«Қолжетімді тұрғын үй-2020» бағдарламасын жүзеге асыруда Ақтөбе облысы алдыңғы орындардың бірін иеленіп отыр.

2013ж. 24 желтоқсанда «Қазақстанның тұрғын үй құрылыс жинақ банкі» АҚ Басқарма Төрағасы Айбатыр Жұмағұлов Ақтөбе облысының Әкімі Архимед Мұхамбетовпен кездесті.

Кездесу кезінде олар, негізінен алғанда, «Қолжетімді тұрғын үй-2020» бағдарламасын жүзеге асыру барысын талқылады.

Бағдарлама бойынша жұмыс Ақтөбеде өткен жылдан бастап жүргізіле бастады. Осы уақыт ішінде Тұрғын үй құрылыс жинақ банкінің жергілікті филиалы 2 миллиард 307 миллион 96 мың теңгені мемлекеттік бюджетке қайтарды.

2012 жылы 319 ақтөбелік отбасы жаңа пәтерлерге қоныстанды. Биылғы жылы 607 пәтер пайдалануға беруге дайын, олардың 125-ін қазақстандықтар сатып алып та қойды.

«Ал жыл соңына дейін», — дейді Архимед Мұхамбетов, — «…біз қалған пәтерлерді мүмкіндігінше толығымен бөлуді жоспарлап отырмыз. Қазіргі уақытта тиісті құжаттарды дайындау жұмыстары жүргізілуде. Егер 2012 жылы үйлер қаланың ішінде салынса, 2013 жылы Ақтөбеде жаңа «Нұр-Ақтөбе» ықшамауданы пайда болды. Дегенмен, біз кейбір өңірлердегідей тұрғын үй бағасын көтермейміз».

Қазақстандықтар 2014 жылы алуы тиіс қолжетімді баспана, Архимед Мұхамбетовтің айтуына қарағанда, қазірдің өзінде салынып бітіп тұр. 2014 жылдың жазында ол үйлерді жайлыландыру жұмыстарын жүргізуге тендер жарияланады, сөйтіп, шамамен жыл соңына қарай ҚТҚЖБ 752 салымшысы пәтер кілттерін алатын болады.

«Ақтөбенің атқару органдары «Қолжетімді тұрғын үй-2020» бағдарламасына тиісті деңгейде қолдау көрсетіп отыр, — деді Айбатыр Жұмағұлов, — «үш жыл ішінде облыс әкімдігі Ақтөбе балалар үйіндегі жасөспірімдердің шоттарына 57 миллион теңге аударды, жыл соңына дейін ол шоттарға тағы 10 миллион түседі. Балалар үйінен шыққан кезде жасөспірімдердің біздің Банктегі шоттарында белгілі бір сомадағы тұрғын үй құрылыс жинақтары болады. Өздеріңіз түсініп отырғандай, жетім балалар үшін бұл – үлкен көмек».

Бұдан басқа, Әкімдік осында тұратын, ҚТҚЖБ салымшылары болып табылатын оралмандардың шоттарына да қазірдің өзінде 8 миллион теңге салды. Олардың саны облыста 88 адам. Жыл соңына дейін олардың әрқайсысының шотына тағы 10 000 теңге түсетін болады.

Кездесуде басшылар бюджеттік ұйымдардың қызметкерлерін қолжетімді баспанамен қамтамасыз ету мәселесіне де ерекше көңіл бөлді. Айбатыр Жұмағұлов пен Архимед Мұхамбетов тұрғын үй құрылыс жинақтарының артықшылығына қатысты «бюджеттік сала қызметкерлерімен» ауқымды үгіт-насихат және түсініктеме жұмыстарын кеңінен жүргізу керек деген шешімге келді.

Мұнымен қатар, Айбатыр Жұмағұлов жергілікті атқару органдарына Қолжетімді тұрғын үй бағдарламасын аудан орталықтарында да жүзеге асыра бастау қажеттігін ұсынды. Сондай-ақ жергілікті ірі компанияларға үй салуға жер бөлу мүмкіндігін қарастыруды баса айтты. Өз кезегінде ондай компаниялар өз қызметкерлері үшін тұрғын үй құрылыс жүйесі арқылы тұрғын үй салуға мүмкіндік алар еді.

ҚТҚЖБ Баспасөз қызметі

Өлең – ақын, өлең – шабыт, өлең – ұйқас,
Өлең – батыр, жорыққанда өрен айқас.
Өлең – дос, пенделікке рух берген
Өлең асыл құндылық, өлең – шайқас.

Өлең саған ақыл берер данаң болар.
Өлең – сырлас, қиындықта панаң болар.
Өлең – алтын, сарқылмас қазынамыз,
Өлең – білім, таусылсаң санаң болар.

Өлең – тіл, байлығымыз дара тұлға,
Өлең – патша, біріншілер санатында.
Қара халық басына іс түскенде
Осы өлең хан алдына баратында.

Өлең – ән, жүректерден орын алған,
Өлең – шешен, көсемдерді орып алған.
Өлең тылсым дүние түсінгенге,
Өлең – тұлпар, жүйріктердің жолын алған.

Өлең – кітап, жинағы парақтардың,
Өлең – пенде, куәсі сұрақтардың.
Құдіретін өлеңнің түсінсе деп,
Осы өлеңмен өздеріңе сыр ақтардым.

Самат Жүзбергенов
01.12.2013 ж.

ҚҰРМЕТТІ ИСІ ҚАЗАҚ ЖАНЫ АЗАТ БАУЫРЛАР!!!

Қазақ хандығы – Алаш үкіметі – Желтоқсан – 1991ж.

Бұл мейрам азаттық жолының бел ортасы.

АЛАШ ҮКІМЕТІ

Алаш үкіметі құрылмағанда Қазақ елі сол «степной край» есебінде қалар-тын.
Тәуелсіздіктің таңы атқалы ғылым атасы саналатұғын тарих атаулыны еске алу жер -жерлерде көңілі тірі есті азаматтарымыз тіліне басқанын ісіне қосқанын жиі байқаушы едік ендігі бір серпін мемлекеттік хатшы Марат Тәжиннің баяндамасынан кейін байқалды. Қуантарлық жайт! Алайда ауыздан ауызға, адамнан адамға берілетін «ұлт» сөзінің астарын, мән-мағынасын сипаттайтын болмыс/түсінік атадан балаға мирас етілу дәстүрі Ұлы Даланы мекендеушілерінде ғана санадан санаға, тілден тілге, көзден көзге таралуы ерекше мәнге ие болған. Кітап білімнің кілті. Рас! Кітап оқып біліміңді толықтыру орынды, бірақ оқығаныңды тоқып, қорытқаның мен түйгеніңді саралай саналай келер ұрпаққа із ету ардақтырақ! Сол себепті де жер бетіндегі ең абыройлы мамандық – ұстаз! Мұны да ескерген Азат ерлер — кемі қырық ғасыр Дештіні мекен еткен бабалар ойын, санасын, ақылын, ұлтты құраушы әрбір бабын жалғыз шырақ сәулесімен киіз үйде және жусаны мол жайлауда кең отырыс, мәжілісте мансап пен байлықтан артық көрген ат үстіндегі жасампаз тарихын ата балаға мирас етсе бала атадан аманат тапқан. Дәл осы дәстүр бұл күнде сиреуде… Кешегі кек қуар бүгінгі нан табарлар — әкенің балаға айтқан әр өсиеті бір мектеп екенін ескеріп өмірдің мәні адам тәрбиелеу екенін есте ұстайық! Нарықтың заңы екен деп әлеуметтік торға шырмалу жарамас… күндік несібеңнен Жаратқанда құр айырмас! Айналайын ағайын, нан табу қолыңнан келетіні күмәнсіз, тек сол нанды не үшін тауып жүргеніңді жадыңа жаттап, ұмытпағайсың...!!!

1. 1989-шы жылы түсірілген және Оскар премиясын алған диалогсыз қысқа фильм «The Lunch Date»:



2. Уақыттың құдіретін көрсететін «On Time» фильмі:



3. Соқыр махаббат туралы «Just a love story»:

Қарағанды облысының әкімі Тәуелсіздік күніне дейін шырша тікпеуге бұйрық берді.
Естеріңізде болса, өткен 2012 жылы жаңа 2013 жылды қарсы алу кезінде Оңтүстік Қазақстан облысының әкімі Асқар Мырзахметов облыста Тәуелсіздік күнінен бұрын шырша тікпеу туралы тапсырма бергені бар. Оның бұл тапсырмасына қарсы шыққан пенде көрмедік. Биыл да Оңтүстік өңірі сол дәстүрді жалғастырмақшы.

Алдымен Тұңғыш Президент күні, Тәуелсіздік күні тойланады. Одан соң ғана жаңа жылға кезек келмек Оңтүстікте. Бұл елім деген ердің тірлігі!

Биыл бұл қатарға облыстың тізгінін жаңадан қолға алған Қарағанды облысының әкімі Бауыржан Әбдішев келіп қосылды. Облыс әкімінің бірауыз сөзі қарамағындағы шенді-шекпенділерді сескендірсе керек, ертелетіп шырша құрған шенеунік болмады.
Толығырақ: news.nur.kz/292803.html
деген ақпаратты nur.kz -тан оқып қалдым. Бірақ, нәтижесін көріп тұрған жоқпын. ҚарМУ ғимаратының алдындағы шыршаның қойылғанына 2 аптадан астам уақыт өтіп кетті. Басқаларын айтпасақ та белгілі. Бұйрық берілгеннен кейін, орындалу шарт.

«Бір атаның балалары футбол ойнайды» республикалық турнирі биыл алғаш рет жер жәннаты Жетісуда өтті.

Қазақстан Президенті Нұрсұлтан Назарбаев биыл 8 қыркүйек «отбасы күні» деп жариялап, аталған мерекеге қол қойған болатын. Ал аталмыш отбасылық доданың негізгі мақсаты әрбір отбасында спортты насихаттап, шағын футболдағы команда арқылы бірлік, құрмет және патриотизмге тәрбиелеу болып табылады.

Сондай-ақ Елбасының бұқаралық спортты дамытып, онымен айналысатын халықтың санын 30 пайызға жеткізу қажет деп тиісті агенттікке тапсырма бергенін де білесіздер. Ендеше, Елбасының осы бастамаларына «Бір атаның балалары футбол ойнайды» деген отбасылық доп додасы толығымен жауап бере алады.

Бұл дода біраз жыл бойы дәстүрлі түрде өткізіліп келді. Оған республиканың әр аймағынан 60-қа жуық команда қатысқан кездер де болды. Кәсіпқой және әуесқой деңгейдегі футболшылар бір алаңда өнер көрсететін – еліміздегі бірегей турнир.

Бұл ретте осы дода идеясының авторы әрі ұйымдастырушысы, ҚР еңбек сіңірген қайраткері Несіп Жүнісбайұлының еңбегі ұшан-теңіз.

Жиырма жылға жуық тарихы бар дәстүрлі турнирді өткізу бақыты биыл Талдықорғанға бұйырды. Дәстүрлі дода Жетісу өңірі орталығындағы сәулетті «Жастар» спорт кешенінде өтті.

Отбасылық доданың ашылу сал­танатына ҚР Президенті жанындағы Әйелдер ісі және отбасылық-демографиялық саясат жөніндегі ұлттық комиссияның Алматы облысындағы өкілі Айжан Оралбекова келді.

Кезінде Несіп ағаның құрған «Намыс» командасының алғашқы түлектерінің бірі, бірнеше жыл «Жетісу» командасының капитаны болған, Нигерияда өткен жастар арасындағы әлем чемпионатында ел намысын қорғаған Айдар Күмісбеков те ат басын бұрыпты.


Еркін күрестен Атланта Олимпиадасының қола жүлдегері, Азия чемпионы Мәулен Мамыров, футболдан Қазақстан құрамасының тұңғыш капитаны Асқар Қожабергенов игі тілектерін білдірді.

Талдықорған алыс болса да, сонау Атыраудан, Қызылжардан, Көкшетаудан, тіпті Бішкектен де отбасылық командалар келіп, доп додасының көрігін қыздырды. Биылғы турнирге 12 команда қатысып, жеребе тарту арқылы төрт топқа бөлінді.

«А» тобы: Сұлтановтар (Көкшетау), Қожабергеновтер (Алматы облысы), Тілешевтер (Тараз);

«В» тобы: Сәрсенбаевтар (Бішкек), Күншығаровтар (Атырау облысы, Мақат ауданы), Розыбакиевтер (Алматы қаласы);

«С» тобы: Жүнісбай ата ұрпақтары (Алматы облысы), Байғазы балалары (Қызылжар қаласы), Жауғашовтар (Жамбыл облысы);

«Д» тобы: Көкеевтер (Алматы қаласы), Бірімқұловтар (Жамбыл облысы, Шу қаласы), Керімқұловтар (Алматы облысы);

Осы турнирдің бірнеше дүркін жеңімпаздары Көкеевтер отбасы бұл жолы өте қарымды құраммен келіпті. «Уэмблиде» 89 мың жанкүйердің алдында Англия қақпасына гол соққан, «Қайрат» және Қазақстан ұлттық құрамасының жартылай қорғаушысы – Жамбыл Көкеев пен «Сұңқардың» қорғаушысы Жігер Көкеев те өз әулеттерінің намысын қорғады.


Барлық футболшылар демалыста жүргенде, Жамбыл мен Жігердің осы додаға қатысуының өзі көрермендерді бір серпілтіп тастағаны анық. Сондай-ақ, «Розыбакиевтер» мен «Қожабергеновтер» сапында да кәсіби футболшылар болды.

Былтыр «Қайратта» жасындай жарқыраған, бүгінде «Оқжетпестің» шабуылшысы болып жүрген Рақымжан Розыбакиев те көпшілік қошаметіне бөленді.

Ал Қазақстан ұлттық құрамасының тұңғыш капитаны, еліміздің бірнеше командасында өнер көрсеткен, бапкерлік қызметте де толағай табысқа жетіп жүрген Асқар Қожабергеновтің отбасылық командасы биыл бұл додаға тұңғыш рет қатысты. Асекең карьерасын аяқтаса да, жастармен бір деңгейде өнер көрсетіп, тіпті алыстан қақырата гол соққанда, көрермендер тік тұрып, қол соқты.


Дәстүрлі доданың бірінші күні тек топтық кезеңдегі ойындар өтті. Әуелі «А» тобындағы Көкшеден келген, осы доданың дебютанты «Сұлтановтар» мен қазаққа Мұрат Тілешевтей арынды шабуылшы сыйлаған «Тілешевтердің» отбасы кездесті. Бұл ойында «Сұлтановтар» айқын басымдықпен жеңіске жетіп, қарсы қақпаға жауапсыз 12 доп еңгізді.

«Тілешевтер» екінші ойында да «Қожабергеновтерден» ойсырай ұтылды. Өзінің отбасылық командасының қос ойында 31 гол жібергенін телефон арқылы әкесінен естіген Мұрат келесі жылы өзі қатысып, биылғы жіберген еселерін қайтаратынын мәлімдепті. Бұл топтан ширек финалға «Сұлтановтар» мен «Қожабергеновтердің» отбасылық командалары шықты.


Екінші топтағы былтырғы турнирдің вице-чемпиондары «Күншығаровтардың» отбасы Талдықорғанға дайындықсыз келген тәрізді. Атырау мен Алатаудың арақашықтығына қарамастан ұзақ жол жүріп келген еңбектері жанбады. Топтық кезеңдегі екі ойында өз қақпаларына 10 доп жіберіп алып, өздері бір ғана гол соқты. Бір қызығы, бұл топтағы үш ойын 5:0 есебімен аяқталды. Ширек финалға «Сәрсенбаевтар» мен «Розыбакиевтер» жолдама алды.

Үшінші топта осы додаға екінші рет қатысып отырған «Байғазы атаның балалары» мен «Жауғашовтар» келесі кезеңге іркілмей өтті.


Ал соңғы топта жұлдызды команда «Көкеевтердің» топ жарарларына ешкімнің күмәні болмаған тәрізді. Жасыл алаңда жарқырап жүрген Жамбыл мен Жігер кіші футболды да жатырқамады. Қос жұлдыздың командасында Мейіржан, Елнұр, Жаннұр секілді інілерімен Мұхтар ағалары ойқастады. Мұхит Көкеев балаларына нұсқау беріп, команданың бас бапкері қызметін атқарумен болды. Екі футболшының анасы Сәуле Көкеева бастаған жанкүйерлері де ерекше болды.


Бес жасында осы турнирдің дәмін татқан Жамбылдың 10 жастағы інілері Елнұр мен Жаннұр да ағаларынан қалыспай ойнады. Ал бұл топтағы екінші орын «Бірімқұловтардың» отбасына бұйырды.

Биылғы футбол маусымы аяқталған соң Қазақстан чемпионатының күміс жүлдегері «Астана» клубы әр түрлі номинациялар бойынша жеңімпаздарын анықтады.

2013 жылғы маусымда ерекше көзге түскен ойыншылар сегіз түрлі номинация бойынша жеңімпаз атанып, естелік сыйлыққа ие болды.

Номинация жеңімпаздары:

1. Клубтың ресми сайтына дауыс беру бойынша ең үздік ойыншы Таңат Нөсербаев атанды;

2. Бапкерлер алқасының шешімі бойынша ең үздік ойыншы – Ненад Эрич;

3. Футболшылар арасындағы сауалнама бойынша ең үздік ойыншы – Фокси Кетевоама;

4. Журналистердің дауыс беруі бойынша – Қайрат Нұрдәулетов;

5. Стадион қызметкерлерінің дауыс беруі бойынша – Валерий Коробкин;

6. Ең үздік голдың авторы – Дамир Қояшевич («Қайрат» – «Астана»);

7. Жоғары нәтижеге қол жеткізген футболшы – Елдос Ахметов;

8. В Контакте әлеуметтік желісінде жанкүйерлердің берген дауысы бойынша ең үздік легионер – Патрик Твумаси.

[1, 2] дерек көзінен ақпарат алып аудардым. Барынша бастапқы мазмұннан ауытқымауға тырыстым. Егерде дәрігер мамандар оқып жатып мазмұнда қателерін көріп жатса ескерту жасауын өтінемін.
[1] Аударылған абзац:
Тек санада ғана болатын бастың ауыруы болуы мүмкін. Органикалық емес бастың ауруы (анықталатын физикалық әсерсіз), нақты бастың ауруы секілді сезінуі мүмкін, бірақта жағымсыз биологиялық жағдаймен байланыспайды. Бастың аурғанына себептері іштей өзін кінәлі сезінуден, ашуланудан, депрессиядан, мазасыздықтан немесе қорқыныштан, бұрынғы бастан өткізген эмоциялық толқудың әсерінен немесе сырттай білінбейтін еңсені көтерткізбейтін өткен шақпен байланысты ішкі уайымдардан болуы мүмкін.

Маман атанып шақырылған соң тырысып істейсің жұмысты. Кейде сыртымнан айтып жатқанды естіп қаласың, әрине әдейі естірткізу үшін айтылған сөздер ғой, оны да білемін:
-Осыдан жоқ дегенді естімейсін, істей береді жалықпай. Басты ауыртып, -дегендей.
Қиындық деген сөз шешілмеген мәселе бар дегенді білдіреді. Мәселенің әйтеуір бір шешу жолы болса атқарылатын жұмыс кезегіне қойылады. Реті келіп жұмыс атқарылып, мәселе шешімі табылады.
Барлығы сонау балалық шақтан басталады. Қанша жасымыз үлкен болсын бәріміз «балалық шақ» еліненбіз. Қиын деген сөздің мағынасы маған да таныс болатын. «Қиын» деген сөзді естігенде көбінде бір істі атқару үшін көп физикалық күш жұмсауды немесе күрделі ойдың мәнін ашуға көп уақытты жұмсауды білдіретін. Кішкене кезімізде «қиын» сөзінің мағынасын осылай түсінетінмін. Олай түсінгенім дұрыс та болыпты, еңбекті бағалай бастадық. Қиын десе қиын. Бірін істесең екіншісі шығады. Осындай тізбектен шаршап «түсіне алмадым, шамам жетпеді» дегенге жуық тұратынмын. Шаршаудың басудың бір түрі -көңілді басқа жаққа бөлу. Негізгі істен жат іске көңіл бөлуге даярлықты осымен түсіндіруге болатын шығар. Бірақ өсе келе «қиындық» деген сөздің басқаша қырын біле бастадық. Өзі жеке бір тақырыптың әңгімесі.
Жасөспірімдердің қиындықтан қашқанда жиі айтылатын сылтауы «басым ауырып тұр» дегені бар.
Бала кезімде алғашқы рет қабырғаға басымды соғып алғанымда, соққан жер ауырғанда үлкендер:
-Басың ауырды, -дегенді. «Бас» қалай ауыратынын түсіндік. Кейде бастың ауырғаны сыртқы әрекеттен емес көңіл күйге байланысты ма белгісіз себеппен өздігінен бозбала кезімде анда –санда ауыратын болды. Қаралмаған дәрігер мамандар қалмады. Әрқайсы әртүрлі себептерін айтып жатты. Көбінде жасыма байланыстырып «жасөспірімдерде байқалады мұндай, жиі-жиі, үлкейгенде өздігінен басылады» дейтін.
Бірде мектепке психолог апайымыздың орнына уақытша қызметке басқа апай келді. Қалайда білмеймін кабинетінде отырмын. Дәл сол кезде басым ауырып тұрған. Соны айттым. Сонда психолог апай:
-Қазір сені бір жаттығу жасауға үйретемін. Содан кейін басын ешқашан ауырмайтын болады, -апайға қарап үндемей отырмын, -көзіңді жұм. Ыңғайлы отырсың ба?, -деді. Басымды изеп жауап бердім.
Көзімді жұмғанан бері көз алдымда жыбыр-жыбыр, ұсақ-ұсақ әр түсті от ұшқындары қапалақтап жарқ –жұрқ етіп алды.
Апайдың дауысын анық естіп отырмын:

«Өткен күннен алыс жоқ, келер күннен жақын жоқ» — халық мақалы.
Оқушылық ой кезең.
Арман қуған оқушылық сәт. Нағыз ойлардың жетегі. Адам өсе келе өз болашағы жайлы көп ойланады екен. Балалық шақтың қалай тез өтіп кететінін де байқамай қалады. Өмірдегі басты мақсат осы бес күндік жалғаннан өз орнынды таба білу емес пе?
Елбасымыз айтқандай «Болашақ – білімді жастардың қолында» демекші, біздің болашағымыз өзіміздің қолымызда. Келешегімізді бүгіннен бастап нұрландыра түсу де өз қолымызда. Ал болашағымыз баянды да бақытты, нұрлы да шуақты болуы үшін менің ойымша ең алдымен өзіңе лайық мамандық иесі атануымыз керек деп ойлаймын. Міне, өсе келе осындай ойлардың жетегінде келген мен, оқушылық кезеңімен қоштасар сәтімде білімді жалғастыру ордасын іздей бастадым. Жасыратыны жоқ қаншама жоғарғы оқу орындары туралы көптеген ақпарат жинақтасам да, туып өскен жерімде орналасқан құтты ордадан артығын таба алмайтыныма көзім жеткендей болды. Әрине ол – қазіргі таңда көптеген мемлекеттермен ірі байланыс жасап, профессорлық, оқытушылық құрамын нығайтқан Ш.Есенов атындағы Каспий мемлекеттік технологиялар және инжиниринг университеті. Аталған университет көп деңгейлі жоғарғы білім беру бакаловриат, магистратура және асперантура құрамына өткен. Сонау 1976 жылдардан бері тарихи орда болып қалыптасқан Ш.Есенов атындағы Каспий мемлекеттік технологиялар және инжиниринг университетінің негізгі тәрбиесі студенттерді білім нәрімен сусындату болып табылады. Осындай белестерменен дамып келе жатырған университеттің жағдайын құлақпен естіп, көзбен көргеннен соң алыстан арбалағанша, жақыннан дорбалаған жақсы деген атаулы ой қалыптасты.
Міне, мендегі осындай қадамдардан соң Ш.Есенов атындағы Каспий мемлекеттік технологиялар және инжиниринг университетіннің студенті болу оқушылық санамда қалыптасты. Қалыптасқан ойлардан нәтиже шығаруды мақсат тұтқан мен, ақырындап алған бағытыма қарай қадам басуды мақсат етіп, болашақ мұғалім болуға ерекше назар аудардым. Себебі, әр мамандықтың өзіне тән ерекшеліктері мен маңызы бар. Мәселен, мен таңдаған, яғни ұстаздықты алатын болсақ, Мағжан Жұмабаев «Қазақтың қаны да бір, жаны да бір жолбасшысы – мұғалім» демекші, ұстаздық ең жоғарыда тұратын, өте құрметті де қадірлі мамандық. Кім болмасын тәрбиенің ұшқындарын, білімді, өнерді алдымен анасынан одан соң әрине ұстазынан үйренеді. «Ұстазы жақсының ұстамы жақсы» демекші, ұстаз алдындағы шәкіртін қандай жолға түсірсе, шәкірт сол бағытты өмір бойы ұстанып өтеді деп ойлаймын. Сондықтан мен ұстаз мамандығын тандадым.
Міне мендегі мақсат осылай қалыптасты.

Мақсатқа жету жорлындағы ұстазға деген көзқарас.
Негізі ұстаз болу оңай шаруа емес. Әр оқушының көңілінің кілтін тауып, олардың тұлға болып қалыптасуына сүбелі үлес қосатын жан болу екінің қолынан келе бермейтін дүние. Аса сабырлықты, шыдамдылықты, жылулықты қажет ететін үлкен кәсіп қой. Ешкім де ұстаз болуға аса ұмтылмайды. Ұстаздар да өз қызметін дұрыс атқара бермейді. Деседе көпке топырақ шашудан аулақпын. Бірақ осы күнге дейін түйгенімді айтып отырмын. Пір тұтқан ұстаздарымыздың кетік қылықтарын көргенде оған деген құрметің де, жылы сөзің де бәсеңдейді екен. Бірақ, «Осындай ұстазым бар, менің!» — деп ауыз толтырып, үлкен мақтанышпен айтатын ұстаздарымда бар-ақ. Оларға деген сыйластығым да ерекше. Әр кез демеп, ақыл-кеңесін аямайтын сондай жандардың барына мың шүкір. Өз қызметін міндетсінбей, адал атқаратын олардың алдына бас ие бергің келеді.

Университет және мен.
Қазіргі таңда аталған университеттің үлгілі де белсенді студенттерінің бірі ретінде мен өзімнің білім алып, тәрбиесін бойыма сіңіріп жатырған университетімдегі осындай ұстаздарымменен қашанда мақтана аламын. Себебі мен, бұл университетке түсуді алдыма мақсат етіп жүрген сәттерімнің өзінде де осындай құтты ордада менің ойымдағыдай ұлағатты ұстаздардың барын білген едім. Міне, енді өзімде аталған университеттегі білікті мамандардың бел ортасында білім деңгейімді шыңдаудамын. Шыңдала жүріп мақсат еткен арманыма нық қадам жасау үшін белсенді түрде еңбек етудемін.
Мен болашақта осы кәделі кәсіптің етегін ұстаған мұғалім боламын. Білім ғана бермей, оқушыларды үлкен өмірге дайындайтын ұстаз боламын.
Бұл менің асқақ арманым, болашағым…

Университет мәртебесі.
Осында оқып, білім алып жүргеніме бүгін де үш жылдың қадамы болыпты. Бармақтай ғана қысқа уақыттың ішінде университет тарапынан Республикалық жастар форумдары мен жастар следтарына және де пікір талас сайыстарына да шығып үлгердім. Бұл менің ғана айтарым. Университет студенттерінің халықаралық дәрежедегі белестеріде аз еместі. Бұлда университетіміздің Республикалық және халықаралық дәрежедегі жетістіктері деп ойлаймын.
Студенттік кезеңдерімді өткеріп, өмірлік тәжірибе жинақтап жатырған киелі мекеніміздің нақ төрінде орналасқан университет мен үшін өте ыстық және мәртебесі биік. Сондай-ақ мәртебелі оқу ордамыз барлық студенттер үшінде беделді болары анық. Қазақтарға мақтанған емес мақтаған жарасады демекші, аталған университеттің студенті ретінде мен қашанда білімі мен тәрбиесін бойыма сіңіріп жатырған оқу ордамызды мақтан тұтамын!
Білікті мамандардың ордасы, білімді жастардың қолдаушысы «Көк Ордамыз» жасай берсін!

Самат Жүзбергенов