әдет қылған ойнауды
Приколиспiн бiр қызық.
… Әзiрейiлге айналды.
Қазан кеттi шыжғырып.
***
Бір жан
Ішінде құм боранның
Жылап отырды тым қатты.
Жаратушысы бұл ғаламның
тоқтап,
далада тіл қатты:
«Жәбір көрген пенде жақпын,
Реттеймін бәрін бір демде!
Адал жүрген елге — Хақпын,
Жаратқаныңмын, біл, пенде!
Құсасы көп, шері жаман
кім едің?» болды сұрағы.
«Мен – қазақпын», — деді адам.
Құдай… қосылып жылады.

© Boribay_Bekarys