Мен бугын қарапайым пенопласты кесіп алдым сосын оны тор тор темірге орналастардъм төрт бұрышты корапша қылып екі жағына тесік салдым сосын оған су құятын жалпақ ыдыс қойдым тауық жұмырткасын коятын сетка орналастырдым сосын ен бастысы жарық 9вттық төр лампа орналастырдым міне осылай қарапайым инкубатор жасауға да болады екен ғой суретін кейін саларым

Мені бүгін жақсы, ұйқым қанып тұрдыv.Барлығымыз таңғы ас ішіп, автобусқа жөнелдік.Алда үлкен мақсат, Агрофирма «Родина» ЖШС сүт зауытының тарихы, заманауи технология жабдықтарымен танысу.Әрине ол Астанадан жырақта орналасқан.(70км)Әрине ондай алыс жерге барар кезде кімде – кімнің ішін пыстыратыны анық. Барар кезде теледидардан мультфильм көріп бардық.Сол мультфильмге кіріп кеткеніміз соншалық қасымызда отырған достарымыздың әнгімесін естімейде қалдық.Бір қарасам автобус тоқтағалы жатыр екен.70км жерді тез арады жүріп тастаппыз.Келдік.Түсе сала ауыл иісі мұрнымды жарып жіберді.Өзімнің ауылым есіме түсті.Ауылымды қатты сағыныппын. Осы жақта кішкене болсада сағынышымды бастым.(Ауыл керемет қой) Осылайша әрі қарай сол сүт зауытымен танысыпта кеттік. Үлкен үлкен сүт шығаратын зауыттар, әсіресе сиырлар көп екен. Бұл жерде 800 бас сонау Канада жерінен алып келінген сиырлар болды.Сиырларға жақсы жағдай жасалған. Ішіде кең, яғни жүріп тұруына өте қолайлы әрі тап – таза.Әрі қарай зауыттың ішіне кірдік. Ішінде бір мезетте 50 сиырды сауатын қолайлы техникамен таныстық. Сиырларда әбден күнделікті өміріне үйренген.Өздері келіп тұра қалып, сауатын құрылғы түскен жағдайда қайттан шығып өз орындарына тұра қалады. Осылай олар күнде Астана қаласына 30 тонна отандық өнім жіберіп тұрады.Танысып болған соң «Родина» ауылына жол тарттық.Барлық жағдай жасалған.Тіпті бір көргенде ауыл емес қала дерсіз. Бірінші сол ауылдың Мәдени үйіне бардық. Іші өте керемет, барлығы бар.(теннис, спорт алаңы, биллиярд)Маған ерекше көрініс алған Астанадағы атақты кинотеатрларының бірі «Кинопарктен» асып түспесе кем түспейтін кино залы болды.Бір қызығы сол ауыл қанша жылдан бері (4жыл) чемпион екен, спорт жағынан. Кіргенде көздің жалын алатын зат осы спорттан алған (кубок, медаль) тұрады. Сол ауылдың таныстырушаның айтуынша ешқандай ұрлық деген жаман істер атымен болмайды. Көлігін қайда қалсада,құлттамай кете бермен болады дейді.Онсызда ешкім көлігін құлттамайт, өте қарапайым халық дейді. Осы әнгіме айитып келе жатып, халықтың отырып демалып, балаларын ойнататын кішігірім парккеде келдік.Парк өте жақсы жасалған.Одан әрі қарай Христиан дінінің шіркеуіне кірдік.Ішіндегі дін қызметтерімен сөйлесіп ішін аралып таныстық.Айта берсен барған жеріміз өте ауыз толтырып айтарлықтай.Өйткені бұл ауылдың ауасының өзі көп парақты парақтап тастауға жетеді.Міне осылай сол ауылдың супермаркетіне кіріп, жол азығымызды алып, қайттан артқа Отанымызға қайттық. Жол бойы Қызылорда өрендері мен Астаналық оқушылар қосылып ән шырқап, өлендетіп 1,30 сағаттық жерді өте шықтық. Келесі баратын жеріміз ол, осы Қазақстандаға ең беделді оқу орны «Nazarbaev University». Біз Nazarbaev Intellectual scholl болғандықтан бізге мұнда келу өзіміз үшін өте маңызды.Алға қойған мақсат, түскіміз келетін универститеттің алғашқысы міне осы NU болмақ.Кіргеннен бізге нұсқау көрсетіп әрі осы NU жайлы толық мәлімет беретін Құрманов Азамат деген кісі күтіп алды.Ол кісі осы университетке қалай түсу жолдарын жан-жақты айтып, егжей-тегжейлі мағұлмат беріп, білімге деген құштарлығымзды тағы бір оятып жіберді.Тыңдалымнанн шыққаннан кейін жол сілтеуші апайларымыз ішін аралатты. Аралау барысында биология, химия аудиоторияларын көріп, әрі қарай 3 этажды кітапханамен жалғасты. Студенттер үшін кітапхана өте қолайлы. Кітап табылмай қаладау деген үрей қорқыныш жоқ,әрі арнайы жаңа технологиямен компьютермен жабдықталған.Әрі қарай естелікке суретке түсіп, жақсы көңіл күймен ІВ мектебіне бардық.Ол жақтағы оқушылармен бірге ойындар ойнап қайттан қонақ үйге бардық. Бүгінгі күн әсерлі өтті.

«Новая волна» ән байқауын тамашалап жүрсіздер ме? Қызықты өтуде, иә?
Әсіресе, Алла Пугачеваның "ән кеші" керемет өтті  
Біздің елдің намысын қорғауға барған Әлішер Кәрімовтың әні қалай, ұнады ма сіздерге? Жеңістен бәрібір үміттіміз

Пугачеваның «Миллион алых роз» әні ешқашан ескірмейтін шығар. Тыңдай бергің келеді қайта-қайта

Алланың атымен бірге Филипптің де есімі қатар аталыпеді бір кезде. Әлі де ойжың бір бұрышында екен. Ендеше Филиптің әнін ұсынамыз

Ресейдің Дима Билан атты әншісі сахнадан көрінбей кеткен сияқты. Әлде өзіміз көрмей жүрміз бе… Сұраныстан шығып қалды ма екен, әлде хит ән жаза алмай жүр ме, белгісіз. Бірақ, бірнеше ел алдында көрсетілетін ән байқауында сахнаға шығыпты

Николай Басковтың дауысына жетер дауыс бар ма екен Ресейде  Тамаша, керемет!

Ер мінезді Лолитаның энергиясы экранның бер жағынан-ақ қатты сезіледі. Өте мықты әйел секілді. Орындаған әні де әдемі екен

Уақыт өте келе технологиялар дамып, үлкен-кіші демей кез-келген адам интернетке қол жеткізе алатын дәрежеге жеттік. Бұрын әлеуметтік желіні тек қарым-қатынастың құралы ретінде көрсек, кейінгі уақытта ол қосымша қаржы табу көзіне де айналып отыр. Бұл үрдіс әсіресе адамдардың өмірінде Instagram пайда болғалы үдей түсті.

Бүгінгі материалымда мен Instagram әлеміндегі бизнесмендер жайында сөз қозғамақпын. «Инстаграм арқылы айына қанша ақша табуға болады?», «Инстаграм бизнесмендері бұл әлеуметтік желіге қалай және не үшін келді?», «Инстаграм арқылы байып кетуге болады ма?» деген сынды сұрақтарға жауап іздеп көремін.

---

ТАҒАМДАР ӘЛЕМІ

КІМ? Лаура Мырзақоңырова, қытай-ағылшын пәндері бойынша филолог -> @Laukin88
ҚАЙДАН? Атырау қаласынан
ҚАШАН? Инстаграмға тіркелгеніне 2 жыл болды
НЕ ҮШІН? Жалпы Инстаграм сурет салу үшін арналғандықтан, мен де жұрттан қалыспайын деп өзіме аккаунт ашып алдым. Әр адамның парақшасына қарасаң, өзіндік тақырыпта суреттермен бөлісіп отырады ғой. Біреуі табиғатты салып жатса, ал енді біреуі қолөнер бұйымдарын салып отырады. Өзіме келетін болсақ, менің инстам толған тамақ. Сол тағам жағына өз басым бала кезімнен жақынмын. Кішкентайымнан үнемі анам ас әзірлеп жатса, көз қиығымды салып жүретінмін. Тіпті 9 жасар кезімде ашытқы салмай, пешке нан жапқаным есімде, әрине ол нан, нан емес, тас боп шыққан еді (күліп).
Қазіргі уақытта күнделікті әзірлеген тағамдарды фолловерлеріммен бөлісуге асығатын болдым. Тамақтарды салуыма басты себепшілер ең алдымен анам және үнемі қолдау көрсетіп жүретін жолдасым.
Көбінесе маған тапсырыс беретін жандар, ол- менің таныстарым, достарым! Жалпы инстаграм арқылы тапсырыс беретін адамдар қатары көбейіп келеді. Оған менің фолловерлерімнің де қосып жатқан үлесі көп. Мысалы инста-достарымның біреуі маған бір өнімге тапсырыс беріп қана қоймай, сол өнімнің қандай екенін өз инстапарақшасында бөлісіп, пікір білдіріп, қысқаша айтқанда жарнамалап отырады. Сол арқылы оқырмандардың да, тапсырыс берушілер қатары артып келеді. Қызығушылық танытатындар күнде болмаса да 2-3 күнде бір, рахметін айтып, жылы лебіздерін білдіріп хабарлаасып тұрады.
ҚАНША? Жалпы тапсырысты көңіл-күйіме байланысты алатын болғандықтан, нақты айына қанша табатынымды айта алмаймын, бірақ айына 4-5 рет тапсырыс алғанда 15-20 мың пайда табамын. Ол енді тапсырыстың көлеміне байланысты.

---

ҰЛТТЫҚ НАҚЫШТАҒЫ ҚОЛӨНЕР ӘЛЕМІ

КІМ? Мұқажан Алмас, суретші дизайнер -> MukajanKz
ҚАЙДАН? Алматы қаласынан
ҚАШАН? Инстаграмға тіркелгеніне 1 жыл болды
НЕ ҮШІН? Mukajankz паракшасын бүгінгі күні айналысып отырған ісімнің жарнамасына пайдаланамын. Бiздiң сатып алушылар көбiнесе қазақ өнерiн түсiнiп, бағалайтын адамдар. Халық шетелден заттар алғанша өзіміздің «MUKAJAN» брендінен заттар сатып алып, қолдайық деп жылы лебіздерін білдіріп жатқанда қуанып қаламын.Негiзi мен Жүргенов атындағы Қазақ ұлттық өнер академиясын бiтiргенмін. Мамандығым суретшi дизайнер. Ал қазіргі айналысып жүрген ісім менің бала кездегі арманым еді. Былғарымен жұмыс істеген өзіме жақын. Менің атам Мұқажан өнер адамы болған, әкем Қазақстанның атақты зергерi Аман Мұқажан деген кiсi. Оқуды бітіргеннен кейін осы кәсіппен айналыса бастағанда брендтің атын ойланбастан «MUKAJAN» деп қойдым.
ҚАНША? Айына мынанша ақша табамын деп айталмаймын, себебi қазіргі уақытта инстаграм әлемі арқылы да, сауда арқылы да тауып жатқан ақшамыз толығымен жұмысқа салынуда.

---

ОЮ-ӨРНЕК ӘЛЕМІ

КІМ? Гауһар Асылбекова, бастауыш сынып мұғалімі -> @Quraq
ҚАЙДАН? Алматы қаласынан
ҚАШАН? инстаграмға тіркелгеніне 2 ай болды
НЕ ҮШІН? Менің анам тігінші болғандықтан бұл істі кішентайымнан көріп өскен адаммын. Бірақ құрақ көрпелерді тігуді жақында қолға алдым. Инстаграм парақшамды балам адамдар көрсін, қызығушылық танытып жатса тапсырыс берсін деп жақында ашып берді.
ҚАНША? Қызығушылық танытып жатқандар бар, бірақ әлі тапсырыс алып көрген жоқпын.

---

ӘДЕМІ СЫЙЛЫҚТАР ӘЛЕМІ

КІМ? Төлебаева Анар, шығыстанушы, @Perfect_astana
ҚАЙДАН? Астана қаласынан
ҚАШАН? Инстаграмға тіркелгеніне 10 ай болды
НЕ ҮШІН? Негізінен инстагармды достарыммен қарым-қатынасты ұстап тұру үшін ашқан болатынмын. Екі жарым жылдан бері баламен үйде отырмын. Бұл ісіме қалай келдім дейсіз бе? Мен тұрмысқа шыққалы жатқанда қыз ұзатудың алдында Астана қаласындағы Редиссонда өткен үйлену тойына арналған заттардың көрмесіне барған болатынмын. Сонда кейбір шеберлердің көздің жауын алатын дүниелерін көріп қатты қызықтым. Өзімнің де мерекелік шараларды ұйымдастыруға деген құлшынысым бар еді, оның үстіне біраз уақыт сол салада жұмыс істеген болатынмын. Кейінінен босанып, баламен үйде отырғандықтан қолым бос уақытта түрлі мерекелік бұйымдар жасауды қолға алдым.
ҚАНША? Мен бұл іспен мақсатты түрде айналыспағандықтан тапсырыс берушілерім көп емес. Негізінен тапсырысты инстаграмдағы оқырмандарым береді. Бұрын хэндмейд бұйымдарымды өзімнің жеке парақшам арқылы салып отыратынмын. Жаңа парақшамды ашқалы 1-2 рет қана тапсырыс алғандықтан ақша жайында нақты айта алмаймын.

---

СУРЕТ ӘЛЕМІ

КІМ? Жеңіс Молдабеков, суретші -> @Xudojnik01
ҚАЙДАН? Астана қаласы
ҚАШАН? Инстаграмға тіркелгеніне 7 ай болды
НЕ ҮШІН? Инстаграмды өз өнерімді өзгелерге таныту үшін ашқан болатынмын. Негізінен инстаграмдағы парақшама жұмыс процесінен кезең-кезеңімен үзінділер салып отырамын. Ондағы оқырмандарым өнеріме қызығып сұрақтарын қойып, хабарласып жатады.
ҚАНША? Адамдар керегіне қарай тапсырыс береді. Айына-күніне емес. Біреуде мереке, туған күн болса соған қаратай тапсырыс беріп жатады. Туындыларым 5 мыңнан басталып 150 мыңға дейінгі аралықта бағаланады.

---

ҰЛТТЫҚ HAND MADE ӘЛЕМІ

КІМ? Айжан Сәрсенова, көлік инжинері -> @Hand_made_kz
ҚАЙДАН? Астана қаласынан
ҚАШАН? инстаграмға тіркелгеніне 3 апта болды
НЕ ҮШІН? Негізінен бос уақытымның барлығын қолөнермен айналысуға жұмсаймын. Қолымнан шыққан дүниелердің барлығын қазақи, ұлттық нақышта жасағанды ұнатамын. Өйткені ол ұлттық дәстүрді заманауи стильде жаңғырту деп білемін. Менің негізгі мақсатым ұлттық ою-өрнектерді тек ұлттық киімдерде ғана емес, бүгінгі заманауи сәнқой қыздарымыздың үстіне де тағу болып табылады.
ҚАНША? Маған негізінен тапсырыс берушілер жас қыз-келіншектер. Күніне орта шамамаен 5-6 адам хабарласып, менің қолөнер бұйымдарыма қызығушылық танытып тұрады. Айына қанша табатындығымды әлі айта алмаймын. Өйткені менің бұл әлемге келгенімен 1 ай да болған жоқ. Алайда бүгінгі күнге дейін 25 мыңдай ақша таптым.

---

ТӘТТІ ТОҚАШТАР ӘЛЕМІ

КІМ? Юлия Ким, қаржы маманы -> @Home_macaron
ҚАЙДАН? Алматы қаласынан
ҚАШАН? инстаграмға тіркелгеніне 6 ай болды
НЕ ҮШІН? Бүгінгі күні инстаграм мен үшін өз қызығушылығыммен бөлісудің бір әдісі. Қазір баламен үйде отырғандықтан адамдармен қарым-қатынас жетіспей жатады. Бір күні ұлым ұйықтап жатқанда инстаграмда суреттер қарап отырған болатынмын. Сол кезде көзіме әдемі зефирдің суреті түсті. Сөйтіп мен зефирдың жасалу жолы жайында білгім келді. Сөйтіп Юлия Родничи деген молдовалық аспаздың парақшасына кірдім. Оның жасаған тағамдарын көріп, макаронсын татып көргім келді. Алайда оған жете алмадым. Сөйтіп өзім жасап көрсем қалай болады екен деп ойладым. Бірақ алдымен 5-6 ай бойы макаронсты жасау жолдарымен танысып, түрлі рецептерін, видеоларын қарап жүрдім. Макаронсты сатумен айналысардан бұрын оны әбдан бабына келтіріп алайын деп жасаған тәттілерімді барлық туған-туысқандарыма ұсынып көріп, олардың пікірін біліп жүрдім. Содан қазіргі макаронсымның рецептін таптым. Менің бүгінгі макаронстарым бастапқыдағыға қарағанда әлдеқайда тәтті әрі әдемі.
ҚАНША? Маған негізінен тапсырыс берушілер тәтті құмар қыздар мен емізулі балалары бар әйелдер. Өзімнің де емізулі балам болғандықтан «диатез» деген не екендігін жақсы білемін. Сондықтан макаронстарымды жасағанда осыны ескеремін. Қазіргі уақытта күніне 5-6 адам хабарласып тұрады. Айына 500-ден астам макаронс сатамын. Макаронстың бағасы тапсырыс берушіге қанша дана қажет екендігіне қаратай белгіленеді. Орта шамамен макаронстың 1 данасының бағасы 245 теңге. Осыны әрі қаратай есептей беруге болады.

---

СӘНДІ ТҰРМЫС ЖАБДЫҚТАРЫ ӘЛЕМІ

КІМ? Евгения Жандарбаева, киім дизайнері -> @Omir_artstudio
ҚАЙДАН? Астана қаласынан
ҚАШАН? инстаграмға тіркелгеніне 7 ай болды
НЕ ҮШІН? Еңбек пәнінің мұғалімінің арқасында мектеп кезінен бастап тігін тіккенді жақсы көремін. Оның үстіне нағашы әжемнің қанымен берілген таланты болса керек. Ол нағыз қолөнер шебері болатын. Өзімнің ісімді өте қатты жақсы көремін. Эскиздерді салудан басталатын еңбегіңді дайын күйінде көру деген мен үшін әр уақытта бақыт. Инстаграм жайында тірегім, қамқоршым жолдасым айтқан болатын. Соның арқасында инстаграм әлеміне келіп қалдым. Бұл әлеуметтік желі адамдарға танылудың бір жолы болғандықтан негізінен жарнама ретінде қолданамын. Инстаграм әлеміндегі оқырмандарымның жылы лебіздері мені қанаттандырып, шабыт береді. Олар кейде ешқандай тапсырыс бермесе де қоңырау шалып жәй осындай ұлттық нақыштағы дүниелерді жасап жатқаныма алғыстарын білдіріп жататындар да бар. Маған негізінен тапсырыс беретіндер ерекше сәнді, оның үстіне ұлттық нақыштағы дүниелерді жақсы көретін адамдар. Инстаграм арқылы тапсырысты күнделікті алып отырмаймын, алайда жұмыссызда отырған жоқпын.
ҚАНША? Менің айналысып жүрген ісімді бизнес деп айтпас едім, бизнестен гөрі оны өзіңнің ұнататын ісіңмен айналысу деген дұрысырақ болар. Айына еңбегімнің ерекшелігіне байланысты қомақты қаржы тауып жатамын. Бірақ оның жартысынан көбі шикізат алуға жұмсалады.

---

ШЕБЕР ҚОЛДАР ӘЛЕМІ

КІМ? Гауһар Бағдабаева, өңдірістік топ инжинері -> @GauhariKZ
ҚАЙДАН? Ақтау қаласынан
ҚАШАН? инстаграмға тіркелгеніне 2 жыл болды
НЕ ҮШІН? 2012 жылы жабо тігумен айналыса бастадым. Сол уақыттары инстаграмдағы парақшама жасаған дүниелерімді салып жүретінмін. Уақыт өте келе адамдар қызығушылық танытып, тапсырыстар бере бастады. Қазіргі уақытта әр түрлі стильдегі жаболар, балаларға, қыз-келіншектер мен ер адамдарға арналған білезіктер, сырғалар, кольелер, ободоктар, машинаға арналған ілгіштер жасаймын. Сәйкесінше инстаграм менің хоббиіме байланысты жарнамалау үшін қолданамын. Хэндмейдпен айналысу өзімнің негізгі жұмысыма ешқандай кедергісі жоқ, себебі ол менің жеке ісім, онымен тек бос уақытым болған жағдайда ғана айналысамын. Негізгі тапсырыс берушілерім қыз-келіншектер, бірақ ер адамдар да аз емес. Күніне қызығушылық танытқан 2-3 адам міндетті түрде хабарласады.
ҚАНША? Әр кезде әртүрлі. Тапсырыс қабылдауыма байланысты. Жаңа өтіп кеткен 4 аптаға анализ жасаған едім, 30 100 теңге пайда түсіпті. Инстаграмның мен үшін және менің өнерімді тегін жарнамалаудағы пайдасы өте зор.

---

Бүгін сіздер инстаграмда арнайы дүкен, ресторан, кафелердің аккаунттары емес, өзінің қызығушылығы, яғни хоббиі арқылы ақша табатын әрі бұл әлемдегі қай ел болмасын негізінен инстаграм арқылы ақша табатындардың барлығы түрлі қөлөнер туындыларын жасаумен айналысады ең кеңінен таралған хэндмейкерлермен таныстыңыздар.

Жалпы алғанда Instagram әлеміндегі «бизнесмендердің» орташа келбеті әуестік ретінде хэндмейдпен айналысып, негізгі жұмысынан қолы бос уақытта тапсырыстар қабылдаушылар. Инстаграмдағы кішігірім бизнесін мақсатты түрде дамытып отырмағандықтан оларға тапсырыс берушілер өздерінің тұрақты оқырмандары мен мақсатты түрде оларды іздеп келетін әлеуметтік желі қолданушылары болып табылады.

Олардың басты мақсаты ақша табу емес, өзінің дүниеге алып келген өнімі арқылы адамдарға қуаныш сыйлау! :x

Басқаларды қайдам, бірақ жеке өзім Бүркіт пен Айшаның шығармашылығын ұнатамын. Әуендері ырғақты, билетпей қоймайды.
Әсіресе "Қарапайым қазағымды" күшті көремін.



Мекенім Қазақстан



Туған жер

Сіз өзіңізше алдағы аптаңызға немесе демалыс күніңізге тамаша жоспар құрдыңыз делік. Сол жоспарыңызды әкеңіз « Төрт күннен соң жолға шығамыз. Дайындал.» деп, сізбен келіспестен сыртыңыздан шешім шығарып бұзса не істер едіңіз? Әрине, бұлқан-талқан болып ашуланарыңыз кәдік. Қанша жерден ер-тоқымыңызды бауырыңызға алып тулағанмен әкеңіздің сөзі сіз үшін заң. Түптің-түбі келісесіз. Әкеңізбен сапарға аттанасыз. Бірақ, жолдың біраз бөлігінде томаға-тұйық отырып, әкеңізге қыр көрсетуіңіз де мүмкін. Бәлкім ол әрекетіңіз заңды да болар?
Міне, біздің кейіпкеріміз дәл осындай оқиғаға тап болады. Бірақ, ол жоспарын тек ойнап-күлуге ғана емес, оқуға құжат тапсырып, емтихан тапсыратын күнін күтіп жүрген болатын. Лицейді аяқтап, енді одан әрі білім алсам деген ниетпен оқуға бір мәрте түсе алмай қалған 20 жасар жас жігіт, өзінің емтихан тапсырып, оқуға түскен сәтін талай мәрте ойша қиялдаған да болар? Ұлының осындай ұлы арманын күл-парша еткен қандай әке, ол неткен сапар деп отырған боларсыз? Бұл ұлы сапар әкенің де о бастағы арманы болса ше? Бұл өтініш әлде бұйрық бір аяғы жерде, бір аяғы төрде тұрған қарт әкенің соңғы тілегі, өзін алдыға жетелеген арманына деген соңғы ұмтылыс болса ше? Онда, көрер қызығы алда деп саналатын жас жігіттің өз арманын әкесінің арманынан жоғары қоюға қақысы бар ма?
Реданың басына түскен сәтсіздіктің барлығы ағасының ішіп алып көлік айдау куәлігінен айрылып қалуынан басталғандай ма қалай өзі? Әйтпесе, әкесі баласының буынсыз жеріне пышақ салмауы тиіс еді. Енді міне, Францияның оңтүстігіндегі шағын қалашықта өмір сүріп жатқан Реда әкесін Меккеге ағасының ескі «Пежосымен» апаруы керек. Түскелі тұрған оқуын, сүйген қызын тастап Реда байғұс қыңыр шалдың айдауымен кетеді. Өз айтқанын орындататын осынау тік мінезді шал маған қазақ шалдарының, далалықтардың әкелік образының жиынтығы болып көрінді.
Француздар мен Мароккалықтар 2004 жылы түсірген осынау «Ұлы сапар» («Үлкен саяхат» деп аударғым келмеді. Фильмнің орысша аудармасы «Большое путешествие») фильмі адамды өзіне баурап алады. Бір қарағанда, тым қарапайым, шұбалаңқы көрінген сюжетті фильмен керемет әсер аламын деп ойламайсыз. Көбіміз жарқыл-жұрқылды оқиғалар, шартпа-шұрт төбелесті, қым-қиғаш тірліктер көрсетілген жеңіл фильмдерді жиі көреміз. Адамды ойға жетелейтін, айтары бар кино көргіңіз келсе осы туындыны тамашалаңыз.
Әр мұсылманның асыл арманы Меккеге бару, сол жаққа қажылық сапарға аттану әрине ұлы сапар болып есептеледі. Бірақ, бұл фильмнен одан бөлек екі заман адамының, екі буын өкілінің бір-бірініңі әлеміне, ішкі жан-дүниесіне сапарды аңғаруға болады. Ұзақ сапар баланың әкені ұғуына, оның өмір салтын түсінуіне, өзінің қателіктерінен сабақ алуға үйретеді. Өзін бір адамдай білгішпін деген жас жігіт хат танымайтын әкесінің сұңғылалығына бара-бара тәнті бола бастайды. Өмір атты ұлы сапарда ақ пен қараның қатар жүретініне, жақсы ададар мен жаман адамдардың барлық ұлтқа тән екеніне осы кино арқылы тағы бір көз жеткізтуге болады.
1962 жылы дүниеге келген, сценарист, режиссер Исмаил (Исмаэль) Феррухидің шығармашылығымен мүлдем таныс емес екенмін. Мен, жалпы «Ана режиссер жаңа туынды шығарыпты» деп шарқ ұрып, іздеп жүріп сол киноны көретін жандардан емеспін. Омарбраттың жолымен торрентке шыққанын, онлайнға іліккенін көріп жүре беретін жанмын. Бірақ, осынау киноны мен осыдан екі-үш жыл бұрын еліміздің бір телеарналарынан көріп қалған болатынмын. Көрілген соң ұмытылып қалатын фильм бұл емес. Бірақ, дәл сол кезде мен бұл фильмнің режиссеріне мән бермеген едім. Блогиада аясындағы осынау тақырып бұл киноны тағы бір шолып өтуіме мұрындық болды. Сондай-ақ, режиссердің қолынан шыққан басқа да дүниелер көруге тұрарлық секілді. Секілді деймін-ау, уақыт тауып, көретініме бек сенімдімін.
Айтпақшы, керемет кинотуынды түсіріп шығу үшін көп дүние қажет емес секілді. Жақсы сценарий, рөлдерді сомдайтын екі-үш адам, бір оператор камерасымен және 1990-91 жылғы универсал «Пежо» не болмасса «Пассат» та жарай береді.

Астана опера мемлекеттік опера жəне балет театрына жалпы шолу." />«Туған елге тағзым » атты экспедициямыз жалғасу үстінде. Біз «Астана опера» мемлекеттік опера жəне балет театрына барған болатынбыз.Бұл театр өте үлкен жəне көздің жауын алардай əдемі. Театрдың қабырғасы, едені жəне баспалдақтары тікелей Италиядан əкелінген нағыз ақ мəрмəрдан жасалған. Астана Опера» – тікелей Елбасының бастамасымен бой көтерген театр. Оның құрылысы барысында ҚР Президенті Н.Назарбаев жеке бақылауында ұстады. «Астана Опера» директоры Төлеген Мұхамеджанов қазақтың мәдени мұрасына айналған осы тамаша операмен ашылуы театр үшін айрықша құрмет екендігін нықтады.
Суреттен көріп отырғандарыңыздай бұл театрдың сыртқы жəне ішкі бейнелері. Театрдың сыртқы төбесінде 4 аттардың мүсіні орналасқан.

«Астана Операның» бас сахнасының көлемі – 935 шаршы метр. Бас сахнаның ені 21 метрді, ал тереңдігі – 59 метрді құрайды.Ал, Ослодағы опералық театрдың үлкен сахнасының ені небəрі 40 метр.

Сахна астында, 12 метр тереңдікте «төменгі деңгей», яғни автоматты басқару жүйесі бар машинарий залы орналасқан. Осының барлығы «Астана Опера» сахнасын әлемдегі ең бір техникалық жарақтандырылған сахналардың қатарына қосады. Оркестр шұңқыры үш тұғырнамада тұрады. Олар әртүрлі деңгейлерде жайластырылған және 120 музыканттың орын тебуіне есептеліпті.

«Астана Опера» залына 1 мың 250 көрермен сияды. Оның партері 450 көрерменге арналған. Басты зал аттың тағасына ұқсас формаға ие, «Ла Скала» сынды әлемдік үздік опера театрлары залына ұқсатып, бірнеше қабат етіп жасалған, бірақ ұлттық үлгіде өрнектелген. Мұның сыртында ғимаратта 8 қосымша зал, 11 репетициялық орынжай, 250 орындық камералық музыка залы, баспасөз залы және басқа да функционалдық бөлмелер бар.
Жалпы «Астана опера » мемлекеттік опера жəне балет театрына жасаған шолуымыз барлық оқырмандарға ұнады деген сенімдемін.Бүгінгі экскурсиямыздан оң əсер алдым. Бəрі керемет болды! Назарларыңызға көп рахмет!

Бүгін Қызылорда қаласы НЗМ оқушылары үшін «Туған елге тағзым» атты танымдық-зерттеу экспедициясының 7-күні. Арайлап таң атып келеді, бүгінгі ауа райы да саяхаттауға өте қолайлы екен. Сонымен, біз қаладан 150км қашықтықта орналасқан "Қорғалжын" қорығына аттандық. Астанадан шыққан соң, айналадағы керемет жасыл алаңды тамашалап отыр едім, көзім ілініп кетіпті. Түсімде "Қорғалжын" қорығында жүр екенмін, бір апай қорықты таныстырып жүр, сәлден соң қорық туралы фильм көрдік, бірдеңенің шиқылдаған даусын естідім, құстар секілді, жақындап барғанымда… ұйқыдан оянып кетпесім бар ма! Сөйтсек мені достарым оятыпты, қорыққа келіп те жеттік. Автобустан түскенімде алдымнан бір ғимарат көрдім, ол көптен күттен Қорғалжын. Шынымды айтсам мен алғаш рет қорықтамын. Кіруге асығып тұрмын, "ішінде не бар екен" деген ой мені мазалады. Қорықтың қызметкерлері бізді жылы қарсы алды. Кіргеннен соң қорық өмірімен таныстыратын фильм көрдік. Фильмде мынандай мәліметтер берілген. Қорық 1958жылы тұрғызылған. Жер аумағы 258,9 мың га. Қорықта жоғары сатыдағы өсімдіктердің 331 түрі, атап айтқанда, жусан, тобылғы, бидайық, т.б. өседі. Мұнда сүтқоректілердің 37 түрі, құстардың 294, бауырымен жорғалаушылардың 3, қосмекенділердің 2, балықтардың 10-нан астам түрлері тіршілік етеді. Яғни, дала суыры, қоян, борсық, ақбөкен, т.б. мекендейді. Қорғалжында 32 мыңдай қасқалдақ, 10 – 12 мыңдай үйрек, аққу, қаз, т.б. құс түрлері ұя салады. Қорықтан қызыл жемсаулы қарашақаз, тұрпан, қара дегелек, бірқазан сияқты саны жылдан жылға азайып бара жатқан құстарды кездестіруге болады. Бізді қорық қызметкерлері ғимарат ішіндегі керемет әлеммен таныстырмақшы. Көрдіңіздер ме, барлығы менің түсімдегідей. Сол дауыстар, сол фильм, сол қорық қызметкері. Мені бағанағы дыбыстың қайдан шыққаны қатты қызықтырды. Міне сол дыыбыс шыққан жерге келдік. Менің алдымда неше түрлі құстардың макеті тұр. Макет жиегіндегі тетікті басқанымда, түсімде естіген құстардың шиқылдаған даусы шыға бастады. Өкінішке орай біз құстарды бетпе-бет көре алмадық, себебі олар қорықтан 50км қашықтықтағы «Теңіз» көлінде мекендейді… Ал оған баруға біздің көлігіміз жарамайды екен. Міне, біз қайтадан Астанаға қарай жол тартпақшымыз. "Қорғалжын" қорығының жасап жатқан жұмысы, қызығы мен қиыншылығы қатар кездескен өмірі мені қатты таңқалдырды. Келешекте басқа да қорықтарға барып-қайтамын деген ойдамын. Ертеңгі күн сәтті болғай…

Астана күнінің қарсаңында Астана жұлдызы ұлттық музыка бәйгесінің марапаттау кеші өтті.
Астана жұлдызы жобасына барлық жұлдыздарымыз келді. Үлде мен бүлдеге оранған жұлдыздарымыз қызыл кілем үстімен жүріп өтті.
АDAM production ұйымдастырған осындай тамаша жоба өте жоғары дәрежеде өтті. Былтыр да Астана күніне қарсы ұйымдастырылған ұлттық музыка бәйгесі дәл осы уақытта жалғасын таппақ. Биыл аспаннан «Астана жұлдызы» атты жұлдыз сатып алынды. Бұл шараға Астана қаласының әкімдігі демеушілік етті.

Сәлем қыз- келіншектер!!! Менін бүгінгі видеоблогымда -Үй жағдайында жасалынатын шашқа арналған маскамды көре аласыздар! Керек заттар: 1 Жұмыртка, 2 шәй қасықпен зәйтун майы, 1 шәй қасық бал. Барлығын араластырып, басымызға пакет киіп, орамалмен орап 1 -2 сағат журе тұрамыз. Бұл маска өте пайдалы! Өзім айына 1-2 рет қолданып тұрамын. Your text to link...