Дипломат

Мен мектеп табалдырығын аттағанда қай жылғы балалар мектеп бітіргелі жатқандығы толық есімде жоқ. Есімде қалғаны ол жылдары біздің мектеп 9 жылдық еді. Тағы бір есімде қалғаны 1977-ші жылғылар жоғарғы кластардың бірінде оқып жүретін.Шамасы осылар-ау деймін мектептің ең үлкендері.Себебі, бізді төбелестіріп қоятын да, өздері біреулермен төбелесіп жүретіндер де солар секілдітін қазір қарап отырсам. Мектептің қабырғасының әр жерінен «77 жаса»(типа, «Алға Қазақстан») деген ұрандарды оқып қалушы едік. Айтпағым бұл емес дегенменен.
Ия, біздердің мектеп бітіретін жылдарымызда мектепке пакет ұстап бару немесе түк ұстамай бара салу дәстүрге айналса ол кезде олай емес еді. Мектеп дәлізінде ерсілі-қарсылы жүгіріп жүретін біздер жоғарғы класс оқушыларының қолындағы дипломаттарға қызыға қараушы едік. «Тезірек өсіп, осындай дипломаттар ұстасақ қой» деген арман әрқайсымыздың ішімізде жатушы еді. Қолдарына дипломат ұстап жүрді демесек олар да бала екен-ау ойлап отырсам. Кей-кейде әлгі бізге жігіт секілді көрінетін 77-лер де балалалыққа салынып қолындағы дипломаттарымен қыздардың арқасынан «ыңқ» еткізетін.
Сіздердің мектептеріңізде осындай үрдіс болды ма?

Суретке сілтеме
Әрі қарай

Құрманғазынікі кішкентай...

Ютубты қарап отырсаңыз тікелей эфирдегі жүргізушілердің, тілшіліердің күлкілі жәйттарға ұрынып қалу сәттері көп. Солардың тым болмаса бірін көріп қолтықтан кете күлген кездеріңіз болған шығар.
Біздің елімізде де ондай оқиғалардың орын алуы заңдылық. Құрманғазы атындағы Қазақ мемлекеттік оркестрінің бір концертінде (қай жылғы концерт екенін біле алмадым) жүргізуші жігіт (аты-жөнін білмедім) сахнаға шығып, Құрманғазының «Кішкентай» атты күйінің орындалуынын хабарлауы тиіс болыпты.
Не шайтан түрткенін кім білсін әлгі жүргізуші сахнаға шығып "Құрманғазынікі кішкентай..." депті де жоқ болыпты. Отырған жұртшылық бір сәтке тым-тырыс қалып, артынша ду ете қалыпты дейді көргендер…
Әрі қарай

Керзі етік

Ауылдағы ат үстінде жүретін ағаларымыз қысы-жазы аяқтарынан керзі етігін тастамайды.Ондағылары аяқтарын үзеңгі қажамас үшін болар бәлкім. Бірақ, менің айтпағым басқа еді.
Бала кезімде маған да керзі етік сатып әперді. Өзіміздің елде шыққан. Табанында «ЖАМБЫЛ» деген жазуы бар, жоғарыдан төмен қарай жазылған. Сірә, Жамбыл жақтағы аяқ киім фабрикаларының бірінен шықса керек. Не керек, жап-жаңа етігімді киіп алып сыртқа шықтым. Үлкендер анадай жерде соғымға жылқы сойып жатыр. 6-7 жасар кезім. Қарға түскен ізіме мәзбін. Анықтап қарасам табанымдағы жазу қарға анық түспейді екен. Үлкендер жаққа жүгіріп бардым да «Менің етігімнің астында жазу бар. Сол қарға толық түспейді „АМБЫЛ-Амбыл“ деп қана түседі» дегенімде үлкендердің неге бұттан кете күлгенін кейін түсіндім.
Әрі қарай

Кінәсіз КАЗКОМ

Қарағанды қаласындағы ірі сауда үйінің бірі «City MALL» да КАЗКОМ-ның мынандай бір жарнамасы ілініп тұр.
Сауда үйінің ішіндегі банк бөлімшесінің бастығы Васютина Ирина Михайловна бұған өзінің кінәлі емес екенін айтуда. Ол кісінің сөзіне қарасақ бұның бәрі жарнама компаниясының қателігі. Сенбі күні көрсеткен кемшілікті дұрыстай алмайтындықтарын, бұл жайлы дүйсенбі күні жиналыста айтатынын, содан кейін барып жарнама компаниясымен хабарласып жаңасын даярлап, соны ілмейінше ескі жарнамаларын ала алмайтындығын айтып өтті. Шрифт ауыстыру үстінде кеткен қателік екені белгілі болғанымен логикалық тұрғыға салсақ сөйлемді қойып сөз ішінде қаптаған сұрақ белгілерінің болмайтындығы белгілі емес пе?
ПыСы: Бастықтарымен осы әңгіме жайлы сөйлесіп отырғанымдыбанк қызметкерлерінің бірі (қазақ жігіті) естіп қалды. Содан кейін суретке түсіріп жатқан маған келіп «Аға, бұл жерде қате кетіп қалған ғой. ана 2-нің алдына 1 қойып қойыпты. Негізі бізде 2 миллионға дейінгі несиелер ғана беріледі» деп тұр
Әрі қарай

Әскери шендер

Әскери адамдардң бір біріне бағыныштылығы шен арқылы, лауазым арқылы анықталады. ол жерде жасқа қарап силау деген жүре қоймайды.

Әскерилер сержанттар құрамы, офицерлер құрамы болып бөлінеді. Өз кезегінде офицерлер құрамы кіші офицерлер құрамы, аға
Әрі қарай

Әскерде болғандар циркте күлмейді

Алғысөз
Агенттен Аршат айғай салды. «Не деп?» дейсіз ғой. «Циркте күлмейтіндер жайлы әңгімеңді „Керекинфоға“ сал» деп. Патеря боп қалдым. О не деп. Сілтемесін берді. Алдым, бардым. Аптыры мен. Есіме блогыма бұрынырақта жазған жазбам түсті.
Әрі қарай

Мүйізатар-рогатка

Біздің балалық шағымыздың баласын мойнына ілген мүйізатарсыз елестету мүмкін емес секілді.Мүйізатар дегеніміз Y іспетті ағаш бұтағына жіңішкелеп тіліп байланған белесебедтің камерасының және сол камераның екінші басына байланған былғары оқшантай. Қолы ұзындар медициналық жгуттан жасап алатын.Ондай қулардың атқан оғы алысқа кетуші еді.Оқшантайға былғары табудың өзі сор еді. Былғары сөмкеңнің ішкі жағынан кесіп аласың немесе бәтеңкенің тілі кетеді құрбандыққа. Ағаштан әдемі аша таба алмасақ қара сымнан сап жасап алып жүре беретінбіз. Әуелгіде бөтелке атып бастағанмен кейін келе торғайға оқ ататынды шығардық. Талай рет оқ тиген торғайдың жерде тыпырлап қиналғанын көріп жаным ашып кетуші еді. Бірақ балалық па ертеңіне тағы атасың торғай біткен үйіңдегі соңғы бидайыңды жеп кеткендей...Құдай күнаға жазбасын бұл балалығымызды. Одан іш пысқанда қойдың құмалағымен оқтап бір-бірімізбен атысамыз. Іштей ұнатпай жүрген біреуің болса кішкене тас салып атып жібересің, кейде сені де біреулер таспен атып кетеді…
Әрі қарай

Кәлимасын айтқызу

Қазақтарда (мұсылмандарда) ақтық демі үзілгелі жатқан адамның тілін кәлимаға келтірту бар. Бір жігіт ағасының жары аурудың салдарынан болар қайтыс болыпты. Үйіне келген молда,«тілін кәлимаға келтіріп кетті ме?»деп сұрапты.
-Молдеке, өзім айтқыздым кәлимасын-депті отағасы.
-Не айтқыздың?-деген молдекеңе,
-Кә-ли- ма-деп айтқыздым депті әлгі кісі.
Әрі қарай

Оралу

Оралу. Өткенге оралу. Мектеп жылдарына қайта шолу жасағым келіп отыр.Оның өзінде бастауыш кластарға.Осы жерге бастауыш кластарда жаттаған (әлі ұмытылмаған)тақпақтарды жаза кетсек.
Нан қоқымын шашпаңдар
Жерде жатса баспаңдар
Теріп алып қастерлеп
Торғайларға тастаңдар!
Әрі қарай

Иттің жүні, ешкінің сүті...

Ұмытпасам бұл оқиға 2009-шы жылдың қысының аяғында не көктем мезгілінің бас жағында болды. Әйтеуір үстімізде қалың киімнің бары рас. Отбасылық өмірге ептеп болса да төселіп қалған кезіміз. Ұлымыз Ринаттың алты-жеті айлық кезі. Бір күні баламыздың мазасы қаша бастады. Дәрігерге көрсетіп едік «Қызуы көтеріліп тұр, бірер күнде қайтады» дегендей бірдеңелер айтып шығарып салды. Айтылған бірер күні өткен кезде Ринаттың көзі кіртиіп, еңбегі түсіп кетті. «Жолы болар жігіттің жеңгесі шығар алдынан» деген рас екен. Бала ауырғаннан бергі үшінші күні ауылдан жеңгем келе қалды. Ринатқа қарады да «Мынаған ит тиген» деген диагноз қойып берді.
«Ит тию» деген аурудың барын бала кезімізден білеміз. Баланың тілі итке өз еркімен «Кет» дейтін жасқа жеткенше ауыратын ауруы. Барлық бала ауыра бермейді әрине. Оған түрлі себеп бар. Иттен қаймығу, баланың кәкәсін ит жеп қойса да ауырып қалады деген сенім бар. Ауылдық жерде шешелеріміз «Ит тиген» баланы өлген иттің бас сүйегімен жуындырып, иттің өлексесінің орнына аунатып, ем-дом жасап жататын. Қасқырдың өтін іздестіріп жатқан үлкендерді де көргенбіз. Қалада ондай мүмкіншілік жоқ.
Әбіләкімнің ауылы: Иттің жүні, ешкінің сүті...Жеңгем, «Маған иттің бір уыс жүнін әкеліп бер. Мен сонымен ұшықтап жіберейін» деді. Есіме бірден түскен адам әлде ит көрші подъездегі сабалақ жүнді иті бар жалбыр шаш орыс болды. Салып ұрып жетіп барып, соның есігін қақтым. Жаман орысшаммен итінің бір уыс жүнін қиып беруін өтіндім. «Не, дружище, не могу. Я с этим другом уже 15 лет живу, не могу» дейд әлгі атаңа нәлет. Ол кезде әскери қызметтемін. Бір басыма жететін орысша-қазақша боқтықтың багажы әжептеуір болып қалған. Боқтап-боқтап шығып кеттім. Иттің жүнін іздеген бірінші күнім осылайша сәтсіздікпен аяқталды.
Әрі қарай