colingo.com
Бұл сайт бар ғо, әлемдегі ең пайдалы сайт дер едім.
Мұнда ағылшын тілінен 24 сағат бойы онлайн сабақтар жүреді носительдермен. Сабақтар тегін, деңгейге бөлінген. Өзім қатыстым бірнеше рет, өте күшті.
Сабақта онлайн түрде гугл+-та 5-6 оқушы мен мұғалім болады. Мұғалім бір сағат ішінде сіздермен танысып, тақырыбын түсіндіріп, сөйлетіп, жаздырып кәдімгідей тілдеріңді дамытады.
Ешкім білмейді бұл сайтты. Сендермен бөліскенімді өзімше бір жақсылық істегендей айтып отырғаным да содан.
Тіркеліп, қатысып /ойнап-қуу үшін емес/ көріңіздер!

Біздің ата — бабаларымыз, яғни қазақ деген халық дұрыс тамақтанудың адам ағзасына қаншалықты тікелей әсер ететінін ешбір өзге халықтардан кем білмеген. Сол сияқты жылдың
төрт мезгілінің де ағзаға қаншалықты әсері бар екенін,қай мезгілде қалай тамақтану керек екенін өте жақсы білген. Барлық дәрумендер тек қана көкөніс пен жеміс-жидектерде, болмаса балық, бақа-шаяндарда деген түсінік біздің аталарымызда ол заманда болмаған. Сонда да ғасырлар бойы өз тәжірбиелерінің нәтижиесінде жинақталған тұжырымдарының дұрыстығы арқасында ешқандай емханасы, курорты жоқ иен далада жойылып кетпестен, қазіргі білгішсініп жүрген біз сияқты ұрпақтарының негізін қалаған.Ал енді аталарымыз жыл он екі айда қандай
тәртіппен тамақтанған деген сұрақ туындауы әбден дұрыс-ақ. Көктем айы «Жуанның жіңішкеріп, жіңішкенің үзілер шағы»-деп аталған,«Көктемнің көк өзек шағы»-атанған уақыт та осы кез.Қыстан қиналап шыққан жұрт есін жиып, күш жинау үшін осы бір шақта көктемгі соғымдарын сойып, тоя тамақтанып әл жинаған, сөйтіп ағзаның әлсіреуіне жол бермеген.
Осы шақта мал төлдеп, ақ молайып,қымыз-шұбат ағыл-тегіл уақытқа жалғасқан.Бұрынғылардың «Мал ауызы көкке, жан ауызы аққа тиді»-деген уақыты осы шақ болса керек. Жаз бойғы тамақ негізі құрт-май,ірімшік, айран-қатық, бағлан қозы сияқты дәрумендерге бай тамақтар болған.
Қазақтың «Күн жаз, ет аз»-деген сөзі осы уақыттан қалса керек.Содан терең күзге дейін солай жалғасқан. Ел қыстауға көшіп,қора -қопсысын, отын суын жайлап алғаннан соң Қараша, Желтақсан айларында қысқы соғым басталған. Қазақта соғымға мал сою уақыты өзінше бір мереке іспеттес болған. Бұл уақыт бір айдай кезеңге созылып, соғым сайылған үйде өз майына қуырдақ дайындалып ағыл-тегіл, мәре-сәре болып жатқан.Қазақ негізі соғымға жылқы, түйе малдарын арнаған.Себебі бұл екі түліктің де еттрінің емдік қасиетке өте бай екенін аталарымыз жақсы білген.Қой малын арнаулы қонақтар келгенде ғана атап, бата сұрап сойған.Ал сиыр, ешкі малдары еріксіз, ақсақ-тоқсақ болмаса сойылмаған.Екеуінің де еті суықтық, жел әкеледі деп саналған. «Соғым сойылған күн, ақ түйенің қарыны жарылған күн» — деген сөз осы уақытты меңзесе керек. Сонымен қайран Бабаларым қысымен әр үйден соғым басын тойлап,қазыны кертіп,қартаны майын ағызып жеп көктемге де шыққан. Оған қазақтың қаймағы бұзылмаған кең сахарасының саф ауасын, сол даладағы саятшылық, аңшылықты, әр үйде күмбірлеген домбырамның қоңыр үнін қос.Осыдан кейін оған дәрумен, ритм, ситмің не керек деп еріксіз ойлайсың.Бұл менің ешқандай энциколопедиядан көшірмеген таза өз тұжырымым, сондықтан қателесуім әбден мүмкін.

Шоқыр Бөлтекұлы кім?
Ол қазақ боксының атасы. Жетім. Қазақфильмде суретші болып жұмыс жасаған. Қазір соның атымен аталатын жыл сайын бокстан жарыс та өткізіліп тұрады.
Бұл адам мен үшін бір әдемі образ. Маңғыстаудың жетім баласы, өзі талпынып қазақтан тұңғыш боксер атанған. Болтеков болмай, Бөлтекұлы болып қалған. Қырсығып фамилиясын өзгертпегені үшін, ірі сайыстарға да өткізілмеген жан. Жаны сұлу адам болған деседі. Бокстан кеткенде, киностудияда суретші болған. Атаққа ұмтылмаған, қарапайым өмір сүрген деп өтірік мақтамайын. Бірақ солай болған сияқты маған.
Өмірі, түр-әлпеті киноға лайықталып туғандай жан. Ол туралы ақпарат іздеуден шаршадым-ақ. ЖОҚ. Осы кісі туралы кім не біледі? Біреулерден естігендерің бар шығар. Бөлісе отырыңдар!

Мен орталығы Түркістандағы Халықаралық Қазақ-түрік университетінде оқығанмын. Сол универде қалыптасқан бір дәстүр бар еді. Кентау, Түркістан, Шымкент, Тараз бөлімшелері жылда жаз айында Машат шатқалындағы универдің лагеріне жиналатын. Сол оқу жылында ең белсенді болған үздіктер 3-4 күнге бас қосатын. Сондай кездесулердің бірі 2005 жылы жазда болды. Ылғи студенттер жиналған соң көңіл көтеру, ойын-сауық дегендей. Сөйтіп, түнгі мезгілде би алаңында біраз билеген соң Ақсүйек ойнайық деген ұсыныс түсті ортаға. Ойынды бастаушы барлығы біледі ғой деген оймен ережесін түсіндірмей-ақ, ақсүйекті түнде табу керек деді да, ағаштардың арасына қарай лақтырып жіберді. Сол жердегі студенттердің көпшілігі іздеуге кеткен. Біз бірнеше адам ғана би алаңында қалып, билеп, общение, мәпщение жасап жатқанбыз. 15-20 минуттан кейін Ақсүйек іздеуге кеткендер паровоз құсап тізбектеліп келе жатыр. Өздері мәз: Ақсүйекті тауып алдық -дейді. Оны басындағы адамға ұстатып қойыпты. Ортада ішегіміз түйілгенше күлдік. Жүргізуші содан кейін ғана әлгілердің өмірінде ақсүйек ойнап көрмегенін түсінді де: Сендер қызықсыңдар, ақсүйекті бір бағытқа лақтырса, оны кері бағытта іздейді бір бір жігіт болып — деп, ережесін, мәнін түсіндіріп әлек болып қалды. Сөйтіп, ақсүйекті тағы лақтырды. Содан кейін ғана барлығы іздеуге кетті. Өмірімде ақсүйекті осылай ойнағанын бірінші рет көруім және соңғы рет. Естеріңде қалған Ақсүйектер бар ма?

Соңғы күндері, көгілдір экран алдында отырып жалықтым. Не дегенмен, демалыс қой. Ешқайда шығуға да шабыт жоқ… Соңғы рет Блогқұрылтайға ғана барып едім… Сол көңіл көтергеннен кейін әлі шыққаным жоқ. Содан не керек, Данияр — ға телефон шалып, мұз айдынына баруды шештік… Бұдан алдын мұз айдынына тек, жаттығып біраз сергу үшін баратын едім. Бұл жолы Данияр бауырыммен қысқаша видео-блог түсіруді ойластырдық… Еш дайындалғанымыз жоқ… Бірақ, қызық болатынына сенімді болдым… Бұл біздің 1-ші видеомыз болғандықтан, «строго судить» етпеулеріңізді сұранамын…

ҚЫЗЫҚТАРЫ СОҢҒЫ ЖАҒЫНДА....

Видео көрсетпесе, мына сілтемеге өтіңіз...(Kiwi.kz)
Видео көрсетпесе, мына сілтемеге өтіңіз...(Яндекс)

Әрине отырып алып сынаудан оңай нәрсе жоқ, мұндай үлкен жиынды ұйымдастыру оңай шаруа емес, әсіресе қолында қаржысы жоқ жастар үшін тіптен қиын, ол жағынан ұйымдастырған жігіттерге әрине құрметпен қараймын.

1. Мақсат қандай?

Ең алғашқы блогкамп өткен кезде мақсат айқын болып еді, блоггерлер бас қосып тәжірибе алмасу, бір-бірімен танысу, қазақ тіліндегі жаңа жобалардың дүниеге келуіне жол ашу, сол арқылы қазақша контенттің дамуына сеп болу болатын. Басты мақсат әрине блогтың не екенін жалпақ жұртқа түсіндіру, блогшылардың сапасын арттыру болса керек, бұл құрылтайда осы мақсаттар 50 пайызға орындалды дегенге сене алмадым.

2.Кімге не үшін керек?

Бас қосып көңіл көтеруге таптырмас орын негізінде, олда керек, оған еш қарсылығымыз жоқ егер жоғарыдағы мақсаттар есте болса, «Шіркін, келесі блогқұрылтай қашан болар екен» деп тамсанатындар үшін несімен қызық болдлы екен, әрине достарымен кездесу көңіл көтеріп қалу. Қазақ ғаламторы қазақша сапалы контентпен толыға түсуіне, осы блогқұрылтайдың бір себі болса екен деп жүрген көшбасшылар әрине болды.

3. Марапаттау

Егер мүмкіндік болса, жылдың ең үздік блогы, ең үздік тақырыптық блог (егер ол бар болса) жаңа есім, деген номинациялар бойынша елге үлгі болатындай блогтарды насихаттап, жаңа өсіп келе жатқан блогшыларға көрсетілсе құба құп болар еді.

4. Шеберлік кластар

Мұны жұртты жалықтырып алмайтындай ұйымдастыру керек, барлық қатысушыларға арнап бір ғана шеберлік клас өткізілуі керек, ол бір ғана слайдтың төңірегінде өрбісе жеткілікті, алдымен бір тех маман шығып блог ашудың техникалық жағын түсіндірсе, келесі біреуі шығып тақырыпқа сай безендірілуін айтсын, келесі адам қандай тақырыптар қазақша блогсферада ақсап тұр, сол жағын түсіндірсін яғыни контент жағын, осылай 15 минутта бітіруге болады.

5. жаңа жобалар

Өте керек, бірақ іріктеу жағы атүстілеу ме қалай? қысқа уақыттың ішінде қандай жобаның болашағы зор екендігін анықтауда қиын, атам қазақ «Сайт ашу оңай, сайт болу қиын» деген екен, сол сияқты сайт ашқанның бәрі жоба емес, ол үшін алдын-ала жіберілу керек, жобаның бағыт-бағдары, болашақтағы жоспары анық жазылып көпшілікке ұсынылып онлайн дауысқа салыну керек, сосын қорытындысы құрылтайда жарияланса болды.

Қорытынды

Бұл сынау емес тек іліп алар бірдеңе болса ескерілер дедім, жалпы құрылтай керек, жылдан жылға сапалы, берері мол бола түссе, блогтардың сапасы артып тақырытық блогтар көбейсе екен, қазақша контенттің ақсап жатқан тұстарын дөп басса екен деген ой ғой біздікі.

Сегiзiншi наурыз деп жарына гүл сыйлайды
Бүгiнгi күн мейрам деп үйдi де өзi жинайды
Бiр жылдағы бiр күндi әйелiне арнайды
Осы күнi әйелдерге мадақ жырлар жырлайды
Басқа күнi ол серi жарын еске алмайды
Ойын, бойын, мүшесiн жамандықтан тыймайды
Осылайша дiнсiздер өзiн-өзi алдайды
Ал исламда әйелдi жыл он екi ай сыйлайды

Кешегі күндерді еске алатын сәттерім болады, балалық шақ… Адамның өмір жолына енді ғана аяқ басатын кезі бұл. Ата-анаңды қуантып өмірге келдің, көз қуанышы болып өстің, бүгін, міне, есейдің. Кешегі балалық шағыңды түшіркене бір еске аласың. Кез келген ұсақ жақсы жаңалық болсын, ертеңгі күніме сенім беріп, демеп тұратыны бар. Әр нәрсе, үңіліп қарасаң, бір үлкен бақыт. 
Балдәурен шақ — өзінің сыр сандығыңды ашқан кезің. Енді өмір ағымымен сен де өз ғұмырыңды кешудесің. Барған сайын өзіңе бір жаңалық ашасың. Мен өмірді күрделі есепке ұқсатамын. Соңғы шешімін табасың ба, жоқ па, белгісіз, алайда бұл саған берілген жалғыз ғана есеп — шешіп көруің керек! Қателестім деп санымды соғып отырмайын, жоқ. Басқа тәсілді қолданамын, еш тартынбаймын. Қате — өмірдің құрамындағы қоспа деуге бола ма екен, қалай. Онсыз өмір — өмір болмас, сірә… Одан да тәуекел деп, аяғымды алға басуым керек. Менің шағын өмір картамда биік таулар да, қисық жолдар да бар, төзім шекарасымен шектелген мемлекетімнің атауы — Адам қанағаты. Бәрі де Өмір деген патшаға бағынады. Мен өз өмірімді жақсы көремін. Бүгін мені анам ұйқымнан оятты, ояндым, оқуға келдім. Міне, бақыт!

ҰЛЫСТЫҢ ҰЛЫ КҮНІ ҚҰТТЫ БОЛСЫН! Бауырсақтың жасалу жолын қабыл алыңыздар!

1.ЕҢ БІРІНШІ ҚАМЫРДЫҢ КӨТЕРІЛУІН КҮТЕМІЗ!



2.содан кейін қамырды әр түрлі формаға келтіріп кесіп қоямыз!



3.қазанға ары-бері аударып, піскенше қараймыз!



4.МІНЕ ДАЙЫН БОЛДЫ! ас болсын қабыл алыңыздар!


Және де наурыз көжемді қабыл алыңыздар!



P/S: Бұл «Samsung Наурыз көжесі» байқауы үшін арналған!Толық түпнұсқа мына жердеДауыс беріңіздер достар!

Тіліне түкіргендер өзгеге болады құл,
Тілімізді жылатты тарихтағы жетпіс жыл.
Ана тілі – Анаң! Осыны анық біл!
Өзгерсе де әлем, өзгермеу тиіс Ана тілі!
Жақау

Ананың сүті. Иә, барлық адамға таныс ұғым болса керек. Меккеге анаңды арқалап үш барсаң да, анаңның сүті тұрмақ, тіпті сені қиналып толғатқан кездегі бір демін де ақтай алмайсың. Бұл да түсінікті нәрсе.
Мұқаң атамның (Мұхтар Әуезов) айтқаны бар емес пе: әкеміз қанша жерден ғалым болса да, тәрбиені тезек теріп жүрген анамыздан аламыз деген. Бұл да ақиқаттылық, жалғандығы жоқ нәрсе.
Ананың сүтін ақтай алмайды екенбіз. Сонда ананың сүтін ақтауға ұмтылмауымыз керек пе? Әлде өстім-өндім, ананың сүтін қайтем, күлкімді келтірмеші ме?
Жалпы, әрбір нәрсенің өз орны, өзіндік бір ақысы бар екенін кез келген пенде білсе керек. Әйтпесе деймін-ау, неге адамдар құқығы тапталған жерде өз ақысының өтелуін талап етіп жатады? Талап қылмақ не керек, талапсыздық болса егер?
Сәбидің анасына қылмақ бір ақысы – екі жыл мерзіміне жуық анасының сүтін ему. Алайда бұл күнде көптеген сәбилердің мұндай ақылық ісі дұрыс өтелмей жүр. Аналардың өз ішінен шыққандарды қаншалықты дәрежеде сүймек болса да, ақылық істі өтемей жүргендеріне, өз міндеттерінің маңыздылығын сезінбей жүргендеріне жол болсын демекпін. Әкенің де сәби алдындағы бір ақысы – мән-мағынасы бар дұрыс есім қою. Олимпиада, Азиада, «Бірдеңемания», «Шірдеңеиада» деген секілді есімсымақтарға айтарға сөзім жоқ. Жәрар!..
Бала тәрбиесі анасының жатырында жатқанда-ақ басталып кететінін көпшілік біле бермесе керек. Әкенің де баласы алдындағы ең бірінші кезектегі міндеті – дұрыс жар таңдау. Дұрыс жар дегеніміз кіндігіне таққан сырғасы, тырысқан шалбары, оған қоса үстіндегі тырысқаны бар, тағы басқа пәлесі бар әурет жерлерін көрсетіп, айшықтап тұратыны жарасқан қыз емес. Мұсылман болсаңыз, Пайғамбарымыз (с.а.у.) айтты емес пе: «Қоқыстың арасында өскен қызыл гүлді алмаңдар», «Жар таңдасаңдар, діндарлығына мән беріңдер» деген түсінікте. Жәрар! www.muftyat.kz, www.muslim.kz қазақша сайттарында бұл мәселеге қатысты көптеген мәліметтер бар. Сонда оқи жатарсыздар. Қазақ бола тұра өз ана тіліңізді білмесеңіз, онда «сіздейлерге» www.azan.kz сайты түсініктірек.
Тақырыпты аша түссем, ана сүтінің маңыздылығы жайында мынадай мәліметтер бар екен. Әр ана өз сәбиін 6 айға дейін ана сүтімен қоректендіруі қажет. Ол иммунитетті қалыптастырады, баланың дамып-жетілуінде маңызды рөл атқарады. Балалардың сырқаттануы мен шетінеуін едәуір төмендетеді. Емшекпен қоректендіру — ана мен баланың арасындағы биологиялық және эмоциялық терең рухани байланыс, әйел өміріндегі ең бақытты да қуанышқа толы сәттердің бірі. Алғашқы алты айда тек емшекпен емізу — қаламаған жүктіліктен сақтанудың сенімді тәсілі. Ананың босанғаннан кейінгі физикалық жағдайы емізген кезде жақсарады. Әрі ана сүтімен қоректенген бала анағұрлым аз ауырады. Ғылымда да ана сүтінің ақуызға, майларға, көмірсуларға, дәрумендерге, микроэлементтерге бай екендігі ерекше айтылған. [1]
Ана сүті иммунитеттің қалыптасуы мен дамуын қамтамасыз етеді, аллергияның, ас қорыту органдары ауруларының даму қаупін азайтады. Қазіргі таңдағы әр түрлі қолдан жасалған сүттер жас нәрестеге қандай да бір зиянды әсерін тигізуі мүмкін. Ғалымдардың зерттеуінше, қырықтан асқан адамдардың көбі кішкентай күнінде жасанды сүтпен қоректенгендіктен, қант ауруына шалдығып жатады екен. [2]
Ана сүтінде альбумин деген белок бар. Оның пайдалы қасиетінің бірі — сиыр сүтіне қарағанда қажетті май қышқылдарының бәрі бар. Балаға жасанды тамақ бергенде іштері кеуіп, қатып, ішекте шаншу пайда болуы мүмкін. Бұндай жасанды тамақпен қоректенген балалар жиі ауырады. Салмағын аз қосады, тістері кем шығады. [3]
Ананың сүті — жаңа туған нәрестені бірден-бір қоректендіретін және кез келген жұқпалы аурулардан қорғайтын Аллаһ тағаланың жаратқан теңдессіз ғажайып тағамы. Қазіргі заманғы технологияның көмегімен дайындалатын балаларға арналған жасанды қоспалардың (сүттердің) ешбірі де Аллаһ тағала жаратқан ана сүтінің қоректік және бактерияға қарсы сапасына мүлдем тең келе алмайды. «Адамдарды ата-аналарына жақсылық жасауға бұйырдық. Ана оны үсті-үстіне әлсірей жүріп (құрсақта) көтереді, екі жыл бойы емшек емізеді. «(Ей, адамдар!) Маған да, ата-аналарыңа да шүкіршілік етіңдер! Түптің түбінде, қайта оралатындарың — Менің алдым» («Лұқман» сүресі, 14-аят). Ана сүтін емген баланың тыныс алу жолдары мен ас қорыту жүйелері жұқпалы індеттерге қарсы тұра алады екен. Сүттің құрамында болатын қорғаныш ақуыздары (антитела) жұқпалы вирустар мен бактерияларға тікелей соққы береді. Сәбидің ағзасына қажетті қорғаныш жүйесінің элементтері, яғни қорғаныш ақуыздары мен иммундық жасушалар оған ана сүті арқылы дайын күйде беріледі. «Ана баланың емшектегі уақытын толық сақтағысы келсе — оның мерзімі толық екі жыл» («Бақара» сүресі, 233). Ана сүті ананың қатысуынсыз, яғни бұйрығынсыз өзінен-өзі ағзада өндірілетіні белгілі. Сонымен қатар, сәби ағзасының қажеттілігіне қарай сүт құрамының өзгеруі де ананың қатысынсыз жүреді. Ана өз денесінде сүттің қалай өндіріліп жатқанын және неден тұратынын да білмейді. Бұл деректердің бәрі Аллаһ тағаланың бар екенін, Сол ғана Өзі жаратқан тірі жаратылыстарына қорек сыйлайтынын, олар қай кезде нені қалап тұрғанын Ол ғана білетінін және Аллаһ қана ананың ағзасында сәбидің өсуі мен толыққанды өмір кешуі үшін ғажайып қоректік затты жасайтынын сөзсіз дәлелдейді. [3]

Дерек көздері:
1. Жетпісбай Жанахметов, облыстық салауатты өмір салтын
қалыптастыру орталығының баспасөз маманы. Ана сүті бой өсіреді. Ақтөбе газеті. 7 тамыз. 2012 жыл.
2. Жадыра Сейілханқызы. Ана сүті – бал. Алдаспан газеті. 10 тамыз.
2011 жыл.
3. М.Телишева, №3 қалалық емхананың бала дәрігері. Ана сүтінде
қуат бар. Атырау газеті. 5 тамыз. 2008 жыл.
4. Қазақстан жаңалықтар порталы. Ана сүтінің кереметтері. 9
наурыз. 2013 жыл.