Керзі етік

Әбіләкімнің ауылы
28 желтоқсан 2011, 10:18

Ауылдағы ат үстінде жүретін ағаларымыз қысы-жазы аяқтарынан керзі етігін тастамайды.Ондағылары аяқтарын үзеңгі қажамас үшін болар бәлкім. Бірақ, менің айтпағым басқа еді.
Бала кезімде маған да керзі етік сатып әперді. Өзіміздің елде шыққан. Табанында «ЖАМБЫЛ» деген жазуы бар, жоғарыдан төмен қарай жазылған. Сірә, Жамбыл жақтағы аяқ киім фабрикаларының бірінен шықса керек. Не керек, жап-жаңа етігімді киіп алып сыртқа шықтым. Үлкендер анадай жерде соғымға жылқы сойып жатыр. 6-7 жасар кезім. Қарға түскен ізіме мәзбін. Анықтап қарасам табанымдағы жазу қарға анық түспейді екен. Үлкендер жаққа жүгіріп бардым да «Менің етігімнің астында жазу бар. Сол қарға толық түспейді „АМБЫЛ-Амбыл“ деп қана түседі» дегенімде үлкендердің неге бұттан кете күлгенін кейін түсіндім.

Жамбыл, етік, керзі етік, соғым

17 пікір

Жасыру

Бұл етікті мал жайлауга киіп аласың, сабаққа да кие бересің жылтыратып кіремдеп алып. Тебісіп ойнағанда керім болатын еді.

Жасыру

Жасыру

Бұл етік етік едіғой, жүн нәскидің сыртынан шұлғау орап алып жыртыласыңғой қораға, бұның тобық тұсы тез қажалып қалатын

Жасыру

Мдаа, қызық болған екен)
Бізде балдармен төбелескенде осы керзіні киіп шықсаң бітті — қарсыласыңның духы отырып қалатын еді, себебі қарсыласыңа тигізген керзінің жарты тепкісінің өзі жеңіске жетуіңе біраз септігін тигізеді)))

Жасыру

Менің атамда болатын. Ата үйде ұйықтап жатқан кезде қаладан келген жиен сіңлім бар, сол екеуміз қызық көріп киіп көрдік. Екеуміз де кішкентаймыз, ары кетсе 2 класс па оқимыз. Кисек ауыр, зілмендей екен. «Мә, мынаны атам қалай киіп жүр? Ауыр ғой» деп ойланғам. Кластас балдардың да көбі төменгі сынып кезінде осыны киетін. Қыс кезінде мектептің алдында осы керзі етіктерімен сырғанайтын, бір-бірін шалып құлатып жататын.

Жасыру

Қыс кезінде мектептің алдында осы керзі етіктерімен сырғанайтын, бір-бірін шалып құлатып жататын

Уо уо, керзі етік деген сырғанауға рәсә жақсығой)
Марқұм ағам мектеп оқитын кезінде керзісіне конькиды қағып алып, сонымен біраз көшелерді аралап достарымен сырғанап қайтушы еді.

Жасыру

Мамамның әңгімесінен:
Марқұм әкең, ауылда тұрғанымызда көршінің оқу оқымаған, үй шаруасындағы келіншегін көрсетіп, әзілдейтін. «Ой, Тәке, негізі оқуды босқа оқығансың. қазір қарашы алатын айлығың 80 сом, аяғыңа 120 сомның етігін киюің керек. Ана көршінің әйелі сияқты оқымасаң, жылына бір рет аяғыңа 9 сомның керзі етігін алып берем, жазда көшенің шаңын шығарып, қыста қарын боратып, жүре берер едің» дейтін.