ВИТ-пен танысу немесе тренировкадан құсып жібердім...

Бүгін Жұмыс біткен соң, жаттығуларыма өзгеріс енгізбек болғанмын. Алдында Жоғары Интенсивті Тренинг Стероидсыз Бодибилдинг — деген бір кітапты түсіріп алып, ішіндегі жаттығу жүйелерін сынап көрмек болдым.

Сол кітапты оқып бастағаннан, «сен жаттығудан құсқың келетіндей күйге түсіп көрмесең, сен нағыз тренингтің не екенін білмейсің» деген екен.

Программаны қарасам, ішінде әр жаттығуға тек бір ғана подходтан екен.
Мысалы, салмақпен присед жасау — 10 мәрте-бір подход.

Ой әншейін ақ қой деп ойладым. Мен залда 4-5 подходтан ұратынмын.

Әрі қарай оқысам:
«Шынығудың ұзақтығы 45-минут, әрі кетсе 1 сағаттан аспау керек» дейді. Аптасына екі күн шыныққан дұрыс дейді.

Өй оңай ғой деп ойладым. Әдетте, мен залда 2-3 сағаттан шынығатынмын.

"Әр жаттығуды асықпай, техникасын сақтап, мейілінше баяу ырғақпен үздіксіз жасау керек." деген.

Темір көтергенде, бетіңді тыржитпау керек. Бір жаттығудан кейін екінші жаттығуға секіріп, арасында көп демалмау керек, Ыңқыл-сыңқыл керегі жоқ, дұрыс тыныс алу керек" деген сияқты ережелермен қаруланып, бүгін нар тәуекел деп шынығуды осы жүйемен жасадым.

Сізге өтірік маған шын, тиіп-қашып 4 жыл шынығып жүрсем де, мына жүйемен жаттығуларды жасай бастағанда, 20 минут өткенде жүрек соғысы екі есе жылдамдады, дем жетпей басым айнала бастады.
Бұлшық еттер өртеніп, ішіне қышқыл құйып жібергендей шыжғырып барады.
Ереже бойынша осылай аура бастағаннан кейін тоқтамау керек, тағы бір екі рет көтеру керек.

Сонымен, жігіттердің ең сүйікті, ең оңай саналатын «Бицепске штанга көтеру» жаттығуына келгенімде, демім таусылып, еттерім қажып, басым айналып тамағыма лоқсық келіп құсып жібердім.

Оңай емес екен. 45 минутқа сидыра алмадым. Бәрібір арасында сочкавайттап демалып қойдым бес минут.
Бұл тренингті американдық Рэгбишілер жақсы көреді екен, күш, төзімділік, жүрек пен дыхалканы шынықтыратын көрінеді.
Бөлісу:

31 пікір

meirzhan
Бұндай эксперименттерді байқап жасау керек сияқты, ең бастысы денсаулыққа зияны болмауы керек.
Gastarbaiter
Техникасын бұлжытпай орындасаң, және залдағы жігіттерге әсер тудыру үшін салмақты үйіп салатын әдетің болмаса, көрпеңе қарап көсіле білсең денсаулыққа зияны жоқ сияқты.
Уопшым өлмейсің бұдан.
JebeNoyan
рахмет! осындай мәліметтерді көбірек салыңдар! бірақ құсу туралы тым артық кеткен секілді, бұл жерді Арнолтдын сөзін ескеру керек.
Gastarbaiter
Арнолт маладес, бірақ ол стеройдты шелектеп жеген ғой.
sammita
Гаста алғаааа! Тақырыптан тыс сұрақ, өзің туралы жазғанда хоббилер ішінде қолөнер де жүр. Осы жөнінде сәл толығырақ.
Real_man
бұрын істегенде, тренер мағанда айтатын тренировка 45мин-1 сағат,әр подходтың арасында 30 секундтан артық демалма деп, сөйтсем ана травма, ет жыртылу дегендер сол ұзақ демалғаннан боладекен ғой, дененің қызуы суып қалса, алдын көтерген салмақты көтералмай бұлшықет отказ беруіде мүмкін. Ана аптасына 2 күн істейтін система профессионалдардың системасы, өйткені ауыр салмақта көтерген соң 1 аптада 3 рет деген денсаулыққа әсіресе жүрекке зиян…
Gastarbaiter
Жалпы мына ВИТ-ті кітабында мақтаған екен, мен бұны бір ай сынап көрдім. Мықты. Бірақ дыхалкаға әжептәуір салмақ салады. 45-минуттың ішінде дымға жарамай, сұлап түсесің, бәрін дұрыс жасасаң. Дененің өсуі тоқтап қалғанда, уақытша программа ретінде қолдануға жақсы, бірақ үнемі ВИТ-пен шынықсаң зайыбың шығады. Бір программаның берерін сығып болған соң, басқасына көшу керек, әйтпесе мотивацияң әлсіреп қалады.
Gastarbaiter
Ана аптасына 2 күн істейтін система профессионалдардың системасы, өйткені ауыр салмақта көтерген соң 1 аптада 3 рет деген денсаулыққа әсіресе жүрекке зиян…

Сен қай профилерді айтып отырсың? Негізі программа көп. «Дейн және кейін» суретің болса сала отыр осында программаңмен қоса, результатың мықты болса, бәлкім сенікі жөн шығар.

1 аптада үш рет жүрекке зиян деген қыртыңбай әңгіме. Мәселе техникасында. Және денең өскен сайын жүрегіңді де жартысағаттық кардиопробежкалар (әсіресе майы бар адамдарға) жасап тұру керек дегенді көп жерлерден оқып жүрмін.
Real_man
өй мен көп істегенде емеспін, істеген системам жайлы жастарда бір тақырыпқа пікір қалдығаным барет, былтыр 3 ай істегем и одан кейін тастап кеткен соң бір тиын болды… мен анау жарыстарға барып бордақыланатындарды айтыватрым, ауыр салмақта көтеру зиян емеспа не) қыртыңбай әнгіме -деп қоясың))
Gastarbaiter
Оған дейін көтергенің тек мышка болса, әрине ауыр. Ауыр деген салыстырмалы түсінік ғой. Мысалы бәзбір Мырқымбайға 100 кг он рет көтеру кәдімгі күнделікті шаруасы. Ал Тырқымбай 100 келі тұрмақ 50 келіге белі шойырылып түседі.
Тағы айтамын, мәселе прогрессияда.
Темір көтерудің техникасын ежелгі гректерден артық әлі ешкім айтпаған. Ежелгі бір миф бойынша, Милон деген бахадүр иығына кішкентай бұзауды артып алып, мал қораны айналып жүруді күнделікті әдетіне айналдырыпты мыс. Бұзау өскен сайын, Милонның күші де өскен, тұрқы да алыптана бастаған.
Сол принцип әлі күнге дейін біртіндеп жүк салмағын өсірудің озық мысалы ретінде қолданылады.
Бірден 100 келіні көтеріп зорығудың қажеті жоқ. 40 келіден бастап, аптасына бір келі, жарты келіден қосып отырсаң, салмақ тым ауыр болып сезілмейді. Есесіне бүлшық еттер шынығып, сүйегің жуандап үлгеруі керек. Бір айдың ішінде химикатпен күшіңді асырсаң, сіңір мен сүйек буындарың, қан айналым жүйесі әлі ондай жүктемеге дайын емес, шынықпаған болады, ал бұлшық етің химия күшімен 100 келіні ойланбай тартады. Міне осындай табиғи емес, жасанды жағдай тудыру жүрек, буын, бүйректеріңе тіпті көтен ішегіңнің түсіп кетуіне себепші болуы мүмкін.

Табиғи, біртіндеп шынығу күтпеген жерден жарақат алып қалу қаупін азайтып, бүкіл ағзаңның жоғары интенсивті жүктемеге ыңғайланып дамуына көмектеседі.
Сұрақтарың болса, қуана білгеніммен бөлісемін.
konvict
Гаста бұл кітабыңның электронды нұсқасы болса маған берші. Гөөглдан іздеуге ерініватрм
Gastarbaiter
Ертең қол тисе поштаңа салып жіберем. «Думай» деген Мак Роберттің кітабы жақсы көмектескен. Ал мына кітаптың ілімін, ара тұра біркелкіліктен жалыққанда жылына бір екі ай ғана сынап көруге кеңес беремін. Екеуін де салып жіберем.
konvict
Алдын ала рахмет!!!
Real_man
Мен мынамен істенген едім 3 ай, -системаны ауыстырамыз енді, 10 кун ештенке істемей демал -деген еді тренер) мен сол күйі бір жағдайлармен тастап кеттім. Бұл енді новичоктарға алналған шығар…
№1
жим лежа средний(пирамида қылып)
разводка
турник
отжимания
бицепс штанга
бицепс молоток
предплечье
пресс

№2
приседания штанга
пресидания наклон вперед
брусья
французский жим
Трицепс машина
Одинарный
предплечие
пресс

№3
становая тяга
жим сидя
румынский
плечи одинарный
жим на себя
предплечие
пресс
Gastarbaiter
Новичоктарға ең алдымен тренировочный режимға үйрету керек денесін. Ешқандай масса, бұлшық ет туралы әңгіме болмауы тиіс алғашқы айда. Одан кейін үш ай тіпті алты айға дейін, прогресс баяулап қалғанша сол программамен ұра беруге болады. Тек салмақтарды өсіресің күшің өскеніне сәйкес.
Бірақ мен бір жалпы жаттығудан кейін, сенің программаңдағы Жим Лежа, Тяга, Присед — осы үшеуінен басқаға алаңдамаған жөн деп ойлаймын. Пока каркасыңды толық өсіріп, керекті дене салмағыңа жеткенше. Одан кейін, майда бұлшық еттерге бас қатыруға болады.
Көбісі масса өсірмей жатып, рельефті ойлайды. Сөйтіп, Концлагердегі еврей сияқты қу сирақ болады да, тұқымым сондай деп өзін жұбатады.
Real_man
)))) ия, алғашында менде сөйтіп ойлағам,
Janasil
Гасеке жаттығу арқылы денеге ет жабыстыра аламыз ба. Семіруге септігін тигізетін бағдарламалар бар ма?
Gastarbaiter
Болады. Үш жаттығу жоғарыдағы. Сосын салмақты біртіндеп өсіру. Араға кемінде бір күн, артығына үш күн салып жаттығу керек. 7-8 сағат кемінде ұйқы. Күніне 4 рет кемінде ас ішу. Жатарда бір кесе қатық, алма, иогурт, банан жей салуға болады.
Дене шығаратын сан 8 бен 10 арасында. Яғни он рет отырып тұру, он рет штанга көтере алатын салмағыңмен жұмыс жасаған жақсы дейді. Басқаны қайдам, маған көзге білінетін результат берді.
Adiletshu
Дене шығаратын сан 8 бен 10 арасында
бір подходта 4-6 рет көтеремін. Салмақты азайту керек па
Erlan
5 кг дай салмак костым, дайындыктан сон, аптектекадан сатып алган, минералдын жане витаминдердин 1 кундик нормасын толыктыратын таблеткалар иштим, танертен 3 жумыртка абизательно, сосын кез келген тамактан тартынбай баса беру керек))
Gastarbaiter
5 кг дай салмак костым, дайындыктан сон, аптектекадан сатып алган, минералдын жане витаминдердин 1 кундик нормасын толыктыратын таблеткалар иштим, танертен 3 жумыртка абизательно, сосын кез келген тамактан тартынбай баса беру керек))
Толық келісем. Тәуір тәннің иесі болу үшін химикаттың мүлде қажеті жоқ. Кәдімгі мультивитаминдердің тәуліктік дозасын ішсең, тамақты баса берсең (егер арық болсаң) жетіп жатыр. (Ал қарынды кетіру үшін, ақ сортты наннан, рожкы макарон, лапшадан мүлде бас тартып, картошканы азырақ жеу керек. Майлы, ұннан жасалған, және тәтті тағамнан аулақ болып, жүгіріп, аэробикалық жаттығулар жасау керек.)
Химикат тек монстр болып кішкентай балаларды қорқыту үшін немесе Мистер Олимпияда чемпион болу арманың болса ғана ішуге болады.
Zere
Гейнер химикатқа жата ма?
Gastarbaiter
Бодибилдинг-фармакологиялық компанияларының ақша істеудің амалы. Журналдар сатудан түскен ақша тақиясына тар келгендіктен суперпрепарат, аминокислоты, гейнеры, қыртым, сыртым деп туралған сәбізді «Мегасупербета- каротин Плюс теперь со вкусом клюквы» деп жарнамалап атасының құнына сатады.
Пайдасы бағасына татымайтын, боқтық.
Gastarbaiter
Алғашқы жылы 15 кг қосқанмын. Сөйтіп 60-тан әзер асатын салмағым (ол кезде жасым 23-24 -те) бір жыл ішінде 75 келіге барды. Бұрыңғы солай.де, жастардағы суретім сол кезде түсірілген.
Кейін режимді бұзып, дұрыс тамақтанбай, қыз қуып, залға бармай))) сыра ішіп ләйліп кеттім. Жарты жылда 10 кг салмақ тастап, больницадан бірақ шықтым. 8 ай стационар, 6 ай үйде күтіндім. Тұяқ та серппедім.
Баяғы салмағым орнына келді. Бірақ бұлшық ет түрінде емес, май түрінде) Қарын шығып кеткен болатын.
Содан Доқтырлар «Добро» берген соң былтыр жаздан бастап тренажерканы бір аптадан ұзақ уақыт үзбеуге тырысып жүрмін.,.
9- кг қосып алдым тағы, аздап май бар. Осыдан екі апта бұрын салмағым 84 кг болды.
Пауерлифтингтен жим лежадан үшінші (взрослый) разрядтың нормативін орындадым.
Химиясыз, мусорсыз табиғи түрде денемнің даму шегін білгім келеді. Содан кейін өсіруді тоқтатып, аэробикалық жаттығуларға көшем (жүзу, волейбол, велосипед)
Adiletshu
лғашқы жылы 15 кг қосқанмын. Сөйтіп 60-тан әзер асатын салмағым (ол кезде жасым 23-24 -те) бір жыл ішінде 75 келіге барды.
Толығырақ айтып берсең
Gastarbaiter
беу.кз — бастауыштарға арналған бағдарламамен бастай бер. Ол біткенше менің әуесқойларға арналған кітабым да жарық көріп қалар. Көбі бітіп, азы қалды. Алғашқы басылымға 100 ғана данасын жберетін болдым айтпақшы. Сосын отзывтарыңа қарай өңдеп, екінші басылымның тағдыры шешілед. Тәуекелге барып 3000 тираж жасауға кризис боп тұр уақытша.
Sabions
жаз бойы штанга, гантель көтеріп жүр едім. жазда аула ішінде таң атпай, ымырт уақыттарда дайындалатын едім..қазір қыс болған соң дайындалатын жер болмады… ай-ай жарым уақыт дайындығым тоқтап қалды. Гаста, үйден отжимания, пресс жасап, бруься менен турникке тартыла берсем бола ма?..
meirzhan
Нагрузканы таңертең бергенге Гаста не дейді екен?
Adiletshu
Сет дегенинди тусинбедим. 10 рет тең 1 сетке ма.
Gastarbaiter
турник, отжимания пресс дененді жалпы формада болып, сергек жүргісі келетін кез келген адам жасауына болады. Ал темірмен айналысып денеңді жаңа деңгейге көтергің келсе, алдымен дәрігердің рұқсатын ал.өзің үшін. Жалпы темірсіз шынығуға болады. Темірге мүмкіндік болмаса. Пима болып шаң басып жатқанша. Кейін залға қайта келгенде, үйренісуің оңай болад.
Айтпақшы, сет деген подход, шынығу барысы кезеңге, кезең бірнеше аптаға, апта жаттығу күндеріне бөлінед.
Жатығу күнінде 1-12 жаттығуға дейін болады. Жаттығулар дене бөліктеріне қарай топталады.
Бір жаттығуды бірнеше рет қайталайды. Қайталау арасында 0-1 секунд яғни үздіксіз.болады. Ал сет бір немесе бірнеше қайталаудан тұрады (оптимал 6-10).
Сеттерді 30-секундтан 3 -4 минутқа дейін созылатын демалыс бөледі.
Сетті мен кітапта, амал деп аударуды жөн көрдім.
Мыс, жатып көтеру, 10 реттен 5 амал. немесе 1ші амалда 5 рет, 2 амалда 3рет қайталау.
Таңертең тұра салып үлкен нагрузка беру жаман дегенді естімедім. Жеке өз ойым, тек жаттығуға сол кезде ғана уақыт болса, амал жоқ. А так организм ұйқы жағдайынан, ояу жағдайына икемделіп жатқанда қинамас едім. Жай қан жүгіртетін бес минуттық зарядка болмаса, моторға зиян сияқты, алдыңда бір күн бар бітпеген, ол күнде қандай болатыны белгісіз, бәлкім біреуге көмектесу кеоеу болады, әлдеге көтеоу кк болады, әртүрлі стресстік жағдайға запас күш керек. Ал кешке алдың түн, ұйқы, демалыс болғандықтан беріліп жаттығуға болады.