Біраз күн болды киви деген электронды әмиянда қателіктер болып жатыр, киви арқылы табыс тауып жүргендер біраз абдырап қалды, себебі әмияндағы ақшаны банктік картошкаға аудару жағы уақытша тоқтатылды. КИВИ банк өкілдерінің айтыунша серверде қателік болып жатыр екен мыс. олар осылай табыс тауып қалмақшы, бұдан киви клиенттерінің ұтылар тұсы: сіз ақшаңызды теңгеңізді банктік карточкаға аударған кезде аударған ақшаңыз рубелге автоматты түрде ауысады, сонымен сізде бар теңгеңіз өздігінен азайып негізгі шоттың жанына қосымшща шот пайда болады, ол рублді алу үшін сіз киви арқылы тағыда өз ішінде аударма жасайсыз жаңағы қосымша шоттағы рублді теңгеге аудару үшін, бұл кезде сізден комиссия ұсталады, жоғардағы айтқан карточкаға аудару барысында кеткен қателік кезінде яғни аударылмай қалған ақшаңыз теңгеден рублге ауысқанда тағыда комиссия ұсталады, сонымен киви екі жеп биге шығады, ал қарапайым клиент ұтылады, банктің ұтар түсы да осы бір аударма үшін сіз үш рет комиссия төлейсіз, банктің жасаған құйтырқылығы ашық білініп қалмау үшін олар қарапайым ғана құпия сөзге де смс келу жағын уақытша қиындатып қойған,
бұл неге банктен кемшілік іздеп отыр демеңіз бұл қателік бұрындары да қайталанған көрінеді, сонымен шулатып банктің қолдау орталығына қабарлассақ олар жауап беруден абсолютті түрде бас тартуда яғни үнсіз, сонымен тағы да тыныш жатпай кивидің алматыдағы терминал сататын орталығына қоңырау шалдық олар айтады осындай қоңырау көбейіп кеткесін, Рессейдегі киви банкке қоңырау шалдық дейді, олардың жауабы мынадай болған көрінеді серверде қателік болуда жуырда төрт бес күнде қалыпна келтіріледі деп жауап беріпті.
қысқасы вертуалды әлемде қиналып жүріп тапқан табысыңызды банктегілер қиналмай қымқыруда, ал серверде қателік болса неге уақытша тоқтата тұрмайды, әрине тоқтатпайды тоқтатса жаңағы қаншама аударым кезіндегі комиссия өз қалталарына түспей қалады.
сонымен олардың өзіне сеніп сабыр етіп төрт бес күн күте тұрайық…

Керекинфоның керектігіне кәміл сендірген Қисық аға бізге керек пост жазып келуге тапсырма берді. Егер жазбасақ, жаза жаман: сабаққа кірмейтінімізді, ай-жүзін көрмейтінімізді ескертті. Жалмауызға да жан керек емес пе, бұны құптаған біз, кешеден бері керекинфоны кезіп жүрміз. Содан керекинфо туралы біраз қауесетті құлағым шалып қалды. «Керекинфошылар пост жазғанда құсып жазады екен, егер мен жазсам троллдер қуып жүріп комментпен атады екен деп. Қиын, қиын. Егер біреудің ызасына тисең виртуалды өмірден ерте кететініңді де есіме салды. Бұрын тіпті, жазбаңды жабылып ұрып кетеді екен. Тұла бойымның түршігіп отырғанын көрген группаластарым, қазір ол ардагерлердің көзі құрыған, олардан тек текті төрт тролл қалған деді. Ашуларына тисең, атыңды ұмыттырып, кектендірсең көзіңді таппай қаласың дегенді тағы қосты. Содан Керекинфоға көзімді сығырайтып қарап жүргем, кіргенімді біреулер байқап қойса, бастарын шайқап қойса, шаруамды шайқалтып жіберер деп…
Қасқырдың апанына келіп, бөрінің бөлтірігімен ойнап тұрмын-ау дим.))
Керекинфоға кіргеніме қуаныштымын.
Бүгінгі шымылдықтың ашылуна арналған постқа аса мән бермеңіздер!

Тал бесіктен жер бесікке дейінгі адам ғұмыры сан түрлі мүмкіндіктер мен таңдау жолдарына толы. Таңдау мүмкіндігін тиімді пайдалана білген жан жетістікке жетіп, еңбегінің жемісін көре алады. Бірақ өмірде өз еркімізден тыс, Алланың қалауымен болатын құбылыстар бар. Оған наразылық білдіріп, тағдырға тас атып, бас тартудың қажеті шамалы. Ең бастысы — тағдыр қалауына мойынсұнып, өмірдің қаралы тұстарын әдемі бояумен бояй білу керек. Алланың қалауымен болатын, адамның бас тартуына қақысы жоқ құбылыстарды жіктеп көрсек…

Туған жерден бас тартпа. Егер туған жерді таңдау мүмкіндігі болса, сәбилердің бәрі салыстырмалы түрде болсын әділеттілік орнаған елді таңдар еді. Алайда, туған жерді таңдау адамның еркіндегі дүние емес. Сондықтан кіндік қаның қай жерде тамды, сол жерді жақсы көруге міндеттіміз. Мейлі ол қарбаласы көп қала болсын, мейлі құлазыған дала болсын, мейлі адамдары қайсар да қайырымды болсын, мейлі арам да айлакер болсын, тіпті ол тарихи Отаның болмаса да туған жердің аты – туған жер. Сондықтан одан бас тартуға болмайды. Ес біліп, ер жеткенше ауасымен тыныстап, суын жұтып, топырағына аунап өскен, бір кездері басыңа пана болған жерді күндердің бір күнінде өзге елге барып жер-көкке сыйғызбай жамандап отыратын жанды көрсем жағасына жармасып, кеудесіндегі жүрегін жұлып алғым келеді…

Ия, бұл жігіттер қаншама туындыны өмірге бірлесіп әкелген Шәмші мен Мұқағали емес. Бірақ, бірер жыл бұрын жастардың ұялы телефондарынан түспеген, түнгі клубтар мен би алаңдарын армансыз «жыртқан» Alors on danse әнінің қалай жазылғанын көздеріңізбен көріңіздер.

Орыс тіліндегі нұсқасы

Бүгін орыстарда Татьянин день.Студенттер күні.
Студенттік өмірлеріңізден 1 сурет қойып,қандай жағдайда түсірілгені туралы жазайық))))

Біздің ата-бабаларымыздың басты күн көрісі мал шаруашылығы болғандығы белгілі. Бұл тіпті өмір сүру салттарына терең еніп, уақыт өлшемдерін, қашықтық өлшемдерін де сол арқылы көрсете білген. Мысалы, "Қозы көш жер", «Сүт пісірім уақыт». Біздердің «Тұман қалың екен ә» немесе «Боран күшейіп кетті» деген тіркестерімізді «Ат құлағы көрінбес» деп үш сөзбен жеткізе салған.
Жаз жайлауда, қыс қыстауда күн кешкен бабаларымыз ауа райын да өзінше болжап отырғын. Мысалы, күздің кезінде қотанға(қораға) кірген қой аузына шөп тістей кірсе қыс қаты болатынын болжаған. Ескіше жыл басы, яғни, наурыздың 14-і күні таңертеңгілің қар бетіне қойған қойдың құмалағы түс ауа қарға түсіп кетсе, көктемнің шығуына аз қалғанын, қыс аяғы созылмайтынын болжаған.
Енді, тақырып атауына тоқтала кетсек. Биылғы жылы Арқада қыс ерте орнады. Қараша айында түскен қар еріместен жатып қалды. Бабаларымыз "Қарашаның қары жатса бір тоқтылық қыс болар" деп айтып кеткен екен. «Бір тоқтылық» сөзіне тоқтала кетсек. Тоқты- алты айлық қой. «Перехадной возрост» кезеңіне жеткен қой малы. Бабаларымыздың болжамына сүйенсек биыл арқа өңірінде алты ай қыс болуы тиіс.

Латын әліпбиі – халықаралық тіл құралы болған ағылшын тілі сияқты, халықаралық әріп құралының рөлін атқаруда. Дамыған және дамушы мемлекеттер, даму стратегияларының түгелін ақпараттық технология арқылы жүзеге асыруды жоспарлап, сол үрдіспен даму үстінде. Технология мен адамды байланыстыратын негізгі сигнал – визуалды элементтер. Ол әлбетте алдымен: әріп, сөз, сөйлем. Осы орайда, латын қарпі туралы сөз қозғасақ. Жалпы, латын әліпбиінің бүгінде Unicode халықаралық стандарттау жүйесімен бекітілген 16 нұсқасы бар. Әр нұсқа тиісті өңірлер ерекшелігі бойынша қолданысқа енген. Түгелі базалық ASCII стандартының негізінде құрылып, қосымша толықтырулар арқылы дамып, жаңа атау, нұсқалары қосылып отырды. Ең бірінші latin1 стандартына, нақты ISO/IEC 8859-1 стандарты жатады. Қолдану аясы негізінен – АҚШ, Батыс Еуропа мемлекеттері аумағы. Ақпараттық технология күншығыс және күнбатыс елдерінде қарқынды жүріп жатқандықтан, стандарт, ережелерді осы мемлекеттер енгізіп, жаңартып отырады. Ол заңдылық. Әлбетте, қазақ тілінің латын қарпі, жоғарыда аталған стандарт негізінде жасалғанын, көпшілік ІТ, физмат, техника ғылымдарының мамандары бірауыздан қолдар еді деген тұжырым бар.
Себептеріне тоқталатын болсақ: бірінші, құрылғы интерфейсінің локалды әріптермен бейнеленуі. Дүниежүзілік географиялық картаны алып қарасаңыз, кириллицаны пайдаланатын елдер саны саусақпен санарлық қана, сонымен қатар ескерілген мемлекеттердің ақпараттық технология саласы даму қарқыны төмен. Сол себепті, олар тек «тұтынушы» елдер қатарына жатады. Реформаға салынатын қазақ тілінің әліпбиі, латыншаға аударылатыны қуантарлық қадам. Техниканың дамуы бастау алған АҚШ, Батыс Еуропа мемлекеттерінің әліпби стандартын негізге алса, нұр үстіне нұр болар еді. Оның пайдалы тұстарының бірқатарына назар аударсақ:
1. Ірі компьютерлік бағдарлама өндіруші компаниялар қолмен жазылған жазуларды танып, оны компьютерлік қаріпке аударатын; дауыстық сигналды түрлендіретін, адам санасынан шығатын толқындарды түрлендіріп, компьютерлік ақпаратқа айналдыруға қабілеті жететін «ақылды» бағдарламаларға қазақ тілін интеграциялауға пайдасы тиер еді.
2. Аударма, транслитератор саласына пайдасы тиер еді ақпараттық техникалық параметр бойынша;
3. Арнайы консолдық команда қабылдайтын арнайы салалық бағдарлама, операциялық жүелермен локалды тілдің өзара сәйкес жұмыс жасай алуына; әскери, қауіпсіздік, өндірістік күрделі аппараттарға кодировкалық кедергісіз локализация жасауға;
4. Қазақ тіліне қажет қаріптер саны өте аз. Осы тұрғыдан, саны да көп сапасы да жоғары, құрылғы мен заман талабына сәйкес қазақша фонттарға автоматты түрде кол жеткізе аламыз.
5. Базалық (ASCII) стандартынан неғұрлым алыстаған сайын, ақпараттың жадтан алатын орын салмағы кодталу тобына байланысты соғұрлым ауырлай түседі. Халықаралық алпауыт техника, құрылғылар, бағдарламалар, сайттар және т.б. ІТ саласындағы қызмет түрлері ондай тілдік кодировкадан бас тарту ықтималдығы бар, нәтижесінде әріптердің көрінбей қалу проблемасы туындап, қосымша оны шешудің жолдары талап етіледі. Әрқашан тілдік проблемаға таңба болып қалыптасады.
Латын тілін қабылдаған Түркия, Әзірбайжан, Өзбекстан елдерінің латын әліпбиінің технологиямен интеграциялаудағы проблемалары, қазақ тілінде туындамауы үшін, ISO/IEC 8859-1 АҚШ, Батыс Еуропа аумағына арналған стандарт қарастырылуы ұсынылады.

Айн Рендтің «Атлант иығын көтердi» кiтaбынaн кейiнгi еффекттi жaзып жеткiзгiм келiп тұр.

Таң алдындағы өлара. Әлі қараңғы. Есік ашылады. Саңылаудан түскен жарықтан айналаны ақ қар көмкергенін көреміз. Қалың табанды етік омбы қарға малтығып кете барды. Әудем жерден соң етіктің иесі қараңғыдан сұлбасы танылмай тұрған автомобильге отырып жүріп кетті. Міне ол машинадан түсіп, қаңтарулы тұрған қар тазартатын көлік оталдырды. Кадр сыртындағы дауыс: «Қар тазалаушы өзінің жұмыс машинасына қалай жетеді?». Тазалағыш көлік қозғалғанда, тасада тұрған манағы автомобильді анық көреміз. Дауыс: «Әрине тек «Beetle».

«Өмір алып поезд». Адамдар сол поездағы жолаушылар. Уақыт бір бағыттағы шойын жол. Ол поездың алғашқы бекеті-Перзентхана, соңғы бекеті-Қабір. Ал адамның ниеті поездға алынған жолаушы билеті. Қарап тұрсаңыз шынайы поездға билет алуға адам таңдау жасайды,қалтасының қалыңдығына немесе өз ыңғайына қарай, адам билетті купеге алса өзімен өзі жайлы, ыңғайлы жол жүреді.Ортақ орынға алған адамның басқалармен әңгіме дүкен құрып уақытты қызықты өткізгеніне қарамастан шудан мазасы кетіп шаршаңқырайды. Ал жолдан жолсерікке ақшасын беріп билетсіз мінген жолаушының жайын айтпасада белгілі көп жол жүретін адамдар көріп те жүрген болар. Сол сияқты өмір поездна да билет алу адамның өз таңдауында бір айырмашылығы өмір поездының билеті адамның материалдық жағдайын талап етпейді тек рухани құндылықтарына қарайды. Аққа Құдай жақ дегендей ниеті жақсы адам бұл өмірде жұртқа сыйлы, тіршілігі түзу тыныш өмір сүреді. Ал, істеген әрекеттерімен, жұртқа жасаған қиянаттарымен бәріне жеккөрінішті болған адамның ниетіне қарай бәрі алдынан шығып отыратынын, бұл дүниеден өтіп кетседе біраз уақыт артынан жаман сөз еретінін өмір тәжірибемізден көріп жүрміз. Сондықтанда бәрі өз қолымызда ойланайық ағайын. Өмір поездінің VIP купесінен орын алуға асығайық!