Boxrec.com сайтындағы мәліметтер бойынша Қазақстан атынан шығып жүрген 60 боксшы бар. Рейтингтері бойынша қарайтын болсақ алғашқы ондық:

Геннадий Головкин 1/1543 boxrec.com/boxer/356831
Жанат Жақиянов 11/971 boxrec.com/boxer/444007
Бейбіт Шүменов 15/1256 boxrec.com/boxer/427368
Иса Акбербаев 35/1256 boxrec.com/boxer/506803
Қанат Ислам 54/1792 boxrec.com/boxer/628426
Батыржан Жүкембаев 78/1881 boxrec.com/boxer/729904
Бекман Сойлыбаев 82/1423 boxrec.com/boxer/698073
Мадияр Әшкеев 107/1792 boxrec.com/boxer/740162
Жаңқош Тұраров 116/2226 boxrec.com/boxer/483668
Бахтияр Эюбов 117/2226 boxrec.com/boxer/602453

Аты-жөндерінің жанында өз салмағы бойынша нешінші орында екені және қанша боксшы бар екені жазылған. Сілтемелер бойынша өтіп, әр боксшының толық статистикасын қарауға болады.

Таныс бір Бокс/ММА маманының айтуынша бастапқыда "қапшықтармен" шығып, статистика жинайды, өсе бастайды. Кейін профидің өз кезеңдері болады, мықтылармен шығып рейтингте көтеріле бастайды дейді. Яғни, өзінен жоғарылармен жиі шығу керек. Ұзақ уақыт "қапшықтармен" жүре берсе еш нәтиже болмайды. Бұл тұрғыда Иса Акбербаев жақсы көтеріліп келеді екен. Жанат Жақияновты көп адам танымаса да нәтижелері жақсы. Ал Қанат Исламға енді мықтылармен шығу керек. Жастардан Жаңқоштан үміт күтуге болады.

Толық тізімді көргіңіз келсе Boxrec сайтындағы іздеу функциясын пайдаланыңыз, елге Қазақстан деп жазсаңыз, бәрі шығады

Көптен күткен ХХХІ жазғы олимпиада ойындарының басталуына санаулы сағаттар қалды. Өзім бокс жанкүйері болғандықтан, бар назарымды осы спрот түріне салмақпын. Бокс Қазақстанда №1 спорт екеніне ешкімнің қарсылығы жоқ деп ойлаймын… Осы жолғы олимпиадаға Қазақстан, Куба және Өзбекстан толық құрамда өнер көрсететіндері белгілі (10 салмақ дәрежесінде). Бас бапкер Мырзағали Айтжановтың айтуы бойынша, боксшыларымыз жарысқа психологиялық жағынан болсын, физикалық жағынан болсын сақадай сай. Бірақ олимпиада болғаннан кейін, барлық спортшылар бар күш-жігерін сарып етіп дайындалатыны бесенеден белгілі. Өзімнің болжамымша Қазақстан құрамасы бокстан 4 алтын, 1 күміс, 2 қола медальдарді еншілейді. Ендеше жігіттеріміз бен қыздарымызға сәттілік серік болып, қазақ елін жетістіктерімен қуанта берсін… Қызықтан құр қалмаңыздар!!! Ойларыңызбен бөлісіп отырыңыздар!!!
49 келі- Біржан ЖАҚЫПОВ
52 келі- Олжас СӘТТІБАЕВ
56 келі- Қайрат ЕРАЛИЕВ
60 келі- Берік ӘБДІРАХМАНОВ
64 келі- Абылайхан ЖҮСІПОВ
69 келі- Данияр ЕЛЕУСІНОВ (құрама капитаны)
75 келі- Жәнібек ӘЛІМХАНҰЛЫ
81 келі- Әділбек НИЯЗЫМБЕТОВ
91 келі- Василий ЛЕВИТ
91+ келі- Иван ДЫЧКО
Әйелдер арасында 2 боксшы қызымыз бар олар:
51 келі- Жайна Шекербекова
75 келі- Дариға Шакимова

Мұхаммед Әлиді кино әлемінде Майкл Манның «Али» көркем картинасы арқылы ғана білеміз. Чемпионды Уилл Смит сомдаған еді. Фильмде Кассиус Клэйдің қара нәсілділердің құқығын қорғаушы ретіндегі қырына баса мән беріледі, ал оның 1974 жылы Заирде өткен Джордж Форманмен жекпе-жегі фильмнің кульминациясы ретінде берілген. Демек, «Али» фильмі осы аңыз тұлғаның толық өмірін суреттемейді, боксерлік карьерасының бүге-шегесіне аса көп тоқталмайды, азаматтық белсенділігінен хабар беретін көріністер толық емес. Бұны заңдылық деп те қарастыру керек, өйткені осындай ұлы тұлғаның бүкіл өмірін бір кинокартинаға сыйғызу мүмкін емес.

Сондықтан, Мұхаммед Әлидің өмірі мен карьерасынан толыққанды ақпарат алу үшін, оны жақынырақ білу үшін бір емес, бірнеше фильмді көріп шығу керек болады. Құдайға шүкір, чемпион туралы деректі фильмдер аз емес екен.

«Немесе оны Кассиус Клэй деп танимыз» («A.k.a. Cassius Clay»), 1970 жыл


Бұл деректі картина бокстан аса ауыр салмақтағы әлем чемпионы болған, Ислам дінін қабылдағанға дейін Кассиус Клэй деген атпен белгілі Мұхаммед Әли туралы баяндайды. Режиссер Әлидің Генри Купермен, Флойд Паттерсонмен, Джерри Куорримен, Сонни Листонмен өткізген жекпе-жектерінен таспаларды бір киноға жинастырған. Әли өзін бокс тарихындағы ең ұлы адам деп атайды. Марқұм Малькольм Икс чемпион туралы өз ойымен бөліседі.

«Мұхаммед Әли: Қабілет, ақыл және жігер» («Muhammad Ali: Skill, Brains & Guts»), 1975 жыл


Фильмде Мұхаммед Әли карьерасындағы ең жарқын сәттерін еске алады. «Көбелекше қалықтап, араша шағып алатын» чемпион жұдырықтасқан қарсыластары туралы айтады. Үздік жекпе-жектерінен кадрлар көрсетіледі, сұхбаттары бар.

«Ең ұлы» («The Greatest»), 1977 жыл


Өмірбаяндық көркем фильмде басты рөлді Мұхаммед Әлидің өзі сомдады. Сюжет бойынша Кассиус Клэй Ислам дінін қабылдап, Мұхаммед Әли деген есімді алады. Кейін ол Вьетнамдағы соғысқа барудан бас тартады. Бұл шешімі оның кәсіби карьерасына кеселін тигізеді, бірақ соттасу барысында Әли жеңіске жетеді.

«Біз патша болғанда» («When We Were Kings»), 1996 жыл


Әлидің ең қиын жекпе-жегі – Джордж Форманмен кездесуі туралы деректі фильм. Екеуі 1974 жылы 30 қазанда Заир астанасы Киншаса қаласында жұдырықтасқан еді. Сол кездесу Конго халқы үшін үлкен оқиғаға айналды, ел басшысының қаржыландыруымен тікелей трансляция әлем бойынша көрсетілді, бокс шарасына орай үлкен музыкалық фестиваль да ұйымдастырылды.

«Біз патша болғанда» — үздік деректі фильм номинациясы бойынша «Оскар» алды.

«Мұхаммед Әли – Әлемнің көзімен» («Muhammad Ali — Through the Eyes of the World»), 2001 жыл


Мұхаммед Әли спорт тарихындағы ең ұлы тұлға ғана емес, ол азаматтық құқық үшін күрескен қозғалыс мүшелерінің бірі, діни сенімі үшін принципке бара алған қайсар адам, өзіне тән мінезі мен харизмасы бар ерекше жан. Деректі картинада ескі таспалар, оның достарынан, отбасы мүшелерінен, табынушыларынан алынған сұхбаттар бар.

«Әлидің 65-і» («Ali’s 65»), 2006 жыл


ESPN арнасы өндірген телевизиялық деректі фильмде Әлидің бокстағы жетістігі қоғамның рингтен тыс бөлігіне қалай ықпал еткенін баяндайды. Кейбір спортшылар тек спорт әлемінде ғана талант болып қалса, кейбіреулердің мұрасы өз кәсібінен тыс әлемге де әсер ете алады. Мұхаммед сондай ерекше адамдардың бірі, ол Америка тарихына ықпал етті. Фильмге сондай-ақ Әлиге 1960 жылғы Олимпиада «алтынын» алып берген жекпе-жек, 1975 жылғы Джо Фрейзермен жұдырықтасуы енген.

«Маниладағы триллер» («Thrilla in Manila»), 2008 жыл


1971 жылы Мұхаммед Әли мен Джо Фрейзер рингте кездесті. Бұл сол кезең үшін бокс әлеміндегі ең басты оқиға еді. Жұдырықтасуға дейін Мұхаммед көпшілік алдында қарсыласын кекетіп-мұқатумен болады, «Горилла», «Том ағай», «Кемтар» деген аттар тақты. Алайда, Джо Фрейзер судьялардың шешімімен жеңіске жетеді. Бұл Әлидің карьерасындағы алғашқы жеңіліс еді. 1974 жылы матч-реванш болды, бұл жолы судьялар жеңісті Әлиге берді. Бірақ екі боксшының арасындағы текетірес бұнымен бітпеді. Фрейзер мен Әли арасындағы үшінші жекпе-жекті Филиппин астанасы Манилада өткізуге шешім қабылданады. 14 раундқа созылған кескілескен шайқас болады, айқын басымдыққа ие нақты жеңімпаз анықталмайды. Алайда судьялардың шешімімен Әли жеңімпаз деп танылып, чемпиондық атағын сақтап қалады. Деректі фильм осы оқиғаны бүге-шегесіне дейін баяндап береді.

«Мұхаммед Әли: Майамиде жасалған» («Muhammad Ali: Made in Miami»), 2008 жыл


1960 жылы Кассиус Клэй еісмді жас боксшы Майамиге келген еді. Осы жерге ол аса ауыр салмақтың чемпионы болу үшін келеді. Ақырында ол аңызға айналды. Фильмде боксшының жақындары, соның ішінде бапкері Анджело Данди, дәрігері Ферди Пачеко сөз сөйлейді. Бұл фильм боксшының Майамидегі эволюциясын көрсетеді.

«Әлимен бетпе-бет» («Facing Ali»), 2009 жыл


Деректі кинокартинада Мұхаммед Әли онымен жұдырықтасқан боксшылар көзімен баяндалады. Әлимен жекпе-жек өткізген үздік 10 боксшы сұхбат берген. Олардың ішінде, Джордж Форман, Джо Фрейзер секілді Әлидің қас жаулары бар. Сөйтіп, Мұхаммед Әлиді оның қарсыластары айтқан әңгімелер арқылы басқаша тануға мүмкіндік ашылады.

«Әлидің он екісі» («Ali’s Dozen»), 2006 жыл


Мұхаммед Әлидің карьерасындағы ең үздік 12 жекпе-жек туралы баяндайтын деректі фильм. Оның рингтегі төбелестеріне куә болған адамдардың сұхбаттары келтірілген.

«Мұхаммед Әли – Адам, қадамдары, сөздері» («Muhammad Ali — The Man, The Moves, The Mouth»), 2012


Бұл деректі фильм чемпион өмірінің ретроспективасы десе де болады. Фильмде оның өміріндегі негізгі оқиғалар, жеңістері мен сәтсіздіктері баяндалады. Боксшының рингтегі басты кездесулерінен сирек кадрлар көрсетіледі.
Аталған кинотуындылар Мұхаммед Әли туралы толық картинаны қалыптастыруға септігін тигізеді деп үміттенеміз.

Қосымша дерек:
Мұхаммед Әли (Muhammad Ali, туған кездегі аты-жөні — Кассиус Марселлус Клэй) — Американың кәсіпқой боксшысы, ауыр салмақ категориясында жұдырықтасты; бокс тарихындағы ең танымал боксшылардың бірі. Өмір сүрген кезеңі — 17 қаңтар 1942 — 3 маусым 2016.

1960 жылғы XVII Олимпиада ойындарының жартылай ауыр салмақ бойынша чемпионы, ауыр салмақтағы абсолюттік әлем чемпионы (1964—1966, 1974—1978).

Бүгін Астанада «БАРЫС АРЕНА» мұз сарайында бокстан әйелдер арасындағы ІХ әлем чемпионаты жалауын көтерді. Байрақты бәсекеде РИО олимпиядасына үш салмақ дәрежесі бойынша(51,60,75) он екі жолдама сарапқа салынатын болады. Біздің құрама барлық он салмақ дәрежесінде шаршы алаңға шығатын болады. Әсірсе, Олимпияда ойындарына баратын салмақтағы қыздарымыз барын салуы тиіс. Қыздарымыз жарыс жолына ертеңнен бастап шығады. Әзірге қыздармыздың еншісінде бір жолдама бар, Дариға Шакимова 75 келіде Цяньаньда өткен іріктеу турнирінде күміс жүлдеге ие болға болатын. Әлі де болса екі салмақта олимпияда жолдамаларын алып, толық құрамда баруға мүмкіндік туып тұр. Айта кетейік, еліміздің ерлер құрамасы тұңғыш рет Олимпияда ойындарына барлық он салмақ дәрежесінде қатысады. Ендігі кезек қыздарымызға келген сияқты. Әйелдер арасындағы әлем чемпионаты 19-27 мамыр аралығында өтеді. Әлем чемпионатының барлық кездесулерін КAZSPORT арнасынан тікелей эфирде көре аласыздар.

Бүгін, Әлемдік боксерлық кеңестің президенті Маурисио Сулейман мексикандық боксер Сауль Альварестің «WBC» нұсқасы бойынша орта салмақтағы чемпион емес екендігін хабарлады. Ендігі кезекте «WBC» белдігі және чемпиондық атақ қазақстандық Геннадий Головкинге өтеді.

Кәсіпқой бокстан америкалық экс-чемпион Шейн Мозлидің сөзі жалған болып шықты. Ол өзінің «twitter»-дегі ресми парақшасында «GGG» мен «Канело» арасындағы жекпе-жек биылғы жылдың 17 қыркүйегінде болады" деп жазған болатын. Екеуінің жекпе-жегін асыға күткеніміз соншалық Шейн Мозлидің бейресми ақпаратын жан-жаққа ала жүгірдік.

Бірақ, бұл «GGG» мен «Канело» арасындағы жекпе-жек болмайды деген сөз емес. Тек, өтетін мерзімі ұзаруы мүмкін. Десек те, Альварестің жасы 25 жаста ғана болғандықтан Генадан жеңіліп карьерасын бұзғысы келмейтіндігі белгілі. Сондықтан да, Ол әзірге яғни, жақын арада Генамен шықпайды.

Дегенмен, Гена чемпион! Қазір, Генада орта салмақта үш белдік бар. Жылдың соңына дейін төртінші белдікті еншілеп абсолютті чемпион болады деп сенеміз!

Алға GGG!

19-27 мамыр күндері Астанадағы «Барыс Арена» спорт кешенінде бокстан қыздар арасындағы Әлем чемпионаты өтеді.

«Барыс Арена» кешенінде өтетін Әлем біріншілігіне 67 елден 294 спортшы қатысады. Әр елден 10 салмақ дәрежесінде 10 боксшы сынға түседі.

Сондай-ақ, бұл Әлем чемпионатында Олимпиада салмағына енген 51, 60 және 75 келіде жартылай финалға шыққан боксшыларға Рио Олимпиадасына жолдама беріледі.

Әлем біріншілігін «Kazsport» телеарнасы күндізгі сессиясын сағат 13:40-тан бастап, ал, кешкі сессияны 18:40-тан бастап тікелей эфирде көрсетеді. Ал, финалдық бәсекені «Қазақстан» Ұлттық телеарнасынан тамашалай аласыздар.

Чемпионат 19 мамырда басталып, 27 мамырда аяқталады.

Айта кетейік, 2013 жылы Алматыда бокстан ерлер арасындағы Әлем чемпионатын да «Kazsport» телеарнасы тікелей эфирде көрсеткен болатын.

Бүкіл әлем күткен Қазақстандық Геннадий Головкин мен Мексикандық Сауль Альварес арасындағы жекпе-жектің өтетін уақыты белгілі болған сияқты. Бұл туралы кәсіпқой бокстан америкалық экс-чемпион Шейн Мозли өзінің «twitter» желісіндегі жеке парақшасында алғаш болып жариялады.

Шейн Мозлидың жар салған бұл сөзі соңында әшейін «пиар» болып шықпаса болғаны)

Сонымен, 2016 жылдың 17 қыркүйегінде «Канело» мен «GGG» арасында жыл жекпе-жегі өтеді.


Мамырдың жетісі күні Сауль Альварес Лас-Вегаста Амир Ханға қарсы жекпе-жек өткізіп, WBC тұжырымы бойынша чемпиондық атағын қорғап қалған болатын. Енді WBC ережесіне сәйкес Альварес қазақстандық Головкинмен кездесу өткізуге міндетті. Головкин мен Альварес 15 күн ішінде жекпе-жектің күнін нақты белгілей алмаса, WBC белбеуі саудаға шығарылады. Аты шулы жекпе-жек 2017 жылға шегерілуі де ғажап емес сияқты. Себебі, Генаға ЭКСПО 2017 көрмесі аясында Астана қаласында бокс кешін өткізу туралы ұсыныс айтылған еді. Бірақ, бұл ұсынысқа Альварестің көнуі екі талай. Себебі, Ол 7 мамырда Амир Ханға қарсы өткізген жекпе-жегінен кейін Головкинмен кездесуге дайын екенін және ол жекпе-жекті Мексикада өткізу туралы айтқан болатын. Дегенмен, қай елде өтсе де бұл тартыстың фовориті GGG екені белгілі сияқты.
Алға Қазақстан! Алға ГЕНА!

Мэнни Пакьяо өзінің спорттық мансабын аяқтады. Ол өзінің кездесуін Тимоти Брэдлимен өткізіп, айқын басымдылықпен жеңіске жетті. Бұл Пак мэннің Брэдлимен өткізіп отырған үшінші кездесуі. Өткен екі кездесуде бір жолы Мэнни, бір жолы американдық жеңіске жеткен. Бұл жеңіс Филлипиндықтың кәсіпқой рингтегі елу сегізінші жеңісі. Бұған дейін ол "Ғасыр кездесуі" атанған Флойд Мэйуезер мен кездесу өткізіп 12 раунд қорытындысы бойынша есе жіберді. "Ғасыр кездесуінен" кейін өзінің соңғы кездесуін өткізіп, жеңіспен аяқтады. Пакьяо қазақ жанкүйерлерінің есінде де қалып үлгерген. Осыдан 13 жыл бұрын, яғни 2003 жылдың 15 наурызында қазақстандық Серікжан Ешмағамбетовпен өзінің отанында кездесу өткізіп, бесінші раунда техникалық нокаутпен жеңіске жеткен.
Мэнниді аңыз дейтініміз- бүгінгі күнге дейін кәсіпқой рингте сегіз салмақ дәрежесі бойынша әлем чемпионы атанған жалғыз боксшы. Жетістіктері бір басына жетіп артылады. Атап айтар болсақ: 2006,2008,2009 жылдары «Жыл Боксшысы», атақты «РИНГ» журналы Мэнниді 2008-2011 жылдары үздік деп таныған. 2009 жылдың «Жыл Спортшысы».
Спорттық мансабын 1995 жылы бастап, ақырындап салмағын көтеріп отырған. Өз салмағына қарамастан, нағыз үздік боксшы деп айтуға толықтай негіз бар.

Осы біздің елімізде шенеунік дегеннің бәрі трайболист, барлығы өз туысқанның тарқыш деп жүреді адамдар. Жоқ, тек шенеуніктер емес, анау журналистер де, мына бизнесмендерді де сөйтіп айтады қара халық. Түбінде, өздері ақылды, өздері білімпаз, өздері әділ. Алайда, бұның олай еместігін дәлелдейтін бір айғақты көрсетейін сіздерді. Мүмкін, әрбіріміз ойналанармыз.
Қазақстан ұлттық арнасы «Жыл таңдауы» интернет сауалнама жүргізіп жатыр. Номинацияларының бірі — "Үздік спортшы". Ішінде Елдос Сметов те бар, Бейбіт Ыстыбаев та үміткер, Бауыржан Исламхандай аяқ доп шебері де, Головкин мен Арман Оспан да бар. Алайда, осындай тізімге қарамастан көш басында — Қанат Ислам. Қазіргі таңда кәсіби бокста 20 кездесу өткізіп, оның барлығында жеңіске жеткен азамат. Сөзсіз, үлкен жетістіктерге ұмтылып жатқан спортшы.

Спорттың өзге салалардан артықшылығы — жетістіктердің бірден көрінуі. Титудар — сіздің жұмысыңызды бағалайтын бірден-бір критерий. Одан асқан критерий болу мүмкін емес. Халықтың ықыласы мен мақтанышы жағынан алып қарайтын болсақ та Қанат Генадийден (мына жерде Ильядан да) артық емес. Бірақ, Қанатқа берген дауыстардың көп болуы — қазақтардың объективті баға бере алмайтындығының нақты көрсеткіші.
Қысқаша анықтама:
Бокста 4 белбеу бар — Бүкіләлемдік бокс ассоциясы WBA, Бүкіләлемдік бокс кеңесі WBC, Халықаралық бок федерациясы IBF және Бүкіләлемдік бокс организациясы (ұйымы) WBO. Осылардың ҮШЕУІ Геннадийде. Ал Қанатта бірі де жоқ. Бар болғаны Кариб аймағының белбеуі ғана бар. Осыдан, кімнің жетістігі көп екенін көруге болады.

Ал енді 2015 жылы спортшылар қандай жетістікке жеткендігіне келсек. Қаржылай жағынан Гена алда әрине: бұл жерде ақылы трансляция мен Айфонның рекламасы да бар, бокстан басқа. Ал Қанат ондай жетістігімен мақтана алмайды. Спортқа бұның үлкен қатысы бар. Себебі, неғұрлым спортшы танымал болса, соғұрлым спонсорлық келісімі де жоғары болады.
Кәсіби спорт жағына келейік: Қанат 2015 жылы 2 кездесу өткізді. Бірі — наурыздағы Орландо Эстрада болса, екіншісі — Джонатон Батистаға қарсы қарашадағы (ұмытпасам) кездесуі. Сөзсіз, екеуінде де жеңіс. Қанат мықты екенін дәлелдеді. Алайда, Головкиннің өткізген жекпе-жек саны да көбірек (3), Головкиннің қарсыластары да, дәлелдеген белбеулері де анағұрлым салмақты. Демек, осы көрсеткіш бойынша да Гена алда тұр.
Жо-жоқ, мына жақта мен Қанатты жаман спортшы деп тұрғаным жоқ, (өйтіп, бұрмалар алатындардың санасына сәуле шашылсын). Айтпағым, Қанат қазақтың толағай сардары, алайда, 2015 жылдың "Үздік спортшысы" номинациясына Генадий Головкин әлдеқайда лайықты.
‪#‎GGG‬ әлдеқайда лайықты, елімізге әкелген атағы жағынан алып қарасақ та. Өзгелердің бәрінен. БІрақ, Қанаттың сауалнама бойынша көш бастап тұрғаны — біздің халықтың объективті жауап бере алмайтындығының дәлелі ретінде бағалап отырмын. Жүйрігіне тиісті бағасын бере алмаған ел ертеңіне дұрыс баға бере алар ма…

Бүгін балалар арасында бокстан жарыс басталды.

2015 жылдың 2 мамырында бокс әлемінің үздіктері Флойд Мейвезер мен Мэнни Пакьяо Лас-Вегас қаласында жекпе-жек өткізеді.
Бұл бойдан Мейвезер 150 миллион доллар ал, Пакьяо 100 мил. доллар гонарар алмақшы.
Рэпер 50 Cent Мейвезердің жеңісіне 1.6 миллион доллар тігіп отыр екен) Бұл бойға арнайы белдік тігіліп, жеңіске жеткен боксшы әлем бойынша үздік 10 боксшының қатарына енеді.
Аталмыш жекпе-жекті әлем бойынша тек екі ғана теле арна көрсетеді деп күтілуде (НВО және Showtime). Естеріңізге салсақ мұндай жағдай 2002 жылы Майка Тайсон мен Леннокс Льюис жұдырықтасқанда болған болатын.
Сонымен қатар, ағымдағы жылдың күз айында «матч-реванш» болуы мүмкін. Бұл жайында екі боксшының келісім шартында көрсетілген.

Жекпе-жек 13 секундқа созылуы керек: 2 секунд қарсыласыңа жақындауға, 1 секунд соққы жұмсауға, 10 секунд төрешінің санағына кетеді © Майк Тайсон

Біздің ауылымызда осы сөздің иесі Тайсон секілді боксшы боламын дейтін балалар мен жасөспірімдердің қарасы көп. Бұл жеткіншктері тәрбиелеу үшін, спортқа деген алғашқы қадамын бастыру үшін, қызығушылығы мен ынтасын ояту үшін спорт мектебінің орны орасан. Осы аптаның денсаулық тақырыбын осы бокспен байланыстырып көруге тырыстым.

Германия боксшыларымен жартылай финалдың жолдамасын сарапқа салатын «Астана арландары» алғашқы жекпе-жегін 28 наурыз күні неміс жерінде өткізеді. Қарымта кездесу 5 сәуір күніне жоспарланған.
«Арландардың» ширек финалдағы қарсыластары А тобында үшінші орынға ие болды. Өткен аптаның соңында Аргентина боксшыларымен шаршы алаңға шыққан неміс боксшылары 2:3 есебімен ұтылғандарына қарамастан өз тобында үшінші орынға тұрақтап қалды. Немістердің басты қарсыластары саналған АҚШ боксшылары да өткен аптадағы жекпе-жектерін сәтсіз өткізді. Әзірге топтық кезеңнің кейбір жекпе-жектері аяқталған жоқ. Мәселен, «арландарға» қарсылас атанған немістер өз тобында тоғыз жекпе-жек қана өткізді. 8 наурыз күні олар «Украина атамандарын» қабылдайды. Бұл жекпе-жек немістер үшін маңызы жоқ десек болады. Өйткені, олар жеңгеннің өзінде үшінші орыннан жоғары көтерілмейді. Ал, украиндар үшін бұл кездесудің маңызы зор. Дәл қазір «атамандар» топтық кезеңде тек 8 жекпе-жек қана өткізіп, турнир кестесінің екінші сатысында келеді. Егер кейінге қалдырылған екі жекпе-жекте украиндар жеңіске жететін болса, онда олар итальяндықтардың алдын орауы бек мүмкін. Дегенмен, Италия боксшылары да осыған дейін тоғыз жекпе-жек өткізіп, 23 ұпай алды. А тобындағы бірінші орынды украиндарға бермес үшін Апенин түбегінің былғары қолғап шеберлері 12 наурыз күні сырт алаңда Алжир боксшыларын ұтуы керек.

Спорттың жаңа түрі шахбокс (бокс пен шахматты гибридтеу) осыдан он жыл бұрын 2003 жылы пайда болды. Энки Билал «Froid-Équateur» қуақы романынның желісімен Голландық перформансист Ипе Рубинг идеяны шынайы өмірде жүзеге асырды. Жарыс орта салмақпен Амстердам қаласында Рубинг жеңіске жетеді.

Қазіргі кезеңде Германияда кеңінен жайылуда. Осы елде шахбокстың негізгі спорт клубы қаланды. Шахбокстың жалпы ұғымы нағыз интелектуалды ойынмен және нағыз ұрыс әдіс (боевой) спорт түрін біріктіріп, қарсыласқа өзгеше салмақ пен жауапкершілікті жүктеу еді.

Жалпы ережесі
11 раундтан тұрады, 6 раунд шахмат және 5 раунд бокс. Шахмат раунды 4 минуттан «тез ойын» деген партия, бокс раунды 3 минуттан құралады. Әр раундтың паузасы 1 минутқа созылады. Былғары шешіп киюге және кішкене дем алуға уақыт берген. Шахмат раундта бөгде айқай шуға алаңдамау үшін міндетті түрде құлағына құлаққап киеді. Бұл спорт түрі олимпиадалық ойындар тізіміне ене қойған жоқ. Оның үстіне әлі танылып та үлгерген де жоқ. Көбісі осы спорт түрін мысқылмен де қарайды. Әрине бокс және шахмат ойыны біріккесін. Бұл жерде кәсіпқой боксшы өз ақыл қабілетін айқындаса, ал шахматшы өзінің физикалық формасын қалыптастырады. Шахматшы көбіне физикалық тұрғыдан әлсіз келеді.
Бұл спорт несімен артық. Бокс өз эмоцияңды билеуді үйретсе, ал шахбокс "ұрыс тақтасы«мен агрессияны қадағалаумен ерекшеленеді. Бұлшық етпен жеңіске жетумен қатар, „ұрысты тек баспен жеңеді“ деумен шахматта интелектуалын сынап көру.

Таеквондодан Олимпиада, алем чемпионатынын жулдегерi жане Азия чемпионы Арман Чилманов. Грек-рим куресiнен алем чемпионатынын екi дуркiн жулдегерлерi, Азия чемпиондары Алмат Кебiспаев пен Нурмахан Тiналиев. Бокстан Олимпиада чемпионы жане алем чемпионатынын жулдегерi Серiк Сапиев. Дал осы батырлар балалык шактын естелiктерiмен болiседi.
Балаларды коргау кунiне арналады.

Шоқыр Бөлтекұлы кім?
Ол қазақ боксының атасы. Жетім. Қазақфильмде суретші болып жұмыс жасаған. Қазір соның атымен аталатын жыл сайын бокстан жарыс та өткізіліп тұрады.
Бұл адам мен үшін бір әдемі образ. Маңғыстаудың жетім баласы, өзі талпынып қазақтан тұңғыш боксер атанған. Болтеков болмай, Бөлтекұлы болып қалған. Қырсығып фамилиясын өзгертпегені үшін, ірі сайыстарға да өткізілмеген жан. Жаны сұлу адам болған деседі. Бокстан кеткенде, киностудияда суретші болған. Атаққа ұмтылмаған, қарапайым өмір сүрген деп өтірік мақтамайын. Бірақ солай болған сияқты маған.
Өмірі, түр-әлпеті киноға лайықталып туғандай жан. Ол туралы ақпарат іздеуден шаршадым-ақ. ЖОҚ. Осы кісі туралы кім не біледі? Біреулерден естігендерің бар шығар. Бөлісе отырыңдар!