Оқу орнын аяқтағаннан кейін жұмыс тәжірибесіне ие болу үшін мемлекет алтыайлық жастар тәжірибесін өтуді көздейді.

Диплом алған түлек (29 жасқа дейін) өз қаласының (аудан) әкімдігіндегі жұмыспен қамту орталығына барады. Жұмыспен қамту орталығы аталмыш мамандардың бірыңғай базасын қалыптастырады және жұмыс беруші компаниялардың арасындағы дипломдық бағыт бойынша бағдарламалардың қатысушыларын бөледі.

Жұмыспен қамту орталығы түлектермен алты айға еңбек шартын жасайды. Жұмыс күні ҚР еңбек заңнамасы бойынша еңбек шарттарына сәйкес анықталады.
Жастар тәжірибесіне бағытталған бағдарламаларға қатысушылардың ай сайынғы төлемі 18 айлық есептік көрсеткіштерді (салықтарды, міндетті әлеуметтік аударымдарды, пайдаланылмағае еңбек демалысы үшін өтемақылар және банк қызметтерін шегерусіз) құрайды.

Егер жұмыс беруші тәжірибе кезінде сізді өз компаниясы үшін сай келеді деп таныса – ол сізді тұрақты жұмысқа қабылдауға құқылы. Жас маман үшін бұл нұсқа неғұрлым қолданылымды, осыған қарамастан тәжірибеде өзіңді және өзіңнің кәсіби дағдыларыңды көрсету қажет екендігін естен шығармаңыз.
Бағдарлама алынған мамандық бойынша түлектердің бастапқы жұмыс тәжірибесін арнайы алуына арналған.

Бағдарламаға қатысу үшін түлекке мыналар қажет:

— Өз қалаңыздың немесе ауданыңыздың әкімдігі жанындағы Жұмыспен қамту орталығына жүгіну.
— Жұмыссыз ретінде тіркелу (жасы 29-дан артық емес).

Құжаттарды беру:
— жеке куәлік;
— диплом;
— үй кітапшасы немесе мекенжай парағы;
— зейнетақы қорынан шарт;
— Халық банкінен ағымдық дербес шот;
— денсаулық жағдайы туралы анықтама ф.086-У.

Бұдан басқа «Жұмыспен қамту жол картасы 2020» бағдарламасын іске асыру аясында кәсіби білім беру орындарының базасы қалыптасады және «Жастар еңбек биржасы» бірыңғай ақпараттық порталы, «Жұмыс» ақпараттық порталы құрылады.

ЖОО мынадай мамандықтар бойынша аяқтаған студенттер үшін:

-білім беру;
-денсаулық сақтау;
-әлеуметтік қамтамасыз ету;
-мәдениет және спорт;
-ветеринария.

Мемлекет жас мамандарды әлеуметтік қолдаумен ауылдық жерден жұмыс ұсынады:

-70 АЕК мөлшеріндегі көтерілуге көмектің бірыңғай жәрдемақысын төлеу;
1500 АЕК мөлшерінде 0,01% мөлшеріндегі сыйақы мөлшерлемесімен 15 жыл мерзімге тұрғын үй сатып алуға және құрылысына арналған бюджеттік несие;
-ауылдық елде мекендерде орналасқан әлеуметтік сала мекемелерінің мамандарына лауазымдық еңбекақының тарифтік мөлшерлемесінен 25 % кем емес (қалалық елді мекенде) арттыру.

Бағдарламаға қатысу үшін:

-сіз таңдаған елді мекеннен жұмысты өзіңіз табуыңыз (ауылдық мектеп, аурухана, Мәдениет үйі, спорт кешендері және т.б.);
-жұмысқа қабылдағанда кандидат аудандық комиссияға бағдарламаға қатысуға өтініш беру;
-жұмысты өзіңіз іздеу мүмкіндігі болмаған жағдайда сіз ҚР Ауыл шаруашылығы министрлігіне немесе аймақтардағы жауапты қызметкерлерге жүгіну;
-аймақтардағы кадрлардың қажеттіліктері туралы мәліметтер облыстық әкімдіктердің басқармаларының сайттарында орналастырылуы қажет.

Жобаға қатысуға арналған құжаттар тізімі:

-нысан бойынша өтініш;
-жеке басты куәландыратын құжаттың көшірмесі;
-жаңа жұмыс орны бойынша кадрлық қызметпен расталған еңбек кітапшасының көшірмесі;
-тиісті елді мекенде тұратынын растайтын азаматтарды тіркеу кітабының көшірмесі (үй кітапшасы) немесе мекенжай анықтамасы;
-білім туралы дипломның көшірмесі;
-Қазақстан Республикасының қолданыстағы заңнамасына сәйкес тұрғын үйді сату-сатып алу туралы алдын-ала шарт;
-жылжымалы мүлікті бағалау акті (бюджеттік несиені алу үшін);
-тұрғын үйдің құрылысына ұсынылған жер учаскесін пайдалану құқығына акт.

Соңғы үш жылда «Дипломмен ауылға» жобасының аясында республиканың ауылдық елді мекендеріне 24 577 маман қатыстырылған.

Уважаемые жители города, 01 января 2017 года в поселке Шахан произошла трагедия, унесшая жизни жителей Шахтинского региона, в результате обрушения части подъезда погибло 9 человек. В целях оказании помощи пострадавшим просим вас организовать благотворительную помощь!
Пункт приема помощи (лекарства, теплые вещи, продукты питания)ДКГ г. Шахтинска, проспект Абая 50 (Ресурсный центр молодежи г. Шахтинска).Тел 53529. 87770138805

Тілге байланысты әңгіме туындағанда, «қазақ тілінде сөйлеу керек» деп шаба жөнелеміз. «Қазақ тілінде сөйлеу» деген сөздің мағынасын қалай түсінуге болады? «Ручка беріп жіберші, ачкиім қалай?» деген қазақ тілінде ме? Жалпы, қазіргі біз сөйлеп жүрген қазақ тілінің деңгейі қандай немесе қағаз бен теледидардағы қазақ тілінің көшедегі қазақ тілінен айырмашылығы жер мен көктей деп ойламайсыз ба?
Осы сұрақтарға жауап табу үшін, тілдің даму процесі туралы біліп алуды жөн көрдім. Мысалы, америкалық ағылшын тілі қалай және қанша уақытта пайда болды?
Сонымен XVII –XVIII ғасырларда ағылшын тілі британдық шаруалармен және ірілі-ұсақты буржуазия өкілдерімен бірге мұхит асып, жаңадан ашылған құрлыққа келеді. Ол кезде ағылшындардан басқа испандарды, француздарды, немістерді, голландтарды, норвегтерді және т.б. кездестіруге болатын еді. Одан қалса, ағылшын тілінің әлеуметтік топтардағы ерекшеліктерін айта кету керек.
Жаңа құрлық, жаңа табиғат, жаңа климат, жаңа әлеуметтік-экономикалық жағдайлар дегендей. Жерді игеру, құрылыс жүргізу, өндіріс салу сияқты шаруалар жеке-дара істеуге келмейтінін ескерсек, ортақ тілдің қажеттілігін тудырады. Не керек, ағылшындардың басымдығына орай, ағылшын тілі негізге тіл ретінде алынады (1), оған басқа тілдерден қажетті сөздер енгізіледі (2), басқа халықтар ағылшын тілін түпнұсқадағыдай айта алмағандықтан, өзіндік акцент пайда болады (3). Осылайша, «бар болғаны» бір-екі ғасырда жаңа тіл пайда болады.
Ал қазақ тілінің болашағы қандай деп ойлайсыз? Үш тұғырлы тіл саясатының арқасында біраз уақыттан соң үш тілдің қоспасынан ЖАҢА ТІЛ пайда болуы мүмкін бе?

Қазақстандағы жылжымайтын мүлік нарығы желтоқсанның ортасынан бастап әдеттегідей "қысқы ұйқыға" кетеді. Белсенділік жаңа жылдың қаңтарының соңында ғана басталады. Homsters.kz сарапшылары үй салушылар өлі маусымда клиент үшін қалай күресетінін талдап көрді.
Қысқы мерекелер қарсаңында жылжымайтын мүлік нарығында тыныштық басталады. Сатушылар мен сатып алушылардың көбі желтоқсанның алғашқы апталарында-ақ мәмілелердің бәрін жасап бітіруге тырысады, сөйтіп, айдың соңында сату-сатып алу мәмілелерінің саны нөлге дейін азаяды. Бірақ баспана бағасы статистикалық ала-құлалық аралығында есепке алынады. Сондықтан клиент жинағысы келген үй салушылардың дені сан алуан акциялар мен жеңілдіктер маусымын бастайды. Homsters.kz сервисіндегі үздік тұрғын үй кешендері туралы базасын талдаған компания мамандары кең тараған ұсыныстардың екі типін ажыратып отыр.
Жеңілдіктер
Шаршы метрлер бағасына жеңілдікті, мысалы, астаналық Real Comfort пен алматылық «Әлем» және «Комфорт» тұрғын үй кешендері ұсынады.
Real Comfort тұрғын үй кешені Астанада Есілдің сол жағалауында, салынып жатқан EXPO павильондарына жақын маңда орналасқан. Болашақ тұрғындар көріктендірілген және күзетілетін аумағы бар, ауданы 43 шаршы метрден 63 шаршы метрге дейінгі пәтерлерді таңдай алады. Сегізқабатты бұл нысанды 2017 жылдың екінші тоқсанында пайдалануға беру көзделіп отыр. Жаңа жыл алдындағы акция шеңберінде бір шаршы метрдің құны 260 мың теңгеге дейін төмендетілді.
Оңтүстік астананың Әуезов ауданында орналасқан «Әлем» тұрғын үй кешені ауданы 74 шаршы метрден 99 шаршы метрге дейінгі пәтерлерді ұсынады. Жаңа жыл қарсаңындағы акцияны есептегенде бұл үйде бір шаршы метрдің құны – 240 мың теңге. Нысанның алғашқы тұрғындары үшін тамаша бонустар жасалып отыр, мысалы, жерасты паркингін жалға алу бір жылға дейін және интернетке қосу қызметі алты айға дейін тегін болады.
Алматының Бостандық ауданындағы құрылысы аяқталған «Комфорт» тұрғын үй кешенінде шаршы метрдің бағасы акция аясында 385 мың теңгеден 365 мың теңгеге дейін төмендетіліп отыр. Көріктендірілген, күзетілетін ауласы мен жерасты паркингі бар кешеннен ауданы 53 шаршы метрден 140 шаршы метрге дейінгі пәтерлерді сатып алуға болады.
Акциялар
Шаршы метрдің бағасына тікелей байланысты емес акциялар әдетте сатып алынатын баспанаға қажет болатын керек-жараққа қатысты жасалады.
Айталық, қазақстандық ірі құрылыс салушылардың бірі пәтер сатып алушыларға тұрмыстық техника мен жаңа баспананы сәндеуге қажет болатын үй электроникасын жаңажылдық сыйлық ретінде береді. Акция бұл компанияның кез келген нысанынан баспана сатып алатындар үшін 2016 жылдың 31 желтоқсанына дейін созылады, компания нысандарының қатарында Алматыдағы Royal Gardens, «Симфония» тұрғын үй кешендері мен «Алмалы» тұрғын үй ауданы, Астанадағы England, Millennium Park және «Триумфальный» тұрғын үй кешендері бар.
Келесі бір ірі құрылыс салушы пәтерлер, автокөліктер, екі адамға арналған туристік жолдамалар, тұрмыстық техника, үй электроникасы сияқты бағалы сыйлықтарға ұтыс ойнатады. Ұтысқа қатысу үшін 2017 жылдың 31 қаңтарына дейін компания нысандарының бірінен пәтер сатып алу қажет, ондай нысандардың қатарында елордадағы «Арман Қала», Park Avenue, BI City және Алматыдағы Gagarin Park, «Сезам», «Асыл Тау» кешендері бар.

Homsters.kz те өз клиенттеріне сыйлық тарту етеді. Ниеттестік туралы жаңа бағдарламаның шеңберінде Homsters.kz жаңа баспана сатып алушыларға арналған тегін кеңестер қызметін пайдаланған және осы онлайн-сервистің көмегімен жылжымайтын мүлік сатып алған адамдардың бәріне тұрмыстық техника сыйлайды. Сыйлықтарға баспана сатып алғалы жүрген достарына Homsters.kz-ке хабарласуға кеңес бергендер қол жеткізе алады. Акция шарттары туралы promo.homsters.kz/ сайтында толығырақ жазылған.

Анықтамалық ақпарат
Homsters.kz – жылжымайтын мүлік сатуға арналған халықаралық онлайн-алаң. Homsters.kz жылжымайтын мүлік объектілері туралы сенімді ақпарат негізінде екі тарапқа да тиімді мәмілелер жүргізу үшін сатушы мен сатып алушыны біріктіреді. Қазіргі уақытта онлайн-алаң белсенді сауда кезеңіндегі жаңа үйлер сатушыларының 70%-мен серіктес болып, жұмыс жүргізіп отыр, сонымен қатар бүкіл республика бойынша қайталама тұрғын үй нарығының 28 мыңнан астам объектісін қамтитын тексерілген мәліметтердің ашық базасына ие. Homsters.kz Қазақстанның жылжымайтын мүлік сегментіндегі көшбасшы үштіктің қатарына кіреді және нарықтағы өз позициясын нығайтып келеді.

Қазақ халқының басты тағамы – ет. Ұлттық тағамдарымыздың басым көпшілігі еттен жасалатындықтан одан дәмді әрі қуатты ас жоқ. Қазақ баласын еттің түр-түрімен таң қалдыра алмайсыз. Дегенмен соңғы бес-алты жылда біздің нарықта «мәрмәр сиыр еті» деген жаңа ұғым пайда болды. Сонымен «мәрмәр сиыр еті» деген не?


«Мәрмәр сиыр етінің» отаны – Жапония. XIX ғасырдың алпысыншы жылдары пайда болған бұл деликатестің бүгінде 120-дан астам түрі бар екен. Бұл ет түрінің дәмі де, түсі де, өңі де ерекше. Яғни бұлшықеттегі май қабаттары етті сөлді әрі жұмсақ етеді. Бірнеше жылдан бері бұл бағалы деликатес елімізде де өндіріле бастады.



Асыл тұқымды мал шаруашылығын дамыту мақсатында елімізде 2010 жылы «KazBeef Ltd» ЖШС құрылған еді. Инновациялық жобаны «Аграрлық несие корпорациясы» АҚ қаржыландырды. АҚШ-тан «Ангус» және «Герефорд» тұқымды 2 мың бас іріқара әкелінді. Бүгінде мұндағы мал басы 10 мыңға жуықтады.




Кәсіпорын малға қажетті жем-шөпті дайындаудан бастап, төл өсіру, бордақылау, ет және шұжық өндірумен айналысады.


Компания ірі қара малды жасанды ұрықтандыру жұмыстарына айрықша көңіл бөліп келеді. АҚШ пен Канададан ұрық әкелініп, жергілікті мал тұқымын асылдандыру жұмыстары жүріп жатыр.



Жалпы «Герефорд» және«Ангус» тұқымдары біздің ауа райымызға бейім. Жаздың аптабына, қыстың қаһарына төзімді болып келеді. Малды азықтандыру нормасы мен рационды зоотехник әзірлейді. Таңертең берілетін және кешкі жем әртүрлі. Еттің «мәрмәрлі» өрнек алуында жем-шөп пен қоректендіру тәсілдерінің маңызы зор.



Мынау биылғы төл. 6 айлық бұзаулардың салмағы 250 келіге дейін барады. Ал бір жасқа толған тайыншалар 400-450 келі тартады. Ет комбинатына жеткізілетін дөнежіндердің тірі салмағы 750-780 келіге дейін жетеді екен.




Мал сою, өнімді өңдеу мен қаптау цехтары мұнтаздай, ондағы тазалық таңғалдырады. Жұмысшылардың барлығы мұқият дезинфекциядан өтіп қана өз ісіне кіріседі. Әрбір қызметкер алдымен душ қабылдайды, сосын таза жұмыс киімін киіп, арнайы ерітіндіде қолын жуады.




Міне, мәрмәр сиыр еті! Компания өндіретін бұл деликатеске сұраныс жоғары. Тапсырыс негізінен отандық және ресейлік мейрамханалардан келіп түседі.

Екі көз, екі құлақ, бір тіл, адам баласына қоғаммен байланыс орнату үшін берілген. Ал, кейде, табиғат заңдылығы қатал болады. Біріне артығымен беріп жатса, бірінен екі есе қылдырып тартып алады. Аяқ киім жөңдейтін тамаша бір кісіні танимын. Биыл үшінші жыл кетті. Есімін жазбаймын. Жай ғана «Х» десем қарсы болмайтын шығарсыздар. «Х» мырзаның қолынан келмейтін ісі жоқ. Аяқ киімді жөңдеп береді, даладағы шаруаға да пысық. Салмақты әрі әзілқой адам. Тек… жүрегі қанша жерден кең болғанымен, есту мен сөйлеу қабілетінен айырылған. Бастапқыда ақ қағаз арқылы тілдесетінбіз. Қазір ыммен тез-ақ ұғып алуға тырысам. Үй ішіміздегі бар аяқ киім осы кісінің қолынан өткен шығар. Басқаларына барғымыз келмейді, бауыр басып қалады ғой, сондай сезім. «Х» мырзаның жасы шамамен 40-тан асқан. Сұп-сұлу келіншегі мен балалары бар. Олардың отбасына қарағанда жанымда тыныштық орнайды. Сыйластық пен құрметті осы жанұяда көргендеймін. Етікші ағай, еңбегінің арқасында үй сатып алды. Барлығы бірден болмайды дейді ол. Адамды тану үшін көп сөздің керегі жоқ. Бар жоғы осындай жандарды түсіне білу керек екен. Сонда өмірді басқа қырдан көруге болады.

Адамның көңілі, ішкі дүниесі кейде сыр беруі мүмкін. Сол кезде көмекке достарымыз келеді. Бұл — заңдылық. Аптаның ауыр күндерінен, күнде бір істен жалыққан кезде, жай ғана балалық істеу керек екен. Иә, иә, оған бүгін көзім жетті. Қарағандыда тоқтаусыз жапалақтап қар жауып тұр. Ал, алты қыз болса, бір шатырдың астында тұрады. Балконға (қызық болсын, қылтимаға) бір шығамыз, екі шығамыз, шыдамай әп-сәтте киініп, далаға бірақ зыттық.
Күн суық деп ойламаймыз. Көңіліміз не қалады соны дүкеннен ерінбей сатып алдық. Сол кезде, дәл үйдің алдында жабысқақ қарды ұстадық та қалдық. Бітті, атыс-матыс басталды. Үсті-басымыз су-су. Ұйықтап жатқан көршілердің терезелері жанып, жүздерінен күлкі ұялады. Енді… «мыналарға не жоқ », — деп күлген шығар, сірә. :J Бірақ… табиғаттың сұлулығына тоя алмай, әрең үйге кірдік.

Р. S.: Ғалымдардың айтуынша, балалар бір күнде 400 рет жымиып, 150 рет күледі екен. Ал, ересектер ше? Есейген кезде 24 сағаттың ішінде орташа 15 рет жымиып, 6 рет шынайы күледі. Сол себепті қалжырау, шаршау деген қиындықпен тап болады. Қажиды. Мысалы, жай ғана қармен атысып ойнаудың өзі, үлкен күш береді. Біріншіден, жігер жинасақ, екіншіден бір аптаға жететін позитив сыйлады. Ешқашан күлкілі боламын деп ойламаңыздар, жүрек қалауымен тек алға ұмтылу керек. Қайта, осындай тәтті күндердің барына шүкіршілік. :j:j:j

Кerek-тегі келесі бір блогымда ekovestnik.wordpress.com сайтындағы kanbiblioteka бөліміндегі Егор Арафьев атты Ресей блогерінің мына бір мақаласын аударып, салып отырмын. Аудармада қателер болуы мүмкін. Дегенмен пайдалы ақпар болар дедім. Қазір кітап оқитындар саны азайып бара жатқан уақытта, қызығушылық артар деген үміт қой біздікі.))) ;) Көлемді мақаланың толық нұсқасын жоғарыдағы сілтеме арқылы өтіп, оқысаңыздар болады.%) Мен қысқаша алып отырмын. Себебі, түптеп келгенде жазылған пікірлердің мағынасы бір болды. Сіздер де осы тұрғыда пікір білдіре кетсеңіздер артық болмас деп есептеймін.

Ғалымдар кітап оқу өмір сүруді ұзартатынын туралы тұжырым жасады.

Ұзақ өмір сүргіңіз келесе- кітап оқыңыз. Бұндай тұжырымды Йельс университетінің ғалымдары қабылдап отыр. Олар: кітап оқу мен ұзақ өмір сүрудің арасына байланыс орнату үшін 12 жыл егде адамдарға (50 жастан жоғары) зерттеу жүргізген. Тәжірибеге 3600 адам қатысқан. Нәтижесінде: кітап оқитындар оқымайтындарға қарағанда ұзақ өмір сүретіндігі белгілі болды.
Егор Арафьев Йельстік ғалымдардың тәжірибелері туралы айта келіп, ғалымдармен, жазушылармен, әдебиетшілермен, редакция жетекшілерімен әңгімелескен. Бәрі өздерінің тұжырымдарын айтады, бірақ түпкі ой біреу-кітап оқу сау болуға көмектеседі.
Мақаладағы бірде-бір абзацты жібермей, толық жариялайық,өйткені бұндай мақалалар- кітапқа қызығушылық танытып, салауатты өмір салтын сақтағысы келетіндердің «кітапқұмар жанына » бальзам болып табылады.

Кітап ұзақ өмір сүруге әсер ете ме? Әсер етеді екен!


Габриэль Гарсия Маркес Кафкидің «Превращениесін»оқығанда «Жазушы боламын» деп шешім қабылдапты. Хэмингуэй қарт Лев Толстойдың «Соғыс және бейбітшілігін» оқығанда керемет әсер алатын болған. Курт Кубейн өмірден өтер шағында Патрик Зюскиндтің «Парфюмерасын» бастан аяқ оқып шыққан. Кітап әркімге әртүрлі әсер етеді, бірақ ұзақ өмір сүруге көмектесе ме? «Комсомолка» ұйымы бұл сұраққа жауап іздеп көрген екен.
« Ми қатпарларына күш салу»/напряг извилины/ қан айналымды ретке келтіреді.



Егер біз кітаптағы басты кейіпкер үшін алаңдайтын болсақ, біздің миымызда да сол жағдай болып жатыр деген сөз. Ол уайымдайды және өнімді жұмыс істейді. Тиісінше біз сабырлы әрі сүйіспеншілікпен һәм рақаттанып оқысақ-ол да бір эффект. Егер анализ жасауға, текстті сынауға кіріссек-ол мүлде басқа. Оқу кезінде «Напряг извилин» қан айналымдағы мінез бен жүйкеде шұғыл ауысымға әкеп соғады. Бұл нені білдіреді? Мидағы нейрондарға белсенді салмақ түскен, ол деген Альцгеймер жақын келе алмайды деген сөз.
-ұзақ өмір сүру мен кітап оқу арасында көптеген байланыс болу мүмкін дейді,- Илья Плужников, Мәскеу гуманитарлық университетінің нейро-психологиялық факультетінің кафедра доценты.
–Классикалық көркем әдебиет бізге өмірдегі қиын жағдайларда көмектесетін схемалар мен тәртіп модельдерін ұсынады. Психоаналитиктер «катарсис» деп атайтын бұл тәсілді: адамдар оқу кезінде актуалды түсініспеушіліктер мен проблемаларды жою кездерінде ұстанады. Және бейімделу ресурсын жасап шығады. Оқымайтындардан кітап оқитындардың айырмашылығы, оқушы адам өмірге деген көзқарасын жетілдіреді- псевдостресстік жағдайларды стресстік деп қабылдамайды. Демек, оларда мидағы қарым-қатынастар қалыптасады. Дәл осы қарттық әлсіз ойлаудың /развитие старческого слабоумие/ алдын-ала алады. Әдебиет стресске дұрыс қарауға ықпал етеді.
Басқаша айтсақ: қаншалықты көп оқысақ, соншалықты көбірек пайымдай аламыз. Ол дегеніміз, өмірге қабілеттілік болып табылады.

Миға жаттығу жасау.



Кейбіреулер миды бұлшықеттермен салыстырады- оның бөлімдері қозғалыс пен бірлесіп әрекеттенуге жауап береді. Және оған жаттығу жасауға болады.
— Миға кез келген салмақ түсіру жақсы әсер етеді-деп санайды,- «КП» жазушы Евгений Водолазкин, «Үлкен кітап» лауреаты. Менің үлгі санайтын тұлғам- 92 жасқа дейін өмір сүрген ұстазым Дмитрий Сергеевич Лихачев. Ол өте көп кітап оқыған адам. Ми жаттыққан уақытта, ол барлық ағзаға әсер етеді. Теледидар қарап отырған адам, дайын картинаны көреді. Кітап оқып отырған адам, пікір жасауын жалғастырады-сөздері логика мен дамуға ие болады. Ол жаттығу болып табылатын, кітап оқыған кездерде үнемі ойлауға мүмкіндік береді. Қандай кітап ұсынар едім десеңіз, мидың жұмыс істеуіне итермелейтін кітаптар. Ондай кітаптарда логика мен интеллект қана емес, метафизика да табылады. Честертонның «Мәңгілік адам» еңбегі мысал бола алады.

-Әдебиет миға сапер бола алады- ол алда әлі кездесетін жағдайлардың алдын-алуға көмектеседі.

Нақты қандай кітаптады оқыған дұрыс?


Сергей Тишков, АСТ баспасындағы Mainstream редакциясының жетекшісі.
-Әртүрлі кітаптар оқыған дұрыс, бірақ міндетті түрде классика: Антуан де Сент-Экзупери «Кішкентай ханзада», Рэя Брэдбери, ағалы Стругацкийлер. Күнделікті тұрмыстық проблемаларды басу үшін, классикалық фэнтезилер ұсынылады: Джон Толкин, Филип Пулман. Қазіргі заманғы жазушыларға да көңіл аударған жөн: керемет көңіл көтеретін Донна Тарттың «Щегол» (Пулитцеровский премиясының луреаты) және Захар Прилепинаның(«Үлкен кітап» премиясы) «Обитель» романдары. Сонымен қатар «Премиялы» әдебиеттерді де оқу маңызды, ауызша және жазбаша сөздік қорды молайту үшін кез келген жағдайларда пайдалы.

Лев Аннинский, әдебиеттанушы, публицист:

-Кітап оқу-ақпарат алудың тәсілі. Және ұзақ өмір сүру адамның оқу не оқымауына байланысты емес. Оның өмір сүрудегі ұстанымдары мен өмірінің қандай екендігіне байланысты. Егер ол өз ұстанымдарын кітаптардан таба алса, онда ол өмір сүруіне көмектеседі. Егер ол ішкі қалауы бойынша өмір сүрмесе, ерте өледі. Және кітап оған көмектесе алмайды. Жеке өзім кітап оқымасам өмір сүре алмаймын.

Деректеме: Арафьев, Е. // Комсомольская правда.-2016.-17-24 авг.-С.33.

91-ге қалай қарайсың?

Бір ғана біркелкі пікірмен жауап беру қиын расымен де. Өз басым қақ жарылған қоғамның екі жағын да түсінем. Қанша жерден зайырлы ел боламыз десек те, белгілі бір субмәдениеттің консервативті менталитетке ықпал ету қаупіне мән берген жөн. Әсіресе ол субмәдениет туған тіліңде сөйлесе. Сөйлеп қана қоймай, құлақ құрышын қандырар ырғақты, сапалы әрі жанды дауыспен әндетсе. Бірақ біз бұдан қауіптенсек, демек мәдениетіміз бен менталитетіміздің осал болғаны ма?! Халық арасында жалпыға ортақ қарапайым мәдениеттің қалыптаспағаны ма?! Еліміздің әр азаматы өз мәдениетіне, өзіне, өз ұрпағы санасының беріктігіне жауап бере алмағаны ма?!