Түркияның әр облысына тән бір… нәрсесі(Орнына басқа сөзбен ауыстырайын десем, ыңғайлы сөз таба алмадым)бар. Мәселен, Бурсаның Ескендір кәуабы, Күтахияның фарфор ыдыстары, Ыспартаның раушан гүлдері, Манисаның бір шөптен жасалған тіс пастасы,

Жалпы, осы портал арқылы қандайда бір шаруаларын бітіріп жүрген Керекинфошылар барма екен арамызда?

Бүгін Жұмыс біткен соң, жаттығуларыма өзгеріс енгізбек болғанмын. Алдында Жоғары Интенсивті Тренинг Стероидсыз Бодибилдинг — деген бір кітапты түсіріп алып, ішіндегі жаттығу жүйелерін сынап көрмек болдым.

Сол кітапты оқып бастағаннан, «сен жаттығудан құсқың келетіндей күйге түсіп көрмесең, сен нағыз тренингтің не екенін білмейсің» деген екен.

Мен бүгін ғана көрдім, Роберто Карлос Махачкаланың Анжиімен 2,5 жыл үшін 10 млн евроға келісіпті ғой. Мына суретте команданың берген курткасын киіп шыққан. Бұл туралы Адидас не дейді екен деп жатыр жұрт. :)

Қазақ фильмдерінің ізімен

Көз ұшында бір ноқат көрінді. Қыбырлайтын секілді. Не мал, не адам екенін ажырату қиын. Малға ұқсас адам, не адамға ұқсас мал болып шығуы да мүмкін. Иә, бері қарай қозғалып келеді. Қақсыған күннің астында келе жатқан бұ кім болды екен?

Шыбынның ызыңдаған дыбысы естіледі. Аздап ыстық жел уілдеп өтеді. Қурап қалған бұталы шөптер де желмен сыбдыр-сыбдыр дыбыс беріп жатыр.

Ноқат үлкейе түсті. Адам тәрізді. Бері жылжып келеді. Иен даланы кезіп жүрген бұ кім болды екен?!

Сыңғыр-сыңғыр етті бірдеңе. Төрт-бес ешкі екен. Жайылып жүр. Сыңғырлаған — мойындарына ілінген қоңыраулар. Бы-ықа-ықа-ықа!-деді ешкілер.

Бері жылжып келе жатқан қарайған нәрсе адам болып шықты шынымен. Жәй басып келеді, асықпайды. Арқасында арқалаған қабы бар.

Уілдеп құйын жүріп өтті. Шаң-топырақты аспанға көтеріп, ол де кетті өз жолымен. Ал, адам әлі келе жатыр.

Титр.

ПыСы. Артхаустарыңдыссс, дұрыс кино түсірмейсіңдер ма нақ. 2 сағаттан бері не болады деп телміріп отсам.

Бүгін Антальяның орталық стадионында Қазақстан мен Беларусь құрамалары кездеседі. Естеріңе сала кетейін, биыл құрама қатарына Самат Смақов, Давид Лория секілді ардагерлер қайтып оралды. Трансляция болады дегенді естімеппін. Егер ойын телебездірден көрсетеді деген ақпараттарың болса, каментке жазыңдар.

Ермек Тұрсыновтың ЖАТ фильміне бардым. Фильмде ашаршылық жылдары, коллективтендіру, репрессия, соғыс, соғыстан кейінгі өмір суреттеледі. Бас кейіпкер кішкентай кезінен жетім қалып, тауға кетіп, қоғамнан оқшауланатын жігіт. Табиғатпен бір болып, аң аулап, үңгірде өмір сүреді. Яғни, жат, оқшау, жалғыз. Жанашыр достары, махаббаты бар.

Фильмде Тұрсыновтың қолтаңбасы анық сезіледі. Қазақ өмірі, болмысы, тәңіршілік, дыбыстар, табиғат… Операторлық жұмыс, режиссура, дыбыстау, бәрі жақсы. Ал оқиғалар өрбісі, сценарий күткенімнен төмен болды. Орташа деңгейде. Грим де тым қалың болғандай. Әлде Оскарға дайындалған фильм деп аталғаннан кейін көп күтіп қойдым ба?

Фильм басында ашаршылық жылдарында 5 миллиондай қазақ өлді деп анонс беріледі, бірақ бұл анонсты ақтарлық ештеңе байқай алмадым. Тышқан аулап жеп отырған әке мен баланың басқа ауылдарда адам жейтіні туралы айтқаны ғана ма әлде? Фильм жоғары темппен басталып, орта тұсына жетпей темп төмендеп кетіп, көрерменді жалықтырып алады. Сондай-ақ тым ұзақ та. Ұзақ болуымен қатар оқиғалардың бір бірімен байланысы үзік-үзік, әлсіз байланған. Кей жерлерінің тым алшаңқы болуына байланысты көрермен өзі ойлап, құрастырып отырады «осыншама уақыт ішінде не болды екен, әлде бұлай ма екен?» деп. Мысалы бас кейіпкер басында жиі келіп тұратын ауылына, кейін бірнеше жыл жоқ болып кеткен болады, сол кезде қайда болғаны да түсініксіз. Өйткені ол тек аң терісін сату арқылы ғана өзіне қажет нәрселерді алдыртып отыратын. Жылдардың тез өтуі мен оқиғалардың әлі бір кезеңде болуы да адамды ойлантады, қалайша мұндай қысқа мерзімде кейіпкерлер тез ер жетіп кетеді деп. Бас кейіпкерді басында тұлға ретінде қабылдап отырып, кейін қарапайым, өмірде еш мақсаты жоқ адамға айналдыруы да күмілжітті.

Жеке өзім киноны сценарийі бойынша бағалаймын. Фильм көркем, бірақ сценарийін мен алдын ала «оқып» отырғандай болатын болсам мені таң қалдыра алмады деген сөз. Сонысымен ұнамады маған.

Ал, жалпы философиялық мағынасы қызық. Г.Г.Маркестің Жүз жылдық жалғыздығындағы кейіпкерлердің барлығының жалғыз болуы сияқты бұл фильмдегілердің де барлығы жат. Кеңес үкіметінің қазақтардың болмысын өзгерткен жаңа саясаты да, жер аударылған адамдар да, қазақтардың мінезі де, тіпті фильмдегі ерлі-зайыптылар да бір біріне жат. Тек басты кейіпкер ғана жат емес. Ол өзінің болмысымен, негізімен, табиғатымен бірге.

Тұрсыновтың «Келіні» оскарлық фильм еді. Ал, ЖАТ — жат…

Ұлттық Құраманың әр жеңілісінен кейін айтылып жатады ғой «тек қазақтар ойнау керек» деп. Шынымен солай болса қалай болар еді? Қиялдап көреміз бе?

Мен мынадай нұсқа жасап көрдім:



Қақпада: Самат Отарбаев
Қорғаушылар: Данияр Мұқанов, Самат Смақов, Азат Нұрғалиев
Ортада: Асхат Тағыберген, Бауыржан Исламхан, Қайрат Әшірбеков, Нұрбол Жұмасқалиев, Ұлан Қонысбаев
Шабуылда: Дәуренбек Тәжімбетов, Таңат Нөсербаев

Қосалқы құрамда: Алмат Бекбаев, Мұрат Мұқашев, Алдан Балтаев, Исламбек Қуат, Мақсат Байжанов, Асхат Борантаев, Жамбыл Көкеев, Абат Айымбетов, Аслан Дарабаев, Қуаныш Бегалин, Тоқтар Жаңғылышбай

Бас бапкер: Талғат Байсуфинов
Көмекшілер: Ойрат Садуов, Асқар Қожабергенов

Интернет деген негізі көп нәрсеге бәле болды. Жұрт бәрін тауып ала қояды. Талай дизайнердің де қорқынышты түсі. Бүгін Google-дің тағы бір пайдалы қызметін қарастырып көрейік. Оның аты Google Кескін, міндеті сурет тауып беру. Қосымша бір функциясы сұраған суретіңнің оригиналын, үлкен көлемдегесін, ұқсастарынғ, сапалысын тауып беру. Қызықтың бәрі сол кезде басталады. Біреулердің өздерінше оригинал деп, өзіміздікі деп қойған суреттерінің негізгі түп тамырын тауып көттерін аша аласыздар. Мысал үшін біреулердің логотиптерін, кей фирмалардың сайттарында, этикет немесе басқа дизайндарында қолданатын суреттерін қайдан алғанын қарай аласыз. Интернеттегі түрлі «мынау кім?» сипатындағы суретті викториналарға тез жауап таба қоясыз.

Қазақстанның түкпір-түкпірінде өтіп жатқан «домбыра пати» шарасы Шу қаласына да жетті. Ойда жоқта жасалған іс-шара болғандықтан қала белсенділері Шу қаласының құрметсіз азаматы Adiletshu деген кісінің бақшасына жинала салды. Жиналғандары көбі Adiletshu деген кісінің інілері болып шықты. Нақтырақ айтқанда төртеуі.