Осы жерде білгішсымақ сөздермен солардың қарапайым баламаларын жазайықшы.
Мысалы:
Интеллектуалдар — Білімді/ақылды адамдар
Прагматичный, практичный — дүнияға пысық, пысықай
Жағдайым дағдарып тұр, менде кризис — ақша жоқ.
Социумның кері байланысын алу — ағайын жұртпен санасу.

Мәселе бұл сөздердің ғылыми мағынасында емес, көп адамдар бұл сөздерді қарапайым асханадағы әңгімеде қарапайым сөздердің орнына қолданып оқымыстылығын білдіріп жатады.
Тізімді жалғастырайық.

Жәй ғана сканер термині төңірегіндегі пікірталас көп жайдың бетін ашып берді.
Біріншіден — бірұдай пікірдің болуы мүмкін еместігі анық болды.
Екіншіден, бұл енді аздап парадокс: терминді жариялы түрде талқылау — бәрібір жекелеген беделді арбитрдің «Осылай болад, бітті!» деген кесіміне зәру екен!
Тәбет тамақ үстінде келетіні сияқты, талқылау технологиясын да өзгертуге тура келіп тұр. Келесі аптада, ұсыныстар мен аналитикалық ой-пікірлерді топтастыра бастамақпыз. Және тіл саласындағы кәсіби мамандардың да нобайы көрініп қалған сияқты, оларды пікірталастың плацкартынан салиқалы көзқарастардың VIP-купесіне көшіру үдерісі басталатын сияқты.
Әйтеуір ең жақсысы — терминге ресми жауаптылар сияқты, кабинеттік талқылаудың, «Сабең біздің өз ағамыз, шал айтса — дәл айтад» сықылды көңілжықпастық қатынастардың бейшаралығын көрсетті. Соларыңыз үшін рахмет! Жаңалық күтіңіздер!