Facebook әзірге mail.ru-ға балама бола алмас деп ойлаймын. Әйткенмен Қазақстандық интернет қолданушылар орыс тілді виртуалды кеңістіктен ағылшын тілді әлеуметтік желіге сіңісе бастады.

Neweurasia.net сайтына жазба әзірлеп отырып, байқап қалдым. Қазақстан Facebook қолданушылары бар 213 елдің ішінде 103-орында тұр. (кестедегі бірінші баған тіркелген қолданушылар санын, екіншісі сандық және пайыздық өсуді, үшіншісі интернеттегі алар үлесін көрсетеді)


Орталық Азия елдері ішінде бірінші орында екенбіз. Соңғы айларда facebook қолданушылар санының көбеюін mail.ru акцияларының Лондон Қор Биржасында сатылуымен байланыстырушылар бар. Facebook иелері ресейлік ақпараттық-ойын сауықтық порталдың минориталды акциясын сатып алыпты [орыс.т].

Жігіттің үш жұртының бірі осы нағашы жұрты. «Жігіт жақсысы нағашыдан» деп айтып жатамыз. Бірақ үйге келген қонақтар «Балаң нағашысына тартқан ба?» десе намыстанамыз. Баламыздың жаман қылығын көрсек «Нағашысына тартқан жаман неме!»деп сөгеміз. Сіз өз нағашыңызбен қалайсыз, балаңыз ше?

Алматылық блогшылар және қаланың қонақ-блогшылары!

Осы сенбіде Алматыда өтетін минибар МедиаНет халықаралық журналистика орталығының кеңсесінде болады. Әдеттегідей алты жарымда (18.30-да).

Мекен-жайымызды: Қазыбек би (бұрынғы Советская к-сі), 50,
3 қабат, 100 кеңсе, Панфилов пен Фурманов көшелерінің ортасында, СОХО
ресторанының қарсысында, жолдың үстіңгі жағында, 3 қабатты, ауыр ағаш есікті ғимарат.

Білетіндеріңіз білмегендеріңізге айта жүрерсіздер.

Бүгін бір форумнан бір ойынды көріп қалып, енді соған уақыт құртып отырмын :)

http://jokesland.narod.ru/ugmk.html

Үлкен квадраттың ішіндегі қызыл квадратты ұстап жүруіңіз керек, ішінде айналып жүрген көк тіктөртбұрыштарға және үлкен квадраттың шекараларына тигізбеу керек. Рекордтарыңызды осында жазып отырыңыздар

Өткен жұма күні Dabai Kerekinfo болмай тұрған кезде Мақпалдың жазып алып, әзірлеген үнхабары.

Ескерту: Арнайы еш дайындықсыз жазылды.

Неге тіркелу керек?
Қандай тақырыпта презентация жасаған дұрыс
Құрылтайда ақша жоғалтып алсаң не істейсің
Блог Байқауға қатысыңдар!
т.с.с. тақырыптарды түртіп өтеміз.

Керекшілер қажетіне жаратар.

Dabaileaks дегеннің не екенін Wikileaks жобасын естігендер білетін болар. Енді не себепті ол dabai болды десек, dabai.kz сайтының белсенді мүшелері мен қазақ блогшылары бірігіп Алматы қаласында 19-20 наурыз күндері BlogCamp: Блог құрылтай өткізбек ниетте. Осы шараның жұмыстарын үйлестіру барысы көпшілікке ашық болу мақсатында dabaileaks деген тақырыппен жазбалар жарияланып жатыр.

Осы аптада Астанаға жолым түсіп, (жол қаражатына жәрдемдескен AGT-Қазақстан компаниясына көп рахмет) ондағы блогшылармен кездестік. Үйіне қонақ қылып, осы жазбаны жазу үшін интернетімен бөліскен Ерлан Оспан ағамызға да алғыс айта кеткенім орынды болар.

Алматылық блогшылардың сенбілік кездесулері дәстүрлі болса, астаналық блогшылар алғаш рет бір-бірін жүзбе жүз көрген екен. Төмендегі видеодан кездесудің бір үзіндісін ғана көре аласыз.

Сонымен Азиада да бітті. 70 медальмен бірінші орын алдық. Ел-жұрт қуануда. Қуаныштың да бір шкаласы болуы керек сияқты менің ойымша. Азиаданың қуаныш шкаласы Олимпиададан да асып кетті. Әлемдік бір жарысты жеңгендей болып қуандық. Неге? Менің ойымша халық спорттан сауатсыз, сондықтан болды осындай "үлкен" қуаныш. Кімдермен жарыстық, кімдерді ұттық? Корея, Жапония, Қытайлар қысқы ойындар бойынша әлемде бір салмағы бар ма еді? Хоккейден А тобына шыға алмай жүрген жапондарды ұтқанымызға қуануымыз керек пе? НХЛдан кейінгі мықты лига болып саналатын КХЛда ойнайтын Барыс хоккейшілері жапондарды шашып тастауы керек еді, олай болмады. Олимпиадалық спорт түріне жатпайтын допты хоккейден 3 құрама ғана қатысқан жарысты жеңдік, осы ма қуаныш? Биатлоннан оқтар тимей жатса да өздігінен нысаналар жабылыпты, осы ма қуаныш?

«Астана Арландары» алдыңғы күні «Баку Файырстан» тағы да 4:1 есебімен ұтылып қалыпты :(. Азияда бокстан қазақтарға өзбектен мықты қарсылас жоқ деп ойлаушы едім. Басқа клубтарды осы уақытқа дейін таза жеңіп жүріп, Бакулік боксшыларға тіс батыра алмағанына таңмын. Опшым, төртінші кездесулерін өткізбей-ақ қойса болатын сияқты ма, қалай өзі, былай?

Ертеректе, плазмалық панельдер сән мен мекеменің кемелінің көрсеткіші болғанда, бір емес, екі плазмалық панель алдық қой барып.
Біреуі әп-сәтте-ақ басшының кабинетіне жол тартты; ал екіншісін, нақ сол басшымыз аз-мұз ойланып тұрып: «программисттерге беріңдер, керегіне жаратсын!» деп әмір берді. Бұл жерде, әкімшілік әмірдің райын түсінетін адам, «керегіне жаратсын» деген сөзден — рақатын көрсін дегенді емес, осы мекеменің игілігіне жаратсын деген мессежді ұғуы керек.
"Қайда тығам? Оқытушылар бөлмесінде оқу материалдарын қарайтын видеокешен қылғым келді. Ой, қызық емес" Сабақ кестесін көрсетіп тұратын болса дедім бір кезде. Бірақ, 30 топтың барлығын кезекпен айналдырып көрсеткенше, онсызда асығыс-үсігіс студенттер қиратып кетер деп қорықтым. Ақыры не керек«жүгірме жол ұйымдастыруды шештім. Яғни қоңырау кезінде, радиодан құттықтау айтылады, ал панельден туылған күн иесінің суреті мен, астында құттықтау сөз жүгіретін болса деп ойладым. Шешілді-бітті: төрт күннің ішінде панельдің бетін компьютерден басқаратын программа жазып шықтым. Бұл бір жаңалық болды-ей: кейін туылған күннен басқа, хабарландыруларға да пайдалана бастадық. Бір шикіөкпе, талабы бар студентті алып, хабарландыруға жауапты қылып, отырғызып қойдым.
X күні. Дәлірек — xxx күні
Дәріс оқып жатқам. Тіл-құлақтан айрылған вахтер жетіп келді. „Анда“ Бізде» Төменде"" дейді кемсеңдеп.
Барсам" Бәлкім, сол жерде тышқан жүгіріп бара жатса, артынан ере жүгіріп, кірген тесігіне мен де кіріп кетер ме едім"
Не бетімді айтайын: плазмалық панельде кәдімгі классикалық, неміс үлгісіндегі порнофильм көрсетіліп жатыр!
Өкпемді қолыма алып жүгіріп, басқару кешені орналасқан бөлмені ашып қалмаймын ба? Онда құлағына құлаққап киіп алып, дүниені ұмытқан студент мәтін теріп отыр"
Сүйтсем, оқиға желісі шамамен былай өрбіген. Біреу біздің байғұсқа «мына екі бетті теріп, мынаған көшіріп берш» деп, флэш береді. Бұл келіп, флэшті компьютерге тығып қояды да, өзі мәтінді тере бастайды. Жадыда жалпыадамзаттық құндылыққа ие файлдардан басқа, порнофильмдер де жатқанға ұқсайды. Қағылез Winamp видеофайлды автоматты түрде ойнатып кеп жібергенге ұқсайды.
Кейін мұндай курьездар көптеп кездесті ғой. Слайд әкелінген флэштерді салып қалғанда,
үлде мен бүлдеге оранған баяндамашы қыздың, үйінде баналды халат-тәпішкімен жүргенін де көрдік. Сиырдан салмақты ағайлардың туылған күн кешінде бақырып ән айтып отырғанын да көрдік.
Түйін біреу: флэштің мазмұнын жеті мәрте қарап алып, бір рет сал!



Мақала сілтемесі: http://xattama.wordpress.com/2011/01/30/hardware/