Интернет парақтарындағы жарнамалар. Орындысы да бар, орынсызы да бар. Интернет парақтарын шолғанда оның мазмұнын сүзгіден өткізсе жақсы болар еді. Internet Explorer 9-дың «tracking protection» мүмкіншілігін пайдаланайық. Түсінікті болу үшін бірден іске көшейік. Internet Explorer 9 көмегімен келесі интернет парағын ашып http://mp3crazy.ru көріңіз де жауып тастаңыз (жарнама барына көз жеткіздік). Енді http://gavr.in/adblock парағын ашыңыз. Add Evgeny Gavrin's TPL сілмесіне басыңыз, сол кезде сұхбат терезесі қалқып шығады. Сұранысына оң жауап береміз. Қайтадан mp3crazy.ru/ интернет парағын ашамыз. Парақтың бірнеше жерінде бос орындар пайда болады. Бұл орындарда жарнама болған.
Жазбаға негіз болған деректер http://habrahabr.ru/post/113881 парағынан алынған.

Ескерту: сүзгіні қосқаннан кейін кейбір интернет парақтарының интерактивті элементтері (101.ru) дұрыс қызметін атқармауы мүмкін. Осындай кезде сүзігіні тоқтатуға болады.


Cүзгінің қосқанға дейін:


Сүзгіні қосқан соң:

Балалық шағым есіме түсіп тоқтай алмай қалдым ғой…
Кенже ағам отбасымыздағы ең кенжесі. Алдында Алланың берген 10 аға-әпкелері бар. Содан ба екен, есерлігі де, еркелігі де басымдау. Бірақ бұзықылыққа қимаймын. Халқымызда айтатын «ақылды тентектіктің» үлгісі шығар. Сабаққа жүйрік. Алдына жан салмайды. Тек есі кетіп Ботаға ғашық болатын бала күнінде. Сол Бота үшін талай қиқарлығын да көрсеткен.
Менің 7 жасымда ма еді, есімді енді біліп жатқан кезімде, папам мен мамам енші алып бөлек кетті. Атам мен әжемнің Кенже ағамнан соңғы кішіболып бауырға басқан қызы болып қолдарында қалдым. Көрген-баққаным Кенже ағам болды. Кенже ағамның соңынан қалмайтынмын. Бар құпиясын Дарханға айтса да қасында мен отыратынмын.
Ағам мен Дархан досы екеуі кешкісін түрлі сылтау тауып, ағамның ғашығы Ботаға бір күні әдебиет сұрап барады, бір күні химия кітабын сұрап барады. Кездесудің сылтауын табады әйтеуір, әйтпесе мектепте бір сыныпта, бір партада отыратын қызға сонша өліп өшкенін түсінбей мен аң-таң, апам да аң-таң.
Бір күні ағам ғашығы екеуі ренжісіп қалыпты. Тағы да есесін қайтармақ болды. Дархан екеуі "Ғасыр жоспарын" құрды.
Сондағысы не дейсіз ғой…
Екі оңбай қалған ағаларым, әкемнің бір тележка етіп уйге әкеп тастаған қарбыздарынан ең әдемілерін, ең үлкендерінен 2 қарбыз алды да, кіші дәретке тостағанға отырып, шприцпен сорып алып қарбызға укол салды. Сөйтіп, екі қарбызды Ботаға апарып, үйінде отырып өз көздерінің алдында Ботаға, мамасына, Ботаның сіңлісіне жегізіп келген ғой.
Фуййййййййййй, жиіркенішті ия?
Мектеп бітірген соң 5 жылдан соң екеуі үйленді. Екеуі ренжіссе, "қарбыз жегізем" деп қорқытады бір-бірін…
Қыздар дейм, жігіттер берген сыйлыққа абайлап қараңдар…

Биылғы қыс жаныма мұң сыйлаған
Мен енді терең деммен күрсіне алам
Әжем кетті Фәниден Бақи жаққа
Кеудеме шуақ құйып, нұр сыйлаған

Көктемде қуантпады жылдағыдай
Айымның сол жағымнан туғаныма-ай
Мамыражай мамырда атам кетті
Болар деп кім ойлаған тура былай?!

Демеймін әлі шикі бозөкпемін
Келмейді бірақ жылап безектегім
Жаныма бір жылылық сыйлаңдаршы
Жаз бен күз күтіп тұрған кезектерін

Біздің Әтош 9 жаста. Денесі толық, қара торы. Кезінде түскі аста бір қой етін жейтін атасына тартып өсіп келе жатқан деседі. Жазғы мектеп оқуының демалыс кезінде қонаққа Алматыға барыпты. Ауылдың баласы үйде отыра алмай, үйдің ауласына шығып жүре беріпті. Бірақ, бірге ойнайтын бала таппапты. Бірде өзі жалғыз ауланы кезіп келе жатса, телевизордан көріп жүрген Жамбыл атты ақын балаға ұқсас баланы көреді. Қуанып кетіп:
-Сен Жамбылсың ба?, -дегенде, әлгі бала бірдеңе деп орысша жауап беріпті. Әтөш жақын келіп, орысша болсын сұрап білмекші болып балаға беттейді (көзін жеткізу үшін). Әлгі бала оның жақындап келе жатқанын көріп қаша жөнеледі. Әтөш артынан жүгіріп келеді. Әбден ентігіп шаршаған соң, бетіңдегі тер тамшыларын алақанымен ысырып тастап, ойланып тұрып қалады да:
-Жамбыл қазақша сөйлейді деп атам айтқан еді- сол кезде санын қолмен сарт еткізіп:
-Эх, -деп жүре беріпті. Орысша сөйлеген баланың артынан текке қуып жүргіргенін түсініпті. Сөйтіп қаладан жолдас таба алмай, Әтөш ауылға қайтыпты.

Қадірлі достар, сіздерге Алматы қаласындағы «Орталық Азиядағы Интернет саласының дамуы InternetCA-2013» форумы өтетіндігін хабарлаймыз.
Интернет-форум Алматы қаласында 2013 жылдың 23-24 мамырында «Достық» қонақ үйінде (Құрманғазы к-сі 36, Қонаев к-сі қиылысы) өтеді.

Форумға Германия, Грузия, Ресей, Украина, Литва, Қырғызстан, Тәжікстан, Өзбекстан елдерінің сарапшылары қатысады.

Форумға онлайн-тіркелу жалғасуда. Шараға қатысу тегін. Егер сіз форумға қатысқыңыз немесе журналист, блогер ретінде тіркелгіңіз келсе, келесі үлгіні толтырыңыз.

Форумның алғашқы күні конференция түрінде өтсе, екінші күні сарапшылар екі қатарлы сессия айналасында мастер-кластар өткізеді. Бағдарламаны мына сілтеме арқылы көруіңізге болады.

Форумның негізгі тақырыптары «Интернет желісі аясындағы мемлекеттік саясат», «Ғаламтордағы сөз бостандығы мен жеке өмірді қорғау», «Желідегі ақпараттарға қол жеткізу», «Электронды үкіметтің дамуы», «Интернет журналистика», «Интернет-құралдардың тиімді коммуникациядағы рөлі», «SMM және блогинг», «Интернет-жобалардың монетизациялануы», «Интернет-сатылымдар» және т.б болмақ.

Шарадағы сарапшылар қатарында ЕҚЫҰ Өкілдігінің БАҚ бостандығы мәселелері бойынша бюросының директоры — Андрей Рихтер, журналистерге құқықтық тұрғыдан көмек көрсету орталығының құқықтық сарапшысы, РФ Қоғамдық палатасының консультанты — Борис Пантелеев, Литвадағы Журналистер Одағының төрағасы — Дайнюс Радзявичус, «Стоп цензуре» журналистік қозғалысының белсендісі Наталья Соколенко бар.

Сонымен қатар, «Айтабер» сайтының админі Садық Шерімбек, «AppleSinn» техникалық көмек көрсету және бағдарламалармен қамтамасыз ету орталығының Бас директоры-Нұрлан Құлымбетов және тағы да басқа танымал қазақ блогерлері баяндама оқитын болады.

Шара Астанадағы ЕҚЫҰ Орталығының, Сорос-Қазақстан және Қазақстандағы Конрад
Аденауэр атындағы қор Өкілдігінің демеушілігімен ұйымдастырылды.

Барлық сұрақтар бойынша MediaNet ХЖО жоба және PR үйлестірушілері Василина Ворковаға (vassilina.vorkova@gmail.com) және Дінмұхаммед Зиядинге (aliziyadin@gmail.com) сонымен қатар +7 727 261 66 69, 261 27 90 телефондарына хабарласыңыз.
Достар! Барлығыңызды форумда көремін деген үміттемін! Кездескенше

Соңғы күндері пост жазбай кеттім. Еш жерде. Керекинфода да, Смартшоу, тіптім Майкрософттың өзінде де. Оның басты себебі және сылтауы: «Диплом»! Неге? «Диплом» деген ойдың өзі адамды шаршатып жібереді. Сол себепті 27-і күні диломымды қорғап болғаннан кейін, бизнеспен айналысып кетпесем, посттарды жазуды жалғастырамын.

Қандай бизнес? Өзім де анықтай алмай жүрмін. Әрі бері «нишаларды» көріп жүрмін. Қайсысынан телефон қоңыраулары көп болады сонымен айналысатын шығармын деп ойлап жүрмын.

П.С.

«Егер сіз бизнеспен айналысқыңыз келсе, өте қиын болатынына дайын болыңыз!» — деп миллионер секілді айтып кетейін)

Талантты жас

14.05.2013

«Нұр Отан» ХДП «Жас Отан» ЖҚ Қызылорда облыстық филиалы және республикалық «Сыр ұланы» балалар мен жасөспірімдер газетінің ұйымдастыруымен «Талантты жас» байқауы өткізілді.

Байқаудың марапаттау рәсімі 3- мамыр күні Облыстық оқушылар сарайында өтті. Аталмыш байқауға Қызылорда облысының әр аймағынан жалпы саны 583 үміткер қатысты.

«Талантты жас» байқауы 5 номинация бойынша жүргізілді.

Бас жүлде «Талантты жас» — оқу үлгерімі өте жақсы деген бағамен білім алып жүрген республиқалық байқаулардың жеңімпаздары қатысты. Аталған номинация бойынша жүлделі орын иегерлері:
ІІI орын Сырдария ауданы № 44 мектеп оқушысы Дәмежан Гүлбану және жетекшісі Шалбаева, Ақтолқын.
ІІ орын Қызылорда қаласы № 9 мектеп — гимназия оқушысы Садық Ақбота және жетекшісі Палмағанбетова Гүльшат.
І орын Қазалы ауданы № 249 мектеп- лицейінің оқушысы Берікбол Төлеген және жетекшісі Мафруза Текеева.

«Жас, ақын» — сезім иірімдерін қағаз бетіне өлең етіп түсірген, өмірін өлеңмен өрнектеп жүрген, ақынжанды оқушылар қатысты. Аталған номинация бойынша жүлделі орын иегерлері:
ІІІ орын Жалағаш ауданы № 232 мектеп оқушысы Наргиза Бектай және жетекшісі Жұмағұлова Жанар.
ІІ орын Қазалы ауданы № 249 мектеп- лицей оқушысы Шамшадин Ерсін және жетекшісі Алпысбаева Анаргүл.
І орын Жаңақорған ауданы № 54 мектебінің оқушысы Болатов Нұрбосын және жетекшісі Сейдалиева Нұргүл.

«Жас қаламгер» — мектеп жасында жүріп прозаға қалам тербеген оқушылар қатысты. Аталған номиниция бойынша орын иегерлері:
ІІІ орын Қызылорда қаласы № 264 мектеп -лицейінің оқушысы Канибай Нұрсая және жетекшісі Молдахметова Ұлған.
ІІ орын Арал ауданы № 81 мектеп оқушысы Әуесхан Әсия және жетекшісі Есенбаева Бағила.
І орын Шиелі ауданы № 47 мектеп оқушысы Әлиев Нұржан және жетекшісі Гүлмира Рүстемова.

«Ойлы оқырман» бос уақытын үнемі ізденіп мектеп кітапханасында өткізетін жас оқырмандарға арналды. Аталған номинация бойынша жүлделі орын иегерлері:
ІІІ орын Қызылорда қаласы № 217 мектеп оқушысы Жоламан Мадияр және жетекшісі Сарыбаева Үрлайм.
ІІ орын Арал қаласы № 220 мектеп оқушысы Реймова Айжан және жетекшісі Оңалбекова Жадыра.
І орын Қызылорда қаласы № 264 мектеп -лицейінің оқушысы Жақсылықова Назерке және жетекшісі Рахметова Манат.

«Сырлы бояу» атты номинациясында «Тәуелсіз елдің ұланы» атты тақырыпта жас қылқалам шеберлері бақ сынады. Аталған номинация бойынша:
ІІІ орын иегері Қызылорда қаласы № 264 мектеп -лицей оқушысы Жақсылық Ақбөпе және жетекшісі Қалымбетов Әліби.
ІІ орын Жаңақорған ауданы Алшекей атындағы өнер мектебінің оқушысы Камал Данагүл және жетекшісі Қошарбаев Қалдыбай.
І орын Қазалы ауданы № 93 мектеп оқушысы Сансызбай Еркежан және жетекшісі Жамбылова Назгүл.

Марапаттау барысында республикалық «Сыр ұланы» балалар мен жасөспірімдер газетінің бас редакторы Жүзеев Серікхан Әлханұлы байқауға қатысып, үздік нәтижеге қолжеткізген оқушыларға «Жас тілші» атты куәлігін тапсырды.

Марапаттау соңы коцерттік бағдарламаға ұласты. Сахнада облысымыздың жас өрендері өздерінің өнерлерін ортаға салып, көрермендердің зор қошеметіне ие болды.

Ең алғаш Астанаға студент болып келген кездері «Нағыз қазақ осылар»(Вот настоящий казах) дегенде кекетіп жатқандай көретінмін. Бірақ, ойымды айтуға орысшам жетпейді. Үндемей жүре бердім. Орысшам жетілгенде бәріне айтармын дегенмін іштей.
Орысша үйрендім. Біреуден әрі, біреуден кері. Тіл білген жақсы. Бірақ, оны шет тілі деп санамайды ғой бізде. Өмір сүруге ғана керек. Жүре келе пікірім өзгерді. Өзім сияқты қара домалақтарды шын құрметтегеннен айтқан екен. Бірақ енді өкініп жүрмін. Өкінбей ше? Сол уақыттағы ауылдық ойдағы, қаймағы бұзылмаған қазақылығымды жоғалтып алдым. Бәрі де байыбына бармай көтерген көкіректің кесірі.
Шет елдің тілі мен мәдениетін жоққа шығарудан аулақпын. Тек, өзімнің өткенімді ұмыта бастағанымды енді түсіндім. Бәрінен ең ауыры — кеше туған тәтемнің (әпке) қоңырау шалып «Уақытыңды алсам ренжімеші...» дегені болды. Жүрегімді жұлмалап жатқандай сезім кештім. Демек, бұған дейін қоңырау шалғаны үшін ренжігенім болғаны ғой. Сонда менің ата-анасын апта бұрын бекітілген кесте бойынша қабылдайтын Еуропалықтардан айырмам қанша? Олар сөйтеді екен деп күлеміз. Қайта олар мұнысын жариялы жасайды. Жасандылық жоқ. Ал біз ше?
Жоқ, мұным болмайды! Бірді айтып, екіншісіне кетіп қала бердім. Қысқасы, нағыз қазақ бола алмасам да, бауырларымның серігі бола білейін. Олардан артық отаным жоқ. Сіздер де өздеріңізді жоғалтып алмаңыздар!!!

Фрэнк Лэмпард… Ағылшын футболы мен әлем футболына танымал есім. «Вест Хэм» клубының негізгі құрамынан орын алып, Англия футболының алғашқы баспалдақтарын басар сәтте оны көпшілік бірден тани қоймады. Ол кездері Стивен Джерард, Рио Фердинанд, Майкл Оэуен сияқты футболшылардың жұлдызы жарқырады…


2001 жылы «Вест Хэм» сапындағы беймәлім бозбаланы атақты лондондық клуб «Челси» сатып алды. Оның қабілеті мен шеберлігіне көз тіккен «Челси» басшылығы Фрэнктен үлкен үміт күтті.

2003 жылы белгілі ресейлік олигарх Роман Абромович «Челсиді» сатып алды. Аз ғана уақыт ішінде ақсүйектер Англиядағы үздік ұжымдар қатарына енді. Ал, «Челси» сапында қадамын енді басқан Лэмпард ұжымның мықты ойыншларының қатартына кірді. Еңбексүйгіштігі мен табандылығынын арқасында талайды тамасандырыр футбол көрсетіп, керемет деңгейге көтерілді. Дәл қазір Фрэнк Лэмпардттың футбошылық карерасындағы маңызды даталарды саралап өтсек…

11 маусым 2001 жыл- Дәл осы күні Фрэнк Лэмпард өзінің туған клубы «Вест Хэмнен» қазір ойнап жүрген «Челсиге» ауысты.

2 қыркүйек 2001 жыл- Дәл осы күні ол «Челси» сапындағы алғашқы ресми матчын өткізді.

2004-2005 жылғы маусым- Фрэнк дәл осы маусымда АПЛ-дің барлық жартылай қорғаушылары арасындағы көп гол соққан жартылай қорғаушы атағына қол жеткізді. Дәл осы маусымда ол 12 голдың авторы атанды.

30 сәуір 2005 жыл- «Челси» арада 50 жыл салып Англия чемпионы атанды. Лэмпрд Премьер-лиганың соңғы және жауапты матчында «Болтонға» қос доп соғып, дубль орындады.

16 ақпан 2008 жыл- Дәл осы күні Фрэнк «Челси» клубы сапында жүзінші голына көрімдік сұрады.

12 наурыз 2008 жыл- Дәл осы күні ол Англия Премьер лигасындағы алғашқы покерін жасады. «Дерби Куанти» клубына қарсы ойында қарсылас қақпасына қатарынан 4 допты тоғытты.

24 сәуір 2008 жыл- Оның өміріндегі ең сәтсіз күн. Дәл осы күні оның анасы Пэт Лэмпрд аыр науқастан қайыс болды…

30 сәуір 2008 жыл- Анасының қазасына қаймықпай, қайсарлық танытқан ол дәл осы күні Чемпиондар лигасының жартылай финалында «Ливерпульге» керемет гол соғып «Челсиді» финалға шығарды.

21 мамыр 2008 жыл- Чемпиондар лигасының финалы….Фрэнк Лэмпард «Манчестр Юнайтед» қақпаснына гол соқты және осы маусымдағы чемпиондар лигасындағы үздік жартылай қорғаушы атағына қол жеткізді.

13 тамыз 2009 жыл- Дәл осы күні ол «Челсимен» 5 жылға келісім-шартқа отырды. 39 млн фунқа келісімге келген ол Премьер лигадағы жалақысы жоғары ойыншылар тізімінде көш бастады.

17 қаңтар 2009 жыл- «Сток Ситиге» қарсы ойында ол «Челси» сапындағы 400-інші кездесуін өткізді.


24 желтоқсан 2009 жыл –Фрэнк Лэмпард Англия футболындағы соңғы онжылдықтың (2000-2010 жылдары) үздік футболшысы атанды.

19 мамыр 2012 жыл- Чемпиондар лигасының финалы… «Челсиді» чемпиондар лигасының финалында капитан ретінде Фрэнк Лэмпард бастап шықты және капитан ретінде Мишел Платиниден Кубокті алып басынан асырды.

17 наурыз 2013 жыл- Лэмпард «Челси» сапында 200-інші голын соқты.

Дәл осы матчтан кейін журналистерге берген сұхтында:

-«Челсиге» алғаш келген сәтте дәл осындай деңгейге көтерілемін деп ешуақытта ойлаған жоқпын. «Челси» сапында 200 матч өткізген сәтте қалай қуанғаным әлі есімде, ал 200 гол соққан кезде қуанышым қойныма сыймады.

«Челси»-бұл менің өмірім. Бұл клуб менің мәңгі жүрегімде…