Алдында айтқан форумға бардым сенбі күні. Шынымды айтамын, баяндама өзім жаздым, интернеттен көшірмедім, бірақ мәліметтер қарадым. Форумға барсақ, барлығымызға тулар, бейджиктер дайындап қойыпты, сахнаны безендіріп қойыпты. Көрме де жасап қойыпты.





Ең алдымен, білім бөлімінің бастығы баяндама оқыды. Толығымен интернеттен алған ғой. Анау оқыған сайын жыным кеп отты ғой, үп-үлкен адам тәжірибесі бар судыратып оқып тұр ғой. Содан кезекпе-кезек біз оқыдық. Соңында шағын концерт болды. Жалпы, жастар барлығы сендердің қолдарыңда, белсенді болыңдар деген мақсатта ұйымдастырылған. Нұр Отанды насихаттады. Жүргізуші соңында «Көріскенше күн жақсы » дейін деп жатқан шығар десем, «Көріскенше күн нұрлы болсын» деді ғой)))

Бүгін бір қызық болды. Осыдан бірнеше күн бұрын құрбым: «21 қараша — дүниежүзілік әжетхана күні екен» деді. Содан барлығымыз күлдік. Ендігі кезекте, әжетханаға да бір күнді беретін болған ба деп ойладық. Сол құрбым бүгін таңертең көрген уақытта қалжыңдап мейрамыңмен дейді. Содан ол сөз өз арамызда қағытпа қалжыңға айналып кетті. "Әжетхананы құттықтап, сыйлық апаратын екен" деп әзілдегендер де болды. Бұлар ештеңе емес қой, ғаламторға, әлеуметтік желілерге кірсем құттықтау сөздер, мейрамдарыңызбен деген сөздер толып жүр. Ең соңында инстаграмға кірсем бір қолданушының суретінің астындағы сөзге көзім түсті. «мейрамдарыңмен!» деп сурет жүктепті. Басында мынауысы несі әжетхана күні де кәдімгідей аталып өтетін болған ба деп қоям ғо. Содан сурет жүктелді, қарасам теледидар. Ең қызығы, бүгін телевизия күні екен ғой!
Мемлекетіміздің телевизия саласындағы қызметкерлері мерекелеріңізбен шын жүректен құттықтаймын! Қыстай қатты денсаулық, көктемдей жайнаған өмір, жаздай ыстық махаббат, күзгі жапырақтардай көөөп идеялар мен тың ойлар тілеймін!!! Барлықтарыңызға Алланың нұры жаусын!

Бала күнiмде шамасы осыдан 10 жыл бұрын.Жаздың күнi.Ержан атты досым болатын.Бiр көшеде тұрамыз, бiр сыныпта оқимыз.Өзi мактау сүйгiш бала едi.Оқу жылы жақындап келедi.Мектепке дайындық.Ата-анамыз киiм-кешек, бiзге қажеттi заттардын барлығын алып бередi.Сол Ержан досым бiрде үйiме келiпНұржан мен 300 теңгеге туфли алдым, сен қаншаға алдың", дегендi.Ал мен өз туфлиымды 1500 теңгеге алғанымды айттым,әлгi досым «Нұржан сен 1500 теңгеге бiр ғана туфли алсаң, мен 5 туфли аламын», деп бiр мақтанды.Сөйтiп оқу жылы басталды.5-сынып оқимыз-ау шамасы.Жаңагы туфлиын айтып сыныпта барлығына мақтанып шықты.Мұғалiм келдi, сабақ басталды.Қонырауда әбден жүгiрген Ержан досымның туфлиының бiр табаны түсiп калды.Өзi мән бермейдi оған.Не керек төрт сабақ бiткенше Ержанның екi табаны да түсті.Сабақтан қайтқанда екi табанын ұстап қайтқан жайы бар.Мұнымен айтқым келгенi,«арзан дүние тұтынушыны өзiне көп тартады», екен…

Жақын аралықта қазақстандық әскер толықтай дерлік кәсіби қызметке ауысады деген жаңалық дәстүрлі БАҚ-та еленбей қалғаны қызықты. Өзге бір мемлекет болса, мұндай сөздер «Жыл жаңалығына» ұсынылар еді, себебі реформа мемлекетіміздің көптеген азаматтарына тікелей әсер етеді.
Аталмыш реформа жайлы Қазақстанның қорғаныс Министрінің бірінші орынбасары, генерал-полковник Сәкен Жанұзақовтың сұхбатынан толығырақ оқуға кеңес беремін. Өз кезегімде мен өзіме едәуір қызықты көрінген үзінділерді ерекше атап өтейін.



Басты жайлы қысқарақ: қазіргі кезде Қазақстанда 12 мың мерзімді қызметтегі сарбаздар бар, олардың ішінде, осы күзде 6 мың шамасында адам босатылып, орнына 1500 ғана жинақталады. Осылайша, Министрдің орынбасарының сөзі бойынша, 2016 жылы әскердің 99% кәсіпқойлар құрайтын болады.

Осыған орай, сөзсіз, жедел қызметтегі сарбаздарды мемлекетпен келісімшартқа отыратын сарбаздарға ауыстыру ғана емес, сонымен қатар әскер қызметіндегі кейбір артықшылықтарды ауыстыру да қажет. Кейбір тұстары бойынша біздің заманауи әскер «бір адам төбедегі адам шамды бұрайтын, ал сегіз адам оған бұйрық беріп тұрған» анекдотты еріксіз есімізге түсіреді. Әскерде, әрине, пропорциялар өзгеше келеді, дегенмен де әрбір төртінші адам -офицер. Министрдің орынбасары бұл жайтты ұғынып қана қоймай, әрі қарай дамудың дайын жоспарын- негізінен сержанттық құрамға екпінді бұруды ұсынуы қуаныш ұялатады. Мысалы, қазір іссапарларды рәсімдеу және бұйрықтарды құрастырумен майорлар айналысады. Жұмыстардың мұндай түрлерін сержанттарға оңай беруге болатыны да қисынды.
Алдыңғы мақалада баяндағанымдай, Құрлықтық әскер оқыту орталығына барған кезде, қолым босаған сәтте бірнеше жыл бұрын ғана өзі үшін мақсатты түрде келісімшарттық әскерде қызмет етуді таңдаған бірнеше адамдармен сөйлескен болатынмын.



Лейтенант Әсет Рахымжанов:
— Мен Құрлықтық әскерлердің Әскери Институтын «Моноатқыштық әскерлердің командалық тактикасы» мамандығы бойынша аяқталғанмын, институттан кейін жолдама арқылы мен оқыту ротасының командирі қызметімен Спасске жіберілдім. Әскери мамандықты таңдауға мен біртіндеп бел будым, әрдайы әскердің келешегі мол деген сенімде болатын. Семейде оқығанымда, мектеп жасынан бастап мен өз мемлекетіме қызмет етіп, еліме тірек болғым келетін. Оған қоса, офицерлер бұрыннан еліміздің алтын қоры есептелетін.
Институтта танкілік әскерлер, артиллерия, әуе-десанттық әскерлер және т.б.секілді мамандықтардың бірін таңдауға болатын. Мен моноатқыштық әскерлерді таңдадым. Институтқа түскен кезімізде, біз Қарулы Күштермен 10 жылға келісімшарт жасастық.



Взвод сержанты, 3 санатты сержант Балтай Балмуханов:

— Мен Қарағанды облысының Бұхар-жырау ауданында, Үміткер ауылында туылдым. 2002 жылы Қарағандыдағы Кеңес Одағының екі рет Қаһарманы атағын алған Талғат Бигельдинов атындағы Республикалық әскери интернат-мектепке түстім. Ол жерге оқуға түспей тұрып, маған әскери форма өте ұнайтын. Мен бұл жайлы ата-анама айтқан едім, олар мені сол оқу орнына жіберді. Маған «суворов училищесі» берген құндылықтарының ең бастысы- сірә, тәртіп болар. Менің арғы қызметімде бұл қасиет септігін тигізді. Оны аяқтаған соң мен атқыш қызметінде, кейіннен аға авиациялық механик, кейіннен бөлім командирі қызметінде Шекаралық әскерлерде мерзімді қызметтен өттім. Мерзімді қызметтен кейін Қарағандының Октябрь военкоматында қызметкер болдым. Содан соң 2007 жылы келісімшартқа отырдым, 2009 жылы мен қызмет атқарған бөлімде қызметкерлерді қысқарту болғанмен, ол жерде басқа бөлім жасақталып, аталмыш оқыту орталығы үшін адамдар жинап жатқан еді.

Іріктеу алты сатыдан тұрды, мен алты аттестациядан өткен болатынмын. Сержанттық құрамды іріктеуді ол кездері генерал Қаражанов мырзаның өзі жүргізді. Конкурстың талаптары шын мәнінде де биік болды, 150 адамның ішінен оқыту ротасына тек 7 адамды ғана іріктеп алды. Біз атыс дайындығынан, топография, тактика, саптық, ең бастысы-физикалық дайындықтан өттік. Осылайша, 2010 жылдан бастап біз осы жерде әскери міндеттілерді, оның ішінде негізінен 27-35 жас аралығындағы адамдарды оқыта бастадық: басында олардың саны 14 болса, кейіннен 500, кейіннен 900 адам болды, ал осы жылы олардың саны тағы да 900 адамға жетті.
Қазір қызметтегі маған ұнайтыны- сержанттық желі бойынша қызмет сатысымен өсуге болады. Демек, талпынар мақсат бар дегеніміз. Менің ата-анам зейнеткерлер, сол себепті мен өз бетімше өсіп, ақша табуға тырысатынмын. Қазір менің отбасым, екі балам бар. Жұбайым басында біздің жиі түрде іссапарға шығатынымыз, түнгі кезекшілікте болатынымызды түсінбейтін. Ал қазір әскер дегеннің не екенін біледі. Менің ойымша, егер адамға әскерде қызмет ету бұйырса, оны орындау керек. Ал өсуге келетін болсақ, бағыт ылғи да табылады.

ЖҮРЕГІМ

Бәз біреуге ғашық болсам аңсайтын,
Әлденеге асық болсам шаршайтын,
Күллі әлемнің құдіретін сезетін,
Қажет болса жылайтын да, күлетін –
Өзіңсің ғой жүрегім!

Көрсетпестен жанарыңды, бөркіңді,
Билеп алып еркімді,
Түсінетін жасырынған дертімді,
Арқалаған тәңір берген еншімді –
Өзіңсің ғой жүрегім!

«Completely Automatic Public Turing Test to Tell Computers and Humans Apart» –адамдар мен компьютерлерді ажырату үшін арналған Тьюрингтің толық автоматтандырылған тесті. Басқаша айтқанда: адам оп –оңай шеше алатын мәселені компьютер мүлдем шеше алмайды немесе ондай мәселені шешуге компьютерге үйрету өте қиын. Қазір көбінде CAPTCHA-ны сурет күйінде көреміз. Кішігірім сурет. Ішінде бір –екі сөз немесе сандар мен әріптердің бейнесі бейнеленеді. Адам тани алатындай бейнелердің көрінісі бұзылады. Адамға тән жан –жақты саралаудың үйренгіштігі және оның күрделігі компьютерге жетпейді. Адам суретке қарағанда көргенін ой елегінен өткізеді, сондықтан кейде суреттегі жоқты ақылы бейнелеп көрсете алады (жастыққа ұқсас бұлт -парейдолиялық көру) бірақ мұндай суретті барлығы бірдей қабылдамауы мүмкін.
CAPTCHA не үшін қажет?

Тұсауы кесілгеніне небәрі бір жыл толған Астана қаласындағы «Әзірет Сұлтан» мешіті көптеген іргелі шараларға мұрындық болып, көпшіліктің ықыласына бөленіп келе жатқаны мәлім. Мешіттің бас имамы, наиб мүфти Қайрат Жолдыбайұлының тікелей басшылығымен қолға алынып, іске қосылған тағы бір қуанышпен бөліскіміз келеді.

Елімізде қалыптасқан діни ахуалды жақсартудың бірден бір жолы – діни үгіт-насихат екені көптен айтылып келген. Ал, қазір халыққа көзбен көріп, құлақпен еститін аудио және видео өнімдердің тиімді екенін ескерсек, жалпақ жұрттың діни сауатын көтеруге қызмет ететін заманауи студия ашу күн тәртібіндегі өзекті мәселе болатын.

Енді міне, көптен күткен аудио және теле студия Астана қаласындағы «Әзірет Сұлтан» мешітінде жабдықталып, ашылып отыр. Студияның құрылғылары мен бөлшектері берісі Ресей, әрісі Америка Құрама штаттарынан арнайы тапсырыспен алдырылды.

Халықты асыл дінімізге даналықпен, терең біліммен шақыруға бастама болсын деген ниетпен бұл студияға «Хикмет» деген ат қойылды. Бұл студияда әзірленген үн таспалар мен бейнеөнімдер бүкіл Қазақстан халқының дұрыс діни сауатын ашуға мол үлес қосылады деп күтілуде. «Хикметте» әзірленген діни бағдарламалар бірінші кезекте мемлекеттік телеарналарда және арнайы ашылып жатқан «HIKMET.TV» интернет порталында көрсетіледі деп жоспарлануда.

Сондай-ақ, «Хикмет» студиясының өнімдерін мол таралыммен көбейтуге арналған ең соңғы үлгіде жасалынған арнайы диск көбейткіш дубликатор алынып іске қосылды.

Бүгінгі таңда осы дубликаторда көбейтілген аудио және видео өнімдерді мешіт жамағатына, студенттерге және еліміздің түкпір-түкпіріндегі ауылдарға тарату ісі басталып кетті. Іске сәт! Алла жаңа ашылған студия жұмысына береке берсін!

Пакистандық Абдул Саттар Эдхи қайыр тілеумен айналысады. Бірақ оның басқа қайыршылардан айырмашылығы бар. Ол қазір 25 жекеменшік аурухана, 1800 жедел жәрдем көлігі мен 335 көмек көрсету орталығының иесі екен.


Ақшасы болмағандықтан ауру шешесін ажалдан арашалап алуға шарасы болмағанын ұмытпаған Эдхи енді мұндайды ешкім бастан кешірмесін деп, үй-үйді аралап жүріп жинаған ақшасына тұрмысы нашарларға арналған аурухана ашқан екен.
Қазір 85 жастағы* Эдхи әлі де көшеде қайыр тілеп жүр.
Қайыр тілеуді бастаған күнінен бастап әрбір тиынын жинап, 1951 жылы бір кішігірім диспансер ашыпты.
Көтерме бағамен сатып алған дәрі-дәрмектерді мұқтаж адамдарға нарықтағыдан төмен бағаға сатып, тұрмысы нашар адамдарға диспансерде тегін қызмет көрсетілуін қамтамасыз етіп жүрген Эдхи қоғамның сеніміне ие болғаннан кейін, қайырымдылық жасаушылар оның қайырымдылығына көбірек үлес қоса бастаған.
Оның жасағандары аз уақыт ішінде ел арасында таралған соң, оны көшеде қайыр тілеп жүргенін көргендер оның ақша жинау мақсатын білгендіктен садақаға деп көбірек ақша беріп, қайырымдылығына үлес қосқысы келгендер ол қайыр тілейтін көшеге жиірек баратын болған екен.
Өзінің "Қайырымдылық періштесі" деп аталуының себебін былай деп түсіндіреді:

«Тұрмысы нашар кедей адам екенім рас, бірақ ақшаға мұқтаждығы менен де көп адамдар бар».

*Бір ағылшынша ресурста жасы 90-ға таяп қалған дейді.
** Бассам Тариқ деген бір режиссер Абдул Саттар Эдхи туралы "These Birds Walk" деген деректі фильм түсіріпті. Тизері:


Дереккөздер:
Түрікшесі
Ағылшыншасы
Суреттер де сол жерлерден алынды

Бұрындары бұндай аса маңызды емес нәрселерге бас ауыртпайтын да едік. Ойлап отырсам CD дискілердің дәурені өтіп кеткенін байқамай да қалыппын. Үйдегі ноутбуктерде дисковод жоқ болғалы қашан? Тіпті флеш дискілерден, оны мұны информация сақтағанды былай қойғанда, операциялық жүйені қайта отырғызып та әбден үйреніп алғанымыз соншалықты, загрузочный дисктерімізді де флешкалар алмастырып үлгерді.

Қызықтың көкесі өткен жолы үйге келгенде (Алматыда оқып жатыр едім) болды,