Есіл ағады, Есіл ағады,
Ақбұйра толқын жарды ұрып.
Есіл аққанда, есіп ағады,
Жағада жартас жаңғырып.
Есіл ағады, Есіл ағады,
Мағжанның жүйрік жырындай.
Мені де бір қыз есіне алады,
Тарқатып өрген бұрымды…

Бүгін Жұмыс біткен соң, жаттығуларыма өзгеріс енгізбек болғанмын. Алдында Жоғары Интенсивті Тренинг Стероидсыз Бодибилдинг — деген бір кітапты түсіріп алып, ішіндегі жаттығу жүйелерін сынап көрмек болдым.

Сол кітапты оқып бастағаннан, «сен жаттығудан құсқың келетіндей күйге түсіп көрмесең, сен нағыз тренингтің не екенін білмейсің» деген екен.

Өткенде университет буклетінің материалдарын беріп құтылдым деп едім ғой. Бүгін соны типография басып берді. Ал мынау мен берген суреттер:

ық-ық...

Бізге осы апта аралық бақылау жүріп жатыр. 7 апталық біліміңді қорытындылап, балл қояды. Кейбір жомарт та «түсінігі бар» ағайлар 8 наурызға сыйлық ретінде кейбірімізге үстеме балл сыйлады.)) Ал, үнемі тәртіппен жүретін талапшыл Нұржан ағайымызға мерекені пайдаланып балл үстемелетеміз деген қулығымыз іске аспады. «Қайдағы мейрам? Әлі табандай 4күн бар ғой!»деп құтылып кетті. Көрші аудиторияда болып жатқан 8 наурызға арналған көңілді кешке де бармастан, терлеп-тепшіп, бақылау жұмысын жаздық.

Әйтеуір, университет абыр-сабыр. Қай корпусқа кірсеңіз де, гүл немесе жұмсақ ойыншық ортасында айналасына шуақ шаша сыңғырлай күліп кетіп бара жатқан гүл-қыздарды көрер едіңіз.
Сабақтан соң факультеттің бірінші курс ұлдары ұйымдастырған кешке «арнайы шақыртумен» бардық. ))

-1- курстың қызы кетіп бара жатыр.

-Қыздар, қыздар, сұлу қыздар…

-2- курстың қызы кетіп бара жатыр.

-Жанарың оттай жанып, жүрегімді шоқтай қарып…

-3-4- курстың қызы кетіп бара жатыр.

-Асыл әжем, асыл әжем…

Иә, сөйтіп бізді «әже» деп ардақтап төрге отырғызып, концерт берді)

Одан шығып, тағы да Студенттер сарайында ҚазҰУ-дің 8наурызға арнап ұйымдастырған концертіне бардық. Проректорымыздан бастап, университет академиктері, профессор ағайларымыз, студент жігіттер өз өнерлерін көрсетті. Бастысы — шынайы. Көзілдірігінің үстімен қарап дәріс оқитынына ғана үйренген кәрі ағайларымыз баладай жадырап көз алдыңда ән шырқап тұрса қалай болады? Жылдам әуенге ілесіп, қорбаңдап билесе ше? Мен бұрын-соңды залдың мынадай құрметпен қол соққанын көрмеген шығармын. Ағайларымыз да, апайларымыз да, өзіміз де мәз-майрамбыз. Асылы, мереке дегенің адамдарды бір-біріне жақындата түсе ме деймін, «Мейрам» түсінігін ойлап тапқан адамға кім-кімнің де алғысы шексіз болса керек.
Көгілдір көйлегі көлбеңдеген ерке көктеммен ере келген әлемнің сәнін келтірген әйелдер қауымының мейрамы- 8 наурыз құтты болсын!

Ерімбетов деген көкемізді сыйлаушы едім, сырттай. Бірақ сол кісі бүгін бір нәрсені құртты-ай. Абай кз-ға президентпен болған кездесуі туралы сұхбат беріпті. Біраз нәрсені теріпті. Басқасын басқа әңгіме мына сөзі ұнамады.  «Менің ойымша, қазір исламды модернизациялау керек сияқты. Бүгінгі өмірге, жағдайға бейімделу керек. Себебі, исламда көп нәрсе догма. Қатып қалған. Үзілді-кесілді. Бірақ, өмір өзгеріп жатыр. Әрине, әлеуметтік, мәдени, геосаяси жағдай бәрі өзгеріп жатыр. Біздің осындай қағидамыз бар деп қатып қалатын жай жоқ»,-дейді сұхбаттың арасында ағамыз. (http://www.abai.kz/content/nyrlan-erimbetov-nazarbaevka-dauys-beremin-dep-sheshtim) Сонда қалай исламды модернизациялауға бола ма? Бұл Қазақстанның экономикасы емес қой, бағдарлама қабылдап кеп жіберіп, модернизациялап тастайын. Әлде, ол кісі басқа бірдемені гөйтіп отыр ма? «Бұрын қалай болды? Тек қана ислам бізді құтқарады. Ислам бізде жақсылыққа алып барады. Каддафи болсын, басқасы болсын ол құдайдың жердегі өкілі дегендей айтылды ғой. Бірақ, халық қарап отыр»,-дейді ары қарай. Сөзінің астырында Араб елдеріндегі қазіргі лаңға исламның қатып қалған қағидалары кінәлі дегендей бір нәрсе жатыр. Мен бұл кісінің пікірін дұрыс түсінсем, бұл кісі мұсылман емес сияқты. Өйткені исламды модернизациялау тіпті түгелімен құрту қазір АҚШ-та отырып әлемге бұйрық беріп отырған, Араб әлеміндегі бүліктің барлығын ұйымдастырып отырған еврейлердің өмір бойға арманы емес па? Олар Ерімбетовтің сөзін естісе ескерткіш қояды.

Мақала сілтемесі: http://azanbekov.wordpress.com/2011/03/02/%d0%b8%d1%81%d0%bb%d0%b0%d0%bc%d0%b4%d1%8b-%d0%bc%d0%be%d0%b4%d0%b5%d1%80%d0%bd%d0%b8%d0%b7%d0%b0%d1%86%d0%b8%d1%8f%d0%bb%d0%b0%d1%83%d2%93%d0%b0-%d0%b1%d0%be%d0%bb%d0%b0-%d0%bc%d0%b0/

Шаттықта күн кешкен,
Қос жүрек үндескен,
Біздер едік, іздеп едік жол бірлескен.
Болмаған бақ па екен?
Алдамшы сәт пе екен?
Бал шақтар-ай, аңсатқан-ай, қай жақта екен?

Facebook әзірге mail.ru-ға балама бола алмас деп ойлаймын. Әйткенмен Қазақстандық интернет қолданушылар орыс тілді виртуалды кеңістіктен ағылшын тілді әлеуметтік желіге сіңісе бастады.

Neweurasia.net сайтына жазба әзірлеп отырып, байқап қалдым. Қазақстан Facebook қолданушылары бар 213 елдің ішінде 103-орында тұр. (кестедегі бірінші баған тіркелген қолданушылар санын, екіншісі сандық және пайыздық өсуді, үшіншісі интернеттегі алар үлесін көрсетеді)


Орталық Азия елдері ішінде бірінші орында екенбіз. Соңғы айларда facebook қолданушылар санының көбеюін mail.ru акцияларының Лондон Қор Биржасында сатылуымен байланыстырушылар бар. Facebook иелері ресейлік ақпараттық-ойын сауықтық порталдың минориталды акциясын сатып алыпты [орыс.т].

Mail.ru-да поштасы барларға сайттан хат бармай жатыр екен. Оның себебі Mail.ru-дың өзінде болып отыр. Олар сайт серверінің ІР номерін динамикалық деп ойлап, блок қояды екен.

Егер Керекинфодан сізге ескертпе хаттар келсін десеңіз, құпиясөз ұмытқан жағдайда жаңа құпиясөз алу үшін поштама сілтеме келсін десеңіз Прфиліңізге кіріп, егер mail.ru поштасымен тіркелген болсаңыз өзгертуіңізді сұраймын.

Өзгерте алмадым дегендер asaubota@gmail.com адресіне логин және пошта адресін жазып хат жазсын.