Менің кітап менюімнен...

Қисық бастап, Аршат жалғаған кітап ұсынуда кезек созып алдым. Әдейі емес, жұмыста әбігерге салынып. Жарайды, ұсынатын үш кітабым мынау.

1. Құран
“ Бұл (Құран) адам баласы үшін ашық түсінік, тура жол және тақуалар үшін насихат”
(Әли Имран сүресі, 138)
Әрі қарай

Үйрекконтент емес, Қазконтент үшін жанталасқандар...

(10.09 Kb, 250x72)

Блогкемпті атқарып, үш жұртты аралап болғаннан кейін «құлтемірмен» © ассалау-уағалейкімімізді бүгінге жазыпты. Күні бүгінге дейін интернет кәлимасы арқылы тәпсірленіп, сиясы кеппей жатқан пост-әсерлер — Алатау баурайындағы блогкемптің ҚазНет бенефисі болғандығының талассыз дәлелі-ау. Кіреберіске шоғырландырылған тіскебасарлардан әрірек тұрған блогкемп жұмысының «күн тәртібін», презентациялардың сағат, минутына дейін көрсетілген дәлме-дәл кестесін көргенде қазақтың «қааазір» синдромы аяққа оралып, шатақ болмас па деген ой сап ете қап еді. Тайм-менеджмент, басқа менеджмент жағының сыр бергенін байқамадым. Мазмұндық толтырылымы тәсірлі болды бәрінен бұрын. Еріктілердің өз ықтиярымен жасаған жұмыстарына бәрі ең жоғары баға беріп жатыр: шыны керек, сол кісілердің алдында әсіресе бейалматылықтар аздап ұяттымыз-ау. Қазақы қан-ген ғой, қонақтай етіп күтті, қанша жерден «бәріміз қатысарманбыз», «қонақ болу жоқ» постулаттарын шегелеп қадағансысақ та. Ақзере, Зилола, Айкона, Балғырған бастаған бір топ
Әрі қарай

Науша Наурыз Маңғыстауда!

Науша Наурыз Маңғыстауда!

Шадыман шаттығын жетелеп тағы бір Көктем келді Маңғыстауға. Алла нәсіп етіп, тағы бір Амал айымен, тағы бір Көктеммен, алыс жақындағы ағайынмен тағы бір қауышуға жазды. Жұмыр Жерден Жыл айналғанда, жан біткенді жадыратып, көкірек біткенге самал құйып, көңіл біткенді көк дөненге мінгізіп, табиғатқа әр, тіршілікке нәр беретін Науша Наурыз жетті Маңғыстауға.

Сөз арасында айта кеткен орынды, Маңғыстау халқы Наурыз мерекесін тойлауды 14 — наурыздан бастап кетеді. «Амал күні», «Көрісу күні» аталып кеткн бұл мереке Қазақстанның батыс аймақтарында ерекше мәнге ие. Григориан күнтізбесіндегі әр айдың 14 жұлдызы араб күнтізбесі бойынша айдың басталуы. Наурыз айының 14 і күні Хамал, Амал айы келеді, бұл бұрынғы қазақтар үшін Көктемнің басы, Көктем келген күн! Қысқы қыспақтан аман есен шыққанына, тәубә деген жұрт, жаңа түскен келіндей боп босағадан сызыла аттаған Гүл Көктеммен бірін бірі құттықтасады. Табиғаттың өзі жасарып, жаңарып жатырғанда саналы Адам есімімізге ауыр болар деген оймен, Ескі жылдағы өкпе, реніш, ашудың бәрін жиып қойып, солл күні арқа-жарқа амандасады, құшақтасып көріседі, қол алысып, есендік біліседі. Осы мерекелік аура 22 наурызға ұласады. 14-наурыз тек батыстық мереке ретінде сипатталса, 22-наурыз ел болып тойлайтын аса ұлық мейрам!


Әрі қарай

Кемпірлер айтыпты.... немесе Ванганың көріпкелдіктері

Бүгін бір дос баладан поштама келді. Хаттың тақырыбынан түсінгенім — хат авторының зәре-құты қалмаған сияқты. Төмендегі кітаптан сканерлеп алынған беттердегі сәуегейліктер Вангаға тиесілі-міс.

Әрі қарай

Жанна қайдасың?

Жағдай жапония деуші едік баяғыда сөз арасында… Сол жағдайды енді түсіндік… Жапон халқының басына түскен мына ауыр күндерде құдайдан қайырын сұраймыз… Кеше жаңалықтарда көрсетілген бейне сюжеттер қорқынышты еді… Табиғат апаты, қарамайды ғой қанша бекіністе отырсаңда… Жер сілкінісімен ұйықтап тұратын бұл халық бұндай соңды сілкіністі сонай 1923 эылғы болған және Токионы да қоса бір қатар қаланы жермен жексен қылған сілкіністен бері көрмеген екен..Құдай басқа салмасын, қиын бұндай апатты бастан кешіру деген..Қаза болғандардың санын жүз мыңды асып түсіпті десіп жатыр, әлі толық санын ешкім анықтай алмай отыр… Атом электр стансалары бүкіл әлемді бір қорқытты Чернобль оқиғасы қайталанбас па екен деп… Абырой қылғанда реакторлар жарылмаған екен, жарылған стансадан шыққан радиация қауіпті деңгейде емес деп айтып жатыр ресми дерек көздері…

Жайшылықта аралары Курил аралдарына бола суып бара жатқан Ресей мен Жапония бұл апатта барлық наразылықтарын бір жаққа ысырып тастаған ғой… Ресей президенті Дмитрий Медведев Жапонияның Премьер министріне бірінші болып телефон шалыпты… Ап бәрекелді Димеке… Жарадың… Көршінің қадірін басқа іс түскенде ұғасың…

Айтпақшы, сол Жапонияда жүрген Жанна деген танысымыз бар еді, соның жағдайын білу керек еді… Жанна алты градус қой… көпшілігіңіз танисыз… Иншаллах бәрі жақсы шығар деген үміттемін… Хабарласқандар болса осында жазса екен…

Суреттерді қарап отырып мына жолдың қақ айырылғанына назарым түсті… Бейне бер өлшеп кескендей, тура жол жолағымен бірдей айырылғанына таңқалдым… :)



Мынау атом стансасының жарылыс сәті.


Мынау сілкіністің эпи орталығы мен таралуын суреттеген сурет:
Әрі қарай

Start up: 100 мың кімге бұйырылады?

Құрылтайға 7 күн қалғанын көрсетіп тұр сайттағы санақ. Көрген сайын дегбірім қашады. Миым мл-мл болып жүргелі қашан… Түк бітпеген сияқты. Үлгере алмайтын сияқтысың. Бәріне таныс сезім ғой деймін. Жауапты сәт таянып келе жатқан сайын уайымшыл болып кетесің ғой… тура солай.




Блог құрылтайға қатысты 5 айтарым бар:
Әрі қарай

Бояушылар...

“Бояушы, бояшы дегенге сақалын бояйтындар” әлі де бар екен. Оған несіне таң қалып отырғаныма таң қалып отырмын. Көшенің бәрі кезектен тыс сайлаудың үгіт-насихатымен көмкерілгелі қашан. Бәрі де бір кісінің жарнамасы. Баннерлерден де, бильбордтан да күле қарап тұр. Құдды “үйімізде, төрімізде портретте тұрған” Ленин атамыз секілді. Басқа үміткерлердің насихат жұмысы қалта күнтізбесінен аспаған секілді менің ойымша. Шамаларын білген соң шалбарларының қалтасына шамалы тиын алып қалғандары да дұрыс шығар.
Негізгі айтпағым мынау, ел президенттігіне үміткер президентіміздің бір афишасы цирк афишасымен қатар жабыстырылып тұр. Қоғамдық көлікте келе жатқандықтан суретке түсіре алмай қалғаным…
Әрі қарай