БлогКэмп осымен 4-ші рет өтейін деп жатыр. Демек артта біраз тәжірибе қалды деген сөз. Сол бұрынғы қателіктерді, кемшіліктерді қайталамай, биыл атына заты сай Құрылтай өтсе екен деп тілеймін.



Менің ойымдағы БлогКэмп — блогерлердің жәй жиыны. Бір бірімен оффлайнда танысу, қауышу, тәжірибе алмасу, араласу, бірге көңіл көтеру. Ал біздің көретініміз қандай БлогКэмп? Бұрын қандай қателер жасадық?

Ресмилік
Лауазымды тұлғалар, меморган басшылары, қоғам қайраткерлерін шақырып, оларға сөз беріп тым ресмилендіріп жібердік. Қарапайымдылық жоқ. Тым байсалды болып кетті.

Формат
БлогКэмпты көп адам ІТ-форумдармен шатастырып кетті. Ұсынатын, тыңдағысы келетін тақырыптар да блогосфера аясынан шығып кететін тақырыптар. Ондай ІТ тақырыптар үшін Шымкенттегі TechX, Астанадағы АИФ жеткілікті сияқты. Блогкэмпта блогерлер өз жазу техникаларымен, жарнамалау әдістерімен, пост жазу барысында қолданатын онлайн сервистер туралы, мультимедиа құралдары туралы әңгімелегенін қалар едім.

Контингент
Тақырыптан тым алыс жүргендердің келгенін қаламас едім. Блогосферамыз мықты болуы үшін алдымен элитар орта құрылуы тиіс. Жұрт сол шеңберге кіруге талпынуы керек. Сапа сол кезде артады.

Ынталандыру
Старт-аптардың не үшін өтетінін түсінбедім және солардың нәтижелерін де көрмедім. Егер демеушілерден түскен қаражат бар болса оны Алматыдағы алғашқы Құрылтайдағыдай түрлі номинациялар бойынша блогерлерге бөліп беру керек. Осындай ынталандырулар қажет.

Шығындар
Ұйымдастырушылар келушілердің жол және жатын орын шығындарына бас ауыртпаулары қажет деп ойлаймын. Әркім өзі үшін келетін болғасын әркім өз мәселесін өзі шешуі қажет. Шығындар мейлінше азайтылса біреуге тәуелділіктен де, жоғарыда айтылған ресмиліктен де құтылуға болады. Өткізетін орын, кофе-брейк, атрибутика шығындарын жергілікті органдарсыз-ақ 1-2 демеушінің көмегімен өткізуге болады деп ойлаймын.

Күнбағыстың шағып жейтін дәні қалай аталады?

Басталды…

Кейіпкерлердің о дүниеге қимастықпен, әлде қуана аттанып кетуі — хард-әдебиеттің тұздығы екені охуйрмандарымызға аян. Ал кейіпкердің орнына автордың Аид амигоға кете баруы… Мұныңыз енді… Әлбетте, қаламысуалғыр пяншік Фенимор Қапардың өзінің әбүйірінен де қысқа әңгімесымақтарын тек осындай техникасы үшін жариялап отырмыз. Шешесстің…

Тұра тұрыңдарш, өзім жылап алайын… Үхх құрысын… Болдым.
«Мыңбай Краштың шығармашылығы қалың жұртқа таныс» деп, қаззақтар сияқты өтірікті басжіверіп бастасам — алдымен анталаған қаззақ охуйрмандардың өзі пышақсыз бауыздап, соуссыз жеп қоюы мүмкін. «Белгілі қаламхер Мыңбай Крашты...» деп бастасам да, қапыда арттан айдап жіберулерің мүмкін сендердің. Ендеше жәй, «Мыңбай Краштың мынабір әлеуметтік-туыстық(?) қуындысымен таныс болыңыздар!» дегеннен басқа амал жоқ. Шешесстің…

Тек шеккенде айтылатын оқиға еді. Сазанбай©
Бір шәйханада егіздер Қарақұм мен Сарықұмның туған күнінің сәскелігі кереметтей деуге келмес көңіл-күймен өтіп жатты. Әрине дастарханда спіртті сусындарсыз сән болмастай арақ та, шарап та, арасында саптыаяқтатып сыра да кетіп жатты. Ақшам түсе финалға Ауған, Шайтанжәнібек, Миллионәбухан және Мен өтіппіз. Туған күннің кешкілігін жалғастыру мақсатында төрттік енді кенттің орталық алаңына қарай аяң басты. Онда екінші қабатта орналасқан ашық аспан астындағы шәйхана бар еді. Сол еске түскен шығар бәлкім.

Не айтатыны бар, өткен ғасырдан бері түз баласы боп кеттік. Ойылда бастауыштан өтіп, шетінен қырып келе жатыр едім, ортаңғы ұлды қос рәдителдің ешқайсысы зәру көрмей, 10 жасымда қалаға оқуға аттандырып жіберді.
Түскен жерім дарынды балалар мектеп-интернаты деп аталады. Кәдімгідей емтиханмен қабылданған пысықтардың қатарынанбыз. Жыл он екі ай — үш қабатты, ескі, бірақ сыры кетсе де сыны кетпеген ғимараттамыз. Өтірік айтам, жыл он екі ай емес, оқу жылы бойына. Интернат — қызыл сары, тіпті оранжды сырланған, оның өзі ескіріп, кей тұсының кірпіші көрініп жатыр. Жергілікті атқамінер шпаналар фасадын одан әрі сорлатып кететіні бар. Бұл жатақханамыздан 100 метрде мектеп тұр, ол да бояушы, бояушы дегенге орай, сәбіз түстес қып сырланған. Ғимараттың ескі екеніне, Екінші Дүниежүзілік соғыста атқыштар бригадасының штабы болғанына мемлекеттің мұртын балта шаппайды. Мұрты жоқ, одан бөлек саяси тұтқындар салудайын салған екен ғимаратты, әлі 100 жыл қызмет қылатын сияқты.  

Масаң дойбы — ұлы ішістерде, керемет демалуға арналған дәруішөлгендік ұлттық ойын.
Масаң дойбы ойнау үшін қажетті инвентарь:
1. Дойбыны алмастыратын, ішу үшін қажетті арнайы ыдыс — 24дана, яғни екі набор 12ден, бір бірінен ажыратылатын, ақ-қара орнына. Ыдыс кезкелген материалдан жасалуы мүмкін, бес теңгенің пластик стақаны да бола береді. Немесе ыдыстардағы сұйық түсі әр түрлі болуы мүмкін.

Қыркүйекте Қазақстанның Қорғаныс Министрлігі және ҚР Қарулы Күштері Құрлықтық әскерінің бас қолбасшысы басқармасының шақыртуымен мен Қарағанды облысы, Спасск елді мекеніндегі оқу полигонында болдым. Жыл сайын мұнда әскеріміздің мобилизациялық ресурстарын жұмылдыра отырып, негізінен Қарағанды облысының 27-40 жас аралығындағы 900 әскери міндетті адамдарының әскери-оқыту жиыны өтеді. Қазақстандық әскер кәсіби келісімшарттық негізге көшуді бастағанын ескеретін болсақ, дәл осындай оқу орталықтары келешекте жұмылдыру қорын дайындауда басты рөлді ойнайтын болады.

1940-жылдары Спасскте әскери тұтқындарға арналған арнайы лагерь ашылған болатын, онда 40 –тан астам ұлт өкілдерінен құралған 70 мың адам қамалған еді. Қазір Спасск жанында жерленген адамдар санын анықтау қиынға түсетін мемориалды зират орналасқан. Төмендегі суреттегі қабырғаны да өз кезінде әскери тұтқындар тұрғызған болатын. Лагерь жабылған соң, Спассктің ұмытылғаны да түсінікті болар, тек соңғы жылдары ғана ол қалпына келтіріліп, сол орында әскери міндетті адамдарға оқу орталығы ұйымдастырылды.

Қазіргі кезде Спасскте айлық жиындар кезінде әскери міндетті адамдарды автоматшылар, граномет атқыштар мамандығы бойынша даярлайды, атқыш қаруларды және әскери техниканы пайдалануға үйретеді, физикалық және теориялық әскери дайындықты жүргізеді.

Атыс алаңында

Әскери міндетті адамдар мерзімді әскерге шақырылатындардан біріншіден, жасымен, демек, сәйкесінше өмірлік тәжірибесімен де ерекшеленеді. Сол себепті, оларды оқыту ыңғайы да ерекше келеді-олармен қажетті дайындықтан өткен офицерлер мен келісімшарт бойынша сержанттар жұмыс жасайды.


Дәлдікпен атқылауға үйрету.

Алғашқы медициналық жәрдем көрсету бойынша сабақтар.

ҚПГ(РПГ)-дан атқылау.

Біз де ПМ-нен атқылау бойынша өз күшімізді сынап көрдік.

Осы орталыққа кіруге мүмкіндік берген, әскери бөлімнің командирі, подполковник Самат Сергеевич Баирбеков, атқылау бойынша нұсқаулықты өзі жүргізді.

Атыс алаңында орналасудың үлкен бір кемшілігі — бұл адамда үлкен қызығушылық оятады, сол себепті атыстан кейін тирге жазылғың келеді.

Дегенмен де, көзім сәл нашарлау көретін болса да, атысым да жаман.

АРД кедергілер жолағы (мағынасы — «Атлетизм. Резкость. Дерзость» — «Атлеттілік. Кенеттілік. Өрескелдік»).


Әскери техниканы айдау бойынша сабақтар.


Бір сағат бойы өзіңді танк жүргізушісі ретінде сезінуге мүмкіндік туды.

Танктің ішінде шын мәнінде «глухо» болатынына көз жеткіздім, танктік сөйлесу құралынсыз тіпті жаныңда отырған адамның сөздерін есту мүмкін емес.

Спорт ағылшын тілінен аударғанда «ойын, көңіл көтеру». Спортты біз қалай түсінеміз, спортқа деген көзқарас? Жалпы қазақ халқы спортты қаншалықты сүйеді, қаншалықты күйінеді. Спорт ол жұдырық алып, көше төбелес емес. Спорт-ол мәдениет. Спорт-ол интеллектуал. Спорт-ол қозғалыс.Спорт-ол күрес. Спорт әр адамның өмірінде орын алып жатыр. Қарапайым ғана жүгіру мен жүру немесе баспалдақпен жоғары -төмен түсу. Спорттың адамға берер пайдасы шаш етектен. Үнемі бір формада болу, сұлу бітімде қалыптасу, денсаулықты жақсарту және творчестволық-интеллектуалдық қабілетті өсіру және де мінез құлық қалыптасады.Алға қойған мақсатқа жетуді және қалай жеңу жолдарын үйретеді. Көңілімізге қуаныш пен күш сыйлайды.Әрі спортпен айналысып жүрген замандастармен ешқашан зерікпейсің де. Егер өзінің сүйікті спорт түрімен айналыссаң зерігуге де уақыт жоқ. Әр спорттың өзіндік заңы мен тарихы бар. Біздің елде қай спорт саласы жақсы дамыған және дамымай ақсап келе жатқан түрі бар. Алдағы уақытта біле жатамыз.
Жалпы спортты бөліп қараймыз. Кәсіпқой спорт, әскери қорғаныс спорт, ұлттық спорт, көпшілік спорт және спорттың жоғарғы жетістігі.