Авторлық құқық жайлы қозғалған пікірді қолдаймын

• 13 қаңтар 2011, 16:17

Блогшылардың құрылтайы Алматыда өтеді деген ғаламтордағы қуанышты хабар әп-сәтте жан-жаққа тарауда. BlogCamp форматында өтетін басқосудың негізгі мақсаты жүздесу, пікірлесу, сонымен қатар өзара тәжірибе-ойлармен бөлісу болып табылатыны да айтылуда. Көптің ойында жүрген дүниені іске асыру ұйымдастырушылар тарапына оңайға соқпас. Қалай дегенмен, алғашқы басқосудың орны бөлек.

Әрі қарай

2010 жылы ғылымға белгілі болған ең қызықты жануар-жәндіктердің ондығы (+сурет)

• 13 қаңтар 2011, 15:21

Мен оқыған дерек көзіне сенсек бұл тірі жан иелері 2010 жылы ашылыпты. Өзіме қызық болған соң, Сіздермен де бөлісе кетейін дедім. Тек әке-шешеден боқтамасаңыздар болды.

Сонымен:



1. Tyrannobdella rex сүлігі, Амазония өзендерінде кездеседі. Бұл жәндік өзі кішкентай болса да (ұзындығы небәрі 7 см), ірі, үлкен тістерге ие, сондықтан оған планетадағы ең жыртқыш динозавр тираннозаврдың атауына ұқсас ат берілді.

Әрі қарай

Азиада жыры...

• 13 қаңтар 2011, 12:58

Азиада-2011 ойындарының кестесі, хоккей
28 қаңтар, 13.30- 16.00 Кувейт — Қырғызстан
17.00-19.30 Бахрейн — Малайзия
29 қаңтар, 13.30- 16.00 Моңғолия — Бахрейн
***
төрткіл әлем бұл ойындарды төрт көз боп күтті. Көше кезген адамның бірі қалмай, бүкіл жұмыс тоқтайтын шығар. НХЛ матчтарды жіберіп алу қаупінен сескеніп демалыс алса керек.

(түпнұсқасы)

Расписание Азиады-2011, хоккей
28 января, 13.30- 16.00 Кувейт — Кыргызстан
17.00-19.30 Бахрейн — Малайзия
29 января, 13.30- 16.00 Монголия — Бахрейн
***
весь мир ждал этих матчей. Наверно опустеют улицы, остановятся все работы. НХЛ уйдут в отпуск дабы не пропустить просмотр

Әрі қарай

Алып қашып кете жаздаған

• 13 қаңтар 2011, 00:46

«Айқын» газетінің 30 желтоқсанында шыққан нөміріндегі бір қызық оқиғаны көзім шалды. Авторы Айжан деген бір қыз екен. (мүмкін жай ғана ник шығар)
Сонымен былай делінген:

Жаңа жыл отбасылық мереке болғандықтан, сағат 12-ге дейін үйде келер жылды қарсы алып, одан кейін достарыммен кездесуге шыққанмын. Жоспар бойынша, барлығымыз Медеуге барамыз деп шештік. Содан елдің бәрі жиналсын деп күтіп тұрған кезімізде, сөз салып жүрген жігітім телефон шалды.

"Қазір кездесейік, саған бір сыйлығым бар" деді. Сыйлық алғанды кім жек көрсін, достарымның барлығын тағы да бір сағат тостырып қойдым. Бір кезде қасында екі досы бар, жігітім келді. Далада өте суық болғандықтан, оның көлігіне отырдым. Сол кезде досы рульге отырып, машинаны айдап барады.

Әрі қарай

Алтынтоптың сыйлығын Сидельников берді (видео)

• Футбол, тек қана футбол!
• 12 қаңтар 2011, 15:57

Сидельников ФИФАның жыл қортындысында бізді ұятқа қалдырды деп Аламан сайты елді шулатып еді. Жігіттер аудармасында сәл қате жіберген сияқты. Аламанда былай делінген еді:

”Алтынтоп менің сенен өтінерім енді біздің қақпаға мұндай доп соқпашы”

Жоғарыдағы видеоны қарайтын болсаңыз, Андрейдің олай демегенін көресіз. Қазақстан Құрамасы және Ақтөбенің қақпашысы алдымен Хамит Алтынтопты құттықтады, сосын голдың шынымен керемет екенін мойындай отырып, алдағы уақытта мұндай гол жібермеу үшін қолымнан келген бәрін істеймін деді.

Әрі қарай

Чуркестан...

• Әбіләкімнің ауылы
• 12 қаңтар 2011, 12:51

Иә, біздің елді кім мазақ қылмай жатыр. Іші пысқан, қолы бос адам маңайындағыларды мазақ қылмайтын ба еді? Тура сол секілді болдық. Туымызды мазақ қылды. “Бораттың” борандатқаны бар, енді міне біздің елді Чуркестан деп атап жатыр! Мәселе былай болған.

Әрі қарай

Гераклдың ерліктері. Бірінші ерлік: Немея арыстаны.

• Грек мифологиясы
• 12 қаңтар 2011, 01:11

Геракл Эврисфей патшаның бірінші тапсырмасын аса ұзақ күте қойған жоқ. Ол батырға Немея арыстанын өлтіруді тапсырды. Тифон мен Ехиднаның зұлым ұрпағы болып табылатын бұл арыстанның тұрқы алып және сол көне уақыттарда Еуропаның оңтүстігінде өмір сүрген өзге арыстандардан әлдеқайда күшті әрі ірі болатын. Жыртқыш Немея қаласының маңында болатын, ал оны бұл маңға кемпірқосақ құдайы Ирида жеткізген еді. Ол төңірегіндегінің бәрін жалмады; арыстанның сай-саланы басына көтеріп ақырған дауысынанан-ақ тірі жанның бәрі қашатын. Бірақ ержүрек Геракл осы бір қатерлі сапарға қорықпай аттанды.

Әрі қарай

"kezdesu.com"-да "кездесу" қауіпті ме?

• 11 қаңтар 2011, 20:38

Басынан ескертемін! Бұл ешқандай да көре алмастық, ішітарлық не қызғаншақтық емес! Болған жайдың жаңғырығы ғана. Өздеріңізге мәлім, соңғы кезде «Mozilla Firefox»-ты жүктеп, компыңызға қондырар болсаңыз, оны жаңартқан кезде «Мcafee security scan plus» деп аталатын тулза бірге орнайтын болып жүр. Тегін дүниеден ешкім бас тартпаған болар:) Мен де бас шұлғып оның қызметімен келістім. Шындығында ол антивирус емес. Бар болғаны соның утилиттерінің бірі. Мақсаты — компыңызға қаншалықты қауіп төніп тұрғанын тексереді де ескертеді. Сондай бір әрекет кезінде маған екі сайтты (суретті қараңыз) қауіпті етіп көрсетті. Соның бірі атышулы — kezdesu.com боп шықты. Ал енді Аршат жауап бер:))) Сайтыңның кодына не салып қойдың?

ПыСы: Алайда өзім оған көп мән бере қоймадым. Өйткені, жақында көшіп бастаған timurdan.info атты сайтымды да жұмыстағы WebSense "Өте қауіпті сайттардың" санатына жатқызып үлгеріп, блок қойып тастады:) Әйтеуір экстремистік демегеніне шүкір:)

timurrr.co.cc

Әрі қарай

БЛОГСФЕРАНЫҢ ЖАУАПКЕРШІЛІГІ

• Бекжан Толыбай
• 10 қаңтар 2011, 21:25

Тақырып қаншалықты дұрыс таңдалды білмеймін, оны осы мәтінімнің соңынды анықтармыз… Бұл мәселені қолға алуымның себебі неде? Көптен бері блог жүргізіп келдік, басқа блогтардағы қызық мақалаларды оқыдық, талқыладық…

Бір уақытта тоқырауға келіп тірелдім… Сондағы жазып жүргенім не? Мақсат не? Ең бастысы осы мақсат мәселесі мені тығырыққа тіреді… Біраз уақыт блогсферадан ұзап кеттім..Қайта оралғаныммен, Алматыдан Астанаға қоныс аударуым бір болды… Келгелі Аршатпен, Нұрғисамен біраз әңгімелесіп көрдім..”Блогты не істесем екен?” деген сұрақ қойдым, мақсатым әрине олардан жауап алу еместін..Өз өзіме қойған сұрағым еді бұл…

Әрі қарай

Шын сезім, қашан келесің? (аудио)

• ОҒМ жазбалары
• 10 қаңтар 2011, 17:55

Махаббат бар деп сенесің,
Көрсең де жай бір елесін.
Тулатып бойда қанымды,
Шын сезім, қашан келесің?

Құшаққа еркін енесің,
Толқуға сәттік ересің,
Балқытып, баурап тәнімді
Шын сезім, қашан келесің?

Кей кезде үміттенесің,
Кей кезде күдіктенесің.
Елітіп нәзік жанымды,
Шын сезім, қашан келесің?


Ақтөбелік Айболат Мамиров деген жігіт осы өлеңіме ән жазуға ұсыныс жасаған. Мен қарсы болған жоқпын. Біраз уақыттан соң әннің сұлбасы дайын болды, сілтемесі арқылы бір файлообменниктен жүктеп алдым.
Айболат_Мамиров_Шын_сезим_кашан_келесин.mp3

Әрі қарай