Ал бекер қарап отырғанша сендерге бір тәрбиелік-тәлімдік мәні терең, тағылымы мол әңгіме айтып берейін. Әйтпесе, іш пысып кетті. Не ғо, Жоха, анау газетті әперіп жіберші, әйтпесе, кө… оппа, пардон, арамызда дама бар екен, суық өтіп кетеді, елки. Ертең баласыз қалып жүремыз, уахахаха, на… кхм…

Бірде Мейрамбек пен Сәкен өлгенше ішіп алып сахнада білгендерін жасапты. Ертесіне таңертең теледидарға қараса, бүкіл БАҚ бұлардың кешегі сахнадағы қылықтарын айтумен әлек екен.
— Енді халықтың бетіне қалай қараймыз? Көшеде жүрсек танып мазақ қылатын болды — деп Мейрамбек мазасызданады. Сонда қиыннан қиыстырып жол тауып кететін Сәкен:
— Мәке, былай етейік, басқаша киініп алып көшеге шығайық, сонда ешкім танымас! — депті.
Сөйтіп Сәкен қызша киініп, боянып көшеге шығады. Аялдама жақтан өтіп бара жатып, жол жағасында кішігірім заттар сатып отырған әжейден
— Мына суыңыз қанша, әже? — деп сұрайды.
— Әй, Сәкен, саған 200 теңге ғой! — деп жауап береді әжей.
Сәкен "қалай ғана танып қойды екен" деп алды артына қарамай үйіне зулайды. Бұл жолы өте қатты боянып қыздан аумай қалады. Сөйтіп жаңағы жерге келіп тағы да сұрайды:
— Мына суыңыз қанша, әже?
— Саған 200 деп айттым ғой, Сәкен! — деп қайта жауап береді әжей.
Сонда ол кісінің тағы да танып қойғанына жағасын ұстап таңырқап қалған Сәкен:
— Әже, қалай ғана менің Сәкен екенімді біліп қойдыңыз? — десе, әлгі әжей:
— Қуасың ба, Сәкен? Бұл мен ғой Мейрамбек! — деген екен!
Бұқақақақа, за то өзіме қызық

Теледидардан «Комиссар Рекс» атты австриялық детектив сериалды бәріміз көрдік. Онда Рекс полицейлерге неше түрлі қылмыскерлерді ұстауға, қылмысты ашуға, адамдарды құтқаруға көмектесетн.
Жақында Қорғаныс министрінің орынбасары, генерал-майор Б.Майкеевтің тапсырмасымен елорданың жеті мектебіне «Бұл – біздің әскер» атты патриоттық іс-шара өткізілген болатын. Содан №4 мектепке Ақмола өңірлік гарнизонының жасағында қызмет ететін иісшіл ит келді. Иттің егесі аға лейтенант Бауыржан Мұқышев. Әскери полицейлерге бұл ит есірткі мен жарылғыш заттарды табу үшін қажет.
Бауыржаннан ит туралы қысқаша сұрадым. Аты «Зингер», үш жаста, неміс овчаркасы. Әскери жасақта 8 жыл қызмет етеді екен. Өздерінің арнайы тамақтары бар, әскерилердің мысалы өзінің паегі болса, бұлар да №25-ші нормамен тамақтанады. Алматыдағы кедендік бақылау комитетінің кинологиялық орталығында үш ай арнайы білім курсынан өткен. 8 жыл қызметін жақсы атқарса, ары қарай да жұмысын жалғастыратын көрінеді. Ал, негізі иттің 8 жылдан кейін иіс сезу қабілеті нашарлай бастайды.
«Зингер» есірткі, насыбай сияқты заттар пайдаланатын әскери қызметшілерді табуға көмектеседі. Былтыр 2 желтоқсанда өткен ОБСЕ саммитінде қонақ үйге жайғастырылған шетелдік қонақтардың сөмкесін тексеруге көмектесіпті. Одан басқа, талай іс-шаралардың «гүліне» айналған «Зингерді» мектеп оқушылары ортаға алып, қызық көріп суретке түсіп жатты. Айтпақшы, «Әскери қызметі біткен соң, бұл итті не істейсіздер?» десем, «Жарнама арқылы итке жақсы қарайтын адамдарға асырауға береміз», — деді.
Уикипедия дерегі: Кинология (грек. kynos – ит және logos – ілім) – ит өсіру туралы ғылым. Кинология ит анатомиясы мен физиологиясын, үй иті тұқымының шығу тегі мен эволюциясын, оларды өсіру, қолға үйрету, қоректендіру, шаруашылыққа пайдалану мәселелерін зерттейді; қысқасы Ит өсіру.

«Ақсақ қой түстен кейін маңырайды» деген жақсы сөз бар ғой халқымызда.Әйтеуір маңырайтынын жанымызға медет. сол қой тәрізде мен де түстен кейін емес, кешке қарай намаздыгер мен намазшамның ортасында маңырайын деп отырмын.
Алматы мен Астананың киносүйерлері баяғыда көріп, пікірлерін, жазбаларын арнаған «алып қашу операциясын» кеше ғана көрдім өз басым. Керемет алып бара жатқан ештеңесі жоқ. Сол баяғы сөйлеу мәнерлері мен ойнау мәнерлерінің жұтаңдығы анық байқалады. Киноляп дегеннің болып тұратыны белгілі. Бұл кинодағы киноляп қыздың нағашы ағасы Джимми рөліндегі бойдақты сомдайтын Беріктің қолындағы неке сақинасы. Кино бойы біресе саусағынан байқалып қалса, бірде алып тастағандары байқалады. Кей эпизодтары «25 теңгені» еске салатындай.Қаракөз, Тұрсынбектер жақсы-ақ ойнап жүр. Сырым продюссері өзі болған соң басты рөлді сомдаған болар. Дегенмен актерлік шеберлігі аз екені көзге ұрып тұр. Солай.

Үнді елінде өте даңқты музыкант болған екен. Даңқының жатқа тарағаны соншалық, шәкірті болуға көп жан құлшыныпты. Бір күні сол кісіге дәріс алуға екі кісі келіп, өтініш білдіреді. Бір кісі жарлы екен де, екіншісі бай екен.

«Менің алдыма келуге не себеп болды?»-деп сұрақ қойған ұстазға жарлы былай депті:
— Мен өмір бойы музыка үйренсем деп армандап келемін. Дәріс алуға ақшам болмай жүмыс істеп, міне бүгін келдім.
— Мен атақты музыкант болғым келеді сіз секілді. Осы уақытқа дейін мені ешкім түсіне қоймады, мүмкін сіздің дәрісіңізден кейін реті болар деп келіп тұрмын,- деген екен екінші кісі.
Содан ұстаз жарлыны он рупийге, байды жиырма рупиймен оқытуға келісім беріпті.

«Бұл қалай? Екеуіміздің алмақ дәрісіміз бірдей, менің музыкалық сауатым бар, неге мен екі есе төлеу керекпін?»-деп сұрапты ана кісі.

«Саған білім беру үшін мен екі есе күш жұмсаймын. Алдымен, санаңдағы қате білімді жоюым керек, содан соң орнына жаңа білім құюға күш саламын»-деген екен атақты музыкант.

Бұл әңгіменің пәлсапасы: Ұстаз алдына білемін деп емес, білгім келеді деп келмек керек.

24 қараша бейсенбі 19.00-де «Бейбітшілік және келісім» сарайында Елбасы туралы «Терең тамырлар» /аллегориялық драма/ атты спектакль болады. «Авторы: Е.Жуасбек, Реж: Н.Жұманиязов.
Бұл спектакльді алғаш Астана қаласының тойы күні 2 шілдеде К.Байсейітова ат. опера балет театрында көрсеткен болатын. Ести салысымен барып көруге бел будым. Ішімнен „Тағы да сол, жағымпаздық па? Біріншіден Астана күні, екіншіден Тәуелсіздіктің 20 жылдығы, үшіншіден 6 шілде Елбасының туған күні. Осылайша орайын тауып жағынбай-ақ қойса болады ғой. Құдай біледі, спектакльде Елбасының образын артық қыламыз деп, тыртық қылып алмаса болғаны“ деген оймен барғаным рас. Бірақ, қойылым мен ойлағандай болып шықпады. Шыны керек, аллегория жеке көрермен ретінде өз басыма ұнады. Ешқандай жағымпаздықтың, ешқандай лыпыл мен „туфли жалайтын“ көріністердің салқыны жоқ. Бұл енді менің жеке пікірім. Елбасының ролін „Келін“, „Сардар“ фильмінде ойнайтын актер Қуандық Қыстақбаев сомдаған. Бұл ролді алғаш Досхан Жолжақсыновқа ұсынған екен. Ол кісі че-то бас тартыпты. Толығырақ Your text to link... осы жерден оқуларыңызға болады. Айтпақшы, бұл қойылымды Елбасының өзі де барып көреді-міс. Сосын билет құны 600 теңге.

Статистика агенттігінің мәліметі бойынша 2010 жылы Қазақстанда 144 357 отбасы заңды некеге тұрып, олардың 40 982-сі ажырасқан. Аталмыш мәлімет бойынша Алматы, Ақмола, Қостанай, Қарағанды, Павлодар және Солтүстік Қазақстан облыстарында бір жылда некеге тұрған әрбір үшінші ерлі-зайыпты ажырасатын болса, Жамбыл және Оңтүстік Қазақстан облыстарында бұл көрсеткіш екі есе төмен, онда әрбір алтыншы неке ажырасып жатады екен.

Әнұран демекші өзге елдің гимндері қандай болатынын да тыңдап көрелік.

Түрктердің жаңа феномен сериялдарының бірі десекте болады.Өзімде сіздермен бірге бастап көргелі отырмын.Көпшілік оң баға беріп жатыр қазірше.Басты рөлде көптен таныс Кыванч Татлытуг бар.«Гүмүш, Езел, Ашкы Мемну» сынды сериялдардан естеріңізде болар.Баға беріп көрейік...

Гүлдерді аяймын!
Ғұмыры қас-қағым.
Басқаға жеткізіп,
Сезімін басқаның.
Солады оңай-ақ,