Қайырлы күн!
Араларыңызда компьютерді қазақ тілінде қолданам дейтіндерін бар ма, бар болса, сіздерге төмендегі жаңалық пайдалы болады деген ойым бар. Кеңінен қолданылатын веб браузері Mozilla Firefox-тың қазақша нұсқасы бар болғаны туралы бұрынғыдан да білетін шығарсыздар. Кейбіреулерін оны біраз қолданып та көрген шығар.
Енді қазақ тілінде еркін бағдарламалар қатарына Libreoffice те қосылды. Бұрында болған (OpenOffice заманынан қалған) аудармасы кетірілді, және нөлден бастап жасалды. Міне, жүктеп алу сілтемесі. Орнату кезінде қазақ тілін таңдау керек болады.
LibreOffice және Firefox қазақша аудармалары стиль жағынан бірдей. Біреуіне үйренсеңіз, екіншісін де қолдана аласыз.
Ұсыныстар, түзетулер не басқа пікірлеріңіз болса, біздің форумда қалдыруға болады.
Айпақшы, қазақша емлені тексерудің жаңа сөздігі жасалып жатыр.

Скриншоты кат астында.

Кешелі-бері БАҚ бетінде Қызылорда облысы Қармақшы ауданының бір тұрғыны туралы ақпарат тарап жатыр. Рас болса ол он төрт жылдан бері өзге түгілі өзі де түсінейтін белгісіз белгілерді жазады екен.

Жұмбақ жазудың иесі Бауыржан Орынбаев. 31 жаста. Түініксіз жазуларды 17 жасынан бастап жаза бастаған. Бүгінде құпия жазбаларының саны 41 қалың дәптерді толтырып үлгеріпті. «Бауыржаннан өзі жазып-сызған белгілерді оқып беруін сұрай қалсаңыз ол еш мүдірместен зуылдата жөнеледі. Алайда Бауыржан жазған-сызғандарының мән-мағынасын ашып айтып бере алмайды. Ол оқып жатқанда құдды бір қисса-дастанды жатқа айтып жатқандай әсерге енеді. Бауыржан айтқан сөздерді ести қалсаңыз не араб, не парсы халықтарының көне тілі ме деп қаларыңыз анық. Себебі, әр сөздің дыбыс-ырғағы араб-парсы тіліне өте ұқсас келетінін аңғарасыз. Ал оған белгісіз бір дауыс «осыны жаз-сыз!» деп бұйыратындай», – деп жазады басылымдар.

Бір қызығы Бауыржан өз жазбаларын дін өкілдері мен ғалымдарға көрсеткенімен, әзірге бұл тылсым күш, белгісіз құпияның сырын аша алмапты. Сіз қалай ойлайсыз? Ол не болуы мүмкін?

Ауылға жиі барамын. Ауасы, айраны жағады. Әкемнің Үркен деген інісі бар. Аңшы. Саусағынан өнері тамған ұста. Әйелі төсек тартып қалса, «збагойно» тандырға нан жаба салады.
Атамның көзі тірісінде бізге атаған сиыры бар тұғын. Сол сиыр көктемде туғанда, тауға жіберіп, жаздың ортасында ақша керек болып қалып, сол бұзауды сатуға тура келді. Сату үшін әрине тауға барып, айдап келу керек.
Үркен тәтем(оңтүстікте ағаны тәте деп айтады) екеуміз жиналып қамданып жолға шығатын болдық. Жайылым ауылдан 10 км жерде негізі. Уйде ат ұстамайтын болғандықтан жаяу шығуға тура келді.
Өзімше кинодағыдай, рюкзак асынып, мұздай болып тұрмын. Үркін менің тұрысымды көріп: «Мыналарыңды таста, үшінші қырдан соң өзің-ақ лақтырғың кеп жібереді» дегенін мазақ көрдім. Намысым «слегка» тапталғандай болды)
Қош сонымен, сағат түскі 11-де жолға шықтық. Күн ыстық, бірақ бетіңді ыстық самал аймалап, сүйіп барады. Ескен самал маған да ұнап тұр. Екінші қырдың ортасына жете бере, айтқандай-ақ шаршап, тер сорғалап, заттарым ауырлай бастады. Үркінге сыр білдірмей келемін бірақ. Сезіп келеді сабазың!
Екеуміздің арамыз алшақтай бастады. 2 адымнан бастап, 100 адымға жетуге барды. Мен өліп-талып жеткенше, Үркін демалып, миығынан күліп отырады. Қасына барып, отырғанда ол тұрып, жолын ары қарай жалғастырады. Амал жоқ артынан сүмірейіп, жетіп алу керек.
Бұрын мұндай сұлулыққа мән бермеуші едім, осы сәтте табиғатымыздың қандай сұлу, саф алтын екеніне куә болдым. Үркін тез бол деп түртіп келеді. Аяқтан аяқ қалмады. Аяғым бағынбай бара жатқандай болды. Адамның белінен асатын шөптердің арасынан жүріп өту мүмкін емес. Жұпар исі аңқыған шөптер мұрынды жарады. Іштей өзімді боқтап, біраз жерге апарып тастадым. Өзімнің тірлігіме әдемілеп тұрып, «объективный» баға бердім…
Шаршап-шалдығып, кеш бата малшылардың тұрағына келдік. Келе салып жата кеттім. Түрім қиналып, әбіржіп кеткен. Адам аярлықтай еді) Жігіттер бірден түсінді, қалалық ақ саусақ екенімді. Күлді де қойды. Әңгімелері де басқаша, барлығы да тіпті басқаша екен тауда. Таудың ауасында шығар деп түйдім бар гәп. Киіктің етінен дәмді жасалған сорпаны ішіп, жатуға жинала бастадық. Жасымды сыйлап, кезекші қылды).Ыдысты жуып барып, әңгімелерін тыңдап жаттым. Өте-өте тамаша, ғибратты нәрселерді тыңдап жатып ұйқыға кеттім.
Ертесіне қамданып, тағы да жолға шықтық. Малды баққан еңбектерінің ақысын төлеп кете бардық. Қызғана да қызыға, қимай кете бардым оларды. Осылай мен тауларға ғашық болдым.

«Роксберидегі түн» — Джон Фортенберридің комедиясы (1998 ж.). Осы скетчтерде Уилл Феррелл мен Крис Кэттен классикалық костюм киіп алып, қыздармен танысу үшін түнгі клубтарды аралайды. Олардың басты міндеті бүкіл скетч бойы «Haddaway» тобының «What is love» деген әндегі ритмге сай бастарын шайқап жүру. Және ағайындының арасына кейде тағы бір бауыры келіп қосылады. Ал сол бауырдың ролін арнайы шақырылған жұлдыздар ойнайды. Кезінде сол рольде Том Хэнкс, Мартин Шорт, Джим Керри, Алек Болдуин және Сильвестр Сталлоне болған. Және осы актерлердің арасынан, менің ойымша, Джим Керридікі сәтті шыққан.

Классикалық трио:

Ақпан айының 20-сында қазақстандық кинопрокатқа «Фуга. Дорога в никуда» атты көркемсуретті фильм шығады. Киностан жобаның сценарий авторы Еркебұлан Жолдасовтан алынған сұхбатты сіздердің назарларыңызға ұсынады.

Халықаралық ғарыштық станциядағы ғарышкерлердің әрекеттері мен әңгімелерін осы сілтеме арқылы тікелей эфирде көріп тыңдай аласыз: Халықаралық ғарыштық станциядағы өмір (live)

Шаршадым…
Кәдімгідей шаршадым. Адамдардан шынайылық деген кетіп бара жатқан секілді. Өмірі асығып жүріп, негізгі мән беретін жағдайларға мән бермеппін. Өзімнің орнымды таппай дал боп жүргендеймін.
Жалпы не ой жейтіні белгісіз, алайда бір ой бар мені қатты шаршатады. Кейде осы өмірдің есігін өзім жапқым да келеді. Әттең, неге деймінде, тұтқаны жібере саламын. Сондағы шайтан үміт қой, ертең біреудің бір керегіне жарап қалармын деген. Сол сезім келгенде, адамдық статустан, заттық статусқа түсемін. Сонда мен затпын ба, адамдар қолданамыз деген?
Әлде, жас бала екен деп қолдану бәрімізге үйреншікті әдет пе?
Сосын тағдырдың сыйын күтіп жүрмін, мәә, мынау сенікі деп бөліп беретіндей. Енді өзім де аң-таң, ол не сыйлық болуы мүмкін деп ойым онға, санам санға бөлініп жатыр.

Бірде былай депті…
Шотландия ақыны Роберт Бернс бірде Лондонда Темза өзенінің жағасында серуендеп жүріп, жақсы киінген бір етжеңді адамның суға құлап кеткенінің куәсі болады. Сол сәтте бір бала суға қарғып түсіп, әлгі адамды құтқарып қалады да, жаңағы адам балаға ұсақ тиындар ұсынады. Бұны көргендер қатты ашуланып, жаңағы жуаннан өш алмақшы болады. Бірақ Бернс оларға кедергі жасап: — Тимеңдер! – дейді, – ол өзінің құнының қанша екенін біліп тұр…
Бірде неміс жазушысы Теодор Фонтане редактор болып қызмет істеп жүргенде, біреудің бір топ өлеңдерімен қоса қосарланған хатын алады. Онда былай деп жазылыпты: «Мен өлеңдерімдегі үтірді әдейі қоймай отырмын. Керек деп тапқан жеріңізге өзіңіз қоя беріңіз». Сонда Фонтане: «Келесі жолы кілең үтірлерді ғана қойып жіберіңіз, ал өлеңді мен өзім-ақ жазам» деп жауап жазып, қолжазбасын қайтарып жіберіпті.
Бірде Жюль Верннен:
— Сіздің қай мезгілде қиялыңыз шарықтау шегінде қызмет атқарады? – деп сұрағанда, атақты фантаст бірден:
— Таңертеңгілік, ұйқым ашылмай – тағы да бірер минут жата түсу үшін себеп-салдар ойлап табарымда, — деп жауап беріпті.

1.
2.

Адамдардың алдында әдемі болып көрінеміз, ал Алланың алдында…
Сіздер қалай ойлайсыздар?