Негізгі кейіпкерлер өмірден алынған, әңгіменің көп бөлігі ойдан шығарылған. Тарихи факт емес, әңгіме ретінде қабылдаңыздар.

Тағдырына соғысты өткеруді жазған Бөлеубай ата және Женя апа, сіздердің аруақтарыңыздың Құрметіне!
Уақыт тоқтаған емес, секундарын минутқа, сағаттарын тәулікке, жылдарын-жылға қосқанда отыз жыл өтіпті. Жаз шыға үй іші мені ылғида жоғалтып жүретін.
-Біздің кішкетай ұлды көрдіңдер ме?
-Көрген жоқпыз.
Дәл сол мезетте көрші Бөлеубай ата мен Женя апаның үйінің ас ішетін бөлмесінде отыратынмын. Жеген-ішкенім есімде жоқ, бірақ қолымда ұстаған үлкен күміс ас қалақ еміс-еміс көз алдыма елестейді. Үзік-үзік болып есте қалған тәтті естеліктердің бірі.

Тәуелсіздік таңы атса да Тұранға,

Әлі бізді адымдатпас бұғау көп.

Мұсылманға хақтың жолы Құранда,

Кім айтады ақтың жолы мынау деп?!

Тіршілікте тойым бар ма адамға,

Көкейлерде сауалдар жүр мың күпті.

Әркім өзін жөн санаған заманда,

Кім айтады қиып түсер шындықты?!

Тура бидің тұрағы елден алыстап,

Ақиқат та айтылмайды дәл бүгін.

Аяз билер, Жиреншелер қалыс қап,

Айтқан сөзі дұрыс боп тұр әлдінің.

Адамдықтың әдірем қап шарты ізгі,

Көңілдерді күмән бұлты торлауда.

Арашалау былай тұрсын әлсізді,

Әділет те зәру бүгін қорғауға.

Арамдардың алшы түсіп асығы.

Кес-кестейді алды-артыңды күліп бір.

Артық шығып асылынан жасығы,

Заман бетін жылпостарға бұрып тұр.

Иыққа алу тиімсіз боп ар жүгін,

Есірікке кетті ақылдың есесі.

Жаратқанға жетпей үні жарлының,

Ернеуінен асты ептінің кесесі.

Жиі құлап адалдардың байрағы,

Жалғандық жүр орын алып төрлерден,

Ақылымның содан шығып ойраны,

Күпті болған көңіл шіркін шерменде!

АСТАНА

Алыстан шалған маңайды,

Арқаның төсі арайлы.

Астана сынды ай-қала,

Асқақтап маған қарайды.

Айтатын сөзім кесімді,

Асуға бұрдым көшімді.

Астана асқақ қарайды,

Аймалап ерке Есілді.

Айта алман бүгін «күйім кем»,

Алты әлем саған сүйінген.

Астана — әсем арудай,

Айтулы тойға киінген.

Ажары әрлі ғажап тым,

Ауасын төкті азат күн.

Арқалап өзі тұрғандай,

Арманын барша қазақтың.

Алашқа болып дара шың,

Арқадан таптың жарасым.

Азғана паңдық бар сенде,

Арудай білген бағасын.

Аңсаттың елдің талайын,

Алқаны жырдан тағайын.

Астана асқақ тұр ғой деп,

Аспандап кетпе, ағайын!

АЛМАТЫ

Жаңа түлек,

жалын жүрек,

жас шағым,

Кеудемізде күмбірлейді асқақ үн.

Есімде әлі, арқалап сан үмітті,

Алматыға алғаш қадам басқаным.

Айта алмаймын,

маған құшақ жайды ма?

Қадам бастым айбарынан қаймыға.

Қабылдады қырдың қара баласын,

Оған күн мен сан сырласқан ай куә.

Биіктетіп мұратымның шоқтығын,

Қызық-думан қалқасында кетті мұң.

Жалындаған жастықпенен жарасты,

Өтті жылдар,

өтті айлар,

өтті күн.

Жүрдек уақыт қамшы басып сауырға,

Бірде аптапқа салды, бірде дауылға.

ҚазМУ атты қасиетті шаңырақ,

Білім беріп, аттандырған ауылға.

Үміт артып алдағы атар ақ таңға,

Сен баптаған балаң талай шапты алға.

Қайта оралдым жылдар салып араға,

Қатаң тірлік қабырғама батқанда.

Заман туып қазағымның бағына,

Тәубе дедік тәуелсіздік таңына.

Алашыңнын бар арманын арқалап,

Өгейсітпей өбектедің тағы да.

Таусылған ба тіршіліктің таласы,

Көш түзеліп, жазылды елдің жарасы.

Аттың басын қайта бұрдым ауылға,

Шақырған соң Талдықорған қаласы.

Сан тағдырды тоғыстырған жер үсті,

Теріп жейді бұйырған бір жемісті.

Талдықорған…

сонда өтті алаңсыз,

Кемел шақтың көп күндері келісті.

Дей алмаспын алынбайтын шеп құрдым,

Байламы жоқ бақ талайы текті ұлдың.

Алты Алашқа айбар болған Алматы,

Қайта айналып тағы алдыңа кеп тұрмын.

Ару қала — арманымның өзегі,

Ет жүрегім елдің мұңын сезеді.

Үшінші рет алдыңа кеп жүгіндім,

Үш мәрте ғой ер жігіттің кезегі.

Қоныстанып қос шаһарға кезекпен,

Байқамаппын жылдарымды тез өткен.

Жүгі ауырлап жеткіншегің жеткенде,

Жатқа балап, итермессің өзектен.

Болжап қайтем,

тағдыр неге кез қылар?

Орта тапсам ойымды оқып, сөзді ұғар.

Арман қала, ақын келді алдыңа,

Елде туып, астанада көз жұмар!

ТАЛДЫҚОРҒАН

Тастағам жоқ Талдықорған мен сені,

Сағынышым көтертпейді еңсені.

Өзің едің тазалықтың теңеуі,

Өзің едің әсемдіктің өлшемі.

Тастағам жоқ,

жолаушылап кетті де,

Салған да жоқ түйткіл өмір тепкіге.

Қоныс болдың жақсы менен жайсаңға,

Мекен болдың адалдар мен тектіге.

Талдықорған,

тал бесігім, киелім,

Жүрегімнің қоңыр сазды күйі едің.

Арудайын күн нұрына малынған.

Жамалыңды жанымменен сүйемін.

Көк аспанды торлағанда бұлты кеп,

Тұратындай таңғажайып жыр тілеп.

Екі ерке өзен — Көксу менен Қаратал,

Қос бүйірден ағып жатыр күркіреп.

Алатаудан атқан кезде таң сағым,

Көңілімнен қашушы еді қанша мұң.

Сұлуларды көрік берген көшеге,

Серік болған жігіттерді аңсадым.

Жақсылыққа жүрген болса шөлдеп кім,

Жатсынбай-ақ жидың жұртын жер-көктің.

Жұматайды, Әбен менен Ордашты,

Бесігінде өлең-жырдың тербеттің.

Талдықорған,

мен болайын жолыңда ән,

Перзентіңмін бақытым көп сорымнан.

Қимайтындай құрбы-құрдас көп сенде,

Аға таптым, ініні ерттім соңымнан.

Аралап бір жүргендейін гүл ішін,

Арықтарда сыңғырлайды күміс үн.

Шаған таудан көрінгенде көк сағым,

Таңғы ауадай ашылады тынысым.

Естіге де құшақ жайған, ептіге,

Ақын саған сағынышын төкті ме?

Талдықорған,

тағдырымның таңдауы,

Тастағам жоқ,

жолаушылап кетті де!

САБАҢА ТҮС, ЖҮРЕГІМ

Сабыр, сабыр, жүрегім,

Сабаңа түс, салқында,

Сен жарылсаң қайтемін,

Борышым көп артымда.

Адалы бар өмірдің арамы да жетерлік,

Жасың құмар қызықтан тартынбайды қартың да.

Өрекпіген, өртенген,

өзің ғана деймісің?

Құлан жортқан даладай құлазиды кейде ішім.

Құлағымды басып-ап құла түзге кетсем бе,

Түйткіліне тірліктің мына көңіл тойды шын.

Саябырлат дүрсілді,

сабыр, сабыр, жүрегім,

Салмақ салдым көтермес, сызат салдым,

білемін.

Сенің адалдығыңды, арманыңды кім ұқсын,

Ескерер ме естілер елжіреген тілегін?!

Суық сөзі семсер боп қадалды ма ағаның?

Құлады ма ол жайлы өзің соққан қамалың?

Іздеп едім өмірден ізгілікті жалықпай,

Тілім-тілім болғанша тасқа тиіп табаным.

Қадіріңе жетпеген,

жастығына күбінер,

Қиналдың ба көңілді қалдырды деп інілер.

Сабыр, сабыр, жүрегім,

болмашыға босама,

Алдыңда әлі күндерің тіршіліктен түңілер.

Сезім қайтып көрді ме сылқым сұлу қыздардан,

Кетті ме әлде алшақтап қызғалдақ қыр біз барған.

Сұлулықтың сұп-суық сескендің бе сұрқынан,

Қамықтың ба әсемдік әкелетін ызғардан ?!

Сабыр, сабыр, жүрегім,

соға берме шапқын ғып,

Сері болып бір кездер сәйгүліктен ат міндік.

Ескермедің сол кезде бар екенін тірлікте,

Адалдардың сазайын тартқызатын сатқындық.

Біреулерге шыңырау,

біреулерге шыңдайсың,

Ардақтаған өзіңді аяулыға күн де, айсың.

Сабаңа түс жүрегім,

Санаға сал бар істі,

Көреріңді тауыспай бәрібір де тынбайсың!

СЫРЫМҒА СЫР

Ұлым,

әсте асқақ болар арлы адам,

Сен от басып қалмасын деп қарманам.

Көрдім талай жақсы менен жаманды,

Айтарым бар, құлағыңды сал маған.

Ұлым,

өмір тұра бермес күлімдеп,

Арқаларсың тағдырыңнын жүгін көп.

Елді ойлаған Даттың ұлы сияқты,

Болсын дедім ат қойғанда Сырым деп.

Ұлым,

сүрдім бұл өмірді бұрын кеп,

Тағдыр тезі маңдайымнан білінбек.

Сырым менен жырымды ұқсын деуменен,

Қойған едім есіміңді Сырым деп.

Сырым дедім,

ұлым дедім шаттана,

Алмасады бұл өмірде бақ, нала.

Сен ез болсаң тірі өлгені әкеңнін,

Шаттығымды ойсыздықпен таптама.

Армандай біл,

арман сенің қанатың,

Қиял құсың шарықтасын бала күн.

Жүрегіңнін түкпірінен нұр шашып,

Арман — отың мәңгілікке жанатын.

Ұлым,

байлық мұрат емес адамға,

Ізгіліктің ізі жатсын санаңда.

Арзан күлкі азаматты отқа айдар,

Әрқашанда жұрттың жайын бағамда.

Текті атаның ұлысың сен киелі,

Ақылменен аңдап сөйле жүйелі.

Менің даңқым саған құрмет болмайды,

Еңбек етсең бақ та басын иеді.

Мұхитқа сап мұратыңнын кемесін,

Зұлымдықпен болсын әркез егесің.

Өтінемін,

сөз келтірме атыңа,

Түңілген жұрт «тексіз екен» демесін.

Дана жүрген,

сана білген тарт ізге,

Ашуға ерме, безбен болсын ар-сүзбе.

Мықтылардан ығып име басыңды,

Мықты екем деп күш көрсетпе әлсізге.

Әр ісіңді туған елге тиімді ет,

Дос іздегін,

дос көп болса үйің көп.

Алшақтама ақиқаттың аулынан,

Тайсақтама ақтың жолы қиын деп.

Білім ізде,

үйрен және өнерді,

Өрелі адам өнерменен көгерді.

Ақылға сал, алғы күнге көз жібер,

Өресізге мына жалған не берді?!

Сырым едің жүрек жырын қозғаған,

Бақыт іздеп дүние кезген аз ба адам.

Ұлым,

сенсің үмітімнің өлшемі,

Өшірмегін сол үмітті маздаған.

Ойсыз жанға ұсынады төрін кім?

Арманым сол, биіктерден көрінгін.

Екі бірдей дүниеде ризамын,

Менің емес, ұлы атансаң еліңнін!!!

Сонғы кезде мына 26 жасар Элли Гоулдинг өзінін туындылармен қуантып жүр. Жана күйтабағын тындап, ұнатып қалдым. Мына ән күйтабақтын ішіндегі ен сүйіктісі:



Екінші ұсынғалы отырған ән, Латын Америкада желтоқсан айынын ен үздік әні:



Үшінші ән, ұялы телефонымның қазіргі рингтоны:

Американдык аншилер оздеринин турли турли койылымдарымен шебер, сонын бири Бейонс. Супербоул 2013 финалында 15 минуттик узилисте жыл сайын атакты аншилер халыктын конил котерип, билеп, ан салып, шоу жасауды адетке айналдырган. Алдынгы жылы 54 жастагы Мадонна секирип, билеп, акробаттык кимылдарымен журттын аузын аштырган болса, мына жылы Бейонс та калыспай, оте керемет мини шоу жасады. Койылымнын ортасында, сахна астынан барине тосын сый жасап Тагдырдын балалары(Destiny's child) мушелери атып шыкты, ушеуи бирге секендеп ан салып, халыкты шулатты. Олар шоу жасауга каражат аямайды, есесине халыктын конилинен шыгып, оздеринин аншилик беделдигин арттырып, колдаушылар, жанкуйерлер жинап алады. Ширкин биздин аншилерде солардын улги алса? Мына видеодан Бейонс ханымнын койылымын тамашаланыздар:

Сертификат компанияның қоршаған ортаға немқұрайлы қарамайтындығының дәлелі болып табылады

Тұрмыстық техника мен тұтынушылар электроникасын өндірген кезде көмірсутектерді аз шығаратын LG компаниясының 6 өнімін CarbonFree® сертификатымен марапаттады. Қарқынды жұмыс істеуінің арқасында LG компаниясы қоршаған ортаға зиян келтірмейтін компанияларды бағалайтын, әрі алдыңғы қатарда келе жатқан Carbonfund.org ұйымның Foundation CarbonFree® сертификатын иеленді.

CarbonFree® сертификатымен марапатталған өнімдер: Optimus G смартфоны, OLED-экранды теледидар, кір жуғыш машина, тоңазытқыш пен шаң сорғыш машина және монитор. Өнімдерді сертификаттау кезінде өнімнің өндірілгенінен бастап, жеткізілуі мен пайдалану өмірлік циклы жан-жақты қарастырылды.

«Қоршаған ортаның ластануынан сақтайтын компания болғандықтан, нарыққа тек энергетикалық тиімді өнімдерді өндіріп шығаруға міндеттіміз. Айта кетерім бұл «спринт» емес «марафон», сондықтан алдымызда ұзақ жол күтіп тұр. Бақытымызға орай біз басын жақсы бастадық»-деп LG компаниясының техника бас директоры д-р Скотт Ан (Dr. Skott Ahn) айтты.

# # #
LG Electronics компаниясы жайлы
LG Electronics-әлемдегі ең үздік компания, әрі нарықтағы тұтынушылар электроникасын, мобильдік байланыс пен тұрмыстық техника мен инновациялық технологияларды құрастырушысы. 2011 жылы әлем бойынша 117 офис болып, LG компаниясының ғаламдық сатылым көлемі 49 млрд. АҚШ долларын құрды (Корей елінің 54,26 трлн. воны). LG компаниясы Home Entertainment, Mobile Communications, Home Appliance және Air Conditioning & Energy Solution деген 4 бөлімшеден тұрып, жайпақ панельді теледидарлар, мобильді құралдар, кондиционерлер, кір жуғыш машиналар мен тоңазытқыштарды шығаруда әлемдегі ең үздік компания болып табылады. LG Electronics компаниясы 2012 ENERGY STAR ® -дың Жылдық Серіптестігі. LG Electronics компаниясы жайлы көбірек жаңалықтар мен мағлұматтармен танысқыңыз келсе www.LG.kz сайтын қарап шығуыңызды өтінеміз.

LG Electronics Home Entertainment компаниясы жайлы
LG Electronics Home Entertainment жайпақ панельді теледидарлар мен аудио-видео плеерлер нарығында тұтынушылар мен бизнес үшін әлем бойынша ең үздік болып табылады. LG Electronics Home Entertainment компаниясы шығаратын тауарлар арасында сұйықкристалды және плазмалы теледидарлар, үй кинотеатры мен Blu-ray плеері, аудио құрылғы мен видео плеерлар бар. Компания көп функционалді және жоғарғы дәрежелі техникалық құрылғыларды шығару арқылы үйде уақытты қызықты өткізудің жаңа деңгейіне алып келді.

Кешіріңіздер!!

!

Қазіргі кездегі ұлдар мен қыздардың кеш тұрмыс құруы және оның себептері.

деген тақырыпта маған коллективтің ішінде, яғни «Айтуға оңай» деген бағдарлама секілді бір бағдарлама өткіз деп жатыр.Соған директорға дейін келемін деп қызығушылық танытып жатыр еді.Сіздерден өтініш маған бұл бағдарламаны қалай өткізген жақсырақ немесе қосымша ақпарат, нинтернеттен сайт аттары немесе әдемі — әдемі сценарийлар болып жатса айтып, бір сілтемелер т.б. жөн көрсете отырсаңыздар. Әйтеуір керекинфодағы азаматар мен азаматшалардың ойы менің ойымнан артық болмаса кем емес дегенім ғой
РАХМЕТ!!!

Қоғамдағы кәрі кыздардың көбеюі

кейде алып қашудың пайдалары бар -ау?

Осындай көрністерге қарағанда Көз қуанады.

Өмір қызық қой, бір күні өзіңді ең бақытты адам секілді сезінесің, бір күні сен үшін бәрі біткендей, дүние құрығандай күй кешесің. Бірақ мен әлі жас болғандықтан, соншалықты қиындық көріп, қиын жағдай болған емес. Бірақ күндер өте келе, қоғаммен араласа келе түрлі жағдайларды да, түрлі сезімдерді де бастан кешесің.

LG Жаңа OLED теледидары LG компаниясының ұстанымын бекітіп, технология мен дизайн саласында ең алғаш жол салушы деп танылды

LG Electronics (LG) компаниясы Лас-Вегасте өткен CES 2013 халықаралық жәрмеңкесінде тұңғыш рет жаңа EA9800 толқынды экранды OLED теледидарын көрсетілімге шығарды. WRGB фирмалық технологиясы арқасында ерекше жіңішке экранды шығаруға қол жеткізді. Экранның майысқан дизайнымен және табиғатта кездесетін барлық түстердің анық түрде жеткізетін ең үздік сапалы кескіндемесімен ерекшеленетін теледидарын шығарды.

Теледидардың жаңа ерекше EA9800 моделі өз индустриясында тұңғыш рет ерекше майысқан дизайнды CINEMA 3D теледидарын ұсынды. LG компаниясы бұл өнімнің бағасын әлі жарияламады.

«LG компаниясы диагоналі 55 дюймді OLED теледидарын ең алғаш боп шығарды. Біздің жаңа OLED теледидарларымыз көрермендер бұрын тамашалаған теледидарды ұмыттырып, ерекше әсер қалдыратына сенімдіміз. Жаңа майысқан экранды теледидар ерекше дизайнымен, әрі дисплейінің жіңішкелігімен, эстетикалық әдемілігімен OLED теледидарлар топтамасының қатарын толықтырып отыр»,-деп LG Home Entertainment бас директоры, әрі президенті Хавис Квон жариялады.

LG OLED TV теледидарлары керемет көркем, әрі кескіннің анық болуына WRGB технологиясы арқасында қол жеткізді. Color Refiner бұрын көрмеген табиғи, әрі анық кескінді бейнелеуге арналған технология.
OLED диодтары әрқайсысы өз жарығын шығаратындықтан, экран қосымша жарықты қажет етпейді. Бұл LG OLED TV теледидарлырының салмағы мен габаритін азайтуға арналған. Майысқан экранды, ерекше дизайнді EA9800 моделі көрермендерге ешбір кедергісіз теледидарды тамашалауға мүмкіндік береді. CFRP өнімнің салмағын азайтып, сапасын арттырады. LG WRGB технологиясы арқылы жеткен кескіннің керемет сапасын OLED TV стильді дизайны мен жіңішке пішіні толықтырып тұрады.
LG Paper Slim дизайны теледидар тіреуіші мен экранның бір-бірімен жақсы үйлесуін қамтамасыз етеді. CINEMA SCREEN дизайны экранның сыртын көрінбейтіндей қылып жасап шығарды.Экран сыртының көзге көрінбейтіндігі 2D және 3D кескіндерін тамашалаған кезде ерекше әсер қалдырады. Енді жаңа модельді теледидарды қабырғаға жалғыз адам өзі орната алады. Сонымен қатар қабырға мен теледидар арасы 3 см ғана болып келеді. Сондықтан теледидарды өнер туындысы деуге де болады.
Smart Touch Control экранның төменгі жағында орналасқан жылжымалы сенсорлы басқыш пайдаланушыларға OLED теледидарын оңай басқаруға көмектеседі. Мысалы: дауысын өзгерту немесе каналдарды ауыстыру, сонымен қатар теледидарды сөндіру мен қосу.

LG OLED TV теледидарлары LG компаниясының өзіне тән технологияларын біріктірді. (Smart TV функциясы мен CINEMA 3D). Бүгінгі күнге тән үй ойын-сауығының толық сембиозын LG технологияларынан табуға болады.

Өте тиімді жаңа LG кір жуғыш машиналары күшіңіз бен уақытыңызды үнемдейді
Биыл қаңтар айында Лас-Вегасте өткен CES 2013 жәрмеңкесінде LG Electronics (LG) компаниясы өзінің кір жуғыш машинасын ұсынды. Салмағы 15 кг болатын кір жуғыш машина бір салымда кірдің көп мөлшерін жуып, уақытыңыз бен күшіңізді үнемдейді.
Сұраққа жауап алу қорытындысына қарасақ АҚШ әйелдері кір жууға орташа есеппен алғанда бір аптада сегіз сағат жұмсайды екен. Солардың 75 пайызы кір жуу процесі көп уақыт алғанымен қоса жалықтырады деп көрсеткені де таңқаларлық жайт емес. LG компаниясы өндірген сыйымдылығы жоғары, әрі шапшаң циклді Mega-Capacity TurboWash™ кір жуғыш машинасы үй қожайының өмірін бірталай жеңілдетпекші.
LG TurboWash™ технологиялы WM8000 кір жуғыш машина кірді бір жуғанда сапалы нәтиже көрсетіп, уақытыңызды үнемдейді. Инновациялық кір жуғыш машина пайдаланушылардың көңілін қалдырмасы анық. LG кір жуғыш машинасы ENERGY STAR ® «Most Efficient» сертификатымен марапатталған.
«Біз бұл машинаны тұтынушылар сұранысына лайықтап, үлкен көлемді заттарды тез арада жуып шығара алатын етіп жасадық. Осы жолы бәрінен асып түстік, сондықтан тұтынушылар көңілінен шығады деген үміттеміз»,- деп LG Electronics Home Appliance президенті Сон Чжин Джо айтты.
LG WM8000 кір жуғыш машинасы стандартты кір жуғыш машиналарға қарағанда жүктеулігі 18 пайызға жоғары. Кірді сығу және жуып-шаю TurboWash™ технологиясы сіздің уақытыңызды үнемдеп, сапалы нәтиже көрсетеді. Соған қоса WM8000 кір жуғыш машинасының булы жүйесі матадағы дақтарға еніп, кірден айырылуға көмектеседі. Нәтижесінде уақытыңыз бен күшіңізді көп жұмсамай-ақ, кір заттарды көп мөлшерде жуа аласыз.
LG 6Motion™ технологиясы 6 түрлі алгоритімнен тұрады: қаныққан, реверсивті айналдыру, бұрмалау, шайқау, үтіктеу, базалық стандартты барабандардың айналуын өзара қиыстырып, сапалы нәтижесін көрсетеді. Жаңа жақсартылған басқару панелі барлық функцияларын басқара алады, сонымен қатар қазіргі замани стильде жасалған сыртқы пішінімен ерекшеленеді. WM8000 LG өте лас киімдердерге арналған және киім-кешектердің көлеміне байланысты дұрыс жууды автоматты түрде икемдейді. Егер кір жуғыш машинада мәселелер туындаса, шығынданып сервис орталықтарына барудың қажеті жоқ Smart Diagnosis™ технологиясы өзі мәселені тауып, шешіп береді.

Биыл Шымкентте өтетін Блогшылар Құрылтайына барасыз ба?