Астана күні жақындап келеді. Қала барынша дайындалып жатыр. Еліміздің халқы Астанаға деген махаббатын барынша жеткізіп қалуға тырысуда. Біз Астананы жақсы көретін студенттердің пікірін жинадық. Иә, олар Астанада білім алып жатыр, сол біліммен Астанада қызмет еткісі келеді екен. Астана жайында көбірек видео түсіріп, жиі салып тұруға тырысамыз, біздің порталды қарай жүріңіз

13-15 маусым күндері Қызылорда облысына жасалған блог-турдан медиажинақ

(әлі жаңартылады)

Қазақстан Республикасы Қорғаныс министрлігінің Орталық ансамблі еліміздің өнерінде ерекше бөлігін алады және музыкалық өнер құралдарымен жеке құрамның патриоттық, әскери және мәдени тәрбиелеуіне, қызметтік-жауынгерлік міндеттерді орындауына ықпал етуге, Қазақстан Республикасы Қарулы Күштерінің беделін нығайтуда көмектесуге шақырылған.

Ансамбльдің құрамына эстрадалық-симфониялық оркестр, фольклорлық-этнографиялық ансамбль, би тобы және солистер кіреді.
Ансамбльдің қызметі әскерлердің өмірімен тығыз байланысқан және әскери қызметшілерді Отанымыз – Қазақстан Республикасына шексіз адалдығы, өзінің әскери борышын мінсіз орындау рухында тәрбиелеуге бағытталған.

ҚР ҚМ Орталық ансамблінің негізгі міндеттері: Қазақстан Республикасы Қорғаныс министрлігі Орталық ансамблінің кәсіби қызметін ұйымдастыру, көркем өнерпаздарға іс жүзінде көмек көрсету, музыканттарды оқытуы мен тәрбиелеуін жетілдіру, олардың орындаушылық шеберлігін арттыру болып табылады.

---

Бүгін мен ҚР Қорғаныс министрлігінің Орталық ансамблі құрамындағы ҚМ үрмелі оркестрның эстрадалық тобының солистері Марина Бейсеханова және Әсем Омаровамен сұхбаттасқан едім.

Қорғаныс Министрлігі үрмелі оркестрның эстрадалық тобы жайында:

Қорғаныс Министрлігі үрмелі оркестрның эстрадалық тобы 1993 жылы құрылған.
Жетекшісі Қазақстан Республикасы Қарулы Күштері Әскери-оркестр қызметінің бастығы капитан Тимур Жартыбаев.

Эстрада тобының штаты 17 әншіден тұрады.

Қорғаныс Министрлігі үрмелі оркестрна тек кәсіби жоғарғы музыкалық білім бар тұлғалар арнайы байқау арқылы іріктеліп алынады.

— Сәлем қыздар! Әскери бөлімде ән айту несімен ерекшеленеді?

Марина: Біздің негізгі мақсатымыз халық арасында қазақтың отансүйгіштікке үндейтін, рухты, әскери әндерін кеңінен насихаттау. Сонымен қатар, әскерилердің ұлттық мәдениетке, өнерге деген құрметін ояту болып табылады.

— Халықты патриоттыққа баулитын әндер қалай дүниеге келеді?

Әсем: Әндерімізді арнайы ақын, композиторларға жаздырып, аранжировкасын жасатамыз. Бұның барлығы жастарымыздың патриоттық рухын көтеру мақсатында істелініп жатқан дүние.
Қазіргі уақытта менің ән қоржынымда сөзі Мұқағали Мақатаевтың, әні Тұрсынғазы Рахимовтың «Қазағым-ай» әні, Ринат Зайтов пен Медет Салықовтың «Тәуелсіздік толғауы», Қуандық Райсовтың «Қазақстан» деген сынды әндері бар.

— Патриоттық әндер аз сиақты...
Марина: Біз олай ойламаймыз. Өйткені патриоттық әндер өте көп. Алайда олардың бейнебаяндары аз. Сондықтан аз сиақты көрінеді. Себебі патриоттық әндер махаббат жайлы әндерге қарағанда айналымда өте аз.

Әсем: Қазір ән десе халықтың ойына бірінші орында махаббат жайлы ән келеді. Осы жағдайды да ескеру керек.


— Патриоттық әндердің ел ішіндегі насихатына көңілдеріңіз толады ма?
Марина: Жалпылама иә деп айтуға болады.

Әсем: Мен олай айтпас едім. Өйткені бұл мәселе алдымнан шыққан. Патриоттық әнімді жаздыртып, арнайы киімдерімді тіккізіп, бейнебаянын түсіртіп, енді оны халыққа ұсыну үшін еліміздің MuzZone, HitTv арналарына айналымға берейін десем 1 айға 7000 доллар сұрады. Ол қарапайым жас әншілер үшін қымбат. Оны кез-келгеніміздің қалтамыз көтере алмайды. Бізге бір жеңілдік болса екен деймін. Өйткені біз жеңіл-желпі ән айта салып жатқан жоқпыз. Әр әніміз тыңдармандарымызды рухтандырып, сөздерінен әсер алатын деңгейде…

Марина: Иә, бұл жөнінде Әсеммен келісемін. Патриоттық тұрғыда жаздыртқан әндерімізді айналымға шығару қиындау. Егерде мемлекет тарапынан патриоттық әндердің айналамына аздап болса да көмек болса олардың саны артар еді деп ойлаймын. Әйтпесе патриоттық әндерді айтып жүргендер арамызда аз емес.

— Жаныңызға ең жақын ән?
Әсем: Менің жаныма ең жақын ән деп өзімнің Тәуелсіздік күніне арнайы жаздыртқан «Тәуелсіздік толғауы» әнін айтар едім.
Марина: Мен ең бір жүрегімді тебірентетін ән Маржан Арапбаеваның «Қазақ елі осындай» әні. Ол әннің мағынасы терең, сөздері тыңдаған адамды рухтандырады.


— Сіздер өздеріңізді өзге әншілерден ерекше сезінесіздер ме?

Марина: Әрине Қорғаныс министрлігінде жұмыс істеу біз үшін үлкен мақтаныш.

Әсем: Иә, бұл біздің өзге әншілер мен орындаушылардан ең үлкен айырмашылығымыз. Біз оны мақтан тұтамыз. Өйткені бұл жақтағы ұстаздарымыздың тәлім-тәрбиелері мүлдем бөлек.

— Бұл жерде сіздерге арнайы талаптар қойылады ма?
Марина: Жоқ. Бастысы еліміздің патриоты болуымыз керек!

Ән тақырыбында тыңнан түрен салу қиынының қиыны. «Ән» сөзін түрліше ойнатып, жапырақ сыбдырынан да, боранның уілінен де ән тауып, әңгімеге арқау етуге болады. Дегенмен, табиғатыма жақын дәстүрлі ән төңірегінде әңгіме қозғауды жөн санадым.
Ән… Ән жайлы таңды-таңға ұрып әңгіме айта беруге болады. Әрине, егер айтушысын, орындаушысын таба алсаңыз. «Әннің де естісі бар, есері бар» дегендей, есті әндердің орындаушысы айтқан әңгімеден де, орындаған әнінен де ләззат ала аласыз.
Кезінде халық композиторларының әндері ел ішінде керемет танымалдыққа ие болып, ауыздан-ауызға көшіп, бүгінгі бізге келіп жетті. Әлемді таңқалдырамыз десек ұлттық бағыттағы өнерімізбен ғана таңқалдыра алатын шығармыз. Сөзімізге дәлел ретінде Әміре Қашаубаевтың Парижде ән шырқап, қазақ халқының әнін әлемге паш еткенін айта аламыз. Стөлді жағалай отырған он адамнның барлығы Әміренің Париж сахнасында ән салғанын білуі мүмкін. Сол онның ішінен бір адам Әміренің қандай әндерді орындағанын білсе мен ол адамның алдында бас киімімді шешер едім. Иә, Әміре Парижде бірнеше әндерді орындады. «Ағаш аяқ», «Қанапия», «Үш дос», «Жалғыз арша», «Қос балапан», тағы басқа әндерді орындап екінші орын алып, күміс медаль иемденеді. «Париж апталығы» газеті мен «Ле мюзикль» журналы Әміре Қашаубаевтың сирек кездесетін талант екенін жазса, Сарбонна университетінің профессоры Перно фонографқа Әміренің орындауында бірнеше ән жазып алған. Осылайша Әміре Қашаубаев шет елде өнер көрсетіп қазақ елін танытқан тұңғыш әнші болды.» — деп жазыпты Қазақпарат (Кейінірек жазған ғой. Ол кезде «ҚазАқпарат» болмаған).
Міне, осы жерде аты аталмаған, көпшілік біле бермейтін бір-екі ән бар. Соның бірі «Бесқарагер» әні. Қарағанды облысы аумағында жеке концертін беріп жүрген республикалық және халықаралық конкурстардың лауреаты, президент стипендиясының иегері, әнші Ерлан Құжиманов ағамыздан осынау әнді орындап беруін өтінген едім. Тамашалап, бағасын беріңіздер.

Бонус
-Ереке, бір отырғанда қанша ән айтып тастай аласыз?
-Қазір 15-17 ән айтып жүрмін. Жеке концерттерімде көбіне осы шамадағы әндерді орындаймын. Халық жалықпасын деп арасына бірер әнші-күйшіні қосып қоятын болып жүрміз ғой қазіргі күні. Жасырақ кезімізде, отырыстарда қызды-қыздымен 3 жарым сағаттай ән орындаған кездеріміз болды.
-«Ән айтыс» деген болған екен кезінде. Сол жайлы бір айтып өтсеңіз.
-1921 жылдары «Ес-Аймақ» деген ағартушылық ұйым құрылған екен. Бұған біраз әншілер де мүше болса керекті. Нақты қай жерде екені есіме түспей тұр. Әйтеуір осы клуб аясында Манарбек Ержанов пен Жүсіпбек Елебеков айтысыпты деседі. Әрқайсысы 100 ән шамасында орындаған деп жатады. Бұл дегеніңіз 4 сағаттан артық ән орындау деген сөз.

Егер қылқалам үшінен бояу емес цифрлар төгілсе не өзгереді?
Техникалық жабдықта қайнасып біткен әр қилы өнерден цифрлы сурет шығады. Цифрлы суреттей тағамның дәмін келтіретіндей нендей құрамасы бар?
Инженерлік сызу. Сызғыш көмегімен сызық, циркуль көмегімен шеңбер сызылып жандарына өлшемдері қойылса инженерлік сызудың қарапайым түрін көреміз. Инженерлік сызу әр түзудің орнын, оның мәнділігін заңдылықпен анықтайды.
Объектінің геометриялық өлшемдері оның бүкіл бойының кез-келген жерінің параметрін анықтайды. Геометриялық объектке қима жасағанда объект өлшемдерінің бір тұтастығын көре білу компьютерлік полиномды (polynomial) модельдеудегі негізгі дағдысы.
Ең қарапайым геометриялық объект сызық. Оның ерекше түрі Базье сызығы атауымен белгілі. Түзу сызықтан қисық сызыққа оп-оңай трансформатталады. Күрделі объект контурын бір-біріне жаланған бірнеше қисық сызықтар анықталса және осы контурдың бір түзудің деформациясынан алынса онда контур қисық сызығы сплайннан (spline) тұрды деп есептелінеді.
Геометриялық объектінің сызықтарын сплайн арқылы анықтаса оны трансформаттау мүмкіншілігін ие болғанын көреміз.
Көлемді геометриялық объектіні өзгертсек онда жай ғана сплайн дегеннің орнына базис (basis) сплайн терминін қолданамыз. Трансформаттау кезінде дене бетін құрайтын әр сызық көршілес жатқан сызыққа байланысты өзгереді. Жалпы сызық өзгерістері белгілі аумақты қамтиды. Аумақ шекарасын анықтаған сызықтар трансформаттаудың қалайша жүретінін алдын-ала анықтап тұрады. Мұндай әсерді алу үшін тор көздік есептеулер жүргізіледі (NURBS беттері).
Жарық құбылысының физикасы. Жарық көзі қалайша жарықтандырады? Бөлме ішін жарықтандырған электр шамы қайсы қабырғаны қалайша жарықтандырады? Сұраққа жауап беру үшін жарық көзінің орналасуын (қабырғаға дейінгі қашықтығын), қабырға бетінің материалын (material), материал бетінің текстурасын (texture) ескеріп жауап іздейміз.
Жалпы 3D сценаны модельдеу арқылы суретті алғанда сценада: объектілер жиынтығын, жарық көздерінің жиынтығын, текстура жиынтығын, камера жиынтығын көреміз. Камера өзінің орналасуына байланысты сцена көрінісін жоба күйінде немесе дайын күйде рендеринг (rendering) жасалғаннан кейін көрсетеді.
2D графикалық редакторларда рендеринг үнемі суретке өзгеріс енгізілген сайын жүргізіліп отырады. Суретші 2D графикалық редакторда ондай рендеринг әрекеті барына мән бермейді. Векторлық 2D редакторда суретті құрайтын элементтердің реті ескеріледі. Әр элемент өзіне қатысты жазықтықта орналасады. Бірнеше жазықтықта элементтер біріктірілген соң соңғы нәтижені аламыз.

3D графикада сцена көрініс камераға түседі. Көбінде 3D редакторда суретші салып жатқан суретін жоба ретінде көреді. 3D графика компьютер ресурсына талабы жоғары болғандықтан жобалауды жарықтың физикалық құбылысын, геометриялық объектілерінің текстурасы ескерусіз жүргізіледі. Тек камерадағы көрініске рендеринг жүргізген кезде сцена жобасы суретті дайын көрінісіне айналады. Бірақ та ылғи да осы жолмен 3D көрініс алына бермейді, 3D сцена жобаланып жатқанда бірден рендерингте жасалынатын кездер де бар. Компьютерлік ойындарда рендеринг суреттерді түзеп -үзілмей ауысқан кадр-кадр легі ретінде бейнекөрініс береді. Компьютерлік ойындарда жарық құбылыстарын, сұйықтық беттерінде толқындарды, оттың жануын, тұмандағы көріністерін компьютерлік модельдеусіз, яғни симуляттаусыз, имиттаттаусыз (simulation, imitation) реалистік (realist) көріністер алу мүмкін емес. Жалпы компьютерлік модельдеу сценаны тұрғызғанда автоматты түрде үнемі іске асады, 3D редакторларда компьютерлік модельдің параметрін суретші реттеп сценада түзеліп жатқан суретке қажетті әсер жасайды, әрлейді. Жарықтың түсуін модельдегенде суретші жарықтың интенсивтілігін, оның табиғаты параметрлерден таңдайды.
Қазіргі 3D графикалық редакторлардың мүмкіншіліктерін шолып өту үшін жекелей мүмкіншіліктерін қарастыру қажет, онда анатомиясын емес нақты бір редакторды қарастыру қажет. Сонымен анатомия нені көрсетті?
Үшінші Z осьі математикалық иллюзия!( illusion) Сол себепті 2D редакторларда 3D иллюзиясына бар сурет алыну әбден мүмкін.
Дайын суретке қарап оның салу жолын айыру мүмкін емес. Қылқалам, түсті қарындаш немесе қара қарындаш мүмкін сурет гравюра немесе 2D, 3D редакторларымен алынған сурет шығар. Суреттің қандай түрін жеке бөліп қарастырсақ та оның ішіне техникасы шебер суретшінің туындысы көзге бірден түседі.
Бірден 3D редакторға отыра сала нәтиже алу оңай емес. Адамды салсаң дәстүрлі суретші секілді адам анатомиясын ескересің. Машина бөлшегінің 3D моделін жасасаң оның геометриялық дәлдігіне көңіл бөлесің. Конструкторлық құжаттармен жұмыс істей білу дағдылығы да қажет.
Көбінде 3D редакторда бір –екі сурет салған соң әрі қарай сурет техникасын арттыруға құштарлық жоғалады. Өйткені сурет салу күткеніндей оңай, жылдам іске жатпайтыны туралы түсінігі тез келеді. Бірақ та, тамаша туындыны алу үшін қиындығын бойындағы талаппен, өнермен жеңгендер де баршылығын еңбектерінен көріп жүрміз.

Бүгінде 25 жастағы жігітке билік тисе, жұрт «жап-жас болып қалай басқарады? бір дөкейдің бірдеңесі шығар, әйтпесе қалай басшы болып келе қалды?» деп шулап, сынап-мінеп жатады. Ал бұрынғы батыр бабаларымыз жаугершілік заманда жиырмаға жетпей қол бастаса, кешегі Алаш арыстары отызға жетпей-ақ дүйім ел таныған қайраткер болған. Ақыл жастан шығады, айқын болса мұраты дегендей, тізбелеп шықтық оларды. Көз тастаңыз.

Тұрар Рысқұлов (1894-1938) – 23 жасында, яғни 1917 жылы Әулие ата уезінде жастар ұйымын құрады және Әулие ата Кеңесімен тығыз байланыс орнатты. 1917 жылдың қараша айынан 1918 жылдың қарашасына дейін Әулиеата уезінің Кеңестік департаментінің төрағасы болады. 1918 жылдың шілдесінен желтоқсанына дейін – Түркістан АССР ұлттық комиссары. 1918 жылдың желтоқсанынан 1920 жылдың қаңтарына дейін Республикалық Ұлттық Комиссарлар Кеңесі (ҰКК) төрағасының орынбасары болып жұмыс істейді.1921 жылы Т. Рысқұловты ұлттық мәселелер бойынша ұлттық комиссариаттың құзыретті өкілі ретінде Әзербайжанға жібереді. 1922 жылы РСФСР ұлттық ісі бойынша ұлттық комитеттің орынбасары болып тағайындалады. 1922-1924 жж аралығында Түркістан АССР СКО төрағасы болып жұмыс істейді. 1924 жылдың сәуірінен 1926 жылдың маусымына дейін – Коминтерндегі Шығыс бөлімі меңгерушісінің орынбасары. 1925-1926 жж. – Монғолия Коминтернінің құзыретті өкілі. 1926 жылдың наурыз-маусымында партияның қазақ аймағының баспа бөлімінің басқарады. 1926 жылдың шілдесінен 1937 жылдың шілдесіне дейін РСФСР ҰКК төрағасының орынбасары.

Бірімжанов Ахмет (1871-1927) – 24 жасында (1895 ж) Қазан университетінің заң факультетін алтын медальмен бітірісімен Орынбор округтық соттың кандидаты, онан кейін Торғай уезінің бітімші соты болып істеп жүргенде 1906-1907 жылдары Ресейдің 1-2 мемлекеттік Думасының мүшелігіне қатарынан екі рет Торғай облысы қазақтары атынан сайланады.

Мағжан Жұмабаев Бекенұлы (1893–1938) – 24 жасында, яғни 1917 жылы Ақпан төңкерісінен кейін қалыптасқан саяси жағдайға сай қоғамдық өмірге белсене араласып, Ақмола облыстық қазақ съезін өткізуді ұйымдастырушылардың қатарында болды. Осы жылы сәуірде Ақмола облысы қазақ комитеті құрамына сайланды. Мәскеу қаласында өткен Бүкілресейлік мұсылман съезіне қатысты. Бірінші жалпықазақ съезінің шешімі бойынша Бүкілресейлік Құрылтай жиналысына депутаттыққа кандидат ретінде ұсынылды. Сол жылы “Алаш” партиясының Ақмола облысының комитетінің мүшесі болды. Екінші жалпықазақ съезіне делегат ретінде қатысып, онда оқу мәселесі бойынша құрылған комиссияға төрағалық етті.

Мұхаметжан Тынышбайұлы (1879-1937) – 26 жасында институттың соңғы курсында жүргенде төңкеріске (1905 жылғы) қатысады. 1905-1907 жылдары Ресей империясының қоғамдық саяси өміріне белсене араласа бастайды. 28 жасында, яғни 1907 жылы Ресей ІІ-ші Мемлекеттік Думасына Жетісу облысынан депутат болып сайланады. 1917 жылы Уақытша үкіметтің Түркістан комитетінің мүшесі, сонымен қатар осы үкіметтің Жетісу облысындағы комиссары болып тағайындалады. 1918 жылы бүкілтүркістандық ІV-ші мұсылмандар съезіне қатысып, онда жарияланған Түркістан («Қоқан») автономиясының премьер-министрі болып сайланады.

Әлімхан Әбеуұлы Ермеков (1891- 1970) – 26 жасында (1917 жылы) Семей облыстық атқару комитетінің төрағасының орынбасары болады.

Тиесов Елдес Омарұлы (1892-1937) — 26 жасында Азамат соғысы жылдары (1918-20) Қостанай уезi бойынша «Алаш Орданың» комиссары және Қостанайдағы бөлiмшесiнiң төрағасы дәрежесiнде қызмет еттi.

Халел Ғаббасов (1888-1931) — 29 жасында (1917ж) Семей облыстық қазақ комитеті төрағасының орынбасары

Мәметов Базарбай (1888-1946) – 29 жасында, яғни 1917 жылы желтоқсанда өткен Жалпықазақтық съезде Алашорда үкіметінің мүшелігіне облыстардан тысқары, яғни жалпы қазақ атынан кіреді. Осының өзінен-ақ Б.Мәметовтің абыройының қаншалықты екенін аңғаруға болады. 1918 жылы Семейде 1 Алаш полкін жасақтауға және Жетісу жерінде қазақ жігіттерінен алаш сарбаздарын ұйымдастыруға ат салысады.

Халел Досмұхамедов (1883-1939) — 1905 жылы Орал қаласында бес облыстың делегаттары жиналған съезде кадеттер партиясының жергілікті бөлімшесі құрылған. Қазақ конституциялық-демократиялық партиясының 9 адамнан тұратын Орталық комитетіне Б.Қаратаев, М.Бақыткереевтермен бірге сайланды. Бұл кезде ол 22 жаста. 1917 жылы ІІ жалпықазақ съезінде жарияланған Алашорда үкіметі – Ұлт кеңесі құрамына сайланды. Алаш қайраткерлерімен бірге бірінші кезекте халықты бүліншіліктен қорғайтын ұлттық әскер — халық милициясын жасақтауға, Алаш қорын құруға, елден алым-салық қаражат жинау ісіне күш салды. Уақытша үкіметтен билікті күшпен тартып алған большевиктердің үстемдігі нығайған тұста, Кеңес үкіметінің басшысы В.И.Ленинмен, Ұлт істері жөніндегі халық комиссары И.В.Сталинмен бетпе-бет келіссөздер жүргізеді. Ол кезде 34-те.

Жанша Досмұхамедов (Жаһанша) (1886- 1937) – 31 жасында, яғни 1917 жылғы Ақпан төңкерісіне дейін округтық соттың прокурорының орынбасары міндетін атқарған. 1917 жылы Мәскеуде өткен Бүкілресейлік мұсылман сиезіне қатысып, мұсылман істерін басқаратын «Шуро-и-Ислам» комитеті төрағасының орынбасарлығына сайланады. Сол жылы 21-26 шілдеде Орынборда өткен Жалпықазақтық сиезде Орал облысынан Бүкілресейлік Құрылтай жиналысына депутаттыққа ұсынылады. 1917 жылы желтоқсан айында өткен Жалпықазақтық съезде Ж.Досмұхамедов Алашорда үкіметінің мүшелігіне облыстардан тысқары делегат ретінде кіреді. 1918 жылдың наурыз айында Жанша және Халел Досмұхамедовтер Мәскеуге келіп, Ленин және Сталинмен келіссөз жүргізіп, Кеңес үкіметін Алашорданың желтоқсандағы съезінің қаулыларымен таныстырып, сондағы 11 шартты қояды. Кеңес үкіметінің жанынан Қазақ комиссариатының ашылуына қол жеткізеді. Бұл кезде Жаһанша 32-де болатын.

Құлманов Бақтыгерей (1859-1919) – алғашқы ғылым кандидаты (1888), бұл кезде ол 29 жаста болатын. 30 жасында (1889 жылдан бастап) Астрахань губернаторының қарамағындағы Қамыш-Самар қисымының әкімі қызметінде болады. Әкім болып тұрғанда мектептер ашып, әр түрлі емдеу пунктерін көбейтуге күш салады.

Жақып Ақбаев (1876-1934) 29 жасында, яғни 1905 жылғы тамызда Омбы қаласындағы 2-учаскенің бітімші соты болады. 1917 жылы Семей облыстық қазақ съезін өткізуге белсене араласып, оның облыстық комитетінің мүшелігіне де сайланады, сол жылғы 24 қыркүйекте өткен кеңесіне де қатысады.1917 жылғы шілде айында болған Жалпы қазақтық съезде Құрылтай жиналысқа депутаттыққа ұсынылып, ал Желтоқсандағы съезде Алашорда үкіметінің мүшелігіне өтеді.

Садық Аюкеұлы Аманжолов (1885-1941) – 32 жасында (1917ж) Үржар уезінде қазақ комитетінің төрағасы болады.

Байтұрсынұлы Ахмет (1872–1937) – 33 жасынан, яғни 1905 жылдан саяси жұмыстарға араласа бастаған. Ол кездері (1895–1909 жылдар аралығында) Ақтөбе, Қостанай, Қарқаралы уездеріндегі орыс-қазақ мектептерінде оқытушы, Қарқаралы қалалық училищесінде меңгеруші қызметін атқарып жүрген болатын.

Сейілбек Мейрамұлы Жанайдаров (1884– 1929) – 34 жасында (1918 жылы) Ақмола облысының соты болып тағайындалды.

Жақыпбаев Нүсіпбек (1890 — 1932) – 34 жасында (1924-26 жылдары) Жетісу губерниялық денсаулық сақтау бөлімінің меңгерушісі, губерниялық атқару комитетінің мүшесі қызметтерін атқарған.

Сәкен (Сәдуақас) Сейфуллин (1884-1938) – 36 жасынан билікке араласа бастайды. 1920-1936 жылдары Ақмола атқару комитеті төрағасының орынбасары және әкімшілік бөлімінің меңгерушісі, Қазақ Кеңес Автономиялық Республикасы Орталы Атқару Комитеті Президиумының мүшесі, «Еңбекші қазақ» газетінің редакторы, хaлық ағарту комиссарының орынбасары, ҚазКАСР Халық Комиссарлары Кеңесінің Төрағасы, Халық ағарту комиссариаты жанындағы ғылым Орталығының төрағасы, Қазақстан пролетар жазушылары ассоциациясының (ҚазАПП) басшысы, БК(б)П Қазақстан Өлкелік Комитетінің партия тарихы бөлімінің меңгерушісі, Қызылордадағы халық ағарту институтының, Ташкенттегі қазақ педагогикалық институтының директоры, «Жыл құсы» альманағы, «Жаңа әдебиет» журналы басшысы, Қазақтың мемлекеттік институтының доценті, «Әдебиет майданы» журналының редакторы, Қазақтың коммунистік журналистика институтының профессоры қызметтерін атқарды.

Әлихан Нұрмұхамедұлы Бөкейхан (1866—1937) — 39 жасында (1905 жылы) 1-ші Мемлекеттік думаға депутат болып сайланды.

Ел басқару үшін әрине ең алдымен ақыл керек. Білім, мінез дегендерді ақылдан ажырату қиын. Сана мен ақыл Тәңірдің сыйы болғандықтан, оның кемелденуі жаспен ғана өлшенбесе керек-ті. Бүгінде ел алдында жүріп мойындала бастаған жастардан кімдерді атар едіңіздер?

Сегізінші класты бітірдік. Жаз шықты. Астымызда бір-бір велосипед. Ауылды зыр-зыр айналып жүрміз. Маусым айының ыстық күнінде бетке соққан ауа самал желдей. Жейде түймелерін ағытып тастағандар бар, велосипед жылдамдығын арттырған сайын желбірейді, кейбіреуінде қайықтың желкені секілді керіледі.
Үстімізде ақ көйлек! Иә, бүгін мейрам! Соңғы емтиханымызды тапсырып шықтық! Күткен жазғы демалысымыз келіп жетті. Ала-ғұла даланың әр жерден қоюланған бұлттан жылы жаңбыр жауады. Көз жетер жерімізге велосипедпен бүкіл даланы шет-шетін жалғаған қара жолдармен жетеміз.
Бір уақытта біздің үстімізге жылы жаңбыр тамшылары тиді. Велосипедпен бір орында айналып тұрдық. Бүкіл денені жылы жаңбыр суы шайып, лезде өте шықты. Түс ауа ашық аспанда жарқыраған күн ауаны лезде ысытып киімді тез кептірді. Аз уақытта шығыстағы көкжиектің екі жағынан түрлі-түсті кемпірқосақтың екі ұшы төбеге қарай өсе берді. Көк төбеде түрлі-түсті көпір болып жалғанары ап-анық еді.

Тағы бір бұлт төге жөнелді жаңбырын. Өткінші мінезіне басып жаңбыр біздің үстімізден тез-ақ өте шықты. Біз жылы жаңбырмен қоштасқымыз келген жоқ. Астымызда велосипед! Велосипед дөңгелектерін жылдам-жылдам айналдыра, жаңбыр соңын қуып жетіп, жаңбыр астына кірдік. Бір-екі рет жаңбырды оздырып, соңынан қуып жетіп, қуаласпақ ойнаған соң, жаңбыр бізді озып, көкжиекті асып өте берді.

Әне-міне дегенше, кеше қарт құрлықтың ең белді турнирі саналатын чемпиондар лигасы ақтық мәресіне жетті.Реал өзінің көршілері Атлетикодан 4-1 есебімен басым түсті.
Әлқисса, басынан бастасақ, ойын бастала салысымен, Реал ойыншылары басымдықты ұстауға тырысты.Бірақ Атлетико футболшылары кез-келген, доп тартысында аяғына дейін күресті. 9 минутқа қарай, Атлетиконың жұлдызды шабуылшысы Диего Коста өзінің ескі жарақатына байланысты, өз орнын әріптесі Адриан Лопеске босатты.Ойынның 30-шы минутына дейін негізгі тартыс орталық алаңда өрбіді. 32-минутта 100 миллион атанған Гарет Бэйлдің тамаша есеп ашуға мүмкіндігі болып еді, бірақ Бәкең нысанадан мүлт кетті
Футболда «сен соқпасаң, саған соғады» деген қағида бар, арада 2-3 минут өткен соң, ұрымтал сәттердің бірінде Годиннің баспен бағыттаған соққысы кезінде, Касиллас өрескел қателік жіберіп Атлетико алға шықты.

Одан кейін Реал футболшылары қанша шабуыл жасаған мен ,қақпаның кілті таба алмайды. Үзілістен Реал футболшылары шабуылға ден қойды.Ара-тұра реті келсе Атлетико қарсы шабуылға шығып тұрды.Реал футболшылары қанша шабуыл жасаған мен қақпадан саңылау таба алмай жүрді.54 минутта Куртуа Роналдудың айып алаңындағы соққысын әдемі қайтара білді.Одан кейін, Гарет Бэйл екі гол салатын ,әдемі мүмкіндігін жіберіп алды.Атлетико футболшылары соңғы 20 минутта қорғаныста ойнады.Реал кезегімен шабуыл жасап жатты.Атлетико ойыншылары әр бос кеңістік үшін күресіп бақты, жанқиярлық танытты.Карло бапкер Иско мен Моратаны ойынға қосып шабуылға дем бермек болды, бірақ еш пайдасы болмады.Ойынның негізгі уақыты бітіп, төреші 5 минут қосты.Атлетико чемпион атанатындай көрінді.Бірааақ 90+3 минутта оң бұрыштан (угловой дегенім ғо)Серхио Рамос есепті теңестіріп кетті.

Стадион жарылды-ау деп ойладым.Реал футболшылары алаңға қарай жүгіріп тойлап жатты.Атлетиконың чемпион атанатын 1-2 минуты қалып еді.Негізгі уақыт бітіп экстра тайм қосылды. 1-ші экстра таймда есеп сол баяғы күйінде сақталды. Екінші экстра таймның 110 минутта Гарет Бэйл гол соқты.

Бұдан кейін Атлетико футболшылары қатарынан екі гол жіберіп алды.


Атлеттер жеңіске деген үлкен жігер көрсетті, бірақ жолдары болмады.Диего Симеоне жігіттері биыл тамаша сезон өткізді.Жарады Симеоне! Ойынның үздік ойыншысы Ди Мария атанды.Реал 10-шы кубокты (десимо) алды.

CJK-200 ұялы телефондарды басқышының (подавитель) техникалық сипаттамасында CDMA, GSM, DCS, PHS,3G байланыстарын 870-880MHz, 930-960MHz, 1805-1850MHz, CDMA1950/1975-1980MHz, 2110-2170Mhz аралығында басады делінген.
Сұрақ: Аталмыш техника 4G байланысын баса ала ма? Қазақстандағы 4G диапазоны — 1800Mhz екен.
Логикаға сенсек, әрине басу керек. Күмәндануға екі себеп бар: біріншіден сипаттамада ол туралы еш жерде айтылмайды, екіншіден бұл техника 870-2170 аралықта емес, жоғарыда жазылғандай әр байланыстың аралығын ғана басып отырады деген өзінше бір болжам.

Құрметті оқырмандар жалпы салем! Міне, менің ең алғашқы блог жазбам. Сіздер Роберт Кийосаки жайлы естіген шығарсыздар.Тіпті «Богатый папа, Бедный Папа» қазақшада «Бай әке, Кедей әке» кітабында, оқыған боласыздар.Қазіргі перспективалық жасстардың сүйікті кітаптарының бірі. Сол кісі жайлы айта кетсем, Рәкеннің ата-бабалары Жапониядан арнайы Америкаға қоныс аударған.Роберт 1947 жылы 8 сәуірде дүниеге келген.Ең алғаш мектеп табалдырығын Нью-Йорктағы бір мектептердің бірінен аттаған деседі.Жас кезінен бастап, бала Роберт қиыншылық көрген ба, не басқа себептер болды ма, ақша десе жылтың ете қалатындардың арасынан болды.Орта мектепті тәмамдаған соң, АҚШ әуе-теңіз күштерінде әскери борышын өтеп, Вьетнамда пилот болып қызмет атқарған.
Әскерден оралған соң Xerox компаниясында тауар агенті болып қызметқе орналасады.1977 жылы өзінің жеке бизнесін бастап, компания құра бастады.Оның негізгі табыс көздері жылжымайтын мүліктер және активтер(акциялар,құнды қағаздар) болды.
1995 жылы Кийосаки мен Шерон Л.Лечтер халықаралық «Rich Dad`s Organization» компаниясын құрды.Тікелей қазақшаға аударғанда «Бай Әкелер Организациясы».Комнанияның мақсаты бизнес және инвестиция жайлы пайдалы ақпараттар мен білім беру және кітаптар шығару болды. Осы жылдар аралығында Кийосаки «Бай әке, Кедей әке» кітабын жазып шығарады.Кітап бүкіл әлемде бестселлер болып таралады.Сонымен қатар «Уолл-стрит джорнал», «BusinessWeek» және «Нью-Йорк таймс» сияқты белді басылымдар арасында рейтингісі ең жоғары кітаптардың арасында болды.
«Бай әке, Кедей әке» кітабының танымал болу себебі неде?
Кийосаки өз кезегінде болып жатқан әлеуметтік тұрмыстың қиыншылықтарын дөп басып айтып, тығырықтан шығудың жолын іздестіріп өз пікірін айтады.Кітапта акция, облигация сияқты қаржы мәселесіне қатысты терминдерді қарапайым түрде мысалмен түсіндіреді.Өзінің әкесін «Кедей әке»деп атап, жақын досының әкесін «Бай әке» деп атайды.Екі әкесі де Робертке өздерінің ақыл-кеңестерін береді.Бірақ Роберт Бай әкесінің ақылымен жүріп миллионер атануға тырысады.Әрине кітапта негізінен АҚШ-тағы экономикалық қиын жағдайлар: салық жайлы банктік төлем, кредиттік карточкалар т.б әңгімелер қозғалған.Біздегі ең қиын мәселе «тұрғын үй» мәселесі деп ойлаймын.Сондықтан бізде АҚШ-қа қарағанда салық мәселесі жайлы қатты асып бара жатқан проблема жоқ. Кітапта сонымен қатар адам психологиясының әлсіз тұстарын анық айтып, күресу жайлы кеңестер берілген.Кітапты оқымаған болсаңыздар оқуға кеңес беремін.

Кітартағы афоризм:

Кедейлер мен орта тап өкілдері ақша үшін жұмыс істейді. Ал ақша байлар үшін жұмыс істейді