Еуропада футбол маусымы басталды. Бұл дегеніміз әлем назары Ағылшын премьер лигасына ауады деген сөз. Себебі Англияның жоғарғы дивизионына осы маусымда келген бапкерлер: Антонио Конте, Вальтер Мацарри, Жозе Моуриньо, Хосеп Гвардиолаларға — Юрген Клопп(Ливерпуль), Моурисио Почеттино, Клаудио Раньери, Арсен Венгер сынды беделді мамандар бәсекелес атанды. Әсіресе Испаниялық пен португалиялық арасындағы дуэль қызық болайын деп тұр. Қос Манчестер арасындағы тартыс бұрынғыдан бетер қыза түспек. Әзірге екеуіде жеңіліс таппай көш басында келеді. Осы ойында екі команданың бірі не болмаса екеуі де ұпай жоғалтатыны түсінікті.

Моуриньо мен Гвардиола 1996-2000 жылар аралығында Барселона сапында бірге болған. Гвардиола команда капитаны әрі көшбасшысы болса, португалиялық алдымен аудармашы, кейіннен сол кездегі бас бапкер Луи Ван Галдың көмекшісі қызметін атқарған. Қос бапкер арасындағы текетірес 2009-2010 жылғы Чемпиондар лигасында басталып, испанияның Ла лигасында жалғасқан болатын. Енді міне Тұманды Альбионға да кезек келді. Статистика испандық бапкер пайдасында. Енді Англияда дуэльдің жаңа кезеңі басталғалы тұр.

Сонымен 10 қыркүйек 2016 жыл. Ағылшын Премьер Лигасы. 4 тур. «ОЛД ТРАФФОРД» стадионы. Манчестерлік дерби.

Бүгін –ертең Чемпиондар лигасының ширек финалының қарымта матчтары өтеді. Қазіргі кезде «Реал» мен «Боруссиядан» басқа жұптардың барлығы қызық болайын деп тұр. Мадридтік команданың жартылай финалға шығатыны ешкімнің күмәні жоқ шығар. Көпшілік жұрт «Челсиден» ерлік күтеді. Әлемде ПСЖ-дан гөрі «ақсүйектердің» жанкүйерлері көп екені жасырын емес. Талай жауапты сәтте Жозе Моуринью командасын тығырықтан шығара алатын керемет тактик екенін көрсетіп жүр. Бүгінде сол қабілетін дәлелдей алама? Сол жағы көп адамға қызық болайын деп тұр.

Бұл ойынға Париждік команданың басты жұлдызы Златан Ибрагимович қатыспайды. Әлемде 47 размерлі бутсы киетін жалғыз футболшының бір айға дейін алаңға шыға алмайтыны белгілі.Егер, ПСЖ жартылай финалға шығып жатса, Ибраның жоқтығы сөзсіз білінетін болады.Мұндай деңгейде лидер әр кезде керек.

Ертең «Атлетико» өз алаңында «Барселонаны» қабылдайды. Алғашқы кездесуде Неймар керемет пас шығарып берген Андрес Иньеста өзінің футболдағы 500 кездесуіне шықпақшы. Бұл кездесуде, «Барселона» фаворит саналғанымен, «Атлетиконы» да ұмытпау керек.

Сэр Алекс Фергюсон осы маусымның аяғында жаттықтырушылық карьерасын аяқтайтын болды. Шындығында, Сэр Алекстің әйтеуір бір күні кететіні анық еді (Шотландтық болғанмен Дункан Маклауд емес қой).

Бапкер 2002-жылы отставкаға кетпек болды. Алайда, ол маусымда Манчестер Юнайтедтің трофейсіз қалуы Фергюсонды шешімін өзгертуге мәжбүр етті. Оған мың тәубе. Өйткені, одан бері Сэр Алекстің командасы ішкі чемпионатты 6 рет ұтып алды.

Жалпы, МЮ бапкері ретінде Сэр Алекс Фергюсон қырыққа жуық трофей жеңіп алыпты:
Ағылшын премьер лигасы: 13 (1993, 1994, 1996, 1997, 1999, 2000, 2001, 2003, 2007, 2008, 2009, 2011, 2013)
Чемпиондар лигасы: 2 (1999, 2008)
Англия кубогі: 5 (1994, 1996, 1999, 2004)
Ағылшын лигасының кубогі: 4 (1992, 2006, 2009, 2010)
Комьютинити Шилд (Суперкубок): 10 (1990, 1993, 1994, 1996, 1997, 2003, 2007, 2008, 2010, 2011)
Клубтар арасындағы әлем чемпионаты: 1 (2008)
Европа суперкубогі: 1 (1991)
Құрлықаралық кубок: 1 (1999)
Кубок иегерлерінің кубогі: 1 (1991)

Негізі Сэр Алекстің бір күні болмаса бір күні кететініне көптен бері дайынмын. Бірақ, сонда да бұл хабар жай түскендей естілді. Келесі маусымнан бастап, ол алаңның шетінде сағызын өршелене шайнап тұрмайды, арбитрлерге әлденені дәлелдеп айқайламайды, ойыннан соң баласындай футболшыларды құшақтамайды. Ол енді Бобби Чарльтонмен бірге трибунада отырады. Біртүрлі жараспайтын сияқты. 70-тен асса да айбары мен қуаты қайтпаған Фергюсон әлі де талай жас бапкерді шаңында қалдыра алады. Мен оған сенем. Бірақ, оның карьерасын осылай чемпион ретінде аяқтағанына қуаныштымын.

Рахмет саған САФ!

Old Trafford. Манчестер Юнайтед жанкүйерлерінің Меккесі. Бәрінің барғысы келеді. Барғандар кемі бірнеше жыл мақтанып, айтып жүреді. Мен соңғылардың қатарындамын.

Манчестер Юнайтед тарихындағы ұрпақтар сабақтастығы, тәрбие, мызғымас дәстүрлер туралы бір кітап жазуға болады. Сөзді көбейтпей, Куинз Парк Рейнджерс пен МЮ арасындағы соңғы матчқа қана тоқталайын.

86-минут. «Сэнт-Мэрис» стадионында «Саутгемптон» жанкүйерлерінің ысқырығы мен ән-айқайынан құлақ тұнады. Есеп 2-1. Сәлден соң қаһарлы «Манчестер Юнайтед» тізе бүгуі тиіс. Бірақ бұл — «Манчестер Юнайтед»! Соңғы бес минутты ең ширақ өткізетін команда. Сәл тосылсаң — оңдырмай жазалайды. Бұған дейін бірнеше рет орындалған сценарий бүгін де қайталанды. Бас-аяғы бес минутта «Саутгемптонның» бар үміті тас-талқан болды. Қорытынды есеп: 2-3. «Манчестер Юнайтедтің» кезекті жеңісі!

Эрик Кантона – бұл есім Манчестер Юнайтед клубының барлық жанкүйеріне таныс болуы керек. YouTube-ке рахмет! «Кунг-фу соққы», алты ай дискфалификациядан кейінгі оралу, үнемі көтерулі тұратын жаға… бәрін-бәрін тамашалауға мүмкіндік бар. Кантонаның Олд Траффордтан кеткеніне 15 жыл толса да, оның харизмасы ешқайда жоғалмағандай.

Манчестер Юнайтед әлемдегі ең қымбат спорттық бренд болып танылды. Brand Finance агенттігіне сүйенсек клубтың брендінің құны 2005-2011 жылдар аралығында 109 пайызға өсіп, 412 миллион фунт стерлингке жетіпті.

Кешегі финалды үйде үш дос тамашаладық. Мен, Қуаныш (Медеубаев, жас ақын) және Ботабек(тележурналист). Үшеуміз де Барселонаның жеңгеніне қуанатындар тізімінен едік.Сонымен финал ойындарынан кейін үшеуміз өзара мықтыны анықтауға кірістік.PES-2010

Сонымен, чемпиондар лигасы ақтық бәске бір табан жақындай түсті.
Ақтық жұп Реал-Барселона және МЮ-Шальке төрттігі арасынан іріктеледі.
Испандық эль-классико жеңімпазы финалдық доптебістің фавориті болады деген ой бар.