Қала аумағында орналасқан 6 мыңнан астам бейнебақылау камералары iKomek орталығына ақпарат береді, деп хабарлайды қалалық әкімдіктің ресми сайты.

Әкімдіктің мониторинг және жедел әрекет ету орталығы қалалық бейнебақылау жүйесі арқылы коммуналдық қызметтердің жұмысын онлайн түрде бақылайды.

«IKomek орталығына қала бойынша 6 мыңнан астам бақылау камералары жеткізілді. Камералар сауда орталықтары, мешіттер, ірі аялдамалар, теміржол вокзалдары сияқты қоғамдық орындарды қамтиды. Қаладағы бейнебақылау жүйесі арқылы iKomek орталығының операторлары тәулік бойы мектептер, аулалар мен үй кірмелерін бақылап отырады», – делінген орталық хабарламасында.

Қыс мезгілінде қалалық бейнебақылау жүйесі арқылы операторлар қардан уақытылы тазартылмаған орындарды анықтайды. Осыған орай, қалалық коммуналдық қызметтер дереу олқылықты реттейді.

«Нөлдік толеранттылық» қағидатын басшылыққа ала отырып, iKomek орталығының операторлары рұқсат етілмеген жерлерге қоқыс шығару, көлікті тұраққа дұрыс қоймау, санкцияланбаған қоқыс орындарын анықтау, сондай-ақ көшелер мен аулаларды су басуын және өзге де бұзушылықтарды тіркейді. Камераларды пайдалану құқықбұзушылық деңгейін төмендетуге мүмкіндік береді», – делінген хабарламада.

Астана әкімдігі барлық тұрғын үй-коммуналдық мәселелері, соның ішінде қар мен мұзды тазартуға қатысты өтінімдердің қалалық мониторинг және жедел әрекет ету орталығында тәулік бойы қабылданатындығын еске салады.

Қалалық мониторинг және жедел әрекет ету орталығы келесі әдістер бойынша хабарласуға болады:
Telegram чат-боты t.me/astanaikomek109_bot;
Астана әкімдігінің ресми сайты astana.gov.kz;
Жарияланымдарды әлеуметтік желілерде #astana109 хэштегімен белгілеу:

Facebook www.facebook.com/astana109/
Instagram www.instagram.com/astana109/
Телеграмма арнасы t.me/astana109112.