Сәлем оқырмандар! Бүгін сәл-пәл басқаша бір пост жазсам ба деп отырмын. Мысал ретінде Алматы қаласында жақсы және арзан, тыныш жер табу қиын. Әр қайсысына кіріп қарап жүріп біреуі туралы жазайын деп шештім.
Аты, Бодрум. Бірінші кірген кезде Ботрит деп оқып қалдым)

Біздің ата-бабаларымыздың басты күн көрісі мал шаруашылығы болғандығы белгілі. Бұл тіпті өмір сүру салттарына терең еніп, уақыт өлшемдерін, қашықтық өлшемдерін де сол арқылы көрсете білген. Мысалы, "Қозы көш жер", «Сүт пісірім уақыт». Біздердің «Тұман қалың екен ә» немесе «Боран күшейіп кетті» деген тіркестерімізді «Ат құлағы көрінбес» деп үш сөзбен жеткізе салған.
Жаз жайлауда, қыс қыстауда күн кешкен бабаларымыз ауа райын да өзінше болжап отырғын. Мысалы, күздің кезінде қотанға(қораға) кірген қой аузына шөп тістей кірсе қыс қаты болатынын болжаған. Ескіше жыл басы, яғни, наурыздың 14-і күні таңертеңгілің қар бетіне қойған қойдың құмалағы түс ауа қарға түсіп кетсе, көктемнің шығуына аз қалғанын, қыс аяғы созылмайтынын болжаған.
Енді, тақырып атауына тоқтала кетсек. Биылғы жылы Арқада қыс ерте орнады. Қараша айында түскен қар еріместен жатып қалды. Бабаларымыз "Қарашаның қары жатса бір тоқтылық қыс болар" деп айтып кеткен екен. «Бір тоқтылық» сөзіне тоқтала кетсек. Тоқты- алты айлық қой. «Перехадной возрост» кезеңіне жеткен қой малы. Бабаларымыздың болжамына сүйенсек биыл арқа өңірінде алты ай қыс болуы тиіс.

Әлемдегі ең ұлы саудагер (1-бөлім)

| 0 пікір

Ог Мандино — американдық жазушы, оның кітаптары 50 миллион дана көлемінде сатылып, әлемнің 25 тіліне аударылған. «Әлемдегі ең ұлы саудагер» деген бүкіл әлем мойындаған, ең тамаша туындылардың бірі болып есептелетін еңбегін назарларыңызға ұсынамыз.
Бұл кітап мыңдаған оқырмандарды шабыттандыратын, рухани және денсаулықты, байлықты, ақылдылықтың гармонияларын, күш-қуатты, үлкен қуанышты насихаттайтын, махаббатты, жанашырлықты біріктіріп, сауда жасауды жетістіктің философиясына айналдырған ұлы саудагер В.Клемент Стоунға арналады.
Хафид есімді өз заманының ұлы саудагері бұрын өзіне сол сияқты бай, ақылды саудагер аманат еткен «табыстың кілтін», яғни шиыршықтарды дәстүрлі түрде кезекті адамға аманат етуі керек. Әрбір шиыршық өзінде құпия жасырады, сол құпия арқылы адам сауда өнерінің қырларын ашпақ. Ондай болса, ол құпияны назарларыңызға ұсынамыз.
Менің батылдығым мықты болса, сәтсіздіктер мені сындыра алмайды. Бірақ мына күмәндар барша саудагерлерді мазалайтын шығар: «Неге адамдар менің сөзімді тыңдамайды?», «Олардың назарын қалай аударуға болады?», «Неге мен бір сөз айтпай жатып, есікті тарс жабады?», «Неге менің айтқан сөзім оларды қызықтырмай, менен алыс кетуге тырысады?», «Бұл қаланың барлығы кедей болғаны ма?», «Бұл зат ұнайды, бірақ сатып алуға қаражат жоқ дегенде не жауап қайтарамын?», «Неліктен көпшілігі басқа күні кел дейді?», «Егер мен сата алмасам, басқалар қалай сатып жүр?», «Жабық есікке келгенде, мені қандай үрей билейді, мен онымен қалай күресе аламын?», «Мүмкін менің бағам, басқа саудагерлердің бағасымен дәл келмейтін шығар?» Бұл күмәнді сұрақтардың барлығына жауап аласыздар!!!

Бірінші шиыршық.

Бүгін мен жаңа өмір бастаймын!
Дарынсыздық, қайғы, өмірдің соққыларынан кейінгі ескі терімді тастаймын. Маған дейінгі негіз салушылардан білімнің, ақыл-ойдың қазынасын сыйға аламын.
Бұл қыл қаламмен жазылған құпияның тәтті жемісінен жеп, жетістік атты дәндерін жинап аламын.
Мен таңдаған жолда жетістіктермен қатар көптеген толқулар, көңіл қалушылықтар болады. Егер сәтсіздікке ұшырағандардан пирамида тұрғызған болсақ, ол ең биік пирамида болушы еді.
Бірақ мен басқалар сияқты жеңіліп қалмаймын, менің қолымда тасыған судан аман қалып, менің арманымның жағасына шығуға көмектесетін жол көрсеткіш бар!
Енді айқас кезінде мен сәтсіздікке ұшырамаймын… менің денем дертпен күресетін сияқты менде өмірдің қиыншылықтарымен күресемін. Сәтсіздік, дерт секілді менің табиғатыма жанаспайды.
Менің арманымнан да алысқа, құрмет пен бақытқа алып баратын, қараңғы түнектен шығаратын даналық пен ережелердің артынан жүруге дайынмын.
Маған берілген мерзім аралығында сабыр деген ғажап қасиетке ие болуым керек, себебі табиғаттың өзі асығыстық жасамайды.

Барлық ағаштардың патшасы зәйтүн ағашын өсіру үшін жүз жыл керек. Ал пияздың сабағы не бәрі тоғыз аптада шіріп кетеді. Енді мен ағаштардың патшасы зәйтүнге, яғни мықты саудагерге айналамын!

Оны қалай істеймін? Менің білімім, тәжірибем жоқ қой. Жауабы өте қарапайым: бар білімімді және тәжірибемді алып жолға шығамын. Аллаһ бізге орман жануарына қарағанда мол түйсік берген.Ал тәжірибе мода іспеттес: бүгінгі жетістікке әкелген іс-әрекеттің,

ертең еш құны болмайды.

Бейбақ, яғни сәтсіздікке көп ұшырайтын адам мен табысты адамның айырмашылығы, олардың әдеттерінде. Көрнекті әдеттер – кез-келген жетістіктің кілті болып табылады. Ал жаман әдеттер – жеңіліске апаратын, айқарыла ашылған есік. Сондықтан мен мына заңға бағынамын:
Мен көрнекті әдеттерді өз бойыма жинап, олардың мәңгі құлы боламын.

Мен бұл шиыршықтардың әрқайсысын 30 күннен оқимын, тек содан кейін келесісіне көшемін.

Ең алғашқы рет таңертең ішімнен оқимын, сосын түсте, ал ұйқтар алдында

ДАУЫСТАП

оқимын. Келесі күні дәл осылай, сөйтіп 30 күнге жалғасады.
Бұл шиыршықтарды отыз күн оқу арқылы не нәрсеге қол жеткіземіз? Қайталау арқылы бұл сөздер біздің санамыздың бір бөлігіне айналады, одан барып соқыр сезімге өтіп, біз күтпеген іс-әрекеттерге әкеледі.
Бүгін мен жаңа өмір бастаймын!
Шиыршықтарды оқып-қайталауды бір күнге болсын тоқтатпаймын, мені күтіп тұрған бақыт пен табыс үшін, бұның өзі аздық етеді.

Екінші шиыршық.

Мен бүгінгі күнді жүрегімдегі бар махаббатпен қарсы аламын
Кез-келген бастама табыстылығының құпиясы ғой. Бұлшық еттің көмегімен біз бөгетті талқандап немесе өзгенің өмірін қия аламыз, ал көрінбейтін махаббат күші болса, кез-келген жүректің есігін аша алады. Мен бұл өнерді меңгеріп алмағанымша, нарықтағы таратушы қызметінен көтеріле алмаймын. Махаббат менің қаруыма айналады, ешкім махаббат күшін жеңе алмайды.
Менің сөздеріме күмән келтірсеңіздер болады, ал дәлелдерімді есепке алмауға, менен кері бұрылуларыңызға болады, менің жүріс-тұрысымды сөз ету оп-оңай нәрсе, тіпті, менің саудамның өзі барлығы тарапынан қызғаныш сезімін тудыру мүмкін, бірақ махаббат, қақаған қысты өзінің шуағымен жылытатын күн сияқты, кез-келген жүректі ерітеді.
Мен бүгінгі күнді жүрегімдегі бар махаббатпен қарсы аламын
Оны қалай істейміз? Енді мен барлық нәрсеге махаббатпен қараймын. Менің денемді жылытатын күнді жақсы көретін боламын, менің жанымды жуып-тазартатын жаңбырды да сүйемін. Маған жол көрсететін жарықты, жұлдызды көруге мүмкіндік беретін қара түнекті де сүйемін. Бақытты қуана қабыл аламын, ол жүректі жомарт етеді, жан-дүниені ашық ете түсетін жабырқау сәттерді де шыдап бағамын. Мен лайықты марапатымды алып, сәтсіздіктерді ерекшеленетін мүмкіндік ретінде қабылдаймын.
Мен бүгінгі күнді жүрегімдегі бар махаббатпен қарсы аламын
Мен басқалармен қалай сөйлесемін? Дұшпандарымды мақтаймын, бара-келе олар менің достарыма айналады, мен достарыма сүйеніш боламын, сөйтіп олар менің бауырларыма болады.
Мен бүгінгі күнді жүрегімдегі бар махаббатпен қарсы аламын
Өзімді қалай ұстаймын? Мен барлық адамдарға махаббатымды сыйлаймын, себебі әр адамның бойында сүйсінүге тұрарлық жақсы қасиеттері болады. Махаббатым арқылы адамдар жүрегінің айналасында тұрғызған жек көрушілік пен күмән атты қабырғаны қиратамын, керісінше махаббат олардың жан-дүниесіне өтіп кететіндей көпір саламын.
Байларды – олар сирек болғаны үшін, кедейлерді – көп болғандықтары үшін сүйемін. Жастарды оларға тән үміттері үшін, қарттарды даналықтары үшін жақсы көретін боламын. Сұлуларды сүйемін, олардың көзінде де мұң жатыр ғой, көріксіздерді, олардың жаны тыныш болуы үшін сүйемін.
Мен бүгінгі күнді жүрегімдегі бар махаббатпен қарсы аламын
Мен басқалардың іс-әрекетіне қалай жауап қатамын? – махаббатпен. Махаббат – жүректі жаулап алатын қару ғана емес, ол өзгелердің жек көрушілігінен және ашуынан қорғайтын қалқан. Ауыртпалықтар мен бақытсыздықтар махаббат соққысынан сынып, жылы жаңбырға айналады.
Мен бүгінгі күнді жүрегімдегі бар махаббатпен қарсы аламын
Мені адамдар қандай түрде көреді? Мен әр адамға ішімнен тіл қатамын: «мен сені сүйемін», — деп. Бұл айтылмаған сөздер менің жарқыраған көзімде, жымиған күлімсіреуімде байқалады, менің дауысымның жаңғырығында сезіледі, осыдан барып адамның жүрегі маған жауап қайтарады.
Жалғасы бар. "
Бөлісу…

егер ұнап жатса толық нұсқасын салам

Бұл оқиға 70-80 жылдардың шамасында болған деседі. Бірақ ауылдың айтқыштарының аузынан әлі күнге дейін неше түрлі версиясын естисің. Соның бірін айтайын. Ауылда автобазаның жұмыс жасап тұрған шағы, әр түрлі жүк көліктері респулика көлеміне дейін шығып жүреді екен. Бірде облыс орталығынан ауылға қарай жол тартқан камаздың рульінде орта жасқа келіп қалған өзін жұрт сыйлайтын ағамыз қасында көмекшісі өзімен құрдас өзі бір қылжақбас адам отырыпты. Жолда шопырды ұлы дәрет қысатта қасындағысына сен отыра тұр мен барып дәрет сындырып қайтам деп шығып кетеді. Қасындағы құрдасы білдірмей артынан олда шығып шопырға сездірмей күрек төсеп тосып алып оны баска жака апарып тастап тып тыныш камазға кеп отыра қалыпты. Әлден уақыттан кейін қараса шопыр дәрет сындырған жерін ары айланып бері айланып қарап жүр дейді. Құрдасы әй әкеңнің неіздеп жүрсің? десе анау жаңа ғана мына жерге тышып едім бірақ боғым жоқ деп айтатын көрінеді. Сол күні әлгі ағамызға боғының жоғалып кеткені жұмбақ күйінде қалыпты. Артынан құрдасының ісі екенін жұрт айтып жүргенде бірақ білген екен… Осылай бұл оқиға жұрт аузында «боқжоғалтқан» деген атпен әлі айтылып жұрт оған әлі күледі.

Адамға сипат бергенде, оның сырт пішінін, одан кейін мінезі сипатталады. Ауызша, жазбаша сипаты бәрібір адамды ашпайды. Сипаты жақсы, ұнамды деп тапқанның өзінде жақын танысқанда немесе бір көргенде өзінен теуіп тұратын адам болуы мүмкін.
Әріптесім Сергей жайлы әңгіме етпекпін. Қай кезде болмасын көзі бір нүктеге қарап, қасындағы адамды байқамағандай көреді, менсінбей жаратпай отырған секілді. Студент кезінен сырттай білетінмін, жалғыз өзі сабақ соңында компьютер алдында қалып қоятын. Ап-арық, бойшаң, мүгедек арбасының орындығының дәл ортасында отыратын, екі жағына енді екі Сергей сыятындай орын қалатын. Содан бері жиырма жыл өтті. Мінекей, енді кабинет есіктеріміз бір-біріне қарама-қарсы орналасты.
Түскі аспен Сергейдің кабинетінде тамақтанамыз. Асты төмеңгі қабаттағы асханадан аламыз. Бірде түскі асқа төленетін ақшаның Сергейге қатысты бөлігін алып, байқаусыздан:
-Серега, асты сәл кешіктіріп әкелем, сосын тамақтандырамын, -деппін. Сергей жан қалтасынан ақшаны алып үлгергенше ішімнен «тамақтандырамын дегенім не, ас ішеміз деп айтпаппын ба, кемдігін есіне салып», ішімнен «өкін-өкін бе» дегенше, созған қолыма ақша тиді. Сергей келіскенін білдіріп, басын изеді.
Әрқашан біреудің көмегіне зәру болған қандай? Сергейді құлдай көрген әріптестерім де болды. Қашып кетпейді, мүгедекке жұмыс оңай табыла бермейді дегендей, есептері күшті. Күнделікті Сергейдің өзінің дербестігіне, өзінің алатын орнына күресетінін көріп, азаматтығына риза боламын.
Түскі аспен тамақтанып аяқтап қалдық:
-Сергей бүгінгі әкелген ас дәмдірек, кешегі палау емес.
-Иә, бүгінгі дайындаған палаулары палауға ұқсайды.
Шайдың соңғы жұтымын жұтып, ыдыстарымызды табақ үстіне жинастырғаннан кейін орындық арқаларына сүйеніп, жайланып отырдық.
Түске дейін жұмыс барысында жиналған жағымсыз жүктен айырылғандай болып сергіп қалдық.
Сергейге қарап:
-Жақсы сергіп қалдық, -дедім. Сергей алдындағы компьютер мониторының бетін алып тұрған фотосуретке қарап отырып:
-Осыдан кейін қалай өмірді жаман деп айтасың, -деді. Фотосуретте Сергей мен әйелі, екі жасар баласы бейнеленген. Әрі қарай ойын жалғап:
-Өмір сүруге тұрарлық.
-Иә, өмір осымен тәтті ғой.
Сергей жанұясымен түскен басқа фотосуреттерді кезек-кезегімен монитор бетіне шығара берді, ауызша сипатын қосқанды ұмытпайды. Фотосуреттегі әр сәттің ыстығы сезіліп тұр. Қазір Сергейге «өмірге ризасың ба?» деп сұрақ қоюға да батылың бармайды. Жауабы белгілі.
Кеудеңе деміңді кең алып, жаныңа салмақ түсірер сырқат, ұятыңнан қашар қылық болмаса, Сергейдің қасында отырып өзіңе «бақытсызбын» дегенге де тілін бармақ тұр ғой, тіпті ондай ойдан қашасың.

Таңғы 06.00. Міне Астана вокзалыда көріне бастады.Ия, сол АИФ-қа Шымкенттен келе жатырмын.Ағамның үйіне келе сала Президент Зияткерлік мектебін сұрап жатырмын.Өйтіп-бүйтіп таксилетіп келдім.Іштегі АИФ қызметкерлері жүгіріп, асты үстіме түсіп жатыр(Рахмет).
Сол баяғы қазақшылыққа салып бір сағаттай кешігіп басталды.Ішімізден не болар екен, қалай болар екен деген ой ғой. О-хо Мұрат пен Ерлан ағамыз жүр(Осындай ағаларымыз жүрсе неге қуанбасқа).
Міне Садық сөз бастады.Бәрі керемет, өйткені өзіміздін тілімізде.Бірінші спикерлер шыға бастады.Барлығының ойы Еліміздін ИТ саласын көтеру, Керемет емеспе(маған солай көріндіме білмедім).
Жаңа достар, жаңа мамандар, Жаңа прогресстер, Жаңа жобалар.Бір сөзбен айқанда БӘРІ КЕРЕМЕТ.
Өзіме біраз жұмыстар алып қайттым. ендігі уақытта Нұрлан Жанаймен хабарласып қазақ тіліндегі видеотаспада программалау тілдерін үйрету(Аллаһ нәсіп етсе)
Ұйымдастырушыларға үлкен рахметімді айтам.Осындай форумдар елімізде көбейе берсін.Әмин

Өкінгенмен өткенге оралмаймыз,
«Бәрі жақсы болар!» деп жиі алдаймыз.
Біз қалаған жандарға калаған сат,
Бақыт құсы боп мәңгі қона алмаймыз.

Күн де батып, атады таңы жаңа,
Келу, кету- өмірдің заңы ғана.
Қуанайық еске алар қыска өмірде,
Үзік-үзік сәттердің барына да!

Жан-жақтан жиналған бұлттар бірден аспанды қаптап жапты. Қоюланған сайын салмақтары артты. Кенеттен бұлттарды от жалынды қамшымен сабап жібергенде сарт-сұрт еткен алып дыбыс шықты, бұлттардан -бұлтарға тиіп жаңғырды. Шайқалған төбеден су төгіле бастады. Дала анық көріністерін жоғалтты. Нағызымен бейуақыт мезет.

Мектепте жүргенде, физикадан қашып жүріп, қос протон мен нейтрон амиголарды ренжітіп алған жай бар екен. Очм, пәннен гөрі, мына постты оқып алып, осы қару туралы базалық мыңқ етерлік бірдеңе оқып көрген бар, мектепте әңгімені мазмұндап беру деген дағды және бар, пікір ұзақтау болған соң постқа салжіверуден басқа вариант болмай қалды. Кіріспесініссс дегеннен басқа айтар жоқ.

Түймедейден түйедей энергия алу, адамзаттың ертеден бергі арманы. Қарапайым су электр станциясында энергия өндіру қалай іске асады? Су жоғарыдан құлап, энергия далаға кетеді. Осыны адамзат пайдасына жарату үшін, вентилятордың құлақшаларын су құлауына икемдеп, судың астына қояды. Нәтижесінде, ол вентилятор айналып, ортаснда орналасқан моторчикке энергия жүгіреді, генератор ол энергияны токка айналдырып, конденсатор оны жинайды. (кішкентай балалар микросхемада орналасқан конденсаторды «фляг» деп атайтын көрінеді).
Осы ток өндіру моделіне ұқсас басқа да тәсілдері бар. Бүгінде жер шары электромагниттік өрісі арқылы, жел, күн энергиясын пайдалану түрлері бар. Кибернетика сияқты ғылымдар даму үстінде. Қысқасы, энергия өндіру кезінде, адам шығындаған энергиясын толық немесе артығымен өндіріп алу жолын таба алмай келеді. Қарапайым мысал: адам құдықтан су тартып алады, тартып аоынған су тек бұлшық еттен жұмсалған энергияның нәтижесінде су алынды делік. Ал қалған асқазан, қан айналым, денеден шығып жатқан жылу далаға кеткен энергия. Адам өзі күрделі механизм. Сол сияқты, бір міндетті шешетін құрылғылар да кұрделі құрылымнан тұрады.

Уранды жер астынан тас күйінде қазып алады. Алтынға шақ бағалы металл. Кейін өңдеп, тазалап таза уран алады. Қазақ даласы уранға бай: Арқадан Жамбылға, Ақтаудан Арқаға дейін жер асты уранға бай.

Өздеріңіз білесіздер, кез келген зат атомнан құралады. Атом өз кезегінде протон, нейтрон, оны шыр көбелек айналып күзетіп жүретін электроннан тұрады.

Мысалы шаңды білесіз. Сол бір дана шаңның құрамында, бірнеше миллион (миллиардқа жуық) атом жүреді.

Атомдық энергетиканы пайдалану, өткен ғасырдың шамамен елуінші жылдарынан бастап кеңінен пайдаға аса бастады. Сол жылдары АҚШ, Германия, КСРО сияқты державалардың физик ғалымдар жарыса атомдық энергетиканы дамыту жолдарын қарастырған болатын. Әрине. Осы құбылысқа негізгі себеп, уран элементі болды. Нақтырақ, жер бетіндегі энергияның шамамен 98 пайызы, уран 238, оның 90 пайыын байыту арқылы уран 235 алады. Атомдық жарылыстарға у235 қолданады, оның қоры өте аз.

Іске асу барысы: реакция барысыда нейтрон басқа атомдарға соғылып кете береді, әр соғылған сайын орта есеппен жаңа 2,5 нейтрон пайда болады.

Осындай бір капсула уран өнімі үздіксіз бір бірімен байланысқан реакциядан үлкен жарылыс тудырып, қуаты шамамен 40 вагон көмірге тең энергия береді.

Энергия станцияларында, уранды реакцияға жіберіп, су қайнатады. Су шамамен бірнеше жүз градусқа қайнап, бу пайда болады. Оның көмегімен жоғарыдағы «вентиляторларды» айналдырып, генератор көмегімен энергияны токқа айналдырып, адамзат пайдасына жаратады.

Тек, пайдаланған капсула қабықтары, уран реакцияға түскен аумақ пен ондағы заттар т.гел кейін радиоактивті сәуллі объектке айналады. Ол тірі ағзалардың мутацияға ұшырауына себеп болады.

Радиоактивті сәулелер, атом жарылысы болмаса да адам өмірінде кездесе береді, қарапайым мысал: күн сәулесі радиоактивті сәуле болып саналады. Яғни, р. сәуле өз нормасы болады, нормадағы сәуле адам денсаулығына пайдалы. Осы сәулемен емдейтін курорттар да бар.

Тек, әр нәрсе шамадан асса, зиянын тигізеді екен. Осылайша, атомдың энергетика саласы алға сенсацияланып ашылған уақытта, адамдар көп үміт артты. Страгтегиялық жоспар жасап, әлемді жұмаққа айналдырғысы келген. Тек, оның зардабы белгілі болғанға дейін, қаншама сынақтар жасалып тастаған болатын. Бүгінде, бұл сала аса қауіпті әрі тыйым салынған сала.

Отбасылық тәрбиенің алар орны ерекше. Алайда, ата-анасы күні бойы жұмыста болатын мына заманда, тәрбиенің көбісі көшеден, сыныптастары, құрдастары арқылы келері сөзсіз. Ересек жолдастарына ұқсағысы келіп сыраның дәмін татып, папиросты аузына салып жүргенді сән көріп, көгілдір экраннан, интернеттен, әр түрлі басылым беттерінен күнделікті жарияланып жатқан адами құндылықтарға жат көріністер көріп жүрген жастар қаншама?! Кейбіреулері соларды қайталауды сән көреді. Әттеген-айы осындай оқиғалардың соңы орны толмас өкінішке ұрындыруы мүмкін.