Саламатсыздарма, КерекИнфо еркін блог жүйесінің қолданушылары! Назарларыңызға әртүрлі құрылғылармен түсірілген (ұялы телефон, фотоаппрат)суреттерімді ұсынып отырмын. Суреттерім сөйлесін!

Жұмыстағы әріптесім осы мультикті көріңдерші, балаларым қызығып көреді деп көрсеткен еді. Қазір ұялы телефондарда кеңінен таралып жатыр екен. Мүмкін сіздердің балаларыңыз, іні-қарындастарыңыз көрмеген шығар. Көріп, бағалай жүрейік

ОҚО, Түркістан қаласындағы бұл нысанның орындаушысы «СЕБИЛ» ЖШС салып жатқан Қожа Ахмет Ясауи атындағы мешіттің жоғары жағындағы күмбезге орналасқан екі Мемлекеттік Тудың жыртылып, сол күйінде көк аспанымызда қанша уақытқа дейін желбірейтінін кім білсін. Қаламызға келетін туристерге Мемлекеттігіміздің аса құнды болған көк байрағының осылайша қасиетсіз күйде тұруына кім жауапты?.. Нысанда жұмыс қызу жүргізілуде, дегенмен тулардың осылай бей-берекетсіз күйде тұрғанына ешкім назар аударар емес…

Негізі интернетте көптеген пайдалы сайттар бар. Мен аспаздық рецептілерге мол немесе программалауды үйрететін, тіпті тегін антивирус кілттерін алатын сайттар туралы айтып отырған жоқпын. Олар да пайдалы, қажетті сайттар ғо. Басқаша пайдалы сайттар да болады ғо, белгілі бір идеяға негізделген, бір кәдімгі анық мақсатты ма… Түсіндіре алмай отырмын.
Қысқасы, каучсерфингке арналған www.couchsurfing.org сайты. Толығырақ жазар едім, бірақ бәрібір қызығушылық танытпайтындарыңды сезем мұндай постқа. Бірақ сонда да жақсы сайт бұл. Оқуға түссем, тіркеліп белсенді каучсерфер болам мен алдағы уақытта.

Давид Мұқановты біздің алқаш ақындар мен пяншік прозаиктер салып алған сүрлеуден басқа жол тапты деп айту қиын. Сол баяғы қатардағы сарын: цистерна-цистерна ішімдік, оқырман көзайымына айналған кісі өлімі мен майып болулар. Бірақ кейде Давид өлтірген кейіпкерлерді өзіңнің де өлтіргің келіп отырғаныңды байқап қаласың. Міне, Давидтің қаламы осы жерден ұтады: оқырман кейіпкерді отқа күйдіріп, қазыққа қағып не дарға тартқысы келіп отырған тұста, ол да осыны сезгендей, кейіпкерін буындырып өлтіре қояды. Қараиық прозашымыз Давидтің сондай бір тырнақалды және қолтықэпиляция шығармасын назарбтарыңызға ұсынуды жүн көрдік. Шешесстің.

---

Давид Мұқанов. «Көкше»

Негізінде трайбализм деген терминнің мағынасын – жүзге бөлінушілік деп түсінемін.
Кезінде отарлаушы Ресей кең байтақ қазақ жерін оңай жаулап алу үшін, қазақ халқының осындай осал тұстарын шебер пайдалана біліп, «бөліп алда, билей бер» деген саясатын күні кешеге дейін жүзеге асырып келгенін тарих айғақтайды ғой.
Ал қазір егемен ел болып, өз билігіміз өз қолымызға тигенде, сол трайбализм деген пәле жаңаша түр, жаңаша сипат алып, басқаша айтқанда жалпы халықтық қауыпты іс-шараларға айналып бара жатқанға ұқсайды, және сол бәленің отын үрлеп жүргендер өзіміздің кейбір қазақ тілді ақпарат құралдары сияқты көрінеді.
«Дат» газетінің №1 нөмірінде белгілі қоғам қайраткері Ә.Қосановтың «фейсбуктегі» жазбалардан деген үзінділерінен мынадай сөздерді оқыдым да таң қалдым. «Трайбализм мен өсекизм кейбір БАҚ-тың анық тенденцияларына айналып барады. Қазақ баспасөзін құртатын қаржының аздығы, не билік тарапынан жүргізіліп отырған цензура емес, дәл осы кеселдер! Және де жоғарыдан осының бәріне бата беріп отырған бір күштер бар сияқты!» Таң қалғаным — мемлекеттік дәрежедегі белгілі саясаткердің мен сияқты шала сауатты, қарапайым оқырманның көптен көкейінде жүрген ойын дөп басқаны.
Сонау бала кезімізден сүйіп оқитын «Лениншіл жас», қазіргі «Жас Алашымның» соңғы кездері Батыс өлкеден шыққан биліктегі азаматтарымызды сын садағына жиі ала бастағаны алаңдатады. Соның ішінде ала бөтен Аслан Мусин жөнінде небір жөн-жосықсыз айтылып жатқан әңгімелер қаншама?!
Құдай-ау нелер айтылмады?! Жаңаөзендегі жазықсыз жандарды атқызған, бұйрық бергізген Мусин екен деп жақтары талмастан қақсағанын елдің бәрі біледі. Тіпті, Б.Рысқалиевке арандату үшін бұзақылар тобын жібергізген екен деп те естідік. ҰҚК басшысы Н.Әбіқаевтің беделін түсіру үшін Арқанкергендегі шекарашыларды қырғызған да Мусиннің ісі екен деп те шығарды. Бір басылымда Мусинді Сталиннің қанды қасапшысы Берияға теңеп, «Қазақтың Бериясы» деген айдар тағып қойды. Мемлекеттің бәленбай миллиард қаржысын жымқырған Атыраудың әкімі Б.Рысқалиевті шетелге қашырып жіберген Мусин болып шықты.
Сонда дейміз-ау, қаншама құзырлы органдар бар, қаншама күштік құрылымдар бар, ай қарап отырғаны ма? Бірнеше миллиардтап жоқ болып жатқан қаражаттың бақылаушысы, іздеушісі жоқ болғаны ма?
Германияға емделуге барған Мусиннің артынша «Ойбай, қашып кетіпті» — деп те шығарды.
Жақсы, дегендеріне жетті ғой, Мусинді президент әкімшілігінің басшысы қызметінен кетірді, енді басына тыныштық орнаған шығар десек, «Жас Алаштың» жаңа жылдағы кезекті санында елбасының кезекті ауыс-түйістерін саралай келіп, ендігі кезек бас прокурор мен ішкі істер министрі деп жазыпты. Себебі, бұлар да Мусиннің адамдары депті. Мусин бұл адамдарды басқа құрлықтан, басқа елден жетектеп әкелген жоқ қой. Кезінде осы елде туылып, оқып-тоқып, қызмет сатысында өсіп жетілген қазақ елінің таза қанды қазақ азаматтары емес пе?!
Бұлай Батыс өлкеден шыққан бірлі-екілі азаматтардың соңына шырақ алып түсуді трайбализм демей не дейміз?! Жоғары жақта болып жатқан қателіктер мен жөнсіздіктерді бір адамның басына таға салудың өзі жөнсіздік. Біздің елді бір ғана адам — президент басқарып отырғанын естен шығармауымыз керек емес пе? Барлық мемлекеттік маңызы бар мәселелер сол кісінің дегенімен жүзеге асырылмай ма?
Сіз болып, біз болып дегендей, А.Мусинді кетірдік. Қонжитып К.Мәсімовты отырғыздық. Не ұттық, болашақта ұтарымыз не?
Негізінде, А.Мусинді аса ұстамды да сабырлы, салқын қанды азамат екен деп қалдым. Баспасөзден талай мәрте оқыдық емес пе, аса ірі көлемде жер иеленуші депутат Ромин Мадинов деген «ар-ожданыма тіл тигізді, өтемақы талап етемін» деп, тілшісімен қоса бүкіл газет ұжымын сотқа сүйреген жоқ па еді?! Сондай-ақ, шеттегі байлығымды елге жариялап қойды деп, Қ.Қожамжаровтың әйелі де Г.Ерғалиеваны сотқа сүйрелеп, ақыры газетін, ғаламтордағы сайттарын жапқызып тастағанын көзі қарақты оқырманның бәрі біледі.
А.Мусин ондай сорақы істердің біріне бой алдырмай, өзін сабырға жеңдіріп отыр. Мемлекеттік ірі шенеуніктерге тән салқынқандылықты, ұстамдылықты осы кісіден ғана көріп отырғанымыз өтірік емес.
Сонау 60-шы жылдары КСРО-ны Н.С. Хрущев басқарып тұрғанда, терістегі астықты облыстарды Ресейдің қарамағына қоспақ болғанда, министрлер кеңесінің төрағасы ма, әлде Қазақ ССР-і Жоғары кеңесі президумының төрағасы ма (есімде жоқ) қазақ халқының келешегін қара басынан биік қоя білген асыл азамат Жұмабек Тәшенов қарсы тұрып, жолын кескен екен. Ол кезде бала болсақ та естігенбіз.
Н.С.Хрущев арам ойын іске асыру үшін сол кездегі Қазақ ССР-ін басқарған Д.А.Қонаев атамызды басшылықтан босатып, орнына Исмаил Юсупов деген ұйғыр біреуді қойыпты. Сол ұйғырдың қолымен астықты өлкелерді — Батыс Қазақстанды, Ақтөбенің біраз бөлігін Ресейге, мұнайлы түбекті Түрікменстанға, мақталы Оңтүстік облысты Өзбекстанға қосып беріп, бүкіл Шығыс пен Жетісуды «Ұйғыр автономиялық республика» етіп құрмақ болған деседі. Н.С.Хрущев арам пиғылының жүзеге аспауына, қазақ мемлекетінің бөлшектенбей қалуына Л.И. Брежнев бастаған саяси бюроның Кремльдегі жасаған төнкерісі басты себеп болған дегенді құлағымыз естіді.
Бірді айтып, бірге кетеміз-ау, билік мансабын ел мүддесі жолында мансұқ ете білген, астықты өлкелерді Ресейге беруге табандап қарсы тұрған сол асыл азамат — Жұмабек Ахметұлы Тәшенов еңбек жолын біздің облыстан бастап, 1952-1955 жылдар аралығында облыстың, қаланың өркендеуіне зор үлесін қосқан екен. Өкініштісі, сондай ірі тұлғаға қаламыздағы қаптаған Тургенев, Некрасов сияқты көшелердің біреуінің атауын қия алмай отырғанымызда.
Мәсімовке байланысты 1960 жылдарды еске алып отырғаным түсінікті болған шығар. Өткен тарихтың опық жегізе жаздаған жәйттерінен сабақ алғанымыз жөн-ау.
Қарап отырсақ кіші жүзден биліктің биік мансабына барып жатқан тұлғалар көп емес екен. Кезінде Ж.Досқалиевті қандай күйге түсіргенін көрдік. Енді А.Мусинді елбасының қасынан кетіргенін көрдік. Тағы бірде «Тасмағанбетов таққа отырса» деген мақала оқыдық. Бұл жайды Тасмағанбетовты Елбасыға бақталас, жеккөрінішті етіп көрсету үшін арандату мақсатында жасалған тірлік деп білемін. Демек, тағы бір батыстық азаматты аяқтан шалу үрдісі іске асты дей беріңіз.
Мақсатым А.Мусинге ара түсіп, сөзін сөйлеу емес. Менің ара-ағайындығымды қажет ете де қоймас. Тұрақты жаздырып алып, жастана жатып оқитын жаныма жақын екі газетім «ДАТ» пен «Жас Алашым» құйтұрқы саясат ұстанушы, ел тұтастығына зиянын тигізетін, ниеттері лас әлдебір топтардың қолшоқпарына айналып кетпесе екен деген жанашырлық пендеуи тілек қой.
Айтылған сөздерді өзімнің жеке пікірім деп қабылдағайсыздар.

P.S. Мақала бұрынырақ «Жас Алаш» газетіне берілген болатын. Газет ұжымының ықшамдап, бірқатар өзгерістермен баспаға бергендеріне түсіністікпен қараймын.

Мырзағали Қартеменұлы.
Зейнеткер.

Кеше бір танысым машинасын ТЖО-ға апарған ғой, әңгіменің қысқасы, сонда бір орыс әлгі танысымды көрген соң сұрай бастапты. Басындағы тақиясына қарап «жақсы мұсылман» деп ойлаған екен. общым хиджама туралы сұрай бастайды ғой, қалай енді, мұсылмандар көп жасатады екен, емі жақсы екен, адамға жағады екен, соны алу керек еді деп, әлгі танысым енді мұсылмандар туралы айтып қалды ғой, (әлгі орыс христиан екен, мойнында айқыш бар). Хиджаманың жақсы екенін айтып келіп, сен христиансың ғой, қалай болар екен демей ме. сөйтсе әлгі сабазым «какая разинца?» депті ғой.
Оған екі қойың бір сом болып тұр ғой, дінде ешқандай айырмашылық жоқ сияқты көрінген ау деймін.
адам өзін мұсылман деу үшін оған куәлік керек, кәулік сөзі «Лә иләһә иллә Аллаһ, Мұхаммадур-РасулАллаһ» (Аллаһтан басқа Тәңір жоқ, Мұхаммед Аллаһтың Елшісі). Осыны тілмен айтып, жүрекпен бекіту.

2013 жылғы блогқұрылтайға қатысып келген «Керекшілер» көрген-білгендеріңді жазуды қашан бастайсыңдар? Қызығы мен нәтижелерін күтіп отырмын…

Еліміздегі оппозиция өкілдері Қазақстанның Кедендік одақтан шығуы, атом электр станциясын салуға жол бермеу, жекешеленіп кеткен стратегиялық маңызды кәсіпорындарды мемлекетке қайтару, әкімдерді сайлау мәселелері төңірегінде жалпыұлттық реферундум өткізуге тырысып жатыр. Егер Орталық сайлау комиссиясы қол қою парақтарын берсе, референдум өткізу үшін 200 000-нан кем емес қол жиналуы керек екен. Сіз қол қояр ма едіңіз?

Ноғай тілі қазақ тілінен аумай қалған деп еститін едім, мына әнді тыңдап таң қалдым