«Целитель Адамс» (1998 ж.) фильмінің басты кейіпкері — жәй дәрігер қызметін атқарушы ғана емес, нағыз емші. Экрандағы көрініс арбайды, көңіл шерін қозғайды, ойландырады, күлдіреді, тебірентеді, кей тұстарында жылатады, дегенмен өте мейірімді кино.
Біз үшін дәрігер — мамандық. Ол адам баласының денсаулығын қарайды, ем қойып, дәрі белгілейді. Бұдан артық ықылас бөлінбейді. Кей кездері дәрігерлердің дөрекі мінезін де аңғарасың, сондықтан да болар, соңғы уақытта көп адам шаманың келгенінше ақылы емханаларға барады.
Бұл ғибратты фильмдегі оқиға өмірден алынған. Осы дүниеде еш өзінің пайдасы үшін емес, шын ниетімен жақсылық жасайтын адамдар бар екеніне көзің жетеді. Соның бірі — кинодағы Пэтч. Оның жақсы бір сөзі есімде қалды. «Дәрігер болу үшін ауруды ғана емес, ауырған адамды емдеуге үйрену керек».
Ол жанның емі көңілдің көтеріңкі болуында деп табады. Қатерлі ісікке шалдыққан адамдарға күлкі сыйлайды. Тапқырлығымен езуіңе еріксіз күлкі үйіртіп, жаныңды жадыратады. Әпенділік қылықтарымен, іс-әрекетімен жұрттың күлкісін тудырып, күлкімен көңілдерін жасартып, hәм өмірін ұзартады. Шынымен де күлкі бар жерде өмір бар. Күлкі — күллі жаманшылық атаулыға, әртүрлі дертке қарсы қолданатын қуатты қару.
Демалыста отбасыңмен отырып көретін фильм. Сөнбеуге, бір орында қалмауға, тоқтамауға, алға қойған мақсаттарға жетуге үйретеді.

Уақыт – оқиғаның ұзақтығы және тiзбектiлiгiн сипаттайтын физиканың негiзгi түсiнiктерiнiң бiрi. Ньютон дәуiрiнен Эйнштейнге дейiн уақыт пен кеңiстiкке байланысты ұғымдар терең қарастырылып, уақыт барлығына бiрдей “абсолюттi” және “бiрқалыпты” ағады деп есептелдi. Физика ғылымы ежелден уақыт пен кеңiстiк түсiнiктерiн зерттеп, кеңiнен мағ­лұмат бергенiне қарамастан, осы өлшемге қатысты ғылым түсiндiре алмайтын құбылыс­тар шаш етектен.
1943 жылы ел аузында “филадельфиялық тәжiрибе” аталып кеткен құбылысты бүгiнде жоққа шығарушылар көп. Десек те осы тәжiрибеге Альберт Эйнштейннiң өзi басшылық еттi. Эйнштейн жау көзiне көрiнбейтiн әскери кеме жасамақ болды. Сөйтiп, әскери кеменi магнит өрiсiмен жасыруды шешiптi. Тәжiри­беге 181 адам қатысқан. Бiрақ кеме көзден таса болып, бiрнеше күннен кейiн мүлде басқа аймақтан табылды. Сөйтсе, 181 адамнан небәрi 21 экипаж мүшесi ғана тiрi қал­ған. 160 адам түрлi себептен көз жұмыпты. Басым көпшiлi­гiнiң қатты қорқыныштан жүректерi жарылып кеткен.
Сонда кеме қай­да ғайып болды? Ол уақыт кеңiстiгiнде жоғалып кеткен.
Рас, бұл тұжырым физика ұғымдарына жат. Дегенмен ға­рыш­тағы бiр қара ойықты екiншiсiмен жалғайтын “арнайы жолдарды” пайдаланса, өзге уақыт кеңiстiгiне саяхат жасауға болады. Алайда қара ойықтың мықты тартылыс күшiн ескерсек, бұл тәжiрибе­нi iске асыру өте қауiптi екенi даусыз.
Бұрынғы заманға саяхат жасап келгендердiң қатарында Елена Зайцева есiмдi Мәскеу облысының тұрғыны да бар. Елена әдеттегiдей кептелiске тап болмаудың қамымен таңғы бес жарымда тұрып, жолға шыққан. Алайда сол жолы Еленаның жолы болмай, көше кептелiске толып қалыпты. Кептелiстi айналып қашамын деп өзi жақсы бiлетiн көшеге бұрылған. Сол көшемен ызғытқан Елена тағы бiр рет бұрылуы қажет болатын. Себебi келесi бұрылыста бас жолға алып шығатын тағы бiр көше басталуы керек едi. Елена көлiгiнiң жылдамдығын тежеп, келесi бұрылысқа бұрыла бергенi сол едi, өзiне таныс көшенiң орнына беймәлiм ауыл басталды. Жан‑жағына қараса, ағаштан жасалған үйлер, жолды қалың қар басып қалған. Бiрақ қолындағы сағаты алтыдан бес минут кеткенiн көрсеттi. Мұндай азғантай уақыттың iшiнде өзге ауылға жету мүмкiн емес. Түкке түсiнбей аң‑таң болған Елена бiр кезде қолына күрек ұстап, қармен омбылап бара жатқан ер адамды көрдi. Аяғына байпақ, үстiне тон киген ер адамға жақсылап үңiлген Елена оның киiмдерi ескi сәнде екенiн байқады. Бойжеткен жан‑жағына тағы бiр анықтап қараса, үйлердiң бiрде‑бiрiнде антенна жоқ. Көшеде де мәшиненiң жүрiп өткен iзi көрiнбейдi. Тым жұпыны үйлер бұрынғы заманның ғимараты тәрiздi. Елена осы кезде барып өзiнiң бұрын­ғы заманға тап болғанын түсiндi. Қатты қорыққаннан дел‑сал күйге түсiп, мең‑зең болды. Бiр кезде әлгi ауыл көзден ғайып болып, Елена өзi бұрылуы тиiс болған көшеден бiр‑ақ шықты.
Адам нанғысыз оқиғаны бастан кешiрген бойжеткен артынша тарихи құжаттар мен мұрағаттарды зерттеп‑­зерде­ледi. Сөйтсе, өзiн өткен заман­ға апарған көшеде осыдан қырық жыл бұрын бiр ауыл бол­ған екен. Елена сол ауыл өмi­рiнiң бiр сәтiн көрiп қайтыпты.
Елена өткен тарихты көрiп қайтқан жалғыз адам емес. 1983 жылы Коломбодан Бомбейге қарай бағыт алған жүк кемесi бiрнеше айға жоғалып кеткен. Бұл уақыт iшiнде кеме Бомбейге жету түгiлi, бүкiл әлемдi аралап қайтуға болар едi. Бiрақ кемедегi бүкiл құрыл­ғылар оның дұрыс бағытпен жүргенiн, жолдан адаспағанын көрсеткен. Соған қарамастан кеме капитаны Таккер жұмыстан қуылды. Капитан мен экипаж мүшелерiнiң ақтал­ған сөздерiне ешкiм құлақ аспады. Бұған ашулан­ған кеме капитаны жұмыс берушiнi сотқа бердi. Осы сотта кемедегi дыбыстық жазбалар тыңдалды. Расында да, кеме өз бағытынан ауытқымаған. Тек соңғы рет байланысқа шыққан соң жоғалған кеменiң ненi бастан кешiргенi түсiнiк­сiз. Дыбыстық жазбада мықты атмосфералық разрядтар естi­ледi. Ал кеме жүрiп өткен жерде мұндай құбылыстың болуы мүмкiн емес.
Сот кезiнде кеме капитаны Таккер бұл уақытта өздерiне теңiз қарақшылары шабуыл жасағанын мәлiмдедi. Айтуын­ша, өздерiне шабуылдаған кеменiң түр‑түсi мүлде бөлек, көне үлгiде көрiнедi. Әрi көтерген туы да өмiрде жоқ мем­лекеттiкi. Оның үстiне ұлты белгiсiз теңiз қарақшылары ауыр қылыш асынған. Қолында қаруы бар экипаж мүшелерi қарақшыларға тойтарыс берген. Тiптi бiрiн өлтiрген көрiне­дi. Артынша Таккер қарақшылардан қалған кейбiр киiм­дердi ғалымдарға көрсеттi. Зерттеушiлер бұл киiмдердiң XVI ғасырға жататынын анықтады. Ал “Милена” кемесiнен табылған қан iздерiн идентификациялау мүмкiн болмай шықты.
Бұл құбылысты түсiндiре алмаған ғалымдар кеме өзге уақыт кеңiстiгiне кiрiп кеткен болуы мүмкiн деген болжам жасады. Альберт Эйнштейннiң монографияларында өзге уақыт кеңiстiктерi туралы жазылған.
Қызығы, бүгiнде зерттеу­шiлер Эйнштейн жасаған кейбiр тұжырымдарды қайта қарастыра бастады. Мәселен, ұлы ғалым “ғаламның ешбiр бөлшегi жарық жылдамдығынан артық жылдамдықпен қозғала алмайтынын” дәлелдеген. Швейцариялық ЦЕРН-де тәжiрибе жасаған ғалымдар нейтрино бөлшектерiнiң қозғалысы жарық жылдамдығынан алпыс наносекундқа артық екенiн анықтады. Бұл – болмашы көрсеткiш. Дегенмен осы тұжырым дәлелденсе, осы алпыс наносекундтың өзi көп нәрсенi өзгерте алады. Жарық жылдамдығын басып озған нейтринолар кеңiстiктi жүрiп өткен кезде өткен шақ пен келер шаққа саяхаттауға жол ашылатынын сол кезде түсiндiре алар едiк.

Кеудемдегі жүрегім жұдырықтай болсада, мұхиттай үлкеееен сезімім бар. Сүйемін! Иә, сүйемін өмірімді… Қайсар мінезімен тәнті еткен, қиналғанда анамның, біздің мықты тіренішіміз бола білген асқар таудай әкемді сүйемін! Жүзінен жылу мен мейірім сезілетін, жүрегінен шексіз мөлдір махаббат сезілетін аяулы анашымды сүйемін! Бауырларымды жанымдай жақсы көремін. Маңдайын әжім басқан, ақжаулығын тастамай тағатын, мені көрсе балаша қуанып шөлп-шөлп етіп сүйетін әжемді жақсы көремін. Сырласа білетін достарымды сүйемін.
Таңмен таласа шығып, шұғыласын көкке жаятын күнді сүйемін. Қызара атып келе жатқан кун нұры… Күн көзінен нәр алатын, жайнап, жайраңдап тұратын, қыр- сыры көп тылсым табиғат. Сылдырап, мөлдірей аққан бұлақ… бірі самғап ұшып жүрген, бірі сыңғырлай ән салатын әдемі құстар..Әдеміліктің символы болып, жайқалған әсем алуан түрлі гүлдер. Сол гүлді жағалай ұшқан көбелек, бал жинаған аралар… Күн күркірей тамшылап жауған ақ жауын. Ақ жауынның тамшыларына шомылған әр түрлі жасыл желек. Жауыннан соң тап-таза, мөлдір, тұнық түссіз ауа. Ақша бұлттар көк аспанда қалықтайды… Жайқалған кең дала… Кеш бата жымыңдасып шығатын жұлдыздар, сол түнгі аспанның символындай көрінетін жарық ай… бәрі-бәрі тамаша табиғаттың тылсым кереметтерін сүйемін!
Ең биік шыңын бұлт аптаған, әппақ қар жамылған таудың шыңына шыққым келеді. Биік таудан құлаған қарды (снегопад) көргім келеді. Әттең, биікке көтеріле бастағаннан мұрыным қанап, қан қысымым көтеріледі, бірақ сондада жақсы көремін.
Біздің Түлкібаста жеміс-жидектердің түр-түрі көп(бүлдірген, итмұрын, долана, алма, алмұрт, шие, өрік, т.б) Осы жемістерді жақсы көремін. Қандай әдемі, сондааай дәмді әрі пайдалы. Майда жайқалып қызыл желегімен жерді әрлеп тұратын қызғалдақты жақсы көремін. Алыс кетсем сағынатын туған жерімді сүйемін!
Құлағыңнан кіріп, бойыңды алатын әдемі сазды әнді сүйемін. Сүйікті әнімді жаймендеп қойып, қажетті істеріңді тез-ақ аяқтап аласың, уақыттың қалай өткенін байқамайда қаласың. Кітап оқығанды жақсы көремін, жаздың жайдары күндері, парктеее көк шөпте отырып оқып отырсаң. Ал, суық күндері жарқырап түсіп тұрған электр көзі диван, жылы плед, шынайяқ кофе өте әдемі үйлесім.
Кешкі қаланы жақсы көремін. Жарқыраған, әдемі өрнектелген шамдар қалаға көрік береді. Беседка, балмұздақ, семки, кола… достарынмен қызықты әңгімелер… Үлкеен кинотеатр...әсерлі фильм… поп корн...
Былдырлай жүгіріп, сыңғырлай сөйлейтін сәбилерді жақсы көремін. Еш алаңсыз тәтті ұйқысы, нәзік күлкісі, әдемі жұпар иісі… сол сәбидің әкесі… бақытты отбасы...әзірге жоқ болсада, бәрібір жақсы көремін. Тіпті, солар үшінде өмір сүріп келемін…
Көөөп нәрсені жақсы көремін… айтып жеткізуге сөзім жетпей барады… Санамды сансыз армандар, жүрегімді шексіз сезімдер билейді. Кішкентай ғана, жұдырықтай жүрегіме осыншама сезім қайдан сияды екен? О, Құдырет! Осыншама ғаламды қалай ғана керемет етіп жаратты екен? Көзге көрінбейтін сансыз ойлар, терең сезімдер, әдемі ақыл… бәрі-бәрі бір-бірімен үйлесіп, үндесіп тұр. Бәріненде осының бәрін жаратқан құдіретті, ұлы күш иесі Аллаһты сүйемін!!!

27 қаңтар күні Түркия Республикасының елшілігінің ғимаратында (Тәшенов көшесі 3) кешкі сағат 17:00- де белгілі дәстүрлі әнші, сазгер Зағипа Иманғазиеваның «Gel gör beni» (Кел көр мені) атты бейнеклипінің тұсаукесер рәсімі өтеді.
Салтанатты шараға Астана қаласының әкімі Иманғали Тасмағамбетов, Парламент Мәжілісінің депутаттары Бақытбек Смағұлов, Нұртай Сабильянов, Оразкүл Асанғазы, ақындар Серік Тұрғынбекұлы, Дәулеткерей Кәпұлы және басқада қоғам қайраткерлері мен журналистер қатысады деп күтіліп отыр. Сондай-ақ бауырлас Түркия елінен де Ескі шеһир қаласының әкімі, Түркі дүниесі одағының президенті Орал Бүйүксары бастаған мәртебелі қонақтар келмек.
Аталмыш шара елордамыз Астанадағы «Түрік мәдени орталығының» қолдауымен өткелі отыр.


Зағипа Иманғазиева ¬– Қызылорда қаласындағы Қорқыт ата университетінің түлегі. Халық әндері кафедрасының ішіндегі жыраулық дәстүр мамандығын үздік бітірген. Нұртуған ақын мектебінің өкілі, фольклор зерттеушісі, дәріс беруші әрі дәстүрлі әнші-сазгер.
«Елім менің» патриоттық әндер байқауының «Аманат» номинацияның бас жүлдегері, «Дала дауысы» халықаралық радиофестивалінің лауреаты.
Бірнеше халықаралық үлкен байқаулардың лауреаты,
Түркияның мәдениет министрінің арнайы шақыртуымен Анадолы елінің бірнеше қаласында және Ескішеһир қаласында бірнеше мәрте жеке концертін өткізіп Қазақ-түрік мәдени байланысының нығаюына ат салысушы әрі түркі халықтары арасында қазақ өнері мен мәдениетін дәріптеп жүрген өнер иесі.
«Gel gör beni» (Кел көр мені) ¬– термесі атақты түрік шайыры Жүніс Әміренің (Юнус Емре) туындысы. Жүніс Әміре шамамен (1238-1320) жылдары аралығында өмір сүрген түрік ақыны. Қазақ даласында туып, Осман империясының алғашқы астанасы болған Ескішеһир қаласында дүние салған. Анадолыдағы Қожа Ахмет Иасауи жолын қуған сопылық мектептің негізін қалаушы.

Бұрын бастауыш мектеп оқып жүргенімде базарға барып пакет сататын едік. Сонда сол пакетті 50 тиыннан алып, 2 теңге сататынбыз. Сонда ет алушыларға етін салу үшін екі-үш бала таласып, өзінің пакетін өткізу үшін ілінісіп қалатынбыз. Сонда не жоқ дейсің ғой бізге? Қазақты өлтіретін мына сөз ғой: Анау пәленше көршінің баласы анандай жұмыс жасайды, сен неге жасамайсың деген?
Осыны естігенде саған ұсыныс сұрақ емес қой, сұрақ форматындағы бұйрық қой. Үн шығармастан, жұрттың баласынан неміз кем деп, белді бекем буып алып базарға қарай бет аламыз. Сонда таң ертеңнен кешке дейін 40 пакет сатқанымызға мәз болып, кепкамызды аспанға атумен келеміз ғой. Сонда 6 шақырым жолды ерінбей жүріп келеміз. Бәлкім, ол кезде маршрутты таксидің болмауынан шығар. Айтқандай болған, бірақ олар ақшасы жоқ деп мінгізбей кететін. Қайтсін, ол да бала-шаға бағып жатқан бейбақ қой. Сол кезде олай ойламайтынбыз, дөңгелегіңе шеге кіріп кеткір деп қарғайтын едік. Енді осыны есіме түсірсем, шынында бала болған екнебіз ғой. Әйтпесе анау қарғыстар іске асса, нәтиже жаман ғой.

Қысқаметражды фильмдердің көрермені болу сүйкімсіз іс. Олар кинотетарларға шықпайды, 10-20 минуттық сюжеттер аса үлкен эмоциялар сыйлап та үлгермейді. Оны түсіретіндер де көп жағдайда кино әлеміне алғаш қадамдарын басқан атақсыз, абыройсыз жастар. Әрине қысқаметражды фильмдерде революция жасаған Pixar-дың режиссерлерінің анимациялық, ойы терең, суреті көркем, пәк туындыларынан басқа қарайтын ештеңе жоқ сияқты.
Осыған дейін мен де солай ойлап келдім…
Бірақ интернеттің қазыналары кейде аяқ астынан шығып жатады. Сонымен kothvosta.ru сайтымен таныс болыңыздар. Бұл сайт Рунеттегі қысқаметражды фильмдерге арналған жалғыз ғана сайт. Сайтта басыңды ауыртатын мақалалар, қажетті-қажетсіз рецензиялар және т.б. кино туралы сайттарға тән ұсақ-түйектер жоқ. Блог түрінде сайт авторы әртүрлі өзі таңдаған, ұнатқан, таңғалған қысқаметражды фильмдерге бір-екі абзац ойын білдіріп, фильмдерді жүктеген. Фильмдер тақырыптар бойынша бөлінген, бірақ бастысы ол емес. Бастысы, автордың шынымен де, ерінбей ізденіп, интернеттің түкпір-түкпірінде шашылып жатқан, белгілі-белгісіз қысқаметражды фильмдерді бір ортаға жинағандығы. Қарапайым ғана ой осындай керемет сайтты дүниеге әкелген.
қысқаметражды фильм бөлек зерттелетін, керек десеңіз, толық метражды фильмдерден де ауыр, үлкен жұмысты талап ететін сала екенін сайттағы шедеврлерді көре отырып түсінетін боласыздар.
Бюджет лимиті, тіпті кейде бюджетсіз және аз ғана минуттар ішінде басы, ортасы, аяғы бар, ой салар фильм түсіру тек таланттардан басқа, ешкімнің қолынан келмейтін дүние.
Сөз соңында кино деген сөзге қатысты арманы, мақсаты бар керекинфолықтарға қолдарыңызға ұялы телефондарыңыз немесе жай DSLR фотоаппаратттарыңызды алып алғашқы қысқаметражды фильмдеріңізді түсіруді бастаңыздар.

1875 жылдың 2 маусымында Бостон университетінің Шешендік өнер мектебінің профессоры Грехем Белл ең алғаш рет байланыстырушы сымдардың көмегімен өз көмекшісінің даусын естиді. Өнертапқыш шотландтықтың бұл жаңалығы тарих бетінде телефон деген атпен қалды. Бір қызығы, өнертапқыштың есімі ағылшын тілінен аударғанда, «қоңырау» деген мағына береді.
Арада бір ғасырға жуық уақыт өткенде ең алғашқы ұялы телефондар пайда болды. Иллинойс технологиялық институтының түлегі Мартин Купердің өнертапқыштық бұл жаңалығын қазір әлем халқының жартысына жуығы күнделікті қолданып отыр

«Бора-Бора тынысының» самаладай жарық редакциясына имене кірдім. Әйт десе зытқалы тұрмын. Сұрастырып жүріп, редактордың бөлмесін тауып алдым. Білә, хатшы қыз*:

Ал сіз қалай жауап берер едіңіз Алексей Шевченкоға?

Бұл Талғат Жайлауов. Хоккейден «Жұлдыздар матчында» ойнаған кезінде