Кинематографияның тарихы бір ғасырдан жаңа аттап жатса да, көптеген шедеврін туып үлгерген өнер саласы. «Ой қазір ол өнер болудан» қалған, коммерцияға айналған" демеңіздер, себебі барлық заманда, барлық өнер саласында да солай болып келген. Шедевр ол сондықтан шедевр, мыңның бірінен пайда болатындығынан. Қазір де кино саласы сондай, шедеврлер шығып жатыр, тек олардың өздерінінің бір дүмпу кезеңдері болады. Тек қазір сол кезең емес демесек, бәрі жақсы менің ойымша.
Сонымен маған шедевр болып үлгерген «Заречная көшесіндегі көктем» фильміне тоқталайын. Бұл фильм 1956 жылы екі кеңес режиссерімен бірігіп түсіріліп, хрущевтік жылымық кезеңінің ең атақты картинасына айналған.
Жанры: мелодрама
Басты рөлдерде: Николай Рыбников /«Девчата» фильмін көрсеңіздер танисыздар/ мен Нина Иванова /дебют/
Не туралы: Жұмысшылар поселкасына педагогикалық институттың түлегі Татьяна Сергеевна жұмысшы жастардың кешкі мектебіне орыс тілі мен әдебиетінен сабақ беруге келеді. Оның сыныбында жол бойында танысқан пысық та көңілді Саша Савченко бар болып шығады. Саша — поселкадағы танымал тұлға, ол — сталевар, еңбек үздігі. Фильмнің басында бірнеше махаббат үшбұрыштары пайда болады, басты назарда Сашаның мұғаліміне деген бастапқыда жауапсыз махаббаты. /спойлер емес/
Фильмде махаббат, шын достық пен арам достық, жаман адамдардың жақсы адамдарға бөгет болуы сияқты бәрімізге танымал өмір суреттеледі. Фильм «Аспан балалары» сияқты таза, пафоссыз, тіке ештеңе айтылмайды.

Мынау фильмнің постері:

Саша және мұғалімі:


Фильмнің өзіне сілтеме:
baskino.com/films/melodramy/1323-vesna-na-zarechnoy-ulice.html

Мамыр айының алғашқы күндері. Таңертеңнен бері күн бір түйіліп, бір ашылды. Ұйтқып соққан жел, анда-санда себелеген жаңбыр ешқандай романтикалық көңіл-күйдің орнауына септігін тигізбейтіні анық еді.
Бірақ, табиғаттың ауыспалы мінезі, әуен ритмі және көпшілік ортасында орындалған би -мюзикл сюжетіне бергісіз көріністі күтпеген жерден көріп қуандым. Мұхит асып, Нью-Йорктегі Бродвей бойындағы мюзикл спектакліне барғандай әсер алдым.

1 мамыр күні әбден қыдырлық, М. Горкий паркіне сосын жаруанлар бағына бардық, бәрін көрдік, бала-шаға бір қуанып қалды. қызық бәрін тамашаладық. бірақ ең жаманы үйге келгенде болды. өзіміз бір досымным үйіне келіп қонғанбыз, ертесіне бір-ақ бардық кешке. келсек үйдің терезесі ашық тұр, содан жәйлап үйге кірдік. бәрі орнында, ештеңе шашылмаған. келе сала үлкен ұл ноутбук ойнаймын дейді. іздесек жоқ. қолды болып кетіпті, мейлі бастан құлақ садақа. бірақ ит тойған жерге тоғыз келеді деген. қайта айналып соғып қала ма деген қәуіп басым

Ертең, Алла бұйыртса «Машатқа» маевкаға шығамыз деп достарыммен жоспарлап отырмыз. Тойдың болғанынан боладысы қызық деп, екі аптадан бері дайындалып жатқан бұл демалысымызды бұрынғыдан өзгешерек өткіземіз деп ойластырып жатырмыз. Шынында да тойдың басында барлығымыз бір ауыздан келісіп, үйленгендер отбасымен (әйел, бала-шағасымен), бойдақтар қыздарымен шығамыз, бір-бірімізбен таныстырамыз деп келіскенбіз. Менде, сол оймен, алдын-ала, өзім жақсы араласып жүрген Ұлдана атты қызға хабарлап, келісім сұрап, дайындық жасап жүрген жағдайым бар еді, бірақ, дәл уақыты келгенде, ол ауырып жатырмын деген негізгі себебін айтып бас тартып жатыр. (негізі білмеймін, өзімде көп көңілшектеніп кеттім ба, әлде уақыт жақындаған сайын көңіл-күй солай болды ма, өзімнің ішкі ойым басқалалай себептері бар сияқты сезінемін). Содан, бір пәсте жұпсыз қалып отырмын. Уақыт аз, кімге хабарласарымды білмей отырмын. >
Енді, қызымның рөлін ойнамаса да, жақсы досымның рөлін ойнап, бір күндік тауға саяхатты қызықты етіп бөлісетін жан іздеп отырмын. Іштей бір-екі нұсқаларын қарастырып отырымын. Әзірге шешім қабылдамадым. Дегенмен, бір қазақтың қызын бір күнін қызықты да, естен кетпестей етіп қонақ қылу ойымда тұр. Студент кезім болса, мұндай мәселе болмас еді, қазір барлығын да оймен жасайсың. Сонымен, араларыңыздағы қайсыңызды қонақ қылайын?
пысы. маевканың ертесіне блогқа құнды мәліметтер жинақталады, міндетті түрде жарияланатын.

Туын жерге түсірмеген қазағым,
Болашаққа үлкен қадам тастадың.
Артта қалсын көрген мұң мен азабың,
Шоғы биік, арманы асқақ қазағым.

Бабалардың қаны сіңген қара жер.
Әліде талай қазақ жұртын тербетер.
Ерлікпенен туған жерін қорғайтын,
Жан даламда туар әлі талай ер.

Бүгінде көп елін ойлар жастарың,
Әйтеуір біріксе екен бастарың,
Шықса екен ел бастайтын ер жігіт,
Орындайтын елінің асқақ арманын.

Біздің қазақ халқы – мұсылман, діні – ислам екендігін үнемі Елбасымыз биік мінбелерден тектен текке айтып жүргені жоқ. Сан ғасырлар бойы исламдық жолды ұстанған ата бабаларымыз осы дінге лайықтап өз әдеп-ғұрып, салт дәстүрін, наным сенімдерін жасаған, әрі ұрпақтан ұрпаққа жалғастырып отырған.
Бірақ тарихтан білетініміздей, еліміз 250 жылдан аса Ресей елінің боданында болып, олардың күштеп жүргізілген орыстандыру саясатының зардабын тарттық. Халқымыздың қасиеттеген ислам дінін мансұқтап және 70 жылдай халықтың санасын билеген коммунистік идеологияның атеистік тәрбиесі дінімізді мүлдем жоққа шығарып, мәңгүрт ете жаздаған болатын. Құдайға шүкір қазір еліміз тәуелсіздік алып, егеменді елміз. Халқымыз ислам дінімен қайта қауышып, көпшілік имандылыққа бой ұруда.
Тәуелсіздік алған алғаш жылдарында еліміздегі экономикалық қиындық, әлеуметтік және қоғамдық-саяси жағдайға көптеген қиындықтар алып келген болатын. Сондықтан елбасымыз «алдымен экономика, одан кейін саясат» деген қағиданы ұстанып, мемлекетті аяғынан тұрғызуға барлық күш жігерін арнаған болатын. Міне осындай өтпелі кезеңде және қабылданған Ата Заңда көрсетілгендей зайырлы мемлекет болғандықтан, тәуелсіздіктен кейінгі жылдары мемлекет органдарының діни ұйымдардың жұмыстарына бақылау функциясынан тыс тікелей араласпаған болатын. Осындай жағдайды пайдаланған дәстүрлі емес діни ағымдар өздерінің үгіт-насихат жұмыстарын емін еркін жүргізіп, өздерінің діни сенімдерін елімізде таратқан болатын. Бұл Қазақстан халқының рухани жағдайына үлкен әсерін тигізіп, діни сауаты төмен көптеген қаракөз қандастарымыздың сол діндердің шырмауына кіріп, рухани азғындауына алып келді. Соңғы уақыттарда қоғамда жиілеп кеткен дәстүрлі емес діни ағымның жетегіне өтіп кеткен адамдардың отбасыларында болып жатқан орны толмас оқиғаларға апарып соғуы үлкен мәселеге алып келді. Экономикалық жағдай тұрақталып, даму жолына түскен еліміздегі мұндай діни алауыздық оқиғалары ұлтаралық татулық, діни толеранттылық, еліміздің біртұтас дамуы жолында кедергі келтіретінін білеміз.
«Еліміздің болашағы – жастардың қолында» деп Елбасымыз жастарға арнаған әр сөзінде сенім білдіріп отырады. Ол жастар сендер Қазақстанның төл тумасы болып табыласындар.Сендердің ата- аналарың аңсаған тәуелсіз, еркін мемлекеттің ұл қызы болып табыласындар. Сендердің қазіргі таңдағы басты міндеттерің білім алып, ата аналарыңның аттарына кір келтірмей, болашақта армандаған мақсаттарыңа қол жеткізу жолында еңбектену болып табылады. Ал осының орнына сендер жаңағыдай өзге діннің шырмауына кіріп, ата аналарыңмен араздасып, еліміздің сан ғасырдан қалыптасқан салт-дәстүріне қарсы шығып жатсаңдар еліміздің болашағы қандай болмақ?
«Жау жүрек мыңбала» фильмін көрген боларсыңдар. Ата бабаларымыз осындай ұлан байтақ жерді, найзаның ұшымен, білектің күшімен сақтап қалғанын көруге болады.
Тәуелсіз ел ұландары тәуелсіздіктің қадірін жете түсінбей келе жатқандай болып көрінеді. Қазіргі қоғамда болып жатқан оқиғаларды бағамдай отырып осындай ой түйесін. Жастарымыз рухани азғынданған, тым қатыгезденіп барады. Жастарды қойып, жасөспірімдеріміз арасындағы қылмыс өршіп тұр. Мұның бәрі жас тәуелсіз мемлекетіміздің рухани-әлеуметтік саласына сын болып табылады. Кінәні алыстан іздемей, бірінші өзімізден іздеуіміз керек. Қазіргі таңда ұрпақ тәрбиелеп отырған ата-аналарымызда мынадай қағида қалыптасып кеткен: баланы материалдық тұрғыдан қарап, мектепке киімі мен күнделікті тамағын қамтамасыз етіп отырсам болды, қалғанын мектеп және басқа орта тәрбиелеп өсіреді деген сияқты. Міне осыдан келіп көптеген әлеуметтік қайшылықтар туындап отырады, ата-аналар ұстаздарды, ұзтаздар ата-аналарды кінәләп жатады. Екі ортада өскелең ұрпақ зардабын тартады. Жиырма бірінші ғасырға келіп адам психологиясы өзгеріп, жаңғырудың жаңа сатысына өтті. Еліміз өтпелі кезең қиыншылықтарымен қатар сананың да өтпелі кезең үдерістерін басынан кешіруде. Адам санасының өзгергенінің белгісі деп қазір кез келген адамның жеке басының құндылықтарын, ой-пікірін, тәлім-тәрбие, санасы мен өресіні, оның дүниеанымдық көзқарасына орай жеке мүддесіне сай әрекетке көшуін айтумызға болады. Басым көпшілігімізде эгоизм, эгоистік көзқарас жоғары тұр. Эгоизм басым болған жерде адамгершілік, көпшілдік, қоғамшылдық туралы пікірлердің әлсіз болатыны түсінікті жағдай. Эгоистік көзқарастың басымдығынан қоғамда орын алып жатқан оқиғалардың түп-негізін байқауға болады.
«Ел боламын десең, бесігіңді түзе» — деген М. Әуезовтың ұлағатты сөзі бар. Қазақ халқының даналық сөздер қорында осы сияқты тағылымды сөздер көптеп сақталған. Осы ұлағатты сөздерді жасөспірімдеріміздің санасына сіңіріп өсірсек, «сабақты ине сәтімен» дегендей, сәтімен түсіндіре білсек, еліміздің ертеңі үшін еңбек ететін, ұлжанды азаматтарды көптеп тәрбиелеген болар едік. Қоғамдағы әлеуметтік-рухани ахуалға баға бере отыра кінәні біржақты жастар мен жасөспірімдерге арта бермеуіміз керек. Жас ұрпақ жас отырғызылған шыбық секілді, оны қалай иісең солай қарай өседі, яғни жас кезінде қандай тәлім-тәрбие көрсе, өскенде солай қарай бет бұрмақ.

Ана
Сен бақыттысың,
Жыламағың!
Жай түсіп жатқанда да құламадың
Тәңіріңнен мен едім ғой сұрағаның
Сондықтан жыламағың, жыламағың! (М.Мақатаев)
-деп, бірінші блогымның тұсауын ешқандай асыл тасқа жетпейтін АНА деген жанға арнадым. АНА деген қасиетті, күміспен қапталған, алтынмен аптаған сөз. Бірақ біз сол «ана» дегеннің орнына «мама» деп қолданып кеткеніміз өкінішті-ақ. Алайда, қай тілде айтылмасын — ол асыл сөз мағынасын өзгертпейді. Біз неге махаббат дегенде бір жақты ойлап қаламыз, Анамызға деген махаббатты ұмытпадықпа?! Қайтседе, тек Ана ғана бізді 9 ай құрсағында, 3 жыл алақанында және өмір бойы жүрегінде әлпештеп өтеді. Ия, әрине бірінші — Алланы, екінші Пайғамбарымызды(С.А.С), содан сон Анамызды, Әкемізді сүйуіміз керек.
Бірде пайғамбарымызға Мұхаммед (с.ғ.с)ге біреу кеп:
-Ең алдымен жақсылықты кімге істейсің десе,
-АНАМА!,-депті.
-Жарайды, ал сосын кімге десе,
-АНАМА!,-депті.
-Иә түсіндім ғой, ал сонан соң ше? десе
-Тағыда АНАМА депті!
Жұмақтың кілті ананың табанының астында демекші оған аса қамқор көрсетіп, бөлек, ерекше көңіл бөлейік! «Анаңды Меккеге үш арқалап барсаң да, қарызын өтей алмайсың» деген дана қазақ халқы.
Ана туралы Бір кішкене видеоролик немесе сурет көріп қалсам көзіме жас ұйыла кетеді, бұл Мейірімі Шексіз, Рахымды Аллаһ Тағаланың жүрегіме берген мейірімі ма?! Сол сәтте өз анам есіме түсіп, жүгіріп құшақтап алып Рахметімді айтып, қалай бақытты қыла аламын деп сұрағымда келіп тұрады.
Ананың махаббатына, құдіретіне тамсанған талай ақын әнін арнап, жырын жазып, талай жазушы қалам тербеген. Мен анамды өзімнің өмірлік идеалым деп санаймын. Әлпештеп, аялап, төрт ұйқысын төрт бөліп өсірген Анама бас иемін!

Соңына айтарым анаға махаббат жүрегінің түбінде, оны сөзбен жеткізу мүмкін емес. Бірақ, жәй ғана сөз айтпай амалын жасайық!
P.S. Әкемді де ұмытқан жоқпын, оны да ерекше жақсы көремін!

Бір де бір мақсатымызға жеткеніміз аналарымыздың арқасы Аллаһ қалауымен.
 Жердегі періштем — АНАм!

Темір адамды таныстып жатудың қажеті шамалы, кино саласындағы қызықты «Темір адам», «Темір адам — 2», және енді нарыққа шыққан «Темір адам — 3». басында сүйсініп көргенім енді, соңғы 3-ші нұсқасында бір өзгеріс байқадым, мүмкін ол жәй солай болған шығар. Неге олай өзгертті екен деген сауал ойымнан шықпай қойды

Азамат РАХИМОВ:
«ЖЕҢІС БИІГІНЕН КӨРІНЕМІЗ»

Студенттердің бойындағы өнерін, қарым-қабілетін, шығармашылығын дамыту мақсатында биыл тұңғыш рет облыс көлемінде өткізілгелі отырған «Студенттік көктем — 2013» фестиваліне өңірдегі жоғары оқу орындары қатысады деп күтілуде. Солардың қатарында ағымдағы жылы құрылғанына 50 жыл толғалы отырған бағаналы білім ордасы, ауылшаруашылық мамандарын даярлайтын қара шаңырақ – Жәңгір хан атындағы Батыс Қазақстан аграрлық-техникалық университетінің студенттері де бақтарын сынауға үміттерін үкілеп отыр. Фестивальге қатысушы студенттердің дайындықтарын білмек мақсатпен осы шаралардың басы-қасында жүрген ұйымдастырушылардың бірі — экономика және бизнес факультетінің студенттік деканы Рахимов Азаматпен сұхбаттасқан едік.

— Азамат, университет намысы сынға түсетін дүбірлі додаға дайындық қалай жүріп жатыр?
— Жалпы, алғаш рет облыстық көлемде өткізілгелі жатқан бұл фестиваль біз үшін өте ерекше болмақ. Егеменді еліміздің еңсесін көтеріп, тәуелсіздігімізге тірек болатын ертеңгі маман – бүгінгі студенттердің жан-жақты дамуына мүмкіндік беретін осындай байқаудың өткізілуіне өте қуаныштымыз. Жыл сайын өз жалғасын тауып, дәстүрге айналса, нұр үстіне нұр болар еді.
Әрине, намысты қолдан бермеу үшін, әзірлік жұмыстарын күшейтіп жатырмыз. Дайындық толықтай жақсы деңгейде деп сеніммен айтуға болады. Әр номердің мінсіз шығуы үшін, қатысушылар күн сайын сабақтан соң қосымша 5-6 сағат дайындалады.

— Өнерпаздарға кәсіби тұрғыдан қолдау көрсетіле ме?
— Әртүрлі жанрлар бойынша өнер көрсететін студенттеріміздің қабілеттерін шыңдауға музыка жетекшісі Қайрат Есімов, университет жанынан құрылған «Нарын сазы» фольклорлық халық аспаптар ансамблінің жетекшісі Талғат Мәуленов, «Білезік» би ансамблінің жетекші хореографы Райгүл Джумахаева сияқты өз ісінің майталмандары ақыл-кеңестерін айтып, көмектерін беруде.
Қатысушылардың жетекшілері болып табылатын бес факультеттің студенттік декандары Рахимов Азамат (экономика және бизнес), Каримуллин Абылай (ветеринарлық медицина және биотехнология), Қабдрешев Данияр (политехникалық), Есқалиева Салтанат (агрономия) және Бақтығалиев Аманжолдар (машина жасау) да ұйымдастыру жағынан өз белсенділіктерін танытып атсалысуда.

— Студенттердің бойындағы қабілетті дамыту, өнерін шыңдау мақсатында қандай жұмыстар атқарылуда?
— Аграрлық-техникалық университет болсақ та, оқу орнында әртүрлі мәдени шаралар, концерттер мен сайыстар өтіп тұрады. Мысалы, жыл сайын жаңадан қатарымызға қосылған бірінші курс студенттерінің арасынан өнерлі және дарынды жастарды анықтау үшін "І курс" атты факультетаралық сайыс өткізіліп тұрады.
Сондай-ақ тек студенттер ғана емес, профессор-оқытушылар құрамы мен магистранттардың өнерін паш ететін «Дарын» факультетаралық фестиваль өткізу де игі дәстүр боп қалыптасқан.
Бұлардан басқа «Жігіт сұлтаны», «Университет аруы», КТК ойындары, мерекелік концерттер, спорттық ойындар жиі ұйымдастырылады.
Сонымен қатар білім ордасында студенттердің мәдени және спорттық шараларға белсене қатысуы үшін «Заман» жастар қоғамдық бірлестігі, «Рух» пікірсайыс орталығы, Қазақстан Студенттер Альянсы, «Фатима» қыздар клубы, «Бейтаныс ағайындылар», «24 сағат», «71-72», «Заман жастары», КТК командалары жұмыс істейді.

— Қатысушы студенттерге университет тарапынан қандай қолдау көрсетіліп жатыр?
— Аталған фестивальға дайындық жұмыстарын университет ректоры, профессор Қ.Қ. Бозымовтың өзі, тәрбие жұмысы жөніндегі бөлім мен Жастар ісі жөніндегі комитет тікелей назарында ұстап, жан-жақты қолдау көрсетуде. Қажетті құрал-жабдық, киім-кешек, тағы басқа нәрселерді алуға қаржылай көмек көрсетіп отырғандығын атап айтқанымыз жөн. Басшыларымыздың осындай қамқорлығын сезініп отырған біздер алдағы сайыста сенімдерін ақтап, жеңіс биігінен көрінеміз дегім келеді.
— Мазмұнды әңгімең үшін рахмет! Сіздерге сәттілік тілеймін!

Сұхбатты жүргізген
Жәңгір хан атындағы БҚАТУ нің
машина жасау факультетінің
2 курс студенті Жәнібек Берікұлы.

Мен диплом жүмысын жазып жатқан едім.Қолымдағы материал аз, уақытым тапшы болып отыр. Қолдарыңызда қандай да бір мәліметтер болса, бөлісіңіздерші.
Жұмысымның екінші бөлімі Әлеуметті желілер арқылы ақпарат таратудың тиімділігі. Онда қарастыратындарым: Фейсбук әлеуметтік жүйесіндегі саяси сараптамалар. Твиттер электронды жүйесінің қоғамдық пікір туғызу қабілеттілігі. Ютуб сайтының ақпараттық негізділігі.

Және Блог Құрылтай-2013те қозғалған тақырыптардың жазба нұсқасы болса…