Мұнда ақтөбеліктердің көп екенін білемін. Менің де батыстан достарым көп. Сондай достарымның бірі Азат Садықов спортшы жігіт. Ағалары спортшы. Ақтқбедегі №21 мектепте оқыған. Мектеп бітірген соң, спортты тоқтатып, білім алуды көздеген. Осы жігітпен көктемде сұхбат алған едім. Содан үзінді оқып көріңіздер
Ол 1992 жылдың 29 ақпанында Ақтөбе облысы, Шалқар қаласында дүниеге келген. Жастайынан спорттың таэквондо, кикбоксинг түрлерімен айналысқан. Таэквандодан Ресейдің Архангельск және АҚШ-тың Вашингтон қаларарында өткен әлем чемпионаттарының жеңімпазы, жасөспірімдер және жастар арасында Сеул, Алматы, Ақтөбе, Сочи, Бішкек қалаларында өткен халықаралық жарыстардың чемпионы. Ол – 2004 жылы Грекияның Корфу қаласына өткен кикбоксингтен әлем чемпионатының, сондай-ақ 2005 жылы Италия астанасы Римде түндігін түрген Еуропа чемпионатының бас жүлдегері. Қазақстанның төрт дүркін жеңімпазы. Таэквондадан бірінші дан иегері.Таныс болыңыздар – Азат Садықов. Болашағынан зор үміт күттіретін дарын иесімен кездесіп, аз-кем сұхбаттасқан болатынбыз. Жас спортшы бүгінде Л.Н.Гумилев атындағы Еуразия ұлттық университетінің экономика факультетінің 4 курсында оқиды екен.
– Азат, әңгімемізді спортқа қалай келгеніңнен бастасақ...
– Екі ағам да жастайынан спортпен айналысып, үлкен жестістіктерге жетті. Екеуі де бірнеше дүркін әлем чемпиондары. Ағаларымның жарыстарына жанкүйер ретінде барып жүріп, спортқа деген қызығушылығым оянды. Осылайша, мен де тоғыз жасымда таэквондо үйірмесінің табалырығын аттадым.


– Ең алғаш жеткен жетістігің есіңде шығар?...
– 2001 жылы Ақтөбе қаласында таэквондодан қалааралық жарыс өтті. Осы жарыста төрт қарсыласымды жеңіп, 1-орынға қол жеткіздім. Бұл менің бірінші әрі үлкен жетістігім болатын. Бұдан бөлек тағы бір жарыс есімде ерекше сақталып қалыпты. 2005 жылы Италия елінің Сардинио аралында Еуропа чемпионаты өтті. Сол біріншіліктің финалында жолым итальяндық споршымен тоғысты. Техникалық шеберлігімнің де, күшімнің де әлгі спортшыдан басым екендігіне қарамастан, төреші менің ұпайларымды есептемеді. Негізгі уақыт тең есеппен аяқталғандықтан, қосымша тағы 1 минут берілді. Барымды салмасам, бас жүлде жергілікті спортшының қанжығасында қалатындығын түсініп, соңғы сәтте өзімнің «айналып тебу» тәсілімді қолдандым. Осы арқылы таза жеңіске жеттім.
– Спортшының бабын келістіретін де, бағын ашатын да бапкері екендігін ескерсек, сенің бапкер таңдауда жолың болды ма?
– Спортқа алғаш қадам басқанда, мені тағдыр Грачев Владимир Борисович деген бапкермен жолықтырды. Менің спортшы ретінде қалыптасуымда бұл бапкердің еңбегі орасан. Таэквондо дегеннің не екендігін егжей-тегжейіне дейін үйретті. Сол еңбек зая кеткен жоқ. Владимир Борисовичтің арқасында бес жылда бірнеше халықаралық турнирлердің, Еуропа, әлем чемпионаттарының жеңімпазы атандым. Кейіннен АҚШ-тың таэквандо құрамасынан шақырту алып, сонда бапкер болып кеткен соң, мен кикбоксингпен айналысқаным жөн болар деп шештім. Себебі кикбоксингте білікті бапкерлер көп еді әрі аталмыш екі спорттың ережелері өте ұқсас.


– Қазір де жарыстарға барып тұрасың ба?
–Тек жоғары оқу орнына түскен соң, жарыстарға баруды біраз уақытқа тоқтата тұрып, басты назарды сабағыма аударуым керек деп шештім.
– Болашағынан үміт күтетін жас спортшыларымыздың бірісің, спортты тастап кетпейтін шығарсың?
– Спортты тастау мүмкін емес. Таэквандомен әлі де айналысып жүрмін. Бұйыртса, дипломдық жұмысымды қорғап алған соң, жаттығуларды үдете түсемін. Себебі мені алда елішілік қана емес, халықаралық деңгейдегі талай жарыстар күтіп тұрғандығын жақсы білемін.
– Демек, сені Олимпиада ойындарынан көруіміз де мүмкін ғой?
– Төртжылдықтың басты бәсекесін қатысып, жүлдегер атану кез келген спортшының арманы. Ал ол үшін қанша еңбек төгілетіндігі айтпаса да түсінікті. Бала кезімнен Мұхаммед Әли, Рой Джонс секілді әлем спортының саңлақтарына тәнті болып өстім. Өзім де болашақта солардай әлем спортының жұлдызы болсам дейтінмін. Сол арманыма әлі де берікпін. Сондықтан Олимпиадаға бару үшін барымды салатыным сөзсіз.
Әңгімеңе рахмет! Биік белестерді бағындыруыңа біз де тілектеспіз!
P.S. Тәуелсіздік алғалы таэквондадан Олимпиада ойындарында бір қолаға ғана қол жеткізіппіз. Естеріңізде болса, 2008 жылы Бейжің Олимпиадасында жалғыз жүлдені Арман Шылманов әперген. Бәлкім, Азат сияқты талай биіктерге көтерілген жас спортшыларымыздың қолтығынан демесек, көп ұзамай Арманның қоласы алтынға айналуы да ғажап емес.

ҚҰРМЕТТІ ҰСТАЗДАР! СІЗДЕРДІ БҮГІНГІ ТӨЛ МЕРЕКЕЛЕРІҢІЗБЕН ҚҰТТЫҚТАЙМЫН.

Осы бейнероликті менің араласып жүрген аға досым ән-өнер мектебінің басшысы Рахым Досмановтың мұғалімдер күні мерекесіне арнап жасаған шағын бейнеролигін тамашалаңыздар. Бүгін ғана алып www.youtube.com сайтына салып қойдым.

Ұқсастықтар табуды жалғастырамыз! Кеттік.

Гейнрих өзі айтқандай, "шоумен болуы керек!" (Бұл жәй әншейін..)

Қазақтар бұйрашаштыларын "қошақаным" деген ғой енді..

ҚПЛ-ды "БЕСКЕ" білетіндер түсініп отыр!

Узбәәгөөйтесс...:*)) Не деген көздер мынау?!

Словакиялық бапкер Владимир өлсе де, өз баласын ҚПЛ-ға әкелмейтін шығар. Себебі кіші Валодя Вайсс қазіргі таңда "Олимпиакостың" шешуші ойыншыларының бірі.

Қай жері ұқсайды дейсіз бе?! Ойын философиясы! Бұл екеуі де тек жоғары орынды көздейді. Алдына тек зор мақсаттар қояды. ВАН-ның кезінде қасқырларды ("Қайсарды") қалай өрге сүйрегені есімізде. Бұлар кез келген команданы чемпион қылады. Кәсіпқойлық! Сенбейсіз бе?! Ақтөбе - 1 орын! Факел (Воронеж) - 1 орын! енді сендіңіз..

Осымен тәмамдай тұрайын… Бұл ұқсастықтардың күрделене бастағанын ұққан боларсыздар. Бірге анықтайық, талдайық.
Жалғасы бар…
Пысыл: АҚТӨБЕ — ЧЕМПИОН!!!

Бүгін түнде Чемпиондар лигасының топтық кезеңінің екінші тур ойындары басталады. Турдың алдына Чемпиондар лигасының тарихындағы болған ең қызықты статистикалық мәліметтерді ұсынып отырмын.
Чемпиондар лигасының 2013/14 жылғы маусымының алғашқы турында «Аякс» пен «Галатасарайдың» қақпасына хет-трих жасаған әлемнің ең үздік ойыншылары Лионель Месси мен Криштиану Роналду бір сатыға жоғарылады. Нақтырақ айтсақ, осы уақытқа дейін екінші орында келе жатқан Руд ван Нистелройдан Месси екі допқа ұзап шықты. Ал португал жұлдызы Роналду әйгілі Тьерри Анриді артқа тастап, бесінші орынға тұрақтады.
Төменде Чемпиондар лигасының ең үздік 10 сұрмергені көрсетілген:
1. Раул Гонсалес –71
2. Лионель Месси– 62
3. Руд ван Нистелрой – 60
4. Андрей Шевченко – 59
5. Криштиану Роналду – 54
6. Тьерри Анри – 51
7. Филиппо Индзаги – 50
8. Альфредо Ди Стефано – 49
9. Эйсебио– 47
10. Алессандро Дель Пьеро – 44
УЕФА чемпиондар лигасының тарихында ең жылдам голды 2007 жылы «Бавария» шабуылшысы Рой Макай «Реалдың» қақпасына соққан еді. Содан бері бұл көрсеткіш әлі жаңарған жоқ.
Төменде Чемпиондар лигасының тарихында соғылған ең жылдам голдар берілген:
10,12 сек. – Рой Макай («Бавария») 07/03/2007, «Бавария – «Реал» (Мадрид) – 2:1 (1/8 финал).
10,84 сек. – Жонас («Валенсия»). 01/11/2011, «Валенсия» – «Байер» – 3:1 (топтық кезең).
20,06 сек. – Жильерто Силва («Арсенал») 09/25/ 2002, ПСВ – «Арсенал» – 0:4 (топтық кезең).
20,11 сек. – Алессандро Дель Пьеро («Ювентус») 01/10/1997, «Манчестер Юнайтед» – «Ювентус» – 3:2 (топтық кезең).
21,20 сек. – Кларенс Зеедорф («Милан») 09/28/2005, «Шальке-04» – «Милан» – 2:2 (топтық кезең).
24,00 сек. – Пато («Милан») 19/09/ 2011, «Барселона» – «Милан» – 2: 2 (топтық кезең).
25,02 сек. – Давид Алаба («Бавария») 04/02/2013, «Бавария» – «Ювентус» – 2:0 (1/4 финал).
25,20 сек. – Марек Кинцел («Рапид») 02/11/2005, «Брюгге» – «Рапид» – 3:2 (топтық кезең).
25,54 сек. – Деян Станкович («Интер») 05/04/2011, «Интер» – «Шальке-04» – 2:5 (1/4 финал).
28,21 сек. – Мариано Бомбарда («Виллем II») 10/20/1999, «Виллем II» – «Спарта» (Прага) – 3:4 (топтық кезең).
28,46 сек. – Александрод Алексудис («Панатинаикос») 22/11/1995 «Панатинаикос» – «Ольборг» – 2:0 (топтық кезең).

Чемпиондар лигасының тарихында алты ойынның барлығында жеңіске жеткен бес команда бар. Олар: «Милан» (1992). ПСЖ (1994),«Спартак» (1995), «Барселона» (2002), «Реал» (2011), 2002 жылы АЕК алты ойынның барлығын тең аяқтаған.
Еуропаның үш ірі турнирі Чемпиондар лигасы, УЕФА кубогы (қазіргі Еуропа лигасы), Кубок иегерлерінің кубогы турнирінде жеңіске жеткен үш клуб бар. Олар: «Ювентус», «Аякс», «Бавария».
Чемпиондар Кубогының тарихындағы ең ірі жеңіс: «Динамо» (Бухарест) – «Красейдерс» – 11:0 (1973).
Чемпиондар лигасының плей-офф кезеңінде ең ірі жеңіс: «Манчестер Юнайтед» – 7:1 (1/4финал, 2007 жылы); «Бавария» – «Спортинг» – 7:1 (1/ 8, 2009 жылы).
Қос матч қорытындысы бойынша доп айырмашылығы ең көп ойын: «Бенфика» – «Дюделанж» – 18:0 (1965 жылы).
Чемпиондар лигасының топтық кезеңіндегі ең ірі жеңіс: «Ливерпуль» – «Бешикташ» – 8:0 (2007 жылы).
«Манчестер Юнайтед» – 25 ойын қатарынан ұтылмаған (2007 жылғы «Миланмен» болған ½ финалдан 2009 жылғы «Барселона» болған финалға дейін). «Арсенал» 2005/ 06 жылғы маусымда 10 матч қатарынан қақпасында бірде-бір доп жібермеген (995 минут бойы 2005 жылдың қыркүйегінен 300 жылдың мамырына дейін). «Ныюкасл» 2002/03 жылғы маусымда топтық кезеңнің алғашқы үш матчында ұтылса да, плей-оффқа шыққан болатын.

Мен теміржол билетін үнемі интернет арқылы сатып аламын. Бұрын байқамай жүрдім бе, әйтеуір жақында "Қазақстан темір жолы" ҰК" АҚ электрондық нұсқасындағы құжаттарда мынадай қате байқадым.

Келесі жылы Бразилияда өтететін әлем чемпионатына баратын командалардың алғашқылары белгілі бола бастады. Әлемнің үздік 32 құрамасы қатыстатын доданы жанкүйерлер асыға күтуде. Әрине алаң иелері Бразилия ешқандай іріктеусіз өз елдеріндегі біріншілікке қатысады.
Азия елдерінен бірінші болып, Жапония құрамасы жолдама алды. Олар Азиядағы іріктеу матчында өз тобында бірінші орынмен шықты. Сондай-ақ, Иран құрамасы да өз тобынан үздік шығып, Оңтүстік Америкаға баратындардың қатарына қосылды. Екінші орын алған Оңтүстік Корея мен Австралияны да әлем чемпионатының финалдық кезеңінде көретін боламыз. Ал бесінші жолдаманың тағдырын Иордания Оңтүстік Америкада өтіп жатқан іріктеу кезеңінде бесінші орын алған ұжыммен сарапқа салатын болады. Бұл жолдамадан басында Өзбекстан құрамасы үмітті болған. Бірақ, өзбек ағайындарымыз Иорданияға жол беріп қойды. Қос кездесуде де тең түсіп, тек ойын соңындағы футбол лотериясында 8:9 есебімен ұтылып, бармақтарын шайнап қалды.
Еуропа елдерінен алғаш болып қызғалдақтың отаны саналатын Голландия мен Апенин түбегін мекендеген Италия жолдама алды. Қос құрама да іріктеу матчтары аяқталмай жатып, әлем чемпионатына аттанатындардың қатарына қосылды. Қазан айында қалған он бір жолдаманың тағдыры шешіледі.
Солтүстік Америкадан Ақш пен Коста-Рика суырылып шықты.Енді қос елдің футболшыларына келесі жылға дейін алаңсыз дайындалуға болады.
Оңтүстік Америкадан алаң иелері Бразилияның қатарына Месси бастаған Аргентина қосылды. Алдағы уақытта Аргентинаның қатарына Колумбия мен Чилидің сондай-ақ, Эквадор және Ургувайдың мүмкіндіктері бар.

www.facebook.com/nekhabar.kz «Не хабар?!» газеті — Маңғыстау облыстық халық ішіндегі өзекті мәселелер анық, ашық айтылатын республикалық жаңа баспа...

https://www.facebook.com/nekhabar.kz

2011 жылдың қыркүйегінде аквабайк спортының әлем чемпионы Френки Запата жаңа құрылғыны ойлап тапқан болатын. Бірнеше сынақтардың видеосын Ютубке ілгені сол-ақ екен, экстремалдардың «шатыры кетіп», әлемді арбаған жаңа әуестік пайда болды.

Кетер болсаң біржолата кетші енді!
Маза берші маздап жатқан жаныма,
Жүрегімнен өшіріп бар өткенді,
Жаңа өмір бастап көрем тағы да.

Кешірмеймін сұрама бос кешірім,
Тірі болсам сенсіз де атар таң күліп,
Ұмыт бәрін бұдан былай есімің,
Құлағымда тұрмасыншы жаңғырып.

Өтінемін өмірімнен жоғалшы,
Сен жайлы енді естігім де келмейді
Тек бейшара жүрегіме обал шын,
Сені кетіп қалды десем сенбейді.

Қайтем енді осы болса шешімің,
Кетем десең жолың ашық тек бірақ,
Кетеріңде жүрегімнің есігін,
Өтінемін жауып кетші қаттырақ.!!!