Таныс болыңыздар: Delhi

Delhi — Бибінұр Чапайқызы, Батыс Қазақстан облысында, Шыңғырлау ауданында 29 мамыр 1983 жылы дүниеге келді.

Ақтөбе Политехникалық Колледжі мен Қайнар университетінің түлегі. Бос уақытында жазда суда жүзгенді, қыста шаңғы тепкенді ұнатады.

— КерекИнфоға қалай келдің?
— КерекИнфоға Жастар.біз арқылы келдім. Ол жерге @bazuka алып келген еді, шәй ішеміз деп. Одан ол жерде жастар қалмады ғой, бәріне де КЕРЕК керек болды. Менде қалмадым)
Әрі қарай

Таныс болыңыздар: manshukn

manshukn — Mәншүк Ахметова — 1990 жылы 3 қаңтарда Қызылорда облысы, Жаңақорған ауданында дүниеге келген. Сонда орта мектепті аяқтап, қазір әл-Фараби атындағы ҚазҰУ журналистика факультетінің 4-курс студенті.

— КерекИнфоға қалай келдің?
— Негізі, осы блогосфераға біз Асхат ағайдың ( urimtal) сабағының арқасында келгенбіз (осындағы көп қолданушылар да). Ал керекке наурыз айындағы блогкемпке тіркелу кезінде, осы dabai.kz-ға тіркелдім. Ол ақпан айы болатын. Пост жазу, пікір қалдыра бастаған уақыт маусым айында уордпресс ашылмай жүрген кезде басталды. Содан бері күнделікті кіретін болдым.
Әрі қарай

Таныс болыңыздар: madlen

madlen — Маржан Тулеева — 1987 ж. 18 сәуірде ОҚО дүниеге келген. Қазығұрт ауданында мектепті бітіріп, Алматыдағы Абылай хан атындағы Халықаралық Қатынастар және Әлем тілдері Университетіне түседі. Оны 2008 ж. аяқтайды. Қазір «Глобал Эйр — Американ Экспресс» авиатурагентсвосында ивэнт-менеджер болып қызмет жасайды.

— КерекИнфоға қалай келдің?
— Нақты есімде жоқ. Тіркелген күнім 09 ақпан 2011, 12:37 деп тұр. Дегенмен, көпшілік юзерлар сияқты Блогкэмптен соң келдім деп ойлаймын. Ал Блогкэмпке Салтанат (Балғырған) жетектеп алып келгені үшін оған үлкен рахмет айтамын.
Әрі қарай

Таныс болыңыздар: TERISKEY

TERISKEY — Нарымбетов Мейірбек — 1989 жылдың 28-сәуірінде Оңтүстік Қазақстан облысы, Созақ ауданы, Шолаққорған ауылында дүниеге келген. әл-Фараби атындағы ҚазҰУ түлегі.

— КерекИнфоға қалай келдің?
— Ең алғаш интернеттен керекті ақпарат іздеп жүріп, кездесуден бір-ақ шықтым, алғашында онша түсініңкіремедім, содан бір күні тіркелдім. Келе-келе үйрене де бастадым. Кейінірек кездесуде жүргенде админнің дабай.кз атты еркін блог жүйесін ашқанын оқып, осында келдім. Айтпақшы, блог әлемінен аз да болса мені хабардар етіп, біршама нәрсе үйреткен Мейіргүлге (Ұшқын) алғысымды айтқым келеді.
Әрі қарай

Таныс болыңыздар: Gulistan

Gulistan — Анар Нығметқызы. 1981 жылы 14-сәуірде Ақтауда дүниеге келген, туған жері — Атырау облысы Махамбет ауданы.
1987-1998 жылдары Махамбет бағдарлы білім беретін мектебін бітіргенен кейін қонған жері Алматы Энергетика және Байланыс институты болды. Алғашқы керектік жолдастарын сол жерде кезіктірген.

— КерекИнфоға қалай келдің?
— «Партия қайда — жеңіс сонда» демекші, «Аршат қайда — біз сонда» (қалжың). Өзің білетіндей, Керек.Инфодан басталған «махаббат» «Солай.деге» ұласып, бірақ бәсеңсіп, кейін «Кездесу инфода» қайта жалындаған болатын. Жаңарған, көркейген КерекИнфода өз отын өшірмейтініне сенімдімін.
Әрі қарай

Таныс болыңыздар: nurbergen_makym

nurbergen_makym — Нұрберген Мақым.
Аз балалы отбасыда дүниеге келген. Кеткенде көп балалы отбасының отағасы болуды армандайды. Тұрақты жұмысы жоқ. Тұрақты көзқарасы жоқ. Жалпы, тұрақтылықтан ада адам. Сол себепті, қазірдің өзінде өз-өзіне құлпытас дайындатып, оған, «Шамамен, осы жерде жатқан болуы керек...» деп жаздырып қойған.

— КерекИнфоға қалай келдің?
— Керекинфоға қалай келгенім есімде жоқ. Соған қарағанда, сол күні қалыңдап қойсам керек. Былай, солай.деден бері бір жерден, екінші жерге үдере көшкенде, көштен қалмай жүрміз, әйтеуір.
Әрі қарай

Таныс болыңыздар: serjan

serjan — Қасен Сержан Қасенұлы, 1982 жылы 18-маусым, ҚХР Үрімжі ауданы Еренқабырға тауының баурайындағы бір ауылда дүниеге келіпті. Мектепті сол ауылда бітіріп, Қазақстанға 2001 жылдың 15 қазанында аяқ басты. Әл-Фараби атындағы ҚазҰУ-нің биология факультетін бітірді. 2009 жылдың қыркүйек айынан Алматы облысы, Көксу ауданы, Қызылтоған ауылындағы мектепте мұғалім.

— КерекИнфоға қалай келдің?
— Жалпы Аршат туралы бұрыннан білетінмін оның «Өзімнің блогым» атты сайтын анда-санда қарап жүретінмін, Ал керекинфоға блогкамптың алдында давай болып тұрғанда блогкамп туралы толығырақ білу үшін күнде кіретін болдым.
Әрі қарай

Таныс болыңыздар: Erkekyz

Erkekyz — Әкімбаева Райхан. 1988 жылдың 27 қарашасында ОҚО, Мақтарал ауданы, Асықата ауылында дүниеге келді. Сонда туып-өсіп, жақында Шымкент қаласына қоныстанды.

— КерекИнфоға қалай келдің?
— Мен бұрынғы Солайде сайтынан бері келе жатқан қолданушымын. Кейін кездесу.комда да болдым. Сол жақтан Дабай.кз туралы оқып, «келіп-кетіп» жүрдім. Кейін АКУ Дабайдан блог аштым деген соң, қызығушылығым одан сайын артып, осында тіркелдім.
Әрі қарай

Таныс болыңыздар: AKA

AKA — Бектеміс Ақнұр, 1993 жылдың сәуір айының 8 жұлдызында Сыр өңірі — Қызылорда қаласында дүниеге келді. Осында 11 жылдық білім алып, 2010 жылы Қорқыт Ата атындағы Қызылорда мемлекеттік университетіне, «инженер — құрылысшы» мамандығы бойынша оқуға түсті. Қазір 2 курс студенті, журналист ағасы әзілдемекші, болашақта «Шехрезат ханым» болып қызмет етеді, иншАллаһ!

— КерекИнфоға қалай келдің?
— Жалпы ғаламторда қазақ блогерлерінің жазбаларын оқып жүретінмін, сондай сәттердің бірінде керекинфоны да көзім шалды. Кейін, осындағы белді қолданушылардың бірі /ол құпия / керекинфоға шақырды, 2011 жылдың 3 маусымында тіркеліппін.
Әрі қарай

Таныс болыңыздар: Aldeken

Алдан Жылгелдi — Aldeken
Алдан Зашитұлы Жылгелді, 1981 жылдың 23 наурызында Ақтөбе облысы Алға ауданы Тоқмансай ауылында педагогтар отбасында дүниеге келді. Қазір Астана қаласында тұрады. 1987 – 1997 жылдар аралығында 5 рет мектеп ауыстырып, оқушылық өмірдің соңғы 4 жылын Алматыда Республикалық қазақ тілі мен әдебиетін тереңдетіп оқытатын мектеп-интернатта өткізді. Студенттік өмірі Қ.Жұбанов атындағы Ақтөбе Мемлекеттік Университеті мен Қайнар Университетінде өтті. Мамандығы — тарихшы, заңгер. Кәсібі — мемлекеттік қызметкер.
Басы бос емес, ішінде ми бар))))))))) отбасында бір келіншегі мен 2 ұлы бар (бала саны болашақта өзгеруі керек, тиісті шаралар қабылдануда. ))))) )

— КерекИнфоға қалай келдің?
— Керекинфомен алғаш таныстығым ұмытпасам 2005 жылы болды-ау деймін. Арнайы сілтеген, шақырған ешкім болған жоқ, бір мәліметтерді іздеп отырып келдім. Ол кезде тіркелу қайдааа, ішіндегі жынды пікірлерді көріп, бір жағынан өзім ойнап жүрген қазақша КВН-ге айтылған сынды көріп, «ренжіп» кетіп қалғаным бар… Содан кейін, Солай.де-ге тап болып, онда тіркеліп, пост жазбасам да анда-санда пікір жазумен шектеліп жүрдім. Осы керекке биыл қыркүйекте тап болдым аяқасты. Содан тіркеліп, алғаш рет пост жазуға әрекет жасап жүріп жатқан жағдай… Опшым, барлығы секілді ғой менің келуім…
Әрі қарай