"Каспий" тобы - Жаз не деді?!

Ұйқыдан көңілсіз тұратын таңдар болады ғой… Күн жексенбі болса да, көл көсір қуаныштан гөрі еңсе езген мұң бар… Балконға шықсам, аспанын бұлт бүркеген, Күнсіз Астана қарайды маған, бозарып… Сұрықсыз сырттан сырғақсып, ішке асықтым… Түнде телефонға да хат келмеген екен.
Әрі қарай

Айт, жүрегім...

Көре алмадың, білемін, ақ жүрегім,
Өмірімнің құштарлықсыз бос өтуін,
Көзіме салғаныңда жез құрықты,
Тілеп едім,өмірімнің өзгеруін,
Қиялдап ем,ғажайыпқа бір енуді,
Қалай қатты қателестім, сақ жүрегім?

Білесің ғой, бердім саған бар еркімді,
Сондықтан сұрауым бар, жауап қайтар.
Біле тұра адамдардан бездірмедің,
Неліктен қиын сыннан өткізбедің?
Неге енді үндемейсің, жұбатпайсың,
Кеудемде жанның барын ескермедің,
Қатігез, ұшып-қонған, мас жүрегім…

Ұйқыда кеткен екен, жас күндерім,
Жаңа көрдім арманымның құлағанын,
Ылғи саған пәк сәбидей сеніп келдім,
Қалайша атқан таңды түн қылғаның?
Енді кімге тастарсың рақымыңды,
Сырын қимай, жасырған, қас жүрегім?
Әрі қарай

М-1: Федор Емельяненко - Педро Хиззо

Кеше ғана Федор Емельяненконың Педро Хиззомен кездесуі болып өтті. Алдын ала жазба жазамын деп ойлап жүрген едім, бір шаруалармен қолым жетпегені үшін кешірім сұраймын Сонымен, Интернетке видеолары да шығып үлгерді. Жекпе-жек туралы жазып, дәмін кетірмей-ақ қояйын. Өздерің тамашаларсыңдар
Әрі қарай

Төлеген "Бекежанды" шынымен жеңді ме?

Әлем халқының көбісі теңбіл допқа телміріп отырғанда, қазақ даласында біреулер біреулермен жұдырықтасып жатты.Өзіндік ережелері бар ережесіз төбелестен өткен бұл жұдырықтасуды еліміздің арналары бере қоймады. Әлемдік рейтингте біздің жігіттердің қандай дәрежеде тұрғанын кім білсін. Білетініміз, Төлеген ақылбеков атты(лақап аты «Аттила» жігітімізге қарсы Боб Сапптың шығуы. Иә, кейбіріміздің есімізде кинолар арқылы, кейбіріміздің есімізде Майк Тайсонды ринге шақыруы арқылы қалған Боб қой. Әйтеуір жаңалықтарда оның жеңілгені жайлы айтып өтті. Кішкене бейнесюжетері де болды. Өз басым толық көрмеген соң әлгі көріістен оның жеңілгеніне сене алмадым.Жасы келген Бобтың әйтеуір көп жерде шоу жасап жүргені анық.
«Найман» деген есерсоқ та жеңіліп қалыпты. БІрер жеңісінде әйгілі Тито Ортиздің жеңген сәттегі қимылдарын салатын осыбір жігітке бір жағынан сол керек.
Суреткесілтеме
Әрі қарай

K-1 Rising 2012: Бадр Хари мен Андерсон "Брэддок" Силва

Кеше осы жарысты түнгі 4-ке дейін лайвстрим арқылы көрген едім. Жұмыс істеп отырғандықтан, бәрін көруге мүмкіндік болмады. Басты-басты дегендерінен көз жазбауға тырыстым. Сол кездесулердің видеосы шыққан екен, сендер де тамашалай отырыңдар

Бадр Хари мен Андерсон «Брэддок» Силва

Әрі қарай

Меңдуана

Бұрындары, мектеп оқып жүрген жылдары, жетінші не сегізінші кластың (менің мектептік жылдарымның көбі «класс» кезінде өткендіктен осыны пайдаланамын)биологиясының артынан-ау деймін «Марихуана-кәдімгі меңдуана» деген аударманы оқыған едім. Кейініректе басқа бір сөздіктерден «Меңдуана-белени» дегенді оқыдым.
Жарайды, не болса ол болсын орысшасы.Біздің халқымызда «меңдуана шайнағанбысың?» деген тіркес бар. Миға кірмейтін іс-әрекеттер мен сөздерді айтқан жанға қаратыла айтылады. Пушкин ертегісіндегі шал да кемпіріне «Ты что баба, белени обьелась?!» дейтіні де осындай жағдайдан соң ғой.
Менің айтпағым мынау негізі. Биыл біздің Майқұдықта осы кәдімгі меңдуаналарыңыз көптеп өсуде.Паркте, жолдың шеттерінде дегендей.Осы шөп арқылы ақша жасаудың жолдарын кім біледі?!
Суретке төте сілтеме
Әрі қарай

Сақаулардан жалықтым...

Қатты сақауланбасада «ыс-ыс» деп сөйлейтін сақаулар радио мен телевизия саласында кездесіп жатады. Өзіміздің "Қазақстан-Қарағанды" арнасында бар сондай біреу. Шаршайсың көріп отырып. "Ң" мен «Н» ді шатыстыратындар және бар. Қарағандыда бір күй кеші өтті ана жолы. Соны бір сақау ақын жүргізді «Бүгінгі қоныр күй кешіне келіп отырған...» деп кештің кәйібін бұзды. атын Айтпайм деп отырып айтып қоя жаздадым ғой ақынның…
содан кейін Ұлықпан Жолдасовтың сақау қызына жыным ұстайды. Әрине, менікі дұрыс емес кемсітіп тұрғандаймын. Бірақ, көрерменді де аяу керек қой. Ұлықпанға айтар әңгімем жоқ,әндері мықты, көптің құлағында жүр дегендей. Қызының бала кезіндегісі кешірімді, кейін жоқ болып кеткенде"Ұялған болар, тілі жағынан" деп ойлап ем, кейінгі кезде жиі көрсетіліп кетті…
Әрі қарай